بـيـن الـكــــاف والـنـون
التاسع والستون
سجى الطائي🍃
گلولها صآرت بعد !
والگلب حب عيونها .!
گلولها هي الشمس
والدنيآ ضلمة بدونها!
رغد
عشت يوم حلو ردلي الروح بعد الايام الصعبه المرة اليل قضينا سوالف حاطني بحضنه ويسولف
ماحبيت يسكت ولا ودي انام لل٣ كوه نمنه لوما عده دوام
الصبح كعدت ويه دكت المنبه شفته غاط بالنوم
والمنبه يدك سديت الجهاز تمغطت الساعه ب٦ ب٧ يجي الخط وهوه متعود يسبح يله يبدل فياخذ وقت سبح وتبديل وساعه يضل على المرايه ويانق بروحه
لميت شعري نزلت دشداشتي واصله الركبتي كمت غسلت وفرشت اسناني طفيت المكيف الغرفه ثلج
طلعت دشداشه طويله نزعت القصيره ولبستها رحت ندهته بصبعي "ارغد. ارغد. ارغد. ماكو غاط بالنوم
رفع راسه من سكتت فاتح تك عين وشعره على عيونه صايرات خصل شكد حلوو ابتسمت شافني كعد عدل
واني صافنه بوجها فرك وجها بيديه باوعلي كال" متستحين "
كتله "شكوو"
كال"عيب شويه اثكلي اهلج ماربوج" وجها جدي
استغربت شبي حلمان"شكو ارغد عليمن هذا الحجي"
نزل من السرير وكف "اثكلي بتي مو من اول ليله سلهمين وذابه روحج تحملي يومين تلاثه يله ذبين ميانه
شايف البنات يستحن اله انتي انازعه حتى لبا.....
خلي بلوكات منا ومنا
شايف المزوجات اول شهر كوه يحجن وانتي لاحيه لاخجل لامستحه
اجيت ابجي صافنه عليه يمشي ويسولف فتح الكنتور يطلع ملابسه ويخلي على الجربايه اشرت على نفسي" هاي اني"
كال"قابل اني حتى دشداشتج واصله الص.... خو نزعيها وكولي اريد نو...... هم حقج عليمن هل تلميحات تعلمي اطلبي حقج بلسانج مايطوله لسانج اطلبي بيدج
كمل تجهيز ملابسه دار يباوعلي " انتي نازعه المستحه بعد بس تحرشي وتكمل عليه يبووو عليك ارغد شون عدك مره لاحيه حضوري لا خجل
اشرت على روحي
"اي شبيج مصدومه تقرب يم اجرباية جر ملابس الدا..... وشمره عليه كولي متبلي عليج كمت اخاف على نفسي منج
اكعد اشرب مي الكاج مسلهمه رافعتها عوزج بس سكت استغفرالله
صدك بجيت هاي اني هيج شايفني باوعلي ابجي ضحك متفاجئ ركض كعد يمي جرني بحضنه"اشاقه يبووو اشاقه يمعوده "
كمت ابجي دفعته "وخر متستحي هاي كلهن اني شسويت طلعتني مامربايه"
ارغد"لا كيمر لا اعتذر موقصدي يبووو متشاقين شبيج حبيبتي اشاقيج "
امسح بعيوني"تحجي صدك انت متشاقه "
ارغد وخرني يمسع بعيوني"مشايفه شقاي ويه الولد متعود الاحبه اثكل ويااا بعد كافي عيونج راحن بس لا تبجين توكعين كلبي" ثل يبوس بيه ويضحك عرفته يشاقه بس سواها صدك من يحجي
واني هاي نومتي ماانتبه على روحي ملابسي تصعد بس مااتكشف من الغطه
وخرت امسح بعيوني دفعته يضحك جرني من شعري وكام
طب يسبح نزلت سويتله مخلمة بيض وجاي خليتهن بالصينيه اكو مواعين على السنك غسلتهن مسحت الطباخ والكاونتر
حميت الخبز على الطباخ اباوع الساعه ب٧اله ربع وارغد مانازل شلت جهازي دكيت عليه رفضه
وخرت الخبز من النار خليته بالصينيه نزل كاشخ وعطره ترس البيت كعد كال "تسلم الايادي"
كعدت كباله اكل ويااا منتبهتله ياكل بسرعه ويكوم ميطول عشر دقايق خلص كام غسل طبيعته جنطته يخلي بيها كلني وعطر وجكايره وجداحته حتى فرشت اسنان
اكله شسوي بيها يكول هناك ناكل وبواقي الاكل يضل بين الاسنان اذا منفرش يسوي ريحه موطيبه
هوه معتني بنفسه حضرتله حذائه راح يله صعدت منايمه اريد اشبع نوم نمت
مرت الايام ملتهية بارغد ناسيه سوالف اهله يومية باليل نسوي اجواء خاصه بينه وارغد يخير شيجيب حلويات من محل تميم يترس العلاكه
سبوعين مرة واني مرتاحه وارغد متونس كام لل١٠يفوت للغرفه قبل ل١٢ يطب ونكضيها ضحك وشقه وهوه ايده طويله
كل شقاا ضرب مشبعني تكفخ واني اعيط من ضربته تأذي يرجع يبوسني ينسه نفسه وياي
وسن تضايقني بجياتها من شوف ارغد تريد تموت وهوه بدونوقصد يصيحني على جاي لو يريد شغله بس دموعها تنشاف واني اموت بداخلي
مااتحمل اشوفها تتمنا لو عينها عليه بدت الغيره تاكل بيه ماجنت حاسه بهذا الشعور من تقاربنه اكثر وصرنه روح وحده كل اموري اختلفت
شكد تحملت خالتي وبساميرها عليه تحملت سعاد وجرها الي والأرغد لو خالتهم وتجي تشمر عليه فاهيه وبارده والصفره
لو يعيرن على ملابسي لان مااحب البي شغل والبي نقش يعني مااشتري فستان مشجر ولا البس دشداشه بيها شغل مااعرف كل ساده واليخاط بسيط
وطبعاً تعلمت يمهم البس دشاديش بيد ضحى ادز القماش واعلمها على التفصال والخياطه جيبه مثل مااريده
بيوم نزلت من السطح شريت الملابس دخلت للمطبخ خالتي واختها وسن كاعدات سلمت وكفت احمس لحم الارغد راد تاجينه سناء وسندس طلعن للسوك ويه زوجة ابراهيم يحضرن العرس سناء
بعدك كلام اسامه وعركته ذيج المره واخوانها مقاب على الولد لحد ماتميم راح مدقق وضال يسال يعرفو جابوله الخبر الاكيد الولد والابو زينين بس عدهم اخوهم تايه
وهواي عده مشاكل تميم "احنه شعلينه بأخو اذا الولد خوش ولد والابو رجال خير مزوجه اخو هيه شعليها بس صير ادمية يمهم محد يدنالها"
كلها سكتت حته ابراهيم الجان معارض ضحى تركص بجفيه هم عرس وهم تخلص من سناء ونكرتها
اسمع خالتي واختها يسولفن عن تجهيزات العرس واكيد لا زم اسمع منهن مغثه تعلمت يمهن اسمع واغلس وهذا تعلوم ارغد واني ماشيه علية
خالتي كالت"ماضل شي قليل وناخذ وسونه وصير جنتي جرتها حضنتها"
وسن دنكت عود خجلانه وامها باوعتلي وضحكت يوم عيد ازوجها يمج هم خالتها وتحبها ويضل راسي بارد "
خالتي "اهليها بعيوني حسبت بناتي غير ربت عدي وياما كضت ايامها هنا بيناتنه ومن زغرهم مقررين وسن ضل عدي وازوجها واحد من الولد تذكرين لو ناسيه"
ام وسن" لا دادا ماناسيا بس اكو حسبات تخربطلج احلامج ذبت تنهيده شكدها
خالتي"صوجج من الاول الولد حفه عليها شكد راد وليله ماينامه وانتي ركبتي راسج ماكعدتي راحه لحد ما جزت روحه وحفظ كرامته"
ام وسن"اني غلطانه والغلط راكبني الراسي شسوي نعميت من الله لا ينطيهن عمن عيوني "
وسن شويه ودكوم تلطم واني كلبي يتفاور مااتحملت كدامي ويحجن بارغد هواي سكتت وهواي عبرت الهم الخاطره
طفيت العين خليت الحم يحمس درت عليهن " خاله شتقصدين بس لا على رجلي واني ماادري"
خالتي "مو يمج كملي شغلج وصعدي الغرفتج"
رغد حز بخاطري بسرعه طردتني"خاله اني حبج المحبت ابنج واعزج واخليج فوك راسي صح اني اجيتكم بضروف غير ضروف وتزوجنه
بس احبج المحبت ارغد واني احب ارغد واني وياا مره ورجال وكل ثنين صير بيناتهم مشاكل بس مايوم نزلت وشكيتلج منه ولا هوه يشكي
اذا تقصديم بيوم ارغد يطلكني وياخذ غيري غلطانه خاله"
ردت ام وسن"ليش انتي مو سافرين يم اخوج "
رغد رفعت حاجبي الضاهر خالتي ماضام عنه شي كتلها"لا بطلتن مااسافر "
استغربت وحتى خالتي ضلت تباوع مستغربه ردي"يعني شنو مراح سافرين"
رغد"ضحكت ليش اسافر اكو وحده تعوف بيتها ورجلها "
ام وسن فكت حلكها تريد تحجي "يعني شنوو انتو مو زواجكم على ورق"
رغد"ابتسم هههه خاله عيوني انت شايفتلج ثنين مزوجين وبغرفه وحدهم ومكابلين بعض والشيطان شاطر
يعيشون اخون بس عد الهنود "
كلهن صفنت وجوهن كامت تنطي الوان رادت تحجي بس سكتت مالومهن كلهم متصورين زواجنه مجرد حبر على ورق
وقبلت اضل ويا بنفس الغرفه تعامل خواته الموحلوو وكدام الناس التجيهم طابين طالعين لابد يلاحضون
ردنه نبعد الشبها عشنه بنفس الغرفه كملت حمس المواد وسن بعد الكلام السمعته طبت الغرفة البنات تناشغ
هزيت ايدي بله كرامه
للضهر طب ارغد تلكيته محد بالمطبخ كلها نايمه دنيه ضهر تقربت منه بسته بخده ضحك جرني باسني براسي
اخذت منه الجنطه وجها احمر من الشمس فتح قميصه نزعه ضل بالفانيله عركان صعد صعدت ورا خليت الجنطه طب للحمام كبل بعد مشمر ملابسه بالكاع
لميتهن وطلعتله تراك وخليته على الجربايه وخاولي نضيف فوكاهن
نزلت سويتله صينيه اكل رتبتها بين ماكملت نزل
كعدنه "عاشت الايادي"
الف عافيه
بده ياكل واني اسولف وياا كمل شلت الصينيه حميتله الجاي جديد سوته سناء للولد وره ماتغده صبيتله
هوه كاعد يكلب بجهازه خليت كلاص الجاي بصفه اخذها كعدت بصفه جر ايدي باسها ابتسمت
خاطه يشرب ويصفح بالجهاز عيني يمه مامنتبه عليه
كروبات ويه جماعته ومنشورات بس يباوع مايعلق العجبني بي
شويه وصلتله رساله فتحها عكد حواجبه ماشفت المكتوب نزل الكلاص حيل بالكاع شويه وينكسر من قوة الحطه مالته
سد الجهاز وشمره مسافه فرك وجها بيده " شبيك شودولك وهيج ضجت"
ماباوعلي كال" هيج شغله"
سيف الدين
اتجدد بيه الامل رجعتلي الروح كاعد وعيوني تتامل ابويا جدي امي شون راح يكونون بعد هذا العمر
رجعت الايام البستان وديوان جدي وكعدت حبوبتي بالحديقة المسيجه اشجار العنب مسويه ضل طريق على طول الممشه
واشجار التين ونخيل التمر ورداة الجوري ورد الصباح وريحت النعناع من تحب نسمت هوى تترس الممشه
تحسرة على ذيج الايام رغم صغر سني بس اذكر كل تفاصيل حياتي الحمدلله من خله ذاكرتي قواية
خليت بحثي وتفاصيل وجود اهلي طي الكتمان خوف على امي الحجيه مااريد زعلها ولا يهون عليه دمعتها
خلص دوامي نزلت للبيت اختليت بغرفتي حتى غده مااشتهي اكل احس روحي شبعان الخبر السمعته نازل عليه من السما ضليت كاعد حاير
وين اروح والمن بعد اسأل صديق ضافر اناني خوش فكره ابحث بقية المطارات واني وقت ماعدي ودوامي يومي بدون انقطاع بسبب الاوضاع
ساعه جر ساعه جريت الباكيت ادخن فتحت الحاسبه
كان عدي شغل قليل كملت وسديتها كمت افتر
للعصر واني بالغرفه مددت اريد امخمخها ومااضيع وقت
ماكدامي غير الرائد
خابرته "السلام عليكم سيدي"
الرائد"هلا ابني وعليكم السلام "
سيف الدين"سيدي مااريد اطول عليك عدي فد استشاره استفاد من معلوماتك"
الرائد" بابا كول لا تضل ساكت انت مثل ابني احنه خارج العمل ابن وابنه ادخل بلموضوع دغري "
سولفتله عن خبر السمعته وهوه يعرف وضعي مسولفله من قبل سكت اخذله صفنه واني جكارتي جوت اصابعي مخلصه واني اسولف
الدنيا عصر اسمع صوت الشيخ وامي الحجيه بالبستان كبال غرفتي يجون يكعدون ميحبون كعدت الحديقه البرانيه كدام البيت "
تنهد الرائد كال "ابني كدامك بس المطارات وشوف الرحلات وهاي هم يرادلك احد يسهل امرك مو مال تاخذ كتاب وتروحل تبحث وتعرف هاي المور متمشي بدون
ورقه امر خليني اشوفلك منو عرف يسهلك امرك"
سيف"سيدي ضال باملك"
الرائد"ابني كول ياالله واذا مالك نصيب انت سويت العليك"
سيف"هي هاي اخر امل عدي قبل ماافقده"
الرائد" البركه بالشيخ ابني"
سيف"مامقصر الشيخ الحمدالله والشكر "
سده الرائد كمت لبست دشداشتي وطلعت لكيت امي الحجيه فارشه حصير ومدات على الحشيش صاير في من الاشجار المزوعه على حافت الحايط
وصينية الجاي وماعين الكليجه والكعك والبسكت كدامهم ابتسمت
رفعت ايدي شافوني سلمت ردو السلام الحجيه اشرتلي بصفها ابتسمت كعدت يم الشيخ
ابتسم الشيخ"سبع ابن ابووو "
بسته براسها كال"الله يرضه عليك وينور طريقك "
الحجيه " جبتلي دواي "
صفنت ناسي كلت من يخلص دوامي امر على اي صيدليه بطريقي "اخخخ شون نسوو نسيت تعذريني يمه راح من بالي"
عوجت حلكها" علاجي تنسااا وين بالك يمه اشو لا مره لا جهال بركبتك وانت من هسه بالك شارد "
ضحكت "ها يمه بدينه بالي مايشرد منج تامرين هسه بس اشربلي ستكان الجاي اجيبلج دواج"
كالت" مااريد زياد جابلي من شفتك بطيت عرفت عكلك مو براسك وخلاك تنسه علاج امك "
الشيخ"حجيه بسج على العلاج وكمتي تعايري ناسيه ركضاته وياج وطبيبج ومسواكج وزايدتج وناقصتج منو
يجيبها غيره "
الحجيه" جاا وحد عن ولدي واذا ركضلي غير انه امه واجبه يركضلي"
الشيخ" وانتي كلتيها واجبه بسالواحد هم ينسه وهوه مامقصر لا توكفيله على الزله "
ابتسمت على سوالف الحجيه كلبها يفور واحسه حاسه بيه وتعرف جاي ادور بدون علمهم امي الحجيه فطنه الى اخر حد وحنينه بنفس الوكت صح اني مامقصر وياها
وكل البيت اني شايله وعزايم الحجي والفصول التصير بالديوان كلها اني متكفلها فرات وزياد مالهم شغل
صح مامقصرين من ناحية المصرف ينطون للحجيه بس تبقه المسؤلية الجبيره اني شايلها
للغروب كمت اصلي الشيخ والحجيه فاتو يصلون
مرت الايام واني منتضر الرائد ايام وكال لكيتلك رائد بمطار البصره انطاني عنوانه بس امر الاجازه صعب قبلها اني ماخذ سبوعين اجازه
عمار كال قطعها على شكل ايام كل سبوع اخذ اجازه يوم
وبلفعل كل سبوع اخذ اجازة يوم واطلع من الغبشه قبل الصلا اخذ سيارة الشيخ واتوكل بديت اتابع رحلات الطيران بهولير
ماكو اثر لسفرهم وراها بسبوع رحت المطار بغداد
مالكيت الهم حجز
ماضل بس مطار البصره اخذت هلمره عمار وصلنه دخلت كان صديق الرائد موجود رحب بينه واستضافنه وراها
بلش يسال دقق بسجلات رحلات الطيران على الحاسبه اسمائهم مموجوده
ماكو اي اثر الهم هنا عرفت سوو جوازاتهم بس ماسافرو معناها موجودين بالعراق
رحت لمنافذ طريبيل و عرعر
و ماكو
لسفوان بالبصره هم ماكو
بواخر و سفر اي شي
مالهم
حته سفرات لاربيل و الشركات السياحيه ماكو( نصن من كلامه)
ايام اني عمار وجهاد والرائد سادين مكاني الدائرة ماتخلو من النفاق ويلاحضون غيابي
وكفت الولد مانساها رغم تعب البحث والسفر بس عدي مثل المي البارد المهم اتاكدت من وجودهم والهم اثر بالعراق
حالين احنه بسنة ٢٠١٣ ايام واجاتنه اخبارية عن مضاهرات الانبار وصلاح الدين ونينوى
وكانت من اصعب السنوات المرت على العراق جنت شاهد على المضاهرات وكميت الدنيس غير التخفي تحت رايه السلم والسلام
امور كانت خارج عن سيطرتنه اي تدخل من القوات الامنية تعتبر نفسك مندك وتعاقب اشد العقوبات واقصد الرتب العلية الذين من ضمن السلك العسكري
وكانت المضاهرات سلمية هواي مواطنين نغدر وراحو تحت الرجلين بسبب يطلبون حقهم المشروع
وضلت سلسلت الضاهرات المناطق دخلت انذار واني انزل يادوب اشوف الحجيه مريضه وارجع للدائرة
ريحانه
بعد كلام زينب دخلت بصدمه اني شنو البدر مني مااذيتهم ولا مسيت السيد كل اليطلبه انفذه تعبت
نفسياً طاقه ماعدي
كمت واني التفكير اكل راسي تعوذت من الشيطان كعدت على السرير افكر واراجع حياتي انقلبت رأساً على عقب
من زواج رضا لليوم من شفت سواد بيت خالتي واني مامرتاحه وحياتي للأسوء
اخذت حجابي وطلعت يم خالتي بالهول كاعده ومشغله تلفزيون على قناة الانوار وكتها العتبه العباسيه مسوين مسابقه قرئانية للقراء
كعدت بصفها شافتني كالت"ليش مصطفى صار عصبي عليج"
مقهوره ومااعرف شون احجي واعبر البداخلي كتلها"خاله اني غلطانه اذا خابرت والدي ياخذني يمهم "
خالتي"السيد يدري لو لا"
هزيت راسي لا
كالت"ميصير بنيتي لازم شورين رجلج ودكليله لا تصرفين من ذاتج وبعدين راعي مصطفى تره يمر
بمرحله صعبه واعاقته تاكل بي
بيوم وليله يصبح معاق صعبه عليه ومرضه مو هين
عيني يمه الله يعينج بسابع سماا ولا تهدي وحده يدمر بعدج يفكر بوضعه ويفكر بيج
وتدرين بي حبج ورادج والله سهل عليه واخذج تحملي هاي الفتره فدوه العينج
كملت كلامها واني ساكته بس اسمع ماانطيت اي رائي غير ان شاءلله واهز براسي
صرت انسانه أليه مجرد انفذ طلبات بعد كلام ام السيد كمت طلعت بتيته كشرتها وكليتها وفرطت الدجاج مستوي مجرد حمسته بصل ودهن وشويه ابهارات
ضليت اسوي بلعشه كملت كعدت البيت فارغ محد بي بس احنه الأربعه الوحده تاكل بيه خالتي مجرد صلي تقره قران اشوف مصطفى مرات تجي عمتهم يمها
تكعد ساعه وتروح زينب بغرفتها على كد الأكل تطلع وبعد مااشوفها
الوحده تعبتني كانو معايشين بيت واحد محد يعرف شي عن الثاني خالتي لليوم ماادخلت بيني وبين السيد
ولا احسها قريبه مني واكعد اسولفها البداخلي محد حاس بيه ويفكر تعبت ومليت من الوضع
كضه اليوم اجه اليل اني رغرفتي كملت تعزيل كعدت خابرت امي شويه وسديته فتحت القرأن اكمل حفظ الي اشهر بالجزء ثامن عشر
اخذت نفس جنت خلال اسابيع اخلصه وهسه الايام تاخذني واني يوم اكعد احفظ صفحه واترك وشهر اترك
سديت المصحف اردد الايات غيؤت طريقت حفظي
كمت اقره الصفحه اكثر من عشر مرات مع التركيز
بلتكرار قابلية الحفظ تزيد ضليت اردد الحفظية
واني مغمضه عيوني وتتخيلي كل كلمه وكل ايه
وصلت للايه رقم ٢٥ نفتح الباب فتحت عيوني
مصطفى فات شافني ابتسم رجتت كملت وين ماوصلت
احس بحركته بالغرفه من فتح باب الكنتور من بدل من طكت العكاز بالارض
كعدته يمي على السرير فتحت جهازه وصوت النغمه كملت واني ماحافظه بشكل الصحيح كمت خليت المصحف على الميز
مصطفى"كملتي حفظ"
التفتت"لا موكلش بس زين حفظة كم ايه "
اشرلي "جيبي المصحف وتعالي"
اخذت المصحف صرت كباله جرني كعدني مقابيله فتح القرأن كال وين وصلتي انطيته رقم الصفحه
طلع الصفحه كال يله بلشي شلت نضري مرتبكه ممتعوده احد يرددلي قويت روحي بلشت اقره واتوقف انسه بداية كل اية لو للنص واتوقف
وهوه يباوعلي ينتضرني اذكر اشيح نضري عن نضراته يتمعن بتفاصيل وجهي
اقره وعيوني تسرق نضراته كانت غير محدد مرات االكاا يتمعن بشفتي ادنك واكمل
توقفت من خله ايده تحت حنكي رفع راسي مبتسم "اسف تكفي للاعتذار"
برطمت سوه اششش ميهون عليه دمعت عينج تعذريني النفسيه صفر والشيطان يوسوسلي كملي لا تتوقفين ولا تنقطعين عن الحفظ المفروض بهذا العمر انتي خاتمه القران "
دنكت " اتاخرة بالحفظ بطفولتي جانت ذاكرتي ضعيفه والدي حاول وياي هواي بس بالعلاج والادعية قوة "
رجع رفع راسي بصابعه بثانية سد الكتاب وخلا على جانبه جرني صرت بحضنه
كلبي يدك حاوط خصري وخر الشال فك شعري نزل على ضهري
وجهي مقابيل وجها كال بهدوء مفرط"مااحب اذيج بس انتي بارده ماعدج لهفه الي تغيري ريحانه اني رجال احب المره التعتني بروحها وبزوجها
احب الكاج مسويتلي جو ولابسه وتنتضريني صارلنه ١١شهر واني اشوفج بلدشداشه "
دنكت كال"لا تنصين راسج باعي بعيوني ليش هذا الجفه منج ماانكر الفتره المرت فتره صعبه بس نتعاون وتمر ونتخطاها وانتي مؤمنه بقضاء الله وقدره"
ريحانه"خايفه"
مصطفى"مني"
ريحانه"انت عصبي وتنسه نفسك الشيطان يكون رفيق العصبي يوسوسله ويركبه مو صح"
ابتسم مد ايده على شفتي تحسس ملمسها بقيت عيوني بعيونه رجع مصطفى الهادء بدقايق من دخوله "صح اني مااكدر اناقش بت سيد محمد اكو ازكه منها
يباوع الشفايفي همس قربيني فترة علاجي صعبه ولازم احاول وانتي زوجتي ماعدي غيرج
سكتت تقرب مني باسني وكانت كل بداياته هادئه لكن بعدها من توصل للذروه ينقلب السيد من تفشل محاولاته
لكن هل مره وخر وهوه عركان يصب العرك من جبينه سحب الغطه يستغفر لبس وكف جر العكازه
كعد على الكرسي يدخن واول مره اشوفه يدخن كان من المعارضين للتدخين ودائماً ينصح شباب امتناع عنه
سكتت مابيه اعارض واني اشوفه عصبي واخاف اتحرك لا يصيح بيه
مصطفى ماأيس حياته صارت عباره عن دكاتره وعلاج
وكل علاجه ميجيب نتيجه وكل دكتور يوصفو اله ياخذ احمد او زيد ويااا
اليوم سافر التركيا وصفوله دكتور لبناني مقيم بتركيا
ودعني بعد ماوصلني لهلي وراح
دخلت امي بلمطبخ طبيت شافتني عافت البيدها وجت حضنتني" شونج حبيبتي وخرتني تباوعلي ضعافنه يمه خيرج "
وخرت من حضنها ابتسمت" شونج يوم "
الحمدالله بخير انتي شونج ماكتيلي اليوم تجينه جان حضرتلج شي على الغده"
رحنه للهول كعدنه وخرت البوشيه والعبا واكفوف بس اصابعي طالعه منهن واكيد طلب السيد
"مااريد شي التاكلو اكله بس مشتاقه البابا وين هوه"
"ابوج بالحوزه واخوج بلنجف عده دوره ان شاءلله ويلبس العمامه ويصير خطيب"
ريحانه"خير ان شاءلله يعني هاي هيه بعد خلصت دراسته"
امي "هوه اخوج ربعه من زمان كملوو بس غير هوه كطع الدوره وزوج ضل كاعد مده وهاي وره زواجج بشرين رجع كمل"
صدك نسيت جدج دوم يسال عنج وخوالج هم وبيبيتج ان شاءلله بعد سبوعين يجون هنا خلي رجلج يجيبج"
هزيت راسي كمت اخذت غراضي لغرفتي دخلت تفاجئة مغيرين ديكورها فتحت الكنتور ملابس رجاليه ونسائية ضليت صافنه
معقوله رضا وتكتم نزلو خليت غراضي على الجربايه ورحت الامي تضفي بالتمن "يمه غرفتي منو كاعد بيها"
امي "اخوج وزوجته"
ريحانه"شنو عافو غرفتهم واخذو غرفتي"
امي "الصيف الفوك حار نزلو بغرفتج وبالشتا يصعدون فوك"
ريحانه"واني وين اكعد من اجيكم "
امي عافت البيدها ودارت عليه"خير من الله البيت جبير وين ماتحبين دكعدين اكعدي مايوسعج"
ريحانه"ماما اني ماارتاح غير بمكاني وتعرفين متعوده على غرفتي "
امي" يمه انتي تجين شكد ضلين غير يوم يومين وترجعين الصاله موجوده الهول البيت جبير"
على كلامي نزلت تكتم وابنها بيدها اجه يمشي ركض الامي شالته باسته تكتم شافتني ابتسمت واجت بوستني"زارتنا البركه اليوم ريحانه يمنه شونج عيني"
ريحانه"الحمدالله من الله زينه "
تكتم"اكيد بخير وانتي ماخذه السيد وين تلكين اي عيالج شونهم وياج"
ريحانه"زينين الحمدالله "
جرت كرسي الميز وكعدت "شعجب اليوم زايرتنه صدك رجلج شون صار كالو يمشي على عكازه هههه"
قبط كلبي كوه ارد عليها مااعرف صدري يضيق منها وراسي يوجعني واتوتر استغفرت ربي كوه اخذ وانطي وياها
هي كاعده وامي تسوي الغده كمت سويت المرك ويه امي وهي ضلت تسولف وتوكل بابنها كملت اخذته ودخلت الغرفتي متت قهر
كعدت على الكرسي دمعتي نزلت حز بخاطري حتى مكان بيت اهلي اضل الي ضعفي موتني مااكدر احجي
مو على الغرفه ولا اني نحسه بس احس مكاني ملكي بي راحتي وذكرياتي كلها بي مااحب احد يدخل بيها
جنت تاركه اغراضي البقيه دببي رغم والدي مكان يحب اجيب العاب تكون مملوكه بس رغبتي مامنعني منهن
لعاباتي عدي صور قديمه محتفضه بيهم الي والاهلي ولبيت جدي وعفتهن بغرفتي كل ضني اجي الكاها
مثل ماتركتها
مسحت دمعتي وكمت صار الاذان فتت اغسل على المغسل وصايره بصف غرفتي جوه الدرج ومقابيلها الحمام طلعت
تكتم وبيدها غراضي كالت"راح اخليهن بغرفت خالتي "
فاتت وجنها مامسويه شي حتى مااخذت اذني من عاشت بالغرفه
صدري انترس توضيت واني استغفر مااريد اضعف وتنزل دمعتي كملت طبيت الغرفت امي طلعت جادري من جنطتي وكفت اصلي
قبل لا ابدي طفيت الضوه واخذت شمعه من مجر امي شعلتها وشعلت المبخره على الكهرباء خليت بخور مكعب
وكفت اصلي واني عدي يقين عبدالملك يجي صليت كملت وبلشت اقره تعقيبات صلاة الضهر واراها صليت العصر وتبعها تعقيبات صلاة العصر
كملت واني محاسه بوجوده ضليت كاعده فتحت المصحف رتلت بعض السور القصار
سديت المصحف واني الحزن اسلل الدواخلي كمت وخرت الجادر الصلا لميت السجاده وكلشي رجعته المكانه
طلعت ساعدت والدتي لكيتها صلي بالهول وتكتم اصلي بصفها انتضرة والدي ساعه ودخل رحت حضنته شبكني وشمني
واني نحاوطته"ريحانة ابوها وفلذت كبده شونج باباتي حبيبتي شونه زوجج"
زينين يابه مشتاقتلك "
اني اكثر واسالي امج مصطفى بذات اله اخابره يلهواعرف اخباره وينه اجه وياج"
امي ردت"لا سافر التركيا ذبها علينه وراح "
طبينه واني جوه جتف والدي كعد بالهول وخر عمامته ونزع عبايته السوده كال " ليش سافر خيره"
امي جابت صينية الغده وخلتها كدام والدي"علمود علاج وصفو اله زين "
والدي وامي كعدو كدام الصينيه واني دنيت على الصينيه ابويا" رجله ماطابت اهر مره سالته كال على العلاج افزيائي طيب بس يستمر ماينقطع "
متلهفه على سوالف والدي راح يصير سنه اني مكاعده وياا هاي الكعده كلتها بعفويه"لا علمود يكدر يتقربلي "
امي شهكت وابويا ستوه يريد يحط لكمه بحلكه نزل ايده يباوعلي صافن عكد حواجبه باوع لمي رد باوعلي
دفع الصينيه وكام كال الامي" تعاي ام رضا رايدج بحجايه "
فات للصاله وامي باوعتلي بقهر كامت وفاتت وراا
ضليت صافنن اني سويت شون احجي هيج كدام ابويا
عفت الاكل الصينيه على حطتها بعدنه ستونه نريد ناكل فاتت تكتم "اخخخ ابن اخوج ماينجرع كوه نام"
كعدت "لعد وين عمي وخالتي شنو مياكلون"
تباوعلي واني ساكته ماارد شافتني هيج عكدت حواجبها بغضب "متردين بحلكج عظم شهل احترامات مو بعينج اسالج مجاوبين"
اني كلبي مورم وبالي كله يم ابويا الحجيته مااعرف شنو معنا بس ادري عيب احجي بي كدام احد هذا شي يخص المره والرجال
الخوف كاتلني اكيد والدي ماراضي عليه وهل اخذ امي يحجي وياها
ساعه وطلعت امي ابويا ماطلع تكتم كاعده وتباوع من شافت امي وجها مايطمن
ضلت تكتم تباوعلنه امي فاتت الغرفتها وتكتم كالت"شبيكم خالتي ليش ضايجه"
ريحانه"ماادري "
عوجت حلكها"ماتدرين كولي كااريد اكلج بس وسكتت"
كعدت تاكل من شافت محد اكل واني مالي نفس بالي يم ابويا والحجيته غلط شون اكول كدامه
غديت وجهي اريد اخلص من التوتر
على كعدتي سمعت صوت امي تصيحني كمت رحت الغرفتها فتت كاعده وايدها على خدها
امي " تعاي وسدي الباب "
سديته وفتت كعدت يمها "شوفي يمه من زوجتي صرتي بعد يم رجال وعيال يعني كبرتي وصرتي مره جبيره وتكدرين تصيرين ام وتحملين مسؤليه
والمره تتحمل زوجها بخيره وبمره واني صح ربيتج بس لليوم ماعدت وسولفت وياج بحياتج الزوجيه اكول خصوصيا بس جملتج على الغده خلتني بموقف صعب
كدام ابوج
كلها بصوب والي عرفنا بصوب يمه صارحيني زوجج متقرب منج اني كتلها وكل ضني تقصد التقارب يعني ينام بصفي ويحضني هزيت راسي" اي "
تنهدت برتياح"يعني اموركم تمام "
"يمه يصير عصبي ويصيح واني اخاف منه واكوم اريد اطلع بس هوه ميقبل ويضل يبجي وحلفني ماتكول الابويا واني اخاف اخلف بالحلف واحصل ذنب"
باوعتلي امي ونزلت دمعتها"ريحانه يمه ليش هيج تفكرين خلي تفكيرج اوعه من هيج حبيبتي زوجج
اذا امنج على سر ميصير ينحجي حتى الي "
دنكت كالت "بياضج وين ضميتي"
رفعت راسي "ماعدي بياض"
استغربت "شنو ماعدج بياض داركت كلامي ريحانه طلع من عدج دم لو لا"
هزيت راسي بلا لطمت امي على خدها ردت فعلاه خوفتني لزمتني من امتوني "بس ركزي وياي يمه فدوه العينج السيد من يتقربلج يعني سكتت تتلعثم وحايره شون تحجي باعي يمه يعني صار العلمتج عليه بليلة عرسج ومثل ماعلمتج سكينه"
سكتت حايره بخوفها ورجفتها صفنت بيها هزتني حيل ونترت"احجي ولج طركاعه ونزلت على امج فدوه العينج فهميني يمه علمود اعرف شصرف "
"ماما كتلج اتقربلي بس دم ماطلع"
لطمت على صدرها لا تخبليني شون دم مانزل خاف متوهمه يمه ماكو بت مايطلع منها دم ولج فهمي
رجلج من تقربلج اخذج لو لا ريحانه فكي راسج ضربتني على راسي يطرف اصابعها وخرت خايفه شبيها امي صارت نار وتفرك بيديها كامت وكفت تفتر
وتحجي ويا نفسها التفتت عليه رجعت" يمه بس افهمي عليه ولج راح جلطيني رجلج يعني اخذج بيومها بعرسج"
"لا ماخليته خفت وهوه عافني وسافر"
امي هنا شهكت بخوف لطمت على صدرها خفت من ردت فعلها كالت "صخام الصخمني ولج يمه راح اموت من وراج شكل الابوج واني عبالي ماخذج والرجال من سالني كتله زينه وامورها تمام يمه شون"
رجعت ذكرت كالت "هوه زين مابي شي وره الحادث هم رجعلج" هزيت راسي اي "
سكتت حايره امي اول مره اشوفها هيج عصبيه شدت راسها بالربطه وجرتني كعدتني بصفها بالكاع
"راح احجي بالقلم العريض ياريحانه اذا ماحجيتي عدل وفهمتيني اشل حالج"
كعدت تشرحلي عن التقارب فكيت عيني مستوعبه من شافت ردت فعلي رجعت تحجي على نفسها "اني شون خليتج هيج مغمضه وفوكها ثوله وج يمه بعمرج مخلفات وصارلج سنه وانتي ستوج عرفتي شنو التقارب بين الزوجين"
رجعت كررت سؤالها "هسه مدام فهمتي ماخذج السيد لو لا"
سكتت خايفه اذكرت السيد من يتوسل بيه خايف يدزني لهلي واحجيلهم اذكرت وصاييا بلغرفه قبل ما يجيبني الاهلي البينه ميطلع دنكت ساكته وامي تنتضر جواب مني
واني حايره اذا كتلهم شيصير واذا سكتت علمود السيد
امي تباوعلي تنتضرني احجي الخوف اكل كلبي
شكول احجي سره وهوه مامن بيه لو اسكت واخلي الخوف ماكل كلبي
......... يتبع
مشتاقه 💋
تابعوني حبايبي مااكدر اتواصل وياكم بغير برنامج
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!