رواية بين الكاف و النون الفصل الحادي وثمانون 81 - بقلم saja altaie95

بـيـن الـكـــــاف والـنـون

الثامن والسبعون

سجا الطائي🍃

جنة نكتب على الليل بقلم اسود
وما نبرد الماي وحده الماي يبرد
نلزم الحسرة ونجتفها بحبل
خاف يم الغبرة تنهد
ندري بالسجين حمرة
وباشطه من غير مبرد
اليبجي على الضحكه تعوفه
واليفك الباب ينسد
خوفونه من المصيبه واحنى بيها
واحنى متعودين على الخوف وعليها
والشمس لبست عبايه تغطت من الشايفيها
وارامل مكومه كعدن على الرصيف
يارصيف الموت بلكي يمر وليها
غطي وجهك ذيج سجين المنايه

رغد

قفلت الباب دخلت بفراشي لميت نفسي بجيت لحد مانكطع نفسي دموعي ترسن المخده امسح وينزلن مقهور شنو ذنبي شنو السويته اله

مو ضحيت بروحي وراحتي علمودك مو تحملت اهلك ومذلتهم مو نزلت نفسي الخواتك في سبيل راحتك

نمت ودمعتي على خدي كعدت  ثاني يوم غسلت  سبحت وكعدت مشطت شعري شسورته  رغم وجع بطني بس تحاملت

نزلت مكيجه ومرتبه نفسي خالتي كاعده صبحت عليها  ردت  وبالها مو يمي 

سويت ريوك الي والها حضرت الصينيه  اخذتها يمها باوعتلي هي سبح "ماشتهي يمه اتريكي وحدج"

رغد"لا خاله وياي اني هم مالي نفس كلت وياج تنفتح نفسي"

باوعتلي ابتسمت بقهر  اكلت وياي ساكتين صبيتلها جاي كالت "شلونه حملج"

نزلت الجاي من ايدي " راح الحمل خاله طرحته"

شهكت ولطمت على صدرها "يا ارغد يمه شنهي ولج شوكت طرحتي البارحه مابيج شي وانتي فوك نايمه

رغد"  بليل حسيت بالم وخابرت ارغد اجه اخذني للمستشفى وطلع عندي طروح "

خالتي" غدي يمه غدي من عين الماصله على النبي سور سليمان حواليكم ماتعدي سلامات على الولد لازم ينشلع كلبه ويتعذب "

سكتت ضلت تتحقق مني اخاف ماكله شي شون طفل اطرحه بدون علامات دل على الاسقاط ماكتله كدرت اقنعها صخنت والصخونه كتلته

شويه ونزلت ضحى بيدها سلت ملابس وصخه شافتني صفنت مستغربه كالت "شونج"

رفعت حاجبي"زينه من الله "

خالتي نبت "شلونها البت البارحه طارحه اخخخ يايمه ياارغد مادوملك الفرحه ولا تتهنه  حظك وين نايم"

ضحى "سلامتج ربي يعوضج"

ابتسمت نص ابتسامه " شكراً داده"

عافتنه وفاتت للحمام 

طول اليوم اني جوه كاعده ماشتغلت خالتي عاطت بيهن محد اصخرني لان ستوني طارحه 

سناء صارن عيونها بكصتها سندس ساكته وبالعه لسانها ولا جنها هي وضحى

هسه بده اللعب اذا ماالعبجن على اصابعي لليل صعدت مددت خابرت بهاء سلمت عليه سالته على نفسه عرفته متعرف على بنيه خليجيه وبينهم تودد ناوي يتقدملها

طلبت منه يدزلي فلوس  سديته من يمه

صفنت خطوه خطوه ابلش بيهن  صافنه افكر واخطط مااريد اغلط وانكشف ولا الوصها بغبي ضليت النص اليل اني فكره اجيبتي وفكره اترجعني

نص اليل حسيت بخطوات شخص يم غرفتي غمضت ويه فكت القفل اني قافله الباب بالمفتاح ماامن باحد وحتى من انزل اقفل غرفتي واشيل المفتاح

نفك الباب ودخل سحبت نفس من عطره عرفته فات بهدوء خله سويج على الميز  من تحركاته عرفتها بدل ملابسه

فات للحمام غسل وجها ونشفه طفه ضوه الحمام

اتقرب كعد على الجربايه مدد وجر الغطه ماتحركت ولا حسسته اني كاعده جرني الحضنه ضهري على صدره لفني بيديه 

شمني بعمق وتنهد حاقده عليه ومااسامحه ولا كلبي بعد يرجع مثل قبل اذاني وجرحني بنفوره ذبحني من طلب انزل الطفل

كل مااشك  اتعوذ من الشيطان هيج ارغد صار قاسي ومستعد يأذيني على حساب راحت كلبه

مااصدك ولا كلبي وعقلي راضين يصدكو من نفسه عرفته نام ثكل راسه على ضهري

ماتحملت قربه ابتعدت مسافه صارت بيناتنه نمت على طرف الجربايه فزيت الصبح فركت وجهي ثاوبت درت وجهي ماموجود  اكيد من الصبح طلع قبل كعدتهم

وتكررت جيات ارغد نص اليل يجي بحدود ب٣ ويطلع قبل ٦ احتمال حتى قبل الاذان

الايام تمشي مثل ماهي ماتغير شي لحد يوم   وصلتلي شحنه اخويا دزها الي وديت عمو يجيبها ماكال لا فات شايل كارتونه جبيره

ركضت اخذتها من يمه اضحك خالتي كاعده هي وسعاد بالمطبخ والبنات كل وحده بمكان سناء بالغرفه سندس بالهول ضحى بالطرمه جانت تغسل بيها شافتني من فت عمو بيده الصندوك

خالتي كالت" شنهي هذا"

شايلتها فحطانه ثكيله "غراض دزهن اخويا الي"

سعاد"غراضيش دازهن اخوج فوك السلابات العدج مكومه بالكنتور عايزه"

خالتي ردتها"هاي شنو سعاد اخوها وحب يدزلها شني تمنعي مالج دخل بيها "

ماهتميت الكلام سعاد كعدت افتح بالصندوك طبت ضحى مبينه مستعجله تدخل وكفت تباوع على صندوك

كالت"هاي شنو جايبته"

رغد" بهاء وصيت على غراض  ودزهن "

ضحى"شون دزهن الج من اوربه لهنا "

رغد "ههههه اوربه اسمها اوربا  المهم عادي يشحنهن ويوصلن"

صفنت"شنو يشحنهن"

رغد " جبيره عليج شرحها المهم وصلت "فتحته كدامهن  فدوه الكلبه طالبهن مثل ماردت بيديت اعزل بيهن

طلعت هديت خالتي قماش عباية  من مكه كمت انطيته الها" خاله هاي عبايه جبتها توصا من مكه الاصليه "

خالتي استغربت اخذتها فكتها ضلت تكلب بيها فرحت بيها "عساج سالمه يمه ليش كلتفتي روحج وصيتي  "

رغد"خاله ميصير اهديلج شي حلو لو مامسموحلي "

كالت"لا خاله مسموحلج ربي يرزقج  باليتمنا كلبج"

رغد"فدوه الكلبج خاله "

سعاد"شني هاي الواكه من تالي "

رغد ماجاوبتها بس ابتسمت خالتي خزرتها رفعت حاجبي واني اكلب بالغراض سحبت جيسها عرفته من لون القماش خليته على صفحه ماانطيت الها

ضحت سندس اجت  صفنت على هوس اليمي والغراض
رفعت ايدي  جيسها كتلها"هاي الج "

عكدت حواجبها " شنو هاي "

رغد" غراض طلبتهن وطلبت الجن وياي شوفيها تعجبج "

سندس اخذتها فكت جيسها محكوم الغلق شافتها ابتسامتها من الأذان للاذان "

دراعه خليجيه بنقشه ذهبيه  هي طويله من تلبسها تكعد فيت عليها

كالت"يمه شوفيها تخبل تخبل هاي صدك الي منين جبتيها "

رغد"صديق اخويا تاجر بالسعوديا  اني وصيت بهاء وهوه انطا السته وجابهن مثل ماردت "

ضحكت اجت باستني فرحانه بيها خالتي تباوعلي بفرح

طلعت علاكت سناء 

ضحى على وكفتها تباوع  كتلها" ياااا شون نسيتج كلبي عاي هديتج مااعرف بعد تعجبج اولا بس هذا العرفت اوصي عليه مااعرف بعد ذوقج بي

اخذتها متي تضحك فتحتها  سيوتت نوم فاضحات كلهن  سعاد هزت ايدها ضحى رغم فرحتها  بس وجها كام ينطي الوان

كتلها برائه " شووف اني شطلبت وشجاني جيبي كلبي اعذرينر راح انطيج من يمي "

كالت"لا حلوات مشكوره على الهديه"

رغد" لا امانه جيبي ابدلج بغيرهن  والله عيب شوو جيبي لا تهتمين كلبي وعذريني يمكن الغلط مني"

ضحى "لا ايد حلوات"

سعاد كالت"لبسيهن تمام يتخبل عليهن "

ضحى بلعت ريكها هزت راسها  كمت بيدي تراك جايبته الي "هذا وياهن اعتبري اعتذار مني"

ضحى"لا يمعوده شبيهن حلوات مامسويه شي خلفة الله عليج من ذكرتيني"

رغد "لا حبيبتي شمسويه هنه كم شغله جبتلجن"

رجعت طلعت هديت سعاد انطيته الها دارت وجها معاجبها"مااريد  حبيبه عدي كومه"

رغد باوعتلها بتوسل"هديه مني تردين الهديه"

خالتي"اخذي يمه قابل بس الج جايبه جايبه للكل اخذها ولا تردين ايدها "

اخذتها وابتسمت بوجهي مجامله مشكوره عيني ربي يزيدج"

هزيت راسي مبتسمه  كل شخص بالبيت مانسيته عمو جبتلها قطعت قماش ما دشداشه يسموها زبده على مااذكر

تميم وتمام وابراهيم واسامه كل واحد هم قطعه بس كل واحد لون يختلف سناء جبتلها مكياج اخذته مني حتى شكرها من وره خشمي

صعدت باقي الغراض بغرفتي قفلت الباب ركضت ادور على الصندوك الزغير لكيته ملفوف بنايلون وتيب فتحته

وخرت الجيس والاصق طلعت الصندوك خشبي حلو فتحته ضحكت  جابه مثل ماطلبت سديت الصندوك

دازلي هواي ملابس بيت وطلعه واكسسوارات حلوه

كلشي خليته بمكانه 

غسلت وبدلت  لبست وحده من الدشاديش مكيجت مكياج بسيط خطيت عيني وخليت خط جوه جفن عيني السفلي لون اخضر برز لون عيني

نزلت خالتي وسعاد صفنن عليه تعديتهن وفتت للمطبخ البنات ضلن يباعن ماهتميت النضراتهن

ضحى تباوعلي من جوه الجو مرتبكه سندس وسناء مستغربات

ايام مشت واني ماشيه بهذا الاسلوب فاكسه عيونهن بضحكتي واشيل وانطي ملابس اكسسوارات عطور شنو اليتفور جوه ايدي اشيله واوزعه عليهن

ارغد ايام ميجي وتجي ايام بدون مانحس يفوت اكعد الصبح ماالكا خالتي ماخلت واحد مادزته عليه حتى عمو تعب وخالتي ماتعبت تبجي عليه وهوه مامتقبل فكرت هوه مو ابنهم

بالحديقه اساعد عمو طلبته يجيبلي شريحه جديده
ماقصر راح جابلي وحده باسمه اخذتها وصعدت فتحت الصندوك خليتها بي

اليوم زواج سناء بدون هوسه هيه حنه هوه عرس  عدي فستان خليجي كل كرستال من ناحية الصدر للخصر وبعدين ينزل الكرستال مطشر على الكلوشه مالته

بدون اكتاف ولا حمالات  لبسته بعد مال تمكيجت مكياج طوخ حمره ماروني لون الفستان اخضر غامق  عندي شال مخرم  جبته نفس لون الشال لبسته فوك كتفي شعري طولان نص ضهر سرحته  وبرمت اطرافه  شلت الجوانب من يم وجهي لفلفتهن وربطتهن من وره تسريحه بسيطه لبست كرستال طقم  بذيج الايام كان البس بسيط بدون
يفتقر للنزاكه

لبست حضاء اسود كعب مفتوح من كدام

شفت نفسي كامله من كل النواحي اخذت جهازي رشيت عطر رشه اخيره اخذت مفتاح الغرفه طلعت قفلتها وضميت المفتاح بصدري نزلتت البيت هوسه متروس
كرايبهم وهمه شون مايحبون المناسبات

لو مذابحين بيناتهم بوكت المناسبات ينجمعون سواء عرس او فاتحه ينطبق عليهم المثل (اني واخوية على ابن عمي واني وابن عمي على الغريب)

وصلت للهول خالتي كالت"يايمه صلاوات شطالعه رغده يمه "

ابتسمت"حلوه خاله"

وحده من كرايبها كالت" خاله انتي مسيحيه"

خالتي ضحكت"ياام فاضل شنو مسيحيه لا حبيبه مسلمه بس من غير طائفه "

شهكت "ماخذ سنيه خيه مالكيتو غيرها"

خالتي"واذا دادا شبيها اشو عايشه حالها حالنه وماحاسين بفرق الطائفه دادا بذاك الزمن سنين جنه متعايشين ويه صابئه ومسيح وانتي شاهده جيرانه بيت ابو مروه مو صابئه ونحبهم ويحبونه لاتفكين حلكج وتشهكين مامخذتها بوذيه وتنصدمين "

سعاد "شبيج يمه كبيتي على المره تره مكالت شي غلط"

خالتي"سعاد  مالج دخل ولا تشعلين فتنه بحجيي محد موجهلج سؤال  خلي على ماعندج واكرمينه بسكوتج"

سعاد ضاجت صارت نار من خالتي فشلتها كامت للصاله كعدت

باوعت الام فاضل تباوعلي بنص عين كتله"خاله اصور ماداخله بيتج ومفجرته ولا ماخذه واحد من ولدج وكاتل احد هاي الطائفيه الزرعيه مو وكتها رائيج احتفضي بي النفسج

واني لا كفرت ولا زنيت اخذت ارغد واحد مقتنع بالثاني
ووالرسول كال من رضيتم دينه وخلقه فزوجوه اني مسلم وهوه مسلم مماخذني من غير دين ولا عريانه
ولا اخذني من بيت دعاره  فلاتدخلين بشي مايعنيج"

ام فاضل"يا يا يادادا جنتج سمعتيها شدكلي يمه البراعه والسان بله خجل وحياء وبله مستحه شون تحاجيني هيج واني بكد بيبتج"

رغد"جان احترمتي عمرج ومادخلتي "

ام فاضل "والله انج بله خجل ولا حياء الزم رجلج واكله مرتك مامربايه وبله اصل"

رغد" خليتهن الج عيوني انتي انتي اعرف بيهن"

عفتها ترعد وخالتي ساكته  طبها طوب واذا طائفتي غير عمري ماحسيت بالفرق يمهم ولا صليت كدامهم ولا ارغد فد يوم ادخل بيه ولا اني

حتى نقاش منتناقش بهيج امور نتجنب التصادم او الحوارات الثير الغضب بيناتنه لان كل انسان بطبيعته
يحب معتقادته والدين التربه عليه والي اكتسبه من الاب والام واكيد اذا بيوم احد خالفه الرئي بطائفته

راح يدافع عن طائفته وشيله الغيره على نفسه وعلى دينه التربه علي

بدت الناس تلتم اكثر هواي اقارب مااعرفهم تعرفت عليهن كلها مستغربه لبسي لان صلوخ وحده دكلي كسرتي العروس

سكتت عنها وبلفعل اجت سناء مو ذاك المكياج والتسريحه  ومغندبه وشافتني لو عدها عزه

ماهتميت ركصت وهوست ويا اليهوسون وافتر  ذبيت لحم بالركص

للعصر كالو اجو اهل العريس اخذت جبتي من غرفت خالتي شامرته لبستها وجريت الشال مجرد غليته على راسي

دخل الغريس واخو وابن عمه وابن خالته  وهواي من كرايبه  وكفو هوسو ودبجوو  اني واكفه يم باب المطبخ الداخلي   وهمه صاير ضهرهم عليه

واكفه يم البنات اباوع على هوساتهم واحد منهم التفتت صدت عينه عليه رجع دار وجها يدبج وهوه شطوله غطه علينه كمنه مانشوف شي وصاير بالضبط كدامي

كل شويه يدير يباوعلي ويصيح الله واكبر مو مره تكتل كتل والله اكبر مو مره تكتل كتل شغلوها لو الركص صار بفلس زلم ونسوان اهل العريس

هاي اطباعهم عادي يركصون ويه نسوانهم

عفتهم هوسه صارت دخلت للمطبخ جريت ماعون كيك من الجابوو اخذت قطعه من الكيكت العروس خليته بلثلاجه  وقوطية ببسي وكفت اكل شالي اسرسح  على متني

مندمجه اكل كال "ماشايف كيك ياكل كيك" نزيت خليت السال على راسي

نترت بي"متستحي شكو طاب هناا بيت الخلفوك"

خله ايدي بجيوبه " نوب مو لسان رشاش  عمي مقبوله منج بس غير تعزمين لو انتي مو معزبجيا "

تقرب رجعت اليوره اخذ ماعوني واكل منها بنفس الخاشوكه جر القوطيه اخذله شربه كال اخخخ شون كيك اكول طيب "

صرت نار تصرفاته مستفزه  كال شنو اسمج وهوه ياكل مارديت عليه رفع نضره كال"عمي مو عيون هسه لو كبار اكولةحقج بس زروف جبجير ونوب تخزرين مايلوك لم شلوك "

طبت سندس صيح  رغد وينج امي صيحج  شافت هذا ياكل كيك كالت هله يوسف شو هنا

ابتسم كال" جعت وشفت الكيك ماقاومت ضحكت بخجل واشرتلي "يله رغد امشي"

فتت عبرته همس اسمج وعرفنا  طبيت للهول اعصاب نار خالتي كالت وين الذهب صعدت الغرفتي طلعت ذهب سناء ضمو يمي نزلته بيدي سلمته الخالتي لبسته السناء

زفو سناء ابوها وتمام وابراهيم سلموها الزوجها لا ارغد حضر وتميم ملتحق ماكدر ينزل

خلص العرس والناس طشت صعدت بدلت ونزلت اني وسندس وضحى بلشنه تنضيم وتعزيل محد ضل يمنه سعاد راحت وره مازفو سناء طلعت

كملنه البيت لحد ماطحت من التعب صعدت سبحت ونمت حتى ماتعشيت

ثاني يوم كاعده ارتب بمواعين العرس مال الكيك امسحعن واضمهن بوفيت خالتي ذني الذهب مالها ماتعز ذهبها بكد ماعينها

خالتي "رغده مسحيهن زين لا تخلين كطرة مي بيهن وسفطيهن مثل ماعلمتج وشي بصف شي وكل ماعون ويه اخوانه مو سويهن مشكل"

رغد"خاله والله فهمت راح تموتين كل شويه نفس الحجي شبيهن ذهب مجوهرات متاكده متخافين عليهن هلكد لوماا اثريات"

خاالتي"انتي سكت دهراً نطق كفراً اكدر على لسانج صايره بادعه  لو تتخورسين لو تمدين لسانج متره "

خليت ايدي على حلكي "هاي سكتنه بعد مانحجي"

خالتي"ويكون افضل بله لغوتج مامنه فايده يله شتغلي وانتي ساكته "

تنهدت شويه وكالت"رغيد مايخابرج يسالج عني"

رغد"خاله عوفي هاي الفتره يرتاح وهوه تعرفي شكد متعلق بيج  بس بعده مجروح وجرحه مو بسرعه يشافه"

خالتي"جم دوب اضل مناطرته اني شنهي ذنبي ويااا هاي جزات رباي وتعبي مو فضلته على نفسي ماذكر زيناتي بس الشينه طمغت وخلته يهدني ويسكن الشركه"

رغد" حقه لا تلومي صعبه واحد بيوم وليله يكعد يلكه نفسه بلا اهل وهوه مايعرف منو امه وابوو ويعرف نفسه نتيجة خطأ ارتكبته امه وشمرته "

بجت خالتي " اريد حك رباي منه لا هيج يجافيني خل يجي يصيح يعارك كلشي يسوي بس لا هيج يتركني واناطر الدرب ساعه ساعه بلكت يمرني واشوفنه"

رغد"يرادله وقت يتقبل ويرجع خاله صدكي بس تحملي هاي الفتره يراجع نفسه يتقبل انتي امه وعده اخوان وخوان وان كانو مو من نفس دمه "

خالتي"اني منين الكاها من تميم المايسمع الكلمه وذاب نفسه بنص الحرب  ومايفكر بيه ويكول امي لو صار عليه شي ماتتحمل

لو ابراهيم الي خال كورته ويه ارغد لحد ماهجهجه من البيت لو تمام الي بمزاجه يفتح محل اخوو غير  الصرف اليصرفه من المحل وماحاس على روحه واني اشيل وانطي واسد حلكه في سبيل مايحس تميم وصير
طلبه ببيناتهم

المن اصير يمه المن صاير بينهم والحمل ثكل عليه

سكتت خالتي مقهور عافتني وطلعت

التهيت بالماعين كملتهن  وعزلت غرفتها وطلعت اشوف خالتي طلعت من الهول تركض وتلطم سندس وراها  نزلت ضحى وقبلها  تمام نزل مستعجل طلعت للمطبخ اريد اشوف دعنه ابراهيم طببنا وصاح "لحد تطلع زلم بره خالتي ضلت تلطم واني مافاهمه شي شبيهم 

متت خوف  صاير فد لا ارغد بي شي وهيج مخبوصين

ضحى مثلي ماتعرف شي سالت سندس"شكوو سندس لطم وبجي شكو فدوه احجي شكو"

كالت "تميم  "

وسكتت تشهك

سيف الدين

خابرت الامر زياد منطي خبر مسبق اخذت سيارة الدائره وياي جنود ثنين الطريق الاربيل ياخذله يوم

قلق وتفكير وبالي يم الحجي شبي اخابر محد بيهم يرد شبيت للسماء  كاعد على نار بس اريد اوصل

لحد ماخبرت براء كالت ماخربط ونقلو ومن وعه على نفسه كالهم جيبولي سيف

وصلت ب٣ باليل خابرت اختي براء انطتني عنوان المستشفى

وصلت نزلت بهدومي حتى ماغيرت ملابس دخلت لاكاني واحد من جماعتنه  صعدنه اني ويااا

الممر مكتض  لجحت زياد اجه كال" ادخل كل مايكعد يسال عنك"

سيف"شبي الحجي البارحه خابرته كلشي مابي"

زياد" ياخويه من كثر التدخين شكثر منعناا ما يقنع ولا يتركهن  ادخل شوفه خلي يرتاح بشوفتك"

سيف

دخلت للردها انكمش كلبي بلحضتها خفت افقده وصلت يمه لزمت ايده بستها تحرك جفن عينه دنكت بسته بعيونه رفعت راسي باوعلي

سيف"الحمدلله على سلامتك يابه هيج تخوفنه"

الحجي" سيوفي "

سيف"يفديك بروحه أمر"

الحجي"عينك على امك كح كحته لو انسان عادي يجرح بلعومه سكت يجر النفس

سيف"يابه صدك جذب رفع ايده سكتني اشرلي اكعد
جريت الكرسي قربته كعدت كباله لازم ايده

طولت صفنته ربع ساعه يغمض ويرجع يفتح عيونه يباوعلي  لحد ماكل صيح زياد

طلعت صحت زياد طب للغرفه امي الحجيه دموعها ماوكفن  كعدت بصفها زاد بجيها بصوت دنكت قابض ايدي

امي" ابوك مو زين يمه سويف ابوك كل شويه مودي على واحد منو الي بعده اموت اللهي بحرمت زينب وغربتها وبضلع الزهره دكومه الي بجاهك وجاه كل وجيه عدك"

جريتها على صدري حضنتها لزمتني من تشيرتي بجت بقهر والم

ساعه ودخلتها يم الشيخ  شافها مارضه على بجيها " حبيبه شنهي هاي دموعج كلهن عليه غسلني "

صاحت"يومي كبل يومك وجفنوني ولا يلوحك هوى حجي رفيق دربي وشرسك حياتي عسى عمري لا طال بعدك حضنته تبجي مسد على جتفها باسته براسه وكل وجها دموعها غطن وجهه

وخرها" مابيه شي ازمه وتمر لا تدعين على رويحتج تاذيني ام زياد عمرج طويل لا تأذيني بدعاج مااتحمل اشوفج متاذيه

ولا تبجين دموعج عزيزه عليه مايهون عليه اشوفهن محدرات من عينج

امي الحجيه"شون تريدني اسكت واني اشوفك بهاي الحاله متوسد السديه شون كلبي يهود على اذيتك
ماينطي اشوفك ولا يبرد كوم بخير وسلام واني ماابجي"

الحجي كال "زياد بويه شو جعت بطني مغصتني"

الحجيه"يخسه الجوع هاي شوربه مثل ماتحبها سوتها براء هاي حاره بعدها وسوب هم سوينالك"

كعدنا الحجيه صبتله واني وزياد تجيناا عدل كعد  بداخلي اكول كون عمري على عمره مااتحمل اشوفه مريض ويحفظلي هلشيبه المباركه

كعدت الحجيه بصفه ماقبلت لا اني ولا زياد نوكله "وخرو من ابوكم انه اوكله وخرو من طريقي شمالكم صفنتو"

زياد"يمه انطيني عنج انتي تعبانه اني اوكله"

نترت بي"غدي شبيه تعبانه جني العافيه كلشي مابيه وخرر من وجهي"

ابتعد زياد كعدت بصفه توكله وتمسح حلكه وره كل لكمه
لليل طلعنه اني وزياد كعدنه بالحديقه احمد ربي الشيخ شويه صحته احسن من اكل والدكتور انطا علاج

زياد سولفلي من انجلط جابو الدكاتره كالو مايعيش ساعات ويودع لحد مافك عينه همه مأيسين منه بعد مااوعه على روحه طلبني

ساعه وتوجهت للحمامات غسلت وتوضيت ورحت للغرفه الموجود بيها شفت الحجيه غافيه وهيه كاعده والحجي نايم مددت السجاده صليت كملت دخل زياد بيده بطالت مي وكعن من ايده

طفرت فزت الحجيه

اباوع الحجي فاك عيونه عاين عليهم شافني ابتسم زوج براء دخل وياا براء  تريد تسلم على ابويه

الحجي جسمه انتفض امي الحجيه  عاطت  براء بره لازمه زوجها كوه صوتها رج الطابق  واسمع عياط بقية خواتي جايت الضاهر سوه

رجليه ماتن اريد اتقدم للسديه زياد صاح"سيف تقرب الزم القران اقره "

مااكدر جسمي وكف اريد احرك رجليه مااكدر فقدت احسهن انشلن

زياد لزمه دنك همس باذنه ماادري شنو دفعني ابن عمنه اجيت اوكع على وجهي وصلت يم الحجي امي نايمه عليه  وتبجي وخرها

دنكت نطقت الشهاده نضره متوجه الي  والابتسامه مافاركته  المن مبتسم يابه اشفت ليش ابتسمتلي

خلصت التشهيد غمض عيونه وشخر شخره وحده وسكن جسمه  ارتخت ايدي زياد مدنك يبجي البنات طبن يلطمن ملخن روحهن 

اني جامد لحضات اندفعت وصرت بعيد عن السديه خواتي مهيمات عليه حتى رجليه باسنهن امي الحجيه
ساعه تلطم ساعه تسكت تهز براسها مامصدكه

ساعه وره ساعه اني مامستوعب موت ابويا الشيخ  طلعونه الدكتاره فحصو حددو ساعة الوفاا

خيم الحزن عليه دمعتي ماراضيه تنزل  طلعنا بعد ساعات واحد من الولد جابلي ملابس بدلت بلمستشفى طلعنه الحجي 

شيعنا بالمنطقه الشيوخ بدت تجي من المحافظات  اخذت غتره خليتها على راسي 

الحياة ثكيله بلجماتها طيحتني للكاع بعد ياحيل اليحمل همومها ويا حيل اليوكفني على طولي

ابويا كسرني رحت وياهم طول الطريق احس جبل وحامله على كتفي وصلنه للنجف دخلت ابويا الدجت المغيسل  جم شخص مكتوب عليه اغسله بيدي

زياد انتها كل شويا يريد يطيح ويقوي روحه ويوكف
ماتحمل يغسل للحجي  هم انه اغسلك مثل ماغسلت حميد طلعت المغسل

واني توليت غسله مااعدي شعور ابويا ميت ولا هذا جسده ولا بعد ساعات يندفن ومااشوفه كلبي قاسي رافض موته ولا حاس بروحي

كملته دخلو ولد العم ساعدوني بتكفينه كلها تباوعلي بقساوه عبالهم ماعدي مشاعر ميدروني شحامل  لو يفتحون كلبي يلكو ينزف على الحجي ميدرون
مستعد انطي روحي

كملت شالو واني اول واحد شايله توجهو للامير امير المؤمنين دخلو للضريح زورو 

وتوجهنه للدفن زياد انتها طاح من طوله ابو نور رجيج كدام ابو بس اني القاسي ضربت صدري حيل شحامل من كلب جلمود جان نفطر

دفنته  وزياد بالسياره مدد ضغطه مرتفع رجعنه الأربيل
الناس هواي والشيوخ ترست الحسينيه بترابي عزوني
زياد ماكدر يوكف خليتهم يدزو للبيت يغسل ويرتاح

كول ايام المصاب اني ماواصل البيت ولا ضايك لكمة اكل
روحي خاويه ونفسي مسدوده الضباط جماعت زياد وجماعتي اجووو

كضت الايام  وكف العزه توجهت للبيت  دخلت البنات بالمطبخ شافني لو نعاد العزه براء حضنتني تبجي وصيح عزيز ابوياا 

امي صاحت ولك سيف ابوك دفنته بيدك ولك شون كلبك نطاك دخلت

شفتها مو امي الحجيه مينشاف وجها كتله" يمه ابنج كلبه مات هاي انه بيدي دفنته وهليت عليه التراب شفتي اجيتج امشي على طولي ماجن دافن عمري وحياتي كلها

ابنج نذل دمعه مانزلت منه ابنج خاين للزاد والملح ماغزر بي غسلته بيديه يمه بيدي وجفنته

خواتي يسمعني ويبجن ملخن ارواحتهن امي تلطم على رجليهه

دنكت  امي كامت حضنتني فاحطه من البجي صوتها كوه ينسمع من العياط

مااعرف الايام شون مشت من بعد الحجي محد بينه راضي يصدك زياد ياكبل امي ويبجي مثل النسوان
اليشوفه ميكول لواء

امي ليل نهار تبجي شكد حاولت ابرد عليها موراضيه تقتنع ولا بينه واحد مقتنع

ايام امي تتعب وتنام وتكعد دمعتها بعينها ضغكها ماينزل
حرت بيها زياد ترك دوامه بطيحت الحجي عايف كل شغله قنعته يلتحق بس يطلبلي اجازه

مااكدر اعوف الحجيه  مر شهر وبعد عشر ايام اربعينيه

كاعد يم راس الحجيه بعد ماصليت صلات اليل فزت رفعت راسها كالت" ابشر يمه ابوك اجاني"

كعدت فرحانه  وسمي بسم الله ودموعها على خدها كامت على حيلها  فاتت على خواتي كعدتهن كومن كومن
كعدن خطيه من عز نومهن

كالت" صلن يمه الصلا عمود الدين ومطهره للكلوب

ماكالن شي طشن بلبيت وحده تغسل وحده فاتت تسوي جاي  شويه واجن كلهن متوضيات تقدمتهن اني وكفت اصلي بعد مااذن الفجر

صليت وكملت امي وراي كعدت تقره قران على غير عادتها بدون بجي ولا لطم يوميه ماتخلينه انام كل عطه وكل صرخه تفتت الكلب

اطمنت من شفتها هيح مددت انام فراشي يم فراشها
ساعتين وكعدتني

الحجيه على لمسات ايدها على راسي كالت "يمه ابوك وصاني بيك كال لا يخاف اني زين هلي يبرد كلبه "

فتحت عيوني "يمه شكالج بعد شونه زين"

ابتسمت "كلش زين  يمه انت سبب راحت ابوك يبعد امك لا ضل ضام بكلبك احس بيك اشوفك تلوب وتحش بهاي الجكاير ادري دمعتك صعبه وكلبك مات

انت تعبال كلبك قاسي متدري انت بصدمه اطمأن امي ابوك بخير وبسلامه ورادني يمه طمن كلبك علي"

سيف"يمه بعد ماتبجين وتعبين روحج من القهر والحزن الله سترنه وماانجلطتي "

بجت"مو بيدي ابوك غالي عليه ومااتحمل فراكه"

وهرت من يمي ودموعها ماوكفن مر اليوم عادي ثاني يوم نايم بعد صليت صلاة اليل حسيت على ونين وبجي

كعدت امي الحجيه شابعه بجي ولازمه صورت الحجي دعت على روحها  دعوه فلشت كلبي  كمت غسلت ورحت يمها  كاعده على سجادة الصلا وكدامها القران تقره ودموعها شلال على خدها

توضيت وصليت كملت  ساعه ساعتين تانيتها تكمل وتام ماكو لحد نقطع صوتها  رفعت راسي بعد ماجنت امدد

مدنكه على السجاده وضعيت النوم  كمت شلتها خليتها بمكانها ايدها طاحت كلبي نقبض

هزيتها حيل"يمــــــــه "

ماجاوبتني  رجعت حركتها بقوه مارظت عليه ولا حركت روحها  وخرت صحت "يمـــــــــــــــــــــــــه سويتيها يمــــــــــــــــــــــــه

طلعو البنات مبهوتت براء مصدومه" براء ام عدي ولجن امي ماتتتحرك "

التمن عليها ماتحركت عاطن وكفت كوه اجر النفس مصدوم امي امي الحجيه هاي

دنكت راسي بجيت بقهر صحت من اعماق كلبي يابه كسرتني  يمـــــــــــــــه ذبحتيني بروحتج

....... يتبع