الفصل الخامس

رواية بين الحب والخداع الجزء الخامس 5 بقلم نجمة الشمال بين الحب والخداعرواية بين الحب والخداع الحلقة الخامسة تركت السيده العصير. هويدا: بقيتي أحسن؟ السيده هزت رأسها وبدأت كلامها: أنا فاطمة الأسيوطي. هويدا فتحت عيونها قليلا من الصدمة: زوجة الدكتور الشهير عصام الأسيوطي. فاطمة: أيوه هو. هويدا: اتفضلي اتكلمي. فاطمة أخذت نفسًا عميقًا قبل أن تتكلم: عصام رفع قضية ومتهمني أني بخونه. هويدا مظهرتش أي ريكاشن،

اتكلمت بهدوء: السبب اللي خلاه يعمل كده؟ فاطمة فركت أيدها بتوتر: عشان عرفت حقيقته. هويدا ضيقت عينيها وهي تراقبها بحذر: إيه الحقيقة؟ أحب أسمعها. فاطمة نظرت في عينيها مباشرة واتكلمت بثبات وواثقة: أنه شغال أشغال مشبوهة وعامل المستشفى ساتر. هويدا نقرت بأصابعها على المكتب. سكتت لحظات تكرر الكلام وترتب القصة في دماغها واتكلمت: متجوزين من إمتى؟ فاطمة: داخلين على العشر سنين. هويدا رجعت رأسها لورا: م غريبة. فاطمة: إيه الغريبة؟

هويدا بمكر خفي: داخلين على عشر سنين وما لحظتيش حاجة غلط، غير دلوقتي.

فاطمة بثبات: كان حذر جدًا، مفيش مكالمة شغل بيعملها في البيت، اللي خلاني أشك الفترة دي بقى يجي له ناس كتير شكلهم مريب، وبقى يتكلم بالساعات في الفون. بدأت أراقبه بدون ما يحس، مرة لقيته نازل بيتسحب، نزلت وراه، راح الجاردن الخلفية، وبعد بعض الحشائش رفع غطا ونزل، عملت زيه وسمعته بيتفق مع حد. حاولت أهرب بسرعة لكن خبطت في حاجة عملت صوت خلته يشوفني، غضب جدًا ونزل فيا ضرب لحد ما أغمي عليا. صحيت لقيت نفسي في الأوضة وهو واقف بيتكلم بغضب وبيقول إني هربت مع واحد بعد ما اكتشف خيانتي ليه، وبعت صور متفبركة.

هويدا هزت رأسها قليلا: إزاي خرجتي من البيت؟ أكيد بيراقبك. فاطمة بذكاء

أخرجت نقاب من الشنطة: كان في خادمة منتقبة جات اشتغلت النهارده، طلعت ليا الأكل، طلبت منها أخد لبسها مقابل أسورة ألماس، وافقت. قولتلها تقعد في أوضتي واديتها تسجيل بصوتي، وطلبت منها أول ما حد يخبط تشغل التسجيل. لما نزلت، قولت للحراس هجيب شوية طلبات. اتصل الحارس على رئيسية الخدم، قالت إنهم فعلًا محتاجين، وكنت باعتة الخادمة المنتقبة بعد ما تطلع الأكل ليا.

هويدا: تمام، هبقى مسؤولة عن القضية، هعوز منك تساعديني نكشف أن عصام شغله وحش، عشان كده اتهمك. فاطمة بفرحة عارمة: بجد شكرًا إنك صدقتيني، أعمل اللي هقدر عليه عشان أساعدك. $$$$$$ أخيراً ظهور عيسى و لؤلؤ فيلا عيسى الصياد… غرفة الاجتماعات يجلس عيسى يترأس الطاولة و لؤلؤ على يمينه وبقية الأشخاص حول الطاولة شاور لـ لؤلؤ تبدا الكلام. لؤلؤ وقفت بغرور

قبل ما أتكلم معاكم في الصفقة الجديدة ،عايزه أدرش معاكم شويه عن الصفقة اللي فاتت تصوروا طلع بينا خائن زي ما بقولكم كده ،واحد مسك الحبل من النص اشتغل مع البوليس، في نفس الوقت اشتغل معانا بيلعب على جميع الأطراف ظهر قدم الحكومة انه انسان وطني وبيحب بلده ويحارب ضد الفساد ، ظهر معانا الإنسان الطماع اللي بيقبض بالأخضر بعد كل عملية. عيسى بعوجعة بوق :ليه الناس بقت وحشه كده ؟ عجبت لك يا زمن..

لؤلؤ كملت: أتصل بينا واحد حبينا من الداخلية وبلغنا ،خلني الصفقة تمشي تمام زي ما أنتم عارفين الخطة ،قبل الكمين بكام متر كل حاجة اتغيرت ،الحمدلله بفضل ربنا ثم ذكائي نجحت الصفقة. واحد من القاعدين:مين الخائن ؟ عيسى:هعرفك عليه ثواني وقام وقف و اتحرك بخطوات مرعبة قرب من شخص وشاور عليه. الشخص جسمه اتنفض وعرق جبينه جامد وبيفرك صوابعه م عارف يتكلم. عيسى: عارفين عملت اي ؟ واحد تاني اتكلم بفضول:عملت اي؟

عيسى:أخدت كل أملاكه وفلوسه ، و دلوقتي هخلي يقابل رب كريم أخرج مسدسه وأطلق العديد من الطلقات عليه. لؤلؤ: يقد واحد واحد يخرج عشان التفتيش، وقت الصفقة الجديدة هبلغكم قبلها بكام ساعه. بدأ يخرج واحد تلو الآخر والحراس تفتشهم. عيسى شاور لكام حارس:خدوا الخائن ده وحطه في مكان محدش تحت الأرض أو فوق الأرض يقدر يوصل له. لؤلؤ حطت رجل علي رجل: طيف دخلت فى غيبوبه مؤقته ؟ واللي إسمه مراد سابها ومشي.

عيسى اشعل سجار فاخر:م مهم طيف دلوقتي ،انا دبرت الحادث اصلا عشان تدخل في صدمه و تبقي تركيزه كله م معانا. طيف: أمتي هتقابل كابير؟ عيسى:بعد الصفقه يكون قدر يسرق الورق اللي عايزنه. لؤلؤ : انا هروح النهارده أشوفه. عيسى:اللي في دماغك م هيحصل ،عرضتي عليه و رفضك. لؤلؤ بغرور:انا مترفضش ، انا لؤلؤ الصياد الكل ببتمني مني نظره رضا يجي حطت حرامي ملهوش تلاته لزم يرفضني.

عيسى:انتِ حر خدي بالك ،انا رايح الديسكو ، لم تخلصي أبقي تعالي لو عايزه. $$$$$$ عند مروان في القسم كان بيحاول يركز في الأوراق لكن كل تركيزه عند طيف. خلع الجاكت وفتح القميص زرين. خبط العسكري ودخل مروان شاور على الورق وقال بمرح خفيف: ارحمني يا شويش، انجدني يا شويش. العسكري ابتسم: في ست بره وعايزة تقابل الضابط، قولت أدخل ليك. مروان: ليه مكتبي الجمعية الخيرية؟ متخليها تروح لأي ضابط تاني. العسكري: مشغولين يا باشا.

مروان: يعني أنا بلعب تنس. العسكري: ندخلها ولا لأ. مروان: دخلها يا خويا. خرج العسكري. مروان بغيظ مكتوم: غطّيني يا أما وصوتي عليا. بعد ثواني دخلت بسرعة: لو سمحت. مروان حاسس أن الصوت مألوف عليه رفع رأسه وقال بذهول: أنتِ؟ رفعت البنت عيونها، فتحت عيونها من الصدمة: أنت؟؟ $$$$$ كابير: حلوة أوي الرواية ده. ندي: عندك حق، قفلت اللاب وفتحت الفون لقت مسدج صوتي من بسملة. شعرت بقلق شديد بعت فويس: بسملة أنتِ كويسة دلوقتي؟ طمنيني؟

معلش الفون كان فاصل. خرجت من التطبيق وفتحت الاتصالات ورنت عليها. بعد أكتر من خمس مرات ردت. ندي بلهفة: أنتِ كويسة؟ طمنيني عليكي. لميس بهدوء: ممكن تهدي، أنا مش بسملة، هي جوه في غرفة الكشف. ولما لقيتك بترني كتير ردت عشان أطمنك. ندي: أنتِ مين؟ أرجوكي طمنيني عليها. لميس: أنا لميس جبتها المستشفى، حرارتها كانت مرتفعة جدا. ندي: من فضلك يا آنسة ابعتي اللوكيشن. لميس: حاضر. ندي حست أن الجرح بتاع رأسها شد عليها وقعدت بضعف.

كابير بقلق واضح: مالك؟ ندي: مفيش حاجة، الجرح شد شوية. ندي اتصلت على هويدا: مامي بليز ابعتلك لوكيشن، روحي عليها، بسملة تعبانة في المستشفى. هويدا: ابعتي، صوتك ماله؟ شكلها تعبانة. ندي: مش وقته يا ماما، أنا كويسة، هقفل وابعت اللوكيشن. كابير: اهدي هتبقي كويسة، براحه عشان الجرح. ندي هزت رأسها بسكوت. كابير: عن إذنك هروح أعمل حاجة وجاي ودخل. ندي سمعت صوت تخبيط، اتكلمت بتعب: هتولع في البيت ولا إيه؟ لكن مفيش رد. بعد دقائق

رجع كابير ومعاه كوب عصير: اتفضلي. ندي: عصير إيه ده؟ كابير: مش عارف، بس لما دخلت المطبخ فضلت أدور ليكي على حاجة لقيت نفسي بعمله. ندي أخدت العصير وشربته: طعمه حلو. كابير: شكرا، هبقى أعلمك تعمليه إزاي. $$$$$ تميم قاعد بيتصفح الإنترنت وبيشرب شاي في انتظار صديقه. لوجي غمزت لي أصحابها وقامت قربت منه واتكلمت برقة: ممكن أقعد من فضلك؟

تميم بدون ما يرفع رأسه: لأ، المكان وأنا داخل كان في كذا طاولة فاضية، تقدري تقعدي على أي طاولة فيهم. لوجي بكذب: أنا محفظتي وقعت، وأنا بصراحة جعانة جدا، لقيتك قاعد لوحدك قولت أجي أطلب منك أقعد معاك، وانت من باب الذوق هتطلب ليا حاجة. تميم بهدوء: اقعدي على أي طاولة واطلبي اللي عايزة وأنا هحاسب. لوجي حست بغيظ: تمام، شكرا على ذوقك. تميم: العفو. لوجي مشيت بخناقة. فونه رن، فتح بهدوء: السلام عليكم.

هويدا: وعليكم السلام، ندى شكلها تعبانة روح شوفها. تميم خد حاجته وطلع فلوس وحطهم على الطاولة وجري. لوجي رجعت عند أصحابها: ضياء: شكلك وحش. يوسف: بصراحة علم عليكي. علاء: خلي قفاكي يا أمر عيش. زينة: بقى لوجي الدمنهوري يحصل فيها كده؟ أخص على ده زمان. نورا: خلص يا جماعة، مش هنحفل عليها، هي عملت اللي عليها وفشلت راحت ضحكة. لوجي: وأنا مش هسيبه، وبقى تحدي بالنسبة ليا مش مجرد رهان عشان نتسلى. نادَت على الجرسون وسألته على تميم.

الجرسون: دكتور تميم نبيل. لوجي: امشي أنت. لوجي: الحساب يا جماعة هيبقى عندي وابتسمت بخبث. …..