بـيـن الـكـــــاف والنـون
بـاࢪت سبعــون
سجى الطائي🍃
آنه لو نآسيك ومغادر هوآك
الرجفة هاي بجسمي شيسمونهآ
وليش أغاني التطلع تذكرني بيك
ودموعي تنزل گبل لا يبدونها
نعمة النسيآن أكبر چذبه هاي
مآتصرف بعد لتعيدوها .
سديم
وصلت حد الجنون احضن نفسي ومااعرف شسوي النفس يضيق بصدري كوه اجر النفس عيوني صب دم مو دمع
امي تطلع تطمأن ودخل للبيت تكمل شغل جانينه مالهم دخل وصلت بيهم يصيحن سودنت واني اكل بروحي
ضحكتي غابت عن وجهي حسام حاير وين يوديني يصير اليل وكوه يجروني ادخل انام صار مكاني الطرمه وحاضنه القرأن على صدري
اذكر كلام تحسين كل مايضيق صدرج اقري ولو اية ترتاحين واني مامهون عليه غير القرأن البيت موحش اشوفه اضلم
والدي كل مايشوفني يعيد نفس الجمله خافومني لا تخافون من الله اني اخوف وكلشي اكدر اسوي
دب الربع بداخلي كمت اذا يتواجد بالهول اركض اطلع ماافوت كدامه ايام اني بس الدمعه بعيني كلبي يتفطر
على حياتي
تحسين اخذ مني روحي وراح كلشي بحياتي بعده صار اضلم المي الاشربه احسه مرر ايام واني اعاني وبس الله يدري
بالاحس بي
عشت هاي الفتره بمرورتها والمصبرني القرأن مهدئني ومنطيني قوه
قصي ماتاركني كل فرصه اتصل بي ينسيني مرارت حياتي
بيوم كاعده بره غرفتنه حاره مبردة عطلت والبنكه هم امي فاتحه الباب وبيدها كارتونه تهفي ابويه بالصاله نايم على المبرده
وممنوع واحد بينه يفوت للصاله وهوه موجود مثل عادتي كعدة بلفي والحراره تجوي ستوني سبحت شوية جسمي برد
بين صفناتي دك الجهاز شلته قصي
جاوبتها "الووو"
قصي "هلا بالصوت الحلو شونها سمسم اليوم"
سديم"مثل مااني انت شلونك"
قصي" صرة زين بسماع صوت البلبل ونتعشت روحي "
ابتسمت كل كلامه هيج وياي نصيت وكانو كدامي "ها صفنتي"
ضحكت"لا سويتو على ابن عمك"
اخذ نفس " واحد مسربت وتكربس براسنه هو ابويا يزامط بيهم وكع بشرهم شيسوي مجبور يحل مشاكلهم "
سديم"وانت ادخلت"
قصي "حبيبتي مجبورين ندخل يبقه بلأسم ابن عمنه ومحسوب علينه عوفج منهم سولفيلي سويتي"
سديم"مالي خلك اسوي شي بس كاعده بالبيت ومتضرة فرج الله"
قصي"سمسم اذا ضلين بتفكيرج ماتتحركين خطوه قابل رب العالمين ينزلج الفرج بعلاكه انتي كومي قوي روحج كافي بجي عمري انتي تموتين هيج"
سديم" مااكدر انسااا وكل موعد نزوله اني اذكر طبته علينه وحجيا وياي ونصايحه لو كل راتب يجي ينطيني مصرفي
ماكو اخ بحنيته بجيت بقهر "
سكت يسمعني واني استمريت اسولفله واعرف سامعها مني كل اتصال
ايام واني ونيسي قصي صرنه اقرب من قبل روحي تعلكت بروحه وهوه مايكدر يفاركني لحد مابيوم كاعده اسولف وياا واني بغرفتي
امي نايمه بلطرمه والدنيا لليل وساعه ١ ملتهيه اسولف ويااا وماخذ راحتي كل بالي اهلي كلهم نايمي
على غفله نفتح الباب وشتعل الضوه حسام كدام واكف بالباب يباوعلي بسرعه نزلت التلفون وسديته
شافني وجهي نكلب اصفر حسيت روحي طلعت واني اشوف نضراته
حسام"ويامن تحجين"
سديم"وحدي مااحاجي احد هيج وحدي "
تقرب وكف مقابيلي عاصره النلفون يحضني يباوعلي بغضب وعيونه تريد تتاكد مد ايده انطيني جهازج
كوه حجيت واني اشوفه نار"م م مابي شي والله كلشي مابي شتريد منه"
نتر بين سنونه "انطيني جهازج" حجاها بحده
اريد ارفع ايدي متت بذيج الحضه وهوه على وكفته مد ايده جر الجهاز من ايدي لزمه راد يفتحه بي رمز
لزم زندي حيل عصر ايدي شهكت" افتحي لا اكسر راسج "
بجيت رص على ايده وجها بوجهي واني غايفه مغمضه عيوني
خفت منه وجها احمر مااعرف شون كتله "١٢٥٨"
دفعني على الجربايه نردمت حيل "فتح الجهاز" عضيت اصبعي حيل لا ماسحه المكالمات لا ماسحه الرسائل "
دقايق ضل يكلب بلجهاز وكل ثانيه يزيد غضبه واني والله علاقتي بقصي ماجاوز وياي ولا سمعني كلام مو حلو
دنكت اشهك وهوه واكف يدور بلجهاز دنك لزم فكي عصره طلعت شهكه مني كال" حسابج بعدين اذا مااطيح حظ حظج اصبريلي عاار عبالي ادميه ومسلميج جهاز "
رص على فكي بكل قوته ودفعني راسي ارطم بالحايط صرخت خزرني "سدي حلكج لا اترسه بارود"
طلع عصبي اسمع صوت تكسر وكفت بلباب اباوع شفته لازم طابوكه ويكسر بالجهاز
عصرت ثوبي بكل قوتي شسويت اني بلحضتها دعيت الله ياخذ روحي ولا يخليني عايشه بهذا الضيم
امي فزت على صوت التكسير خطيه طفرت مهبوطه حسام وكف شال الجهاز صاير طشار اخذه وفتح تكرمون البلوعه وشمره بيها
عفت امي تحجي ويا حسام وطبيت الغرفتي جهنم من الحر بجيت بلا صوت ولطمت بلا صوت ضليت اندب حضي على هاي العيشه
توالت الايام واني الحزن ياكل كلبي افتر بلبيت مثل المخبله امي تعبت مني حسام مايحاجيني ولا حجه الاحد واني اكل بروحي على السويته وين اروح وين انطي وجهي
بدت حياتنه اني وامي اتعس من قبل المصرف يقل جنه معتمدين اكثر شي على الينطيهن تحسين مخصص الامي مصرف والي هم
خواتي يخيطلي ويدزن وهم حالتهن مو هلكد علمود ينطني فلوس بليكدرن عليه
ابويا صار ماينشاف وتكررت فوتاته للترك ومااعرف شيرش كمت مااهتم اذا سمعت طكطكته يعرف بيه جبانه ومااسولف مدده على الجربايه والحر ينزل منا ومنا جثه هامده
مامهتمه للحر روحي ميته دموعي تنزل منا ومنا نمت بتعب
كعدت على صوت امي فركت وجهي نكعانه كمت طبيت للحمام سبحت وطلعت همزين امي مبرده مي بسطل مي العادي يفور
مسحت وجهي ودخلت للمطبخ نعمه وزوجته حسام كاعدت ثنينهن يتريكن زوجت حسام على الاربعين ونزعت الاسود واول حجايته " رجلي يريد قابل حزني يرجعه "
امي ماردت عليها مالها خلك ضاله تنعي وتبجي وحدها خواتي من اربعين تحسين وهنه مافايتات واليوم يجن
ساعدت امي واني روحي تلوب من خنكت البيت واريد اسمع صوت قصي للضهر التمن خواتي واني جسد مجود يمهن
كعدتهن بجي وحزن ربى اكثر وحده بينه قويه لان زوجت من وكت ومعاشت ويه تحسين مثلنه
لليل راحن ميكدرن يباتن بسبب ابويا حتى على اللكمه يعيرهن وهوه مصارف دينار على بيت بس اماني ضلت امي جلبت بيها
بعد ماراحن رشيت الطرمه نضيفه كانستها العصر دخلت نضفت المطبخ عزلت البيت ساعتين اني افتر اريد الهي روحي
امي واماني يسولفن شويه طلعت اماني الفراش رحت فرشت عنها كملت صارت الساعه ب١١ بيتنه على الشارع ومقابيلنه ساحه
مددت امي بس خلت راسها نامت تكعد من الفجر وضل كاعد واماني هم نامت واني ضليت كاعده القران جوه راسي اخذته بديت اقره كم صفحه يله اكدر انام
اسمع صوت سياره كل شويه تفوت وصوتها كانو يم بابنه تروح وترجع اتجاهلت الصوت ورجعت اكمل قرايه سميت بسم الله
على كعدتي خلصت سورت النساء وصوت السياره ماوكف اخذني الفضول كمت لبست نعالي ورحت يم باب الشارع بي فتحه معبرين منه خيط ينجر يسحب السركي
دنكت باوعت منه سياره لونها رصاصي مالحكت اشوفها زين زرف الباب زغير تجرئت وفتحت الباب شوبه اباوع منه
راحت السياره ثواني ورجعت مرت فتحت عيوني قصي هذا
كلبي يدك مشتاقتله شون اريد اشوفه فتحت الباب اكثر لمحني وكف صافن واني عيوني تكت دمع
مااكدر اشوفه بوجوح بسبب الضلام بس اعرفه من سيارته يمكن حس يمكن كلبه كله تريد شوفك فتح اضائة الجهاز
ابتسمت بقهر وهوه ابتسم يشوفني بسبب بوجكتر خالي بستارة البيت يضوي البيتنه لوح بيده شلونج
دنكت شلونه بلضيم عايشين مسحت عيوني ورفعت راسي يباوعلي بقهر حبيتك بلاسبب وهويتك بلاعذر
عشت بيه وتملكت روحي ماهوت غيرك ضل يباوعلي مانزل عينه ولا اني اكدر اسد الباب احس هاي الحضات ماتتكرر شعور بداخلي موحش مضلم كانو نفسي حاسه وروحي تلوب
ماتحرك ثنينه نريد نشبع من بعض جسمي كش على صيحت اخويه ماحسيت من فزتي طبكت الباب حيل
نتر"شسوين واكفه بالباب "هاا ا ا مااسوي شي ضجت وفتحت الباب"
تقرب وصوت سيارة قصي تحركت حسام فتح عيونه اجه ركض دفعني من الباب وطلع يباوع همزين قصي صار براس الشارع وطلع للشارع العام
طب حسام نار لزمني "ويامن متواعده"
خفت ودموعي نزلن"والله مامتواعده ضجت وفتحت الباب"
كفخني على راسي "غبي كدامج هذا منو ابو السياره سديم احجي لا افني حضج زماله"
كمت ابلع بريكي نشف "لا تتهمني زور جاي اكلك مامتواعده انت مو شوفني كدامك حتى جهاز ماعدي منين اتواعد"
عافني وركض المكان امي مد ايده جوه مخدتها طلع الجهاز وكف يكلب بي اجاني لزمني من معصم ايدي " الضاهر انتي ماتوبين جرني من شعري حسيت فروت راسي انشلعت واخاف اعيط طببني للبيت دفعني بلغرفه "اربيج من جديد عبالج ماكو واحد يحكمج وتلعبين بكيفج"
بجيت لميت روحي عافني وقفل الباب الغرفه حاره ثواني كمت اصب مي ضليت ابجي وافتر امسح بعيوني
وترجع دمعتي تنزل حسام بعد ميصدك اني امودي على قيصر ولا حاول يعرف منو ساعه واني الوب من البجي والتفكير نمت كعدت هلى صوت اماني
كعدت امسح بوجهي وكفت الضوه طالع الدنيا صبح
اماني واكفه تباوعلي "شعدج نايمه هنا الغرفه تسلك حر"
فركت عيوني كتلها" خفت انام بره ودخلت هنا "
اماني " مو اني وامي يمج بعد عليمن خايفه اكو وحده تنام هنا شوفي روحج نكعانه كومي اسبحي يله "
كمت اخذت دشداشه من الكنتور طبيت للحمام سبحت وطلعت حسام فاتح الباب الصبح دمعت عيوني شكد حنين حسام مثل حنين تحسين بس مو مثل تحسين يتحكم بعصابه لا عصبي
نشفت شعري وضفرته كعدت على صينيه الريوك امي محضرتها واكفه على الطباخ شالت القوري خلته بلصينيه
اماني طبت بيدها الخبز مبينه جانت تخبز بره
البيت صنطه نعمه بيت اهلها وزوجت حسام فوك ماتنزل بعد ماحسام خلالها مكيف الغرفتها
بديت اكل بلا شهيه اماني وامي يسولفن كملت كمت طلعت بره بلطرمه كعدت الدقايق تمر واسمع حس امي واماني يستغلن اماني علاقتها قوية بامي وتحسهن خوات مو ام وبتها حتى اسرار بينهن
اماني عاقله وتفكيرها اكبر من عمرها ولا جن عمرها ستوها ٢٧ كانو عمرها اربعين سنه
خلصن فاتت اماني شافتني على كعدتي كعدت بصفي "ليش متغيره وضعفانه"
دنكت ساكته امرح برجليه على الكرسي كاعده "احجيلي شبيج مو علا بعضج"
ضليت ساكته مالي نفس بعد احجي او اشكي "لا سكتين سدوم مهما كبر مشاكلج ابقه اختج الربتج فضفضيلي حبيبتي شنو البيج"
رفعت راسي باوعتلها نطقت"تدرين بابا شيكول "
عكدت حواجبها مستغربه" ههه مره كلي خافوني تره اني اخوف لا تخافون من الله خافوني اكدر كلشي اسوي "
اماني ضلت تباوعلي مستغربه كلامي كملت " احسد البنات على ابائهن اكول معقوله كل الابهات مثله لو احنه وحد
اصفن شنو جريمتنه وهوه هيج يعاملنه احنه اطفاله من صلبه دمه يمشي بعروكنه اماني اني من مات تحسين حسيت باليتم حشيت ابويا الراح مو اخويا ضعت من بعده ماجنت حاسه بالنعمه العدي
ماحاسه بمصرفي ولا بملابسي ولا باكلي مطمأنه اخويه موجود ههه راح اخويه وهاي اني لا ساليني شبيج بيه كلشي وبيه وجع ماينحمل عايشه مجرد دميه
اماني عيونها دمعت خلت ايدها تمسد على راسي دنكت " فقدت ابويا جان كل نزله كبل يجي يمنه يحضني ويسمعني كلامه الحلو وينطيني نصائح
رفعت راسي باوع ليكدام "اماني تحسين شكد صبر وتحمل من زغره هوه متحمل مسؤليتنه حتى من زوج عبالنه يرتاح
بس الله ماكاتبله الراحه وكل هذا وتحمل وصبر على عيشته
كل مااحاجي كال هاي قسمتي واني صابر ومحتسب الي
اجر جان حاس روحه عيشته ويانه مو طويله"
سكتت اماني شبعت بجي واني صافنه حتى دموع ماضلن عدي سكتت طلعت تلفونها من جيبها خلته بيدي
"امي كالت تلفونها عطل وحسام اخذه يصلحه الها لهي بي روحج اليوم"
عافتني ودخلت مااجه على بالي غير قصي من كد ماروحي ملجومه مااعرف اصرف فتحته كتبت رقمه رمشت وطفيته
دك عليه يعرف بس اني ارمشله فتحت الخط همس منو
"اني سديم"
اخذ نفس مال واحد تعبان"سوالج شي "
كتله "لا"
قصي"سديم لا ضمين عليه تره اتخبل هسه جاسج ضربج"
"لا حسام ميضرب"
تنهد"الحمدالله كولي شكال"
سديم"حسام حاس وشافني البارحه قصي بعد لا تمر من شارعنه تره كل جيرانه ناس تعرف ناس وانت غريب وبلاحظون وجودك اكيد راح يشكون فدوه...
سكتني"ماتكدر سديم تدرين من البارحه واليوم عقل ماضل براسي اجيت اجي لخوج واحاجي بس كون مايسويلج شي ويأذيج "
سديم" فدوه بعد لا نجي عوفني اني طبي مرض تره ابويا يأذيك "
قصي"شون اشوفج واصبر نفسي اروح للتربيه اخليهم يقدمون الدوام"
سديم" بس انطيني كلمه بعد. ماتجي"
سحب نفس وذبه "لا هاي هيه اهم شي مااتتأذين"
سكتت ضل يسال عن حسام واني اجاوب حسيت بخطوات شخص بسرعه نزلت الجهاز وسديته ركضت مسحت رقمه من الصادره
شافتني تقربت كالت"تعالي تغدي "
ضليت اباوعلها اشوف تعابيرها اخاف سمعتني مابين عليها شي كعدت تغديت بله نفس
كملت كمت غسلت وكعدت بلهول على صفحه اماني شالت الصينيه مال الغده وطلعت للمطبخ كمت وراها غسلت مواعين وهي سوت جاي
وكفت تحضر بصينية الجاي واني واكفه ارجع بالماعين الغسلتهن اخليهن بلسله بعد مانشفن
كالت"متصله بأحد"
فكيت عيوني هااا
رفعت راسها تباوعلي برود"متصله بصديقه باحد"
ضليت اباوعلها مرتبكه هزيت راسي لا
كالت" الغريب بلموضوع ماكو بالصادره بس بالوارده يعني واحد. ماسح المكالمه"
سكتت اريد ابرر انربطزالساني هي سكتت ماحجت غير شي شالت الصينيه وراحت للهول
واني ضليت مربوطه بالمطبخ اخاف افوت ويفضحني ارتباكي ورجفت جسمي
اماني ماطولت للعصر راحت وهي طبيعيه بس اني كلبي حاسني عرفت حسام مقاطعني
الاسبوع يمر مثل الاسبوع القبله
اليوم امي كالت اليوم نزرع الحديقه ونرتبها طلعت جابت كركين من بيت عمي بلشنه بيها نكلب التراب مالتها
اجه ستار يعاونه
ستار"عمه عوفي اني وسديم نكلبها "
امي "لا يمه تتعب خليني وياكم"
ستار"عمه تعبين هذا شغل للزلم "
امي "خليني اتونس وياكم عمه كعدت البيت خنكتني"
سكت واني اشتغل على الساكت كملنه نص الحديقه متت ايديه اجرحن ضل ستار يكلب بالحديقه بحيل
كعدت وامي كعدت على الكرسي يمي دوركت ضلج بيها مي جريتها صكيتها كلها
شويه وستار كال عمه هاي شنو العلاكه امي راحت يمه واني وراها رفعها علاكه سوده خلاها على الصبابه دنكت يفتح بيها امي صاحت
"وخر يمه وخرر لا تنضرب دارت عليه اركضي جيبي بطل الخل السوا اخواج"
رحت جبته واجيت وكفت لكيت امي تفتح العلاكه بعود خشب انفتحت باوعنه كشت روحي
سيم وبسامير مشابكه ستار "اعوذ بالله هاي شنو عمه منين اجاكم"
امي ضلت تكلب بلعلاكه كالت"منين يجينه غير من منه وبينه يكعدن الحبابات "
طلعت ورقه راسحه خايسه صايره سوده شويه وطلعت بيضه مفتوحه من النص صايره نصين بالطول ومشدوده بخيط احمر
امي وستار حاولو يوخرون الخيط بدون ميجيسون البيضه وخروو نفتحت البضه اجيت ازوع
جنين دجاجه كامل بس مبين قديم ضال بس الهيكل وبطنه منفوخه واضح بيها شي امي كلبته بطنه مشكوكه وخيطه
كالت جيبي سجينه رحت جبتله شجين زغيره فتحت بطنه نخنسن جلد مااعرف مال شنو ملفوف والريحه ماتنطاق وكفت امي جرت البطل تسمي وتقره ايات قرئانيه دارت عليهن خل
وتسمي نكعتهن خللل لمتهن بعلاكه جديد لبست عباتها واخذت ستار يشمروهن بالنهر
كعدت اريد المنضر يروح من عيني نص ساعه كاعد حتى ماتحركت لابسه دشداشه سوده ربع ردن وشويه قصيره واني جسمي تارس بس مو سمينه شعري سرح وبي شكار رافعته اليفوك طوبه دك جهاز امي باوعت ستار
فتحته كلت الو
امي "يمه كعدي بلهول شويه ونجي اذا اخوج وصل كبلنه كليله امي راحت البيت خالتي لا سولفيله عن شي"
سديم "يوم لا تتاخرين اخاف وحدي"
امي"اصعدي يم مرت اخوج "
سديم"مااريد كملي بسرعه وتعاي "
امي "خوش افتحي لخوج الباب اذا اجه مو ضلين بلغرفه وتخلي مشتول بلباب"
كتلها اي سدت الخط
غرفتي اني وامي اخر شي الباب من يندك مانسمعه ضليت بالهول كاعدخ منتضرتها
شغلت التلفزيون طلعت قرأن اتمنه حسام يشدلنه نت مثل صديقاتي عدهن نت وفيس امنيتي اسوي فيس
كلهن منزلات البرنامج ويتواصلن ويه بعض مرت ساعه
على افكاري ندك الباب طلعت اكيد امي فتحت الباب كله انخنست ولد طويل عسكري واكف من فتحت الباب اندار باوعلي عينه نزلت من وجهي لرجلي واني واكفه ابحلق بي
ابتسم على وكفتي كال " سلام عليكم "
حسيت على روحي صرت وره الباب "وعليكم السلام"
كال "هاي جنطته دزتها اختي ام عبودي"
ام عبودي اريام مديت ايدي اخذها منه طخت اصابعي ايده مديت راسي صفن بعيوني واني ضليت اباوعله غدي
شكد مو مريح بسرعه سحبت الجنطه
وطبكت الباب حتى ما شكرته طبيت ركض للبيت كعدت افكر وجها مو غريب عليه
سيف الدين
بعد جولت البحث ايست منهم الامل مني ضاع هاي حصتي من الدنيا
رجعت وبيدي تكتات الكيران سجلت للحجيه عمره
سلمتها التكتات ورجعت الغرفتي اشتغل
دك الجهاز رفعته زياد "هاا ابو نور امر"
زياد"هلا حبيبي مايأمر عليك ضالم خويه اكو بيت بصف بيت الشتريته يفيد امي وابويا قنعهم ناخذه"
سيف"وين بأربيل"
زياد"اي "
سيف"خويه شيسوون بي "
زياد" سيف الوضع خطر واني ماأمن عليكم هنا على الاقل كلشي يصير احنه مضبطين وضعنه "
سيف"الشيخ مااصور يقبل وهوه لهسه يحن ويون على بساتينه بلكوت وكوه تقبل عيشته هنا نوب يروح لربيل "
زياد" سيف مؤقت من يرجع الوضع طبيعي ترجعون شتري ويخلي للزمن"
تنهدت"اني احاجي واردلك خبر "
زياد"اضغط عليه بس منك يقنع اني عجزت وياا قافل "
سيف"الله كريم "
سديت فركت وجهي كمت دخلت للديون الشيخ كاعد يتابع اخبار على التلفزيون وامي الحجيه يمها جنطتها مال السفر تحضر بيها
كعدت "الله بالخير يابه"
الشيخ "هلا حبيبي"
"شيخ اكعد احجي وياك"
نزل صوت التلفزيون كعد يباوعلي" يابه الوضع مو زين وتعرف ضهر تنضيم جديد والمضاهرات مستمره "
الشيخ "اي"
سيف"خل نوطن النه بيت كلشي الواحد عليه ماضامن الوضع ولا ضامن البلد شيصير بي"
الشيخ" ابني الاعمار بيد الله وشيريد ايصير هاي بقت يم ربك "
سيف"يابه تره مو بس انت هنا امي الحجيه بيت ابو الما وبناته اذا المنطقه سقطته بيدهم تدري شيصير بيكم"
الشيخ "كلشي مايصير"
سيف"تذبوحن لو تنتمون الهم ماتسمع بسوريا صاير "
الشيخ"ابني انه تعبان مو ذاك الحيل اوجدلكم مكان واوطنكم بي واحسب احساب الكل واحد بيكم "
سيف"يابه احنه ماكايليك بيع واشتري مجرد زياد يشولفنه بيت على كدنه نحتمي بي "
الشيخ "وهذا البيت"
سيف"البستان يضل مثل ماهوه نشتري لو ناجر "
الشيخ سكت مامقتنع ماردت اخوفه بلأخبار الصير حاولت اوصله الوضع بدون مااخوفه وهوه رافض
كتله بس اشتري وخلي شوكت ماتريد بيعه "
هز راسه كال خابر زياد يشوفلنه بيت جبير مو كن دجاج وبي حديثه وغرفه كبار
ضحكت متعود اذا مو بيت جبير واسع وتلعب بي الخيل
دكيت على زياد كتله بكلام الشيخ ضحك"مو اكلك اني ابنه مايسمع مني بس ابو السيوف ابنه احنه مو ولده "
ضحكت خجلان وهذا واقع الشيخ يسمع مني اكثر من ولده وهواي سامع منه هاي الحجايه "ابني انت جدك من زغرك زرع بيك الحكمه والفطنه وكبرت وانت مطبع بيهن ماتغيرت"
ثاني يوم وصلت الحجيه للمطار ورحت للدوام
مرت الايام واني ملتهي بدوامي (الاشهر المرت مابيه جديد)
بيوم وصل الحجيه من العمره كلنه ملتمين جهزت الطليان وابويا الشيخ متحزم عزم اليعرفهم وقريبين منه
البيت نترس خواتي البنات لتمن هنه وجهالهن رغم اضوج من هوست لمتهن بس احب جهالهن وشوفتهن
فرات وزياد واكفين بصفي بعد مارتبنه الديوان والحديقه
زياد اخذ سيارته ويا الشيخ وفرات اخذ البنات وراح ورااو كلها راحت تستقبلها
ضليت بالبيت محد ضل بي رغمزفرات كال روح واني اضل بالبيت ماقبلت بيت يستقبلوها همه
ساعه وفاتت زفه والاعلام البيض معلكه بلسيارات فتحت الباب طلاكتين نزلو والبنات يطشن جكليت ويهلهن
اول مانزلت امي الحجيه شافتني صاحت "هسه تكحلت عيني بشوفتك"
رحت يمها جريت ايدها بستها اخذتني بحضنها يابه ياحنيتها عيوني دمعن حبست الدمعه حضنتني على كلبها
وخرت اخذتها جوه جتفي
زياد" الله ربك ابو السيوف منو يجي يمك بعد "
فرات "احنه مشكوك بامرنه حجيه نحلل لو انتي تعترفين احنه ولدج لو لا"
الشيخ يم فرات ضريه على ضهرا على كيف" استغفر ربك بويا شهل حجي "
فرات"يابه شوفها مو فرحت بي اكثر من يمنه"
الشيخ"ماكو فرق بينكم بس سيف اكثر واحد بيكم حنين عليها ويتفكدها "
فرات" هااا يابه نكرت زينات "
ضحك زياد"هسه انت غيران دمشي فوت الناس واكفه "
فرات يضحك ويداهر بالحجيه وكفت بابالبيت الكصاب ذبح جوه رجلها خواتي مكيفات على الهلاهل عدهن عرس دخلتهن وصحت "كااافي فضحتنه معرسين"
براء" سيف لا صير مثل زياد خلينه بفرحتنه"
سيف"دطبي مطربكه فرحي ياهو لازمج بس اله تهرجينه "
براء" لزمت شالها تدبج ودكول وياها خواتي وجهالهن يطافرون بيناتهم
براء لليوم ماتلبس من يمي حجاب وحتى بقية خواتي بس اني اتقيد منهن من يجن ماادخل للبيت وحتى ادخل ادك الباب حيل يله افوت
كضه اليوم بفرح الحجي عازم هواي ناس لليل فضت العزيمه والناس راحت بس خواتي ضلن ثااني يوم
راحن خواتي
مشت الايام لحد يوم ٦/٥ بسنه ٢٠١٤
محافظ نينوى ( أثيل النجيفي) كال "لا يوجد مسلحون لا في الموصل ولا على أطرافها"
اكد السلطات الأمنية (قيادة العمليات الثلاثية) فرضت حظر التجوال فيها كـ"فعل احترازي"
٦/٦ قوات محدودة تابعة لتظيم داعش تدخل مدينة الموصل وخاصة أطرافها في مناطق مشيرفة و١٧ تموز والهرمات وحي التنك وحي العريبي وحي الزهراء وحي التحرير.
هجمات بسيارت مفخخه وقتل واشتباكات داخل المدينه
الفوج السابع صارت وياهم اشتباكت عناصر الشرطه الي ما هربو ضلو محاصرين ثلاث ايام مما تدى الى انياهم وافتح الباب الى انهيارات امنيه متلحقه
٦/٧ نزوح جماعي من اهالي الموصل اكيد اشتباكات بين داعش والجيش وقصف
توالت الاحداث الى ذاك اليوم المشؤم ٢٠١٤/٦/١١ اعلان سقوط الموصل هنا العراق دخل بحالت اذار تام
زياد ملتحق واني يوم اجازتي الشيخ معاند ميقبل يطلع والحجيه ساكته ابو الما كال اخذ اهلي واروح للكوت يم اخواني
واني حاير بيهم سقطت الموصل والوضع صعب يمنه الناس كلها نزحت الشيخ معاند اني حاير بي
نفس اليوم خابر زياد حجه ويه الشيخ كله يابه اذا ماطلعون حتى امي ينتهكوها هنا ابويا سكت
سيف "يمه بس الملابس اخذي لا جيبين اي شي بس ملابسج وملابس ابويا"
اني رحت الغرفتي لكيت رنا جهزلي بلجنطه طلعتلها ملابس الاحتاجها وحذيتي ثنين اخذت من غير تراكات الضروري طلعته عفتها تلم بيهن جهزت السياره
ابو الما عده سياره نزلو جهاله بيدهم جنطهم اخذتهن خليتهن بالسياره
جهزنه كلشي اخذت الجنط من ايد امي وخليتهن اليوره بالجنطه السياره
طعدو انطلقت بيهم البغداد زياد منتضرهم زوجته وجهاله بعدهم بالبيت
اتصل يسب ويغلط" سيف هذا العار سيارته عطلت الجهال بالبيت ويه امهم "
سيف" ماكو غيره"
زياد"بس هوه أمن بي اني ماعدي بس اليوم اخذ اهلي اروح اجيبهم واجي ماالحك"
سيف فركت وجهي الشيخ بصفي واني اسوق كال انطينيا
الشيخ " بويا راح نرجع هسه سيف يوصلهم ويرجع وراها احنه"
زياد"لا يابه ماترهم بلحالتين متأخرين بس انطيني سيف"
اخذته منه "سيف اسمعني اني راح اخذ امي وابويا منك انت ترجع تاخذ ام نور والجهال البيت الرائد مصعب ضل يمهم كم يوم بين مااشوفلك طريق طلعهم بي"
سكتت شكله الرائد طلع عائلته قبلنه بيوم وداهم الكربله امنهم بيت
كتله ميخالف بتد ساعات وصلت زياد كاعد على اعصابه جهاله وزوجته حقه الشيخ تعب والحجيه رجليه تكسرت من الطريق مااعرف شون عبرت
سلمتهم بيد زياد ورجعت وصلت البيت زياد دخلت لكيت ام نور خطيه خايفه بس شافتني كانو شايفه زياد
ضلت تضحك وتبجي كتلها لمي شكو شي عدج اخصري بس الضروري
ام نور"فدوه العينك سيف زياد شونه "
سحبت جكاره وكعدت ادخن "زيان اخذ الحجي والحجيه طلع بيهم الأربيل"
ام نور "واحنه شون نطلع"
سيف"لا تخافين اطلعكم بس جاي رحمه الاهلج "
كالت اي ركضت سوتلي جاي نور جبيره كعدت بصفي "عمو حلوه اربيل"
اخذتها بحضني "حلو مثلج"
ابتسمت شكد فاهيه يربي تنكط فاهوه "زين عمو انضل بيها لو نرجع"
"مااعرف عمي حسب الضروف"
نور"زين عمووو انت ضل ويانه "
سيف" عمو هواي سالين كومي فرشيلي تعبان وابو ايوي مسموط وانتي تتكلبين عليه "
ضحكت بفهاوه دفعتها راحت تركض "اجت ام نور خلتلي كلاص الجاي" عاشت الايادي "
فرشتلي نور بالصاله وهمه ملتمين بلغرفه ابنه همام عمر١٠سنوات كلش حرك ضل يصيح على امه كمت وكفت بباب الصاله تودي على الهول صحت بي"خيييييير همام سالمين شبيك "
كال "عموو امي متقبل تاخذ البلي مالتي"
سيف"عمي وكت بلي والبلد مكلوب امشي نام وعوف امك تحضر غراضكم"
همام"عموو بيش العب هناك "
اجيت اغلط ولزمت روحي اني نفسي ماحاملها وهذا المدلل "همام واصله هناا واشرت على خشمي امشي ولي نام لا اجي اطيح حظك بابا لا دوخنه بهل ليل بدلالك"
كلب وجها القرد ودخل للغرفه زعلان ويطبك طحيل
رجعت مددت نمت يمكن ساعتين واني حاير بطلعتهم
للصبح كعدت كلها نايمه
دكيت على عمار كتله اريد الجندي سمير رجال خير وخوش رجال وامين رجعت خابرت ضافر يحزلي بمطار بغداد طيران الأربيل
للضهر ام نور محضره روحها ومحضره الجهال صعدتهم وامنتهم بيد الرجال راحو
ساعات كاعد على نار وكل شويه اخابر سمير ابو حسن
لحد. ماوصل اني ارتاحيت
تلكاهم ضافر صعدهم للطياره هناا امنت طلعت ؤجعت للبيت فارغ اخذت نفس فارغ وموحش المنطقه شبه فرغت
كانت المحافضه خطره والناس كلها طلعت تخاف من نزوح داعش الها اني هناا كعدت مااكدر اطلع واعوف كلشي الهم
.......... يتبع
احبكم فردن فرد
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!