رواية بين الفقر والطغيان الفصل الثاني عشر 12 - بقلم رونق

مساء الخير ع اجمل متابعين اتمنى لكم قراءه ممتعه

بس قبل لاابدي بالقصه انوه العنده ضغط واليوم ضغطه صاعد ليتابع هذا البارت 😔😔
لان راح يرتفع اكثر واحتمال ينجلط من وره قصتي وراح اني ابتلي وتعال يعمي شيلني 🤣🤣🤣🤣😜
هذا البارت بي اهانه كبيره بحق بطلتنا 😭😭😭

🌹🦋 البارت 12 🦋🌹

🌹🦋 بين الفقر والطغيان 🦋🌹

🌹🦋 للكاتبه رونق 🦋🌹

لج انت شنو غبيه ثوله

لو تردين تستغبين عليه

اكو وحده متندل اهلها

وثانيه وبعد اعتقد تذكرين اني اجيت وي اهلي من جبناج وياينه لبيتنه

اعتقد انت الي انطيتيني العنوان مو واحد غيرج

مو انتقلو اهلي لغير بيت

واني مبوشه مااكدر اركز بالطريق

وهسه شلون بله

خل اتصل ابابا واحجي ويا انت وهو الي يدليك

بس اني ميشرفني احجي وي ابوج الي معرف يربيح زين

لعد خلي نرجع بطلت مااروح لاهلي

بنت الكلب شنو كاعد تلعبين عليه انت

تعال وديني لا رجعني شنو ليكون اشتغل عندج لو عند الخلفوج

بقه يسب ويغلط

اتصل بعمو وكله هاي الثوله طلعت متندل اهلها

دزلي المنطقه واقرب نقطه برساله فدوه يابه استعجل

لان راح ارتكب جريمه بحقها ومحمد

يا اعصابي هي خلت اعصاب عندي

يابه اذا متندل ليش مكالت واحنه هناك

جان اخذت العنوان

طبعا اني دموعي تجري

همزين مبوشه

ابني كام يبجي

وهو بس يصيح عليه سكتي

مااعرف ارضعه هنا صعب عليه

كتله مو يريد يرضع

اي مترضعينه وتنجبين

الغسل كل اسلوب معنده

دورت بالجنطه همزين عندي نستله

بده ياكل وسكت

وصلت الرساله

وكف السياره ونزل يمكن يسال

صعد كال هاي اول مره واخر مره اجيبج

هو اني الي لو اموت بعد مااجي وياه طبعا بكلبي حجيت

مشت السياره وجان يوكف

گلي ارفعي البوشيه وشوفي وينه بيتكم

كتله هذاك بيتنه يمكن

لج شنو يمكن اكو حيوانه متندل اهلها

اكص ايدي اذا مطلع هو

اتقرب اكثر كتله اي هذا بيتنه

كال يعني توقعي طلع بمحله

فكر بنت الفكور هو هذا بيتكم

عمر الفقر مكان عيب ولا حرام

واذا الله مفضل عليك مو معناها تكون مغرور

وتستهين بالفقير

بلا لغوه زايده انزلي وانجبي

يعني شنو مراح تنزل وياي

شنو اني انزل لبيت اهلج

شنو تخبلت

لج اني حتى حذائي اخاف عليها اذا دخلت لبيتكم هذا

اخاف تتوسخ

مو ادور اني وملابسي لج بابا اني ميشرفني هيج ناس ادخل لبيتهم

حيل هاني والمشكله مااكدر اجاوبه

لان الظاهر مغرور واناني اكثر من اللازم

مو عيب من اهلي اخاف يسالوني

مو مشكلتي انزلي وانجبي

نزلت بس شنو اتمنيت الموت بهاي اللحضه

راح احقد علي مدى العمر

مراح انسى هاي اهانته للموت

نزلني وباللحضه شخطت السياره ومشه سريع

دكيت الباب وحايره شاكل لاهلي

اهلي تفاجئو بيه لان بوحدي

هم يعرفون بيه اجيهم بس ممتوقعين بوحدي

دخلت وسالني بابا ليش بوحدج

كتله جابني زوجي   بس مستعجل حيل وكلي اعتذريلي منهم

اني متاكده مصدكوني بس سكتو

هو اصلا دائما يسالوني عن حيدر واتحجج واقدم الاعذار

للعلم حتى شكله لحد الان مشايفينه

ماما خطيه لحت عليه وسالتني بعلاقتي بي

واكدت الها اني ويا علاقتي زينه

بس هو معنده مجال ابد ويجي

كتلهم تعرفون ضابط ودوامه متعب

اهلي خطيه بعدهم يروحون لسيوفي الله يرحمه

طلبوا مني اروح وياهم ورفضت مثل كل مره

كتلهم ميقبل حيدر اطلع ابد

وهو دائما ياخذني للنجف وامر بي

لان مااعرف شاكولهم

كلولي حاولي ويا بلكي يقبل

بالليل دزيتله مسج بلكي   يخليني اروح

مرحبا

خير شكو

ثول الك حتى اسلوب معندك ع الاقل رد السلام

طبعا حجيت بكلبي

اهلي يردون يروحون للنجف عفيه  اروح وياهم

حتى اكسر رجليج ومحمد

من الباب مطلعين افتهمتي

الغسل الي لويش فشلت نفسي وحجيت ويا

ادري بي ميقبل ليش هيج سويت ماادري

خطيه مراحوا كالو منخليج بوحدج

ثاني يوم خابرني

رحتي وي اهلج

لاوالله حتى همه مراحوا

عبالي حتى اسود عيشتج اذا طلعتي

انطيت لماما الفلوس

لان مااكدر انطيهن لبابا يرفض اكيد

خطيه حيل تعبان واحسه كبران شكم سنه

ممتعود ع هاي الحاله يشوف بيتنه تعبان

بس مجبور

ثاني يوم طلبت من رنا تروح وي ماما للسوك

ع مود يشترلي ملابس اللوان

فعلا جابنهن اللوان حلوات وحيل نازكات

دك عليه بالليل

وحجيت طبيعي كدام اهلي

وحجه وي نور

كلي باجر جهزي نفسج اجيج الصبح

خل يجيني عمو

وليش يابه ليكون مو بمقامج اني

لا مو هذا قصدي بس مااريد تحرجني اكثر

اسمعيني من الاخير من المستحيل افكر ادخل لبيتكم

لان ميشرفني اادخل بيتكم

ولا يشرفني اسلم ع ابوج الفكر

ولا يشرفني احسبج زوجه الي

احس الدنيا كلها طلعت من عيني

حيل ضجت وكاعد يثبت الي يوم بعد يوم انو هو حقير واناني

حيل كرهته ويوميه يزود كرهي اله

ع اعصابي دزيتله لان مجبوره مابيدي حل

دست ع كرامتي

كتله مااعتقد استاهل كل هاي القسوه منك

اني ممسويه الك شي تخليك تعاملني هيج

لعد شلون تردين اعاملج مثلا

انيمج بحضني وابوسج

لو تحبين اتقربلج

لو ادخل لاهلج واهنيهم ع هاي التربيه الحلوه

اكلهم يشرفني اكون نسيبكم ويشرفني بنتكم الي اتزوجت بالسر تكون زوجتي

اعترفي شنو المعامله الي تحبين اعاملج بيها

ليروح بالك لبعيد

اخر شخص افكر بي هو انت

بس اني اخجل كدام اهلي من تجي وتوكف بالباب

ومتدخل لجوه

معناها انت تستهين بينه وكل هذا لان احنه ناس ع كد حالنه

بس مو هذا السبب فقط

لا لان انتو عائله مشبوها والعياذ بالله

معرفت شاجاوبه بعد سكتت

خل يولي ميستاهل واحد يكبر راسه ويجاوبهز

بعد مجاوبته

ثاني يوم الصبح خابرني وهمزين جان بابا بالدوام

سويت نفسي حمايه الي اجاني ماادري بي ع اساس اجاني فجأه

طلعت اني ونور وابني

ولكيته واكف براس الشارع

حتى مكلف نفسه ووكف بالباب

رحت اله وصعدت وره

بوس نور ونظوري

ها بابا اشو ضعفانين

اكيد جنتو جوعانين

اكيد محد جابلكم حلويات

خل اشوف محل واشتريلكم

محجيت ولا حرف

لان من صدك حقير

مشينه وفعلا وكف السياره ونزل نور ويا وكام يبجي ورا نظوري

اجه اخذه ويا وراح للمحل

وره شويه رجعوا وجايبلهم كومه حلويات

اني ضد الحلويات للاطفال لان مو زين ع صحتهم وع اسنانهم

بس هو الظاهر همجي وميعرف بهاي الاشياء

عود اوصيج هم لتنطيهم وجوعيهم حتى تاكليهن انت

ادري بيج جوعيه وبنت فكر

عود لويش كاعد تتباها بفلوسك

يعني شنو بس انت انسان

والفقير مو انسان مثلا

الحمد لله فقره بس لانسرق ولاندور حرام ومقتنعين بعيشتنا

دنجبي واسكتي

هم سكتت احسن

حيدر : اني ابد مجانت نيتي مااخليها تروح لاهلها

بس شفت لسانها طولان

وحبيت بلكي تتوسل بيه حتى ادزها

اتوقعتها تبقى تتوسل بس كون اخليها

بس هاي الظاهر خشمها يابس

اجه ابويه وطلب مني اوديها

كال عيب من اهلها

ولا مره رايح الهم

هسه شيكولون ميصير هيج

واخاف احد يشك عيب بابا

قررت اخذها ثاني يوم

وقررت ادخل وياها لاهلها

بس ضوجتني من كلتلي ي مااندل

يعني اكو وحده متندل اهلها

واستفزتني من كلتي رجعني

اني انسان بسيط واحب اساعد المحتاجين وعمري مكنت اتباها بمنصبي لو بفلوسي

بس وي هاي المخلوقه غير احب اتباها بمنصبي وفلوسي

مااعرف ليش هيج اني وياها قاسي

مااعرف ليش هيج حجيت وياها وقللت من شانها

وهنتها يمكن بالغت شويه

طبعا مانزلت وياها

بعدها رجعت

احس البيت فرغ حيل وحشه ع نور ونظوري

واني هم اتعودت ع الخدمه 24 ساعه ابد مناقصني شي

خلصت هاليومين سهر وونسه

بعدها كتلها جهزي نفسج

هم طلبت مني اخلي ابويه يجي ياخذها

اني اعرف قصدها تنحرج من مراح ادخل

بس يعجبني احرجها ويعجبني اراويها حجمها بالظبط

حتى متفكر تخون فد يوم

اني توقعت راح تحاول تتقربلي

بس ظهر العكس

ولا كانو كبالها ابد متجاهلتني 24 ساعه

رحت ثاني يوم واتعمدت انتظرها براس الشارع

اجتي ومنطقت ولا بحرف

اكثر شي يزعجني من متجاهلتني ولاكانو كبالها

حاولت استفزها بالحجي

وفعلا نجحت وحجت ويايه

بس ردها دائما حلو

يعني متراددني هواي كلمه كلمتين ومن اصيح عليها تسكت

وصلنه للبيت

بعد مااشوفها بالليل ابد

الصراحه ابد مشايف عليها شي

بس اني لهسه حاقد عليها

لان اكول من المستحيل وحده تتزوج بالسر بدون علم اهلها واهله

وهي شريفه

وثانيه وبعد ياما حجيت عليها واطعن بشرفها مايوم جاوبتني لو دافعت عن نفسها

لحد هاي اللحضه ماشفتها بيوم بلا حجاب ولا لبس مو لائق

اني جنت معتقد تخاف مني

وهذا الشي فرحني لان تسمع الحجي ومتعاند

خلصت العطله وداومت نور

بين فتره وفتره اروح اسال عليها

تجيني معلمتها واسالها

وتكول اشطر طالبه وانزك طالبه عندي

حيل افرح بيها

بس اني اكو خوف من ناحية قربها لزينب

اخاف تجرفها وتربيها نفس تربيتها

اليوم جنت بالدوام واجاني مسج

وجان من امها لنور

طلبت مني تشوفها

كتلها عادي ادزها لبيت جدها يوم الجمعه الصبح

وارجع اخذها بالليل

اتشكرت مني وسدته

فعلا يوم الجمعه دزيتها

بس اشو هاي كل شويه دازتلي رساله

اني اسفه واني متندمه ع كلشي سويته

بدت تتوسل بيه ارجعها

عقلي يطير من المره الي تتوسل بالرجال مهما يكون الطلب والسبب

المفروض الرجال هو الي يطلب ويتوسل من المره مو العكس

لان الثكل حلو للبنيه مهما يكون

والبنيه الخفيفه متعجبني ابد

اتعاركت وياها وكتلها متجوزين من سوالفج

ولج مو انت بذمة رجال هسه

مو مهم لان اني احبك انت

وكلبي يوجعني ع فراكك وفراك بنتي

كمت اضحك عليها

انت الظاهر الخيانه تمشي بدمج

وين جنتي عن بنتج من خنتيني

وين جنتي من  تركتيها

انت ام فاشله لهذا متصلحين زوجه صالحه

وهسه راح اجي اخذها بنتي

فعلا رحت ورجعتها نور

كالت بس تبجي ماما

ع شنو تبجي

تكول متندمه لان عفتج واني احبج

وانت شكلتيلها

كتلها اني احب ماما زينب

لان تحبني ومعتنيه بيه

وادرسني وتمشطلي

بس هي ضاجت كالت اني بعد مااحبج ولا ادز عليج

وضربتني راجدي

اني بعد مااروح يمها ابد اني مااحبها

ايا بنت الكلب

لفت السياره ورجعت ع بيتهم

طلعلي ابوها

كتله منو سمحلها تضرب نور

وع شنو لان حجت الحقيقه

بده يهدئني ويكول هي امها قابل تكرها

كتله خل يكون بعلمها تحلم بعد تشوفها لنور

رجعت واعصابي تالفه

لكيت زينب كبالي

جهزت الاكل وخلته كبالي

مناقصه شي بس المي ماكو

صحت وراها هيووو جيبي مي

اشو ولا كانو معبرتني

كتلها كومي نواره حبيبتي جيبي مي

كلتلي هسه ماما تجيب

لج امج الظاهر طرمه متسمع

هي كاعد تسمعني

راحت جابت المي ودخلت للمطبخ

جانت حاطه گدر بي مي يفور وبي كبه

الظاهر كاعد تسوي كبه سلك

صبتلي جاي وجان حار

شربت وخلصت كمت يمها يم الطباخ

كتلها هاج الكلاص اغسلي

بس مجاوبتني

اخذته غسلته ورجعت

هاي شدتسوين

ماكو جواب

كتلها هيووووو

شنو متسمعين

جان تكول ايدبلي  طرمه مدا اسمع

فورت دمي اكثر

كلبت الگدر ع الطباخ وكع ع ايدها

بس شلون اجه ع ايدها مااعرف

ذبيت الكبه المسويتهن كلهن بالگاع

فقدت بلحظتها

كسرت المواعين

يمكن ذبيت حركت ام نور بيها

كامت اطفر من الالم اكيد

شفتها ركضت لبره بس تكمز

شفتها راحت للنفط

دخلت ايدها بي

شنو هاي مخبله تريد تحرك ايدها

وره شويه اجتي امي وابويه

لكوها تكمز

كالولها شبيج

كلتلهم وكع المي الحار ع ايدي

بهالاثناء اجه امير وفاطمه

اتوقعتها تكول هو الي جواني

مااعرف ليش هيج سوت

اني هدئت بعدها حسيت ع نفسي شسويت اني

خلت معجون اسنان

بعدها امي خلتلها معجون طماطا

امير كال الدهن مالت السمسم زين

مخلت شي مخلته ع ايدها

بس احسها اشتعلت شعل

الكل عينيه عليه وكانو يتهموني

اجت نور كالت جدو والله بابا الي ذب المي الحار عليها

ايا بنت الكلب وكتج هسه اني اعلمج

راح ينوكل كلبي اكل

كام يصيح عليه ابويه كتله محد كللها متسمع حجيي

والف مره منبه عليها لا ترادديني وهي ولاكانو

الكول كاموا يحجون عليه

هي صعدت لفوك

وفاطمه صعدت وراها

بقه الكل يرزل بيه

بس عادي اهم شي راح اتوب حتى مره لخ متحجي ويايه اله تحسب الف حساب

عفتهم ورحت لبيتي

بس العجيب مكدرت انام افكر

اكول اني ليش هيج سويت

ليش هيج تصرفاتي وي هاي المخلوقه بالذات

رجعت كلت حيل تستاهل منو كللها هيج تحجي وتستفزني

اني طبعي عصبي نار بس وره شويه تروح مني

بس يبتلي ع عمره الي يصير كبالي واني عصبي

طلعت بالحديقه لان مجاني نوم

الساعه صارت ب3 والضوه الي بغرفتها مشعول لهسه

يعني اكيد منايمه لهسه

ياالله اني ليش هيج قاسي وياها

مااكدر اتنازل واحجي وياها

بعمري وحياتي ممقدم اعتذار لاي شخص

رجعت لبيتي وكوه كدرت انام

ثاني يوم صادف سبت وهم ماعندي دوام

كعدت يمكن ب3 دخلت للحمام وسبحت وبعدها رحت لاهلي

كلت مااراسلها اكيد ايدها ماذيتها اخلي فاطمه تصبلي غده

دخلت للمطبخ وجان اشوفها كبالي

ولاكانو شي صاير

جهزت الغده ع الاصول

اني سكتت

قررت بعد مااذيها ولا الي علاقه بيها راح اهملها

فكرت كلت فوك متخدمني اني وبنتي واهلي

وفوكاها اني مقابل عليها

ردت اسالها شلون صارت ايدج

بس صبت الجاي واختفت

كلت خليها هيج احسن

كملت غدايه واتفقت وي الشباب ع سهره

وفعلا سهرنه للصبح يله رجعت وجان اتفاجئ بابويه بالبيت مالتي

بده يحجي عليه وشنو معناها يوميه سهران بره

كلي ميصير عايف مرتك مثل الورد وتسهر وي الكح......

ميصير هيج لو تتقبلها ك زوجه لو اطلكها

اني فار دمي من حجه هيج

كتله لا اطلكها ولا اتقرب الها

يعني شلون تعوف بنت الناس هيج معلكه

بحاله وحده اطلكها

منتظر تعوف هنا وتتنازل عنه يله

هاي شلك بيها حيدر

انت كاتلك الطفل لو حلتلك الخدمه وانت حظرتك معاجبك

يابه لتعبني ولتعب نفسك

لا اطلكها ولا اتقرب الها

اني مو اتفقت وياكم من البدايه

كام يسب ويغلط عليه

عافني وطلع

اني هم دخلت للحمام سبحت وبدلت ورحت للدوام

رجعت ولكيتها مجهزه غدايه

عرفت وقتي بالضبط

اتغديت وكتلها ممنوع احد يدخل لبيتي ويزعجني لان حيل نعسان وتعبان

لان الصراحه صارلي يومين مشايف النوم

زينب : كرهي لهذا الشخص يوم عن يوم يزداد وبديت احقد علي

لان ميعرف يراعي مشاعر الاخرين

عباله اني فكر من صدك

ميدري جنه اغنه ناس بمحافظتنه والنه صيتنه بين الناس

بس ع لمح البصر كعدنه ع الحديده

هذا الانسان معرض لكلشي

اهم شي الصحه لان متتعوض ابد

بينما الفلوس تروح وتجي وكلها وسخ دنيه

رجعنه من اهلي بعد مهاني اهانه تسوه عمري وحياتي

بعد التوبه اذا اروح ويا لاي مكان

بديت اضوج من وضعي حيل

يعني مااله حق يحكمني هيج

لبسني بوشيه بعد لويش مااطلع

بالبدايه اني مااحب اطلع ومواجهت مشكله

بس هسه لا بديت هواي انزعج من وضعي

لازياره لا طلعه للسوك

ميصير هيج

بس يله اخدمي واسكتي

ماالي حق اطلب الطلاك

بس امنيتي يطلكني من ذاته

بس ابني مااتنازل عنه وانطيهيا لو اموت

مرات اكول لو ما ابني جان متت والله

هو سببي الوحيد الي يخليني اتمسك بالحياة لاجله

قبل لتصير الساعه ب10 بالليل اختفي

بدت المدرسه والتهيت وي نور ادرس بيها

اتفاجات من اجتي نور وكلتلي باجر اروح لمشوار بابا ياخذني

وين ياخذج

لبيت جدو

ماما تريد تشوفني

اني رفضت بس بابا مقبل

ميصير حبيبتي ترفضين

هاي تبقه امج واكيد عدها ظروفها الي جبرتها اتركج

اني الصراحه اتعجب ع هيج وحده

شلون انطاها كلبها تترك بنتها

لو اموت مااسويها

ثاني يوم صادف جمعه وجهزتها واخذها ابوها وجانن البنات يمنه

البنات من يجن يطلعوهن عمو وخاله

صدفه يبقن بالبيت

يطلعن اسواق ومولات واللعاب وغيرها

اني هالمره اترجيتهن ميحجن وي اخوهن ابد

لان جوابه واضح

بالليل نور وابوها  رجعو

جهزت الاكل الهم بس الغثه حسيته عصبي زياده

اني جنت اسوي كبة برغل

خليت المي يفور وجهزت الكبه

وخليت الاكل الهم

بس مجبت مي قبل ليحجي اتذكرت رجعت صاحني مجاوبته

لان عرفته ع المي

بس حيل ضوجني من كل لنور امج طرمه

مجاوبته جبت المي

واجه للمطبخ بقه يحجي

بس مجاوبته

كلت خلي اتجاهله افضل

وكفت يم الطباخ وكاعد اطلع الكبه

كلي متحجين

كتله مو طرمه مااسمع

اشو هذا تخبل وگلب الگدر الي بي مي يفور

وكع ع ايدي بس شنو كمت اطفر متت من الالم

حسيت ايدي انشلع منها الجلد

ركضت لبره للنفط وخليتها الايدي بيها

مره سامعه من بنيه صديقتي تكول النفط زين للجوي

سالوني عمو وخاله

كتلهم وكع بوحده عليه

لان خفت منه

بس نور خبرتهم

همزين كلتلهم

حرت وين اخلي ايدي من الالم

وهذا الغثه ولا كانو

سحبت نفسي وعفت الكل يرزل بي

سولفت للبنات واتخبلن

لج ديري بالج تجاوبينه وهو عصبي يفقد

اذا عصب ميشوف دربه ابد

بقيت للصبح مكدرت انام ولا لحضه وحده من الالم

اتوسلوا بيه ياخذوني للمستشفى واني رفضت

مصدكت الصبح صار

كدرت انم فد ساعه

بعدها كعدت من الالم

رجع الالم عليه قوي حيل

اني الصراحه خفت ايدي تشوه من الحرك

بس الحقيقه اتفاجأت بايدي بس حمره

مااعرف من النفط من المعجون اسنان لو معجون الطماطه لو زيت السمسم

لان من ضيمي خليت منهن كلهن

رجعت نمت وكعدت ب10 ابني يبجي

حيل حيل عانيت بالرضاعه

جانت حيل صعبه عليه

كوه كدرت اكمل رضاعته

بعدها كعد واني نزلت اسوي الغده

لان محد بالبيت

البنات طالعات ماادري وين

لكيت الاكل جاهز مااعرف منو الطابخ

وصليت واخذت ابني وصعدت نمنه اثنينه

بعدها كعدت موعد رجوع الغثه

نزلت وبديت اجهز الغده اله

مكلف نفسه وسال عليه لواعتذر

مشايفه هيج واحد غثه ومغرور شكد مكروه

طلب مني محد يزعجه لو شيصير لان يريد ينام

كتله نومه بلا كعده ان شاء الله

وهو منو يتجرأ ويجي يكعدك

خبرت البنات

اليوم سبت وبالليل يجون ازواجهن ويرحن

راحن للاسواق الي يمنه

وطلبت منهن يشترلي غراض محتاجتهن من الشركه

فعلا راحن وجابلي وصيتهن ع

خبز صاج وجبن موزرلا واوراق سمبوسه وفنكر جاهز

جابلي كلشي طلبته

وصن امير يجيب كص ع مود حشوة الصاج

طبعا اني ممنوع احجي ويا امير

جابلي واجه خطيه متجنبي من وره المغرور

بديت اجهز بالصاج والمقبلات لان اكو خطار

كملت الصاج وبعدها كملت السمبوسه

جهزت كباب وكبه والبنات ويايه يساعدني

طبعا يمدحن هواي بطبخي وبشغلي وهذا الشي يفرحني هواي

نظوري نعس صعدت رضعته ونيمته ونزلت

متجمعين كليتنه بالمطبخ وجان نهاية الشتاء

الجو مغيم وبارده بس مو كلش

فجأه بدت تمطر بس قليل

ع فجأه وسمعنه صوت نور تبجي وتصيح

ردنه نطلع نشوف شكو

وجان يجيبها ابوها سحل من شعرها

ويضرب بيها بكل مكان

اني روحي راحت من شفته يضربها بقسوه

عيونها عليه وتتوسل بيه

ماما فدوه خلصيني

نريد نفهم شكو شصاير

موتها خطيه

جان يكلها منو كلج هيج تسوين

فدوه بابا بس وخر عني

احجي منو كلج واني اعوفج

يباوع عليه ويحجي

جان تكول ماما زينب كلتلي

وجان يهجم عليه مثل ميهجم الاسد ع الفريسه

اريد افهم شنو الموضوع

شكو شصاير

وجان يكول ........

توقعاتكم حبايبي شكو وشصاير ونور بنو تهمت زينب

لتنسون التصويت اذا عجبتكم القصه حبايبي

تحياتي للجميع 😘😘😘