بـيــن الــكـــاف والـنـــون
التـاســـع والـخـمســــون
«بقلم... سـجـى الطـائـي»
ارغـــــــــد
حبست انفاسي هي خانسه ترجف وخرتها و اعاين ماعدي طريقه ادخل للبيت تركنه مابي باب جاني على الشارع بيتنه ركن الشارع وبصفنه فرع عرضه خمس امتار فاصل بين بيتين
لمحت خيال فات للحديقه خرب لجحته تمام لتفت عليها سدت حلكها بيدها دموعه تنزل فات للمر قريب ميوصل
الممر بصف الصاله خطواته قربت جريتها تانكي حديد خالي مفرغي كتلها صعدي بي هزت راسها لا
خخرب غيرتج حجيت همس من بين سنوني ختلي بي لا ادفنج وخرت صرت يم الحايط التفتت شفتها صعدت
شبختين عبرت نزلت بلشارع
سيف الدين
دخلت للمستشفى مستعجل قريت لافتتها دجله هذا الرجال بعيد عن كوني من ضمن حمايته اله افضال عليه ماتنسي عوض مكان زياد
وصلت شفت بته وابنه كاعدين وكفت يمهم شلونك عمو
ابنه "زين"
حبيبي وين بابا
باوعلي "منو انت"
حبيبي اني صديق بابا امس جنت نايم يمه"
كال انته الي ويه بابا بالانفجار صفن بكل برائه يفكرالصبح سال عنك سيوفي اسمك"
ابتسمت اي سيوفي مديت ايدي على شعره
اخته راحت تشتري من محل لزمت ايده امشي وياي البابه
اخته التفتت سمعتنه ركضت تجاهنه وين ماخذه "ههههه عمو هنا انه بحمايه ابوج"
اجت ويانه شكد منزع بيهم الخوف وهيج الطفله كمزت على اخوها
دخلنه للردها زوجته واكفه الرائد نايم والصوندات بحلكه
نصيت "شلونج خويه"
شلونه بعد عامود البيت ضالين برحمت ربك"
وين اهله ليش مجايين اخوانه
"مكايليلهم لهسه ميدرون
وين مكانهم
" بغداد وحماية هم منطيتهم خبر "
زين اهلج يدرون
"بس امي وهسه بيتنه من مريت شفتها وياها اخويه ولد عمي هم مفارغين"
عاينت للرائد نايم ضلتهم وحدهم صعبه
زين يابه حضري الجهال لمي الغراض امشي اخذكم وارجعله ضال يمه
"لا يعيوني الله يكثر من امثالك خليني يمه كلبي يضل نار اذا مااشوفه"
"ضلتكم صعبه خويه انت وحدج وجهالج يتبهذلون وحالت الرائد مستقره باجر امر اجيبج اله"
" شون اعوفه ادراره واكلته متعرفله تره عصبي اذا مشافني لا نوب يطيح بيك شذنبك لا خويه عوفني ويااا"
"ميخالف حسبت اخوي يمون ابو عموري يله خيتي لا تعاندي مال اقبل اعوفج هنا امشينه اوصلج وارد الاطفال تعبو يمومين همه مكابلين ابوهم"
صفنت تلوب كوه شلعتها منه قبلت ترجع طلعنه بعد توصيات الممرضه تنتبهله وشويه بغشيش على كولت ارغد
الفيسد
ركبو بلسياره سيارة زياد فادتني كعدت ليوره هي والبنيه عمر بلصدر كعد
كرصته من خشمه نزعج انفه عكس ابوو
مشيت بيهم قريب مانوصل فتت من يم ابو المخضر سوكت على الماشي وصعدته بلجنطه
ركبت "يابه عذروني اخرتكم"
تنهدت "لا اخذ راحتك احنه النعتذر تعبانك"
"افااا هذا واجبنه مامحشمين خويه ابو عمر اخوي الجبير وكفاته ماتنسي"
رفعت نضري للمرايه تمسح بدموعها "ماتقصر حيل جان يعزك ويسولف بيك"
تنهد لازم اعصابي من تجي على بالي طيحته مااتمناها الاحد طلع من الموت لو رايح اخخخخ
"عدكم تلفون خاص بلعائله"
"مايخلي عدنه حذر"
اخذت نفس جريت الجكمجه انطيتها لاسلكي خاص بي علمتها علي تحسبن للطواىء شفره الاسلكي وربطته علية تاكدت شيصير
تنادي منه يجيني صلتهم للباب نزلت الجنط الجهال ركضو فتحو الباب طبوو يصيحون بيبي احنه اجينه
ورجعت بطريقي نزلت محل عصاير يسوي طبيعي اخذلته برتقال وزبيب وتمر هند زين على بطنه
رجعت للمشفه شافني ستوه كاعده وعيونه رايحه من الألم غمض براحه خليت العصاير بلثلاجه
وجه رايح مو ابو عمر الاعرفه غادي جلد وعظم والله لا اطلعها من عيونكم كعدت مقابيله حجيت ميكدر ايرد
سيدي واعي تشرب عصير برتقال زين الك يرفع دمك
عكد. حواجبه متالم
ضليت وياا طول اليوم لثاني يوم الرائد على وضعه عايش على المغذيات شفت الساعه بلتسعه
شلت تلفون والسويج وكفت مطيت جسمي مكسر من نومت الكاع مشيت نزلت اجرت تسكي للبيت طبيت بوجهي للمطبخ
الحجيه واكف على الطباخ لافه فوطتها البيضه تكلب بلتمن عاينتلي "الله يساعدك حبيبي"
بست راسها جسمي رايح من الحادث لليوم مرضوض جريت الكرسي كعدت
الحجيه "خيرك يمه جاي مهدود حيلك فيك شي الرائد شلونه شصار ويااا ماااستعاد صحته"
غمضت عيوني اريد اخذ استراحه رجعت كملت حجيه "كوم دش للديوانيه ريح رويحتك لاضل هنا الكرسي يكسرك"
شكتت اسمع صوت الجبجير مالتها دال على حركتها الحجيه رغم كبرها بس قويه متحب احد يطبخ ماتستطعم بلاكل مرات البنات يجن يطبخن
ماتقبل هي توكف تطبخ ياابه يلروايح الفواحه من جدر العزيزه ام كليب الطيب ابوس راسها شيبه شيبه
تنهدت روحي اشتاقت غصت بذكراها اخذني شوكي لذيج السجه وذاك الزرع وذيج كناكيرها يطايرن ويه ركضت جدامها
صده ضحكتها برنة تعزف على اوتار كلبي الحنينه صرتي حلم بعيد وطيفج قاسي يااروحي المعلكه بروحج يااكاع خضره
وزرعت روحي بذره بذره وجذرت بكاعج
يانسمه عذاب ياشمامت كلبي نزلت دمعه من عيني نهضت طلعت لغرفتي صوت امي وراي صحت اسبح واجيج
طبيت للغرفه شمرت هدومي سبحت وطلعت لبست كلبيه صليت كملت وطلعت فتت للبستان اعاين للزرع الحجي خوش معتني بيها فتت جوه سقيفة العنب
مسويها مثل الطريق والحشيش الامريكي يصير ناعم فتت المنضر يرد الروح اريد اوصل للساكبه
مشيت والسبحه بيدي رفعت دشداشتي وعبرت الاشجار منا ومنا صاير طريق وصلت قريب يم المصب لمحت بنيه
وكفت مستغرب كفاها عليه لازمه سله متروسه تين تغمسه بمي الساكيه وتوشله بمصفاا بصفها
شدهني كصيبتها نازل جانب ايدها لايحها المي مشيت صوبها منهي هاي شجابها صوب بستانه عكدت حاجبي بناتنه ميوصلن لهل صوب
صحت منهي انتي
نزت من الخوف رجعت اليوره كعدت على وسط المي
درت وجهي شالها لافته على راسها المي يجري وكفت تنكت ودردم "شجاك عموو طيحتني"
درت صوبها لنها رنا هزيت ايدي شجابج لهنا شوصلج "
وخرت من الساكيه جرت المصفاا تباوع صوب البستان"بيبي كالت لمي تين جايه خاله براء
"امشي بويا طبي للبيت ولاتجين صوب البستان نوب الاخ "
هزت راسها اخذت المصفي وفاتت رغم البستان مسيج بناء
باني ارتفاعه مترتين وفوكه شرك وهم ناخذ حذر
مشت واني وؤاها كبرانه ماجنها ذيج رنا الزغيرونه "ياصف صرتي"
التفتت تبتسم نجحت للثاني
خوش شدي حيلج وشتحتاجين كولي للحجيه دكلي انتي وخواتج
كالت"الولد كساله رائد مايقره نوبات يغيب ومايكول لمي وامي بعدين تعرف وتكتله وابويا مايرضا يكلها هوه ولد
الشهاده شتفيده
شحبت نفس "شجعي انتي وقري وياج هذا مسربت يرادله لويت اذن"
وكفت فرح"تدري هوه يخاف منك يكول عمو سيف عصبي وكل مايشوفني العب بلشارع يزمخ بيه ويطببني بس عمو فرات يلعب وياي "
يله بوياا كبل للبيت طبيت للغرفه بدلت لبست بنطرون كحلي وبدي ابو الركبه كحلي وستره جريت الساعه لبستها خليت محفضه بجيبي
رفعت التلفون "حجي وين انت"
هاا ابني بلببت خيرك
محتاج سيارتك عدي كم شغله اكضيهن وارجع
وين بابا وين طالع دنيه ضهر تعال تغده
مااشتهي بس شوفلي الحجيه شمحتاجه بطريقي
سمعته يحاجيها هاا ام زياد شرايده سيف يجيبلجيا
كالت انطيني احاجي اجاني صوتها"يمه ماتغديت ستوني صبيت تعال اكلك لكمه "
"الف عافيه الرجال وحده واهله مادازلهم مسواك"
"دشوف يمه جيبلي كيلوين بامي ستوها نازله لروح الموته وهم المرته باجر خميس"
سبحت نفس "صار لحم عدج
لا عدي شرح عضام مخلصه جيب بدربك ولبن موتنساا جيب هواي للبيت هم اريدن واوزع منه للشارع ويه الثواب"
"بعد حجيه مو نص الطريق وترجعين تذكرين وشلشيني
" لا هاي هيه مامحتازه شي الخضره من البستان ابوك يحشلي روح يمه درب السلامه "
اودعناكم شديته سحب سويج الحجي يعلكه بملحق الكليدور الداخلي للبيت فتت اخذته وطلعت اسوكت نزلت بيت الرائد طلعتلي ام زوجته مره جبيره نزلته دخلت للبيت
طلعت للمستشفى اسبوع كامل اني بين البيت والمستشفى وبيت الرائد
اليوم خرجت الرائد حجي ميكدر يحجي حالته تعبانه واني راسي يفتر طلعته ورجعت للبيت خابرت مدير المكتب
سلام وتحمدلي بلسلامه طال الكلام بينه عن العمل ومعلومان
سريه
خطيره اذا انطرحت امامكم مستقبلاً يعرضني للخطر حمايت الرائد نسحبت منه اني صرت خارج عن حمايته سديته منه
دك جهازي الرائد صعب "ابني سيف لتتهور اعوفها"
سيدي شون اعوفها اني مهدد انت ازالوك عقلي انفجر شنو الغايه وليش اني وانت بلذات "
الرائد "كلها امور مرتبا الصواريخ والعبوه وازالت الحمايه ومنصبي لتصور يعوفونه واحنه بيدنه ملفاتهم ايدهم
واصله للعضم مثل ماجرينه جماعته يجرونه"
سيف" ماتاركهن جاي اشتغل عليهم وين مايوصلون اوصللهم اني اقسمت بدمي مااتنازل عن حكي مجرمين خونه اخذهم
بيدي لو على دمي"
تنهد "لتعبني ابني اشتغلهم بلهدوء مايتروك يصكوك يصكوك ميكدرون لا يكدرون ومحد يحميك انداوم والله كريم"
سيف" انت ارتاح اني باجر اداوم واشوف الوضع "
سديته عيوني طالعه بلد تايه سايب بيدهم...... "
داومت ثاني يوم لبست مدني بنطرون وقميص اسود فوكااهن ستره جلد سوده جابها زياد من دبي باحد زياراته
طلعت لزم الاسلكي الحجي واكف يلبس قبوطه شته يكص مشيت بست الحجيه واكلتلي لكه وكمت وكفت اغسل
نزلت رنا وراها اخوانها واختها ابتسمت اجت رنا هاا عموو صباح الخير
مضمضت وذبيته بلمغشله رفعت راسي جريت الخاولي معلك نشفت اسدسه "هلا رناوي هاا رايحين"
رائد داير وجها عافسه رنا" اي للمدرسه "
مسحت حلكي وشاربي علكت الخاولي امشوو اوصلكم بدربنه
باوعت لخوها "امشي واخذ رور وياك نسيت اجيب فلوسي صعدت تركض
مشيت صعدو كدامي التفتلهم الحجي ابتسم" شلونكم بويا "
ردو عليه اجت رنا تركض وصلناهم ورد وصلني وطلع عده شغل
طبيت للمركز الولد ملتمين عمار راسه "هااا شلونه راسك"
هز ايده "ماكلين خر.... شوف اجاك قائد جديد واستلم الاوامر يطلع الاجازه من عيونك سكرهك بعيشتك"
شكو كالب جهرتك
"اجاك الدور شوف العب على اصوله هسه يكربسك بشغل يشك طي..... هااك استلم اجه"
وكفنه دكينه التحيه شلم علينه واحد واحد وفات قتنه وراا
اجتماع عمل مغلق ملفات خطيره
بلفعل كلام عمار محله سلملي ملف هارب من اهل ال.... هارب شاكين بوجوده بلشرقاط بصلاح الدين
التفتت عمار باوعلي رافع حاجبه سحبت نفس ارتفع صدري
عرفت المهمه صعبه اخذت الملف وطلعت المكتبي
كعدت اشتغل عليه حددت النقاط سحبت الدفتر
سجلت وكفت تمشيت فتحت الشباك ادخن
سحبت نفس عميق وينك صفه بيكم الدهر جدي ابويا امي وين اراضيكم
احساسكم ميحركم اتجاهي ماحسكم ابنكم عايش ومتلوع بفراكم
صحاني صوت الباب طفيت الجكاره دخل زيدان
سيدي "ملف المتهمين............
عاينت اربع متهمين مخدرات فركت وجهي كثرانه
طلعت كعدت احقق وياهم سجلت اقوالهم حولناهم للتوقيف لحين اكتمال التحقيق
دك جهازي
ارغد اول مافتحت الجهاز صاح" عااااااار وسكط "
ضحكت "مكروص"
ارغد "من..... الجلب العضك كتلناا وكلنا للجلاب السايبه"
سيف"شلونك ابو الاراغد والله مشتاقلك "
ارغد "اكل خ.... مشتاقلي خاابر كول اكو عار باله يمي
وين انت بلدوام لو مجاز
سيف" لسانك لصير جلب مشغول اني بلدوام شتريد "
ارغد "اريد اجي اشوف جهرتك الز..... مشتاقلها لو متستاهل مال اتفل بخلقتك"
سيف"تعال ونجب "
ارغد "ايباااه جاي بله عزيمه حتى لو تطردني جايك اخيم بستانكم اكلك صدك ابوك ذابين صرته بلزرع"
سيف"دشوفه من تجي شمسوي جنه يعجبك تكعد بي "
ارغد"وانت متونس لام جماعتك "
سيف"لا يمعوده عبالك مثل كبل وداعتك على كد الواجب وكلمن يذكر صاحبه بخير "
ارغد "خير ان شاءلله جاي اني واذا هذا الثور قبل اسحله وياي شويه يفكها"
سيف "ياهوه"
سحب نفس يتنهد "تميم من تجي اسولفلك"
وعته وسديت الجهاز اخذت جهاز النداء والدفتر طلعت للبيت بدلت لبس ملابس عاديه
اخذت تكسي وتوجهت للشرقاط يومين اني افتر بلمنطقه
استطلعت عليها حفظتها ثبتت نقاط مهمه
مرن يومين ثلاثه اسبوع اني ادور بلمنطقه عرفتها بين الاهالي بيوت احد اقاربه خاتل صعب عليه احدد البيت
اخر يوم بلاسبوع حددت البيت دك جهازي اني بلمنطقه عبور اتمار من مكان الهارب
رفعته الحجي خرب نسيت سيارته يمي رفعت الجهاز "ها يابه جاي جاي مااتاخر
اي تاخرت حقك شغل ماكدرت افرغ
لا هاي جايكم بلطريق
خيرها يله جايكم اوصلكم
اي تأمر
سديته ركبت السياره طلعت فتحت الحاسبه واني امشي
كملت سديتها فتحت جهاز النداء انطيتهم التعليمات
ونفاط الوصول للهدف
علم سيدي ساعه واني يمكم جاهز
سديته رفعت راسي للمرايه الاماميه سياره صفره
ربكتني ركزت بيها مااشوف مسافه عني تمشي سرعه
فائقه خرب صحتتتت" هيووووووو ويييين "
صارت بصفي اريد انزل الجام ملثمين خرررررب
عبروني فكيت عيوني لا يربي لا
هنا ماخفت منهم الطريق سريع اي حادث والسيارات تمشي سريع يصير حوداث اخره
ثواني وكسرو عليه صار كدامي خففت سرعه اريد اعبرهم طلعوني على الترابي ماوكفت شافوني مستمر
امشي ماحسيت غير الطلق زرف السياره
...... يتبع
مساء الخير اعتبرو كرزات السهره
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!