بـيـن الـكــــاف والــنــون
الـواحـد والـسـبـعـون
سـجى الـطـائي🍃
وزادت آمالي بعشگنه
من شفت لَمعة عيونَك وارتباك العاشگين
اذا ما نتحاچه ساعة جان ياخذنه الحَنين
باقي بس كم كلمة منك
والامل ما يبقى عندي
وراح يتحول يَقين
چنت المحلَك و أگلَّك
" أنتَ من دون البَشَر كلش قَريب "
و أحلى شي بالدنيا كلها من تلَمح للحَبيب ..
ارغد
راجع من الدوام تغديت وصعدت للغرفه دخلت رغد واكفه تعلك بالملابس تقربت حضنتها من ضهرها جريتها عصرتها بحضني
ابتسمت ودارت عليه بادلتني الحضن افيش شكد حضنج حلو خشمي بركبتها اشم بيها تنكط عطر
زحت طرف الدشداشه من كتفها بستها كشت من شاربي
وخرتني " ضميتلك لقيمات"
عكت حاجبي شنو لقيمات"
اشرتله بيدي هاي هيج دوائر تتكله وونسوي مي حلو ونخلي فوكها "
ضحكت قصدج"عوامات"
كالت "شنو عوامات اسمها لقيمات"
كضيتها عضيتها بزندها عاطت ودفعتني ضرب بيه "جلب مجلوب"
فركت ايدها تباوعلي متوجعه واني اكزكز عليها ماعفتها رجعت كضيت ايدها الثانيه ماهديتها لحد. ما برد كلبي
وهي تعيط ودفع بيه عفتها ومشيت للجرباية مددت ضلت كاعده تفرك بيديها وعيونها مدمعه دردم "والله مجلوب"
رفعت حاجبي "منو المجلوب ولج"
باوعتلي "انت شوف ايدي سويت بيها"
ارغد "ويطبج طوب اسنوني تحكني"
رغد"واني شعلي اخخ يمه ايدي والله مااعوفها الك"
ارغد وشسوين تكصيهن "
وكفت شايطه اررررررغد شكد سخيف انت "
ارغد "لا والله شريف بس يمج اصير مصقط"
رغد "ماتستحي وكل ذرة خجل ماعدك"
رغد حجيت بنفعال وهذا بدون خجل ولا حياء
ارغد "نزعت الخجل من اول ليله بيناتنه غمزلي تذكرين مدد وايده جوه راسه مبتسم تعاي مشتاقلج"
ركضت جريت ايده جرني كلبني على الجربايه جف ايده باعد وجهي عنه واني اتصارع وياا اريد اعضه
اجر بي وهوه يدفع بوجهي مااتنازل وهوه يضحك ويصيح "خوش مربيج عدل"
يقصد مجلوبه واني افور ملخني وملخته من ماكدرت اعضه دفرته حيل تأذه صفن باوعلي هدئة حركته ثانية
لزم ايديه اثنينهن بايد وحده جر رجليه بين رجليه
طوقني ماكدرت اتحرك دنك على ركبتي عطت ماحسيت غير سنونه نبتن بالحم متت من الالم بجيت
وهوه ماهدني ترس ركبتي عض وانب اعيط وابجي
وخر يضحك عافني وكام طلع ساعه اني مكاني اتحسس مكان العض امسح بدموعي واتحلف بي اذا مااربطه واعضه واطلع دمه
ارغد عفتها تبجي ونزلت كعدت بالمطبخ الساعه اربعه العصر جريت تلفوني
حاولت اوصل الصاحب الصفحه كل معلومه عنه ماكو صفحته وهمية ماذاكر معلوماته
دخنت واني الرسائل اكلت راسي بيوم الدزلي صورة الكلاده نزلت الوالدتي شوفتها الصوره
فكت عيونها ارتباكه خلاني بشك شنو اليصير بحياتي احس نفسي عايش بوهم هذا شيريد صاحب الصفحه
ليش يدزلي كلام مو واضح شككني بروحي امي نكرة معرفتها بلكلاده
عدي صاحب ابو يشتغل بلاحجار شوفته صورة الكلاده من جها نقش الكلام ماشوفته صورة الجهه الثانيه بيها مواليدي واسمي
كال الولد هاي حجر عباس اباد والكلام المكتوب سورة قرأنية للتحصين
خلصت الجكاره نفتح باب المطبخ دخل تميم شافني رفع ايده سلام
كتله وعليكم السلام انتبهت بيده ملابس وزي عسكري
استغربت رفعت راسي عليه "هاي شنو"
كال بدله
خلاها بجيسها على الاوڤن فتح الفريزر جر دولكة ماي يشرب خلص
كتله"اعرف بدله شسوي بيها"
تميم "اكلها يعني شسوي بيها غير البسها"
ارغد عكدت حواجبي "اطوعت موو"
ماجاوب راح للطباخ خله القوري على الطباخ شغل النار كتله "تميم شنو اطوعت"
التفتلي "اي"
ارغد " هاي شوكت "
تميم "قبل سبوعين سجلت اسمي"
ارغد"منو يدري"
تميم "محد يدري"
يحجي برود جر كلاس نضيف حط شكر وخلا على الكاونتر منتضر الجاي يحمه طلع جكاره ورثها من عين الطباخ
شربها كتله " مااكلت الامي "
تميم "على شنو اكللها من التحق تعرف"
ارغد " شعجب مالتحقت لان الاعرفه همه بساعتها ياخذوكم"
تميم" جهزت بدله ومنتضر جماعتي نلتحق سوه "
ارغد "تميم امي اذا عرفت ماتخليك من هسه قنعها"
تميم "مو طفل اني وماتخليني هي سبوع وتقنع"
يابروده صب جاي وكعد مقابيلي يشرب "والمحل"
"بيد تمام والصانع"
نرفزني جواباته المختصره" بابا انت شنو هذا برودك اكو واحد يطوع ومحد يدري بي ابويا امي شنو موقعهم"
رفع نضره يباوعلي برود كال" واجبي ارغد وبلدي محتاجني اكابل النسوان واكعد هاي الزلم والله امي
وابويا ماقبلين زلمه جيس حب"
ارغد"مهما يكون انطيهم خبر لا تخليهم يتفاجئون بروحتك"
تميم " مااريد اوكف بوجه امي وتدر بيها تخرب وسوي روحها متخربطه وتموت نفسها مااريد اروح وهيه ماراضيها التحق وانتو كلولها شهر زمان وتقبل بلامر
الواقع "
ارغد"مااعرف شكلك "
تميم "اني مو خنيثه اكابل امي ارغد ابن ال١٥سنه احسن مني ينافسني يركض قبلي يطوع شبيها ناقصني ايد رجل لو خريه مابينه خير"
سكتت وهوه مصمم كال"اسامه بلوجبه القبلي "
فكيت عيوني "اسامه التحق"
شرب اخر رشفه وخله الكلاص على الميز" يومين صاره ملتحق مالحك يشوفك الصبح انت بلدوام "
ارغد"الله يحفظه "
تقرب يمي تميم خله ايده على جتفي " آلَبّـي زود يحمي وطنه البي غيره يحمي عرضه احنه بمحنه نسوانه جاي تسبه وتنباع مثل الاغنام انتهكو حرمت بلدك هل الاوغاد مااعوفلهم ارضي بالهين واكعد واخلي ايدي على خدي متاني الفرج
تخيل امك وخواتك بهذا الوضع تكعد وتسكت لو تروح تبيع دمك في سبيل تحافظ عليهن انت حليم وصاحب غيره واحسبها ياخويه
ارغد"اني مو ضد روحتك بالعكس لوما دوامي اني اول المتطوعين بس ياخويه خايف عليك وبنفس الوقت خايف على امي وهم فرحان الك "
تنهد تميم "ادعيلي ياخويه تره اخوك دمه حار وكلبه نار بس ربك يطفي ناره واشوف ناري تبرد بيهم من الزم سلاحي واكتلهم واخذ حقي وحق كل شهيد"
هزيت راسي عافني ودخل جوه تميم موجوع وكلبه لمأذي وطوع في سبيل ينسه عفته برغبته
يومين ولتحق تميم الفجر ومحد عرف بلتحاقه غيري كعدني الفجر من نومي
طلعت على دكت الباب شفته بالزي الفصله لايكه على ضخامته حضنته خايف عليه طبطب على كتفي وخر
تميم "اوصيك عينك على امي وابويا البيت بامانتك انت الهم من بعدي لا تقصر وياهم بمصرف واني هم خليت فلوس ين امي انت كللها تصرف بيهن"
ارغد حصرتني الدمعه "الله يحفظك خلي جهازك مفتوح نسمع اخبارك"
تميم"لا تخاف وطمن امي هسه اروح دوره تدريبيه عشر ايام مجرد يعلمونه على السلاح "
ارغد"انت تعرف للسلاح ليش يدربوك"
تميم " صح بس تعرف القتال يرادله قوه وتدريب هي مجرد ايام وننزل للقتال اوصيك باعلي خويه "
ارغد "لا يضل بالك روح وراسك بارد"
رجعت حضنته ونزلت وياا طلع واني اباوعله على الشارع اكو ولد مثله لابسين منتضري بسياره ركب وياهم
راحو تميم سبع مينخاف عليه بس اسامه الساق... مكلي ملتحق رجعت صعدت
رغد كعدت الصبح على طكطت ارغد نزلت قبله حضرتله الريوك سويت جاي خدرت نزل
مبدل واني احضر يالصينيه كملت خليتها كدامه اخذ لكمه وجر الكلاص شربه بكمعتين
كتله"على كيفك ارغد. يحرك السانك"
مارد عليه كال"امي اذا سالتج على تميم كليلها يم جماعته لا تنطيها خبر عن التحاقه "
هزيت راسي خله وطلع حتى ماخلاني اساله ولا تريك حسيت التحاق تميم سبب ضوجته بلاخص تميم سمعت قبل شهرين راد يلتحق بس مااعرف شنو الاخره
بلاخص اسامه من سجل اسمه وطوع امه يوميه تجي هنا دك وتلطم عليه وامها سكت بيها ودكلها بس ينزل اخلي تميم يكسر ضهره ويكعده
خالتي ماتدري تميم هوه المشجعه ومسجلين سوه حتى البدله من تميم خيطها اله على حسابه
للعصر خالتي ماعدها خبر سالت عنه الضهر وكتلها الكاله ارغد من رجع من الدوام تغده ونام
كعد العصر كضته خالتي وهوه كاعد يشرب جاي بالهول وكلها ملتمه ودنيه حاره ستوني ماسحه الكاشي
خالتي "اخوك شنو سالفته اول تالي يبات بيت احد هوه عدوه ولا دكله بات بغير بيت"
ارغد" عوفي خلصانين من دوخته وصياحه مو زين البيت سنطه "
خالتي"ليش يمه هوه غير حسه مالي البيت عليه دخابره خل احاجي شويه ارزله خل يرد للبيت شعده زعلان علينه ورايح يم الناس "
ارغد" يمه شنو زغير هوه عوفي هسه كليلي دنه يمها جر كصيبتها من جوه الشيله شمها سوه افيشششش ياريحت الجنه يمه شني طزز بلعطور الفرنسيه اذا تلحك ريحتج
بيش سبحين مادكليلي يحجي وهوه عاقج وجها بس اليسمعه يكول صدك الريحه طيبه
خالتي "دفعته امشي تقلط ولك لان اسبح بصابون ركي احسن من هاي شامبواتكم الجايفه"
ارغد"يمه هسه صارت شابواتنه جايفه بس ريحت صابونج طيبه يمه بس كليلي ابويا شون صابر يمج ينام
وانتي ريحت الحنه تارسه الغرفه وريحت صابونج الركي يمكن معشعشه بالمخيخ"
خالتي " شبيها صابونتي غير ريحتها ترد الروح احسن من هاي المواد التخلوها على راسكم مدرس شخالين بيها "
ارغد" على الاقل الريحه طيبه باوعلي كال ولج بس سبحين بصابونت امي ازينج صفر ولا انام على يحتها "
ضل ارغد يداهر بخالتي ونساها تميم لليل ماصبرة حلفتهم تميم وين لزمت ابراهيم وتمام وارغد
كالولها بلتحاقه لو البيت نكلب فاتحه ساعتين يقنعون بيها ويسكتوها خابره ارغد غالق جهازه
خابر على صاحبه منه حاجه تميم وانط التلفون الخالتي
هيه سمهت صوته ونزلت عليه رزايل وغلط وتميم ساكت لحد ماكملت كلها حجيه مقبوله منج هاي سمعتي صوتي وكلشي مابيه
كالته ويطبك حريشي تخليني عيمه وتروح ماكلت امي كلبها يضل عليه اخبرها اطمن كلبها "
كوه يجاوبها مبين من صوته تعبانه اخذه منها ارغد ختم ويا الكلام سلم عليه وسده
مشت الايام وخالتي اشوفها كلبها يم تميم رغم هي تبين عادي بس غيابه خلاها ساكته حتى ام وسن من تجي يمها مو مثل قبل مخليتني بالها
خف عليه الحمل ارتاحيت من بساميرها سعاد التحاق اسامه لهاها عن ارغد
لهسه اني بحيره من علاقة سعاد وارغد احسه ميرغبها وهي ماطيقه ودموعها تعير بي صح متحجي كدامه
بس ورا وكدامي
مااعرف شنو سر هاي العداو رغم اسامه وارغد علاقتهم كانو اخوه مو خال وابن الاخت
واكفه احمس بالحم الريحه من دخلن الخشمي حسيت روحي تطلع خليت الشال على خشمي احمس ومعدتي تكلب
طلعت روحي لحد ماكملت المرك كعدت اخذ نفس ماكدرت طلعت للطرمه من سحيت نفس احس الروح ردتلي نص ساعه اني واكف اخذ نفس
طبيت للهول البنات بلغرفه يصفطن بنيشان سناء اخذت ملابس خالتي وعمي الصبح لميتهن من الحبل شلتهن اطببهن بلغرفه غرفت خالتي بصف غرفت البنات
الباب مفتوح شويه طبيت لغرفت خالتي محد بيها عزلت هدومهم وخليتهن بمكانهن طلعت وسديت الباب وراي
ولا بيه حيل اصعد فوك فتت غسلت وجهي على المغسله جوه الدرج جريت الخاولي مسحته
درجت وجهي استوقفني صوت سندس عالي " بس يدري تميم يشنقج والله "
هدء الصوت كانو واحد سد حلكها رجعت وكفت يم الباب بسد الحايط سناء " محد يدري بس انتي سدي حلكج شمعرفه هوه "
سندس " تميم ذيب مانضم عليه شي شفتي شون عرف بروحتي لهل ضحى وكضني ملخني شوفي هاي اثار العوده شوفي لليوم ادعي عليه يموت ويجيبو ملفوف واخلص منهم ثنينهم "
سناء" وانتي هم حاسبه ارغد مثل تميم هذا فاهي حتى اذا عرف شيريد ايسوي غير يهرهط علينه ويسكت بس انتي لتحجين الضحى هاي فضيحه تفضحنه وتروح تحطهن بذان امها وتعرفين امها شون شعاره"
سندس " اني مااكول الاحد بس من هسه اكلج تميم اذا عرف بعملتج السوده مايسكت يذبحج وارغد هم لاتستهينين بي تره هوه يسكت لان امي توكف بعينه
وتعرفي شكد يحب امي لهذا هوه مايسوي شي بس لو امي تعوفه صدكي يزوعج العافيه وماتندليها"
سناء " هههههههه منو منو يزوعني العافيه خليني ساكته غير لو يعرف اخخخخ لو الي سلطه وامي وتميم يسكتون اله اهجهجه بليله ضلمه هل...... "
حجت حجايه ماستوعبتها
سندس " المهم جفينه شره وشر تميم تره عده ارغد ويه النفس اذا حجينه كدامه يمحينه من الوجود اني مابيه حيل اتحمل بعد ضرب اموت "
سناء" بس خل ازوج نذر عليه اطكها بوجها صدك وكتها اعتبره يوم عرسي واهز للصبح"
ضليت فاكه حلكي كميت الحقد والكره مايوصف درت اريدواصعد صارة بوجهي ضحى باوعتلي بستهزاء واكفه منتضرتني
ماهتميت صعدت الغرفتي قفلت الباب خاله ايدي على راسي ليش هذا الكره والحقد شمسويلهم ارغد وهيج كارهاته
ليش كل البيت محاربه بس امه وابو وتميم يحبوو عايشه وياهم الي سنتين والله يموت عليهم يبديهم
على نفسه شايل نص البيت مسواك وحتياجات البيت حتى من يردن يطلعن للسوك يودن خالتي تاخذ منه والله مايكول شي بلعكس يشيل وينطي
غير اذا طبيب خالتي عليه اذا وكع ابو يركض بي اخوانه من يحتاجون يداينون منه ومايرجعوله ومايطالب بدينه
تخبلت ربي شهل نفسيات الاهي ليش الكره ودهن يذبحنه والله لو بيدهن يكتلنه خلاص ويخلصن منه
ساعات اني صافنه والافكار تاخذني اريد سبب واحد مقنع التعاملهن ويااا مالكيت
ميغزر بعينهن حسناته ميغزر بتينهن اليسوي وياهن تميم شكد قاسي وياهن واذا شاف غلط من وحده يكضيها من الكتل لحد مايخليها توب
سناء وسندس موراحه ولهذا هوه كم مره بمره تميم يلزمنن مااعرف شون وهنه شكد حذرات منه بس يصيدهن من يطلعن بحجة لبيت سعاد لو للسوك
وهنه يرحن يسون اعمال يلكفهن ويجيبهن انكتلن مرتين وصلن الموت يله عافن هذا الطريق
لو شندس من طلعت وين حبيبها هم مااعرف منو كايله طبلها للغرفه مانسمع بس العياط وغيرها من الامور اخجل احجيهن وافصح بفضايحهن
وكل هذا اليسوي بيهن تميم ماكرهنه بكد كرهن الارغد
من التفكير لعبت نفسي ركض للحمام روحي طلعت يله تقيأت رجعت روحي نسحنت
تعبت من التفكير مددت اريد ارتاح نمت محاسه بروحي
دقايق غفيت حسيت بدفعت الباب قوي من قوة الصوت فتحت عيوني طفرت فاكه عيوني
سناء طبت وقفلت الباب بيدها سجين
ريحانه
بعد الحوار الدار بيني وبين امي ضلت كاعده تحقق وياي ماعفتني
امي " ريحانه ان جانج اجذبين عليه يمه احنه اهلج اليجور عليج يجور علينه سولفيلي حبيبه لا ضلين
خايفه وضمين
ماكلج ورجينه على اسرار بيتج وعيالج بس اكو امور اكبر من ضلين ساكته عنه "
دنكت "شريد احجي يمه القهر البداخلي خلاني ضعيفه استسلمت ماعدي قوه بعد اسكت اريد احد يرشدني يدليني شنو الصح وشنو الخطأ
عشت سنه كامله بدوامتها عشت بصراع روحي ونفسي
كرهت حياتي وصلت للقنوط والاجهاد بحقي وبحق ربي
ماكنت مصوره اوصل لهذا الحد من التعب الروحي عمري ماتمنيت الموت حالين احس بضايع منو اني وشنو حياتي شنو دوري بيت اهلي وبيت عيالي
ماحس نفسي انسانه وعايشه والي كياني مااحس بشعور الراحه ولا الستقرار ماخلفت ربي اولاً ولا خالفت اهلي
كضيت عمري مطيعه الرغباتهم وفضلتهم على نفسي في سبيل ارضائهم
دموعي نزلن الشعور الاحسه مااتمنا للكافر مقهوره وضايعه تلكبت البداخلي نثرته امام امي وكل العشته
والمريت بي حجيته الها ردتها شاركني جروحي تسهلي الطريق
احجي وابجي كمت اناشغ واني اذكر كل ذكره من السيد ومعاملته الي والخوف العايشته وصلت النقطه نسيت وعدي ونسيت حلفاني للسيد احفظ سره وماابوح بي الأي شخص
غلطت وتندمت وعضيت اصابيعي ندم مااعرف الحجي راح يعيشني اضعاف هذا العذاب
امي تسمحني وتبجي وكل شويه تعيد عليه نفس السؤال ممصدكه لحد الان اني بعدني بنيه
وراها صاحت الابويه وسولفتله عن وضعي
والدي من سمع ضل يستغفر لا اله الا الله لا حول الله شنو ذنبه هذا الشاب
عافني والدي وامي تلومني لان ماسولفتلها من البدايه
سكتت شكللها مااريد اجرحها محد بيهم خابره وكله خل تجينه من زوجت وهاي الي سنه اني ستوني طبيت
بيت اهلي
جنت حاسه اني حمل عليه من ازوجت تخلصو من هذا الحمل
بعدني امسح بعيوني وامي تهدء بيه وهي هم شبعت بجي على حالي
دخل ابن رضا ورا تكتم
سكتت ضلت تباوعلنه مستغربه كالت"خاله خير عليمن تبجن "
امي "لا يمه ماكو شي رضا خابرج شوكت يجي"
تكتم كعدت مامقتنعه "اي قبل ساعه خابر يسلم عليكم وراد من عمو يدزله فلوس بيد صديقه صادق راح يمر باجر "
امي هزت راسها " كليله يمر بيت جده مو هم مايروح وبيبتج وجدج يخابروني يعاتبون يشوفو الولد بلنجف هي خطوتين يحرك روحه يشوفهم ويرد"
تكتم"خاله شبيكم ريحانه ليش هيج باجيه عيونج رايحات من البجي شبي السيد مو زين وياج لو هوه بي شي"
كتلها " لا السيد حباب مامسويلي شي بس اني شويه تعبانه "
تكتم من نوع ماتسكت لازم تعرف كعدت تتحايل واني مو يمها ومااشوف تصرفاتها صح الا بعد فوات الاوان
عفتها وطلعت للصاله بمجلس ابويا توضيت ولزمت القران كعدت احفظ اريد اخفف عن نفسي الضيق العدي
كملت صفحه من الحفظ سديته المصحف لزمت السبحه
لكشف الهم والضيق عن الامام علي اردد هذا الدعاء ٦٨ مره
" يا حي يا قيوم ، يا حيا لا يموت ، يا حي لا اله الا انت ،
كاشف الهم مجيب دعوة المضطرين ، اسألك بأن لك الحمد ،
لا اله الا انت المنان ، بديع السماوات والارض ،
ذو الجلال والاكرام ، رحمان الدنيا والآخرة ورحيمهما ،
رب ارحمني رحمة تغنيني بها عن رحمة من سواك ،
يا ارحم الراحمين".
كضيت اليوم بين التسبيحات والادعيه حسيت طاقتي رعتلي روحي هدئة بين صلاتي ودعائي
صار اذان المغرب صليت كملت كعدت بين الشهاده والتسليم اذكرة ورد ايردده جدي من جنه زغار
لمن صار السقوط وكان خالي من ضمن المحكومين
يردده وبلفعل بعد السقوط خالي لكوه باحد سجون صدام عايش بس محكوم عليه بالعدام
رددت ١٠٠ هذا الايه من سورة يوسف
بسم الله الرحمن الرحيم
ولما دخلوا من حيث امرهم ابوهم ماكان يغني عنهم من الله من شيء الا حاجة في نفس يعقوب قضاها وانه لذو علم لما علمناه ولكن اكثر الناس لا يعلمون
صدق الله العلي العظيم
بعد الصلا كمت اريد اطلع والدي طب وسد الباب كعد
كال "كعدي بابل اريد اسولف وياج"
كعدت مقابيله مدنكه رغم حبي اله بس بعدني اخجل منه دنك يفر بلسبحه ياخذ نفس ويزفرع يرد يستغفر كانو عده هم اول ماكال "بنتي رب العالمين بيمن اختبر سيدنه يعقوب"
كتله "بالصبر"
كال"اذا إن الإنسان كلما ترقى في الإيمان درجة ازدادت توقعات رب العالمين منه وهذه قاعدة، وإن الله سبحانه قد لا يتجاوز عن خطيئة المؤمن في بعض الحالات رغم صغرها، وكماإنَّ حسنات الأبرار هي سيئات المقربين
فاهمه هذا الدرس ومسولفه سابقاً الج اكثر الامثال عن الصبر هي قصة نبينه ايوب ابتلاه الله تعالى بأشد أنواع الابتلاءات في الصحة والأبناء وغيرها من الابتلاءات
منها فقدان الابناء وضعف الجسم وفقدان رغد العيش
وتعرفين تفاصيل القصه وكم من ابتلاء عظيم
وصل لحد تساقط جلده لسنوات طويله عاش هذا الابتلاء
بنتي مااريد اطول الحديث واني اعرفج عاقله وحكيمه المغزى من الكلام
اصبري على زوجج وسندي عيشي وياا بالحلوه والمره
لابد من فرج المصيبتكم بعد كل ضيق فرج
الكلام الدار بينج وبين امج يضل بينكم بابا المره الله يرفع منزلتها من تكون حافظه لاسرار زوجها ومطيعه
وصاينه عرضه
ماا صيج بنتي والسيد انسان ملتزم وصاحب خلق ماالكه مثله
سكت وكف وكفت جرني حضني وباس راسي وطلع
اخذت نفس طلعت ورا لكيت تكتم واكفه سوي عشه رحت يمها اعاونها ابتسمت " صايره متتحاجين خيه شدعوه كل التزوج ترفع خشمها مثلج "
كلت"ليش ارفع خشمي ليش الزواج بي جائزه "
تكتم" مو اشوفج لا تجين لا تسيرين حتى مخابره متخابرين "
ريحانه" التهيت ويه السيد وتعرفين اصابته خطره واخذ العلاجه منه فتره طويله ومااكدر اعوفه واجيكم وهوه يحتاجني "
تكتم ابتسمت متودده " هيج يحبج وميكدر على فراكج الله يعني ريحانه سولفيلي شكد يحبج هم يضربج لو يصير عصبي عليج"
هزيت راسي "لا السيد ميضرب صح عصبي بس لان مريض من يطيب يصير زين"
تكتم "حقه هم هوه الله يساعده بعد عريس واجه يفقد حياته رضا يكول هواي يراجع دكاتره وحتى ليران راح وهسه بتركيا راح"
ريحانه " رجله تأذي اكو اطباء كالوله مطيب بس من راجع هناك يم عمه طبيب شاطر مسويله العمليه ورجعت زينه بس على الاعاج الفيزيائي صارة افضل"
تكتم تقربت يمي شبه الهمس كالت" اني منج اجلب بي ومااتركه هيج واحد جاه وجه ومايعيبه شي وفوكاها يعيشج احسن عيشه جان سافرتي وياا هم تكونين وياا تساعدي وهم تتونسين وشوفين تركيا"
اخذت نفس هاي يرادلها كلب كتلها " وياا ابن خالته وماجرين شقه وزغيره اتقيد وياهم "
هزت ايدها طلعت بالطماطه من الطاوه كالت" واذا الشقه زغيره انتي وياا بغرفه وابن خالته بلهول ورهميها "
دااجاوبها دك جهازي رسالهوعلى الفايبر اهلي مخلين نت
رساله من رقم غريب فتحتها السيد بعدني اريد اكتب اتصل جاوبته "الووو"
السيد"مشتاقلج "
سكتت تكتم تباوعلي وخرت منها فتت للصاله "شونك"
السيد"لو تهمج اخباري جان خابرتي وسالتي"
ريحانه خجلت من نفسي هم صدك اني ماا سالت عنه وناسيته بلواقع مو ناسيته بس استحي ابادر "تنهد على سكوتي احجي يابه لا سكتين مخابر اسمع صوتج لو سكتين"
ريحانه" اسفه ماخابرت عليك"
السيد "معذوره حبيبه ادري بيج تخجلين وشوفي اني البادرت لو مااعرف طبعج تلكين زعلان"
ريحانه " شوكت وصلت"
السيد "وصلت الضهر ارتاحيت ونمت وكعدت تغدينه بلاطعم كلت اخابر مرتي اشو لا حس ولا خبر"
منيلك نت
كال" اشتريت شريحه تركيه وفعلت عليها"
ضل يسال عني وعن اهلي حسيته مرتاح شويه وسديته منه
مشت الايام اني والسيد على تواصل اعرف اخباره الدكتور الراحو علموده مسافر سبوع ويرجع هوه وابن خالته استغلوها ضلو يفترون
ورايحين بلبحر وزايرين مدن تركيا ورايحين الانطاليا
وغيرها من مدن ارتاحيت الراحت السيد الاحسها بصوته
رجع مثل قبل شون يخجلني بلكلامه واشتياقه يجبرني افتح كامره وانزع الحجاب ياخذله صفنه وهوه يتمعن بيه ويعض بصبعه اخجل من تصرفاته
احسه يضوج من خجلي وبرودي واني احس روحي مااكدر اتعده هاي المرحله ويااا اخاف منه
اليوم خالتي اجت تشوفني هي وزينب كعدو بالهول ضيفتهم عصير وكيك مسويته
بين مارحت جددت المي سمعت صوت تكتم سلم عليهم هم خالتي ؤحبت بيها
زينب وكفت باوستها وكعدت تكتم يمها طبيت بيدي دولكت المي وكفت تكتم وجرت زينب وياها كومتها
تكتم كالت الخالتي " من رخصتكم خاله اخذ زينب يمي بلغرفه "
خالتي كالت" اخذيها يمه "
تكتم اخذت زينب وياها للغرفة طبن وسدن الباب
كعدت يم امي وخالتي كبالنه ضالن حوالي ساعتين وراحت خالتي رغم ماما شكد حاولت ويااها واني هم بس مارضت ضل
راحت خالتي مشت يعدها ايامي مثله القبلها ارتاحيت بجيتي لهلي رجعت الايامي قبل اهتميت بنفسي
رجع روتيني القديم اكعد قبل الاذان اصلي وابلش احفظ لل سبعه انام واكعد ب١٠ ابلش تنضيف وتعزيل ويه امي وتكتم
خابرني السيد بعد يومين يرجع حضرت نفسي ارجع اخذني والدي وصلت للبيت طبيت لكيت خالتي وعمتهم بالمطبخ
سلمت خالتي ماردت تبجي وعمتهم مقهوره
....... يتبع
love 💋
تابعوني على الانستا
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!