رواية بين الكاف و النون الفصل الثاني وأربعون 42 - بقلم saja altaie95

بين الكاف والنون

لحلقة..... الرابع والأربعون

بقلم...... سجى الطائي

سآتي اليومَ يا حُبِّي
أعُودُ النَّبضَ في قلبي
دواؤكِ أنْ تريني حاملًا "باقةْ"
يقول النّاسُ إنَّكِ كنتِ مُتعبَةً
ومُرهقَةً
وقال القلبُ إنَّكِ كنتِ
"مُشتاقةْ!"
.
#عبدالله_زمزم

ارغد

مديت ايدي تلمست شعرها باوعتلي بنضرت طمأنينه مرتاحة
خدودها وردن بحركة خاطفة اطراف اصابيعها لامسن اصابعي حركتها فززت كلبي

انطت ايعاز ينعشه من جديد رجعت مددت خليت ايدي على عيوني اضاهر بلنوم اسحب نفس بعمق واتنهد حبيت وطاح حظي اكلت الذل منها ومن اهلها صغرتني وباعت سنين العشك كدامهم

حاربت روحي بروحي لجل تتوسد صدري واعيش عمري بيها والدتي يومية تسال وتخابر كلبها لاعب من غيابي طولت عليهم بلنزلة دزيتلهم مصرف

احير شلون ادبر نفسي نمت كعدت على صوت مطر فتحت عيوني جريا المبايل بالسبعة الصبح كعدت بدون صوت

كمت غسلت فرشت اسناني جريت ملابسي لبست البدي واكف كدام نراية متر معلكعا بلحايط مابيه لحمة

دنيت وجهي اتلمس لحيتة شكد عتنيت بيت بت ال... ماطلعتي ازرعج شلون كلبت شعري همزين البياض ساتر علية ملامحي مدري غليمن طالع تميم صح حلو بس جمالة بخشونة

اني ويا نفس الطول بس هوة تارس واني موشل مي ولحم ضال بس العضام ههههههه سعاد سميني لمسلوع ذكرت اسامة مشتاقلة العار

كملت لبس تحركت حميت الجاي الوقت تأخر شفت الكوب شفط وطلعت داومت ورجعت مجرد بدلت لكيتها مسويه شوربة

شافتني ابتسم كالت هاااا

وجعاااا

عوجت حلكها وهمست بكلبك عبالها مااسمع

خزرتها واني مدنك افك بقياطين الحذاء راحت صبلي كاعدت جريت مرسي الميز وكعدت خلته كدامي تعالي ضوكي لاسمميني

عبست وجها " مدااشاقيك ارغد وربي دتعبني كولشي اسوي مديعجبك اوووف مااريد بعد

فتحت حلكي صحت اخخخخ نزت وعيونها علية شبيك ليش صيحت لزمت فكي نعوج شلون تحجين فجوج ماندارن

عكدت حواجبها وضربتني هههههههه اخخخ لج

لتقلد خووش

همزين تعلمتيها يبعد الدا والدي

قابل مثلك جااا شلون وهيج

ضحكت حتى بهاي جريها بابا براغيج فالته

فكت عيونها ستحت انت واحد مليق

رفعت حاجبي طلعي ابداعاتج واني فارغلج اكعدلج
اشبع ضحك

نصت دكول بردت الشوربة ومبيها طعم صير

اكلتها وياها خبز وطماطة مالحة ماكو اطيب من اكل البيت اشبع بي

طلعت للمطعم اخذت وياي ملازم كل بوم اعوفها بلبيت وحدها اضل قلق بس اريد يكضي الوكت وارجع رغم مامن عليها الجيران اي حركة يشوفها ويسمعون صوت يخابروني

جبتلها تلفون صرصور عمتها تخابرني تطمن ابو رغد معايفها يومية هاد عليها لحد هاي الحضه ماعده علم بزواجنه

صافن بحياتي مرة الايام وخابرتني امي

امي " يمه مشيه عليك كفيل زينب تعال وحاجي اخيك راح اموت ناقصة عمر منه شوفلي جاره وياا حاد سيفه ومسودني
من يوم الرحت البيت نكلب "

ارغد منو منهم

امي " الثور شادلة كرون وينطح بلرايح والجاي اكو غيرة تميم

ضحكت تعرفين طبعه عصبي ومايقبل بلغلط اذا حاجيتة يبطل عصبية لو يكص كرونة هههههههه يابه بعلي بس يسمعني يعلكني مشنقة

امي "انه وين وانت هسة يمه ميخالف نتحمل عصبيتة وهاي البت ماناوي يتركها ويخليني اشوفله على معرفتي وازوجة واخلص مو كلبي ورم"

ارغد "كولي يالله حجيه قابل هي حاجة ويقتنع بيها لو طفل وتقنعي على لعبة رجال مشورب وتميم بلاخص مايقتنع اذا مو من ذاته"

امي " ابوها مو راضي ينطيها واخوك على كد حاله مطين وجها ورايحلهم على ياحال وعلى يامال ولك يمه ذولة مغروقين ناس بناتهم خيالهم مياينشاف وبته لو ما تتازم حالتها مايدخلها جامعه رحت وسالت واحنة نعرفهم عشرت عمر يعني ام رضا من سنتين ماشايفتها لوما اروحلهم

تريد ينطيها لخيك هوه وطربكته صح انه ماانطي بي كدام احد بس نحجي الواقع سايمه عليك الله واهل بيته خلي يفك منها ليلوع جبدي اهوانه زوجتهم من اول مشية

لا يفشل ابو والناس والنتيجه معروفة بعد امك امي اكعد ويااا وتعال نشوفك ولك رغيد تردون تموتوني

ارغد "ههههههه على كيفج لا تستلميني جاي جاي والله كريم

امي" هلا بيك يلة يمه مع السلامه اكوم اصلي

سديته منها فركت وجهي التفتت رغد كاعد تباوع مسلسل ومسويتلها جدر شامية

يومين ودزيتها يم عمتها بعد ماكلبتها مناحه وترجف من ابوها حاولت اقنعها وصلتها بليل ورجعت الفجر طلعت للكوت

كلبي يدك وية كل مشيت جدم عيوني تعاين للدرب تمرني بين الوجوه وتهدي هاي الدكه

وصلت امي تلكتني حضنتها مشتاق الريحتها بست خدها وخرت شيلتها شميت شيبه شيبه اخخخخ يا حضن الام

يبعد امك يبعد عمرها وتعبها افيش ياريحتك تبوس بية دخلنة سلمت على خواتي فاتت ضحى دنكت باوعت لمي هزت راسها مارضية

ضحى " امول البيت منور اثاري ارغد يمنه "

ارغد " الله يخليج منور بوجودكم خويه "

ضحى "خاله ماكلتي جاي ارغد واني اكول هاي التحضيرات سمج تشتم الريحه والله ياخاله عليج سوالف لو اعرف احضرلك اطيب مسكوف ويه الخلطه الخاصه لسويها
دكول لوهيج الشوي لو ماكو منه"

ارغد " مشكورة انه احب طب الوالده مايعلى علي احد "

ضحكت "اكيد خاله طبخها طيب واني ماانكر هذا الشي المهم فرحتني بجيتك على العشه اعوضك واضوكك طبخ اديناتي هههههههه

امي" هوه ضال بيج خير وشبعي من طبخج هوه بحسبت اخيج ويمون عليج يله حبيبه شوفي السمج عفته بلتنور "

مشه اليوم تميم من شافني دكلي تحيه صاير بعرض الباب ومنا طويل مبين اضخم مني لاف الغتره على راسه طالع
وجها ناوي يرجع يطلب ايد ريحانه رغم يعرف رد ابوها حاس بشعوره طبطبت على رجله وياك خيي وين ماتوصل لو دم يوصل للرچاب مااعوفك
تميم عاين ورث جكارته تنفس بعمق " تعبني حيل وتستاهل التعب انه وياا والزمن جدامي انولها لو اعرف انطي دمي يرخصلها

سكت صافن يتنهد بضيق ادري كلي غيوب مالي مؤمن ولا اني تقي ويتفاخر بنسبي بس شايل كلب يحبها ما حب كلبي هل كثر ريحانه ويه هدب عيني اعاينلها مثل كمره بسمه

اشم تراب جدامها عفه وطهاره عيونها اماني وكلبها مكاني انه الجنت اعاين للدنيا واكول هي شبيها ناكل ونشرب وتكضي ماحاسب احساب لهذا اليوم واوكع واتمنه شي صعب المنال

شايف هاي النجمه بس نعاينلها محد بينه يكدر يوصللها بس المقامه عالي يم ربه وانه لا عابد وزاهد ولا متقي بس كلبي
صافي ونيتي شريفه صح اطكطهن واكوم مااعرف امثل

اني مؤمن وانام على التربه وختم القرأن بس هاي امكانيتي اصلي ونيتي لربي ماعدي رياء الناس تنضرن لضاهرنه هاي الوادم غشيمه

سحب نفس ماعدها نضره عميقه للبشر تصرفاته تحكمه مايدورون المعدن داخله شنووو اضربلك مثال السيد
سامع عني اغني ومو ملتزم كال هذا مشرك

ضحكت كال اي اي انه اكلك هسه هوه هيج ماخذ عليه نضره راحد اجوع بته واخليه طربك مثلي مااحافظ عليه بدون حتى مايسأل ويستفسر ويعرف انه معدني سمعتي حكم على حجليه وحده من انسان منافق كايله مطرب قفل عليه

كتله " حك خويه انت ماخليت عرس ماغنيت بي تمشي ودندن حتى من تسبح تهرج البيت بصوتك الناس كلها تعرف بيك اكيد توصله الحجايه ماتنضم وهوه انسان من وعيت لليوم ماسمعنه عنهم شي كلها تحمد بي ابنه رضا صار وزوج

ما مأذيله نمله غير التزامه وسمعته بين الناس منين مايفوت كلها دكومله السيد حكه طريقك وياهم متعب انه اشوف تتأنه

ابتسم وهز ايده "شايف هاي السمه وحك كل الخلقها باعلي سما مااعوفها الأخر نفس بيه

ارغد" وانه وياااك شتريد حاضر وشوكت مااناوي افزعلك شيوخ الكوت كلها

تميم "ماتقصر لهذا وديت عليك هاي الجمعة ناوي ان شاءلله خير هلمرة"

حضرنه نفسنه دزينه على النلس الخيره وشيوخ عشيرتنه والمنا ومنا صارت لمه ترفع الراس تميم لبس وتأنق اخوي يستاهل سبع وماينطيها بلعاذره واليريده ياخذه من حلك الذيب رغم توتر الجو بس ناويها هلمره

وصلنه دكينه الباب بدون ماننطيهم خبر مسبق نريد نحسمها وجيتنه بدون خبر اله قصد شيخنه طلب ودخلنه السيد تفاجئ رحب وره شويه طب رضا سلم وجاب الجاي

الشيخ كال " بويه انه جاي وعدي طلب هذا جاي ماينشرب الحاضرين اخوتي وابنائي سيد مقامك عالي وانت ابن رسول الله چدك كال من رضيتم دينه وخلقه فزوجوه موش صح هذا مو حديث جدكم

هز راسه السيد كال بلي

الشيخ "عليك نور انه وهلوجوه الخيره متعنيه وداخله ديوانك والنه امل وانت ابنه وابن هاي المدينه ونعرفك ولوماا النه شرف بنسبكم مانتعنه جاي اطلب ايد محروسه بنتك لبني تميم مو غريب عنك تعرفه لو انه غلطان

السيد" لا محشوم عن الخطأ عز المعرفه نعرفه"

الشيخ " بدون مقدمات مايحتاج بين الاهل والحجايه يمك بعد "

السيد "بلأول اشربو جايكم وان شاءالله مكضيه"

الشيخ "لا والله وحك جدك ماني ولا واحد من الحاضرين يشرب غير لمن تنطينه البشاره"

السيد " شيخنه مو هيج الحجي بلاول اشرب جايك وراها نتفاهم واليقدمه الله عز وجل يصير "

الشيخ " ابني انه ابن هاي الديواوين ماني يوم وامس اخذتها وتعرف امتناعي وكصدي واعرف كصدك لا طولها للسالفه واهي كصيرة انه يعرفوني مااحب اجامل ولا اكبر راسه

الولد حاله حال هاي الشباب ماكو واحد مايخطأ بس خطا عن الاخر فرق انسان عاقل وصاحب مسؤلية زلمه كون نفسه بنفسه واله شخصيته بين الوادم وانه لو مااعرفه وسامع

ماافوت واكسر ركاب هذا زواج عمر مو يوم ويومين وطك اصبح وطش جكليت وركص ها ها وخلصت لا عمي

الزواج ابعد من هاي الامور هاي سبت وكت وتنسي بس لو ترجع للواقع الزواج مسؤلية واطفال الياخذله مرة كون ينشد عن سابع جد واليجيك كون هم تنشد عليه من سابع ضهر

اي عمي يكلك العرك دساس انه مااكلك نضلم بس كون من نوجد نوجد على كاع طيبه علمود من نزرع يخرج منها طيب

ارجع السالفتي بويه هذا الزلمه اجه وكع بركبتي كلي شاريها بدمي هاي حجايه بعظمت لسانه فهمت منه ولمن عرفت بتك كتله والله والنعم احسن ماختاريت حكه من يستصر على نسبكم

السيد " شيخنه جيتك وجيت هاي الناس الطيبه على راسي واتشرف بيكم وبأبني تميم ويعز عليه اردكم وانت كلتها انتو اهلي ومابينه زعل وهي قسمه ونصيب

وتميم مابي وقسمته مو يمي البت طلبوها ناس خيره مثلكم وتمت الموافقه

تميم احس جسمي اختض اعصابي صارت نار عكدت حواجبي الشيخ بصفي عاينت ارغد باوعلي متوتر

كلها دخلت صار كلام واني ساكت الشيخ وعمامي والسيد لبق مو انسان عادي خصمها البنيه مقريه فاتحتها هنا متحملت

كلت من رخصت الحاضرين عمامي وشيخنه اسمحلي الرجال هز راسه كتله عمي اكلك عمي من بابا مقامك من مقام عمامي

كال "اتشرف"

تميم " انه الي عتب وماطالع منا اذا مااخذ جوابي انشدك واحلفك بالله التعبده اعظم من كلشي كم مرة دكيت بابك وجايب وياي ابويا ومرة جبت

كال ابني قاطعته من رخصتك عمي خل اكمل والك كل الوقت ورد عليه وبرر جبت اخواني ودزيت امي والاهل التفتت هذا الرجال يشهد عم ابوي اجه وياي طلبتها منك

كان جوابك واحد ماكو قسمه بدون ماتوضحلي السبب واخر مره كتلنه بعدها تدرس تكمل ويصير خير وانه على هذا الاساس كعدت ماخذ الامان متاني تخرج المحروسه واجي امشي

عمي انه شنهي عيبي وترفضني

كال ابني مابيك مل عيب

السموحه سيد خل اكمل لا تقاطعني سامع بيه شارب وجاي لبيتنه عراك عدي مكسرات اذا جان عيبي الغنه واعترف انه شاب لا من اسره دينيه ومخالفهم وتستعير مني ولا اني
معمم وتلزمني بخطئي عائلتي بسيطه وناس عايشه اليوم مو الباجر

دينه على كدنه حالنه حال هاي الناس غنيت وطربكت الاف الشباب مثلي اذا تريد تحاسبني حاسبني اذا شفتني شارب
او شايفني صاحب علاقات وماتامن او رجال اتكالي

مااحمدلك بحالي كونت نفسي بنفسي هذا ارغد يشهد من عمري ١٢ سنه اني اشتغل ولهذا يومي ناس تحتاجي مااحتاج احد احفر الصخر واعيش

مااجيت ومعلقه ذهب بحلكي عشت المر وتجرعته وكوونت رووحي عدي خير من الله اعيشها ملكه ماتحتاج احد

انه هاي كدام الحضور والناس الخيره خايف عليها وتريد تامن شتطلب اني حاضر مستعد حتى اعزللها بيت وحده اخاف ماتريد ويه اهلي وعيال كلها تشهد كل حرف انطقه مهر وحاضر وغايب يجنك كاش كدامك

مستعد اقسملك على كتاب الله كل طلباتك مجابه ومااخلف بيهن على كطرة دمي انه اوله من الفضلته عليه

صرت نار مااعرف شحجيت ارغد وجهه احمر يمكن فقدت وكمت اخربط سكتت الشيخ خله ايده على رجلي

السيد ضل ضافن كال "ابني كل عيب مابيك الف من تتمناك طلبك مو يمي"

تمالكت اعصابي برود اعصابه وترني "سيد لا تخصمها وياي بهاي الكلمتين انطيني جواب يشفي كلبي واكول حكه بلرفض"

الشيخ " سيدنا انه من اول حديثنه جبتلك حديث جدك

السيد " ابني مامجبور انطيها اني ااشوف المناسب الها مامنحقك تجبرني انطيكياها قسمه ومصارت "

الشيخ " يله بويه نتوكل الضاهر مالنه قدر يم السيد "

انتفض ابو رضا كال" شيخنا انت اب وتعرف معزت البت واني مااطاردك من درواني والبيت بيتك ومانك مطرود من بيتك
طلبك صعب وانت كلتها هاي عيشه وعمر واني اعرف بنفسيتها "

الشيخ " بويا انت حتى ماانطيتنه نشده كبل خصمتها البت مقريه فاتحتها والولد كبله متقدم هذا ان دل يدل على عنصريتك سيد سمعتك زكيه وماشفنه منك اله كل خير بس هاي خصلتك ومااقدرت جيتك ومتعنيلك يله بويه نتوكل "

السيد انخبص واني افور واكف صار حجي السيد كض الشيخ كعده جبر والشيخ مغثوث واني اعصابي نار

قابض ايدي كدامي سجين خاليه ويه ماعون الفوكه جريته وكفت كلها باوعتلي صاحت جسمي من الاعصاب مااصيطر عليه تقدم رضا صار كبال ابوو

تميم "لا تخافون ماافاقد عقلي لهل درجه بس اريد كول للسيد شغله جرحت ابهامي الايمن ارغد طفر يجرها مني
زمخت لتخبلني مااسوي شي

رفعت اصبعي ينكط دم. تقدمت جريت كفه الأيسر بصمت بطن ايده ضل فاك عينه هذا الابهام ابصمله بدمي بته بهدب عيني تاج على راسي تنحط

رضا نتر مخبل انته ليش مجلب بيها

جوهره ولكيتها مااضيعها حجيتها ماخايف اتقدملها بدل المره الف احتويتها مااضيعها بحز النحر اتملكها

ريحانه

وكفت اكل بروحي هسه بابا هم يرفضه الاهي سهل يامسهل الامور ضليت اردد الاذكار حتى كمت اخربط

ماما تباوعلي خزرتني دنكت وخرت من المطبخ دخلت الغرفتي الوقت ياكل بيه واصواتهم مره عاليه مره تهفت

ساعه ونص ودخل رضا اول مره رضا هيج يعاملني جرني من شعري صاير بارود ضليت مصكصكه ارجف صاح بوجهي وشعري بأيده احسه شعلت شعرايه شعرايه

رضا "حجايه وحده شعدج ويا هذا المطرب الشعار"

ضليت امتمت ش ن و شن... و شنو ماعدي شي والله "

عتني حيل يهز بيه شعده ويااج وكاتل نفسسسسسه ررريحانه اذبحج بعلي اخلص عليج

ارجف كمت ابجي كلبي راح "والله والله مااعدي ويااا شي

خررررب ولج يكلي جوهره وين عررررفج العااااااار

اجت امي وخرته وهوه لازم كصيبتي ويه دفعته شعري انجر ويااا هنا شاغت روحي عطت بعلو صوتي

طب بابا يركض جره" ابني شبيك تخبلت "

ضرب على راسه اي تخبلت مستقتل عليه الكلب منين يعرفها وهيج يحجي بيها ماااشفته شلون محرووووك دمه بيناتهم شي صاق.... هنا بابا سد حلكه

" اذا حجيتها تعرف شسويلك اتبره منك مو اختك الينكال عليها هاي الحجايه امشي غسل وجهك

رضا ماسكت واني بس دموعي تجي بحضن امي احس عيوني جرحن طلع بابا وياا رضا اسمع صياحه وتكتم

واكفه تباوع غطيت راسي بربطت امي اناشغ طلعت تكتم دفعتني من حضنها

خزرتني" ياحسافه الربه بيج "

دمعت "لا يمه جريت ايدها ابوسها لا تاخذين عليه نضره ماعدي شي ويااا رضا يتخيله والله العظيم مااكذب عليكم بحرف"

عافتني بحسرتي ودمعتي اسمع اصواتهم بره واندب ربي يطلعني من هاي الشده

حاضنه رجليه ودموعي تسبق شهكتي صوت والدي يوصلني ورضا مو راضي يسكت مامصدك اول مره
هيج اصواتهم تطلع

مامعقوله يكذبني واني ربيت ويااا ويعرفني مااسوي شي من وراهم رددت اذكار ياملين الحديد لداود لين قلب
رضا عليه

جسمي يرجف من الهبطه شعري مكوش كمت وكفت الضوه مشتعل شفت نفسي بجيت بحركه خدودي حمر

وجهي مطعون طعن سميت بسم الله ١٤مره ومررتها على وجهي لميت شعري كعدت عيني بلفراغ حسيت بغواشه

مرت كدام عيني غفيت كان شبه حلم (حلم اليقضه) بين الوعي والاوعي شفت اشخاص بهيىة لباس ابيض

المكان يحيطه بياض يتوسطهم شخص معانية مو واضحه حسين بهمسة شخص التفتت عبد الملك

باوعلي بنضره فهمتها تقدمي اخذني رجلية كعدت اطراف
جلوسهم كان هناك حوار عن امور يعجز عقلي يفمهمها كان حوار عقلي ماسمعت صوت واحد بيهم

بس اعرف شنو اليدور واعرف اكو حديث مهم واعرف عن شنو حاولت افهم باوعلي اليتوسطهم

حاولت افرزن ملامحه صعبه اكو غواشه صير من عيوني تنتقل نضره اله عبد الملك اختفه

الكبير بيهم كلام نطقة قل لن يصيبنا الا مكتب الله لنا

نزيت على فتحت باب فتحت عيوني تكتم فركت وجهي

ارغد الحرب العالمية الثالثه قامت بلبيت اول مارجعنه تميم سوه الدرج شبختين صعد بدل واخذ سويج دراجته
ونزل امي لزمته دفعها وطلع

طلعت ورااا لحكته وكفته

تميم " ارغد وخر لا تخليني احطك واطكطكلك عضامك واني مااريد امد ايدي عليك "

ارغد "رامبو زمانك استريح وانزل اشربلك جاي هسة تخمد وترجع ابو التمم

تميم" ارغد مو انت ضايك الضكته وحاس بيه "

ارغد " شهل سمعه الجايفة كلشي مضايك ولك حالي حالك يابسه على تمن جريته ركن دراجته اخذته للكهوه

كعد ينافخ مامتحمل احد الصار ثكيل علية

يومين وتميم اليحاجي ينفجر بي كتلهم اليفك حلكه حسابه يمي

بالي يم رغد اتصلت بيها تنك ارجع تخاف من ابوها كتلها اصبريلي كم يوم راجع اخذج

من اصفن اشهر عشناها سوه محد بينه عرف ماضي الاخر
ماكعدنة وسولفنه البكلبنه هي بوادي واني بوادي

مشت الايام تميم رجع فتح محله شيريد ايسوي

ودعتهم ورجعت مريت بدربي اخت رغد وطلعت للبيت بس انمت ساعة وكعدت رحت للمطعم

رجعت ب١٢ دخلت جكارتي بحلكي الضوه طافي والدنيه ثلج سمعت صوت كحه قوية طالعه من صدرها

مديت راسي صحت رغد رغد ماكو صوتها وصوتي عالي
دكيت الباب ماكو صوت

ارغد "يمعودة عدله ميته رغدددد ماكو رد بااعي راح افوت مو دكولين مايستحي وداهم خصوصياتي هاي حجايتها لتدخل بخصوصياتي من شوفني ابحوش بغراضها

اعرف بيها ضوج على غراضها كلهن من الغاليات لهسه لابسه اسود على امها

متحملت فتت لافه روحها ماطالع منها شي مغطيه كل جسمها

صحتها اكثر من مرة صراحه خفت بيها شي وخرت الغطه من راسها وجها خالته بصدرها رفعت راسها خرررب غيرتج صايرة ناااار

هزيتها يمعوده شووو اكعدي تون امممم اه وخ، ت منها البطانيات وجها منفوخ من الصخونه

كمت للمطبخ طلعت طاسة ترستها مي بارد اخذت شالها
دخلت للغرفه بللت طرف الشال مسحت كصتها وخليته عليها

هاي ماتتحمل والساعة نص اليل وين اخذها مااعرف احد هنا ماعدي غير محمد دكيت عليه

الوو محمد

هااا ارغد

كاعد لو نايم

لا نايم وهسة اني بلحلم

سليت كوووم جيبلي علاج صخونه

شكووو ط.... مدخن

سااقط وعاار على الزلم كوووم اخييي جواكم الصيدلية جيبلي علاج وبندول وكله اذا اكو ابرة تنزل الحرار شي

شكو منو مصخن انت لو المره

لا المره ومااكدر اعوفها وحدها واطلع

سهله يابه اني نازل بس هااا مو بلاش

لا يعوزني لجيبك عدي

شووف هذا بابا اغركك اذا تريد اقصد غير شي

يعني شنو لا صير عار

هههههه فهمتها وانت النجر تعرف شقصد شارع سعدون

اووووو دكوم بابا المره راح تموت وهوه حاير......

خرررب لك اني احتاجلك رب الحلو مايدخلوني الكواو.... بس ابو صماخ يدخلوووو العارات

محمد لتخليني اسبك تموت على الطياح حظ اني جنت بنصهم ولعبانه نفسي لا تغرج الفيديوات التوصلك تره
طياح حظ بطياح حظ والف واحد غيرك لازمها وين المتعه يااخي اني بشكولهن اجز نفسي

انت سلمان المحمدي اني مروان ابن الحكم ووسهلي شغلتي ومالك دخل وشتريد حاضر دخلني وهاا بفلوسي
مو بلاش

لا ياربك بابا زباااله شحجي وارطن لك لعبان نفس الشكول والريحه غير ذوله لو بوعيهم مايدخلون صكله
بطل طفه بعد مايندل كاع الله مشي ميعرف يمشي
ميدري بلدنيا لو صاحي ويشوف الشوفه مايوصل

اهوووو ارغد سيد لا صير براسي دخلني لو لا

اصبرلي ادبرلك وكت وانطيك خبر

سديته منه محمد حاله حال الاف الشباب يفرغ طاقتة ونسته بهيج اماكن مايعرف هاي الاماكن من اقذرهن

شايف اشكال وعاشرت لحد لعبان نفس عرض علية صاحب المكان منصب وراتب غيري يجلب بيدي ورجلي
الراتب يصعدني للعالي

عفته واني كوه لازم روحي مغريات القدمها الي ماتنرفض
لخد ماخابرت سيف اول ماكال خوية الفلوس اساس الحياة حالين بس خلي كدامك وراك مستقبل وزواج واطفال

مال الحرام ميدوم اليوم ماعدك باجر تتخرج وتتعين ماتتحتاج لا تغرك الفلوس

التفتت الرغد تون رايحه وجها تفاحة شكد حلوة بت الذينه الم الدا والدي تهلوس تحجي مامفهوم

بين كلامها مرة جيب اسم امها ماما مره ابوها تفر براسها يمكن كوبست اهز بيها دردم مدري شتحجي دنيت راسي

ب.. بهاء وووين عايفني

..... يتبع