بـــيـن الــكــاف والــنـون
الثـــانـي و الخـمـسـون
بــقــلم... سـجـى الطائـي
لو راد ياخذني القدر كلي الك
بس لا ابّيني وبينك ايمر قدر
علمت روحي من زغر شوفتك
ردتك صدك تبقه نقش عالحجر
تشتاكلك عيني اذا سافرت
شوك النوارس من ترد للبحر
آنه شسوي بالنظر لو رحت
من تمشي كلي حتى اضمّه النظر
رغد
نترتها وصوتها العالي خوفني اسمعها ترزل بي ارغد ساكت ابو مقابل على كلامها وهي تصيح بيهم كعدت على القنفه
مأيسه هذا اخر املي وين اروح اذا ارغد سمع كلام امه
خايفه ومتوتره من امر بهيج موقف اضل اكل بأضافيري
عيوني على فتحت الباب امه مرايده ممجبوره تتحملني
حقها
واذكر اخويه يحنن كلبه ويجي ياخذني ولا هل ذله ضليت افتر بلهول اسوي روحي اعزل وهمه مره يعله صوتهم ومره يسكتون
طلع ارغد باوعلي عيونه حايره حس سمعتهم كال طالع اجيب غده عدج نقص بطريقي "
هزيت راسي لا اذكرت ماعدنه صمون ركضت للثلاجه بيه مخضر وفواكه رفعت راسي "بس خبز جيب مو صمون
وهاا وياك لبن ابو النعناع جيبه سيت كامل وصابون مخلصين"
طلع تلفونه سجلهن وراح حضرت مواد الزلاطه وكفت اثرم كملتها سويت عصير طبيعي امشي واحضر شيخطر على بالي
اسمع صوتهم بلصاله شويه وفات ابو ارغد حسيت براحه اتجاها وجها بشوش ابتسم الشوفتي كال "بنتي عدكم مصلايات صلون مو عمو لو راكنيها"
"هلا عمو اي موجودات نصلي ليش لا"
"عفيه نور الوجه الصلا"
فتت حضرت المصلايه عطرتها بعطور ارغد دخلت للهول صارت كبالي ام ارغد مبينه ستوها متوضيه تنزل بردانات دشداشتها
سمينه وصاحبت طول قدمت المصلا لبو فرشتها ركضت جبتلها مصلا اخذتها وكفت اصلي عفتهم
رجعت اكمل شغلي ركض ركض وعيني عليهم كودن المطبخ بوسط الهول الفاصل اقل نص حايط مسرمك ومن فوك مىمر خاله عليه تحفيات لكيتهن بكارتونه مبين لصاحت البيت هوه
كله مأثث مابي نقص مرات اكل عليه لان عريض يصير ميز طعام
اريد كلشي احسن مايكون صوت الباب نفك ونسد طب ارغد بيده علاليك همست بصوت ناصي "تاخرت"
خله الغراض على الكاونتر "ازدحام مالكيت هذا براس الشارع مشيلي طلبت من المطعم"
فتحت الكياس جايب سمجه شوي دبل وتمن احمر وبرياني وكوس روبه ومقبلات واني محميه الشوربه اسويها اله مرات يريدها روحه بشوربة العدس رجع طلع طبب بقية المسواك
ضليت اقسم وارتب شفتهم كملو صلا مديت السفره انكل وياي ارغد ينكل ويرتب كعدو ضلت دولكة المي التفت ارغد صاح تعالي كعدي
جبت المي وكعدت اشرلي بصفه امه تباوع بخنكه ضليت بمكاني هدوء بس صوت الخواشيك وطكطكت المواعين اراقب باامه كوه اكلت بدون نفس خلت وكامت
ارغد رفع راسه ساكت طفرت خليت القوري على النار ابو ارغد كال "بتي كعدي كملي اكلج لا طفرين من النعمه"
رغد "لا عمو خلصت هياتني جايه بس احمي الجاي"
صبيتلهم جاي شربو وفرشتلهم بالصاله كضيت اليوم بخوف وترقب بس نامو ارغد كاعد بلهول كعدت كباله اخجل اطلب
صعبه عليه واني عدي بيت واهل واخو
متت واني اراقب يومين ارغد مطايق روحه امه تباوعلي من جوه الجوه حرف منطقت وياي بس الاب زين
الخوف البداخلي منتضره بهاء وينك عني كتله "ليش منطيته خبر هوه عده اقامه مو صعبه جيته"
جان بملابس الشغل يلبس كله اسود يمكن هيج يطلبون منهم لازم نقاله من سالته رفع راسه "انطي صبر الفيزه مو عبرة شارع"
رغد "مخنوكه واني يادوب اضل متشتته ماعدي اهل"
صفن بوجهي مراضي "كاعده بشارع تره حاطج بشيشيه لتتعيقلين وسويلج سالفه وطلعين اذا لكفوج هلمره ابوج
محد يخلصج منه"
رغد "مطالعه اتونس ولا جبت طاري الطلعه اريد احاجي بهاء"
ورث جكارته يشرب "من اعبي رصيد خابري"
انوب حجايته ماتريح الكلب احسه شايل هم شويه اجا اتصال طلع
لليل بعد العشه كاعدين ابو ارغد كال"عمي حضري نفسج ناخذج ويانه مالج كعدنه هنا "
التفتت على ارغد " ليش ارجع وياكم عمو اني هنا مرتاحه"
ابو ارغد " بتي مانقبلها فصليه ماخذيج تجين جنه حالج حال الجناين وزواج اصولي اشهار كدام الوادم تاكل وجوهنا "
دنكت محتاره الدمعه بطرف عيني والله خايفه من كلشي مااريد غير اطلع رد كال "كل السويتو ماراضه عنه ماصايره
تزوجون دون علم اهلكم اقره على الدنيا السلام لكن بعد شوفت ابوج عذرتج بس ماعذرت ابني الطايش على كلن
اشوفج تنودين وحايره بامرج
بتي هناك أمن الج داير مدايرج وابوج مايندلج بعد وهم تستقرون كدام عيني انهضي حضري غريضاتج
التفت الام ارغد" حجيه نتوكل نزور ونتعشه بلامام"
منها وقررت ارجع يمهم اشوف كلامه بي وجهة نضر بعيده عن ابويا ومااضل عايشه بخوف وقلق نفسي هسه بابا يلكاني هسه يذبخوني هسه يسجن ارغد الف فكره تراودني
ابو وامه راحو يزورون لملمت ملابسي هنه كم قطعه متانيه
يمكن وجودي بينهم أمن الي يمكن احبهم واتوالف وياهم
واشوف الحياة وانام براحه تامه ماافكر
ارغد طول بلرجعه وابو وامه اجو فرشتلهم نامو امنت ونمت
ثاني يوم كعت من وكت حضرتلهم الريوك
للعصر فات ارغد واني كاعده اقلم بتيته وامه تسبح وتباوع تلفزيون وابو بلصاله "الله يساعدكم يابه"
ابو "هلا يابه"
باوعلي حمام صاير طين طفرت حضرتله الحمام لعت سمعته يسولف كام طب سبح رجعت اكمل بتيته
وكفت اكليها الحمام جوه الدرج صاير مثل الغفه مينشاف من الهول بس اليوكف بلمطبخ يشوفه
مد راسه ينكط مي "وين ملابسي"
استغربت "ياملابس"
كال اشتغل الثول اييي وفرتي عليه اطلع مصلخ "صرت جمر ركضت دفعته وسديت الباب
صاح" عوبه الزمج اشغل اذاناتج "
شتريد
"تراك ولب.... وفانيله"
كل مره انت تحضرهن "
شكو عليج ست زبيده حضريهن اليوم فت الباب مد راسه يحجي بهفوت انت مو مرتي لازم سبحيني تليفيلي تونسيني
خفه فكت زروف الجبجير "
صرت حمره خنزرت عليه "انت واحد سززز "
"شطالب ياحلو هنه مطكه مكطتين لو عمليات العظمه هسه سمميني وسلميني لبوج"
فكيت عيوني شيحجي
رفع حاجبه لازعلين من اكلج ثوله عدج هل صفه من الفطره
فاتت خالتي ماحسيت غير جرني دخلني الحمام وسد الباب يضحك
ضربته جرني الصدره سد حلكي اريد ادفعه صاير شعرضه
جسمه مبلل
وخرت الهث من الخجل اربكني تصرفه عضيت اصبعي هسه خاله عبالها بينه شي ضليت اكمز وهوه كاض المنشفه مخطي نفسه بيها
شكووو
"امك امك شافتنه"
رفع تك حاجب واذا خل شوف مرتي ولو اني مشايف منج شي تقرب يمي اكول نجرب شويه ام الطكه
خنزرت ياطكه دووخر افتح الباب
بروح ابوج الكواد وحده نعيش اجواء المتزوجين
لزمت كلبي هذا صدك يريد اريد احجي خنست حسيته يقصدها المسافه بينه بعد اشبار نفسي يرجف تقرب متت
اريد احجي تخورست كلشي توقف عدي لحضه
شافني اصفريت ضحك فتح الباب ودفعني امشي ولي جبانه مصدكه حضريلي الداخليات هم مو تجيني بطرك التراك
واكفه لازمه كلبي الدم صعد الراسي يضحك عليه شلت نفسي وركعتها بلكاع جريتله تراك اجيت اشكه اوووع نوب داخليات
اخذله لزمتهن بطرف اصبعي هوه شكد نضيف بس اني نفسيتي خره
نفس اليوم سافرنه للكوت حسيت بشعور مغاير عالم جديد محابه بجيت مرات الاهل نعمه ومرات نقمه كلبي يتكطع من اذكر حنيته عليه سفراتنه سوه كل اجازه ياخذني الدبي وياا
ضحكنه شقانه اشتاقيت لذيج ايامي رغم ازعاج ابن عمي مامهتمه ابويه بضهري
كضيت الطريق افكر وصلنه نزلنه دخل عمو كدامنه واحنه وراا اول مافتنه للمطبخ جان اكو بنات ثلاثه لابسات دشاديش وشالات ثنين اعمارهن يمكن بعمر ارغد او اكبر وحده لا كبيره صورتها عمته او خالته
تلكن ارغد بوسنه شافني سلمن ثالث وحده ضلت كاعده
باوعلي ارغد "هاي سندس وسناء" ابتسمت
لاحضته عبر الثالثه لاهي هتمتله ولا هوه كعدنه بلهول كدت بصفه كان واضح عليه ماراضي بلجيه بس مغلوب عليه مثلي
فاتو ثنين ولد عرفتهم اخوانه تميم وتمام سلمت عليهم بخل تميم نب " بزون بنص عتاوي "ضحكت مثل حجليت اخوو ارغد ضحك بصوت" مشوف اركض والعشه خباز "
تميم التفت لمه "بشرفج لو مزوجته انت جان جبتيلنه صخل ويا جوك الصخول العدج وحدتهن راسها مدوحس"
"خلقت ربك لا ضل تعيب الله يعابيك بوحده من ذني"
سكت نزلت بنيه متروسه جسمها حلو لابسه كلبيه ام الجاكات ونص ردن حفرت الصدر خماسيه هيج اذكر لونها احمر مطعمه بذهبي شعرها ميش وشايلته وخاله مكياج خفيف بس الحمره طووخ حمره ضحكت
تقربت شلم على ارغد تريد تبوسه هوه استحه وخر من يمي فشلت وهي تبتسم "هاي سوالفه شوفي من يمي يستحي واني مرت اخوو مو غريبه"
بوستني "اني ضحى زوجت تمام عمه فدوه شكد حلوه شوفي عيونها"
دخلت المره الماسلمت كالت بصوت من يمي صفنت نبرتها كولش عاليه "ايييي لا يغرج الجمال ياما جميلات وهنه من فوك هله هله ومن جوه يعلم الله ضحاوي مو كل شخص نتقبله هناا بس النعرفه ونعرف اصله
صدك انتي منين اهلج منو شسمها كلتي يمه نبت سندس رغد عوجت حلكها ارغد ورغد شلون مرهمها حتى بعاي حظك عدل"
امها كالت "سعاد سدي ماعدج يمه جاين تعبانين"
كعدت "اي ارغد شنهي سوي عرس
ارغد ساكت رفع راسه بس وجها مكلوب تميم خزرها" سعاد شكد تحبين المغثه الله خالقج بس للقيل ولقال عفيه نسوان
ماتهجعين "
سعاد "شدعواك دافع شكل اني جاي انصحه عليمن مخاسير وعرس هوه ماخذها ومكمل وكلها تدري خلي الفلوس يرتب بي البيت ويسوي عشه ويفضها"
تميم صاح "ام اسااااامه بسسسس بسسسس لا ضلين تذبين بانزين على النار وتحركينه سدي على ماعدج وخلي البيت هادء لان بعلي هسه اكوم اشطركم وانعل منين مااجيتو"
سعاد "تسبني واني بيت ابوي ماعاش اليطردني وابوي وامي يشتمون الهوى وغصب عنكم تحترموني مو بزر بطني يهيني"
كام تميم طلع وضرب الباب ضليت خانسه خايفه ارغد وكف نتر تعالي وراي دخلني غرفه بيها سريرين وكف وجها مكلوب صاح سناء
دخلت " سولها مكان بينجن فرغلها خانه لملابسها سناء مااوصيج لتعوفيها وحده تستحي
عافنه وطلع مجمر فرغتلي خانتين صفنت ميكفن دحست ملابسي دحس
طلعت مستحيه عدهم كليدور بين الهول والغرف مرايه فوك المغسله جانبيه باوعت خدودي حمر شافتني جنتهم سوتها فايته ابتسمت "ها تستحين"
اي اول مره اجي
"تعاي ولا يهمج اعتبريني اخيتج وانتي بعد صرتي جنه منه وبينه جرتني فوتتني الهول فارغ بس عمو كاعد وبحضنه خرز يمكن يسوي سبحه كالت اكعدي هنا اني شويه واجي
كعدتي صارت بصف المطبخ اسمع سوالف البنات نزل ارغد باوعلي" ليش مابدلتي "
تقرب يمي همست "ماعدي مثلكم بس تراكات واستحي من اهلك"
ليش ماحجيتي باجر الصبح اوصي امي تاخذج تشترين من السوك
"حباب ضل يمي محد اعرفه"
ارغد "عدي طلعه هسه اصيحلج سناء"
مخلاني احجي عافني وطلع امه اسمعها صيح عليه كلها مااريد اكل مزقنب "
ثواني ورجع طب كعد كتله هاا
ضل وجها احمر فاتت مره وبنيه شابه وياها لابسه صايه من ذني يضيكنها وبيعا كبوس وشال يلف خمسين لفه وبي دنابيس كلهن التمن على البنيه والمره
فاتن للهول وراهن ام ارغد والبنات اول ماعدت المره باوعت على ارغد "هاا خاله ماسلم على خالتك"
رفع حاجبه منتجي حسيته واصله عده للاخير التفتت عليه هاي مرتك يااا شوف الحظ "
سعاد ضحكت "صدك حظوظ دنياج ناس تنزلها للحضيض وناس صعده للكمر"
ام ارغد كالت "بسجن وانت يمه توكل روح"
ارغد فرك وجها ابو دخل من الصاله كال "سعاد احترمي نفسج وخليج بحترامج بويا اني رجال تعبان عوفي ارغد بحاله"
سعاد "شمسويتله بعد اخته"
صفنت هاي اخته جبيره ضليت ساكته البنيه ويه خالته ضلت تباوعلي حرجتني ابتسمت دارت وجها وكامت طبت للغرفه
ضليت كاعده مستحيه بس ضحى مرات تحجي وياي اجاوب على كد السؤال طبيعتي مو اجتماعيه
حسيت بوحشه فضيعه حاولت اتوالف مااكدرت ساعات كاعد بمكاني محد بيهن كالت كومي يمنه راحن للمطبخ
اجيت ابجي كمت ادخلل للغرفه ابدل وانام وصلت
سمعت صوت وحده تبجي وتتوسل "مااكدر امي تذبحني
ماتعرف بعدك اصار
بجت مشاقتلك لا تستعجل وتنهي حبنه منين جبتها
مو احسن مني ولا تحبك بكدي
استحيت ادخل مبينه تحجي ويه حبيبها
مرت الايام وحددو العرس ارغد. مااشوفه هواي يشتغل بلغرفه يصبغها ويرتب بيها راتب شهرين اشتره بيهن غرفت اخشاب استعمال قليل
امه مالها دخل بيها اخواتها مجنباتني بس ابو يستفكدني حسيت برعب وحشه بداخلي احط راسي على المخده اشبع بجي مو هذا الاريد
تحطمت مستقبلي ضاع فرضت نفسي على انسان مو يمي انجبر يسوي كلشي في سبيل يحميني
اشوفها مهموم وعصبي حتى خواته مالهن دخل بي وامه اشوفه وتسكت اخته سعاد وحده من كلامه كالت لمها سمعتها واني فايته زوجي وخلي يطلع يرجع لبغداد وخلصي شعده ضال هنا
لزمت كلبي محتاجه الراحه محتاجه احس بلامان فاقده
هذا الشعور فقدت طعم الحياة
لفلفت روحي ونمت باجر زواجي هوه خطبه هوه عرس بيوم واحد رحت ويه سناء وامه اختاريت بدله مجرد
اسم بدله وحزت صالون ورجعت
ارغد ماعده حتى جهاز ماجهزت اضحك على روحي واني ادري زواجنه مجرد شكليات كان اتفاقنه اني وارغد
الكل جانت حاسدتني صديقاتي اقاربي اليشوفني يكول مرتاحه وقمت السعاده صح البس من ارقه الماركات عطوري كلها من دبي وسوريه ملابس اوصي بابا يجيب
من مولات دبي
مخال بنفسي شي بايام الاجهزه اول مااشتريت دمعه بذاك الوكت اول مانزل سعره 750 حابليا بابا وراها نوت1 اول مانزل اداوم بارقه لبس
مامهتمه رغم خجلي بس عدي قوة شخصيه اليشوفني هاي حجايتي اجرها جر مو تصنع طبعنه هيج كانت ماما مثلي من تحجي ماواجهنا انتقادات
بس الشفته بلاسبوع يم اهل ارغد كمت مااسولف استحي من اشوفهن صافنات غلى حلكي لحد ما خاله ام ارغد كالت "يمه شبي لسانج معوج لو تعلوم بغداد هيج"
فهمت عليها عبالها اتعاير سكتت ارغد مامقصر ياحول يسد احتياجات العرس رغم عنه وعني
سديم
ايام مرت وايدي صارت احسن كمت اتجنب قصي شكد مااكدر بعد اخر موقف جابلي العين مااكتفه بهذا الشي
نفس وكفته ونفس النضره حرب العيون قائمه بينه وبين كرم كرهت روحي بسببهم مو ذنبي اذا مامطيتهم وجه
بنص المحاضره دك جهازي رقم خليته صامت ماسكت عفته هملته كملت طلعت للكافتريه اني ودق
درت اشتري عصير وكف بصفي شخص رفعت راسي قصي همس بين سنونه بدون محد ينتبه جاوبي لا اكسر الجهاز على راسج " فتحت عيوني على وسهن هذا شيحجي سوالي حركه معناها جاوبي
ضليت اتلعثم بكلامي ويه ابو الكافتريه حتى الفلوس عفتهن وطلعت ودق كاعده منتضره
شافتني امشي بسرعه اريد اطلع جرتني شكو شبيج تركضين ضلت عيوني حايره اباوع داير مدايري دك تلفوني متت خوف
باعي هذا رقمه
ودق "ياهو"
"قصي قصي شيريد راح ابطل والله ابطل"
عوفي لتردين
"ميقبل مشفتي شلون يخوف"
جاوبي وشوفي شيريد ممسويه شي غلط وراها حضري خلي بقائمة الحضر
"هااا راح ارد عادي قابل شيسويلي"
فصل ورجع دك رفعته طرش اذاني بصوته يحجي بحده "وين صرتي"
شتريد مني
"مااخابرتي صار سبوع منتضر تتصلين"
على شنو اتصل تره انت زودتها منو وانت واخابرك
"حبيبج ومستقبلاً زوجج بعد لسألين"
خنست فاكه عيوني ودق كبالي تأشر فتحي مايك "عيب اني مو حبيبت احد ولا اعرفك بعد لا تتصل"
ضحك "اي عادي صيرين حبيبتي"
سديته وكف الدم بعروكي هذا منين اجاني ودق بصفي تعاين على خوفي كالت "اهدئي ولا تتوترين مبين شراني بس انتي بعد لا جاوبي"
رفعت الجهاز انطيت للرقم حضر ضميت التلفون وطلعنه للبيت وصلت طبيت نفس يوميه هوسه وعركه كابه بين مرت حسام وامي
فتت صافنه عليها واكفه على الدرج غلط وصياح امي تلوب كاعده بلكاع مدنكه دارت على اماني "سكتيها يمه راح تفضحنه وتلم الشارع علينه"
"انيييي تبوكوني حراميه اشرف منكم عايشه بعز ودلال امداني امداني اجيت كابلت وجوهكم الفكر"
اماني "جان ضليتي بيت اهلج اذا احنه فكر واهلج الخير والعز الدكولين عليه"
نزلت " شايفتني مجدي منج ماخذه من حالج الردي ولا اخذت شايب عايب ولا كوشت على رجال مزوج وهدمت بيت وعائله يل عوانس "
اماني سكتت تباوعلها " الله يعرف شينطي العباده اكو اشخاص يكرمهم بلغنه ويسر الحال ويفقدهم طعم الحياة
يبتليهم بفقر النفس يبتليهم بلذريه
واكو ناس فقره بس الله غاني انفسهم مااتبعو ملذات الدنيا ولا مدو ايديهم وعاشو بكرامه وعزت نفس
مو كل شخص يمتلك عزت نفس هاي نعمه من الله
انتي انسانه فارغه تجادلين المقابله بلصوت العالي
وهذا دليلي انو انت ماعدج قوة شخصيه شلون تبرزيه بصوتج العالي جذبين نضر
وازيدج شعر اني مو هجامت بيوت ولا اخذته من اهلها ولا امي ولا خالتي راحن يتوسلن يخطبني ولا عدي علاقه
بي اجه بكامل ارادته طلبني
وكدام الكل وكدامي اخواني وهذا يكفي وزوجته بنفسها حضرت عقدنه واريام شافت بي المالكته بزوجها وبشباب البعمرها محترمها وغانيها
فكري بنفسج وفكري بوضعج شوفي انتي وين واحنه وين
اماني كومت امي دخلتها للغرفه زوجت حسام شالت روحها ودكتها بلكاع عفتها ودخلت ابدل
بليل نزل حسام ساحلها اخذها لهلها تعودنه على مشاكلهم
وطمعها تريد فوك طاقت زوجها
ضل بالنه على حسام طلع عصبي كامت اماني كشرت بيتنجان وبتيته وكفت تكلي واني يمها اثرم خيار
فات والدي صاح "هم مشاكل عفيه بيت ماتخلص بيه البلاوي شكووو صاير"
اماني همست منين يج الخير وانت ابونه كالت امي "ملينه بزعنه ابو تحسين مو حاله واحد مايامن بيته يضمله فلس تكشول الاكو الماكو خصره اضملي كم فلس بلجيزدان الكاهن مشيولات
اضم جوه المخده مالكه احد بلكنتور وين اخلي"
"وانتي عفتي بناتج وركضت على بت العالم المسكينه"
اماني عافت البيدها وراحت وكفت بلهول يمهم "ياهي بت الناس تقصد زوجت حسام حبابه واحنه بناتك من لحمك ودمك نبوك امي ونبوك حسام وابوك نفسي هذا قصدك
انت ابونه لو ابوها اريد اعرف منين جايبنه متبنينه امي زانيا بينه"
صاح "بت الكلب اشعل ابوج لا بيوم الجابت بي لا توكفين وتراددين انت مو بس بواكات وسحارات تربيت امجن العوجه شكو سالفه نكسه بيجن"
اماني ترجف اباوعلها ايدها ترعش "اني اني سحاره لو سديم لو اريام اذا سحارات ان سحرناك وخليناك زين ويانا"
"سونها بنات الجلب اعرفجن منو يكول ماطاكاتني اني وامي بسحر صاحي من وراجن"
كاعد مترهي ومقتنع بحجيه " مااكول بس حسبي الله بيكم كلكم انت وامك واخوانك الله على الضالم ماشفنه منكم شي بلاسم انت اب بس لو يجون للواقع انت مو اب انت ضالم
لليوم ماحسستنه بمعنى كلمت بابا ولا حسينه بحنانك
ولا بعطفك خلي بالك اهلك همه السحاره امك السحاره "
ترجف وتحجي صارن عيونه بكصته طفر جرها من شعرها امي كامت كوه اجر بي تولاها تكفخي
تجمدت بمكاني اريد اتحرك مااكدر اطرافي يبسن خنست اباوع كلبي يرجف بلعومي خشب واني اشوفه مارحمها
امي تعيط طب حسام يركض دفعه صاح "شمسويه وتضربها"
"كلبه يراد اعيد تربيتها النكسه اني سحار وبيبتكم سحاره سا..... اشرب من دمج العا...... بت السك....
وكف يلهث وياشر بايده هسه تخابره الزمال مالتها ياخذه بله عرس
حسام" كولو ياالله امشي اماني دخلي الغرفتج الفت عليه شافني مصكك اشرلي اخذيها ركضت طببته وامي وياي طلعت
حسام " حجي اخر مره اشوفك ضاربها مو زغيره اماني ولا طفله اعقل وحده بلبنات ورزنه ميصير هيج تهينه بهاي الطريقه وان غلطت "
دفع حسام يحجي وياا وطلع يدردم كاله انت انكس منهم تربات امكم النكسه ضل حسام صافن سمعنه طبكت باب الشارع
التفت عليه كتله "هسه ينقللهم المشكله وبيبي هاي فرصتها هي وعمو نعيم خوش راح يشحنو
هزر راسه اشرلي تعالي نسوي عشه
" مسوين ذاك بلصينيه "
بعدكم مامتعشين "
لا جهزنا وصارت الطلابه
ابتسم بحنيه "اختج هم لسان تعرف ابويا وطبعه"
جرني جوه جتفه فتنه للمطبخ كملنه الصينيه شالها دخلنه للغرفه جانت اماني كاعده وجها احمر مبينه باجيه امي منتجيه مدده رجليها
حسام "وهاي الصينيه من ايدين سدومه مو يابه شلون تكلا مكلوبي شال اصبع بتيته ينكط دهن هذا مسوي رجيم والحرار ذوب الدهون يابه"
شال الثانيه شوفو هاي بيها كساح ضل يشير كل بتيتايه ويصنف هاي بيها شلل رباعي وهاي صاير عدها اغماء
اماني تضحك واني مبرطمه عليه طلعني كلشي مااعرف صدك البتيته ناكعه دهن مااعرف اكلي
كعدنه بيومها شبعنه ضحك مرت الاياماماني اعتزلت كامت متواجه ابويه وهي نفسها كلش عزيزه
داومت ثاني يوم نفس الوكفه والنضره حسيت بمغص ودق وياي كالت امشي لا تهتمين
لزمت ايدي فتت باوعلي بنضره لو تحجي كان حركتني
خفه كلت بس يمي يخوزر ويه جماعتنه صوت يترس الممر
فات الوقت قبل المحاضره الاخيره واكفه اسجل ملاحضات دك جهازي رفعته رساله من رقم كاتب
" سديم ارحمي حالي وجاوبي "
كلبي والله حسيته راح ضليت اتلفت طالع هوه وين يحضر محاضره ماكو
كعدت على الستيج دايخه اني وين وكعت شيريد هذا
اجتني رساله ثانيه "جربي مخسرانه والله روحي بيج"
عفته طلعت مافك مني
طول الدوام ضل يراقب ماهتميلته مشت الايام التهيت بلامتحانات الفصليه اليوم اخر يوم قررنه اني والبنات نطلع للمطعم بنهايت الدوام
اخذنه تكسي وطلعنه وصلنه للمطعم نزلنه طبينه تنفست براحه اريد اتونس كعدنه طلبنه اكل وعصاير
نسولف ومنطلقين ودق تحشش وحوراء وبان نزل الاكل
رفعت راسي عطشانه صحت ودق بربج مي ناوشيني بطلج انطتنيا درت اشرب اشوفه كاعد بلزاويه كدامه اركيله ورجل على رجل خنست
نزلت البطل اجيت اغص بلمي ودق رفعت راسها شافته سكتت البنات كاعدات
مااعرف شلون كملنه وهوه مدامنه كاعدات هوه كاعد
طلعنه وصلنه للباب اناجر تكسي ونرجع وصل يمنه كال هاا بنات هاي انتن هنا
التفتت بان وحوراء سلمن "قصي الله جابك"
قصي "هاا اوصلجن"
حوراء "ياريت تكسي منكدر شافني اعض بشفتي من الخوف كال مااخليكم ترحن وحدجن امشو اوصلكم"
طلع كدامنه واني افرك بيديه المصيبه بيتنه اخر بيت
ودق بصفي خانسه خايفه اكثرمني
...... يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!