رواية بين الكاف و النون الفصل السبعون 70 - بقلم saja altaie95

بـيـن الــكــاف والـنــون

الثامن والستون

سجى الطائي🍃

ضمني بليل ثاني وحل حلال الخل
شحيحه آفراحنه ودکانه معزل
الضحكة نبوكها من الاه واليا ويل
وصيآد الهموم بدفتره يسجل

ريحانه

الخوف الي تملكني حسيت اعضامي تختض تحول وحش عيونه خبطن مسويت شي غلط ولا منعته كل العلمتنيا امي سويته لا قلصت نفسي ولا منعته

و لفيت نفسي ودوعي على خدي مرات اشك بنفسي مقصره اتجاه ربي وديعاقبني

اكبر قاب المرء  من الله ترك الصلا كانو رب العالمين يعاقب الانسان المستهان بعظمة الصلاه وهوه تركها

مسحت عيوني ذنوبي يحجب دعائي

الامان يارب اغثني ياصاحب الزمان ضليت ارددها كانو الامام يسمعني استغيث

ضليت اردد الاستغاثه ذكرة دعاء الامام السجاد عليه السلام لدفع الخوف

اللهم لك الحمد على حسن قضـائـك وبما صرفت عني من بلائك فلا تجعـل حـظي من رحمتك ما عجلت لي من عافيتـك فـأكون قد شقيت بما أحببت وسعد غيري بما كرهت وإن يكن ما ظللت فيه أو بث فيه من هذه العافية بين يدي بلاء لا ينقطع ووزر لا يرتفع فقدم لي ما أخرت وأخر عني ما قدمت فغير كثير ما عاقبته الفناء وغير قليـل مـا عـاقبته البقاء وصـل على محمد وآله

نمت على اثر الدعاء كعدت  باوعت الشمس طالعه غمضت منزعجه ممصليه الفجر مسحت وجهي

كمت  دخلت للحمام غسلت وتوضيت رجعت لبست احرام الصلا اصلي كملت واني خجلانه من ربي اول مره اغفل عن صلاة الصبح وياخذني السهو

هزيت راسي مقابله شنو الخلاني ماافز وكت الصلا متعوده  افز قبل الاذان بربع ساعه واكثر

ماناسيه من وصلت الصورت الكهف بالحفظ والدي نبهني على الايات الأربعه كال واضبي عليها ان شاءلله تكعدين بالساعه المطلوبه
إِنَّ الَّذِينَ آمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلًا:(107) خَالِدِينَ فِيهَا لَا يَبْغُونَ عَنْهَا حِوَلًا (108) قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا (109) قُلْ إِنَّمَا أَنَا بَشَرٌ مِّثْلُكُمْ يُوحَى إِلَيَّ أَنَّمَا إِلَهُكُمْ إِلَهٌ وَاحِدٌ فَمَن كَانَ يَرْجُو لِقَاء رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا .صدق الله العظيم.

كملت تسبيح  سمعت صوت عمتهم كمت نزعت الاحرام صفطته لميت السجاده نفت الباب رفعت راسي واني اخلي السجاده على الميز

فاتت عمتهم "صباح العافيه فدوه الهل وجه الحلو"

ابتسمت رحت باوستعها"صباح النور عمه شلونج "

صفيه "بخير حبيبه شونج انتي صحتج شهل حسن صلاوات على النبي عمه وجهج يضوي عين الحاره بارده"

غرفت خالتي بيها جرباي الها وكنتور وبوفيها عليها نضيدة الفراش

كعدت عمتهم على المده اشرتلي اكعد بصفها جرت وجهي باستني بخدي شكد حنينه هاي المره حتى وجها بي بركه

عمتهم"اني اليوم جيتي على هذا الوجه اليضوي "

ابتسمت بخجل مااعرف اجامل واجاوبها اكتفي بالسكوت وهذ طبعي من زمان

عمتهم"رفعي راسج حبيبه المريتو بي صعب والله يجازيكم على صبركم وتحملكم  وكل الدار بييكم
ربج اله بيها حكمه

يمه انتو بفتره عصيبه ويراد منج الصبر وتحمل رجلج
بس الله يعرف بوضعه والم رجله غير حالته النفسيه ادمرت 

تحملي وصبري عليه تره وراكم ايام تريد منج قوه

دنكت تربد تحجي حسيت بتوترها ردت كالت على العلاج ان شالله يرجع كلشي الوضعه وانتو بعدكم شباب العمر كدامكم

عمه حبيبتي المره هي سند زوجها وهي تجايته وكت عازته كوني اله عون وصبري عليه ولاتحسسي بشي
وياها وياها بعون الله واهل البيت مايضل شي

وترجع عافيت رجلج هوه مو اول واحد ولا اخر واحد
وماكو مرض ماله علاج

اني حابتج لان ابوج وامج ناس والنعم منهم كلها تحلف براس ابوج والسيد على حب ابوج اخذج لان من زمان جان يلتقي بي بلمجالس والمحاضرات

ضلت توصي بيه واني بس اسمع مااعرف المغزى من كلامها توصيني بالسيد ليش اني شمسويه

طلعت يم خالتي واني وراها صبحت  كضة اليوم واني اتجنب السيد ثاني يوم من كعت للعصل السيد احو
احمد وزيد اخذو للطبيب عده مراجعه

لليل طببو وراحو جايب علاكة ادويه خالتي اتلكته انطته ماي كعد كوه يحجي وعصبي شمر  العكازه من قوة الضربه انثلم سيراميك الحايط

خالتي" اسم الله يمه شجاك شبيك"

فرك وجها يستغفر "اريد مي بارد"

زينب ركضت اجيبله خالتي "مصطفى بعد امك جاوبني شكالك الطبيب طمني"

مصطفى"حجيه عوفيني اصابي فايره مااريد اغلط بحقج واتندم وساعة شيطان لا تتقربون يمي "

خالتي"اعرفك عاقل ماتتهور ابني بس كلي الطبيب شكلك وهيج انت اي عصبي "

اجت زينب انطته دوركة مي بارده غسل وجها نص المي نزل على صدره شرب وخله الدوركه على الطبله

اشرلي انطي العكازه

خالتي رجعت اساله وهوه ساكت ناوشته العكازه اخذها واني تجيته على متني طببته للصاله كعد على الجربايه

وخر العكازه تجاها مشيت اطلع كال "وين"

كتلة"اصلي واسوي عشه"

مدد وكال "كعدي مكانج"

كعدت واني مستغربه تصرفه ضل يباوع بتلفونه واني لاصلا لا حضرة العشه خالتي فاتت شافتنه خلت ورجعت
ساعه مرت واني مكاني ماتحركت

الصاله هدوء واني لابس دشدلشه عريضه وحجاب

كمت مااتحمل اكثر"مصطفى الصلاة فات وقته ميجوز واني ماعدي شي بس اصلي "

اشر على كليدور الصاله رحت غسلت وتوضيت اخذت سجاده من الميز صليت وكملت

خلصت كمت لفيت السجاده درة لكيته صافن عليه خليت السجاده على الميز

كال تعاي يمي

سوالي مجال بصفه

مشيت بثكل كعدت بصفه هوه مددعلى جانبه على رجله الصاحيه

جرني مددت بصفن على ضهلي وهوه على جانبه
مد ايده فك شالي رفعت راسي وخرته

جر كصيبتي ويباوعلي همس "تحبيني"

فك الكصيبه جر شعري على خشمه يشم بي مغمض عيونه مستمتع

فك عيونه ايده على ايدي يتحسس بشرتها كلبي خفك
خوف مستحه ارتباك الضوه مشتغل

جر وجهي بيديه قربني منه دفن راسه بركبتي ايظه تتجول على جسمي واني متوتره منه جر ثوبي

نزيت وخرت شال راسه خزرني "مصطفى بس...
نتر" لا تعبيني خلي افضها وياج "

جرني حيل ومئساة ذاك اليوم نعادت دموعي على خدي
امسحهن وينزلن وهوه مستمر يعاند روحه

اذاني بثكل جسمه حسيت روحي اختنكت طلعت شهكه مني

شافني منهاره دفعني عنه وهوه يسب بروحه اول مره اسمعه يسب

وخرت نزلت دشداشتي كعد منهار اجيت انزل من الحربايه لزمني "خليج يمي"

كعدت خايفه واشاهك كدامي متوتر ويفرك وجها يستغفر
ميكدر يتحرك بسرعه كل شويه يريد يكوم ويرجع يكعد

وجها احمر عيونه تريد تطلع مقهور الصدمني نزلت دمعته ومسحها 

يباوعلي ويدير وجها واني بس شهكاتي تنسمع"سامحيني ريحانه  مااكدر اسيطر على نفسي واريدج من اشوفج
تتحركين كدامي اريدج بحضني مترحين مني"

"ريحانه صبرين عليه مووو ماتعوفيني

بس ريحيني متاكد متعوفيني"

اريد اجاوبه مااكدر مااعرف شنو البي ولا اجرء اساله اخاف من ردة فعله

ساعه اني لامه رجليه الصدري دموعي على خدي وهوه ساكت ويتنهد بعيونه اقره خوف

مر الوقت ومحد صاحنه ولا احد دخل علينه  نعست اريد اطلع كال تعالي يمي هنا نامي بصفي

ارتبكت بكلبي ادعي كون يخليني اطلع

عيونه تترجاني ماعدي  طاقه ولا اكدر اتخطى السوا

هزيت راسي لا

"وروح ابويا مااشويلج شي  اصلاً مالي شغل بيج بس خليج يمي مجرد اشوفج بصفي ارتاح"

شاف ترددي "حلفت وتعرفيني من احلف مااخلف  بحلفي اطمأني"

رحت مددت على الحافه جرباية عريضه واني ماارتاح مجبوره اضل اخاف اعوفه واروح انام يم خالتي ويعصب ويكسر الصاله وهوه العصبيه مو زين عليه

ضليت مطيه ضهري اسمع تنهيدته ضل والوضع هيج
ساعه ونمت من القلق النفسي

مشت الايام بينه قلق وارتباك وتوتر وخوف مصطفى مامل كل ماصحله فرصه يحاول وياي واني من خوفي مااحجي ولا افتح حلكي ويااا

ولا هوه جرب يسولف وياي ويفهمني على حالته

خالتي قررت تحول زينب يمها وغغرفة زينب اصير النه
صعدت لميت غراضي وملابشي فرغت غرفة الاخشاب

اجه احمد ونجار وياا فك الاخشاب ونصبه بالغرفه الجو
علمود السيد صعدته صعبه تحولت بغرفة زينب صارة غرفتي

مصطفى كام يشرب انواع العلاج صار عليه حمل ثكيل مسؤلية كبرت واني يوم عن يوم احس بخنكه

البيت احسه يريد يطبك على صدري الايام تمشي واني اليحجي وياي ابجي اريد اشوف امي اكعد ويه ابويه

السيد كل مااكله يكلي مااكدر اخذج شوفين حالي ويسكت 

اليوم وصلت حدها اذا اضل اكثر يمكن اموت من الحسره

خابرت والدي بس جاوبني كتله تعال اخذني

استغرب رجفت صوتي كال جاي

مصطفى بالهول طلعت كتله "سيد بابا جاي ياخذني مشتاقه لهلي "

جان يشرب الجاي رفع راشه طبك حواجبه "وليش ياخذج"

حرت شرد عليه يباوعلي بشك"ماما مريضه متكدر تجيني والدي اصلاً من زمان راد ياخذني واني ماجلتها علمودك"

وكف بسرعه حركته سريعه كوه جر العكازه لزمني من دشداشتي بتك ايد والايد الثانيه لازم العكازه يمشي بيها

دخلني للغرفه دفعني ضليت فاكه عيوني ارجف صاح "شكيتيله مووو شكيتي لبوج كتيلي رجلي مو رجال
موووووووووو"

سديت اذاني عيوني متعلكه عليه جر الجرجف على الميز
طشر كل العطور وصل الكزاز يم رجليه

صاح ريحانه" شكتيله كليلي مليتي مني بسرعه مليتي كتيله رجلي مابي فايده  احجييييييي

كتلج اتحملي اصبري وياي كتلج متعوفيني ليش بسرعه بعتيني

كعد يبجي ضليت ابجي وعيوني مشخصه عليه يحجي ويبجي حبيتج وردتج  اليه مااختاريت غيرج كلت هاي التصير ام بيتي وبغرفتي

كمت اشاهك ماادري شكله وشرد عليه مفاهمه منه شي مامسويه شي

دك جهازه رفع راسه عيونه حمر شاله شافه باوعلي  سوالي اششش

فتح الخط "هلا عمي

الحمدالله على كل حال

لا احسن رجليه بقه على علاج ومستمر بي

لا هاي هيه نتحمل ونصبر والله المستعان اله بيها حكمه

ضلي يسولف ويا ابويه ويبين طبيعي رجع كال" لا والله عمي مامانعها بس تعرف وضعي وحركتي صعبه والله يسلمها هي لازمه البيت ومساعده الوالده من دونها نضيع

ان شاءلله  اجيبها واجي اشوفك اشوف سيد رضا صار هواي ممشاوفين

بعون الله

سد الجهاز وعاين عليه وكف شال العكازه وطلع طبت زينب وراا واني على كعدتي ضايعه

شافتني ابتسمت "ماتستاهلين اخويه دمرتي حرام عليج فوك مرضه تردين تعوفي"

هزيت راسي لا"والله معايفته بس ردت اشوف اهلي والله مااتركه هوه ماسالني بسرعه عصب صار يخوف"

زينب "ههه عود انتي خايفه منه زين ماامد ايده عليج تره مصطفى حباب لو واحد غيره يكسرج"

ريحانه"مامسويه شي ولا مقلله من احترامه مجرد اشتاقيت الامي وخابرت ابويا ماادري يضوج "

زينب" لا تتمسكنين  واخويا خط احمر احذرج اشوفج ضوجي اعرف اصرف وياج واسلمج بيد اهلج لا شوفين تعامل امي ومصطفى اني غيررر غيرر

سديم

طلعت لهلي اركض مهبوطه حتى التلفون شمرته امي لزمتني سمي وتغسل وجهي بمي حسام سوته جاي من الشغل جرني  كعدني 

اني ارجف ومنضر الشخص كدام عيني فات ابويه يصيح "شكو اصواتكم طالعه للشارع خير ست سديم شبيج ركبج جني"

امي" تعال شوفها شبيها طلعت من الغرفه مخنوسه يمه شووف باعي عليه سوده بوجهي البت تخبلت "

حسام ضربني راشدي كضني من ايديه يهز بيه يريدني استوعب الصدمه واني فكي يرجف اريد انطق مااكدر

عيون الرجال ومنضره يتراوالي 

نعمه طلعت بثوبها ربع ردن ابيض ومورد بورد الوان كالت"خير شبيها سديم "

ابويه"عيارت بنات شبيج تخبلتي عياطج ترس البيت مسودنه"

نعمه"عمي بتك خاف متلبسه وهس غروب  وهوه الجن بس بالغروب يطلع "

امي صاحت"برد شرج تف من حلكج فال الله ولا فالج بيش طالبه بتي وطلعيها مخبله مهبوطه شو  صار ويها "

حسام لزم وجهي يمسح بخدي " سدوم بيج شي تشكين من شي احد وياج احجي لا ضلين بس تبجين ومانعرف شنو علتج"

امي "كووم يمه ناخذها للعلويه مااعوف بتي بس تتراجف يجوز مصدومه البت نتلاحك عليه قىل ماتتازم حالتها"

امي لبست عبايتها ابويه هز ايده ويباوعلي بطرف عينه تقرب مني كال كعد وحسام صعد يجيب محفضته

همس والدي بكلمات ففزت روحي كال خافي مني ترا اني اخوف لتخافين من الله خافيني  اني ترا كلشي اسوي اني
توقعي كلشي مني "

نزلن دموعي حسيته هوه الشخص الشفته اخذتني

اخذني حسام واني للعلويه صديقتها  وشربتني مي مقري  ضلت هواي تقره على راسي  ساعه وهي تقره هواي ثاوبت 

رجعنه وامي طول الطريق تبجي ذكرت تحسين هوه جان يرقيني  ويقره على راسي

وصلنه بسرعه نمت حتى ماتعشيت

ثاني يوم كعدت اماني يمنه جرتني تحجي وياي" سولفي الشفتي شون شكله"

سديم" ضلمه مامبين بس عيونه لان لاف وجها بشماغ"

اماني"هيئته اي شي شفتي خاف حرامي ولج بس خرامي ب٩ شيلكه بالترك"

سديم"مااصور لان مامبين  حرامي جان لازم بريك يرش بالترك"

اماني فكت عينها"سديم متاكده الشفتي ولج سكتت دك على رجليه ربي منين نلكاها من العالم من راعي بيتنه "

دنكت مقهوره ومااريد اقهرهن اكثر واكله كلام ابويه الكاليا البارحه

اماني تباوعلي وهي بدها تبجي على حالي واني بس صافنه كلماته ترن بأذني كاعدين بالمطبخ مفروش امي فاتت شافتني كالت شون صرتي هزيت راسي

للضهر اماني رجعت البيتها  للعصر امي كعدت تقره قران
واني بالغرفه عازله روحي مااريد احتك بيهم

فتحت جهازي جنت غالقته حتاجيته احجيله شفته هواي متصل من غير ارقام فتحت الحضر عن خطه القديم

دكيت عليه ضل يدك بدون رد رجعت حاولت ثلث مرات
ايست منه شمرته اكيد زعلان ماتحملت بجيت  ضليت ابجي مر الوقت واني مدد ودموعي  تنزل من عيوني

صافنه بالحايط سمعت صوت التلفون شلته قصي
كعدت مسحت عيوني تحمحمت فتحت الخط

كلت الو

ساكت

رجعت كررتها اكثر من مره يسمع وساكت

ضليت اسمع تنهيدته حسيتها شكدت صدره

ساعه واني اسمع حركته  محد بينه حجه ولا اني اجرئت احجي مخنوكه البيت قبط عليه كارها كلشي بي

بجيت بله صوت  مااريد عتب ولا يلومني  سمعني سحب نفس خلاني ابجي وامسح بدموعي

كال بقهر "استاهل هذا البعد"

سكت واني زدت بالبجي

"اذيتج بشي بدر مني تصرف مسج"

اريد اكله لا بلعومي شكل كوه طلعت مني كلمة لا بس

قصي" بس شنو  سهرتيني ورجعتيني اليوره  اراجع احسابتي غلطت بحقها بدرة مني حجايه مسيئه الها

ولج اجي اذرع شارعكم رايح راجع بالسياره بلكت تطلع
ادري اخوج مات وعاذرج اني شعليه تحضريني

جبت غير ارقام ادك واني مشلوع كلبي وانت يوم متردين يوم غالقه جهازج  ماكلتي اكو حيوان يضل باله عليه

ماحسبتي بمشاعري وشون راح اقلق انطيني عذر سديم وريحي كلبي  سكت

ورجع كال بطلي بجي  اريد جواب

يحجي بحركه بس بهدوء بدون مايرفع صوته بس الحركه مبينه بنبرته  اسمعه ودموعي على خدي

ماعدي اله جواب غير كتله "تعبانه الراح ابويه مو اخويه عشت بضله وهوه الرباني اني من بعده ضعت وماضل عدي سند هسه اني صرت يتيمه

" الله يرحمه ويغفرله"

"قصي اني ميته عايشه بس جسد مااتخيل حياتي بدون تحسين عايشه بضلمه وهوه نورها انعدمت بموته

احسب يوم يوم الحكه مااكدر دونه ولا اتخيل رحيله عني"

ضليت اشكي وابجي وهوه يسمع ويصبر بيه

سكتت كال"ها صفنتي "

ابتسمت "شذكرك"

ليش هي صفنتج تنسي "

اخذتني حجايته لذيج الايام

يوم من ايام المعهد والدورات  جنت تعبانه نفسين من مشاكل بيتنه وضع اهلي ومشاكل نعمه  جنت صافنه

والاستاذ يشرح ويسأل والطلاب جاوب اني غايبه عن الدنيا دايره وجهي وصافنه ومنضري يخلي اي شخص ينتبه على صفنتي

لحد ماتقرب الاستاذ يمي خله ايده كدام عيوني فزيت شفنت نفسي صافنه على قصي وهوه يباوعلي مبتسم

والقاعه هدوء والطلاب تباوعلي صرت بموقف كلش خجلني من الارتباك اخذت كتبي وطلعت من القاعه

لزمها عليه قصي كلما اسكتي يكلي "ها صفنتي"  ويضحك من كلبه

ايام متنفسي الوحيد قصي كمت مااكدر ادخل البيت ايصير العصر واني اكضيها بالطرمه ل١٢ باليل

امي حسام البنات شكد حاولو يفهمون سبب كعدتي مااعرفو غير اختنك مااكدر ادخل جوه احس واحد يخنكني  اليل كوه انامه الزم حرز تحسين يله انام من الكوابيس

اماني كم مره اجت قرة عليه ونفس الشي والدي يطب يطلع يباوعلي واي ردة فعل اتجاهي ماعده

اقرب شي عده نعمة زوجت تحسين

بدت حياطين البيت تضيق عليه واحسهن يوكعن عليه لزمت القرأن حضنته بس اختنك اقره لو صفحه وحده ارتاح

حالتي زادة كمت مااتحمل اكعد الصبح اطلع بالطرمه وين مصير في اكعد بيها وبحضني القران امي شافتني "ولج يمه شبيج راح تخبلينه شبيج منو وياج

" مااكدر افوت اشرر على ركبتي اختنك مااتحمل البيت  احس الحياطين يطيحن عليه "

امي"شنو اليوكع ولج يمه سمي بسم الله البيت مابي شي ولا يوكع عليج شي هاي مو احنه وياج شوفي تعالي جرتني من ايدي دخلتني وهي لازمتني بس تركت ايدي خفت لزمت ايدها

اباوع  الجدران ميليه احسن يردن يوكعن اشرت لمي شوفي هذا الحايد مايلي وهذا هم رفعت راسي للسكف
عطت وطلعت للطرمه فحطانه كعدت

ابجي وبيدي القران فتحته اقره  امي من شافتني تخبلت ضلت دك وتلطم ونفس الشي محد اهتم غير حسام وجان ماموجود  يطلع من الصبح

ايام مرت امي شغل قران كامت تلعب نفسها ويرتفع ضغطها تخبلت البيت ماعاد اتحمله ودي اطلع بالشارع اعيش بالشارع ارحملي

رغد

كعدت الصبح وية ارغد نزلت قبله سويتله ريوك  نزل كعدت ضايج خالتي كاعده  من وكت طبيعتها تكعد ويه الاذان صلي وضل كاعده

كعد خليت الصينيه كدامه  كعد اكل لكمتين وطلع خالي باوعتلي من شافته كالت"شبي ارغد"

رغد "ماادري"

خالتي"انتي بيمن تدرين"

عفتها وكمت نضفت الطرمه البنات كعدن تريكن وبلشن ينضفن واني  ماابدي احجي ويه احد

سناء طبخت الاكل ضحى نزلت وبيدها جنطه تريد تروح الاهلها

كعدت تنتضر تمام لان بالمحل وتميم نايم بالصاله كعد فات سبح وطلع ينشف براسه صاح"سناء جاي "

خالتي"يمه ماتاكل لكمه "

تميم "اتغده يمه اريد بس كلاص جاي يعدل مزاجي"

خالتي "اخوج شوكت يجي"

كاعد بالكاع بطرك التشيرت والبجامه والخاولي على جتفه منا ومنا  رفع راسه الخالتي"هسه على جيه ليش "

اجت سناء انطته الكلاص اخذه منها

خالتي" ياخذ مرته لهلها من الصبح مبدله ومنتضرته"

اخذ رشفه من الجاي  وعيونه ليكدام" عليمن مستعجله  خليها للعصر هسه حاره ورجلها تعبان مطايرين اهلها"

الشفته ضحى تخاف من تميم مترد عليه مثل زوجها لو ابراهيم  حتى ويه ارغد ماتحتك بي هوه ارغد يضوج منها ودائماً يحذرني اتقرب الها او انطيها شي من غراضي

اذكر بيوم الطلبت مني تراك تلبسه وترجعه انطيته الها
شافها لابسته سألني كتله طلبته

كال"اذا رجعته ولبستي احركه عليج  خل تاخذه الها لو تنطي الاحد متلبسي"

رغد"ليش غير ملابس هوه جديد شبي "

ارغد"شون اني بلثوله حبيبتي عيوني انتي ادري بيج مراح تسكتين تاكلين راسي بالمجادله مالتج

سمعي مني واسكتي الملابس ميرجعن ولا تلبسي وحذرتج اذا لبستي احركج ويااا واضح"

حتى ماخلاني افتهم منه شي عافني بوكتها وطلع وبلفعل كتلها اخذي الج فد نحس عوذه منه هوه  وتميم ملابسهم ميقبلون احد يلبس وياهم

عادي ينطون الاخوانهم الاسامه هم بس ميلبسونه بعد وميشاركون احد بلبس ولا يخلون احد يلبس منهم

تميم ميلخي احد يغسل ملابسه هوه ياخذهن للحمام ويسد باب الحمام ويغسلهن بالغساله عده معطرات ملابس وغسول ملابس ميستخدم لا تايت ولا زاهي

كل استعماله غسولات خاصه لهذا ملابسه معطره
وعده معطر ملابس خاله بمرش ماي وترس ملابسه بيهن

عده كنتور بابين خاله بغرفت خالتي مقفول وبركبته المفتاح لابس كلادة سن الذيب ومشكلها بي

كل البيت حذرين من يمه وميتقربون الملابسه ولا يجيسوهن نضيف بشكل وملابسه يحافظ عليهن

عكس ارغد صح نضيف ونفس طبع تميم هوه مره كال اني تربيت اكثر ويه تميم واطباعنه تشابه بس مبذر

تميم يلم وشوكت مايحتاجو ينطيهم  بس كشاخ ومعتني بنفسه بدون تبذير

مشت الايام واني وارغد علاقتنه متوتره وهوه يعارك ذبان وجها وحده نكلب حاله حتى ماله دخل بيه

كاعدين عصريه ارغد جان طالع ويه اسامه فات مستعجل خالتي يمنه  كاعده والبنات سعاد هم  وخالتهم ام وسن

اني حالي حال الغريبه محد يرغبني على اعصابي متحمله
فتت اشرب مي واصعد الغرفتي

ارغد طلع من غرفت خالتي صايره كبالي  كعد بالهول  ورث جكارته يدخن 

عفته صعدت لميت الملابس من الحبل ودخلتهن للغرفه سفطتهن  كملت نزعت حجابي

لبست تراك صيفي حاره مشغله المكيف الغرف الفوك جهنم ارغد مخلي مبرده ومكيف 

ساعه اني كاعده اقره روياه لدوستويفسكي (الجريمه والعقاب)   كان صعب نلكاهن وبالاخص بلكوت بس بغداد وبشارع المتنبي وعد ارغد من زمان مااعرف منين حصلهن

مستمتعه بالقرايه طب اخذ ملابسه سبح وطلع واني على كعدتي الجو حار بس الغرفه بيها بروده

نشف روحه وفتح شباك وكف يباوع

اني بالي كله يم القصه ضليت اقره مستمتعه ومشدود بالي ماحاسه بي كاعد بصفي ويدخن واني مو يمه

لحد ماجر الكتاب من ايدي باوعتله  نفخ الدخان بوجهي عماني "  وين غايبه "

شكوو

"اصيح عليج  بس انتي تغيبين عن الوعي من تقرين"

"لا مندمجه وماادري"

هز ايده طفه الجكاره وكام سد الشباك وسد باب الغرفه كعد بصفي حسيته يريد يحجي

كعد على الكرسي كدامنه "اريد اسولف"

رغد"سولف"

ارغد"ليوين نضل هيج"

رغد "مافهمت شنو اليوين"

ارغد "مااعرفج ثوله بس ركزي وياي"

كعدت عدل "هاي ركزت"

ارغد "مطي  مومثلج شعليها الكعده بلتركيز"

برطمت "عاشرتكم شصير"

رفع حاجيه على حجايتي لزمني كل ضني راح يمد ايد فكيت عيوني شالني على ضهره ررجليه على بطنه

"ارغددد لا فدوه ادوووخ"

ارغد"منو المطي "

انت

وكف شمرني على الجربايه طفر فوكاي منطاني مجال اكعد لزم ايديه منا ومنا وجه بوجهي واني اضحك شون معصب

من شافني لانت ملامحه قرب وجها اشوفج عليمن تغلطين رادها حجه "يدري اضوج من شواربه يبززني
شبعني عض

خلاني اعيط  عض ركبتي وخدودي حتى فروت راسي عضها واني اظفع بيه  ثور مايزحزح

وخر ايدي لزم وجهي بيديه الاثنين يحجي وكاز على سنونخ" اخخخ ربي مو بنيه فروله  رخت ملامحي بعد ماجنت ادفر واشمر بيديه هدئة

وهوه استوعب عيونه بعيوني كلبي يدك مااكدر انكر حبي ولا انكر دكت كلبي 

ضليت اتنفس  ونفسي عالي صدري يريد يطلع دنك اكثر خشمه لامس طرف خشمي مال براسه اخذ شفايفي

شويه شويه تعمق اكثر ماتركني ياخذ نفس ويرجع غبت عن العالم شنو استجابتي اله مااعرف

شكد طولت وياا شكد حاولت امنع نفسي والكه كلبي ماخذني اله صرت بصراع نفسي حكمني حبه

حكمتني مشاعري ثواني نكلب حالنه ولا كانو قبل ايام اني وياا محد يحجي ويه الثاني ولا كان اني نفسي

كنت مطايقته ولا حابه قربه كل وعودي تناثرة وتلاشت امامه مغناطيس سحبني اله دخلت بقفصه

تيهت روحي وعقلي طردت كل افكاري  عشت بوسط حضنه اخذني واني غايبه عن الوعي

واعيه بس عليه ساعات واحنه محاسين بنفسنه  لمني بحضنه كلبه يدك واني مااعرف سويت وشون كدرت افقد نفسي امامه

كدر يسيطر عليه سمعنه الاذان المغرب ومحد بينه تحرك اني كلي خجل منه وهو بس اسمع تنهيدته كل شويه يعصرني بحضنه ويشم بشعري

جر ايدي رفعها ضل يبوس بيها حسيته مامصدك

مرت الساعات واحنه بحضن بعض محد بينه نطق

نزلن دموعي السويته صح حابته ومابدي اوخر من حضنه
مااعرف شون اكدر اعيش بينهم

ارغد ماكو منه بس يبقه بيئته تختلف عني حياته مومثل حياتي المحيطين بي ماينتمون الي

وخرت ضليت جوه الديباج باوعلي مسح دموعي "خايفه"

بجيت جرني لمني بحضنه "اششش لا تخافين اني وياج مااعوفج رغد بس اشششش اسمعي مني

مسحت عيوني ؤفعت راسي باوعلي دنك طبع على حلكي بوسه خفيفه

ارغد"  ثنينه محتاجين بعض اني عايش وحيد بوسط اهلي وانتي مالج غيري خلينه نعيش سوه انسيج ايامج
وصيريلي سند وكل حياتي

اني ضايع وهايم على وجهي تره حياتي لا تصوريها مثل مشوفين متدرين بالخبايا والنفوس مختلفه مو كلمن ضحك بوجهي يحبني

انتو عدي بروحي تميم وامي وانت ماعدي غيركم حبني واحبج  ونعيش بقية عمرنه

رغد"مااكدر مااتحمل اهلك"

ارغد"منو كلج اني اتحملها ضال علمود امي بس يزيدون راتبي اطلع واخذج واخذ امي وياي مااعوفها وياهم"

رغد"امك تقبل هي بلاصل متحبني ولا طيقني "

ارغد"تخليها تباوعلج بعيوني"

رغد"يعني شلون"

ارغد"مثل مااشوفج اني اخليها شوفج مثلي"

رغد" وبهاء يقبل"

ابتسم دفن راسي بصدره" لتخلين بالج اخوج يعرف كلشي "

رغد" ليش كتلي مااريدج"

ضحك "يامخبل ميريدج هوه اليشوف هاي العيون يتحمل صاااح طيحتي حظ حظي"

ساعه ودفعته جوعانه تره كام جر ملابسه غطيت وجهي بالديباج صاح "عياره منو قبل شويه بحضني"

تقرب جر الديباج من وجهي لابس بجامته "لا تتقنيجين براسي كومي سبحي واني اسبح واطلع اجيب اكل وشوفي نفسج متوجعه

وخرت ايده مستحيه وهوه ولا جنه" مابيه شي بس وخر"

ارغد"ابتعد لبس تشيرته صاح "شون اني بالتموع مو اجي اخذ شوط ثاني"

فتحت عيوني صحت"ارغـــــــــــــــــــد"

فاتح باب الكنتور "عيونه وكلبه ياروح اراد أمري"

رغد"لا تتلوك واطلع اريد اسبح"

ارغد"خادم ولوكي سكت ورجع كال منو التستحي رغود كوومي لوما شفت ال.....  وال.....  كام يعددد يمه غير متت بالمستحه وهوه ولا يمه

عطت "ارغـــــــــــــــــــد خررررب شبيك انطلبت بساعه صرت ماتستحي والله اخل منك شبيك"

طلع تراكه وضحك سد الباب" اشفين عيون ارغد بعد ما نكول ال......  وال....  وال.....  تردين نطلعلهن القاب "

خبلني سكتت ساده حلكي بيدي بس اريد يسكت نهد طلع يضحك نزل سمعته يغني بصوت عالي يمكن البيت  سمعه

مجان هيج تصورته يستحي طلع مو يم المستحه كل اطباعه يمي تختلف ينزع الخجل والمستحه

والله اليشوفه يكول عليه شكد مؤدب حتى بالبيت ويه اهله تصرفه يختلف من يصير يمي يتغير ١٨٠ درجه

سبحت ولبست دشداشه قصير ربع نشفت شعري بالشسوار   حبيت اخلي مكياج بديت اخلي رتبت وجهي
خليت حمره حمره  رشيت عطر

عزلت الغرفه رتبت السرير شغلت الضوه الاصفر طفيت بقية الاضويه  

ساعه اني ارتب صعد  جايب اكل جاهز كباب وتكه وزلاطه وصمون
بيده جياس وبيد الثانيه صينيه لازمها

ارغد"هاج كلبي رتبيهن وسوي لفه التميم على صفحه
خليت الاجياس بلصينيه افتح بيهن الريحه شكت خشمي

راح مدد على الجربايه يلعب بجهازه كتله "زين عمو وخاله عيب منطلعلهم"

رفع راسه "  جبتلهم كلهم سم بكلبهم وهني ومري بكلب امي وابويه "

شهكت كال"وسم لاشهكين طيحين كلبي بلب..... "

سكتت مامنه فايده كملت ترتيب عزلت ماعون كباب ويا تكه وثلث صمونات التميم شكد يحب اخووو

....... يتبع

ماكو قفلات اليوم 😊

هاي صورة القلاده بعد منازعات كدرت احصلها