رواية بين الكاف و النون الفصل التاسع 9 - بقلم saja altaie95

بين الكاف والنون (كن فيكون )

البارت التاسع

الكاتبه سجى الطائي

/////////////////////////////////

يناهي الشوق ذمـه وذات من ذات
وفرق مابين حالي وحالك إبعيــــد
سنه وصدك يِضَـوك الروح لوعات
ويجكمل لي الجروح جروح ويزيــــــد
أبات إبحضن صبري إليالي ويباتْ
جرح يصحه وجرح متغصب إيزيــــد
وأقول إشوالف السرحان للشــاة
إعله سـجّه وقاوداه الإييد بالإيـــد

تنينا وأملينا إجفونـه إبطيفْ
وصبرنا وصبرينا الآه بـــــالآه
وتحسفنا الحســافه وحيف عالحيـف
اعله سواجي الدموع المالهن جـــــاه
إشيصير إعله الترف لو ينحسب ضيف
إعله غفله وعيد وصل الزين محــــلاه
أنا ابعازة الموت وحاجبك ســيف
وأمــوت إبغير صدّة غيض ماريـــد

_______________________________

سيف الدين ▪

بين الوعي والا وعي حسيت بلمستها شفت وجها وغمضت تتحسس جبيني فزت تهمس بقلق "خاله مصخن نار صاير "

صوت كفاء ترد"وخري يمكموعه ميصير حرام تجيسي "

الما"خطيه شوفي يجوي بس اسويله كمادات عنج"

كفاء"لا شو طفري ليغاد لا تجين روحي لمج لا تحس بيج كاعده وتجي تتفقدج وشوفج هنا "

الما"مأ اريد اطمن عليه يله ارد المكاني "

كفاء" الما اسمعي الكلام لا تعاندين سيف مو صغير باجر يكوم على حيله مابي شي واني يمه روحي عيب كعدتج يمه "

الما" اكعد بعيده بس اشوفه "

كفاء نترت "كومي لج تره هسه اروح لبويه اكله يجي يعلمج المستحه صايره فرد نوب بليا خجل "

الما "شنهي شمسويه هي شوفه قابل بايسته "

كفاء ضربت خدها "دهر يفر راسج يمصكعوه دور بوس صدك انتي بله اخلاق وتربيتج سزز كوممي اذا مااحجي لمج ترجع تادبج وتضب تربيتج شوو كومي كدامي حتى ماكلتي عيب من خالتي شلون احجي هيج كدامها بكل عين صلفه "

الما " شبيج خاله هيج دفعين بيه طالعه طالعه بس عليج بداعت مقدام عزيز كلبج لا تحجين لمي شي وانه اوعدج مااكرب صوبه"

كفاء" من موت الكرفج وكرف لسانج رشاش مو لسان وفوكاها تحلفني مااطرش لمها واحجيلها سوالفج التعبانه امشي كدامي لا والحسن انعنعج تنعنع واخلي صريخج للضالين واف جهم على صلافتج"

اسمعهن ومابيه حيل اضحك هيج الما لسان وانه ماادري اخر فتره لهيت عنها

صوت كفاء كفيل يخليها تخاف سمعت طبكت الباب ردت كفاء يمي سويلي كمادات صارت الغرفه هدوء عرفت طلعتها

ثاني يوم صحيت والشيخ يقره يم راسي قرءان شافني انطاني علاج اخذته ورديت نمت للعصر كعدت عركان متت كمت طبيت سبحت كلشي مابيه

رديت الوحشتي رديت الغربتي تمشيت للبستان
اعاين على الزرعات الزعهن باخر ايامه جن عمرهن اطول من عمره اخخخ ياخويه المنيه اخذتك بسرعه مالحكت اشوفك عريس واوكفلك وكفت اخو لخو

وصلت المكان كعدتنه تربعت بين العشب شايل الفراش حبيت احس برطوبت التراب ارتاح اصفن وتردني صفنه منين مااجيبها مسدوده بوجهي جبتها من طفولتي لهل حين شنو تاليها مالي راحه

حسيت مشيت اجدام وراي كمت عاينت هذا عمي

جاسب كرب "هاا ابني شلونك"

رديت كعدت وكعد كدامي"برحمت الباري"

عمي جاسب "ونعمه باالله " تنهد الحزن مخيم عليه الحيه طولانه الوجه شاحب مكرمش سبحان الله هيج بشر من يوكع بمصيبه تاخذ من وجها وتغيره الروح شلون صير اذا الوجه هيج

منصي يعاين على سبحته همس "حميد من وعه للدنيه وهوه يعاين لمه ويطلب اخ اله دوم يكلها يمه اريدن اخ طفل سويلي الله ماكتبلنه بعد مشيئته هيج رادت حمدته وشكرته صرت اعاينله يوم يوم يكبر حله بعيني وبعين امه معدل من زغره يحب الزرع

اخذه وياي علمته شويه شويه لحد ماا تعلق بيها يناطرني شوكت اصحه الكا كاعد احجي عليه ولك بويا شعدك مغبش يرد اروح وياك ادريك ماتندهني

ومشت بينه الدنيا وصار زلمتي بين السلف ابو حميد ماينادولي ابو احمد مشه عليه هذا الاسم
لحد مااجيت انته ونورت حياته وخليته صويحبك ورفيجك تعلق بيك هواي دوم يسولفنه سويتو فرحان من كتله هذا الولد صار اخوك وسجل بسمي يضحك واجاك ركض بويا صار عدي اخ
بيومها مانمت للصبح ومنذاك اليوم انه وامه نراجع وكل سبب ماكو لمنع الانجاب بعد هي كمت ربك ..

ابني حميد راح الرب ارحم مني ومنك ابني اعرفنه طاهر ومن هوه زغير علمته صلا وصوم وعبادته ملتزمه بيها احمد ربي علمته من صغره وماغفلت عنه انام ومبالي مرتاح ضميري مايانبني

سيف بويا الحزن شما مشه بينه مايقدم شي لا حميد يرتاح ولا انت الترتاح شيرد منهم لو يردهم انه ابو اضل طول العمر لابس الاسود وابجي عليه سنت ربك كبلك فقدت اب وام واخ شنهي رديناهم ميوصلهم شي غير بس اعمالنه تحبه كوم توضه واهديله كم سوره تريحه

سكت رغم يحاول يقوي روحه ويقويني بس الكسره البصوته كفيله تبين حزنه

نصيت لالت دمعه بعيني مااكدر وهوه كاعد يهود بيه ونار الداخلي شيطفيها فركا يامصعبه مسح على راسي وطبطب على جتفي كوم ابني املي بيك تدخل كليه وتحقق حلمه الحرمته منه

والله بجه كلبي نعصر درت وجهي كام يباوع للكاع مسح وجها بطرف شماغه  رد للبيت محني اعايله كوه يمشي

سديم•

عشت بين اربع خوات ثلاثه شهدت على زواجهن واني بعمر الاربع سنوات كبرت بين اخواني تحسين وحسام اعز شي على كلبي رغم الساني وطفولتي البريئه مااحس نفسي وكحه هيج ماخذه الحياة اماني اقرب اخت الي

كنت شاهده على معاناتها من والدي اول مبطلها حاربها حرب نفسي ميريد يصرف عليها السنوات الكعدت بيهن تعلمت تخيط وتلم مرات تنطي لمي ومرات تعزلهن الها وبيوم الطلبت من والدي يردها للدراسه تخبل وكالتله مااريد منك شي اني اصرف على روحي لو بيوم اجيتك وكتلك اريد شي بطلني مراح اعارض

وهيج رجعت اماني للدراسه اشوف تحسين يرجع من العسكريه مهدود حيله في سبيل الراتب لو حسام الشغله عماله متعب وعلمود عيشتنه وابويا مجرد جيب جيب ميصرف من جيبه رغم عدنه بستان وكيعان مشغلهن

امي الي توقت روحها بمصرف الينيطي الها حسام وتحسين ومرات تحصل من الخياطه وتضم للبيت مجرد عيشتنه اكل والنحتاجه للبيت

مرت هاي السنين تعودنه اليوم نهايات سنة2002 
ماباقي شهر ويبلش الدوام

كنت فرحانه اماني خيطلتي سدريه ويه سدرية العام صارن ثنين ابادل بيهن هاي السنه ادخل متوسطه حسام قدملي بثانوية اماني وهي وريحانه سادس الما بطلوها كوه من طلع ابوها جانت خالتها كفاء واكفه بوجهم ومخليتها تكمل

اليوم اخواتي ملتمات كل جمعه يلتمن امي سوت مرك دجاج ابيض سوب ويا تمن وخضره صحت يوووم ضميلي الركبه مو تخلين حسام ياكلها

اماني"بعدج تخبلين بروحج حسام مجرد يغيض بيج هوه ميحب الدجاج "

سديم"لا هوه دوم ياخذها مني وياكلها "

امي" يمته حسام ياكل منج هوه يفلسلج الفخذ وينطيج "

سديم"اي معليه ضميلي الركبه"

امي" جنج على ركبه هي حصتج "

طبت اختي الوسطانيه اريام بيدها طاست الخضره ملكطتها "هاا ام بطن بعدج تتعاركين على الركبه"

سديم"الله شايفه من تمصمصين العضام واذا مشويه وبيها دهن الطعم مسحت على بطني استعجلن جعت"

اريام"هههههه ولج انتي متكبرين جوعيه"

اماني"ضاله بس تشها مشوفين صايره سمنها "

سديم ضجت"مو سمينه مربربه "

اماني تخوصرت بيدها چبجير التمن "منو كلج انتي مربربه عيني "

اريام"لا سديم تره سمنانه وهاي انتي عود بعدج مطاكه لو تكبرين شويه شصيرين قللي اكل وحاولي لتاكلين بليل شي ثكيل تره يسوي كرش"

اماني"مو بس تكرش تنحرم من الطلعه والبس والله ابويا يلبسها عبايه هي هيج وفصلتلها صدريه شكد عريضه لمن لبستها ضيكه عود اني ماخذه مقاسها على العام "

عكدت عواجبي مبرطمه"سديتن نفسي هي ركبه شطلبت سويتني فيل لو اكل ثلث مواعين تمن سويتن "

طلعت زعلانه منهن واسمع امي تحجي عليهن

عشنه بوسط بيت تحيطه ناس تتصيد الفرص يوكعونه بشرهم عمامي داير مدايرنه بيت بصف

بيت عشنه عمرنه نشوف والدي حجايته بيد بيبيتي وعمامي مايوم مشه كلمته من راسه دون شورهم امي انضلمت وسطهم كونها فقيره اهم شي عدها دبر فلوس المسواك وتقوت بي علمود الفلوس يكفنها ومنموت جوع

تلمنه سفره محبه من ايدين امي واختي داير مدايرها اخواتي واخويه حسام خطيه بتراب
العمال جاي مجرد غسل اجفوفه وكعد ياكل

من صغري واشوف ضلم عمامي وبيبتي سيطرون علينه بكلشي اريام الزواجها صار غصب لواحد
كلشي مايملك حتى بيته يمكن حضيرة الحيوانات
ارتب منه

وكان هذا تدبير بين عمامي وابويا انطوها خلو امي
تبجي دم على حالها وماكادرت تحجي وياهم

تجينه تبجي من الجوع والحال البي وصلت بيهم بنكه ماعدها بغرفتها الصيف كله كضته تهفي بكارتونه لحد ماجسمها تحصف من حرارت الصيف

وبيوم اجتنه تبجي حامل ومتريده خلت تحسين وحسام يفورون مايكدرون على عمامي شيسوون  ويشوفون ابويه لعبه بيديهم شيكلوله يكلهم تم

عشت طفولتي بمأسات اب ضالم وام ماعدها سبل للعيش غير توفر اكل  ماشفت كدامي غير اماني الصامده وعرفت شلون تعيش وسطهم وهي فارضه شخصيتها عليهم

قبل السقوط باشهر طبت مرت عمي هناء وراها عمي
ركضت سلمت عليه بوسني كعدو ابويا جان بلغرفه مدد طبيت كتله "بويا عمي نعيم بلبيت "

كعد"شوكت اجوي"

"هسه طبو "

طلعت طبيت الغرفتنه اماني كاعده تعدل بخياط سدريتها "عمو نعيم وعمه هناء هنا"

كملت خياط"اي شسويلهم"

"ماطلعين سلمين عليهم"

ردت"لا كاعد اخيط"

"واذا ابوي صاحج"

وكفت المكينه"سديم روحي يمهم امي هسه سويلهم جاي واليسألج عليه كليلهم نايمه "

مديت شفتي "وهاي التنعر صوتها شعلوه يسمعو وهسه يدرون بيج كاعده ويعرفون بيه جذابه"

تنهدت بضجر"روحي حبيبتي اذا سالو عادي كليلهم تخيط وماتدري بيكم "

هزيت جتفي "ماادري اذا حجت عليج عمه هناء مالي شغل "

عفتها وطلعت كعدت يم امي محضره صينية الجاي كدامها وطاست الاستكاين بيها مي وخواشيك ومواعين الجاي والشكر دان

عمي نعيم "تحسين كبر ماناوي زوجه"

ابويا" منيلي ازوجه الزواج مايرادله مصاريف وتجهيز وانه يادوب لاحك على عيشتهم"

عمي "تدبر مصاريف العرس بيناتنه انلمله والعشه بيناتنه ما نعزم بس احنه والمنا ومنا بيهم كوم ويسدون "

ابويا"منهي التقبل وهو بطرك راتب الجيش "

عمي "بنات عمامه كومه شحدها الترفضه انه انطي بس يكلي عمي اريد منك خل يكبعها وياخذها بعباتها"

ابويا ابتسم ونفخ نفسه "والنعم منك ابو نعمه ماالكه احسن من بناتك لبني وين يلكه بت عمه ومنه وبينه
وهم تعرف حاله "

هناء"والله يابو تحسين انه بناتي عزيزات عليه وحبابات وحجواتهن درر وماطالعه منهن العيبه ومالكه احسن من تحسين الهن وهم نتكارب
ونصير نسابه وهل دارنه بصف داركم وبنتي كدام
عيني ماطلعه الغريب منه وبينه شنعرف عن الغريب"

ابويا"والله والنعم منج اخيتي وانه وين الكه مثل بنات اخويه معدلات تلمه وبت عمه كريب احسن من الغريب على كولتج شنعرف منها "

اباوعلهم فرحانين وابويا مكيف صافنه يخططون للعريس والعريس مايدري امي ساكته ماحجت

راحو بيت عمي ابويا وصلهم وطلع امي تنهدت تحجي"هاي راح لمه هسه تقنعه وتحش براسه "

صدك يومين ونزل تحسين لليل ابويا فتح الموضوع ويا

تحسين كاعد بلكاع منتجي على الكرويته بعد ماسمع بطلب عمي كال"بويا اعفيني من عمامي وبناتهم مااريد منهم "

ابويا  كله"شنهي شعوزهن بنات اخوي وماتريدهن شناقصهن الباب ماطالعاته وين تلكه بأدبهن اخذ منهن حشمه واخلاق "

تحسين رد" انه ماكلت يعيبهن شي بس انه مااخذ من عمامي اعرف ماناقصهن شي وحبابات الله يستر عليهن بس انه ماهاويهن دوم كدام عيني خلني بعيد
وسعيد "

ابويا " عدك وحيده حابلك وحده كلي ليش هيج رافض بنات عمك "

تنهد "لا يابه ويني وين الحب شايف دربي حتى احب واعيش مثل الناس "

امي نبت" ابو تحسين لاتضغط على الولد يجوز ماهاويهن دومه يشوفهن وكبال عينه حاسبهن مثل خياته هل شوفه نفسه جاز منهن "

ابويا"هسه انه شكل لخوي ابني مارايد بتك مايزعل ياخذ على خاطره شنهي البيهن عيب "

تحسين"مابيهن عيب وماناقصهن شي وكاملات ولو واحد غيري ماايتردد بس انه مثل ماكالتلك امي دوم اشوفهن ويه خواتي مااتقبلهن "

سكت ضايج دار وجها وكام طب الغرفته نسد موضوع زواج تحسين من وحده منهن اماني كيفت وشجعته وانه صافنه عليها ليش هيج خربتها
اماني اكثر وحده ماتريدهن ومتحب جيتهن
ماادري ليش اني احبهن واحب عمي وافرح
من يجونه ومرات بيبي سير اتلكاها من الباب
احضنها وابوسها

بس اماني بينهن مو هلكد وياها متجنبتها وبيبي صيحلها الكويه  وهي تغلس عنها ماترد

صادف يوم ثنين دوامنه اول يوم كعدت من الصبح كاويه ملابس البارحه اماني كوتهن ويه ملابسها
نطرتها تكعد كوه كعدت تصلي صلاة اليل للفجر تكمل وتنام تكعد نعسانه

امي وابويا كاعدين من وكت مريكتا وطالع للبستان
غسلت ورجعت ابدل اماني وراي بدلت

طلعنه للمطبخ امي مسويه جبن عرب وقوري جاي حار كعدت اكل اني واماني

كملنه لبست جنطتي اماني تلف بربطتها هاي تعلمت من النجفيه ريحانه المعقده همست" بعد لبسي بوشيا وكفوف"

رد " شكو بيها ان شاء اللة من ادخل جامعه اشوف الوضع اذا مرتاحيت اتنقب "

هزيت ايدي" ليش متبطلين وتكعدين"

كالت"وليش تحسبين الالزام تعقيد ليش مدكولين حفاظ وستر وتجنب الحرام والتقرب من الله "

مشيت "اماني واليرحم امج لا تبلشين بمحاضرات سيد محمد طبقيهن براسي وتاكلينه خلينه الدين الج اني هيج مرتاحه "

سدت باب الهول كعدت على الدجه تلبس بحذائها "اني مااطبق شي مجرد انقلج جزء من التعلمته عسى ولعل تهتدين وتلفتين البسج وتحافضين على روحج اكثر"

سديم"وشكالولج عليه لابسه مشرشب ومطلعه زروري حجاب ولابسه وسدريه عريضه وطويله
بعد شلبس حابه البس كونيه واطلع برميل هذا"

واشر عليه مركون مال عماله

اماني "دومج لسان وماتسمعين الكلام اني انصحج مكايله لبسج بي شي بس زيدين روحج حلاوه من تلبسين عبايه وتحافظين على مفاتنج "

ندك الباب التفتلها "هاي اجت تكج امشي نطلع "

هزت راسها مقابله "عيب من البنيه لاسمعج"

مشيت "واذا سمعت قابل غالطه عليها " فتحت الباب صارت بوجهي ابتسمت صباح الخير

رديت"صباح النور"

تباوع وراي دور اماني"كملتو  لو بعدكم "

طلعت اماني تلبس بعبايتها ضحكت"هاي مكملين السلام عليكم"

ريحانه "وعليكم السلام والرحمه شلونج"

تباوسن ريحانه شبكت اماني واماني مثلها شكد يتعيقلن واكفه اباوع عليهن كملن وطلعنه نمشي
نفس طريقنه زدتهن نفر بعد نقص الما

الجو بداية شته وبي بروده حلوه والشمس طالعه والعصافير زقزق والناس استفتحت محلاتها

اسمعهن يحجن بمواضيع متفرقه واعاين اليكدام
لمحت تميم صار جزء من يمنه عادي عرفنه وكفته
علمود ريحانه

التفتت عليها شفتها مندمجه سولف ويه اماني مامنتبها وهي طبيعتها تمشي مدنكه

وصلنه قريب يمه ريحانه بؤبؤ عينه تحرك لمحته نصت خجلانه اماني حست ماباوعت كملن الطريق
اشوف بمكانه وعينه عليها لحد مادخلنه واكفه بدكان
مقابيل المدرسه هوه مفتحه يبيع بي حلويات

طبيت للصف بعد الاسطفاف وعرفت صفي كعدت ثاني رحله مدارسنه مختلطه لهذا اغلبيت العبرو همه طلاب جانو وياي نفس المدرسه بس الماجنت متوقعته اشوف اكرم نفس ماهو

بس شويه طولان ابن عمي وياي نفس الصف
مكان منتبه لوجودي مجرد لاف روحه ديعبر من سراي طاحت عينه عليه فتحهن مصدوم ابتسم فرح
ابتسمت مجامله" هلو كرم "

خجل نصه "هلو هلو شونج "

كتله" زينه"

مشه كعد اخر شي بسراي

مشت الايام بيه وكرم متغير شي ماكنت مصوره
حبه نابع من كلبه اضحك هليه زعاطيط وهذا من
صدك متعلق بيها

نضرت عينه وفرت بؤبؤ بصوره مفاجئه ادركت
مشاعره صادقه نحوي

خوفه من شوفتي خجله المفرط يوم يوم اجنبه مجرد صداقه تجمعنه محبيت اختلط بي

لكن الماكان بلحسبان دخول استاذ نصرت االساحه
كان اجمل الاساتذه عيونه الملونه شكاره بشرته الحنطيه على برونزيه خله البنات ينشدهن بي
اثار مرهقتهن اشوف التودد اله من قبلهن خلاني  بصدمه ذني مايستحن

يوم يعدي يوم واني اشوف الكل تتامله وهوه يجامل ويضحك وماخذنه بأسلوبه الحلو

لحد ماانتبهلي ابتسم كال" اسمج ياحلوه"

"وكفت مرتبكه استاذ اسمي سديم "

تقرب وكف كدام رحلتي"الله حلو اسمج مثلج "

نصيت  خجلانه كال"اول مره اشوفج مامنتبهلج من قبل شنو طالبه جديده نقل جايه"

هزيت راسي"لا مو نقل من اول ماداومنه اني موجوده"

ابتسم"ليش مدنكه رفعي راسج اشوفج "

كوه رفعت راسي لمعت عيونه " تعرفين تحلين "

هزيت راسي رحت يم الصبوره وكفت احل وهوه وراي مسافه يباوعلي مكتف ايديه بلعاده يسأل ويه كل خطوه من كومني ضل ساكت كملت

التفتت نفس نضرته نصيت همست" استاذ كملت "

كال "عفيه صفكولها "

رجعت المكاني طول الدرس هوه عينه عليه

يوم يومين اسبوع  كلها حست ضجت من الوضعيه ابن عمي وياي خفت ليسببلي مشاكل

مر الشهر بسلام كرم حاس الاستاذ عينه عليه الاثار
خوفي تملق البنات يصيدن الفرص يؤكضن يمه بحجت مفاهمات ويوكفن بصفه يشرحلهن

شنو البي خلاهن هيج يردن بس يحجي وياهن
الوضع زاد مانقص كرم كام يضوج منه اشوف شلون
يسوي مشاكل من يدخل علينه

اماني مذكرتني مااختلط باي ولد وهي مطمأنه كون ابن عمي وياي كنت حذره واني طبعي مااتأثر ماحب سوالف الحب

بيوم طلعنه رياضه المدرسه كانت تحبنه لبسنه تراكات واول مره البس واحضر دربتنه على كرت الطائره وكيفية الرمايه والقفز

تعبنه كعدنه نستراح البنات تهامسن عرفت شافن ستاذ نصرت يتمشه بلممر لمحنه اجه وكف يسولف ويه الست

يحجي بجماليه ماخذ كلوب البنات بعيونه بعتنائه باناقته وترتيب لبسه وعطره من يفوت نعرفه هوه
زراك عينه يلمع بلشمس لوحه فنيه حلوه هل داخل
هذهِ الوحه مثل خارجها معالمها الخلابه تأسر قلوب
المراهقات ..

باوعلي صدفه رفعت راسي غمزلي بطرف عينه
صار بيه نصيت مستحيه درت وجهي كرم مسافه عني عكد حواجبه وجها مزنبر وهوه منا اسمر
صار جيره ضحكت بداخلي على سوالفه

........يتبع