مساء الخير ع اجمل متابعين اتمنى لكم قراءه ممتعه
🌹🦋 البارت 23 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
هواي دكيت وماكو جواب
وجان نوصل
بس كلبي نار
اني لو ماخذه حجي حيدر وجايه قبل وقت
كال حيدر اذا ممسوين هواي اكل نجيب من بره ع السريع
كلي بس اتاكده وكليلي
اوك
دخلنه وطلع بابا الحمد لله ماكو شي
كتله ليش متجاوب
كال والله جنت ملتهي ورحت للسوك
استقبل عمامي ودخلهم
اني رحت كبل للمطبخ
خطيه اخواتي اخذن منتظر مني
ردت اساعدهن
كالت ماما مجهزين كلشي
كتلها ماما عددهم هواي
كالت مو مهم حاسبين حسابنه
شسويتو
كالت ابوج جاب خروف وسوينا محشي
الريحه تخبل
كتلها شلون لحكتو ومن شوكت خليتو بالفرن
كالت من الليل جهزنه الدولمه والتمن مالت الحشو
والخروف من البارحه الصبح خلينا بالتتبيله
وره الصلاه لفينا بالسيلفون وع نار هادئه ولهسه بعده
لان جبير الخروف
اني نزعت العبايه والحجاب همين
امنت بعد محد يدخل
جنت مسويه شعري ضفيره صفح
اجه بابا كال صبوا الجاي
ماما مسويته
حمينا وكاعد اخلي شكر
دخل بابا كل لماما هذا حيدر راح يدخل البسي حجابج
وخبري البنات يلبسن همين
يريد يسلم عليكم
ماما طلعت تلبس الحجاب
اني طفرت ردت البس حجابي
كلي بابا هاي شبيج حيدر زوجج لتتوهمين مو ابن عمج
يبووو هاي شلون مشكله
كله ادخل بابا
كام يضحك بابا كله مرتك طفرت تريد تلبس حجابها
كام يضحك حيدر
كلي يجوز عبالها حيدر ابن عمها
اني هم هيج كلتلها
كصني كص من فوك لجوه يباوعلي
عافنه بابا وطلع
كلي اتصرفي طبيعي كدامهم لتجيبين الشبها لنفسج
كلي طابخين هواي لو لا
كتله اي هواي وزياده
الحمد لله
بس مو كتلج خبريني
نسيت والله
ياالله شلون هيج راح ابقى والله استحي
صبيتله الجاي اخذه وره شويه رجع دك الباب
سلم ع ماما
كلي صبي بعد بس 10
صبيت وهم اخذه
وراها رجع
اني وماما بدينه نجهز بالطرشي والزلاطه
لكيتها مسويه مرك باميا مجمده
لان بوقتها بعدهي منازله
وسوب دجاج
كال خاله محتاجه مساعده
كلتله بس صيح عمك ابو سيف
صاحه واجه
كلتله ماما يله شغل الحطب حتى نشوي السمك
كله حيدر دليني بي واني اسويهن
وروح انت اكعد
لاعمي مااريد اتعبك
لاعمي تعبك راحه
كلي بابا روحي ويا انت واشويهن وره البيت مجهز كلشي اني
رحنه وره البيت واخذنه السمك ويانه والتتبيله
كتله خليني اني اسويهن اخاف ملابسك تتلف من الريحه والدهن
عادي مو مشكله اخلص واغسليهن واكويهن فد مصيبه
سكتت بده شعل الحطب لمن صار فحم خلينه السمك بالطباكه الخاصه وسطرناهن 5 جانن
شغلنه المروحه بس ع البطيئ
جبتله كرسي وكعد
كتله اني اسفه خليتك تنجبر تدخل بيتنه
واني متاكده مو كد مقامك
وملابسك راح تتلف
زينب اسكتي لخاطر ربج
لتخليني اكوم واشككهن الملابس كدامج
كتلج ماكو مشكله
كتله راح ابدل وارجع
ليش شبيهن ملابسج
اخاف اساعد ماما بالخبز
شنو راح تخبزون بالبيت
اي
اها لعد روحي بس اوصيج هم ردن وحجاب اخاف احد يدخل للمطبخ
كلت بكلبي منيلي يحسره ردن وطويله
اذا هنه دشاديش اصلا ماعندي
كله فساتين قصيره مالت بيت
وبرمودات وتراكات
رحت وحايره شالبس
طلبت من ماما دشداشه منها
كالت ليش ماكو غريب
مو اخاف ولد عمو يدخلون لو عمامي
كالت ع راحتج روحي اخذي من الكنتور
طبعا ماما لهسه لابسه اسود ع سيوفي
هواي حاولنه وياها تنزعه مقبلت ابد
طلعت دشاديش ماما القديمات بس هم كلهن نص ردن والوانهن شبابيه
لان ماما جانت تلبس ويانه حتى تراكات وبرموده
طلعت دشداشه عود اهون وحده لونها وردي
طويله بس ربع ردن
ومو مخصره زينه عليه الحمد لله
كلت الماما خلي نخبز
كالت روحي وي حيدر خطيه وبعدين نخبز
رحت يمه هم كام يباوع عليه من فوك لجوه
كتله قبل لتحجي والله احسن وحده بملابس ماما هاي
هو اني شحجيت هسه
اخاف تعترض وتكلي البسي غيرها
لعد دشاديشج وين
بالبيت ابد مااجيب ويايه من اجي لاهلي
ليش عود
حتى يزفني ماما واخواتي بس يضحكن عليه
ليش شبيهن ملابسج
مبيهن شي بس جنهن ملابس بيبي والله
لعد هنا شتلبسين
البس نفس لبسي القديم قبل لا اتزوج
مثل شنو
تراكات وبرمودات ودشاديش قصيره
وهسه ليش هيج لبستي اخاف يشكون اهلج
لا اطمأن كلت لماما اخاف احد يدخل من ولد عمو
عفيه عليج بالجذب محد يلحكج
كلي جهزي التتبيله
ممكن سؤال
اي اتفضلي
وين تعرف هيج تشوي
مو دائما جنه نطلع سفرات ونشوي هناك
الاكل جاهز
اي بس الخبز
لمن نخلص نروح نخبز اني وماما
شنو تعرفين تخبزين
اي اعرف
حلو لعد هنياله الماخذج
بكلشي انت توب
بالطبخ والحلويات والترتيب والهدوء وهسه راح تخبزين ونشوف خبزج
هسه هو قابل راضي عليه
يدورله زله عليه حتى يهيني ويذلني
لعد هذا شكد مطفي وميعرف قيمتج
بس امني منا ورايح راح املص اذاناته حتى يصير زين وياج
اني مااريده يصير زين ويايه
اريده بس يفك ياخه عني
بس هم الله يعينه الماخذج بس ع عنادج المو طبيعي
بكلبي اكول منك من الشيطان تمدح بيه
خلينه التتبيله وطفينه المروحه وبعد السمك شويه عن النار
كال بعد ابد ميهمهن شوكت منريد نلكيهن جاهزات
اخاف يحتركن
لا معليهن
بس صيحي وحده من البنات تراقبهن اخاف تجي بزونه
اريد اروح وياج اشوفج شلون تخبزين
يبووو عليه اليوم مدري شبي حيدر
شلون راح اكدر اخبز كباله مااعرف
رحت صحت رقاوي اجتي هي ونور
حيل مندمجات سويه
سلمت ع حيدر
انصدمت من كللها هلو رقاوي
مااعرف منين يعرف اسمها
شلونج وي الاول
زينه
حتى يعرفها بيا صف
كعدناها يم السمك
رحنه لماما
كالت خل نوخر السيلفون من الخروف حتى نحمره
اجه حيدر وكوه طلعه من الفرن
وخرنه السيلفون وجان مستوي يخبل صاير حتى متحمر ميحتاج
بس ماما كالت لا بعد يحتاج
خليناله دبس الرمان ع الوجه ورجعنا للفرن بس ع اهدء شي
حيل نصت ماما النار
كلي اكول عليمن طالعه زينب فنانه بالطبخ
اكيد طالعه عليج خاله
كلتله اني لاشيء بالنسبه لزنوبه
لا ماما انت الاصل واني الفرع
والله اني لاشيء بالنسبه الج
كالت ماما بعد شوي زوجج راح يحكم ع الطبخ
منو الاطيب
كال اوك
اجني رنا وتبارك سلمن ع حيدر
وين نظوري
نام خطيه
بدلتله لو بقه بملابسه
لا شنو القصه بدلناله ووكلنا
كال حيدر نسيت شغله بالسياره
راح واجه انطاهن علاكة الحلويات كال هاج خاله هاي للبنات
كلتله ماما لويش زحمت نفسك والله البنات ميحبنهن ومسويات رجيم
ميخالف اكليهن انت وعمي
اخذتهن ماما
رحنه نخبز
اشو هذا كابلنه صدك
كتلها ماما لويش مجبتو من الخباز ولا هالدوخه
ابوج مقبل كال عيب لازم خبز بيت
حيدر كال لماما
تعرفين صارلي شكثر مماكل خبز بيت
شكثر
يمكن خمس سنوات
حيل شعجب محد يخبز عدكم
امي جانت تخبز بس تعرفين دوام عدها وصحتها مو هالكد
كمنه نجيب من الخباز
بدت ماما تخبز واني اشلع الخبز بس بماشا مااعرف بيدي
بعدين كلت لماما خل اكمل وروحي وي البنات كملي التجهيزات
مقبلت بس اصريت عليها
خطيه ابد متهون بيه
واني كلت تعبت بالطبخ والتجهيزات
هذا كاعد ياكل خبز خالي
كتله مو راح نصب غده اخاف متشتهي بعد
لتخافين عليه اكل وماافوت الفرصه مني ابد
خبزت وجان يقلد عليه
طلعتي صدك تقليد مو اصلي
هاي انغشيت بيج حرامات
متعرفين تخبزين
طلعت اول خبزه اليه
كال خلي اكل منها واشوفها طيبه لا
اني ذبيتها ع الصامت
اكل الخبزه جان يكول
والله اطيب خبزه ماكلها بعمري وحياتي
لا عيني طلعتي اصلي مو تقليد
هنياله زوجج عليج
اكيد مدللته بالاكل والخبز والحلويات
سكتت اكل خبزتين وراد ياكل الثالثه
اني هنا فار دمي 😤😤😤😤
ضربته ع ايده خفيف ووخرت الخبزه من ايده
راح يخلص الخبز من وراك شراح ننطي للعالم
لكيته صافن بوجهي
لج تضربيني ع مود خبزه
مااريد بعد وحتى كلشي مااريد اكل
قحط خبز 😏😏😏
عافني ودخل
يبووو عليه شكد عيب منه والله فشله
هسه اني شحجاني
لو تدري بيه ماما جان لعبت جوله
كملت بعد مطلعت روحي
هواي عاجنه ماما
اذن الظهر
بدينه نصب
صبينه بصينيه جبيره التمن وفوكاه حشو وخلينه الخروف بالنص
والدولمه داير مدايره رتبناها
طلع شكلها يخبش ويشهي مثل 👇
صبينه المرك والسوب
والدجاج لكيت ماما مكليته صبينه تمن ابيض وخلينا فوكاه مثل 👇
وحيدر جاب السمك وجان المنظر يخبل شكلناهن كل وحده شكل مثل 👇
هيج وحده 👇
هيجوحده 👇
وهيج وحده 👇
اخر وحده عفناها خاليه
هذا الحجي كل وحده اتكلفت سمكه
لكيت حيدر فاك حلكه علينه 😲😲😲
بده ياخذ الاكل واجه بابا يساعده
جهزنه الفواكه والحلويات
ع النص اجه حيدر كال تعبت والله ويضحك
المكان بعد ميكفي
عبالي صدك
كتله يا ماما شلون بالبقيه
كال انطيني انت مو الواحد لازم يشاقه وياج
اجذب عليج
كمل كلشي بقه بس المي واللبن والخضره
المي جايبين كاسات واللبن ابطاله زغار
اخذهن وراح
وره شويه رجع
خاله عاشت ايدج من صدك
الكل مصدوم من المنظر
والله نرفع راسكم كدامهم
كتله ليش مااكلت وياهم
كال مو اخاف اخلص الاكل مثل الخبز
ومااخليهم ياكلون
بس لا يحجي كدام ماما
وهذا سواها صدك وزعل
كلتله ماما شبي الخبز
كللها اكلت خبزه وردت اكل الثانيه ضربتني ع ايدي وطردتني
كالت كملت خبز الخطار
هذا مو الك خبزنا
عزه شكد يجذب
كلتلي ماما صدك هيج حاجيه ويا
لا والله ماما جذاب
اسمعي وفوكاها تحجيها بوجهي وتكلي جذاب
خل تولي معليك بيها انت الاهم اكيد
ذولاك العالم مو مهمين
تقصد بيت عمو
كللها شكرا خاله هذا من طيبج واصلج
روح خاله اتغده معليك بيها هاي مخبله اكيد
هاي شنو ماما طلعتيني مخبله
اسكتي خل يجي ابوج واعلمج
متستحين هيج تحجين وي زوجج
ياخاله انت اشايفه واشايفه منها
لو اسولفلج عليها يمكن تذبحيها ع القبله
يا عزه هذا شيقصد بس لا راح يسولفلها
شمسويه وياك
بعدين اسولفلج
روح اتغده ومعليك بيها
لا هالمره حاب اجرب اكل المطبخ مثل بعض الناس
بس لا يحجي هذا كلشي لاهلي
بعدين كام
خل اشوفهم اخاف محتاجين شي
حيدر : حيل جنت خايف اخاف مطابخين هواي
لو اكل بسيط
لان حالتهم مو هالكد
حبيت ينرفع راسهم كدام ذوله الناس
حسيت بيهم يمسوني حيل
من خابرتهم زينب ومجاوبوا حيل خفت وقلقت
بس من وصلنه واستقبلنه ابوها ارتاحيت
عبالي بيهم شي
كمت كلت خل اساعده وبصفتي نسيبهم محد يعرف بينه اني وزينب
كلت لازم اتصرف طبيعي كدام الكل
دخلت للمطبخ وجان اشوفها مثل الغزال كبالي
تخبل بدون حجاب
اكثر شي شدني الها ضفيرتها
حيل طويل شعرها وعبالك مصبوغ
كال ابوها رادت تلبس الحجاب
عرفتها راح تنجبر تذبه بس متكدر تبقى بي
اخذت الجاي
بدوا يسولفون ويحجون
الشباب الوياهم 7 من ضمنهم السكط الي يباوع ع عرضه
الي عرفته اسمه علي
اترخصت وكمت
كلت خل اشوف شطابخين
حتى اذا ميكفي اجيب جاهز بدون ميدرون
دخلت طبعا البيت بي ريحه تسطر سطر
ودخت بيها مااعرف من شنو
سالتها لزينب كالت هواي ويكفي
الحمد لله
بس متوقعت ابد هيج طابخين ومسوين
انصدمت من شفت الخروف وشلون محشياته
بالنسبه للسمج اني محد يلحكني بي اذا ع الفحم
دائما نطلع للصيد سفرات
ونشوي اني اتكلفه
حسيت بنفسي قريب عليهم لدرجه كانو ابنهم
احساسي جان جميل ومينوصف
طبعا اعرف اخواتها وحده وحده اسمائهن وكلمن بيا صف
طبعا هاي المعلومات من نور
الهدوء الي شايلاته مو طبيعي
جهزت الفحم وخليت السمج
بعدها راحت بدلت
اول مره اشوفها لابسه ربع ردن
واللون حيل لايك عليها
بس ضجت من كالت جني لبس بيبي
فعلا هواي ضلمتها ويايه
اكيد هنا لبسها غير هناك
لازم بعد مااضايقها باللبس
هاي حنان لو شتلبس مااحاسبها
بس زينب غير
احس اشتعل واضوج اذا لبست شي مثير
مااعرف لان حلوه وبيضه لو غير شي
كالت راح اخبز
هو اني اكول الشغله الوحيده المتعرفلها هي الخبز
احب خبز البيت حيل
بس تركنا نهائي صارنه خمس سنوات
فرحت من راح تخبز هي وامها
هنه يخبزن واني اكل نسيت روحي
لحد مردت اكل الثالثه
جان تضربني ع ايدي ع كيف مو قوي
من حجت وياي سويت نفسي زعلت
بس الصراحه بكلبي حيل ضحكت من موقفها
درت وجهي عنها اريد بس اضحك
بدن يصبن واني فاك حلكي
لعد شبيهن نسوانه فاهيات دجاجه ميدبرنها
اباوع ع منظر الخروف يموت
والسمج كل وحده اخذت وحده وزينتها شكل
اتمنيت بهاي اللحضه كون اسوي لجماعتي هيج حتى ينتحرون
بديت اخذ بالاكل
وبانت الصدمه ع الجميع
اكيد ممتوقعين هيج راح يسويلهم
لان ع كد حاله ابو زينب
اباوع عليهم واحد يباوع عالثاني
حيل فرحت عبالك عائلتي وافتخر بيهم
كلت خلي اطك صوره جماعيه
سويت نفسي ميت عليهم
اني الحقيقه ردت اصور السفره 😅😅😅
وفعلا صورتها وارتاحيت
دخلت الرمز
دزيت الصور لمحمد
جان يدزلي 😵😵😲😲😋😋😋
دزيتله لك عود ذني نسوان وذنيج نسوان
دزلي
لك لا اخت ولا زوجه ولا عرف هيج يطبخن
فاتتك والله لو تشوف الوجوه
😂😂😂😂
كلولي تعال اكل كتلهم مااشتهي والله
وفعلا مااشتهي اذا اكلتلي خبزتين بعد شاكل
سويت نفسي زعلان
وحجيت وي امها
حسيت بيها ممرتاحه
اكيد عبالها راح اسولف
بس راح العب وياها لعبة شد الاعصاب
بعدين رحت يمهم اخاف محتاجين شي
لكيت الجماعه دايسين دوسه ونص
اني متاكد بعمرهم وحياتهم مماكلين هيج اكل
رحت سالتهن ع الجاي كالن جاهز
كملو وبديت اخذ بالمواعين
رادوا يساعدوني الولد مقبلت
كتلهم ماكو داعي اخذوا راحتكم
اغلبية الاكل مخلصينه
لان 17 نفر وابويه وابوها لزينب
يعني 19 ومن زمان متريكين وسفر
اكيد جوعانين حيل
الصراحه كلت راح يرجع عبالي مثل من اجو اهل زينب
كل الاكل رجع ع حطته
جبتلهم جاي وكعدت
بدوا يحجون طلع ورث اله بيت بمحافظتنه وسياره وفلوس مااعرف شكثر
كلوله تريد تجي يمنه احسن الك لان هنا ماعندك احد
غريب بهاي المحافظه
تريد تبيعه البيت وتبقى هنا
الك مطلق الحريه
كال مااعرف افكر واخبركم بعدين
طلبوا منه يصيح البنات وامهن حتى يسلمون عليهن
راح شويه واجتي ام زينب سلمت عليهم
بس البنات مقابلات يدخلن كال يستحن
اصروا علي لازم نشوفهن لو ندخل الهن لجوه
كتلهم اني راح اصيحهن
رحت بس اتفاجات بيهن
كلهن رافضات وخاصه رنا
كتلهن اذا مدخلتن هسه همه راح يدخلون لهنا
الافضل الجن ادخلن بس سلام وباللحضه اطلعن
اقتنعن همزين
كامن وراحن للغرفه يجهزن نفسهن
كتلها وانت ماتكومين
اني شكو مو شفتهم كلهم
ميخالف عيب منهم ادخلي واطلعي بسرعه
هي الوحيده لابسه عبايه
دخلن سلمن لاحضت الدكتور عينه ع رنا
باوعلها لحضات ونزل عينه
اكيد خلاها اباله مبين علي
الولد البقيه حبابين مرفعوا عينهم اله هذا الشاذ
بودي افرغ المسدس براسه لو افكس عيونه
باوعلهن وحده وحده وكصهن كص
اشرت لزينب
بسرعه اترخصت وطلعت
بعدها البنات همين
طلعن ارتاحيت شويه
بعدها اترخصوا رادوا يروحون
كلي ابويه هم جهز نفسك
كتله اني راح ابقى اليوم هنا ابات
ع مود نور يوم الاحد يبدي دوامها مااكدر اخليها هنا
كال اذا تبات اني اروح وياهم
السيارت فارغه
كتله خاف عيب منهم ابقى ويايه ومن الصبح نروح
لا مااكدر دوايه هناك وماارتاح تدري بيه
كللهم ابويه ارجع وياكم وحيدر راح يبقى هنا
المعلم الي ويا كله تعاي وياي ابو محمد
كال عمي ابو زينب ابني حدوري جيب مي بارد ياخذوا للطريق
وببسي همين
فعلا رحت انطيتهم ابطاله مالت مي وببسي
لازم ابقى هنا حتى اخذ راحتي وي زنوبتي
لازم انتهز كل الفرص الي تقربني منها
ولو احس المسافه بعيده بيني وبينها
بس مراح اايس اتقرب الها شويه شويه
لمن الغي المسافه كلها البيناتنه
كلت لعمي تروح وياي نوصلهم للسيطره
كلت هيبه اله
خطيه فرح كال ياريت
رحنه بدون منخبر احد
شويه واتصلو بي
كللهم عندي شغله شويه وارجع
اكيد عبالها رحت وياهم
وصلناهم ورجعنه
دخلنه كلي عمي اخذ راحتك ناملك شويه خاف نعسان
كتله اي والله ياريت
بس بقيت بدون غده مااشتهي
كلت خل انام واكعد يله اكل
جابلي فراش مقبلت
كتله بس مخده وغطه
هستوني غفيت
وجان اسمع صوت زينب عالي
ممتعود هيج اسمعه
لج رنا نرجس رقاوي تعالن ويايه
الاستقبال مينطب من ريحة الجكاير
خل انظفه
رقيه سمعتها تكلها اني نظوري عندي
ورنا تكلها كاعد ادرس مااكدر والله
بدت تنظف وتحجي بصوت ناصي
يبوووو عبالي ارتاح من التنظيف
وين مااروح ورايه ورايه الشغل
معقوله مشافتني نايم
ولو اني مغطي حتى وجهي
لان نزعت ملابسي بقيت بس الملابس الداخليه
فجأه وجان ينسحب الغطه مني بقوه
اهووو هاي البطانيه منو جابها لهنا
وخرتها عني وجان هي تنصدم بيه
واني انصدم بمنظرها
اكيد راح تجلطني هاي البنيه
شفتها هستوها طالعه من الحمام
لافه الخاولي ع راسها
ولابسه كيمونه وبرموده لون جويتي
هي وجها مينوصف ابد مثل 👈😳😳😳
كالت هاي انت هنا شتسوي
يعني شاسوي متشوفيني نايم
ها ماادري بيك اسفه
يعني معقوله تقنعيني رجال شطولني وشعرضني منتبهتي عليه
لو انت متعوده تتحارشين بيه كوه
ها لاوالله والقران منتبهت عليك
رادت تروح
سحبتها الي
هاي وين تردين
اريد ابدل وارجع
ليش عود
ها لا هيج بس ممرتاحه بيهن
بس حلوات عليج وماكو غريب هنا
بس ابوج ورجلج
وخرت الخاولي من شعرها
وجان ينزل هو وقطرات المي تتناثر عليه
رجعت خلته ع راسها
حتى لو ممرتاحه ابد
وشراح تكولين كدام اهلج
استحي من رجلي هيج البس
كتلج اتصرفي طبيعي كدام اهلج
لتجيبين الشبها لنفسج
ها بس مترهم هيج ابقى كدامك
انتبهت شلابسه
كتلها هاي انت شلون كدرتي تلبسين هيج كدام ابوج
ماتخجلين منه
هو بابا قابل شنو غريب
واذا ابوج مو عيب هيج يشوفج
سكتت
زين شلون متبردين
لا الجو حلو
شلون يعني اني زوجج بالشرع والقانون وتستحين مني
وابوج عادي متستحين منه
بالنسبه الي زواجنه زواج مصلحه ع ورق وبس
عقدت حواجبي
هاي منيلج السالفه
لتنسى اتفاقنه بالبدايه شنو
اي بس تبقين زوجتي شرعا وقانونا
اي بس ماالك حق عليه بشي
بس لازم تبقين هيج اليوم حتى محد يشك بالموضوع
هزت راسها بمعنى اي
ليش مارحت وياهم
عاجبني ابات يم مرتي
اكو مانع
سكتت
اني راح ابقى نايم ع ما تغسلين ملابسي
واذا تكدرين اكويهن حتى البسهن
بس ياريت تستعجلين
اخذتهن وطلعت
بقيت افكر معقوله معرفتها شنو طينتها لزينب
اني اكبر غبي ومفكرت بكلشي
حسيت بجوع كلت بس تجي اخليها تحميلي الاكل
طولت شويه واني بدون محس ع نفسي نمت
وره شويه كعدتتني
كعدت
هاي ليش كعدتيني معفتيني نايم
لو هاي انت مترهمين بدون حرشه اضحك وغمزتلها 👈😜😜
هاي شبي تفكيرك يروح لبعيد
حميت الاكل اكيد جعت لهسه بلا اكل
سويت نفسي زعلان
منو كلج تحمينه الاكل مااريد
اسفه والله مجان قصدي من حجيت
مااكل اله بشرط واحد
سحبتها عليه صارت فوكاي
ردت ابوسها
كتلها اكل بمكان بوسه
ابتعدت عني
هاي شبيك لايدخل احد
واذا قابل شمسوي زوجتي وكاعد ابوسها
لا عيب ولا حرام
عفيه اكعد اكل
تاكلين وياي
مااشتهي والله
لعد شيلي الاكل وخل انام ولتكعديني بعد
لاعفيه اكل
والله ماما تلعب بيه طوبه اذا مااكلت
نمت واتغطيت
كالت يله اكعد راح اكل وياك امري لا الله
بداخلي حيل فرحت
عفيه بالشطوره التسمع الكلام
هاي شدعوه جايبتلي هاكد
اكلت اول شي من الدولمه
طعم ولا بالاحلام
اجيت للخروف موطبيعي طعمه يخبل
هي تنقش بالجذب
اول مره اشوفها تاكل
لج بابا اكلي لتستحين
المفروض اني الخطار واني الي استحي منكم
بس اشو نكلبت الايه
طلعتي انت الخطار واني ابو البيت
سكتت
جنت حيل جوعان واكلت لمن شبعت
هي يمكن بس لكمتين خلتهن بحلكها
سالتني تريد جاي لو ببسي
لا جاي وحار
صبتلي واجت اني بدلت عيب منهم
كتلها جهزي نفسج خل نروح اني وياج للسوك لو لمولات
ليش شكو
اريد اشتري تراك البسه ذني موتني مااكدر ابات بيهن
ليش انت راح تبات هنا
اي مو كتلج راح ابات اكو مانع
ها بس وين راح تنام
هنا انام اكو اعتراض
سكتت
يله جهزي نفسج انت والبنات خل نطلع
لا اني مااكدر اطلع
ليش عود
مااحب الطلعه وتعبانه وراسي يوجعني
وبعد اخاف هم مرتفعه حرارتج فرد مره
لتصيرين مخبله قابل اخذهن بوحدي
اكيد ميصعدن وياي
روح انت وبابا احسن
لتعاندين روحي جهزي نفسج
لتعب نفسك والقران مااطلع
يابه ع العناد اذا عاندتي
انسي الموضوع حتى اني بطلت
بعد احسن
وطلعت
اني اعلمج ع عنادج هذا
اجه ابوها يمي
كلي اخذ راحتك ابني البيت بيتك
كتله ياريت تحاجي البنات وزينب يجهزن نفسهن
اريد اخذهن للمولات ونفتر شويه
اي عمي تدلل
هسه اخليهن يجهزن نفسهن
شويه واجتي هي بس شنو عود معصبه تموت من الضحك
لان مستحيل اصدك هذا الهدوء والكيوت تعصب صدك
مصر تحرجني كدام اهلي
اني شكم مره اكلك مااريد اصعد وياك وخاصه يمك بالصدر
لان تعرفني مو كد المقام وميشرفك اصعد بصفك
لو هسه اختلف الوضع
حصلنه ورث وراح نصير بمستواك
لان اني متاكده انت ادور ناس طاكين
مدور ناس فگر
بس والله ياابو نور تحلم اصعد وياك
اخاف تغيرت معاملتك لان عرفت اصلي شنو
اني مراح تتغير معاملتي
ابقى اني مجرد خدامه ومربيه
مستحيل اصير يوم الك زوجه
تحجي واني فاك حلكي عليها
شنو عبالها ع الفلوس هيج اسوي
ضربتها راجدي خليتها تسكت ومتفك حلكها
من تحجين انتبهي لحجيج لا والقران اندمج
وخل يكون بعلمج لاقبل ولا هسه يشرفني اصعدج يمي
لعد عليمن بعد هالملحه
بس مجبور اسوي هذا الشي ع مود حجي الناس
حيل عصبتني وفورت دمي
اخذت السويج بدون كلام وطلعت
قررت ارجع ومراح ابقى ولا دقيقه وحده هنا
هاي الظاهر مو مالت احترام ابد
شغلت السياره وطلعت قريب السيطره
بس شنو حيل معصب وجان .......
توقعاتكم حبايبي شراح يصير
هل راح يسوي حادث لو لا
هل راح يفكر يرجع لاهلها لو لا
شراح يكون موقف زينب امام اهلها
لتنسون التصويت حبايبي اذا عجبتكم القصه
تحياتي للجميع 😘😘
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!