بـيـــن الـكــاف والــنـــون
الـــــــــسـتـون
«بقلم... سـجى الـطـائـي»
لـــو كحلتـنـي بحلـــم
بـگليبي يفتـك بـاب
وافرش سنين العمر
ضحكـه وزعل وعتاب
سيف الــدين
ثواني وكسرو عليه صار كدامي خففت سرعه اريد اعبرهم طلعوني على الترابي ماوكفت شافوني مستمر
امشي ماحسيت غير الطلق زرف السياره خففت عبروني مسافه ماكدرت اوكف الجهاز يدك اريد الزمه نشمر جوه الكشن من النزله
اريد بس اوكف نصيت طار عليه التلفون سحبت جهاز النداء شخطت السياره من السرعه اباوع الترابه كابه والرمي مستمر
خر............. مديت ايدي جهاز النداء انشمر يم الباب الثاني
بيه مابيه دنيت جسمي سحبته
دك جهازي جوه الكشن ناديت بلجهاز رفعت راسي كلبي وصل لبلعومي مو خوف بس رهبة الموقف ياالله
خففت بعد ماعدي غير سبيل خففووو واحد طلع ايده من الجام لجحته
اني هنا اشاهدت على روحي حاولت اوازن السيارة بلمشي مااشوف الطريق ادنك وارفع راسي وارجع ادنك
صرو بصفي من صوت محركم هاي هيه طاحت ورقتي
ثواني والصوت صار بأذني حسيت بوشه قويه اعرف صوت الطلقه اذا عبرت
بعد مابيها حاصروني ميت ميت هي موته وحده اموتها بشرف عدلت كعتي حركه بزندي مااعبرتها عبروني مسافه
وين تصفه خليها يم الله لحضات واني مسلم امانتي بيد الاحق مني اموت بعزت نفس اروح واني منطيها بشجاعه
خففو سرعتهم اريد اعبرهم سادين الطريق عليه ماعدي غير ادوسلها من يشوفوها اكيد ينجون برواحهم
كل هءا واني سلاحي بيدي مااكدر ارمي مو خوف منهم الموقف خارج عن سيطرتي اربعه على واحد المعركه خسرانه
اخءت نفس كملت الشهاده دستلها زادو سرعه عبرتهم قربو مني سباق صار
وصلوني ايست نزلت الجامه مديت ايدي والسلاح رميتهم
طاحت بلجامه
صارو قريبين واشوفهم من المرايه اربعتهم موجهين اسلحتهم
هنااا ايست خففت شبه اوكف وصلوني رفعت عيني للسمه
اللهم رحمتك مااعرف شنو الصار معجزه طلعواني بكامل سرعتهم ضليت صافن لمحت السيطره
وكفت بعد ماعدي طاقه افترو غاصو بلصحراء
سيطرة مصفى بيجي وكفت شافوني استغربو سيارتي مزرفه فتحت الباب نزلت ركض الجندي جابلي مي
ضلو يباوعولي طلعتلهم الباج " معذره سيدي "
دخلت ارتاح اباوع زندي مشخوط ينزف شدو اليه رجعت وياهم بسياره مااريد اروي تفاصيل اكتفي بهذا القدر
رجعت السامراء وصلوني للبيت دخلت بدمي زندي متروس
ردن قميصي مشكوك من فوك وعلى حظي الحجيه بلحديقه هي والشيخ عصريه كاعدين وكدامهم مسوين بلبيت منضمن
ترتيب الحديقه محرقه للشته نخلي بيها خشب وندفه بيها
عاينتلي فزت ضربت خدها "يايمه يازياد اجتني الشيخ وراها
وخر ايدي الازم بيها زندي ضل صافن" شنهي بويا هاي شني"
طبيت للديوان مددت الحجي كعد يمي "سيف شنو دربك النوب"
سكتت راسي صاير بكد البيت تنهد ساكت فاتت الحجيه وراها فرات كعد "سيف شبيها ايدك متعرضيلك لو متعارك"
الشيخ "من ياوكت سيف يتعارك اخيك معترضيله"
فرات"بويا انطي عطوا نفتهم منه خويا منو مسوي بيك هيج ليش ساكت وخالنه نحجي وحيدنه "
سيف" ماكو شي مجرد خدش لتكبروها شفتو طايره ايد رجل كلشي مابيه بس خلوني ارتاح "
الشيخ"ونعوفك هيج مانعرف شوراك"
سيف"حجي ريح راسك ماوراي اله كل خير"
الشيخ "وانه شريد غير اشوفكم بخير وماصايبكم شي"
فرات"ارتاح والنه كعده ثانيه كوم بويا يام لتاكلين بروحج هذا كدامج يكلكم كلشي مابيها نعوفه يرتاح وبعدين نفتهم منه"
طلع زياد ورا الشيخ والحجيه نمت ماحاس على نفسي من الارهاق
رغد
مرت الايام واني احس نفسي اتحمل فوك طاقتي تعب نفسي اكثر من ماهوه تعب جسدي روحي طافره محد طايقني منهم
خالتي مامعتبرتني بلوجود اخوات ارغد كانو داخله طمع بمالهم غير تعاملهن الجاف وام اسامه كل كلمه تحجيه
اموت بدمي واسكت احترام العمرها وارغد منبهني مااجاوب
بجيت بقهر كرهت ابويا وكرهت اخويا وساعه الاجيت بيها
لهاي الحياة ذنبي نولدت عد أب ضالم
يحب اخو على حساب عائلته شردني من بيت البيت بعد ماجنت عزيزت امي وخوالي وينهم كلهم طشرهم لان فقره وعلى كد حالهم
ارغد اله خمس ايام نازل كاضيها كهاوي ويكعد يم تميم بعد اخر عركه عرفت حبيبت تميم ازوجت صدك نقهرت على حاله
شاب والله لو يعاشرو ميفوتو حباب وياي
نايمه فزيت على سدت باب قوي طفرت من الخرعه ضليت صاكه اريد استوعب ارغد واكف عاكد حاجبه يفرك براسه من العصبيه تحرك ماحسيت
غير دافر الطابوريه شكد ثكيله انركعت بلحايط خفت لميت روحي كعد بلكاع مقابيلي منتجي على الميز صارت عينه عليه تعبان مهموم مااعرف شبي
سحب نفس يلهث عيونه تحجي تعب مااعرف افسر نضرته
وكف تقرب للسرير جر المخده مدد انطاني ضهره وتغطه
مشايفته بهاي العصبيه باوعت الساعه ب٦الصبح وين جان ورجع هيج حاله رجعت نمت بس فكري يمه ماغمضت مجرد مدده شنو صاير عفت التفكير نمت
كعدت على صوت سناء بلباب فكيت عيوني متحوصره نزلي كملي شغلج يله ورانه شغل مدام دارت وجها ونزلت
كمت مالي خلكهن اني مبتعده عنهن وهذا بطلب ارغد كلشي بي غريب حتى شروطه اكو واحد يبعد زوجته عن خواته واهله ماجادلته المهم اريح راسي مااعرف وره هاي مصائب
نزلت اعدل بشعري امه وام اسامه كاعده وبت خالته الي داكه اقامه من بجيتها بابي وكلامهن حسيتهن متعمدات غلست عن تصرفها صباح الخير
محد رد فد استحيت رفع راسه "صباح النور"
متريك
"مااريد تريكي وحدج"
ماه
باوعلي لانت ملامحه "شباعن حبيبي ستوني اكلت ويه امي"
مااعرف شنو الخلاني ادلل عليه نضرت وسن لو عيون سعاد وهي تراقبنه لو نضراته الحلوه الي بثانيه تغيرن شنو البينه ديزيد حب امتنان موده مااعرف غير اني حابه هاي النضره
وراغبه هلدلال زيد انوثتي تشبع غروري برطمت مااكول وحدي ارغد تعرفني اضوج"
خده رتفع مبتسم "دسوي على كدج واني اكابلج"
لا حتى لو بس لكمه شاركني اكل من وحدي "
هز ايده دمشي فضيها
خالتي"اذا ريوكج ب١٠ وكومتج ساعه وشغلج اربع ساعات نعزل ونكابلج شوكت تكملي شغلج
سعاد"والله وكت دلال وتمضيك اكلج يمه انتي متاكده ماخذتله مره لو جاهل هل حركات"
امه "بعدهي مامتعلمه على طبايعنه مشوفيها تنوص تنوص من تحجي تفد الجبد خو اذا صاحت ارغد. من يمي اسلهم لحد. ماتكمل الله يساعد المكرود
سعاد" واني اكول عاف الزين وركض عليها ثاري جايبته بلتنعوص شوو حبوبه ماتعلمينه اروح اطبق على ابو اسامه علمكرود والله لنه منجلط
ارغد " شتتعلمين بويا صوبج لا تقربيلها مالج شغل بيها "
سعاد"شدعواك ماراح ناكلها هيج يتراجف فادك عليها بعد اخيتك خلها الك قابل ماكلين منها ايد رجل "
ارغد ماهتم" اي عوفج منها وانتي امشي اكل وفضيها "
عفتهم ناس تنطح ناس بس برد كلبي من شفت دمعت وسن اكيد هي حبيبته السابقه ماسولفلي التفاصيل بس اعرف يحب وحده كرايبه ماكو غيرها
اتريكت لفت جبن وجاي سناء تطبخ بلتمن بزلته وسندس تغسل بلطرمه وحده من تعاليمه الطرمه مااطلعها وسندس تخاف من الجو عدها حساسيه وسناء لازمه الطبخ
وهذا خلاهن يضوجن مني صح بعيدات بس الغل بعيونهن يوم عن يوم استغرب عداومتهم ويااا وهوه مغلس
واني اشوف كل مصرف البيت عليه مسواك المخضر عليه هوه شايل الحمل الاكبر بس علاقته بامه قمتة الحنان
مايمر يوم اذا ماكابلها ويسولفلون اغلب كعدته بلبيت يم امه يكضيها
طبت ضحى اني بيدي كلاص الجاي عيونه منفخه غسلت على السنك وخرت تنشف بوجها بيدها خاولي مسحته
فكها ازرك
"شبي وجهج تمام ضاربج"
نترت "لا"
هذا هياته ازرك خوما مأذيج"
تقربت "محد ضاربني وحدي طحت على الكومدي بعدتني جنت واكفه يم الكاونتر فتحت الخانه طلعت كلاص صبت جاي وعيونها حمار داير مدايرهن
طبيت ارغد ماكو شفته بلصاله كاعد يدخن ولازم جهازه يخابر كملت شغل الصحيات التروكه من غير الغرف والهول
الفوك على ضحى والخبز مستلمته كل يومين تخبز صفطه هواي كملت صعدت سبحت لبست دشداشه قديفه ملابستها
رغم مااحب الدشاديش مرغومه حمويني تارسين البيت غير ولد اختهم سعاد كبار اسامه بكد ارغد اخجل منهم
لميت شعري مشطته ورفعته بقراصه جريت الطابوريه همزين مابيها شي من دفرته كلت نعوجت
نزلت متغدين وسناء غاسله الماعين يعرفوني من اتريك مااكل بعد الهول بي سعاد وخالتي والصمغ وسن كعدت على طرف التخم
سمعت صوت الولد بلصاله صايره بضهري وسن كدامي مباشره اليفتح الباب شوفه بالي صار يمها
هالتي سولف عن كبل عمو شلون شافها وخطبها واني ابتسم شلون تسولف بفرح وتتباها بحبه الها وصدك الاشوفه
فات تميم كال سناء وين ردت سعاد" نايمه "
باوع " بت اصول السوي جاي جماعه يمنه كمت "
اسويلكم""عمي مشكوره ولو اتعبج "
بلعكس تعبك راحه
وكفت وسن لا حبيبه اكعدي اني اسويلهم لا تكلفبن نفسج "
حرجتني لا اكدر اردها ولا اكدر اكعد تميم عافنه ودخل
طبت للمطبخ سوي شويه ورجعت كعدت كمت بحجت اشرب مي شفتها معبيه القوري مي وجاي وخالته على نار عاليه هسه يصير صبغ قنادر
عفته ورجعت كعدت ضلت هي تحضر شويه وفات تميم كال"هاااكملتو "
هي واكفه على السنك صاحته من المطبخ تعال اخذه اخاف اشيل الصينيه ينجب الجاي"
فات اخذها و دخل فات ارغد ضايج بيده التلفون اشرلي امشي صعد كدامي امه باوعتله ها يمه خير
كلها وهوه يمشي "ماكو شي"
صعدت وراا شفته طابللغرفه دخلت وراا لازم الجهاز يسولف
عرفته اخويه بهاء فرحت عيوني عليه باوعلي بتعب سديت حلكي
قدملي تلفون "احجي ويه اخوج يريدج"
اخذتها اكمز من الفرح كعدت على الطابوريه اسولف ويااا
نزلن دموعي اعاتبه وهوه يتعذر المعامله متعطله يقدمها وتنرفض ميعرف السبب
ضليت اسولف ويااا مشتاقتله وهوه يحبني رغم كان يكره والدي وتصرفاته بس يعرف اني مالي ذنب وامي مادخلها بطلاك امه
شكد بجيت وهوه يتنهد ساكت بهاء حنين اعرفه مايتحمل دموعي ودعته وغليت ايديه على زجهي شبعت بجي اناشغ
لحد ماحسيت بيد ارغد اخذ الجهاز وطلع اكيد نزل وخرت ايديه كمت عدلت الجربايه لملمت الغرفه كعدت
اعاين على مصيري وين يصفه بي الدهر ايام مشت ونفس الروتين ماكو بي تغيير ارغد ابتعد حتى كلامه قل وياي
مااعرف شنو اليصير بينه لان اني المتحملته ولا هوه اله خلك
فاجئني بقرار ترك حماية النائب هنا قامت القيامه بلبيت
كلهم يحجون عليه وهوه ساكت مايرد يعوفهم ويطلع خلاهم
بحيرتهم واكيد راح اكون كبش فداء خالتي شنت عليه الحرب عبالها ابويه السبب وارغد ساكت مايقبل ينطيهم سبب
غير حجايه وحده"ماجبروني على شي اني بطلت بارادتي ماتتحملون عيشتي من باجر اخذها واطلع "
خالتي سكتت حايره بعيشتهم تميم ينطيهم قليل مااعرف شنو فلمه وياهم
تمام مايصرف نهائي كل اليحصله بجيبه حتى الزوجته ماينطي دخت تحسهم كل واحد هايش بكوكب ولا كان
اكو بيت يلمهم غامضين
نزيت من صفنت طبكت الباب واكفه يم ثلاجة بغرفتي جابها ارغد يدخن شمر بجامته وبلوزته باوعلي بطرف عينه ومدد منتجي على التاج
يكلب بجهازه وخرت كعدت على صفحه احسه ماراغبني كاره وجودي شنو البدر مني وهيج يعاملني بجفاء
مو ارغد اليشاقه وينكت ويضحك حالين بس الجكاير بحلكه كلها منتبها على عصبيته
حسيت بثقل نفسي ورطته بزواج لا هوه راغبه ولا اني المخططتله يجوز يحبها وضايج عليه مجرد الفكره تاكل
بروحي مااريد هيج افكر
فززني صوته سدي الضوه ونامي
سكتت كمت طفيت الضوه مددت بصفه المسافه بينه اشبار بس الحقيقه بينه اقطار فرق السماء عن الارض
ليش هاي دمعتي نزلت مسحتها بعصبيه ميحبج ومابينكم شي ليش هلدرامه اصحي اصحي ارغد اله حياته وانتي مجرد سوه عليج واجب انسان انسانيته جبيره ومااكدر يخليج
بدون مايساعدج وساعدج فتره وترحين لخوج انسي
وعيشي على هذا الاساس
غمضت اجبر نفسي انام كلشي بحياتي جبر حتى النوم خره بعيشتي كوه غفيت بهمي وثقل روحي
نمت حسيت بحركه يم كف رجلي اجي اوخره سكنت هاي ملمس قدم وهاي اصابع كلبي وكف فتحت عيوني حسيت
بدفو ملمسه
صعدها لكرشت رجلي حركته بطيئه كانو يريد يعيش كل لحضه بهل لمسه سكنت حركتي تنهد نفسه صار بأذني
بلحضتها كلبي اجه يوكف مااعرف فرح مااعرف رغبه وجوده
مااكدر افسر لهفتي وخوفي بنفس الحضه
هذا نفسه ديشم بعمق حركاته وترني مال واحد يحب خفت لحضتها خفت مجرد رغبه منه وتنتهي بصحوته ورجوعه الوعيه مااريد اكون نزوه بحياته وحياتي وياا مجرد
محطه انتضار من محطات الحياة
مد ايده يتلمس ضهري تقرب طخيت بجسمه تنهد حضني نسيت كل وعودي نسيت كل وعي عقلي طار بهذا الدفوو
ضعت بلمساته اخاف اتنفس وافزز من هاي الراحه مااعرف شنو السوا ارغد وخلاني اتعمق بي صرت بحضنه لمني على صدره ضهري عليه ايديه على بطني
لامني بثنين ايدي تك رجل محاوطه رجليه اني امام طوله اوصل نص منه دفيت بانفاسه التضرب على كتفي بحنكه وخر شعري من متني
صارت شفايفه على بشرتي قشعر بدني مجرد يتحسس بشرتي بشفايفه موتني بهاي حركته شمني شم يتعمق بنفسه
على هذا الاحساس غفيت مااكدرت داهمني النوم كعدت الحو كاشف دنيه صبح التفتت فازه ماهوه
دورته بلغرفه ماكو نازل سبحت وطلعت نشفت شعري لميته ونزلت ماكو سويت ريوك
خالتي "رغد منا وغاد اكعدي من وكت عاوني البنات وردي نامي من تخلصين"
ضحى "ضحكت لازم اليل سهاره"
خالتي خزرتها"شعليج منهم "
ضحى"شكوو خاله حالي حالها قابل ماعدي رجال وشكتلها "
خالتي "ماكايله شي بس من احاجيها لا تنطنطين من مكانج"
شكتت ضحى واني خليت الصينيه كعدت اتريك فات نصيت مستحيه الهي روحي بلاكل
كال"صباح الخير والعافية "
رفعت راسي هاي عليمن باوعلي مبتسم "
ضحكتلي الدنيا "صباح الخير"
اجه كابلني ياكل مااعرف شلون اكلت من الخجل وهوه مو يمه يصرف طبعي و يتعمد يطخ ايدي ويه كل فرصه ويثولها عليه
كمل كام كعد يم خالتي شلت الصينيه بلشت شغل كملت وصعدت هاي عادتي طبيت للغرفه بدلت ثوبي وعزلتها
فات يدندن انه ياطير ضيعلي نصيبي مدد كال ناوشيني بطل مي
فتحت الباب انطيته قاروره صير قبقها عريض وبيها من جوه بلقاعده كلاص من جوه بحيث امد ايدي جوه البطل اسحب الكلاص مالي جايبته من بيتنه اذكر جبتها من لبنان باحد سفراتنه تحفظ المي
انطيته وكفت يمكل انطاني الكلاص مشيت ارجعها مكانها عصه القبق مينسد حاولت ماكو قبقها حديد ولازم يتركب عدل يله ينسد اذا نسد اعوج يقفل بعد ماينفتح
صوته صحاني
عررررب هيو مو هيج سدي
سادته
من ط..... شوفي ينكط مي
شبيك لسانك يفشر ارغد ميصير عيب شنو هاي الفاضك
اسم الله عليج حبيبتي من لساني اني واحد سا.... وافشر
لا عيب ميصير من تفشر اضوج منك مصير تعلم لتغلط شي مو حلو
تعالي اشرتلها
شكو
تقربي شبيج
تقربت طلع لسانه كال
بوسي وهوه يبطل
فكيت عيوني رجف كلبي بسرعه ضربته "فاسد"
ضحك امشي لج جبانه منو يكلبج غيري
هزيت ايدي شلونك
طفر كعد متربع ليش ولج شبيه شاب بحيل وحلو خايبه العويه شايفه البنات من افوت شيسون اني نعمه كدامج
المفروض تستغلين نعمتج لا طير منيدج منو يكلبج غيري
درت وجهي خليته بلثلاجه كلتها بفطاريه عاد مشرمها
صفن التفتت باوعلي رافع حاجبه محسيت على نفسي لحد ماكام تقرب عيونه بعيوني
نضرته مستفهمه كلامي يريد يفسر كلبي دك توترت من قربه
وخرت نضري اوخر خطوه خطيت خله ايده حجزني
رفعت راسي مرايده هذا القرب مشاعري مخربطه وجوده خربط احوالي اني مو مال حب جسمي ينفض
منصيه اطرافي اول مره احس برجفتهن هدوء
بس النفس مسموع نصه راسه قرب وجهي تك ايد رفع راسي من حنكي التقت عيونه فسرتهن شوك ولهفه مشايفتهن من كبل
اردد بداخلي فدوه ارحم حالي وكلبي لا تقترب لا تكسر وعودي النفسي اني امام روحي جباره
مااريد اوثق هذا الارتباط واخرج خاليه اليدين مكاني مو بينكم
همس وانفاسه تضرب وجهي "عيشيني بيج تحسين بل الاحسه حاسه بؤبؤ عينه ينتقل بين عيوني لهفته
ضيعت كلامي
قرري ونعيش نجرب الحياة اريد احتويج وتنسيني اني معايش بس وياج احس اكو طعم للعيشه
منفي واستطونت هنا تردين لو شنو فهميني حلي لغزج
ماصفالج على راي مدوختني من الرضا والنفور
علكد تفسيرج صعب لو اني المااعرفج
وخرر عصبي نضرته تغيرة حاير بتقلبي رجع للسرير كعد دخن
اني عيوني عليه مالتفتلي يفكر مضيق عيونه حاس بوجودي ولاغيني طلعت من يمه مهدود حيل حيلي
نزلت مخوكه شارده منه ومن وضعنه ايام مرت وارغد صاير ماينطاق عايش على اعصابه واعصابي
اليوم معزومين خواله والبيت هوسه
بوسط هلوسط فاتت وسن تضحك هناا صدك كرهتها وكرهت روحي
لابسه مانتو معيديه كابوي وبدي احمر هاي شتحس
عفتها فرحانه بخلاكينها
صبينه اللكل البنات فرشن السفر الزلم بلصاله والنسوان بلهول
مامتعوده على هيج هوسه ولا عايشه هاي الاحواء احنه اقوه عزيمه بابا من عزم بيت عمي لو جماعته محد يطبخ يوصي من مطعم يجي جاهز بس انرتبه
تعبت ارهاق قضيع احس ضهري صار نصين من الفره ونقل الاكل الثريد بلامه مدري شيسمو كل بلم صينيه شكده وشكبره
وهمه واحدهم ثور مو انسان حتى خوالهم وعمامهم واحدهم طوله مترين ضخام خوفوني نسوانهم مثلهم
كعدت بلمطبخ غسلت وجهي ونتجيت من التعب مااشتهي ولا وحده بيهن صاحتني
حز بداخلي عدهم عنصريه على الغريبه وهذا شفته بعيوني فاتت ضحى بيدها صينيه كعدت كبالي
كال"اكلي وياي لمتهن مااحبها "
درت وجهي مالي خلك"الف عافيه مااشتهي نفسي نسدت"
ضحى"حقج اذا من الصبح تكربين دكلي يمعوده وين تحصلين هيج هبيط ويم خالتي هاي فرصتج اشبعي لحم"
ضحكت على تفكيرها "الف عافيه مااحب الحم ولا احب التشريب ياذيني"
ضحى"شبيج مو على عادتج "
سكتت فات ارغد شافني كاعد عكدت حواجبه سكت اخذ بطل لبن وفات مااعبرني ولا سالني ليش متاكلين
كملو لملمن السفره طاح الغسل عليه وعلى سناء ساعتين اني اجلف وسناء تعلي سندس سوت جاي وضحى كنست البيت من جديد
كملت كعدت ضهري موتني اجيت ابجي عيوني حركني
اسمع صوتهم وضحكهم
بعد مابيه عفتهن وصعدت صاحت سندس واني على الدرج "وين عيني الجدوره بره تارسات الطرمه غسليهم"
نزلت والدمعه بطرف عيني
فات ارغد للهول يضحك صاح "حجيه طلع تعيني"
التفتت اباوعله مبتسم وامه تهلهل كلها باركتله وسن بلزاويه فرحانه
خواله فاتو باركوله عفتهم وطلعت حتى هاي ضامها عني
غسلت الجدوره ذبيت كل حيلي بيهن
كانو اعاقب نفسي بيهن كعدت مهدود حيلي نزلن دموعي مااريد ابجي وين اجيت اني سويت بنفسي فاتت سناء كمت مسحت عيوني مااريد يشوفن ضعفي
شطفتهن وخليتهن على صفحه اول مره اغسل جدوره بهذا الحجم محد راعه دلالي ولا واحد بيهم شاف وكفتي وتعبي ارغد الي ناسيني
وخرت اريد ادخل اشرتلي سناء وياج الطرمه غسليها
سكتت غسلتعا ومسحتها الجهال طابين طالعين
وارجع اعيد المسح كملت فتت اصعد كلهم ملتمين يضحكون
اريد اغسل ايديه فتت للكلدور الداخلي مغسلتهم جوه الدرجه وغرفت البنات بصف الدرج
غسلت واجيت اصعد الباب مردود استوقفني صوت
وسن فتحت عيوني
رجعت نزلت البايه الباب مفتوح شويه واكفه مقابيل ارغد عيونها تنزل عشره عشره تتوسل بي مايتركه
وهوه ساكت مكتف ايدي عيونه عليها مقهور وينافخ
دكله لا تسكت فدوه انه حبيبتك وغلطت سامحني
جريت اعيش من دونك ماكدرت الموت اهون عليه فراكك صعب لا تضلمني على غلط طايشه
شكد تقدمولي ارفضهم كله علمودك مااكدر اعيش ويه غيرك لزمت ايده رفعتها خلتها على غدها وميلت راسها
هوه ساكت بتصرفها واضح رغبته بيها بحيث ماايكدر يبعد ايده عنها ضلت تبجي
ماتحملت كلبي كام يوجعني
......... يتبع
تابعو ويانه هاي القصه
الى اين تصل
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!