رواية بين الفقر والطغيان الفصل الثالث عشر 13 - بقلم رونق

مساء الخير ع اجمل متابعين

بارت مفاجئ لاغلى متابعين والله نقطة ضعفي من اطالبوني بارت ثقوا اذا كامل مااقصر وياكم بس مرات يادوب اكدر اكمل واحد

بس عفيه لطلبون مني دائما بارت مفاجئ

والقران اذا تدرون شلون اعاني من اكتب جان مطالبتوني ابارت ثاني

وللعلم كل نهايه اقوى من الثانيه يعني شلون انزل القصه كلها يله ترتاحون 🤣🤣😂😂

🌹🦋 البارت 13 🦋🌹

🌹🦋 بين الفقر والطغيان 🦋🌹

🌹🦋 للكاتبه رونق 🦋🌹

بده يضربني ويغلط عليه

جان يكول بنت الكلب بنت الفكر وصلت وياج تعلمين بنتي تسرق مني

اني بقيت جامده بمكاني

خلانه اني ونور بنفس المستوى وبده يضرب بينا

حاولن اخواته وخاله يهدأنا بس هو ولا كانو

خليت نور بحضني وغطيت عليها باديه

كام يدفر بيه

اخر شي ادخل امير وسحبه بالقوه

البنات صاحن عمو خطيه جان نايم

كلوله فهمنه شنو السالفه

كللهم جنت نايم وهاي بنت الكلب ياشر ع نور بنته

لكيتها تمد ايدها ع الفلوس ملاتي وتاخذ 25 براسها

اني ملاحظ صار فتره الكي فلوسي ماكو لو عايزات 5 لو 10 لو الاف

واتغاضيت عن الموضوع كلت متوهم

بس هسه شفتها بعيني

نور ترجف بين اديه

شعرها كله مكفش خطيه حيل اذاها

خشمها يجري دم

طبعا اني مهتميت من ضربني جان همي نور خطيه طفله

واكيد الها مبرر للي سوته

بدوا يستجوبون نور صدك ماخذه من بابا

كلتلهم اي

منو كلج

تباوعلي وتبجي وجان تكول ماما زينب

اني عقلي وكف بعد مااكدر افكر ابد

ليش هيج اتهمتني وليش تسرق اصلا

هو طفر كلي الج مهله خمس دقايق مو اكثر لمي ملابسج وملابس ابنج

مااريد اشوفج هنا ولا لحضه

خلي ادزج لاهلج

حيدر : جنت حيل نعسان وتعبان وطلبت من زينب ممنوع احد يزعجني

فعلا نمت بس فجأه حسيت اكو حركه قريبه عليه

فتحت عيوني وجان اشوف صدمة عمري

نور بنتي تفتش بالمحفظه مالتي

سويت نفسي نايم

اخذت 25 ورادت تطلع

اني صار فتره ملاحظ هواي فلوس تروح مني

بس وهمت نفسي

الخرده دائما ماالكيهن

اتخبلت من شفتها

فقدت وياها

حيل اذيتها

اكيد تربية زينب الساقطه هاي

هي الي علمتها لكلشي

اخذتها لاهلي وجان تاشر ع زينب

توقعي طلع بمحله

فقدت وياهن اثنين

وطلبت منها تجهز نفسها اوديها لاهلها

ع ما اشوفلي حل وياها

اهلي مقبلو وكالو مستحيل تسويها

كمت اكفر واصيح

هاي شوفت عينكم اعترفت بنفسها نور

واكبر دليل مدافعت ع نفسها

ولا كالت مو اني

والقران احركها عدله اذا مانزلت هسه

اني بيدي ادزها لاهلها بنت الفكر

كلي ابويه دزها لاهلها

بس لتستعجل بالحكم

خليها هناك شكم يوم ع مانتاكد

نزلت وبيدها الجنطه مالتها وجنطه لابنها

كتلها قبل كلشي خل افتش الجنط

الله اليعلم شسارقه بعد

صاح ابويه حيدر

مهتميت اخذت الجنطه مالتها وجان الكي بيها فلوس 200 الف

وبيها الالف وارباع

هاك استلم يابه هي هاي الي ادافع عنها

اكيد ذني مني سارقتهن حتى توديهن لاهلها الفكر

وفتحت الجنطه الجبيره وجان اشوف علاكه حلويات

اني هنا فقدت

طشرتهن بالكاع

دفرتها دفره يمكن قطعت نفسها

بنت الكلب مجوعه نور ونظوري واثاري تجمعيهن لاهلج الفكر

بحجة موزين عليهم

هي بس الدموع تجري

ابد منطقت ولا بحرف

كال ابويه حيدر احترم نفسك

ذني الفلوس اني وامك انطيناهه من استلمنه راتب يوم الخميس

يابه لدافع عنها

هاي وحده اخلاق سز

اخذت الفلوس منها والحلويات شمرتهن

وسحلتها للسياره

نور كامت تبجي وراها

رجعت ردت اضربها بس مخلوني اهلي

بنت الكلب اكول ليش مكيفه عليها لان تعلمها السوالف المو زينه كلهن

جانت تمطر الطريق كله

منطقه تمطر هواي ومنطقه لا

منطقت ولا بحرف ولا دافعت عن نفسها

اكيد تسكت لان ثبتت عليها الجريمه

حجيت وياها

والله اله اندمج ع الساعه الي نولدتي بيها

عود خلي يفيدونج اهلج الفكر

خل يرفعون راسهم بيج

هم ساقطه وهم بواكه

امشي سريع وحيل معصب

وصلنه ونزلتها اباب اهلها ورجعت

حتى ملتفتت ورايه

اني جانت نيتي افضحها كدام اهلها

بس ابويه مقبل ابد

وره شويه اتصلت عليه

مجاوبتها ابد

بقت تلح عليه اكثر من 4 مرات

جاوبت

شتريدين

كلتلي اهلي محد يطلع منهم

واتصل بيهم ومحد يجاوبني

وخطيه ابني بالمطر

لج هاي كلاواتج متعبر عليه ابد

تحلمين ارجعج وياي

طبكته بوجها

دزتلي رساله وداعت نظوري مااكذب عليك

تعال بقينه بالسياره

ع ما احد يجاوبني

خابرتها

اسمعيني لج

نارج تاكل حطبج

اهلج موجودين لو لا مو مشكلتي

بعد لتتصلين ولا تراسليني

جنت عصبي وماادري بنفسي ولا مسيطر ع مشاعري

رجعت للبيت كبل نمت

وره شويه كعدت قلق

فكرت شلون هيج سويت

شلون عفتها هي وابنها بوحدها

يجوز صدك اهلها ماهمه

وين تروح هي وابنها

عجيب امري ليش هاكد قاسي وياها ماادري

دخلت ع الفايبر

ماكو اتصال

خابرتها ع الخط

مترفع خط

دزيتلها مسج وين انت

هم ماكو جواب

بقيت قلق حيل

اباوع الساعه ب11

خابرت فاطمه كتلها جيبيلي عشه لهنا

فعلا جابتلي

بس كلبي ممرتاح ابد وقلقان حيل

اتصلت بيها جاوبت

الووو

ليش متجاوبين

جنت انيم ابني

وين هسه انت

يم اهلي وين قابل

وليش تجذبين وتكولين ماهمه

والله مجذبت قبل شويه يله رجعو

شنو شنو

وين جانو وانت وين بقيتي

جانو بالنجف بالزياره

وانت وين بقيتي هاي الفتره كلها

يم الجوارين

هيج من ربج بنت الكلب

شلون ادخلين ابيت غريب

لعد وين تريدني اروح

مو خابرتك مرجعتلي

اذا انت معندك غيره عليه

اكو ناس هواي عدها غيره متقبل ابقى بالمطر والبرد بره

اني عقلي وكف

شلون هيج خطات خطأه

لج والله اليوم ادفنج باديه الاثنين

ناس غربه شلون كدرتي تبقين ابيتهم لهيج وقت

لعد شاسوي وين اروح

تريدني ابقى بالشارع حتى الناس تتفرج علينه

اكيد عدهم شباب واكيد قصيتي القصه عليهم

واكيد نسقتي وي واحد

اطمأن ماعدهم شباب

هو بس رجال جبير ومرته وبنتهم

لتجذبين واعترفي

اني ممجبوره اجذب عليك ولا مجبوره ابرر موقفي لان الغلط منك المفروض ادخلني ابيت اهلي يله ترجع

بس الظاهر انت معندك غيره

بس وداعت نظثوري ومااحلف بي جذب ابد

ماعدهم اي شاب بس رجال جبير وزوجته وبنته

والخلقج اذا طلعتي تجذبين اله اندمج

طبكته بس افور دم

شلون اني هيج اسوي

تبقى زوجتي بالشرع والقانون

اليمسها يمسني

وخاصه هي عدها سوابق قبل

يعني مستعده كلشي تسوي ع مود الفلوس

دزيتله مسج

هاليومين اجيكم وحاب اتفاهم وي ابوج الشفيه

اريد اشوف يعرف ابنته هم كح ...... وهم حراميه ......

دزتلي فدوه اروحلك كلشي ولا اهلي

والله بابا يموت بيها الله يخليك

والقران ماسرقت كلشي

ولا اني الي كلت لنور

لتنكرين بنت الفكر

لج والله لو اني من ابوج من زمان كتلتج وغسلت عارج

لان انت الظاهر مو ادميه

والنبي ممسويه شي غلط ابد

صحيح اتزوجت بالسر بس والله الظروف جبرتني

وراح احجيلك كلشي

مااحب اسمع نفس واحد منج

ولاحاب اسمع كذبج

سكتت

اني هم ذبيته للجهاز

مستحيل اسويها واروح لاهلها واخبرهم

لان اني متاكد ميقبلون ومستحيل يخليها عايشه ابوها اذا عرف

لان لو يعرفون ويقبلون متزوجت بالسر

جان اتزوجت علني

ومجاان اجتوسلت هواي بيه حتى استر عليها

او احتمال غايتهم الفلوس ويعرفون الله اعلم

ردت ارجع انام بس اجاني اشعار

بداعت كل عزيز عندك بداعت امك وبداعت ابوك وبداعت نور وبداعت منتظر ولو متاكده منتظر ميهمك

وبروح مروان اذا تحبه من صدك

لاتحرجني كدام اهلي ولتخبرهم بشي

اذا هيج خايفه ليش هيج تسوين

متخافين من الله من تخلين طفله بعمر الورد تسرق وتعلمينها ع طريق الغلط

لو طالبه مني جان بيها مجال

بس والله مستحيل افكر واطلب من نور هيج تسوي

زينب : شعوري مستحيل اوصفه من حرجني كدام اهله كلهم

والاصعب عليه جان من فتش الجنط واحرجني اكثر

عمو وخاله دائما ينطوني مصرف من يستلمون راتب

وبنفس الوقت هم الي يجيبون حفاضات لنظ
سوري

وملابسه عليهم

بس اني اصرف من الي يطونياهن ع جاجياتي

ملابسي والعطور والشامبو وغيرها

اجمعهن الفلوس الي يبقن

مرات انطيهن لاهلي

بدون علم بابا اكيد لان مستحيل يقبل

بيني وبين ماما كتلها خاف يحتاجن البنات

لتخلين بابا يحس

مرات اصرفهن يم اهلي

لو ع ملابس للبنات وبابا ميعترض

لو نجيب اكل من بره

بالنسبه للحلويات ااني ابد ابد مااحبهن

لان دائما تكون مضره بالصحه

الكاكو بالذات مااطيقه

مخليت منتظر ونور يتعودون ع الحلويات

بس انطيهم باليوم كل واحد قطعه بوقت معين

بالنسبه لعمو دائما يجيب وابو نور كذلك دائما يجيب

فاطمه من الجامعه هم تجيب

خاله كذلك

يعني الكل يجيب

الله يشهد دائما اكلهم لتجيبون بس ميقبلون

خاله وعمو كلولي من ترحين لاهلج اخذيهن لاخواتج

الثلاجه متروسه اشكال واللوان

من يجن البنات ياكلن ومرات ياخذن وياهن

ومتعجبات عليه

كل هالحلويات ومتاكليهن

كتلهن مااحبهن ابد

من اروح لاهلي اخذ قسم منهن

والباقي اخلي

اليوم من طردني

الفلوس اصلا بالجنطه مالتي مخليتهن

وبس الحلويات كلت خل اخذهن وياهن للبنات خطيه يفرحن بيهن

بس صرت بموقف ماانحسد علي

والله اذا اكلكم اصعب موقف صار بيه يجوز متصدكون

بس هاي الحقيقه

دفرني دفره حسيت النفس من صدك اتوقف عني

بعدها اخذ الفلوس وطشر الحلويات

اني دموعي ترجمت موقفي

مكدرت انطق بحرف ولاكدرت ادافع عن نفسي

اخذني لاهلي وجنت حيل خايفه

هل ياترى يسولف لاهلي

زين اني شراح اكول لاهلي شعندي جايه وخاصه صارلي تقريبا 10 من اجيت منهم

الجو ممطروجانت بارده

وصلني ومشه

فرحت همزين مراح يكول لاهلي

بس دكيت الباب لمن مليت محد طلع

اخابر محد يجاوب

احتاريت شاسوي

الدنيا تمطر والجو بارد وابني خطيه

ضغطت ع روحي واتصلت بالغثه

عبالي تشيله الغيره عليه وع ابن اخو

بس فاجأني برده الي

احتاريت شاسوي

بقيت واكفه اكثر من ربع ساعه

غطيت راسه لابني بالجنطه

ع فجأه طلع جوارين اهلي رجال جبير

كلي عمو شعندج واكفه هنا

كتله ذوله اهلي ومنتظرتهم

بابا اهلج اليوم بالزياره حمله بالشارع والاغلبيه راحوا

بالليل يرجعون

صرت بموقف ماانحسد علي

شاسوي

خابرت علي مره لخ

ولا اهتملي

طبعا احقر شخص شايفته بحياتي هو

حتلو غريبه المفروض ميسوي بيه هيج

طلب الرجال مني ادخل لبيتهم ورفضت مااكدر ادخل لناس غربه

بهاي الاثناء اتصل بيه بابا وحيل فرحت

كتله حيدر عنده شغل وجابني يمكم وماادري بيكم ماهمه

اتخبل خطيه

كلي هسه راح اعوف الحمله واجيج

مقبلت كتله لا يابه ميصير ابقه وياهم

اصر اله يجي

كتله اكو رجال جبير جوارينكم طلب مني ابقه يمهم

كلي اي بابا هذا ابو احمد رجال حباب وماعنده احد بس هو وزوجته وبنته

اذا تكدرين انطينيا خل احجي ويا

فعلا حجه ويا وكلي اخليها بعيوني

حيل خايفه بس ماعندي حل ثاني

الله لينطيك ان شاء الله حيدر ع هاي سوايتك

بس اني اكثر شي شاغلني نور

ليش سرقت من ابوها وليش جذبت ع الكل

خطيه بدلت لابني ملابسه ورضعته ونام

اني بقيت بملابسي

جابو عشه وجانو حيل حبابين

البنيه جبيره بالعمر مااعرف متزوجه لو لا

ابد محجيت ولا سالت

بس هم سالوني

شعجب مخابرتي اهلج قبل لتجين

كتله مو ردت افاجأهم متوقعتهم مو بالبيت

صارت الساعه ب10اجوي اهلي خطيه كبل اجاني بابا

وجان حيل قلق عليه

ومستغربين جيتي

كتلهم عنده شغل اجه يلم الاجارات مالت البيت والشركه وهو اصلا نسيت الشركه باعوها

همزين محد جفص بيها

دخلت سبحت وبدلت ملابسي

طلعت جان لكيته داك عليه هواي

ودازلي رساله

مكدرت اجاوبه لو احجي اهلي يمي

البنات وماما حيل فرحانات بيه

بس حسيت ابابا قلق اكيد عرفني اجذب

بعدها حصلتي فرصه وراسلته لحيدر ولوع اعصابي بس مجبوره

اتصل بيه وبده يستجوبني

بس حسيت بي من عرفني ابيت الجوارين فقد

وبده يهدد ويحجي

اني نقطة ضعفي اهلي

مااحب احد يغثهم لو يسمعهم حجايه

ومااريدهم يعرفون حقيقتي ابد

ولا اريد انهان كدامهم

ولا اريد اتهم بشي كدامهم

صحيح اني خطات وخطأي جان جبير من خفيت الحقيقه ع اهلي

المفروض مااتزوج بالسر ابد

بس دفعت ثمن خطأي هواي

كلشي ولا يكول لاهلي شي

نسيت كرامتي ونسيت كلشي

ورجعت اتوسل بي

بس هو ولا كانو

عفته وحاولت انام بس مكدرت ابد

حيل خايفه من المستقبل

زين الى متى ابقى خايفه وقلقه من الحقيقه مااعرف

ثاني يوم كعدت بس احس بنفسي نحلانه وتعبانه

اكيد من القلق والسهر

عيني ع الباب اخاف يجي باي وقت

بقيت اراقب الموبايل هم اخاف يراسلني وماادري

مرات الانسان حتى اذا يكون مضلوم ميكدر يحجي ويدافع عن نفسه

لان اكو اسباب قويه هي الي تخلي ساكت

للعصر تخربطت حيل

اعتقد انفلاونزا بيه

حرارتي ارتفعت حيل

كوه ارضع ابني

طبعا من يكعد خطيه عند بابا وماما واخواتي ابد ماادري بي

بس من يجوع يجيبو الي

لليل دك جهازي

مااكدر اجاوب ابد لان حيل مريضه

وبنفس الوقت مااحب احجي وي الغثه

اكيد عنده حجي وحاب يغثني بي

بقه يلح

اخر شي رفعت خط

حيدر : بقيت للصبح اكل بنفسي شلون كدرت هيج اسوي

هسه مااعرف نايمه وي رجال لا

ادري بيها تذبح نفسها ع الفلوس

قررت لازم اطلكها بس نظوري ناخذه منها

رحت للدوام ورجعت اتغديت وبعدها رحت نمت

كعدت رحت يم اهلي

نور ابد ملمحتها

سالتهم وين كالو تدرس

بعدين حجه ويايه ابويه

كلي اسمع حيدر الي سويته مو صحيح ابد

واني متاكد استعجلت بحكمك ع البنيه

البنيه صارلها شكثر يمنه مصدر منها المو زين ابد

وثانيه وبعد اني وامك كاعد ننطيها مصرف كل شهر

مااعتقد تفكر ادز بنتك تبوك منك

لو تريد تاخذ من انت ماهو مو ادز الطفله

رجعها للبنيه خطيه

وابن اخوك اخاف ميرتاح هناك تعرف حالتهم مو شي

وانت اخذت المصرف منها

منين تجيب حفاضات منين تصرف علي خطيه

والله ماكلتلها بوگي مني

حيدر اخر كلام عدنه لو اطلكها وتنطيها ابنها

لو ترجعها وتسكت

والله مااتنازل عن منتظر لو تموت

الله اليعلم شتربي من تربيه

فكر زين ابني والك مهله منا لباجر

عفتهم وطلعت

رجعت كلت خل اخابرها واشوف شكو ماكو

اتصلت بيها هواي بس ماكو جواب

بالاخير رفعت خط

الووو

صارلي شكد اخابر طرمه متسمعين الجهاز

لا مو طرمه اسمع زين بس ماالي خلك اجاوبك

وادري بيك بس تريد تهيني

حسيت بصوتها مثل المريضه كوه تحجي

شبي صوتج

مابي شي

نظوري شلونه

زين

وين هسه

يم اهلي

لعد انت وين بس لا طالعه

ويني وين الطلعه اذا اني صاحيه مبيه شي مااحب اطلع

شلون اذا مريضه

شنو مريضه هسه

اي

شبيج

انفلاونزا

ديري بالج ع نظوري اذا صار بي شي احركج انت واهلج

شنو نظوري عدوي لو ابني

شنو تريد تقنعني انت تخاف علي اكثر مني

لتنسه انه امه ومتقنعني احد يحبه ويخاف علي اكثر مني

لا متوهمه انت

لو تحبينه وتخافين علي جان مخليتي بنتي تبوك مني

واني هيج مخبله ادز بنتك ليش مااني بنفسي ابوك منك

ومنو يكول انت صاحيه

سكتت مجاوبتني

كتلها اني متاكد اتعودتي ع عيشة الرفاهيه ابيتنه

فاكيد من تجين لاهلج الفكر تتمرضين

بس اني اتمرضت بسب انانيتك

عفتني بالمطر اني وابني بالشارع

مكلت خطيه حرام عليه

وع شنو اكول خطيه يطبج مرض تستاهلين

كتلها باجر جهزي نفسج اجي يم اهلج حتى نتفاهم

يعني مصمم تحرجني امام اهلي

اي مصمم حتى يعرفون حقيقة بنتهم

سكتت محجت شي

اني هم طبكته

بس تفكيري مشتت اتجاها

اني اكرها حيل ومااملك اي شعور اتجاها

بنفس الوقت متعجب من موقفي هذا

يعني شدعوه عليه هيج اتذيها

نمت ثاني يوم داومت ورجعت

سبحت وبدلت ورحت لاهلي

صبتلي امي غده

كاعد اتغده شفت امي مو طبيعيه

عدها حجي هواي بكلبها

كتلها ها يوم اكو شي

كالت خلص الغده واحجي وياك

سالتها ع ابويه

كالت قبل شويه اجه من الدوام ونام

كملت وشربت جاي جان تكول امي

يوم اريد احجي وياك حجي بس مااريدك تنفعل ابد

لازم نحل الموضوع بهداوه

حيل قلقت شكو يوم احجي

اي بس اريدك تقسم قسم متعصب ولا تنفعل

احجي رحمه لاهلج مو اعصابي تلفت شكو

جا تكول .......

توقعاتكم حبايبي شراح تكوله

هم كولوا الكاتبه مقصره ويانه

هسه شصار لو تقدرون تعبي وتصوتون وتوصلون البارت للالف 🙈🙈🙈

المشاهده هواي بس التصويت قليل

القصه هسه بالمركز الثاني بس تفوز بالمركز اول

انزللكم بارتين ابقى اكتب ليل نهار

بيومها مااشتغل ولا اطبخ اجيب جاهز اهم شي اكتب الكم 🤣🤣🤣😂😂😂 حتى اذا انطرد لاهلي مو مشكله اهم شي انتو هههههههه شتكولون

تحياتي للجميع