رواية بين الكاف و النون الفصل الحادي وأربعون 41 - بقلم saja altaie95

بين الكاف والنون

الثالث والاربعون

بقلم......  سجى الطائي

«لاتنسون التصويت ومتابعة الحساب تفاعلكم يهمني»

༺༺༺༺༺༺༻༻༻༻༻༻

ريحانه

الكل فاهم سكوتي ضعف شخصية خوف من ردود فعل والدي
تاركة الامور على ماهي علية كل شيء، مقدر ومكتوب عندي طمئنينة نفس وراضية بلمكتوب

عاهدة نفسي اكون عد حسن ضن ربي ومااغضبة بطرفة عين
طال سكوتي والدي كل ضنة افكر واني كل فكر ماعدي قانعة بقراري

داومت واماني عرفت كان رائيها ارفض اذا كنت مامرتاحة للوضع رجعت من الجامعة  دخلت تعبانة البيت هدوء ريحة الاكل طالعة للطرمة نزعت حذائي ودخلت فتحت الجدر دولمة اشتميت الريحة شبعت نفسي بيها سديت الجدر دخلت الغرفتي

نزعت العباية علكتها وفتحت الربطة علكتها بدلت وطلعت للهول ماكو صوت امي ماكو والدي يتاخر بلرجعة اعرف وقتة

مااعرف اكل وحدي ركضت صعت فوك اصبح تكتم الغسالة تشتغل مالتها والمي مفتوح اووو هاي تشتغل مديت راسي

شاده راسها بشال وتسولف وية روحها ضحكت التلفون خالتة بين اذانها والشال واكفة تكاسر بلمي سدتة بين صوتها

يمكن تحاجي امها " اليكتلج قهر خوينسة متحجي شي اوووي ماما متعوفيها شجلبتي بيها شوفي غيرها قلت النسوان

كتلج بالها وحيد ايييي شعبالج ضامتة جوة ابطها ايي مرتين طلبها ذاك اليوم اجة الرضا يريدها ذابح روحه ميتة على ابنج

يووم حاجي ليلزك بيها لعبها النفسي شوفيله صرفة هاي ميمضي بيها شي لا صخام ولا عزة الدار شايلة تحصين
مختوم نجمة وفسفورة الحر مايفكة

كاتل روحة كومة بنات صوم وصلا وجمال لو حظ
هذا ايييي يام لتاكلين راسي شعلية سويته مافاد ديلة

رتاج شلونها اي همزين وبيت جدو رحتيلهم خووش اليوم
بليل ماشي ماشي لا ماراح انسه

عفتها ونزلت عليمن تحجي مااعرف شنو الخلاني اخابر اماني اتصلت بيها ردة

نقلتلها الكلام السمعته تنهدت "مو كل واحد ضحك بوجهج وكلج احبج داخلة مثل وجها ولا كلامة مثل البكلبة البشر اصناف البيئة تعكس والتربية تبين

اكو اشخاص تعاشريهم  وتصبح بينكم معاشرة وتنبني صورتهم كدامج وتعرفين نواياهم مو بشكل كامل بس
مااخذة فكرة عنهم

وهذا يتبع تربيتج ريحانة انتي عشتي بيئة مغلقة وخوف والدج وحرصة عليج خلاج اعمة البصيرة امام هذا المجتمع
الثعالب مااخفي اكو مثل سجيتج واكو الاتعس واكو الألوت
بس تبقى انتي ودرايتج وتحكمج للامور

تكتم مااعرف شنو نواياها انتي احذري ولا كلشي تحجيلها وشوفي الله يبعد شرها

ريحانه"  يمكن شلت ذنبها متقصدني وعبالي علية امونة تكتم تموت علية وحتى من خطبني اخوها كالت كيفج اذا متردي ومتكدرين تصارحين عمو اني اكلة "

اماني " مع ذالك انتبهي لتغفلين وتتصرفين بطيب كلبج عايني لتصرفاتها اني عني تعرفين نضرتي عنها "

ريحانه " يلة ميخالف روحي ماما صيحني "

اماني " جيبلي ربطتج الجرجيت البيجي باجر "

ريحانه" اوووو  اريد البسها بدالها الماروني حلوة عليج ماشي"

اماني " ميخالف كتابج حادي الأرواح إلى بلاد الأفراح تردي طلبتة طالبة "

ريحانة نترت بيها بضوجة" ابني المن انطيتي  اجيج للبيت اشلع شعفتج اذا صار علية شي "

اماني " ههههههه جهالج خالتهم بكلبي ومغطيتهم ودافين "

ريحانه سديته من اماني طلعت الماما واكفة تخلط بلعصير ليمون وشكر

اسماء" ريحونه ماما مافكرتي خالتج يومية تخابر وتريد مني جواب "

عضيت شفتي كملت " شبي مسلم خوش ولد وشوفين خالتج متمسكة بيج وتريدج  تعالي كملي بدالي تقدمت اخذت منها الخاشوكة كمت اخوط بلدولكة

كعدت على الكرسي امي رغم مو كبيرة بلعمر بس التعب ماخذها  يومية مرض شكل تنهدت بتعب ردت كالت
"اني فرحانتلج لان اختي مو الغريب صيرين ونعرف بيت
خالتج مراح ايأذوج  الولد فقيرة وماعدة زايدة ناقصة
يروح بدربة مو صاحب مشاكل

يكفي اخوج يعرفة ونضرة الولد مو مثلي ومثلج يعرفون
بعض ولو بي شي مايكيف علي ماما حبيبتي فكري زين
ولا تخسربن هاي القسمة

صح بعدج زغيرة والعمر كدامج بس الفرصة تمر مرور السحاب ولا ضيعين خالتج من بين ايديج

مانطقت حرف داخلي رافض وعقلي يكلي اقبلي رغم مشاعري وحده هاجز الخوف بية

صفنت بذاك الزمن بيوم كاعدة بين بابا وماما وبيت جدو كلهم موجودين لمة عائلية اول نوبات تجيني حالة تزورني
واني بكامل وعيي بعد حادثة جدي وشوفتي للملك

تكررت عدي الرؤية بيومها بابا بصفي درت وجهي على جهة الصالة بابها مفتوح وبابها الخارجي مسدود لحضة انفتح
عيوني تبحلقن بذاك الشخص فزيت من مكاني

ريكي يبس واني اشوف والدي واكف لازم يدة الباب التفتت على جانب بابا كاعد كلبي من الخوف وكف ضلت عيني علية ابتسم ابتسامة اطمأنان

بلعت ريكي هزيت ايد والدي اشرتلة صوتي راح اريد انطق مااكدر ضليت ادفع بيده  لزمني يهديني انخنست من هول الموقف عيوني مفتوحات على وسعهن

لحضة سبحان اللة هدىة وسكنت جدي خلة ايده هلى راسي يقره وينفخ  

ماتنسه ذيج الايام يومين عدن والدي دز علية يسمع جوابي
هلمرة كدرة انطق ورفضت تحت سكون والدي وهدوءه

كال هاي هية بابا مااجبرج كمت طلعت تكتم ورضا بلهول كاعدين

رضا كال "هاا ام الرور تعالي يمي رحت يمة جرني جوه جتفة لزم وجهي عصر خدودي ولج خدود لو طشت لحم

اخخخخ وجعتني رضا عفية وخرت ايده كرصني حيل عطت شتاكلين تفاح ياااااام هاي بتج شتنطيها رجع عصر خي احسه نشال من وجهي

" هسة لو اشبع روحي راشديات مااصير هيج احمر باااع خرب شلون وجه حلوووو بت الحلوه "

تكتم جرتة " عوفها خربت وجها "

ضحك " اختي لج وخري فرصتي استفرد بيها قبل دخولها الجحر حواء "

انزعجو من شقاا"اوووو وخررر عفية رضا وجهي راح حباب بس عوفني "

ضل يلاشي خربني ضحك ونوب جر تكتم وهي وبطنها كامت تصرخ منا بطنها ماتت جوه ايده بعدين حضنها خربان ضحك

ركضت لغرفتي طلعت ملازمي كعدت اقرة ساعة ودخلت امي
لابسة جادرها ماما حبيبتي اختمي  سورة يس واهدي ثوابه الجدج

هزيت راسي طلعت ورجعت اكمل دراسة

داومت ثاني يوم وياياماني دخلت الكليتها واني رحت الكليتي بداية كل صباح اجواء الجامعة مكتضة بلطلاب
بين تلك المجاميع هناك عينان تنضرالي  بنضرات غريبة

نصيت راسي وكملت مشيتي ندستني زميلتي وياي فاتت
التفتلها اساور ابتسمت جرت ايدي خلت بيها ورقة ومشت  كدامي دخلت للقاعة وراها فتت كعدت بستولي

اساور بنية ملتزمة احبها لان هادئة رغم مايجمعنة اي حديث ضميت الورقة كملت يومي تحت انضارة استغربت تصرفة

كونه صديق رضا وتلميذ والدي كملت ايامي بهذا الروتين
واكفة ارتب بملابسي  ننزني دخلت تكتم

نزلت الجبة من ايدي كالت " بدلي وتعالي قدمي مي  "
باوعتلي رافعه حاجبها وسدت الباب

استغربت شبيها عفت الملابس  طلعت شعري ضافرتة وبوكتها كاصة كذلة جوة عيني تنزل شامرتها صفح

طلعت الهول متروس نسوان فكيت عيوني ام تميم ونسوان مااعرفهن عرفت بس جيرانة ام كرم الولد جان ويانة بلمدرسة اصغر مني بكم سنة

رحت لتكتم جرتني كزت على اسنونها باوعتلي بنضره لو تترجم  يمكن تقتلني  " بدلي هيج طالعة وجهج الاصفر شوفي حالج معيدية امشي غيري ملابسج "

باوعت النفسي مابيه شي دشداشتي وشعري مرتب " شبية تكتم ترة دشداشتي الضهر سبحت ولبستها "

هزت ايداها " شعلية اني امج كالت تبدل وتجي وانتي طلعتي بهذا حالج "

مارديت عليها ضليت على ملابسي وية طبتي ام تميم باوعتلي وعيونها بيهن حزن ابتسمت بقهر ام كرم تسولف وية ماما

رجعت للمطبخ اخذت الجاي قدمته وراي تكتم كوة تتحرك شايلة صينية الكعك قدمتة

كعدت على صفحة مقابيلهن بين كلامهم ندؤت ماما تكتم اشرتلي كومي

طلعت كعدت بغرفتي ساعة وطلعو

بلشت اقرة كملت من وكت اخذت القران بلشت احفظ
بنات شعبتي يستغربون من يعىفون اني حافضة اكثر من 18 جزءمن القران

اكثر سؤال يتردد شلون كدرتي تحفظي ماتنسين  اول جواب اجاوبة القرأن يقوي الذاكرة

مثل وصف الزبيب لتقوية الذاكرة والحفظ كلام اللة اضعاف مضاعفة ينطي قوة الذاكرة وهذا يسهل عملية الحفظ

اول بداياتي بحفظة كان والدي يصورلي الايات عبارة عن قصص مروات  في الكتاب المقدس وهذه النقطة

طريقة الحفظ نقسم الحزب الى اجزاء
الثمن هو نصف الربع هو وجه ورقة المصحف تقريباً
النصف هو اربعة اثمان يعني اربع صفحات
الحزب هو ثمانية اثمان  يعني ثماني صفحات

عدت الايام واني بين نارين ام تميم شنو جيتها النه وامي والدي مغلسين عن الزيارة مافهمت شنو سبب جيتهم وتكتم مامطيتني وجه بديت اخاف ومااكدر اسأل

حياتي اهدء حياة بين البنات اسمع اشكال الوان عن مشاكل الاهل وية بناتهم اصفن احنه اشو بيتنة سكون

شكد بابا متحفظ بس مامرة شفتة عصب على ماما وعلى صوته عليها او مد ايده ورضا ماخذ هاي الصفة

رغم صير مشاكل بس تنحل ودين اكول ليش هاي الناس مو مثلنة احتمال احنة نختلف لو عايشين بغير كوكب

وابسط مثال اماني واليمرون بي الحياة سهله بس احته النصعبها ماما عدها حجاية دائماً اسمعها منها الخير فيما اختاره الله

مااعيش الباجر اعيش اليوم واسير اليوم لحد نهايتة وماافكر باجر شيجي كلشي اله مدبر والله خير مدبر

وية شرودي اخذني الحنين لحضة عصرني كلبي ودك بقوة هيج راح اضل اول مرة هيج احساس يوجعني

منين طلعلي تميم وخربطلي كياني

صحاني صوت امي ودهلتها الغرفتي رفعت راسي اجتي كعدت بصفي  ابتسمت مدت ايدها وخرت شعري من خدي

هزت راسها بتفكير "اجة اليوم الي اشوف النسوان يدخلن بيتي ويطلبنج مني ابسرعة كبرتي والايام تركض بينة وشفت هذا اليوم كبرت بنيتي وشمعت بيتي ونوره

ابتسمت ودنكت جرت حسرة"  مااريد انطيج كلبي مينطيني مااشبعت منج ولا من هدوئج شون الي عين بعد مااشوفج ولا اسمع صوتج بلبيت "

هيج مواقف يربط الساني مااعرف شنو اعبر وانطي الكلام واصوغ الجمل اكتفي بلسكوت عقدتي من الصغر

اخذتني الحضنها حسيتها بجت استهضمت امي يجز لساني اوصفها مثل باقي الامهات عاملتني بهتمام
تعبت بصغري وعقدتي من الاطفال عانت هواي

كانت ماتطلع ولا شوف الناس بسببي ماتتركني وحدي
وحتى ماتسبب النفسها احراج  اخخخ ياذيج الايام

ماانسة يوم المشؤم واعتدائه علية لهسة جسمي يرجف من اذكر دخلت بحالة خوف صعبة تعقدت توحدة صرت اكره كل الاطفال شو رجال جبير من اشوفة افزع واركض

الخوف ياكلني على لحضة يوكف كلبي تعرضت هواي لاغماء بسبب شدة الخوف

همست بود" ماما تدرين ثنين من منطقتنة طلبوج
لا تخجلين حبيبتي هاي سنة الحياة والبت مثل السجة
مال القطار بعد انت بعمر الناس شوفج وتطلبج

شنو رائيج بنتي انت بعمر يطلح تكونين عائلة وتكونين مسؤلة عن بيت وزوج واحتمال اطفال "

ضليت مدنكه شو رفعيلي راسج انت مواعدتني مضمين علية كليلي رائيج شنو بيت خالتج لهسة الهم أمل ترضين

وبيت السيد منتضرين جواب واني جيتي الج دزني والدج ميريد يضلمج ويرفض بدون مياخذ شورج

بيت ام ابراهيم ابوج مامقطنع رفضهم مباشرتاً
بس ذاك اليوم من اجة السيد وبيت خالتج هم حاجو

استغربت جابت طاري سيد ياسيد تقصد ضليت صافنه عليها

ابوج كال انطيها خبر اني اجيتج اخلي كدامج جميع الخيارات ابن خالتج تعرفي ميحتاج اسولفلج عنهم

والسيد ابوج كلش حابه ومقتنع بي القسمتين زينات
والرجال ميتعيب مسلم جنه نمرشته والسيد هم
شكلة مقبول ومتمسك بيج من خلال حجي امه واختة

كلش راغباتج وهوة الضاهر متابعج وشاف اخلاقج وهل جاب اهله اهم شي اجو منه الواد مو من النسوان

اصكصكت من عرفت قصدها عليمن يعني شنو تقدملي وهو شاف تميم اكثر من مرة  يجوز السمعتة غلط

يجوز امي متوهمه مااكدرة انطق بحرف ضليت على كعدتي بعد ماطلعت امي

خفت كلبي نعصر حسيت بضيق ماتوقعتة يطلبني مكان نضرتة توحي باعجاب

عشت برعب من القادم الايام تمشي واني مثل واحد ينتضر يوم اعدامة احساسي مخيف تكتم حرب نفسي محاربتني ماتحجي وياي

سبوع مر واني الخوف ياكل بية حتى شهيتي انقطعت مجرد اداوم وارجع حتى الحفظ تركتة احس روحي نقبضت اني احساسي ميخيب

سبوعين والهدوء مرعب بلنسبة الي بعد ماكان ملاذي
اذا خيروني شنو ممكن اسوي اي ارفض ليش هيج مكبرتها

قنعت نفسي بهل جملة لحد. ماا دز علية والدي وكفت باب الغرفة كوة اسحب النفس عدي رهبه من اتخاذ القرارات بحضور اهلي احس نفسي مربطة اخاف انكشف

اخاف يقرون سبب الرفض بملامحي  طلعت لاكتني تكتم بيدها ماعون الكبة نضرتلي بطرف عينها " عود التاخذي احسن من اخوية  لو الحب عمه عيونج استاذة ريحانه اخاف نكلج ريحانة بدون استاذة وترحين تشتكين يم اخوج الشفية "

فتحت عيوني على ردها " شكو مستغربة اوووي الفقاره تخرخر منج تود انتي بريئة ياما تحت السواهي دواهي بريئة اليشوفج يدخل على جدج محمد وانتي من جوة الجوة

تقربت ضربت على جتفي همزين اخوية ماتورط بيج وانتي غاشة الناس بوجهج البريئ "  عافتني ودخلت للمطبخ دقيقة اني ماارمش منطتني مجال للرد من الصدمة ماادري عليمن طلعت ضليت متفاجئة بلسانها  يتني كلام اماني صحيح من حذرتني

عفتها ودخلت والدي كاعد ابتسم الشوفتي نصيت ميتة رعب اشوف امي بصفة كبالهم صينيت الستكاين مبينين شاربين جاي

اشرلي "تعال هنا يقصد بصفة طعدت مقابيلة عيونة علية فر خرزات السبحة امي"  ماما ابوج يريد جوابج "

والدي" بنتي امج انطتج خبر ابتسم والتفت الامي صدكين رياحين تزوج وصير ام بنضري لهسة بعدها طفلة

امي " صدك ابو رضا زغيرونتنه كبرة وصارو يخطبوها هههههه يوم الزفج بيدي "

والدي " الف الحمدوالشكر بنيتي الولد ميتعيبون خَلقاً وخُلقاً  اخوج وكلفت جماعة اطقسو علية وعلى اخلاقة وسمعتة بلبيت وخارج البيت مااجاني عنه الا كل خير

انطيتج زقت كافي والناس ينتضرون نردلهم الخبر بابا انت مؤمنة  بقول الرسول عليه افضل السلام (إذا أتاكم من تَرضَون دِينَه وخُلُقَه فأنكِحوه إن لا تفعلُوه تكن فتنةٌ في الأرضِ وفسادٌ كبيرٌ  ... إذا جاءكُم مَن تَرضَون دينَه وخُلُقَه فأنكِحوهُ).

يابنتي انتي بسن يسمح للزواج وتكوين اسره جميلة مهيئه فكرياً وجسدين للزواج تدركين اريدلج الخير
وماااضمن نفسي يمتة اسلمها أمنج

بابا الزواج من ضروريات الحياة الانسانية فالبركة تعم البيت المؤمن اذا دخلت الزوجة فيه : قال رسول الله ( ص)  ما يمنع المؤمن أن يتخذ أهلا لعل الله أن يرزقه نسمة تثقل الارض بلا إله إلا الله.

انت مدركه لشروط الزواج و حقائق اتمامه هسة بنتي اريد جوابج السيد ونعم الانسان متدين بار بوالديه

انسان خلوق رزن كل صفات الحميدة تجلل بشخصيتة
وخير دليل تسجيلة بلحوزة وطيل فترة الدراسة كان طالب مجتهد ورع واتقن الاحكام واخذ الشهادة

ببركة اجتهادة وكان خلوق يعجز السان على وصفه

ربط لساني عجزت افسر دكات كلبي حسيت وجهي ينطي الوان والدي مناضر ردي لحضة اختنكت كمت اتنفس من حلكي عيوني طاحت على امي

نضراتها اتجاهي كانت ملامحها طبيعية لحد مااشافت ارتباكي وتوتري اريد اتنفس اريد هوة

جمدت بمكاني اخاف انطق اخاف ارفض وانفظح بابا رفع عينة الي بعد ماكان مركز بسبحتة يفر بخرزاتها

ابتسم على ارتباكي بينت سنونه حاجة امي ام رضا اخذيها راح تموت بابا يمتة تبطلين هذا الخوف بعد كبرتي لازم تتجاوزين هذا الهاجز وتتعايشين لوما بلجامعة ماتعودتي تتجاوبين وتواجهين مواقف التتعرضيلها

نصيت كمت طلعت ركضت دخلت الغرفتي بيومها مااعدي غير الدموع لزمت سجادتي فرغت بداخلها كل
خوفي استنجدت بربي وامامي وصي الاوصياء امام البر المحجلين الي وياا مواقف ماتنسي اعرف بحالي

امي اجت شافتني اصلي بعد ساعة من طلعتي منهم تهربت منها ضليت اطول بسجودي عافتني

خلصت لميت السجادة ومددت على جرباية يمتنة اصير ثوية واجاوب طولت يلة كدرت انام

يومين مرن واني اتهرب من امي تحججت بدراستي عافتني ماضغطت علية كضيت ملازمي واخذتهن للمطبخ
كعدت اقرة

عصريا تكتم بلطبيب اخذها رضا وباب بلصالة وماما كاعدة مسافة عني ضليت اقرة ساعتين لجد ماختمت المادة

كمت اخذت دولكة مي اشرب ندك الباب

امي "يمكن اخوج وزوجتة طلعي يمة فتحيلهم الباب"

اجيت اطلع نبهتني امي " حجابج يمة وين طالعة هيج ليشوفج اخوج وتدرين بي هذا بسرعة يكمز "

صدك ذكرتيني مرات انسة 

امي "ديلة لبسي وطلعي شوفي استعجلي شمفهاج"

اندك الباب حيل ركضت صرت قريبة صحت منو بصوت ينسمع اجاني صوت رجال خشن  "ابو رضا موجود عمي"

بدون مااجاوب ركضت للمطبخ دخلت "ماما ماما هذا رجال بلباب رايد بابا

"  شبيج ياامي فديوم يوكف كلبج شبيج تخافين شكو اكلج دروحي كولي لبوج "

دخلت كلت البابا ورجعت للمطبخ  سديت الباب طلع بابا فتح الباب دقايق واصوات زلم ياالله ياالله وكفت قريب الشباك باوعت من بين الفتحات

خطف كلبي بدخلته

ارغد

حالة سيف والمر بي هد حيلة ايام  هوه يدور ماغفتلة عين ولا  رتاحلة بال شكد الله منطي صبر وقوة يسند بيها نفسة

قبل ميلكوها بيوم اضطريت ارجع رغد تتنحس مماخذه راحتها اخذتها ورجعت تميم راح يوم ورجع ميكدر يعوف محلة وضرفهم صعب وصعب غير عاىلتهم تتفرج

ليت على تواصل بعد مالكوها حسيت براحه لخاطر سيف يهداله بال سيف شبع ماشفت بسباعيتة شلون فر الجنود فر بيوم الاجو مامسوين شي عاطلة بيهم السيارة

اخذ تكسي وراح وياهم اعصابة مشدودة مااعرف شلون قاوم ذيج الايام وهوة عايش على المي والجكاير نوم

رجعت الدوامي وشغلي

كاعد وبمأن الله وملازمي الفوك راسي وساعة واطلع للمطعم اجت الخانم تتبختر علاقتي بيها اشبه بحلبة مصارعة لااني الاستوعب دلالها ودلعها ولا هي تفهم تصرفاتها الطفولية وتمتنع عنها

كعدت مسافه تتأفأف وجها طفولي وعيونها وبشرتها بارزات حلكها زغير وبي نفخه خشمها زغير عيونها مو كبار بس حلوات

لازم ملزمة بايد وايد ادخن كبالي الصوبة ماد رجلية
وبصفي صينية الجاي والكوب يعدلي ميزانية دماغي

اباوعلها من جوه الجوه تحوس جريت باكيتي ورثت جكارتي نفخت نترت بنزعاج خنكتنه ارغد عفية بيت مو كهوه

وجععع شبيج

مدت براطمها ضايجة

هزيت ايدي بطرانة اني ديني كامز وهاي ضايجة

" عفية حبوبي طلعني 

وخرت الجكارة من حلكي مفارغلج

حتى لو هنانه لراس الشارع ورجعني زين هيانة بلمنطقة مااتعبك حبوبي ارغد انت احسن واحد بحياتي شدكول ها

ماعدي وكت رجعت اقره

سوت حركة طفولية " اف اف هاي شنو سجن لا دوام ولا صديقات لا طلعة لا سندباد موعيشة "

رفعت راسي شسويلج

وداعت ماما ضايجة

لعبي بخشمج شسويلج

باوعتلي بطرف عينها مسوي واهس خبيث

خزرتها شكلتي

دارت وجها

صحت هاي المرة كلتيها مرت الاخ اورم حلكج منطيج مجال اكول خطية مومعناها تجاوزين خليج بحترامج احترمج طولين السانج اكصه الج

برطمت عيونها غوركن عافتني وطبت الغرفتها ماتكعدلها خمس دقايق مااتحمل حركاتها حتى لبسها مايعجبني

طيرت واهسي الرعنة شمرت الملازم كمت لبست تراكي وقمصلتي وكلاوي طلعت للشغل

دخلت بين العمل وهوسة المطعم والزبائن طبعي اخذ بسلع على الجو واكون صداقات نص المطعم يعرفوني
يضوجون من اسمي غريب واني من ساسي اضوج منه

مدري الحجي طافية عدة الجوزه من سماني  اجت على بالي ابتسمت على شكلها من رزلتها

قررت اخذلها بقلاوة اراضيها خطية من اجت لليوم اني مامطلعا ملتهي حتى انسة وجودها وهي ماتشكي ولا تطلب

اصف بيها كل معالم البرائه منصبه بكينونتها وسماتها
طفلة بجسد امرئة طريقت نطقها للجمل عفويتها

تجيني حسبات من ردت اعقد عليها بلتلفون لسانها بطول المتر كدامي تخنس

عزلنة رجعت بطريقي شكلتلها انواع من الحلويات بقلاوة وزنود الست وكنافة وعش العصفور حاسبة الولد ورجعت حاسب حساب العشة رغم اني متعشي بس هي تنتضرني متعرف تطبخ

وصلت دخلت نزلت العلاليك شمرت مفاتيح على الميز
صحت "جعيصان ام لسان"

مدت راسها من الغرفة كالبة الوجه "نعم"

نعم الله عليج وجه القايش شكو مدلغمة وماده البوز مترين ساحكين ذيلج "

هزت راسها لا شعرها نازل على وجها

مو وجهه نعمة هذا عشاج وجبتلج حلويات

نترت "مااريد مشاكيتلك جوعانة"

اهوووو تتبغدد علينة واحنه من بغداد بت الفرانسيسكو
بابا لصيرين نفسية وتتمزعلين على كرشك ميفيدج الزعل وتنامين وانتي مزعلته

انصحج نصيحة اكلي وضلي زعلانة "

كوة ضام ضحكتي باوعتلي عيونها عيون بزونه "منو كلك زعلانة هاي حاكول بس متاكول وياي موو"

اكلي عمي نعم الله عليج مماكل من چدچ

طلعت خلت راسها  بالجياسة طلعت الأكل جايبلها نفر مشكل مشاوي وزلاطة وتمن برياني وروبة

نزعت ملابسي ضليت بطرك البجامة الجوة التراك خفيفة وتعلاكة البيضة مددت اريح ضهري عيني عليها تاكل بنزاكة ولكمها زغير ضل تلوج بيها هواي يلة تبلعها

ابتسمت لو شوفني اني وتميم وسيف من نتكابل التمن نبلعه بلع مانلوجة وهي ثرمة ثرمه تاكل خرب

فتت كلبي واني اباوعلها كوة تاكل صحت خايبة لوجي بسرعة فتيتي فادي معطي الكمة معط لا اكوم اعلمج
الاكل شلون ينوكل

غتحت عيونها مخترعة هزيت ايدي نوب صافنة بغير عالم على صوتي فزت بت الفرانسيسكو

غمضت عينها بنفاذ صبر شنو فرانسيسكو ترة مالها ربط بكلامك

مواذانات حشة خفاش

اي سمعتك اكثر من مرة دادكولها تخبط بكلامك

غير تكعد طه حسين

نفخت بضجر رجعت تاكل اباوعلها لملمت الماعين وهي سميهن مواعين اني اكلها غسليهن وهي دكلي اجليهن

مرات اضوج من اصنف على جرت الحجاية اني اكلها كرسي هي سمي سكملي اني اكول هم هي دكول هماتين

اني اكلها هنا هي دكول هيانه اخرب ضحك من اجاكرها وضوج بسرعة طنكر احب الاشيها تعودت على وجودها رغم جرحي ينزف من وسن من تغمض عيني كلبي يفتح ابوابه

اذكر لحضه لحضة صدها الي ماحنت كلبها حجر اني زلمة وكلبي ذايب على صوتها وهي من اخر مرة مااسمعت عنها شي شنو الغيرها معقولة كل المرينة بي ماله تأثير عليها

تضحك علية لو اني غبي وصدكتها تشتعل نار بداخلي فاتت رغد فتحت عيني كوة " حنام من تكعود الصبح خليلي ريوك مو تاكول البيض كوله هيانة خليتة بالحافضة

رجعت غمضت وين دارت الدنيا وين صفينة امي يومية تتصل مرات اجاوبها ومرات ماارد ثقتي بيهم كسرتني
ولوت ذراعي

مشت الايام جماعتي ترفو بزواجي عزمتهم زحمة هاي المصكوعة متعرف تطبخ وشلت كل العندي جبت بي اكل من مطعم الشتغل بي  شرطو بلبيت يجون ماقبلو بلمطعم اعزمهم

وصيتة ماتطلع واعرفها هيج امور ماتعاند مديت السفرة الحمداللة بيضت وجهي ماقصرو كلماً جابله شغلة للبيت رغم موالثكيلة مبردة جنت محتاجها جابوها

قسم انطوني فلوس لو يعرفون قصت زواجي جان طلعوني بلجلاليق اولهم محمد صماخ 

خابرت سيف اسأل عن احواله من كال الو نبرته عرفت موضعه مو تمام سولفنة ماجاب سيرة الموضوع

احنة الزلم نعرف كل واحد وشخصيتة سيف لو ساله ولاح علية جان صمطني ببلوكة مايحب الملحه شوكت مايعجبة موجود عكس تميم ادوس بطنة واحجي يتحملني واتحملة

رغم طبع تميم ضعب اكثر من سيف ذاك بي مجال تميم شخضيتة بوكت الجد تختلف جذرياً بغير اوقات

نايم الدنيا تكص برد لاف روحي نص اليل حسيت بصوت ينوص فتحت عيوني كوة ميتة بجي طفرت كعدت

شبيج

دموعها عشرة عشرة فدوه ارغد اخاف من الرعد والكهرباء طافية اشعل الايت ماانوشه

فركت وجهي خرب ببليسج وكعتي كلبي مو يمج الرعد هوه بلسمه ويه حجايتي رعدت بثوة طفرت يمه هئ هئ حبوبي شغل الايت حموت خوف

وكفت ادور الدنيا ضلمة همزين الصوبة النفطية مشتغلة وتنطي ضوة فتت الغرفتها ضلمة ماينشاف شي شغلتة الها وهي مجلبة بعكسي

هذا شغلتة اقري ايات لا تخافين ماكو شي

رجعت لفراشها وكفت يم الباب غطت نفسها تباوعلي موته رحها بلبجي " كولش خفت صحتك هواي وانت نايم متت رعب لحد مااجيتك "

مجرد صوت ماكوشي يستحق هذا الخوف تعوذي من الشيطان وغمضي عيوني وغطي راسج حتى اذا سمعتي صوت مايصير شي

هزت راسها طلعت رجعت لفراشي منضرها ودموعها على خدها وكعن كلبي مددت انام الصوت المطر قوي ورتد وبرق حقها تخاف

بالي يمها ربع ساعة اريد انام فززني صوتها طفرت واكفة والايت شبه طافي يلمض صحت بيها خرب.....  رب الكائنات جلطتيني

بجت "واللة اخاف مدصدكني امووت من الصوت والضوة طفة"

نترت امشي اخذي فراشج فرشي بلهول

مسحت عيونها شالت الدوشك والمخدة فاتت كدامي شلت البطانيات خليتهن بلهول شلون تتحملين هلكد غطة

فرشت دوشها ابرد هواي ومااكدر انام بدون دفوو

دني فراشج بصفي مااكلج

باوعتلي بطرف عينها

افكسهن الج

مااريد هيج مرتاحة

طبج حريشي

شنو حريشي يعني

مددت جريت الغطة خلبت ايديا جوة راسي يعني انطمري واسكتي طيرتي علية النومة وباجر عدي جامعة

سكتت طفيت الصوبة مابيها نفط ولو ينطوني جائزة نوبل مااكوم اترسها بهذا البرد

اريد اغفة والدنيا مكلوبة بلمطر وصوت الرعد وهاي تتكلب ذبحتني بتأفأفها

حاولت انام ماكدرت الهول اضلم والضوة يدخللنة من ترعد من ورة الشباك البردة شوية مردودة

اجاني صوتها بهدوء نبرتها مريحة للسمع " جان بابا من تمطر الدنيا ويعرف اخاف من صوت الرعد ياخذني يمة
ويشغل التلفزيون ويعلي الصوت يشغلني بي لحد ماايروح

من صوتها عرفتها بجت

"ليش سوة هيج اذا يحبج"

بابا من زمان هوة وعمي على خلاف دام سنين بينهم عمي انسان ضالم ومادي جشع يوصل بي يكتول اي شخص علمود الفوس

بابا جان يطلبة واكلهن عليه تعارك وياا وصارت بيناتهم مشاكل ادخلت العشاير وفكوها بابا تنازل عنهم بوكتها عمي خسر كل المشروع

بس بابا بلمقابل قطع علاقتة بي وسنين اني مااعرفة ولا شايفة شكلة شكد كان يدز ناس علمود يصالع وية بابا
بس بابا يرفض

سالتها شرجعة هسة

سحبت نفس  وذبتة كالت " رجعت علمود مصالح عمي مستاجر بنياية ومستثمرها بلعثارات مكاتب مفتحها

بابا بوكتها حتاج كاع وصدفة بلمكت عمي موجود وبابا مايعرف هوه صاحب المكتب عبالة زبون حاله حاله

وبابا اصرف طبيعي طلب الكاع وتعامل على السعر الموجود بلمكتب ماقبل ينزل السعر هنا عمي  ادخل انتهز الفرصة

مااعرف بلتفصيل الصار  بس رفتة الكاع سعرها غالي وعمي منزل السعر تقريبن الربع واكيد سعر الربع عمي دفعة فلوس بابا الاخذن قبل 

وهيج رجعت علاقتهم وعرفت عمي وعرفت عائلتة التعيسة

ابتسمت متحبي مبين

ردت " مرتة حبابه وبناتة ماشايفة منهن شي بس هوه وابنه الله ياخذهم دمروني غيرو بابا 180 درجة

بااذني اسمعهم  صار صوت رعد قوي  بسرعة غطت راسها بلبطانية خربت ضحك على حركتها

ضلت تحجي بخوف عفية ارغد راح نموت

ولج وين سامعته اكو ماتو من الرعد

اي اي اخاف فدوة شون حنام

عادي نامي غمضي وتنامين

طلعت عيونها  فدوه بس اسكت لا تخوفني وانت تحجي برود اكوم اكرهك

رفعت حواجبي هسة اني الذابح نفسي عليج

عاطت ارغد اسكت فدوة رجعت الدنيا ترعد

اليوم مانخلص من تنعوصج رغد وراي دوام والساعة بال4 الصبح بعدلي ساعتين واكعد احطج واكتلج اذا تأخرت

مطلعة بس عيونها مااميز بيها شي من الضلالم

همست "خايفة ارغد كلبي احسة حيوكف"

مسحت عيونها تنهدت وكفت  جريت فراشها بصف فراشي سكتت لمعت الدمع بعينها ضليت على تدنيكتي

شعرها ناعم منثور على المخدة خصل مطشره رغم لافتة طوبة

مديت ايدي على شعرها ضلت تباوعلي برتباك بؤبؤ عينها يتحرك على عيوني نفسها عالي دمرني بشرتها ناعمة

وية خشونت ايدي حركة احساسي لامست شفايفها انتهيت كل ذرة بجسمي فزت

غمضت وصار تنفسها من حلكها فتحت شفايفها برتباك
جمدت من حركتها

...................  يتبع

مساء الخير

اعتذر عن التاخير تعرفون بلدوام مااكدر اكتب هل الاكدر علية