بـيـن الـكـــــاف والـنــون
الـسابع والـسبعون
سجا الطائي🍃
واضح بعد مايحتاج تِتعذ ّر
من نِشفـَتْ الشِفـٌه
ولونها اتغيـّر
من ثلج البديك .. يصِل صِليل وداع
والحجي السِلس بلسانك اتعثرّ
من ظلمة عيونك
والشمس رُمحيـنْ
جلجل ليلهن وتحزٌمَنْ بالشـَر
من رجفة جفوفك
والبرد بالكـَيض ..
علامة قـلب صاح الصاحبه اتـنكـّر
يامثـَنـٌي الخواصـِر
والحمول ثـكَــال
إحمولَك عِفـَه
وعـَل الخصر تتبطـّر
ياحايل ثمر .. من الجدم للراس
رغد
مقهوره ودمعتي على خدي ميريد ابنه متت يومين اني النوم جفاني حتى نزله ماانزل حايره والتفكير اكل عقلي
ميريد ابنه ارغد تخبل والزاد قهري دز سندس تجمع اغراضه بجنطه وهوه كايللها شنو اليريده
نزلت جنطت سفر جمعت كل الوصاها بي واني اعاين بعيوني مااكدر احجي وانزل نفسي اكثر وقرر ارغد
يعوفنه ويسكن بالشركه
يجي يوم واحد بالأسبوع عاقبته كل مايجي مااخلي يشوفني تعبت نفسياً وجسدين اكلي قل النحول موتني غير نساوتي
خالتي تحسنت وياي حست بتغيري سالتني شكللها ارغد ميريد ابنه ويكلي اكتلي البجي اخذ من حيلي
ضحى كل ماشوفني تصفن عليه والغل بعيونها لحد. ما نجنيت لزمتها من ايدها جريتها للحمام قفلت الباب
ضلت مستغربه "شبيج سودنتي"
رغد" اي سودنتوني بااعي حبابه تبتعدين الف الف متر عني وعن ارغد تره كلبي محمل عليكم كلكم وكوه جارعتكم لا تتقربين من يمنه
لا اخرط البطني ويصير طلاكج على ايدي "
دفعتني منها لزمت ايدها تفرك بيها"ويطبج حريشي شمسويتلج جايتني مدرعمه خير شكالولج عليه فارغه مخابيل وخري"
ماوخرت" تحبين اكلج شكالولي عليج"
رفعت حاجبها "اي عيني شكالو"
رغد "كالو وحده بله شرف تركض وره المزوجين لحضه خل اعددلج احمد و ثامر زوج اختج وبعد
اعوذ باالله تميم عدظلياهم نسيت هاا وابن عمج ساجد سبحتج طويله وختامها ارغد"
فكت عيونها " جذابه تتبلين عليه اني ماعدي شي هسه اطلع اكل التمام والم البيت عليج مااسكتلج حقيـــــــــره
رادت تطلع جريتها" تحبين دكولين التمام بدليل لو بدون دليل لان عدي اكله يحركج وماايرفله جفن اذا رجلج بي حظ وعده غيره"
بلعت ريكها بخوف"حرام عليج تتبلين عليه اني كل الحجيتيهم ملاعرفهم انتي مزوجه يصير اتهمج باطل وتميم منين يعرف ولدعمي وين شايفهم "
رغد"هذا السؤال اسالي التميم ياحبابه اني حذرتج غير مره مااحذر مسجاتج الارغد توصل الرجلج "
عفتها وطلعت نار مشتعله داخلي ماتنطفي
يوم عن يوم اذبل شهيه ماعدي للأكل ولا الي نفس اكل يادوب لفه اسد بيها جوعي واكتفي لحد ماحسيت ماعدي قوه بعد صخنت وعرفت بنفسي صخنت
اخذت اسبجك وحبوب ونمت مااعرف شكد نمت
حسيت بين الواعيه والنايمه لمسات على خدي شي مقيدني
عيوني جمر يجوني كوه فتحت عيوني ارغد حاضني وراسه بركبتي رجعت غمضت مااكدر ارفع راسي
دارني عليه لمني بحضنه باسني براسي فز ندهني
ارغد"مصخنه شووو اكعدي "
رغد"وخررر مااريدك"
ارغد"ولج صايره نار "
دفعته بخفت ايدي"وخررر حقيـــــره كله من وراك" كوه احجي من الصخونه
رجعت نمت بعد ماسمعت صوته احس احد يمي يفتر ويطكطك بيبان الكنتور بس ماعدي حيل افتح عيوني
نزيت على برودت مي خلالي كمادات رجعت نمت الرجليه سوو كمادات
شويه وفتح حلكي يسب " خررب شرفج وج فتحي حلكج "
كوه فتحت حلكي شربني علاج رجعت مددت كل حيل مابيه نمت بعمق شكد مر وقت محاسه كعدت على صوت سندس
فتحت عيوني شفتها تخابر
سندس" اي سويتلها حليب حار
اهووو ارغد هذا بيدي
اي لورته ومي ارو
يبوو شكد تلح
اي سكتنه
لحضه اشوف العلاج
اي هذا شنطيها
هاا منوهذا المغلف افتحه بمي
اي فهمت اي وهاي حبايه وهاي حبايه زين اكو شريط ماكلت انطيها منه
ماادري حنطيها من يمه لا ماشي كيفك
اي فهمت فهمت اشك هدومي
اي لا تغلط غير انت تلح شلعت كلبي
ماشي ضاله يمها ست الحسن
يبووو اسكت اسكت بعد مااحجي كدامك
سدته دردم اذا هيج بالك يمي ليش مبتعد ليش متريدنه نصير عائله سندس مددت بصفي تلعب بجهازها ولا يمي
رجعت نمت كعدت وره شكد حسيت جسمي مكسر الدنيا ليل باوعت الساعه ب٩ باليل بعدني مصخنه مااكدر اضل اكثر
الي يومين نايمه من تاريخ المبايل عرفت كمت بيه مابيه اخذت من كل العلاج الموجود دخت
شربت مي ورجعت نددت نمت مااعرف شد مر ومت راسي ثكيل واحس بشخص يمي من حركه بس عيوني ثكال صوت سندس وضحى كعدني فتحت عيوني بثكل
ماقاومت غمضتهن فتحت حلكي شربتني حبايه اسمعها"علاجج بلعي "
بلعت ورجعت غطيت بنوم ساعه او اكثر اكو الم بمرور الوقت يزيد مايقل لحد ماحسيت سجاجين تكطعني
النوم راح من عيني كعدت اتلوه اريد انهض روحي متت كمت اصرخ اريد احد يجيني لزمت حافة الميز نزلت للكاع
لزمت الميز اتجيت عليه كمت لزمت التلفون اتصلت على ارغد دكتين يله جاوب واني اصرخ من الالم
بس جاوبني عطت كوه لازم نفسي دموعي على خدي من صوته نخبص
حسيت بدفو رحبلي كانو ماي نزل دنكت ثوبي خفيف مال نوم عيوني مغوشات والغرفه ضلمه
شغلت فلاش المبايل فزيت رجليه مصبوغات بالدم دخت اختل توازني بعد ماحسيت بروحي
ارغد
لبست تراكي سحبت السويج مااغرف شون نزلت وسقت السياره وصلت واني الف حسبه بالي دخلت صعدت كبل
للغرفه شبيت نار من شفتها مغطايه بدمها شلتها ونزلت محد حس بيها محد سمع عياطه مابيهم واحد ابن.....
اسبهم واحد واحد وصلت للمستشفى وهي اليوره ماحاسه بروحها نزلت شلتها ودخلت اركض
منضرها ميروح من بالي ماقبلو اضل بصاله طلعت دمي فاير ساعه ومحد بيهم بين دقايق وطلعت الدكتور
ارغد" بشري زوجتي شبيها"
دكتوره " الله يعوضكم زوجتك سقطت الجنين تعالى وراي للغرفه
رحت وراها كعدت وره مكتبها " امي انتو مرايدين الطفل "
سكتت كملت كلامها"اذا متردون تخلفون ليش متاهذون احتياطاتكم شنو ذنب تكتلون روح بريئه بهاي الطريقه"
عكدت حواجبي مستغرب كلامها "شنو دكولين دكتوره ةضخي ماافهم عليج"
دكتوره"ابني ابنكم مات مقتول زوجتك ماخذه علاج يقتل الجنين بهيج اعمار الشهرين وتعرضت لزف قوي
كدرنه نوقف النزيف خسرت دم هواي
والحظ لعب وياها ماكن متوفر عدنه بس زمرت دمها "
سكتت مااتحمل اذيتها ولا متحمل روحي مااعرف شون عايش احس روخي تايه
اريد استوعب ماني كادر ولا متحمل احد ؤحت للبيت جبتلها ملابس وغراض تحتاجهن ورجعت
رغد
فكيت عيني اني بالمستشفى فترت عيوني بالغرفه محد يمي منو الجابني هنا اريد اتحرك جسمي بايد
حسيت على خطوات ارغد فات شافني تقرب بثكل كعد دنك عيوني علي تنهد ورفع راسه
كال شلونج
سكتت ضل يباوعلي متاني ردي درت وجهي ساعات مرت محد بينه حجه ويا الثاني ظخلت الدكتوره جيكت وضعي قاست الضغط كلشي مابيه كالت تكدرين اطلعين
كمت بيه مابيه اجه يساعدني نترت ايده وكفت لبست صايه جايبها وجنطه على صفحه مااعرف شوكت
طلعنه صعدت بالسياره مشتريها جديده بعدها بجيسها
درت وجهي على الجامه حرك مسافه وكف يم صيدليه نزل اخذلي علاج وصعد خلا بحضني
كتله"مال شنو هذا شايله العلاكه بيدي"
حرك السياره كال" مقويات وفيتامينات يعوض الدم الخسرتي "
نفث دخان الجكاره من الجامه
رغد"ليش اني شبيه" باوعلي صافن ورجع نضره على الطريق
ارغد"من نوصل افهمج"
رغد"لا هسه شبيه صح جنت مصخنه بس بطني ليش هيج صفنت صحت اااارغد الطفل الطفل كلي مابي شي موو اووكف اوووكف
خبصته ركن السياره بجيت "فدوه ابني مابي شي مو يمه مووو ارغد كلي مو يمه"
جرني الحضنه دفعته صرخت عوووفني ابني بي شي بجيت كلبي تكطع ابني راح مووو
دنك راسه لطمت على وجهي نار شيطفيها شبعت بجي كل مايريد يتقرب ادفعه ساعه اني ملخت روحي من البجي رجعني للبيت نزلت من السياره اجه يساعدني دفعته بكل قوتي
طبيت صعدت الغرفتي قفلت الباب
ريحانه
طلعت الصبح والدي يوصلني نزلت دنيا تانيني الصبح يم استعلامات دخول الطلاب وكفت اتانيها
دك تلفوني طلعته من الحنطه دنيا "وينج متأخره"
دنيا" عطلت سيارتنه انتي دخلي للمحاضره لا تانيني "
ريحانه"ماشي من توصلين انطيني خبر"
دنيا"ماشي باي كلب"
سديته منها دخلت للقسم اول محاضره كان دكتوره ربع ساعه واجه ممثل الشعبه كال الكتوره مجازه ماتجي
كلها كيفت الطلاب طلعت ادور على دنيا دكيت عليها رفضتني مشت اطلع للحديقه شايله بيدي كتاب من ضمن الكتب الاقراهن وقت الفراغ
قبل لا اوصل للحديقه امر وره الجامعه فارغه محد يفوتلها قليل مشيت وبالي شارد اتوقفت
صافنه مستغربه مصدومه وجوده غمضت عيوني لزمت كلبي باوعت لازم كلبه
اخس دكاتي ملبي تنسمع اريد اكمل مشي كل الدنيا توقفت عدي
الايد الثانيه تجاها على الحايط عيوني من وحدهن دمعن ليش مابينه وعد ولا بينه دين
دنيا مااعرف من طلعتلي اجتني تركض "اسم الله شبيج ريحونه"
باوعت المكان النضري سندتني كعدت على الرصيف فصلت عن دنيا اخاف اباوعله واخاف اشوف كسرته شنو القدمته وهيج تحمل بكلبك الي ثوابنه مختلف واطباعنه
مو يم بعض
يمشي بثكل وصل يمي كال" بس اريد احجي وياها بلا امر عليج "
دنيا باوعتلي هزيت راسي كامت اخذت جنطتها وراحت مسافه كعد يتنهد ماصد عليه ولا اني الصديت
غمضت عيوني شسوي اني معقوله هيج مأثر بيه حتى خوف انتزع من كلبي وجوده كانو درع محاوطني
همس بس اني اسمعه "علويتي"
سكت ورد همس" اذكرك والله من تضحكلي دنياي
واول واحد اتمناك ويـــــــــــاي"
راد يكمل سكت يسحب نفس بالكوه يدور وجها للجها الثاني ياخذ نفس ويذبه حسيته متوتر
كال اني على الساتر ماراجف كلبي بكد رجفته يمج
سكت جسمي كله يرجف التوتر الصابني اجه يغمى عليه
اصابعي يرجفن فك يطبك على فك تعوذت من الشيطان
تميم " اخخخخ شكد شايلج بكلبي ومتونس بذكرج جزات هيج حب خذلان شناقصني وينطوج الغيري
شنو عيبي واحد غيري يشوفج ما حس بواحد روحه ممروده عليج
هم تهنه بيج وضحك وياج هم حب رسومج مثل مااني حابهن
سكت وكف حسيته عصب فرك وجها حيل بجنطتي بطل مي طلعته وناوشته شافه التقت عيونه نزلت نضري اخذه مني شرب وغسل وجها
رد كعد "علويه"
همست نعم
سكت ورد كال"حافظي على نفسج هلنوبه مااضيعج ولا ضيعيني لو راغبه بيه حاولي صبرين بس تخلص الحرب اني ماخذج من عيونهم
وهلنوبه عليه وعلى اعدائي لو عريس لو شهيد
شهكت اباوعله صد عليه جفن عينه نزل فصل عن العالم ضل يعاينلي بتمعن محاس على روحه فزز صوت دراجه
نزلت راسي غطيت بعباتي من المستحه وكف كال "اعذريني كعدتج مجبور اهلج ماخلولي غير طريق اسلكه واكدر اوصلج حافظي على روحج بدون مااوصي
انتي الماسه"
راح مافاركته عيوني لحد مااختفه من كدامي دنيا اجت تركض كعدت بصفي ماكدرت احجيلها شي اخجل وربي سترني مافات احد يعرفني "
طول اليوم اني بغير عالم مامستوعبه بعد سنتين هوه منتضرني هوه هذا الحب اليسولفون بي
لزمت كلبي من اذكره ايصير عدي مااعرف شنو اسمي هيج دغدغه نغزه بس مرتاحه الهذا الشعور
مشت الايام واني مااعرف ادوره بالوجوه واحس اريد اشوفه حاولت الهي نفسي بأي شي كثفت بقرأت الكتب بس فكري يروح ذاك اليوم
مر شهر وثنين وثلاثه تمام بعد ماشفته باخر لقاء
مثل كل مره انتضر دنيا تجي ماكو تاخرت على المحاضره وهي ماكو اضطريت ادخل للقسم طول اليوم مابينت
رحت القسمها كالو مامداومه وهي البارحه خابرتني ماكالت مااجي
اتصل بيها مترد قلقتني ضليت احاول اكثر من مره بدون فائده استمر غيابها اربع ايام
خلص الدوام طلعت اتاني والدي شويه واجه رضا صعدت بصفه السلام عليكم
رضا" وعليكم السلام هاي يوميه هنا توكفين"
ريحانه"اي اتانني بابا هنا"
رضا"ومتعرفين تنتضري جوه من يجي تطلعيله "
ريحانه" مرات ازدحام وميصول لهنا اطلعلها اليكدام"
رضا"ميخالف يدك عليج طلعيله لا توكفين هنا مفهوم"
هزيت راسي وصلنه طبيت امي مخبوصه تحضر بالغده
ريحانه"الله يساعدج يمه"
امي"هلا يمه هلا حبيبتج ويساعد بختج طبي بدلي وارتاحي وصلي"
ريحانه"مصليه بس ابدل واجيج"
امي"ماعدي شي روحي ارتاحي"
فتت بدلت وطلعت تكتم وينها كلت الامي"
امي"نايمه المسعده"
ريحانه"شبيها "
امي"مابيها شي هوه من يجي رضا بابها بعد ماتفتحه"
بلشت وياها سويت زلاطه وغسلت الخضره جاي الوالدي شخص مهم امي دكول مااتعرفه منو
هي مسويه برياني ودجاج جايبين شوي ولبن وفواكه كليت كبه موصليه اسويها تكلا
كملنه سمعنه صوت سيارات سدينه الباب غلقنه الشبابيك بلبردات
طب رضا كال اربعه جاي من غير والدي حضرت الصينيه مخدرين جاي صبيتلهم اجه رضا ياخذ الصينيه كال بسرعه صبو مستعجلين
كمنه نترادم اني وامي صبينه البرياني ببلامه كبار وفوك كل بلم دجاج مشوي مواعين الزلاطه والفواكه والكبه والروبه وسوب الدجاج وووووو
اجه رضا ينكل ارتفعت اصواتهم امي كالت "بعد هذا التعب ماياكلون"
"منو ذوله شنو جيتهم"
امي كاعده مدده رجليها"ماادري بيهم بس واحد منهم صديق ابوج سنين صارلهم مامشاوفين واليوم خابره وهل ابوج اجاني قبل ساعتين مسوك وكوم المسواك
ركبيلهم غده حرت شسوي"
ريحانه"وحدج سويتي كل هذا"
امي"اي تعاي يمه فركي رجليه يونن عليه من الوكفه "
ماطولو هواي حتى ماقبلو يشربون جاي اخذو والدي بشغله وطلعو حتى رضا مايعرف وين راحو
اني دخلت للصاله السفره على حطتها ماماكلين هواي كمت اني اعزل بالأكل
ارجعه كلشي المكانه للعصر اني غاطه بالمطبخ فاتت تكتم كالت "شنو راحو"
مارديت عليها عايفه امي تشتغل وهي نايمه مكالت عيب مره جبيره"
كالت"ماسمعين مو احاجيج"
لبستها ضلت تحجي واني مااجاوبها صاحت طرش الطرشج بس هاي عوزج وتكمل
كامت تفور ولا جاوبتها خلت ورجعت الغرفتها ضليت اجلف بالماعين ثواني حسيت على جرت اذني من قوتها طكت اذني عطت
رضا كامشني من اذاني " فد قندره انتي وشايله خشمج اكسره الج حيوانه من تحاجيج جاوبيها لا اطيح حظ حظج كل...... "
ريحانه" وخرر ايدك اذاني فدوه اخخخخ يمه "
رضا"ليش متردين عليها من تسالج لو اله تهينج يله جرين عدل"
ريحانه من الألم بجيت" والله لان ماساعدت امي بالبيت وهي مريضه مقهوره منها "
لوه اذاني حيل شاغت روحي "شعليج محاميه هي امي ليش زرعين فتنه ضربني راشدي طير خدي مره لاخ اكسر راسج جري عدل احسلج قندره
دمغني على راسي وصل للسنك عافني وراح تكتم واكفه بالباب تباوع وهوه فات من يمها جرها من ايدها للغرفه
بجيت بقهر مااتحمل هيج معامله اني اخته ليش هيج تغير ليش ما يعرف الحقيقيه يله يجي يحكم هوه مو يعرف الضرب اذا مكانه صار احمر عليه دفع ديه
دموعي تنزل على السنك كمت اشهك شهكتي شكت كلبي
شنو ذنبي استهضمت من بعد والدي تولوني رضا ومصطفى
مسحت عيوني اجلف ودمعتي على خدي اسمع اصواتهم عاليه رضا وتكتم ختمها بكتله هم ضربها وهذا اسلوبه الجديد
امي طلعت على صوتها لمت العالم بصوتها طلعت من غرفتها تعيط كفشتها ورضا وراها جرها سد حلكها وهي
شيل روحها ودكها بالكاع مافكها لحد مادخلها للغرفه
امي وراها تحجي تريد تعرف شبيهم عاف تكتم اجاني تولاني راشديات وغلط" من وراج ضربته "
مااعرف منين يجيني الضرب امي اجت تلطم تريد تخلصني منه انتهيت بين ايدي واني لا حول ولا قوه بس دموعي لحد ماامي لزمت الچبچير ضربته على ضهره عافني وخزر امي دفعته تصيح عليه
كعدت يمي تبجي واني عيوني شلال اخذتني الحضنها لمت شعري مهوس وخرتني تباوع بوجهي بجت واني زدت بالبجي
كومتني كوه غسلتلي على المغسله صوت تكتم عالي تحجي وتبجي وهوه ساكت
امي دخلتني للغرفه"شكو ادعي على ابني شجا وضربج شسويتي يمه اول تالي تطلع اصواتنه ورضا يضرب"
مااكدر اجاوب النشغه بصدري
سديم
مشت الايام بين تجهياز الزواج عثمان فرحان يحير شيجيب ميجي وايده فارغه وهذا الشي زعج امه
متحب نكعد وحدنه ولا تحب يجيبلي ولا تحب شوفه فرحان بيه حسيتها تغار
اجه يوم اجيب نيشان رحت اني وامي وامه واخته حاصراتني بيناتهن شنو الاختاره يكولن لا ماكدرت اختار براحتي كل الجبته ربع النيشان وهذا اعتبرنه نيشاني
خابرني يطمان كتله ماكدرت اشتري شي كال على نزلتي نروح اني وياج
اجه يوم نزوله ثاني يوم اجه جنت مبدله مهيئه روحي فات سلم على ابويا وحسام ورحت وياا صعدت سياررته وكتها نوع جيب لاريدو بيضه صعدت وياا الفرحه بعيونه
اخذني للسوك نزلنه افترينه مستحيه منه ماعدي الجررءه اخذ راحتي وياا جان هوه يصرف بدون ميكول لا اخذنه فرشه جربايه ب٢٥٠ برده ب١٥٠ نواعم منا ومنا لحد ماتاخرنه
كتله رجعني
وصلني للبيت وراح ويه نزلتي دك تلفوني رفعته نفس الرقم اخذت نفس سالفت الارقام وياي ماتخلص منو هذا العده خلك هلكد يتصل
مااجاوب ليش مصر يتصل ماردت دخلت للبيت امي تلكتني بس بدلت وكعدت ويا امي سولفتلها على طلعتنه
مرت الايام واسمع من اريام امه كالبه الدنيا عليه شون اخذنه فرشه جربايه بهذا السعر اخذت نفس شريد اكول
غلست عنها
وراها بايام جابلي مبايل هديه نوعيته كراند تو
مشت الايام مابيها طعم تقبلت عثمان مااعرف اني بعدني مامستوعبه هذا خطيبي ماعدي اي ردت فعل
اجه موعد دوامي جهزت نفسي ملابس الجامعه وعدي مالت العام وياهن
عندي تواصل ويه البنات شكلنه خط بلشت اداوم وهنا كانت ملح وينصب فوك جرحي شفت قصي نفس مكانه نفس وكفته نفس ملامحه نفس عادته منتضرني خلاني افوت يله راح القسمه
لزمت روحي ماابجي ولا انزل دمعتي مرت الايام مثل بعضها ماتغير شي لا بقصي ولا بيه عثمان مامقصر وياي واني ماشيه وياا يرضي ضميري
لحد ما بيوم كاعده اسفط بملابسي دك رقم استغفرة فتحت الخط بعصبيه "نعم"
السلام عليكم "سكنت الصوت صوته هوه نفسه
" منو وياي"
هذا رقم حسين " دنكت فركت كصتي حسيت الدم صعد الراسي راح ينفجر لزمت اعصابي هذا يشاقه اكيد
كتله"لا مو رقم حسين"
قصي"متأكده مو رقمه اعرفه نفس الرقم"
نترت"واني اكلك مو رقمه "
كال"هاا اعتذر واسف على الازعاج"
سديته مباشرتاً
شمرته بيه بجيه وعدت نفسي ماابجي هدئت روحي
اعرف بي قصي مامل يوميه رقم جديد ونفس الكلام تعبت ومليت ليش مايواجهني ليش ضم نفسه
لحد ماوصل يكتب شعر غزل ويدزه جريده اقراا ودموعي على خدي شنو ذنبي اتحمل بعدك وقربك بنفس الوقت ليش مو راضي يعتقني ويريحني لابسه حلقه بالجامعه
من يلمحها يضحك عليه عباله اغثه ميريد يصدك اني مخطوبه
يوم بعد يوم ام عثمان تتهبل مني ويوصلني الحجي من اريام تحجي على الصرف اليصرفه وهوه يقنع بيها "يمه عريس ويجون جماعتي ويدخلون وياي للغرفه يجهزوني
شتردين يدخلون والغرفه مامرتبه غير اخشاب زين فرشت جرباية من هاي الزينه بردات يسون واني عدي خير هواي ماانقص عنج ولا تصورين اقصر وياج"
ماسكتت طلعت فترت خطوبتنه سم وبيوم كاعدين اجت هيه خطار علينه
رحبنه بيها وضيفتها شويه وطلعت علاكه من جوه عباتها
كالت"هاج عاي بنتي ناذره نذر بس يطلع تعيين رجلها اجهز الجناين كلهن قطع قماش ودامج انتي عروس هاي هم روب ويا "
امي"يزيدها خير وبركه وينطيها عافيه "
ابتسمت "مشكوره خاله وصليلها شكري"
كالت"دشوفيهن وكدري الروب عليج "
وكتها شته وبارده فتحت العلاكه جريت الروب معفوس عفس هوه وقطعة القماش
القطعه صيفيه واحنه بنص الشته ماكلت شي حتمت عليه اله اكدر الروب شتائي ولونه جوزي مامبين جديد لبسته كدامهن كفختني من ريحه جايفه
كوه لزمت نفسي اجيت اتقيأ لوما ستر الله ماعولت انزعه لفيته هوه والقطعه وشمرته بالكنتور
يوم يومين ثلاثه واني الخنكه زيد دوام كوه اداوم نوم ماانام ماتحملت طلعت الحسام صعدلته فوك
دكيت الباب حيل الساعه ب٢ طلع مخروع كال شبيج
بجيت "مااريده فدوه خلصني منه راح اموت"
صفن على ادموعي لزمني نزلني للهول شعل الضوه وكعدني وكعد "منو ماتردي عثمان ماتردي"
هزيت راسي "اي فدوه خويه ساعدني كارهته مااتحمل حتى اسمه"
حسام"بس فهميني هوه مو زين وياج تعامله مو حلو"
سديم"لا بس اني مااطيق اشوفه ولا اريده "
حسام "لا حول لله مايصير سديم غير انخطبتو وسرتي زوجته شرعن شنو مااريده"
سديم "ماتفهمني دنكت ابجي اكلك يخنكني وجوده انت غصبتني عليه اني وين اعرفه"
حسام " سديم سدي حلكج مو تحبون بعض وطلعاتكم وبالبستان شنو هسه مااريده نوبه جديده كومي غسلي ونامي"
سديم"ضربت رجلي بيدي حيل "مراح صدكني حتى لو اجيبلك القرأن واقسملك بي بيني وبينه ماكو شي وهوه تبله عليه"
حسام" فارغلج الرجال ويتبله عليج كومي نامي "
عافني وصعد هنا ايست منه بس ابجي وحالتي تسوء يوم بعد يوم
وكل ماافتح الكنتور تكفخني ريحه مو طيبه كانو ريحت حيوان ميت ومتفسخ كلبت الملابس اريد اعرف منين هاي الريحه مااحصل شي
عثمان يتصل ماارد عليه يدز رسائل اغلس عنه اليوم امي عزمت اماني على سمج شوينا بتنور الطين
اجت اماني كيفت بيها كعدنه هواي سولفنه مددت ونمت على رجلها خلت ايدها على راسي اماني كل ماتجي ترقيني حسيت بدوخه ولعبان نفس
فات حسام سلم وكعد ويانه
شافني كال"هاا طلعو الجنانو من راسج"
اماني"لا ياجنانو اصلاً سدوم ام عقل الجبير حبابه"
حسام"بيها الخير اذا سديم عقله جبير"
اماني"شبيك وياها خويه شمسويه"
حسام" خبله شبيها يوميه براي"
اماني" لا شحلاتها انت حصل منها بلعقل والرزانه عود كول خبله"
حسام "يومين وهم تصعدلي كابات عدها"
امي "دعوف البت جانت مخنوكه وكل واحد يمر بهاي الحاله"
وكف " يشاقه خبله ماعليها عتب حتى حالتها الله كلابها"
عافنه وصعد يضحك
اماني صدت على امي وايدها على راسي"شبيها صاعده الحسام"
امي" يمه البت بيوم وليله بعد ذيج خنكاتها صارت اشوه احسن من قبل ومن نخطت هي مابيها شي بس هاي الها سبوعين تصرخ من خطيبها ماتريده اصيح اذبح روحي اذا انطيتوني اله
اماني صدت عليه حركت رجله "كومي سولفي العدج شبيج وشبيها هاي حالتج"
سديم" مابيه شي بس احس بخنكه منه مااطيقه "
اماني" هاي هسه لو من زمان تختنكين منه"
سديم"اني مااحبه بس مااكرها بس هاي الايام اموت منه اذا يجي اذبحه"
اماني"عزه عزه السانج شني اذبحي ولج جديده هاي نوب ام الفاينات تذبح"
سديم "صدكوني مااتحمله ولا اطيقه احس شي نايم عاى كلبي من اسمع بأسمه ودي اشرد"
صفت اماني وصدت على امي " دازيلها اكل لبسه رايحه ماكله منهم اهل عثمان امه خواته"
امي"لا مارايحه بس بيوم الشترو النيشان بس ماضلت هواي حسبت نص ساعه وردت"
باوعتلي"اذكري لابسه لبس منهن ماكل دزولج اكل بيده كيك اي شي"
هزيت راسي لا
امي"اذكرت امه جابتلها قطعت قماش وروب شتائي بس مبين مو جديد شو كومي جيبيهن"
سديم"اي حتى ريحتهن جايفه
اماني "اوكفي وين رايحه لا جيسيهن كايمه تعاي دليني وين خالتهن"
رحت وراها فتحت الكنتور اشرتلها على مكانهن مالزمتهن جري كماشه نايلون مال شعر سحبتهن بيها وكعتهن بالكاع شالت قطعه قطعه شمتهن لعبت نفسها ريحتهن قويه
اماني"صكع اليصكعهن مايخافربهن هل حيايه من هسه بعدها لافاح ولاتبده
كالت "جيبي علاكه"
اختلها علاكه من المطبخ اختها شالت الملابس بطرف اصابعها وخلتهن بالعلاكه طلعتهن للطرمه
كالت لمي"يوم ضال من هل تحسين المقري عليه"
امي"اي يم سديم جيبي يمه "
جبته انطيته الها اخذت مي بسطل نجمد بي مي بالصيف واخذت قبق واحد من الخل ودارته على المي خلت راسها بالسطل
مااعرف شقرت ضلت حوالي ربع ساعه تقره وتنفخ مااسمع بس تبسبس
شويه ودارت المي على الملابس وسمي بسم الله وتقره نكعتهن تنكع كامت كالت "يمه تحسين باحر ياخذهن يشمرهن لا تحركوهن ابد ان شاءلله غده شرهن"
طبينه للبيت واماني لزمتني دك نصايح لا اخذ منهن لبس واذا نحرجت اخذها بس ماالبسه وارقي نفسي ووووو
اكلت راسي لحد ماعافتني
سيف الدين
مااصعب الانتضار كاعد على نار يوم يوم اني منتضر واحد بيهم يبين ايام صعبه وساعات بطيئه
تعده الاسبوع وتعده الشهر واهلي ماعنهم خبر عشت دمار نفسي
واكف اني وامر فوج بالمركز اكو اوامر اجت بعد مالزمنه من بين العوائل دواعش تحقيقات اخذوهم وحولوهم لاكمال التحقيقات
لليل عدنه غرف داخل المركز مبيت بدلت وتوضيت تعلمت من الشيخ اطبك الصلاتين سوه رغم بعدني اتجتف ماغيرت من عادتي شي بس اكتسبت هواي اشياء
الي سنين بينهم نحد فرض عليه اغير عقيدتي ولا شفت بيهم الطائفية رغم الشيخ من احفاد الأمه عدهم طقوس عاشوراء وفات الأمه يقيمون عزاء وطبخ
طبعت بطباعهم بس بقيت على طائفتي
كملت صلا توجهت للسرير انام مددت دك الجهاز
الشيخ "الله يساعدك يابه"
سيف "ويساعدك شلونك حجي"
الشيخ"هلا ابني بخير دامك تشتم الهوى وزين"
سيف"الحمدالله بخير شلونها امي الحجيه"
الشيخ"امك كاطع كلبها عليك مناطرتك تجي شوكت نزولك ابني ليش لهسه ماتغير مواعيدكم هواي شهر
مامفتهمين منك شي"
سيف" حجي الوضح انت اعرف بالأمور ومجريات الدوله واحنه بحالت انذار وان حررنه الانبار بس بقت خلايه نائمه والاهالي ترجع لبيوتها بتزايد واكو بينهم دو١عش
شويه الامور مامستقره"
الشيخ" منو قائدكم"
سيف"ههههه شلك بيها يابه عوف القائد وسولفي شون صرت بعدك تعبان"
الشيخ"لا تغير السلفه ابني مابيها شي لو توسطنالك يشوفلك بديل "
سيف"مرتاح والله وتدري بيه مااحب كعدت البيت شعدي"
الشيخ"حقك شعدك مره جهال عايف وراك اشو مسربت هنا وهناا شمتناي ابني شمنتضر يطخ الشيب راسك
لو لحيتك مالكيت اهلك ضل هيج"
سيف"ههههه اعصابك حجي موزين عليك هسه انت عليمن شايل همي امن هاي السنه ماتعرب اذا مااني كايللكم اخطبولي بس خلي تهدء الأوضاع ودوامي
يتبدل اكلكم اريد اعرس"
الشيخ"تاليتي اموت ومااشوفك مزوج"
سيف"عمرك طويل حجي من عمري على عمرك "
بعد ماقنعته حاجيتي امي الحجيه ونفس الكلام سديته منها وهاي اني وياهم هيج كل مايخابروني يخاحوني بسالفة الزواج
مرت الايام مانزلت صار انذار لزمنه قائد مهم من صفوف د١عش اجته قوه نقلته
كاعد اشتغل خابرني زياد فتحت خط "هلا ابو نور"
زياد يحجي صوته بعيد يروح ويرجع نكطع الأتصال رجعت اتصلت عليه مشغول
سديته دقايق واتصل زياد"سيف اخذ اجازه وتعال "
سيف استغربت "خير ابو نور صاير شي"
زياد"الحجي متخربط "
...... يتبع
صباح الخير
اعتذر عن الخلل الصار بالواتباد يومين مايفتح عدي
هواي حاولت ويااا
طبعاً من نفتح البارت لكيت نصه محذوف رجعت كتبته وهسه كملته
ونزلت الكم بالأنستا سبب عدم تنزيل
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!