مساء الخير ع اجمل متابعين اتمنى لكم قراءه ممتعه
🌹🦋 البارت 24 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
مشيت مسافه وجان اتذكر عيب من ابوها مخبرته اني راجع
عيب منه شيكول عليه
اتصلت بي واعتذرت منه كتله صارت شغله عندي ضروريه
واضطريت ارجع
ردت اسلم عليك بس زينب كلتلي نايم محبيت ازعجك
كام يحجي عليه وطلب مني ارجع
كال اخاف زينب غثتك بكلمه
لاوالله عمي بس اكو صديق الي عزيز مسوي حادث وبالمستشفى حاليا
اعتذرت منه وطبكته
اتصلت بابويه وكتله وصلت لو بعدك
لا بعدني
راح ارجع صارت عندي شغله وانجبرت
خير يابه اكو شي
لا ماكو شي بس خطيه ولد صديقي مسوي حادث
اها لعد انتبه للطريق
رجعت وصلت المغرب خابرت جماعتي كتلهم ضايج واريد ارتاح
همه يعرفوني شاريد
رحت كبل للشقه
شربت بس مكثرت محبيت اسكر فرد نوب
اخاف اخربط
خابرني الوالد كتله بالمستشفى شويه واجي
حنان تتصل بيه انطيها رفض
رجعت للبيت سبحت ونمت كبل
كلت لحنان لو شيصير لاتكعديني باجر
نمت لثاني يوم ماادري بنفسي
كعدت يمكن ب3 العصر
كلتلها جهزيلي الغده وجيبي لهنا
صدك جابته بس اني اعصاب صاير
اريدلي حجه بس اتعارك
لكيت المركه مو حاره واني شلون احب البارد
كلبتها للصينيه
اني مو كايلج الف مره مااحب الاكل بارد
ثوله متفتهمين لو تعودتي ع الخدمه
هاي شبيك والله حاميته
اسكتي لتكفريني بالدنيا كلها
تعاي لمي الهوسه واختفي من وجهي
شنو اختفي يعني وين اروح غير غرفتي
اللهم طولج ياروح
تعاي الغرفتج واني الي راح اختفي
دخلت للحمام سبحت ع السريع وطلعت بدلت ورحت يم امي
خطيه صارلي يومين مشايفها
رحت بست راسها
سالتني ع نور
اهووو اني شلون راحت من بالي نور وباجر يبدي دوامها
كتلها جلبت شاسويلها واني جنت مستعجل منتبهت
اخلي حنان تطلب اجازه يومين
طلبت من فاطمه تسويلي غده
كتلها سويلي نواشف
جنت حيل جوعان لان متعشيت بالليل مااشتهيت
اتغديت وصعدت بغرفة زينب
كلت لفاطمه لتكولين لوحش الطاوه اني هنا ولا لاي واحد اريد انام واخذ راحتي
ماتت من الضحك ع وحش الطاوه
كالت مو بعيني تدلل
دخلت للغرفه وقفلتها عليه
اني جذب منعسان هستوني كاعد
اباوع ع الغرفه نزاكه ونظافه وترتيب مو طبيعي
اخذني الفضول افتح كنتورها
فتحته وجان بي اشكال ملابس
مالت طلعه ومالت بيت ومالت نوم
يمكن مالبوسات لحد الان
لكيت شكم تراك رجالي عدها
وبنطرون وتيشرت نازكات
دخت ذني شيسون بكنتورها
فتحت كنتور نور عباره عن معايده مسويته يخبل
وكنتور نظوري كذلك
رحت لميز المرايا
لكيت هواي بي عطور ومكياج
بديت اشم بالعطور
جانن حيل مميزات ومبين عليهن ماركه
لان مجرد ملمستهن بايدي غسلت شكم مره يله اختفى من ايدي
لليوم مشفتها مخليه شي لوجها او عطر قوي ابد
فتحت الجرارات لكيت البوم صور بي
فتحته لكيت صورها من جانت عند اهلها
من جانت صغيره لحد مكبرت
اكو عائليه هي واهلها
واغلبيتهن هي واخوها الله يرحمه
اباوع عليها شلون جانت وهسه شلون
حيل متغيره
اكيد الشافته مو هين
بدون حجاب كارثه تخبل طالعه
اباوع ع لبسها بره البيت اكو شكم صوره
لابسه بنطرون وقميص لو تنوره قصيره وياها بوت
يعني النزاكه واضح عليها
اباوع ع الغرفه واكول هم يجي يوم وانام وياها بنفس الغرفه
اني مشكلتي وقت مااعصب افقد
مااعرف شاحجي وشاتصرف
هواي اذيتها بالحجي
ودائما اخربط بالحجي
حقها من متصعد وياي
كلت بعد مااوديها لاهلها ولا عليه بيها
كلت خلي شكم يوم واخلي ابوي يجيبها
بعدين نزلت واتعشيت ورحت لغرفتي
ثاني يوم الاحد داومت ورجعت
وجان انصدم بنور بالبيت
اجتي بوستني
كتلها منو جابكم
كالت جدو وابنه
استغربت معقوله ابوها جايبها
زين ابنه مو
صاعده وي سايق غريب غير اكلب الدنيا
زين ليش ماعندي علم
بعدني بملابس العسكريه صعدت
فتحت الباب ودخلت
اتفاجأت بيه
كتله منو جابكم
اجيت وي عمو
شنو عيدي الكلتي
وي عمو اجيت
هذا ياعم منهم
عمو اخو بابا
عيوني صارن بكصتي
ضربتها لج انت شنو من بشر تصعدين وي الغربه
وي رجلج تستنكفين
حيدر ياغربه اكولك عمو
زينب : غسلت المواعين وساعدت ماما
بعدها راحوا همزين خل نفتك
رحت سبحت وامنت حيدر راح
دخلت للاستقبال حتى ارتبه
ذني كلمن طلعتلها حجه
واعتذرن بقيت بوحدي
شلت البطانيه وانصدمت بي
مرايح شنو معقوله راح يبات هنا
اكيد راح يحرجني
كلي راح يبات اني ضجت اريد اخذ راحتي وي اخوتي وي اهلي
البس الي يعجبني
بس هم عيب اطرده
طلب مني اغسل ملابسه
امي اكلت كلبي وكالت لبابا لان حجيت ويا ع الخبز
وكلتله زعلان متغده
كلي حمي الاكل ودخلي للولد عيب منه
كلت لبابا جنت اتشاقه ويا
كلي لازم تخلي ياكل عيب منه
غسلت ملابسه وكويتهن وحميت الاكل
بس شنو حيل خجلانه منه بلبسي هذا
صفنت مترهم البس غيرهن وهنه اصلا لبسي كله هيج
اخاف ماما تبقى تتحقق ويايه
دخلت بس رفض ياكل بعده زعلان
كلي له تاكلين ويايه
اني بعدني مماكله لهسه
بس لو يموت مااكل ويا
بعدين راد ينام
شيخلصني من ماما وبابا
كعدت اكل ويا
رغم ماجوعانه بس من اول لكمه شبعت
كوه كدرت اكل لكمتين
هو انتبهت علي اكل لمن شبع
يعني ابد متقيد من عدنه
طلب مني اروح ويا للمولات
اخر شي افكر اصعد ويا
مقبلت ورفضت بكل هدوء
وطلعت
بعدين دخل يمه بابا
البنات ملتهيات
من اجي هنا لاهلي اكثر شي يريحني
ابني انساه
مااعرفه وين موين
من ايد لايد
هنه يبدلن اله ويوكلنه
ونور كذلك
نور ورقاوي عبالك توم يلعبن سويه وياكلن سويه
اجه بابا كلي جهزي نفسج انت واخواتج حتى يطلعكم رجلج
كتله مااكدر بابا لان تعبانه
كلي معليه اني ذاك رجلج واحجي ويا
صدكت عصبت منه يعني شنو معناها يريد يحرجني كدام اهلي
حجيت ويا وفوخت كلبي
بده يحجي هو الي بكلبه
عباله مااعرف نواياه
جان يستنكف مني يصعدني بصفه لان فقيره
بس هسه لا
بس متوقعت يعوفني ويروح
اخذ السويج وزعل مااعرف لوين راح
حيل فرحت حتى ماانحرج اكثر
وين ينام اني وين
اعرف بماما متخليني اعوفه بوحده وانام يم البنات
بس بقت مشكله
اهلي شراح اكلهم
سالوني كتلهم خابروا ع شغل مهم مااعرف شنو
وطلع مستعجل
راد يسلم عليك بس عبالي نايم بابا
كامو يحجون عليه اكيد زعلتي منج
بعدني محاجيه وجان يخابر ابويه
لزمني كلبي خاف يحجي شي
كال هذا هو والله اذا طلعتي مزعلته ازعل وياج
فتح خط وفتح الحاكيه
نفس عذري هو اعتذر
الف حمد الك يارب
رجع الدم بوجهي
بس بقيت بقلق ق
ها اخاف يخابر ويحجي
ها اخاف يرجع
بعدين صفنت نور مااخذها ويا
ع اساس ياخذها الاحد عدها دوام
عفتها شاسويلها وهي هم خطيه مترهم بدوني
بدوا اهلي يتحققون ويايه ع زواجه الثاني
وليش مو اني بالبيت مالته
حرت شاكول
كتلهم اني جنت بالبيت بس من اتزوج زعلت واجيتكم
وبابا ضربني ورجعت
بس رحت يم بيت عمو احسن
وعلاقتج بي شلونها
زينه واتصالحنه
زين ليش اتزوج
مااعرف فجاه اتزوج
زين ليش محجيتي
ماردت اقلقكم ابد
بقت ماما تحجي عليه
بس بابا سكتها كللها الشرع حلل اربع
انت شني هيج تحجين وياها
رنا خطيه ملتهيه بس تقره تكول حيل صعب الطب وخاصه مادة التشريح
بعدين سولف بابا
كال قبل ليموتون اهلي كاتبين وصيه
بيت بمنطقة الفلانيه باسمي
والسياره العاليه مالت ابويه هم الي
وباقي الاملاك تتقسم بالتساوي علينه
بيت جدوا هم معروفين وعدهم املاك هواي
كال البيت والسياره ك تعويض الي
ومحاولين يلكولي اثر ماكو
لان طالبين يشوفوني قبل لايموتون
بس تعرفون محد يندل بيتنه
ماما كامت تبجي
كالت بدون سيوفي بعد متسوه الاملاك والفلوس
اني من هسه اكلك ماالي نفس باي شي
جنه بامس الحاجه الهم وهم اتبروا منك
مات سيوفي من وره العوز
لو جان عدنه جان معطلنا وبسرعه عالجنا
كال بابا اني تعبت من الغربه
والبنات ماعدهم اخو يسندهن
ع الاقل اولاد عمهن بمثابة اخوه الهن
ماما سكتت
كال بابا شوفوا شتختارون
تحبن ننتقل هناك بنص اهلنه
الغربه كتلتنه وانتن تعرفن محد وكف ويانه
واني انقل وانتن انقلجن همين
لو تردن ابيع ذاك البيت ونبقى هنا
كلتله ماما بكيفك انت
لان ع حجايتك تعبنه ماعدنه احد هنا
وانت عندك بنات مانعرف شيصير ميصير
منو الهن
البنات عارضن كلهن
كالن متعودين هنا وصديقاتنه
بقه بابا حاير
كتله اترك موضوعهن عليه
فعلا كعدت وياهن وحجيت
كتلهن والله محد يحترمجن اذا ماعدجن احد يوكف وياجن
هناك عمامنه الهم صيتهم والهم مكانتهم
الناس تكوم تحسب الف حساب الجن
ولجن ناس معروفين ولد عمامنه
الي دكتور والي صيدلاني
والي معلم والي مهندس
ع الاقل اذا تزوجتن تتباهن بيهم كدام ازواجن
ولجن مو مهم الصديقات
المهم راحة بابا خطيه تعب
وماعنده احد هنا
وشوفة عينجن اتبهذل خطيه
بلكي الله يفتحها بوجها ويرجع من جديد يوكف ع حيله
وخل يكون بعلمجن
البيت بارقى منطقه
سامعه من فاطمه تكول بس الطاكين يسكنون بهيج مكان
وتصيرن قريبات عليه
يوميه نتشاوف لو اجيكم لو تجوني
والاهم من كلشي راح تكونن بنص اهلنه واقاربنا
بقيت احجي هواي واخر شي اقتنعن
كتلهن الصديقات بكل مكان
راح تصادقن ويبقن ذني تتواصلن وياهن
عدجن فيس فايبر واتساب واشكال البرامج
كالن خلص بس نخلص السنه وبالعطله ننتقل
رحت كلت لبابا وحيل فرح
كال بابا اني لازم مرجعي لاهلي ولاخواني
ع مودجن انتن
ماعدجن احد بعدي
بس اموت الدنيه متتامن
الناس مترحمج تاكلجن الك والله
كتله عمرك طويل ان شاء الله لتحجي هيج
ثاني يوم السبت
اخذ جهازي نظوري وميعرف ذبه بالمي
وماادري بي لمن شبع مي
طلعته ميفيد بي شي لان اكيد متنكع
فتحت البطاريه وطلعت السيم كارت ونشفته
وخليته بس ابد ميشتغل
كال بابا خل اخذه الج اصلحه
مقبلت كتله ميسوه هو تعبان وقديم
بس ارجع اخلي حيدر يجيبلي جهاز جديد
هو صدك شالع كلبي ويشكل من زمان
كلت انطي لامير فلوس واخلي ياخذلي جهاز
للعصر اجوي بيت عمو هو وابنه الغثه الي اسمه علي وياهم عمه الي هي اخت بابا
هذا ابنه ابد مو راحه ولا حسيت بالطمأنينه من ناحيته
استغربنه من جيتهم
كال اصرت ام احمد يقصد عمه اله تجي وتسلم عليكم
الي عرفته هذا ابن عمو متزوج وعنده اطفال
سوينالهم عشه وباتو يمنه
عمه بس تبوس بينه وتبجي
وجانت مرحه حيل وغيرنه جو وياها
للصبح سوينه الريوك وقررو يرحون
حاول وياهم بابا يبقون مقبلوا
سالتني عمه ع نور كالت ماعدها دوام
لا عدها يجوز اخابر ابوها يجيني العصر ياخذني
هيج حجيتها ماالي قصد
جان تكول روحي ويانه احنه ناخذج عليمن تخابرين الولد ويجيج
هي السياره فارغه
اني تردد بالبدايه
كتلها لا يجي احسن
بس بابا كال خطيه البنيه تروح عليها دروس وشفتيها شلون متلهفه للمدرسه
وتكلفين الولد وعنده دوام خطيه
فكرت كلت مابيها شي خل اروح وهي عمه ويايه
بس اخاف حيدر يسويلي سالفه
ردت اخابره بس اتذكرت جهازي عاطل
كلت لبابا اتصل بحيدر وخبره اخاف ميقبل
اتصل بي بس كال مقفول
هذا الحجي ب7 ونص
قررت ارجع احسن ع مود نور
وهم ماابقه حايره منو اليجيني اخاف ميقبل يجيني هو لو اله اصعد بالصدر
كعدت يم عمه ومنطقت ولا بحرف
كالت شعجب لابسه عبايه وبوشيه
كتلها زوجي لبسني ميقبل احد يشوف وجهي
حجه ابن عمو
كال يابه حقه هاي لو انت عندي مااطلعج من الباب لو مو لابسه بوشيه
ومااخلي حتى الهوى يعبر عليج
ياسبحان الله ابد ماارتاح اله هذا الشخص
واحسه غثه
كلتله عمه ماتشوف الله انطاك وحده زركه مثلك
حتى متظلم بنات العالم
كام يضحك كللها عمه الله ويدج بلكي تشوفيلي وحده بجمال زنوبه
يمكن ابقه اعبدها عباده
انجب ولك ابقه ع الزركه احسن الك
وينك وين جروخك التاخذك ع شنو
ع وضيفتك ع جمالك ع صخام وجهك
حيل خوش قصفته
كلي اي زينب شلون الضابط المغرور وياج
معيشني عيشه ولا بالاحلام
مدللني دلال
اي مبين وواضح من زواجه من المعلمه
اي عادي مبيها شي الشرع محلل اربعه
بس المفروض العنده هيج جوهره ميباوع ع غيرها
كتله اني راضيه ومتزوج اله بموافقتي
اي مضبوط
عمو كله هسه انت شعليك بيهم سوق واسكت
كال عبالي موزين وياها حتى اراوي حجمه الحقيقي
مجاوبته بعد مابيه حيل تفاهاته
كالت عمه ناخذج ويانه اليوم وتتغدين وبعدين نوديج
لاعمه فدوه مااكدر زوجي ماعنده علم ومااكدر اطلع لمكان بدون علمه
حجه الغثه هيج تخافين منه
ليغرج ضابط
اشاره مني امحي من الوجود
هاي شبيك انت
اني شاكيتلك منه حاجيه شي عليه
هو زوجي وابو جهالي والاهم من هذا كله حبيبي
سكت بعد منطق
عمو رزله رزاله تسوه عمره وحياته
وصلنه وجلبت بيهم يدخلون مقبلو
بس عمه جلبت بيها
كالت خل اسلم ع عمتج واطلع
فعلا دكينه الجرس وطلعت خاله اليوم دوامها ظهري
سلمت عليها عمه ومقبلت تدخل راحت بسرعه
فرحت خاله كالت شنو هالمفاجئه
كتلها خاله خطيه نور عدها دوام مااكدر اخليها تغيب
حيل فرحت
بدلت ونيمت ابني ونزلت وي خاله اساعدها
بس لكيت الاكل مجهزته
وراها راحت للدوام
اجه عمو وهم فرح بجيتنه
فاطمه انصدمت ولج شجابج وليش ماادري اني
فهمتها ليش اجيت ومنو جابني
الصراحه اكو خوف بداخلي
اذا عرف حيدر جايه وي عمو اخاف يعصب
بس اني ممسويه شي غلط اجيت وي عمه وعمو
نظوري راح وي فاطمه هو ونور
اني كاعد اغير الفرشات مالت الاطفال
انفتح الباب انصدمت بحيدر
بعده بملابسه العسكريه وعيونه تجدح نار
عرفته معصب
سالته وبعدني مشارحتله شي عصب وضربني
بعدين سالني
هذا ابن عمج السكط الي اخذ الفون من ايدج وياكم
اي بس
قاطعني
ظربني لج كلبه حقيره منو سمحلج تجين وياهم
انطيني مهله خل اشرحلك وافهمك الموضوع
شتشرحيلي بنت الكلب
متعرفين تتصلين بيه
والله جهازك مغلق
بده يضربني وفقد ويايه
حيل اذاني بس منطاني فرصه احجي ويا
اسمعيني زين اذا جبتي طاري عمامج اذبحج والله
وبعد روحه لاهلج ممنوع افتهمتي لو لا
لان انت الظاهر انطيتج مجال اكثر من اللازم
كلت بكلبي هذا يامجال
روح شوف مرتك حنان
الي تلبس اشكال واللوان
وسوالف وضحك وي اخوتك
ومكياج من تطلع
وللدوام تمشي دائما بتكسي بوحدها
ولا تحجي وياها
هاي بس كدرتك عليه
عافني وطلع
اباوع ع وجهي احمر دم
واثر اصابيعه بخدي
وحده من عيني طاحت بيها ضربه
ياالله شكد اكرها واحقد علي
اتمنى من الله ميخليني اضعف بيوم امامه
اجتي فاطمه وشافت وجهي
يا عزه هاي شبيج
شبيه يعني هو اكو غير هذا اخوج المخبل
اشو كلشي ممنوع عليه
وهو اني اصلا ممعتبرني زوجته
واللي معتبرها زوجته لاعبه جوله ولا يحاجيها
كالت هاي عليمن هيج سوه
لان اجيت وي بيت عمو
بدون علمه
انشلت ايده ان شاء الله خل يولي
اله اكل لبابا علي
لا خلي يولي معليه بي
نمت اني وابني للمغرب يله كعدت
شفت وجهي الاصابع مبينه
وعيني زركه
شلون راح انزل ماادري
والله عيب كدامهم
رحت لغرفة فاطمه كتلها شلون انزل
كالت تعاي خل اخليلج خافي العيوب ومكياج حتى ميبين شي
فعلا خليت بس عيني بقت زركه
كالت خلي كحل خل شويه يخف
لا عفيه خليني هيج لا يزورك عيني الثانيه
كامت تضحك
نزلت صليت والتهينه بالعشه
زهراء ويانه ورسل اخر شي اجت مرت المغرور
لمن كملنه
سالت زهراء كتلها هم كاعد تعانين بالدراسه
اي لعد شلون يشوي شوي الطب
خطيه اختي ولاجنها عدها عطله بس تقره
هاي لان اول سنه صعبه حيل عليها
بعدها راح تكون ابسط شويه عليها
منا ورايح ابقي بس اقري اني اشتغل نيابه عنج
لمن تخلصين وتتخرجين يله
حنان وجت وانطفت
كلتلي حبيبتي مشكوره متقصرين
اني هم اضوج بس اقره
حلوه المساعده واللمه
فاطمه كالت اكو خيانه بالموضوع
لج ولامره كتيلي روحي اقري خطيه عندج امتحان
لج مو انت طب اسنان اهون من طب بشري
وان يكن هم حيل صعب والله
ولا يهمج هم اكعدي واسكتي
ضحكت هنا الحجي الحلو
فديتها لمرت اخويه الطيوبه
حنان ذابته ع الصامت
رسل كلتلي مناويه تكملين انت
يجوز معدلج يقبلج طب
لا اني مااحب الطب
احب الصيدله
اشوفها احلى وانزك للبنيه
والله زين تسوين احسن بهواي
والله اني تندمت ع الطب حيل صعب
بس تعرفين الي مثلي متزوجه وعندها مسؤليه واطفال صعبه عليها الطب
لعد تنقبلين وانت مغمضه
الله كريم
حنان كالت هاي عينج شبيها زركه
احد ضاربج بعينج
كلتلها فاطمه اني مساع بايدي ضربتها بدون قصد
ها عبالي ضربه
وهذا منو اليتجرئ ويضربها
سكتت
كملنه صاحو الولد
والكل اتجمع ع الاكل اني سحبت نفسي ورحت للمطبخ
بعد محد يحجي ويايه عرفوا طبعي
اكلنه اني ونور ونظوري
كملت اول وحده وحضرت الجاي
غسلت لابني وبعدها نور هم كملت وغسلت
كتلها فرشي اسنانج
حتى انيمج من وكت لان باجر لازم اداومين
كالت حاضر ماما
الاكل بالصاله
بس الجاي يجون هنا يشربونه بالمطبخ
اجه الغثه اول واحد
قبل ليحجي شي صبيتله الجاي وانطيتهيا
هاي شمخليه لوجهج
خافي عيوب
وليش عود حتى اطلعين بيضه اكثر
لا حتى اخفي اثر اصابيعك
سكت اخذ الجاي ودخل للصاله
كالن المواعين حنان تغسلهن
اخاف رجلها يسويله سالفه
خل اغسلهن واسكت
بقن يحجن عليه
كتلهن بكلبي ماتدرن شيسوي بيه
غسلتهن هنه ميسون والله الواحد يتلها بيهن
بس كملت اخذت الجهال وصعدت
طلبت من فاطمه تكلف امير يجيبلي جهاز
وانطيتها فلوس
كالت مقبل ياخذ
لعد ليجيب والله مااخذه
رجعتله مره لخ
كالت كوه اخذهن الفلوس
ثاني يوم سالني ليش جهازج مغلق
لان جهازي عاطل
شبي
نظوري ذبه بالمي
وليش محجيتي حتى اجيبلج جهاز
ماكو داعي مااحب اتعبك وياي
بهالاثناء اجه امير
وجاب ويا الجهاز
كلي هاج هذا الجهاز
وذني 15 زادن من الفلوس
حسيت بي عيونه حمر بس محجه
كتله شكرا
تدللين
صعدت لفوك
صعد ورايه
ليش توصين امير
ليكون امير رجلج واني ماادري
هذا الحجي كام يكسر بغراض الغرفه
احجي ولج
ليش حابه تستفزيني
بس صدكي اذا انغثيت اراويج وجهي الحقيقي
انطيني الجهاز
اخذه مني وكام يركع بي بالحايط وبالكاع كسره تكسر
ليش لاغيتني من الوجود
لان انت اساسا من يوم الي تزوجنه لاغيني من الوجود وممعتبرني زوجه الك مجرد خدامه ومربيه لو نسيت
واني هم لاغيتك ومحاسبتك اكثر من ابو لجهالي ولا راح احسبك زوجي بيوم
بعيني يعني حابه اتقرب عليج حتى تعتبريني زوجج
بده يتقرب بس احس عيونه حمر تجدح
اول مره اخاف منه
مااحب يتقرب عليه ابد
مااريد اعتبرك زوجي
كارهته حيل
كتله لتنسى الاتفاق بيوم التلمسني اطلك منك والله
كفر بالله
لج انت جاي تمشين حجيج عليه
مااطلكج لو تموتين اله اخذ ابني منج يله اطلكج
وهسه حاب اريحج حتى ادور تحسبيلي الف حساب
وتحسبين زوج الج
بده ينزع بقميصه
لتتهور ابو نور رجاءآ
ولاكانو حسيت بي انسان ثاني
هواي استفزيتيني وهواي هنتيني ولاغيتني من الوجود
اجه الوقت الي اخليله حد عنادج هذا
والله بعد مااعاند
والقران التريده اسوي الك بس لتتقرب عليه
ولاكانو نيمني ع الجربايه
وجان .......
توقعاتكم حبايبي راح يتهور حيدر لو لا
راح يتقرب عليها لو يغير رايه
لتنسون التصويت اذا عجبتكم القصه
تحياتي للجميع 😘😘😘😘
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!