رواية بين الكاف و النون الفصل العاشر 10 - بقلم saja altaie95

 بين الكاف والنون (كن فيكون)

البارت العاشر

الكاتبه سجى الطائي

//////////////////////////////////

يا غريب اذكر اهلك - والكَالها
.. ابحجية ايتنكّت
هيّج اجروح الكَلب .. والعين ..
كت مهضوم .. كتت
ذكروّها .. واعادة اليذكر يحن ..
والروح .. لاهل الروح حنّت
ونتّ .. اوماظن مثل ونها .. الصخر
.. خنساه ونّت
صبّرتها .. اوكابرت عالظيم .. والكابر
.. يظل بسكوت .. ينهت
طاحت ، اوفوك الفشل .. بمصابها
الشامت .. تشمت
شلون ذلت .... ؟
اخ ياروحي .. الكّبل جانت عزيزة
شلون ذلت .. ؟.
ملت امن اونينها .. او عذّالها
امن اللوم ملّت
واصبحت .. مثل الرشة المتروك
من يشله .. جليبة

___________________________________

سديم •

كرم ضاج عيونه على الاستاذ فد خجلت
شكد عيب بله هسه الست شدكول وهيه تباوعله وتباوعلي نضراتها كفيله تحسسني بينه شي

اماني صير كدام عيني تحذيراتها خوفها من المجهول كبر عقلها وانتفاحها على العالم خلالها توعيني قبل عمري مكنت مطيه اهميه للامور شنو يعني واذا باوع واذا غمز هذا بله مستحه ماعده تربيه اهله ماربو

كرم رغم خجله ومستحا كان اكثر انتباه مني صرت اكره اهتمامه اكره حبا المفرط اتجاهي منو منطي عين منو كايله يجي يوم ويصير كلبي اتجاها

ليش هذا بله احساس مايمل شكو هوه هيج حارك دمه

ابن عمي وراي كرصني نزيت درت همس منصي ناحيتي "هذا شبي عيونه طايره"

سديم" ماادري وحده "

ستار"لتباعيله بعد تره اكل العمي عليج واخلي يبطلج ويكعدج بلبيت "

انخنست "لا عفيه مشوفني كدامك اروح وارجع ويه اختي وصديقتها هوه عينه نكسه"حجيتها بتوسل

هز راسه "اشوف اذا شفته مره ثانيه سوه شي والله اكله وهم لخوانج اكلهم "

اجيت ابجي "لا لا ابد والله معليه بي طبه مرض "

سكت يباوعلي بخبث

ضليت طول الدوام كلبي محروك وجهي نار كرم واكف يباوعلي وصلنه الاخر درس دكو الجرس للبيوت خلص الدوام كمت لبست جنطتي وكفت على صفحه متانيه اماني تتاخر مرات درس اضافي وهي دائماً اذا شوف هيج تطلع تاخذني وياها اكعد تكمل ونطلع سوه تعلمت اذا ماطلعت اروحلها ادك الباب ومدرساتها عرفني يدخلني

نفس العاده رحت نفسيتي منعفسه والدنيا مغيمه بوجهي بعدني امشي حسيت بواحد وراي درت كرم وكفت ضل مكانه يباوعلي بخجل

تقربت يمه واني منا روحي طالعه "شكو لاحكني"

نصه ودار وجه

اخذت نفس"كرم متحجي المن لاحكني"

داير وجه للجهه الاخ تعصبت صحت بي"اطرم انت شبيك اثول مجاوب "

وجه زبر دنك " لصيحين خفت عليج "

رفعت حواجبي معاجبني"ميحتاج روح البيتكم رايحه لختي "

سكت رد كال "اشوفج دخلين لصف اختج اطمأن وارجع للبيت "

صدري انمله سحبت نفس بنفاذ صبر اترس ريتي
عفته وكملت طريقي وصلت لقاعة اختي التفتت بعده نفس وكفته ممر اليجمع الصفوف طويل يمكن بي فوك العشر صفوف وصف اختي اخر شي سمعت الست كالت ادخل

يباوعلي شكد عنودي طبيت استأذنت المدرسه عرفتني  رحت يم اختي

سبوع نفس المضايقات واني مويمي شيريد ايسوي هذا بعيطه الم علي السلف كله

وصلنه الدرس للمنحرف دندخل للصف هوه عادته يجينه قبل الجرس بدقايق يوكفلنه بلباب يدخلنه واحد واحد وصلت داادخل استوقفني سديم ممكن شويه ياوعتله متفاجئه "شنو استاذ وياي"

كال"اي وياج اريد احاجيج "

خفت مد راسه للصف كال هسه جايكم مااريد صوت ضاح لواحد من الطلاب يكتب التمارين ويترك مجال للحل بين مايجي

اشرلي مسافه بلممر يم الصف رحت وكفت بعد نص متر كال"شديم اني مسويلج شي"

هزيت راسي لا

كال"ليش هيج مبتعده عني متحاجيني وماترفعين ايدج وتحلين اعرف بيج شاطره وعلاماتج زينه"

نصيت "لا مابيه شي على شنو احاجيك "

كال"متجين ويه البنات ادرسهم وره الدرس بلشاغل"

ضليت اباوع منا ومنا كلبي مامرتاحله "اني ادرس وحدي مااحب احد يعيدلي وانت تشرحلنه وافتهم عليك ميحتاج تعيدلي "

نصه لمستواي متقرب" انتي ثكيله ماشفت مثلج باوع ليديه ثلج عمي ثلج حقج تنغرين"

ابتعدت مصدومه بسرعه جزت نفسي عكدت حواجبي "استاذ راح ارجع للدرس"

درت وجهي ورجعت مخليته يحجي طب وراي مااعرف شلون كملت الدرس وهوه كل فرصه يباوعلي

كرم مدامني واكفه ويا يحاجيني كل شويه يمد راسه ويرجع اكثر من مره سواها

طلعنه بلحله اماني وريحانه طلعن رجعنه بلطريق ردت احجيلهن وسكتت

ريحانه" امونه عليج بامج قنعي عمو تجين يمي ساعه وارجعي "

اماني" مااوعدج بس هوه والدي موهلكد عده اعتراض اذا الولد موجودين اخلي واحد يوصلني باوعتلي وسدومه وياي"

ريحانه" اذا تجين احضرلج كيك اسوي من ارجع واخلي ماما سويلنه شكرلمه وعصير ونكعد كعده حلوه"

اماني "لا تكلفين نفسج روره هي مجرد زياره عاديه اشوفج ونكعد نسولف شويه"

حجيت "عاد هسه انتن ماشايفات بعض وترحين يمها نص النهار وحده مكابله وجه الثانيه شوكت لحكتن تشتاقن البعض لو هاي افلام البنات تعلمتنه منهن "
واسويلهن بصابعي الثنيني وافر بحلكي حركت العيارات

ريحانه ابتسمت" سدومه الحلوه وين شايفين بعض حتى فرصه ياخذوها من درس الدرس وحتى محاين سوه ولا كاعدين سوه واذا على الدروس الشاغله ياخذوها يدرسونه بيهن "

اماني" ام لسانين شعليج انتي واذا كعدنه سوه"

ريحانه" هههه سدومه لسانها عسل شكد احبها" كرصتني بخدي على كيف

بعدت ايدها ضايجه"لتعامليني زعطوطه اعرف كبرت صرت متوسطه افهم عليجن "

اماني"عوفيها دكوم تغرد هسه مثل الواحد ماخذين عشا ونايم جوعان"

ريحانه" ولي انتي اني احب سديم والله واعتبرها اختي واحب سوالفها اموت على لسانها من تبدي ترزلنه"

درت وجهي شكد لوكيا تحبني عود فريت حلكي تميم صار بوجهي ههه كملت هاي عود علويه

ريحانه•

من شفته شي ردلي عافيتي كانو جان شي ناقصني ورجعلي نصيت اموت خجل من البنات وحتى منشه

بكد خوفي منه لا يكون شي منه ديلعب عليه يمكن يضحك عليه نزوت شباب
يمكن مجرد تجرب وبمرور الوقت تروح
واني الاطيح اني الانخذل كلبي اليوكع بهذا الفخ
والله مااطلع منها اموت غير كل هذا الاحساس الاحسه يطلع كذب

فزيت ويه صوت اماني تودعني كملت طريقي ميخلي احد يحس هوه ديراقبني بس سيف والبنات عرفو مشيت منصيه

يوصل يمي بعد متر فارق المسافه يدندن اضحك داخلي هذا محد كايله الطرب حرام ماعده اب ام

عبر كدامي صرت ورا
يدندن
موبيدي احبك
وضحي الغالي لجلك
بيدك ملكت الروح
بيدك بلسم جروح
عطر من خدك يفوح

ياا عز عز بعينج ريحانه بطئت مشيتي حس واحد صاح ابو التمم هوه نصه مسوي روحه يلتاف يشوفه والولد على جانبه

واني طكيتها ركضه مشيت بسرعه تعديته يله رتاحيت طبيت للبيت الهث ولازمه كلبي كعدت بلمطبخ بعد ماعلكت عباتي وذبيت جنطتي

هذا ليش ميخجل صح يغني بصوت ناصي من يشوف واحد قريب يسكت بس اني اسمعه بس عيب ميخجل على نفسه اخواته يقبل هيج يصير وياهن

ضليت اربد بافكاري من جها حابه هذا الشعور ومن جها مااريد يتماده واوكع بلحرام بمشاعري ومكانتنه بين الناس غمضت عيوني اخذ نفس شعوري متناقض

اسمع صوت امي والدي اصور يتغدون اليوم راجعه من وكت

كمت غسلت وجهي بلسنك نشفته بحجابي دخلت
السلام عليكم

سيد محمد"وعليكم والرحمه بابا تعالي بوجهج غسلي وتغدي ويانه"

ريحانه" ممشتهيه اروح اصلي وارتاح اذا جعت اكل "

اسماء"شنو ماما اليوم من وكت مامخذيكم دروس اضافيه"

ريحانه كعدت على الكرويته الخشب فارشين فوكها دوشك سفنج "لا رحمونه وخلونه نطلع"

اسماء"ميخالف حبيبتي غير يدرسوكم انتو اخر شنه ومصيريه اشكريهم على تعبهم ومجهدوهم المبذول"

هزيت راسي مابيه حيل احجي طبيت للغرفه بدلت وركضت اتوضه واصلي

وكفت على السجاده استغفرت اكثر من مره صورته تجي كبالي تعوذت ورجعت للتكبير دعيت من كلبي مااريد اتعلق بي واتعب وانخذل مااتحمل كلبي ضعيف اسبب خذلان الوالدي اخسر ثقتهم لو بيوم من الايام اكتشف هذا الحب

بيومها نمت وكعدت على صوت البنات طفرت نسيتهن ركضت لبست حجابي لكيت ماما مدخلتهن للصاله ومضيفتهن ماي

اماني شافتني ضحكت "هسه بلمدرسه ولد ولابسه حجاب هنا ليش "

ابتسمت بوستها وبوست سديم"ولج ممتعوده افتر بله حجاب بس داخل الغرفه اخذ راحتي "

اماني "محد يمنه نزعي وكومي سدي الباب ليفوت والدج حبابه وهم اريد اذب العبايه "

سديت الباب ونزعت الحجاب همزين شعري لامته طوبه هوه ناعم بس بي رده خفيفه اسود لونه ماخذه لونه من والدي عكس امي بيها شكار خفيف صح هي حنطيه بس شعرها مااعرف منين ماخذ لون

دخلت ماما بيدها صينية الفواكه اخذت منها
كالت"شونلج امي الاهل شلونهم والدتج البنات"

اماني"زينين خاله وماما دزتلج سلام هواي خجلانه منج متكدر تطلع ملتهيه ويانه وباقرب وقت سويلج زياره خاصه "

ام رضا" حبيبي امي سلامها واصل عاذرتها ومعاتبه عليها كولياتنه ماخذتنه الدنيه وملتهين يله ماما اخذو راحتكم ريحانه شويه وطلعي الكيكه من الفرن اني رايحه اصلي موتنسيها امي "

طلعت امي ضلينه نسولف ضحكنه هواي سدومه ويانه ماخذها الواهس

اماني "ولج كومي الكيكه شعوطت "

طفرت "دكومي يمي محد بلبيت وبابا بلحوزه عده دروس وهوه من الصيح يطلع يرجع الضهر يتغده ويرجع العصر للمغرب يؤجع"

اماني"دروحي يسويها الحظ ويجيبه هسه متانيتج هنا "

سديم"تره صرت جلب بسم اشم الريحه واشها "

ضحكت على تشبيها"جنج على كيك انتي كيكه"

سديم همست "ينطوها جائزه لواكه  "

خزرتها اماني سمعتها ضحكت من كلبي"ولج والله احبج مااتلوكي شعدج وماعدي "

سديم التفتت الي "اذا ضلين واكفه اشم ريحت عطاب بعد شويه "

طلت شفتها صدك مستويها وريحتها طلعت طلعتها وكلبتها كصكصتها وتانيتها تبرد بين ماصبيت عصير كملت وطبيتلهن بيدي الصينيه

اماني ابتسمت بخجل"هاي ليش كلفتي روحج رياحنه "

ريحانه"ولج ممسوين على حسابج هاي دائماً نسوي كيك وحلويات "

كعدنه كعدت بنات  شويه وسمعت صوت فتحت باب الشارع بابنه بي صوت قوي بابا سكول النرماده مبيها دهن لهذا طلع صوت

متوقعت غير بابا دخل

ماحسيت غير جفت علينه اخويه رضا ورا ابن خالي حمزه وسيد علي زوج سكينه

اماني  لزمه عباتها مرتبكه

رضا نصه خطيه خجل ومستغرب وجودهن  "العفو اختي اخذي راحتج معدي علم يمنه خطار" خله وطلع سد الباب ورا

اماني اصفرت من الخجل لملمت روحها بسرعه همست "اني رايحه سلميلي عليها "

ريحانه"شكو شبيج مستعجله رضا مومن عوايده يجي هسه بس بلعطل يجي ماادري بي يجي هسه "

اماني"لا عادي حبيبتي هوه الولد شمدري مبين متفاجئ مثلنه"

فد خجلت ماكدرت اجلب بيها ضوج ودعتها ورجعت اخذت حجابي من الاستقبال وطبيت للهول لكيتهم كاعدين

شلمت عليهم وبوست رضا "شعجب جاينه من هسه مو بلعطله"

رضا" صارتلنه شغله واجينه وين الوالد الوالده"

ريحانه"امي بلغرفه تصلي وبابا بلحوزه "

هز راسه "ريحانه جاي حبيبتي وشعدج وياا جيبي"

ريحانه "كسوين كيك "

حمزه كال"الله ويدج منردج "

رحت سويتلهم صينيه كيك وكعك ابو السمسم  وجااي وماعون فواكه خليته وترخصت

طبيعتنه منكعد ويه ولدنه هواي وان كانت صلت القرابه قويه ميسمحون بهذا الشي حد السلام والضروره

وهذا الشي اشوفه مريحني وماخذه مساحه من حريتي وجودهم يقيدني

مرت فتره تعب دروس والدي منع دخولي معهد
واماني ماعدها امكاني تدخل

ارغد•

خلبني سيف معدله يقبله طبيه وهوه مصر يقدم كليه عسكريه

ارغد"تعرف دوامه يابه كل حياتك تكضيها ركض واجبات من غير الخفارات والعبان نفس "

سيف"انه رايد وقناعتي ارغد انه مااكتلك ادخل هاي الكليه انت مو تنقبل طب ورغبتك هندسة شفتني كتلك لتدخلها "

مسح وجها " اني اختلف عنك رغبتي بيها غايه سيف وضيفتي موجوده وراتها زين يمكني استقل واعيش روحي واعيش اهلي "

سيف"وانه غايتي ادور اهلي بحكم وضيفتي ارغد لدوخني هاي عقليتي وقافل لتعب رويحتك تراني مالي خلكك كوه متحمل "

ارغد" تره زياد مو اول مره يودوله تهديد وشوف البلد ضايع راح ندخل 2003 والوضع مدهور والانتفاضات وقرار بوش وتصريحاته وفرض العقوابات على العراق خله الشعب ميعرف حساباته

والريس شارد هاي الامريكان دخلو العراق وبغداد سقطة شوف البلد كايم كاعد

سيف" جورج بوش من اواخر 2001انضم  اعلن العراق من ضمن البلاد الارهابيه هي تايهه
و بيوم دخلو المليشيات الايرانيه و بدو يصفون بالحزبين وانذكر اسم عم ابوي بالاذاعه
الرفيق............ هي خربت "

ارغد"يجوز يعرف اهلك وين ليش متروح تسالهم "

سيف"اكله حزبي وبغداد سقطة يكلي روح اسأله من يكول اهله ضالين اذا ماشردو وطفرو بريشاتهم

بدة التجمعات الطلابيه واحد من جماعت الكهوه طلبوني انظم وياهم شوف الوضع مكلوب البلد سايب هاي اليريد يعيدون تنضيم نضام الحكم وتحويله وهذا اليريد يسقط صدام وترجع الثورات وتبدي انقسامات البلد بين البعثيه ومئيديهم وبين المعارضين وبين تنظيم الاحزاب النضاليه الخارجين على السلطات الجائره "

ارغد "والواكع بيها الشعب يركض وره اليفيده وهمه بلحالتين خسرانين لا حرية يمتلكون
لا كاسبين عيشتهم ومستفادين من خيرات بلدهم "

سيف"لهذا الشعب منقسم ماعدنه روح التضامن تصور لو كان الشعب ايد بيد مينحاز المصلحته ويركض وره اخويه وابن عمي ويفكر بغيره مكان وصلنه لهل مواصيل ارغد هذا حالنه من ايدينه الحكم حكمنه وبيدنه نغير ماكو تكاتف ماكو هذا اخويه وانت اخويه وعيرهم اخواني اهم شي مصلحت البلد كلمن يكول ياروحي شعليه بغير هل البلد ساب بيد الجلاب "

تميم صاح ايا جلب

طب   يغني

ميحانه ميحانه... ميحانه ميحانه
غابت شمسنا الحلو ما جانه
حيك.. حيك بابه حيك.. الف رحمه على بيك
هذوله العذبوني
هذوله المرمروني
وعلى جسر المسيب سيبوني
على جسر المسيب سيبوني

ويكسر بصوته  سيف ابتسم يحب صوته واني هم

صاح  "هاااا شباب حياكم الله"

سيف"الله يحيك"

تميم"بشرفكم مااصلح مطرب واغلب حميد منصور وياس ونظومي"

سيف " والله صوتك حلو ليش ماتنشد اناشيد اسلاميه يفيد"

ارغد"واني اكله اقره بلمجالس الحسينيه صوته حلو راح ينعرف ويكومون يطلبو "

كال"بعد تردون اجودلكم واضرب ركعه  والله كعدتكم مال بطل وووو مدد على ضهرا وايديه ورا راسه "

سيف" انت مثل ذيل الجلب اعوج ماتنعدل"

تميم "كل واحد يعرف ربعه " وضحك

سيف"تافه شترجه منك ابن الخوش ... وسكتت"

صفن تميم شويه كال " اذا اكلكم عازمكم على حفله تجون "

سيف عكد حواجبه" مو اكلك كيولي  اخوك هاك عازمنه على حفله بشرفي اذا مايضرب بطل مااطلع سيف ابن رميض"

تميم" مو راكصلك ابن الحلوه هازلك خصر "

ارغد"تميم شنو حفله  ابراهيم وابوي اذا عرفو يعلكوك فلقه "

تميم"وجه الفكور انتو مال لطم شكد تفكيركم وصخ خفلة عرس "

ارغد "اكيد انت التغني"

تميم" اي اني الاغني بعرضي محضرلهم اغاني اله اخليهم يذبون لحم طك اصبع مال هجع "

ارغد" وكفت اهز بيدي وسويتله شعر شعر وهزيت خصري واني اصير ملايين المطرب والراقصه اشر علي وعليه "

سيف" ههههههه عوزكم مطبلجي واني "

تميم "كوا...... ماارد عليكم كلت تغيرون جو مااعتب عليكم سرسريه "ضرب ارغد على علبته "وانت  اغم اذا حجيت تنطرد من الغرفه تنام بلحر وياكلك الحرمس"

عافنه يغني اريد ابجي على سويف ابو الغيره شراب العرك وبطالت ...... ويطك اصبع

صاح سيف "جلب مامنطي عظم "

غمزله تميم "ربع ربعك وانت اعرف بيهم ابو السيوف"

ضحكت عليه خرب غيرته شكد يتعب شكد يكرب شوكت مااشوفه يغني حتى امي صيح البركه طارت من البيت  منوره هذا الصايع

سيف الدين▪

رجعت من ارغد بعد حميد هوه وتميم طلعني من جو الحزن ماانكر تالي اليل اذكر كعداتنه ضحكنه مسامرنه مكانه  شي منكسر داخلي مايعود ويصلح

قراري واتخذته اقدم كليه عسكريه الشيخ ماعارض زياد هوه الباشر بيها مأيدني

وبيوم انتفضنه على تهديد وراس ديج الورقه مدمره دم البيت نخبص يومسن زياد طلع بساتين كربله رغم هوه مومن ضمن الاحزاب وجوده بلسلك العسكري للنضام السابق تهديد بحد ذاته

السلف انكلبت فوك حدر من سمعنه سقوط بغداد انتفاضه بحد ذاتها الشيخ خاف علينه

واجه الماكان بلحسبان قرار الشيخ ننتقل لكربله يم زياد خلاني مدوهن صفنت انه لا ابنهم واكدر اعترض ولا انه عدي اهل واكعد بسدهم ضليت بين نارين

البستان مكان حميد ارغد الولد جماعتي كلشي تغير ونكلب  شبوع الشيخ اشتره بستان هناك

ارغد ماعده علم بيوم الدره  وجها انكلب صار كركم
ضل ساكت وحيرته مثل حيؤتي لحد ماطلب اعيش يمهم ضحكت على الزمن

اهلي عايشين وانه ضال من بيت البيت كتله"يخوي ماترهم لاهي يوم يومين ولا هي مقبوله وانه ماتاركك نجي نزور بعض وانه كليتي بغداد تعرف مكانه اليوسفيه وانت بجامعة بغداد نكدر نشوف بعض "

نصه مقهور ماحجه شي عافني وراح

الما ابوها وكرابتهم اجو ويانه وبلفعل بلشو العمال بنو بيت وزياد قريب هوه الاشرف عليهن

شهر وكمل البيت وصارت صدك ارغد وتميم ماودعتهم كلت اكمل شيلت الغراض وامرلهم
اتفاجئ بجيتهم عاونونه رغم زلامنه كومه

حضنت ارغد بجه "افه هاي انت زلمه قابل مسافر
هي شمرت عصه بس ادكلك تلفون تلكاني يمك يخوي تره انه كوه لازم رويحتي خلني امشي
وماشيل هم هلروحه "

ارغد" صعبه عليه اشوفكم واحد ورا واحد يودعني "

سيف" استغفرالله حميد ويانه عايش مافاركني يوم الله يرحمه يعز عليه اعوفكم واعوف البستان الي بكل شبر ذكره تنهدت"

تميم" تعلمنه عليك لو ضال يمي جان شويتك طبال بعرضي"

ارغد"واني الراقصه مالتك ماتسكت تميم وكت شقاك"

تميم" اووي سوندس شكو اعتبره جلب وراح"

سيف " ساق.... مو اكلك ماذابلك عظم " ضربته بطنه

دنك متوجع"خرب والد..... ابن اجلب "

سيف" هاي للجلب"

ارغد " خرب شبيكم مجلوبين لازم تخربون الجو"

تميم"اخخخخ هذا الس..... بطني "

ارغد" انت زعطوط "

سيف الشيخ صاح هااا يابه نتوكل  عاينت ارغد دمع حظنته رجعت حظنت تميم ركض ركبت وياهم اذا اضل اكثر ابطل

الطريق طويل والفكار تترادم كدام عيني العيشه صعبه وصلنه وجان الوضع على الهاويه الشيخ والولد ووالكرابه كلها تعاونت وكمنه نزرع ونحصد مطلعين عيشت البيت

فرات تخرج من سنين ايام جنت صغير وفتح محل مقاولات  عفنه حالنه ومالنه وشاردين بروحنه

ايام صعبه مرت شهرين ورحنه اشتغلنه ويا فرات يله كدرنه نرجع مثل الاول

سنة 2003 من السنوات التنذكر وماتنسي باشرت بلدوام وبلفعل كانت من اصعب التخصصات وكلها يهون لجل احصل مرادي

ارغد باسام الاجايز من انزل ماارد لكربله اطلع الجامعته اول نوبه رحتله وكلي امل الاكي كون مامغير قسمه

سألت ودلون جامعته ماقبلو يدخلوني وانه مزينيني صفر رغم طولي بس هيئته وضعفي يريبهم التدريب الاكلته الحيوان مايتحمله

ضليت متاني كدام كليته لمحته رحت وهوه واحد يسولفون مامنتبهلي مجرد عينه صدت الي

صاح " سييييف  " حضني بادلته الحضن اضحك
سيف "حبيبي "

وخرت منه صاح الجماعته هذا سيف الدين الاحجيلكم عنه " رحبو بيه شكرت منهم

رحت وياا للقسم مااعرف شلون دخلوني بهذا التشدد
كضيت يمهم يومين

ارغد مو ارغد كبل السبع اشهر عفته يدرس ويشتغل وبليل يكضيها دراسه في سبيل يوفر مصروفه

اخوانه مقابلين يساعدو بس تميم منطي وهوه ماخذهن منه ديم اعرف تميم يحبه بس ارغد نفسه عزيزه

دراسته صعبه اعرفه سبع مايصعب عليه شي
رديت ثاني يوم واجازتي سبوع عفت ارغد وجه يبجي خرب يومه شكد ينحب جنه الحجيه

سديم▪

استاذ نصرت صار مثل سكينه على ركبتي كرهت الدراسه بسبيه عشت برعب

تكررت طلباته الي يريد يحاجيني كرم صار يجاسر ويحوس كل شويه طالع ماد راسه والاستاذ يطرده

اليوم  اول درس درسه ونفس العاده كرهت روحي
كوه رحت حاجيته "استاذ ميصير والله راح سببلي مشاكل ابن عمي وياي بلصف والطلاب كلها اخذت عليه نضره موحلوه "

نصرت"شعليج بيهم اليجيب اسمج بحجايه انومه برحلته شحده بس انتي انطيني فرصه صدكي مااعوفج "

سديم" استاذ تحرجني بتصرفك اني اريد ادرس ماافكر بغير شي فدوه عوفني بحالي والله ابويه يبطلني "

نصرت" مااسويلج شي بس بادليني الحب عجبتيني ودخلتي بالي واريدج وان شاء اللة بس تكبرين اطلبج من اهلج "

كلبي وجعني اجست ابجي "والله مااريد ازوج بعديني صغيره ويني وين الزواج"

هنا طلع كرم

نصرت صاح"قندرتيش انت مااطب كل شويه ماد بوزك بوز الجلب"

كرم " صار نص الدرس ورانه دروس ماتعوفه شكو موكفها هيج "

نصرت عيونه نطت صاح "خير ياطير من الاستاذ ومنو الطالب اشو ماخذ راحتك حيوان "

طب كرم والاستاذ التفتلي اشوف شغلي ويا هذا وغير مره نحجي

طبينه نكمل الدرس كوم كرم كله "اليوم عقوبه الك حل كل التمارين على الصبوره وحدك "

كرم موهلكد بلرياضيات واشوفه يكتب ويحل ويطلع غلط مره مرتين ماحسسن خير نصرت كض كرم شبعه ضرب

سديت عيوني واذاناتي واسمع صراخه بس جانت صرخاته مال الم مو توسل

تخبلت حضنت الجنطه وجهي بطنها ارجف ونصرت مستمر بضربه وانواع الفشار

واستمر هذا العذاب استاذ نصرت استغل ضعف كرم بلماده ويصر يكومه كل درسه ويعاقبه على اقل غلط

كرهت المدرسه كرهت كرم لان حبني كرهت نصرت ككت مااطيق اباوع بوجها وهوه حس شفت يعاقبني بكرم ويخلين اضطر من يحاجيني لو يصيحني اروحله علمود ميأذي لو اكله استاذ خطيه لتأذي

وكرم متحمل هل كتل في سبيل يغيض نصرت وميخلي يستفرد بيه ويحاجيني

اماني حست وحذرتني مااروح ويا لمكان وحدنه واي تصرف منه اعيط  استاذ ونخاف نحاجي وكان يشوف هذا الشي بتصرفاتي لهذا ماتماده وياي
كل وكفاتنه كدام الصف

وبيوم الطلاب والاساتذه نضمو فريق طوبه  جمعو الطلاب بلساحه لتشجيع

كرم منهم مجرد  مد رجله ال ستار عثر بساطه

ماحسسنه غير ستار كضه كتله كتلت موت صؤت اخاف اباوع كوه الطلاب بعدو عنه

ركضت الاماني للصف دخلت ارجف الست شافتني رزلتني وكفت اماني" اسفه ست مااعرف شبيها" رفعت وجهي ابجي

اماني وجه انخطف "منو وياج شديم احد متعرضلج "

هزيت راسي لا

اخذت نفس "شبيج كلبي منو وياج "

مااكدر ارد اخذتني غسلتلي وسكتت رجعتني وياها

كملت وطلعنه سوه بعد ماشفتهم

بدلت نمت دون اكل كوه كعدتني اماني تستجوبني
" احجي شبيج اليوم "

نصيت وبديت احجيلها بعدني دااحجي

طب ابويه عيونه بكصته صاح "شلون كرم يتحارش بيج وماتحجين "

.........يتبع