رواية بين الكاف و النون الفصل التاسع وأربعون 49 - بقلم saja altaie95

بـــيـن الـــــكـاف والــــنـون

الــواحد والــخمسون

بــقـلــم...  ســجـى الــطـائــي

شـينفع حضن الـولايات
الـماعنده عرف بلــ آخ
وكت اليل ويـن يبـات

تعبت هواي . .

رسايلـهم ملح صبخـه
وأنـه بـكل مطر ساعي

وهـذا أنـه . .

من فزن نثـايـه اليل
شـلت حـرزي
نـوبات الرسالـه أتصيـر علـويـه

ســـــــــــديم

واكفه اعدل بخصلات شعري ناعم وبي خيط شكار واصل نص ضهري مااحب الشعر الطويل بس امي واماني مانعاتني
اكصه

لابسه فستان ازرك كلوش وبلوسط حزام وهوه قصير يوصل

حد الركبه دخلت اريام "اللهم صلي على النبي ولج شمسويه بروحج"

سديم "عليج الله حلوه لو لا يعني بيه شي مو مرتب الفستان كاعد عليه لو مبهذل"

اريام " يااا غير حلووو شوفي  روحج بلمرايه كاعد عليج فيت "

سديم " ربى اجت لو بعدها"

ربى " لحكت اماني للصالون اجيبها وتجي "

كعدت اريام تعدل بنفسها كملت وبدلت الابنها عفتها بلغرفه طلعت الصاله مرتبيها للزلم ابويا واخواني ولد عمي الكل ملتم بيها ماما ونعمه زوجت تحسين ومرت حسام بلمطبخ يرتبن بلكيك والعصاير

ضليت بلهول خالين كراسي تخم للعرايس نص ساعه كالو اجت العروس ضليت بلهول تحسين حذرني باب المطبخ مااوصله من شاف لبسي صح مااعترض على نفنوفي بس
مايقبل احد يدخل ويشوفني

تلكيت اماني لابسه بدله ومغطايه بكبوس عرايس وصلت للهول تلكيناها كعدت على الكرسي وخرت الكبوس ضليت
صافنه

يربي شكد متغيره اماني عمرها ماخلت كحل تستحرم
ضليت صافنه على شكلها تسريحه بسيطه المكياج بارز
ملامحها طالعه كلش حلوه

شافتني ابتسمت تقربت يمها "اليوم الكمر يمنه"

اماني "انتي الكمر كله"

جرتني امي "روحي ساعدي مرت اخوج اهل العريس بلطريق دقايق ويكونون يمنه غسلي القواطي زين ونشفيهن وخليهن بصطل الثلج كسرته وجاهز"

سديم "ماااا مبدله تخرب كشختي شوفي غيري البيت متروس بنات جايه عليه"

ام تحسين "امشي يمعزايه ورانه كومه شغل لازم الببسي بارد ننطي للناس حاار يله تحركي كشختج ماتروح مشغلتج عماله لو طبخين"

اوووف مايرتاحون اذا مايكربون سديم رحت للمطبخ ضليت اعبي القواطي بلصطل كملتهن قبقت السطل ولازم اضل واكفه يمه لا الجهال تجي ويخلصو مو جهال شواذي شفت ابن اريام صحته عبودي ونطيته قوطيه وقطعة كيك

البنات كالن اجووو باب المطبخ سدوو عفت كلشي ورحت للهول النسوان طبن باوعت اريد اشوف شريجت اختي مااعرفها

كعدن والزلم ترسو الطرمه والصاله نص ساعه وعقدو  شفلو السستم واني انلكفت طبيت بلنص اهززز ويا بناتهم اكسرهن ويكسرني

متونسه وطايره بلخطوبه جرتني اريام " ذبيتيهن كلهن "

شنو "الحم البطنج خلصتي امشي ولي وزعي كيك وعصير"

تره مو بنكلاديشيه اني اختكم خليني اتونس المن لبست وكشخت اكابل المطبخ

اريام "دمشي مو انهبنه كضو التوزيعات يمفلوكه هسه تحسين يهيج علينه امشي واستري على امي"

اخذتني من ايدي رتبنه كلشي وخليناهن بصواني اريام ونعمه يوزعن واني اجهزلهن صواني نفتح الباب طب تحسين كال وزعتو لو بعدكم "

سديم " هسه وزعنه "

تحسين "خوش عوفي النسوان صيحي وحده بمكانج وجهزيلي للزلم"

سديم "شنو لهسه مموزعين"

تحسين " عدهم جماعه تانوهم وهسه اجو وره العقد يمعوده  ابوج خزانه بصوته هرجنه مو كيك وعصير راح يقدم مفلطح"

سديم "اكيد كام يهوبز كدامهم شوفني اني كريم ونفسيتي طيبه بعد مهمت ابوك وعمامك"

تحسين " كملي خيتي ورمشيلي عيب صالهم هواي كاعدين "

رتبت الصواني ورمشلته اجه "هاا كملتي باوع كلشي جاهز عاشت ايدج هسه طبي راح يدخلون الولد يوزعون"

فتت للهول بيبي كاعده تباوعي مراضيه فتت منها كالت "مال الصجيج بعروكج يفرخه سد سميني ماتعرفين تسلمين على حبوبتج لو امج مامعلمتج"

ابتسمت "بستها من ايدها وراسها" لا بيبي علمتني امي واحسن تعلوم بس اني الماشفتج الخلل بعيوني مو بتربيتي "

بيبي " حقوده على امج وخواتج ماتكولن حبوبتنه هاي يمنه شمرت عصا نروح نسلم عليها نسألها محتازه مامحتازه لو شكول على ابني وحضع العاثر لا حوه مره ولا بزر بيهم خير"

يمها مأثر نبت "بيبي ترقت علينه من دخلت جامعه يشوفن نفسهن احسن من عدنه وهي ماتعله غير الزباله"

رفعتلها حاجبي "ايدج شلونها لو تعوقت خل اذكرج ليش تعوقت لان الحوبه تخطي ماتبطي سدي على ماعدج واسكتي ومايشوف الزباله غير الزباله

بيبي لرفعت عصاتها"يا عرمه لا بارك بيج ربج تعيرينها من ترحيلها فدوه ونذر اذا ماكلت لبوج يكسرج تكسر مااطلع ام نعيم والسماني 

مأثر" شفتي جده تعيرني بايدي اني شنو ذنبي اذا طحت عليها وبعد مانعدلت الله كاتبلي هيج من دون البنات اتعوق حرام عليها "

هزيت حلكي "امممم دموع تماسيح"

مأثر ضلت تتبجب بيبي ترضي بيها هوسه محد سمع من اهلي اخذت كيكه وكعدت اكل اباوع بيبي كضت اريام  تحاجيها عرفت عليه ماهتميت

اجتني كرصتني" اخخخخ شبيج "

اريام "انتي ماتكعدين وسكتين سديم تعرفين بيبي اذبحيها ولا تتقربين من بنات عموو ليش تعيرين مأثر بعوق ايدها حرام عليج"

سديم "مجذبه مابلتنه بسحوتها لحد ماتعوقت"

اريام "صارت واخذت جزات اعمالها ترحين تعيريها هسه شوفي بيبي اذا سكتت وتوصلها البابا وعمو وشيفضها"

عوجت حلكي يم العقرب لا تقرب يم الحيّه افرش ونام وهنه ثنينهن مايتعاشرن بيبي ومأثر

اريام ضلت ترزل بيه عفتها وطلعت للمطبخ الزعاطيط طابه طالعه ومشرعين باب  صحت بيهم "شياطين تعالو كضيتهم من اذاناتهم ودك على طي...  وطردتهم والي حصل جلاق مني طلعو يتراكضون والله اليدخل املص اذاناته رحت اسد الباب

تحسين وكباله ولد لابس عسكري لازم قوطيه بيده رافعها يشربها ولكمه بحلكه عينه اجت بعيني نزل القوطيه

بسرعه طبكت باب المطبخ الخارجي اكو كرسي كعدت سمعت العريس فات ماكمت ولا شفته روحي طالعه  وضايجع من بيبي  مراح تسكت اذا ماسويلها هوسه طبت اريام بيدها صايه كالت" كومي صوريهم
"مااريد"

اريام "منو يصورها محد يعرف ياخذلها حركات وفيكات وياا خكيبها خطيه اضل ذكرى عدها"

اخذت الصايه لبستها جريت الشال هيج شمرته على شعري طبيت بيدي الكامره التفتت هاي اخوانه فايتين هزيت ايدي

ضليت اخذلهم صور من ضمنهم العسكري عرفته اخوو "خفه شكد عينه صلفه مااشل نضره عني وخر كلها المعازيم وراي  فات مني كال بصوت ناصي" يابه شلون حاته "

خزرته ابتسم  لعب بحواجبه "نعمة الله وحرام علينه مانتنعم بنعمته" مارديت عليه  ودرت وجهي عنه

رغم فرحت اختي حسيت بخنكه اريد بس اخلص لقطات  وادخل للغرفه ارتاح مامرتاحه

لليل بلشنه ترتيب وتعزيل لمينه هوست العقد والوصاخه كلها راحت بس  واريام وزوجها وربى وزوجها ضلو لوره العشه اغسل بلمواعين اريد اخلص بسرعه واطفر اقره محاضراتي

بعدني اغسل حسيت بجرت اذني صحت اخخخخ اجتني ضربه على ضهري كسمت ضهري نصين وصوت ابويه يصيح

"بت الكلب تعيرين بت عمج اله اعوقج مثلها جرني من ايدي خلاها على الكاونت جر الجبجير وطاحلي دك واني اتوسل بي بس عوف ايدي فدوه بابا والله بعد مااسويها

اجه تحسين" شافه تخبل جره  شبيك يابه صدك لحذب هاااي شنو شاف ايدي ليش هيج اسوي بيها عقلك ويا عقلها "

"عوفني اربيها ال....  يجيني عمك زعلان يكلي ليش هيج ابو تحسين اليطيح ويتعوق صار عار القضاء والقدر صار يتعير بيها شمسوي وسديم تعير بمأثر لان ايدها نعوجت"

تحسين "حتى وان عيرتها غلطت تجي تضربها وتريد تكسر ايدها شنو قساوت كلبك تره ماصايره هاي"

"لا صاير واكثر لو عايفني جان كسرتها الها تفشلني ويه عمامها تربيه النكسه تعلومكم هذا ولج باعي اذا سمعتج حاجيه ويه بنات عمج لو مقلله أدب ويه اي احد من بيت
جدج ابطلج واكعدج"

تحسين "روح يابه عوفها وحير باهلك عمرك كله جبته دافع عنهم ومتقبل احد يحجي عليها على حساب اهل بيتك وحالك ومالك الهم"

"موتكم جووع شبيهم اهلك وهيه لوماعوجه اضربها وشبيهم بيت جدك شمسويلكم  لوهاي زرع امكم زرعت بيكم الحقد
والكره"

سكت تحسين "تعالي اخذج للمضمد اخاف مكسوره جاسها"

صرخت شاغت روحي تحسف دار على اريام "لبسيها اخذها

راحت جابتلي صايه ربى قريبه"  سوده عليه شمسوي بيج هذا ابويه ماعده كلب هم الحيوان يعطف على فرخه اله ابويه

مستعده يذبحنه كبش فداء في سبيل يرضي امه واخوانه"

ابتسمت والله عفيه خليتي علتهم بكلبهم تخسين وجه احمر مبين كوه كاض اعصابه اخذني للمضمد علاجه ولفه لاوم اشعه ويشوفون شبيها  رجعت توجعني  اليل كله مااكدر انام منها

كعدت الصبح كوه محد قبل اداوم ماكدرت لان عدي امتحان

امتحكنت اول محاضره جانت ايدي اليسره مضروبه لافتها ومغطيتها لابسه قنيص ردن وتنوره

ودق شافتني اتلوه من ايدي طول الدوام الوجع يدك بلعظم جنه بلسنتر كتلها نصعد

صعدنه فات كرم منا روحي طالعه وكف مقابيلي يباوعلي عبرته وفتت لممر القاعه ودق ندستني "باعي فاندام"

عكدت حواجبي منو

ودق "رفعي راسج بلطابق المقابيلنه رفعت راسي قصي يباوعلي بنضرات غضب  ماهتميت الم ايدي كلش قوي

بس اريد اخلص واطلع مشينه للقاعه شفتها ممليه طلابنه وصوتهم عالي ضليت  واكفه بلممر غمضت عيني عصرتهن بصابعي دقيقه وحسيت بجره شاغت روحي ردت اعيط
ماكدرت  باوعت قصي يجر بيه

اريد احجي نعكد لساني صرت فرجه للطلاب دفعني بقاعه فارغه مال مرحله رابعه درت اريد احجي ملامحه ماتبشر بخير اعصابه واضحه بوجها مكلوب احمر وعيونه يطاير

منها الشرار

رفع اصبعه يم حلكه سوالي اششششش دخلت ودق فاكه عيونه وترجف اجت يمي" سوالج شي "

بجيت من الم ايدي وهوه جرني منها ضل ساكت و يفتر مال واحد يريد يضبط نفسه ودق بصفي واني لازمه ايدي فكيت دكم الردن رفعته جانت ايدي كلها ملفوفه وخرت الفاف صايره دم من الجره

سديم "فدوه ودق اخذيني للبيت راح اموت من الألم بعد مااتحمل"

ودق "امشي ناخذ اذن من الاستاذه ونطلع"

خلينه وطلعنه صرت فرجه للطلاب كلها تباوعلي بسبب دموعي ولازمه ايدي الشاف تصرف قصي الله اعلم شيالف من كلام

رجعت للبيت الدمعه بعيني من الوجع  هدوء كلها بغرفها دخلت الغرفتي اماني بعدها ماجايه  بدلت بصعوبه  اخذت مسكنات مددت الفشله بدمي صارت

نزل دموعي هذا تخبل شون يخليني بهيج موقف امام الطلاب حسيت بكره اذا اكضه اذبحه

ضليت اتكلب المسكن شويه خف الالام دك جهازي فتحته رسالة من نفس الرقم ابو الشعر " شبيها ايدج "

عرفته قصي  مسحت الرساله وقفلت الجهاز شمرته ونمت
كعدت على صوت اماني تحاجي امي رفعت راسي

واكفه لازمه ربطتها صفط بيها "تتغدين"

هزيت راسي "كومي غسلي بين مااصب اني هم مماكله"

كمت طلعت غسلت بلحمام رحت للمطبخ مرت حسام
اسميها شيش شوي ضعيفه وجها مدوحس

كالت "ماسلمين شبي لسانج مبلوع"

ابتسمت مجامله "تدرين من اكعد تطفه عدي الجوزه المهم هلو"

هزت ايدها " عيش وشوف " اخذت صينيتها وطلعت

كلت بكلبي حراميه ذاك اليوم خمطت فلوس تعب اماني بلخياط كلهن خطيه خلتها تتحسب عليها اخواني شبي حظهم وين الرديه يرحولها

ســيف الدين

الالم بلروح مايضاهي الم ولا شعور الفقدان
من تفقد شخص مو بس عزيز لا تحسبه روحك
ومحطةاستراحه بعد تعب طويل اايام واشهر وسنوات طويله

متأمل تحصل ثمرت جهدك وتعبك ولوعت كلبك

كل طعام للراحه ماعدي الدنيا صارت بنضري عالم اسود ماضل عدي امل بلحياة كلشي فقدته كانت الشغله الوحيده الي اكول

الله عوضني بيها لكن القدر واردت الله اكبر من امنياتي
فقد الما زرع بيه القساوه صارت حياتي عباره عن شغل

مرت سنه واني طامس بلعمل كاعد بمكتبي دك الباب عمار ورا الولد سدو الباب

عمار مجتف ايدي يلطم "اليوم اريد الطم على جويسم ابو الغيره"

عدي  ووالبقيه  "احوو ووو.  احووووو"

عمار "شراب العرك وبطالت البيره"

احوووووو احوووووو  احوووووو احوووووو

رفعو المسجل وعلو الصوت  من الطم للركص هزوو دقيقه وطفووو 

سيف "تردون عقوبه الامر يكيف يطكك بسف يشعل شيب الخلفك"

عمار " بومه يااخي فكها ويله كووووم اعزمنه "

سيف " سالمين شقابض واعزمك "

عمار "بااوع ذني لوفاتك مو عليه مثل تشد النجمتين وتطفر متفقين كل ترقيه بيها عزيمه"

ورثت جكاره من شفت الباب مسدود سحبت نفس "انت كلتها ترقيه واني مامترقيه لذاك الوكت بيك خير وتدلل"

رفع حاجبه " شلك بيه ابو الشباب اجت ترقيتك "

سيف" وينها ماشوفني شادها "

عدي " هاي سوالف الامر ماكايله من البارحه اجة ترقيتك ملازم نجمتين "

عدي وعمار وبقية الولد باركولي وراحو مافرحتني ولا حركت شي بداخلي خلص دوامي

طلعت للبيت وصلت نزلت دخلت الغرفتي سبحت وصليت رحت اشوف الوالده والشيخ

الحديقه بيها طليان والشيخ واكف يم كصاب يتعامل ويااا

فات زياد بسيارته نزل جاي بملابس الدوام  تقدمت  سلمت " الف مبروك بطل تستاهلها جبتها بتعب "

ابتسمت "مشكور ابو نور هاي شنو الحجي شيسوي"

زياد " وليمه على شرفك تريقيتك "

سيف "لا بشرفك وهاي الطليان شدعوه شنو يوزعهن ثواب"

ضحك زياد طبطب على متني "لا عازم شيخ جبور وشيخ شمر الي بتكريت  وشيخ دليم بصلاح الدين وشيخ العزاوي والحمداني  والجنابي"

سيف "شدعوه  هلكد عازم"

زياد " عوفه تعال انطيني ملابس منك ابدل هسه يجون ينصبون الجادر والكراسي ماضل وكت "

جبتله دشداشه  بدل  اجه الطباخ كل قزان صارت عزيمه سدت الشارع زياد ويا حمايته طوقو المنطقه من الحادثه

واحنه حذرين شارعنه مسدود من الجهتين طير الطاير مايفوت بدون علم الدوريه  واله يعرفهم ابو الدوريه من اهل احد هاي البيوت او اقاربهم 

منطيهم علم باسماء اصحاب البيوت وكل المعلومات الازمه جنت محزم ارتب واساعد الطباخ فات الحجي يشوف الوضع شافني " هاي انت واكف مامجهز روحك امشي بويه ماضل وكت الناس على جيه فوت بدل وعطر نفسك

واكف يم الطباخ شسوي فوت جهز رويحتك "

سيف "شعدي حجي هاي دشداشتي مرتبه"

شيخ "ابني البس زيك  وشد الرتبه"

حسيته يريد يفتخر بيه تقربت بست راسه تدلل  دخلت  ذبيت على جسمي ماي حسيت روحي عركان لبست الزي
مخيط ثنين الداوم بيها انطيها للحجيه تغسلها والبنات
اخوات الما يكونها والثانيه تكون مكويه ومعلكه

لبست النضيفه تعطرت ولبست البيريه كملت على اتم مايكون صفنت على روحي من بعدها ماكو فرحه كلشي مات بداخلي قبضت على ايدي اريد الزم روحي

فركت وجهي حيل موسهوله تنزل دمعتي اخذت نفس جريت باكيتي ورثتة الجكاره من اسحبها بنفس واحد اطير نصها

طلعت الشيوخ حاضره دخلت سلمت افتريت واحد واحد اسلم عليه  حسيت بفخر  ب عوض من الله من خله هيج ناس بحياتي

الوليمه كانت فخمه  لليل خلصت فتت للبيت الحجيه استقبلتني  تباركلي تبوس بيه بستها براسها هنا

نزلت دمعتي مسحت عيوني بسرعه بدون محد يشوفني
ابو الما وامها باركولي

ايام مشت بارده كئيبه البستان امشي بي وبكل مكان النه ذكره جميله هنا حضنتها وها مشينه سوه احن الها

واشتاقلها مرات من كثر الصدمات تتعود شوف الموت شي طبيعي

مااكدر اسامح نفسي للان عصابة مالازمهم  هواي دورت وحققت ويه مجرمين ابتزاز  كل نتيجه ماكو الهم 

بيوم كاعد ادقق اوراق مهمه فات الامر صعب كمت وكفت دكيت التحيه باوعلي "تعال وراي مهمه"

اخذت البيريه وسلاحي وطلعت طول الطريق ساكت بس جهاز النداء يشتغل التفتت "سيدي شنو المهمه"

صعب "نوصلو وتفتهم"

سيف "سيدي اخباريه عن مجرم وليش بسيارتك الخاصه ماويانه حمايه كل مره ملازم عمار يداهم العصابات"

صعب "ملازم اول سيف هواي تسئل نفذ واسكت"

ضليت ساكت وصلنه الطريق بساتين والطريق وعر السياره تختض من الطسات فتته بداخل البساتين مسافه نص كيلو

وكف كدام بيت طين بس وكفتنه مسافه بين الاشجار كال " انزل "

نزلت ورا درت وجهي الحمايه ورانه نزلو طوقو البيت افترينه للبيت وكفت الحايط وراي وبصفي باب البيت طين وبوسط بساتين بس وضعه مشبوه مسافه طويله عن الشارع وهذا الشي  يجيب الريبه

اشرلي الامر افوت  وراهم انطه اشاره للجندي اسلاحي بيدي متهيء  دفر الباب وفات توزعو بلبيت صاير غرفه بطن غرفه

فارغ  اثار تدلل مسكون البيت فراش والارض مفروشه حصران الطباخ عليه جدورة اكل فتشنا مابي شي غير الاثاث

الامر ضرب الحايط "شردو اكيد اجاهم ايعاز حتى دوريه ماجبت

سيف" سيدي  شنو هذا البيت وشكو بي "

الامر "اجتنه اخباريه خطف تحققنه وتوصلنه الهم عصابه متخصصين بلخطف ومن ضمن الاخباريه خطف بنيه واغتصاب  وابتزاز قبل سنه وكدرنه نحصل اسماء الضحايه سكت يباوعلي باصرار هزيت راسي وعيوني بعيونه

كال" من ضمن الاسماء اسم زوجتك سكت

حسيت الدنيا فترت بيه هاي الحضه
متمنيه امنيه الزمهم بيدي 

طلع  صكيت على سنوني احس الحرار صعدت الراسي انسحبو ضربت الحايط بصفي طك اصبعي 

ماتتحملت طاقتي خلصت فلشت الغرفه صرخت فشرة
نص ساعه واني هايج اعصابي راحت الباب الحديد خسفته كلبي مايتحمل اكثر

كعدت مهدود حيلي الامر واكف بره  رفعت راسي باوعلي بأسف دخنت  رغم التدخين ممنوع اثناء  الواجب
كملت كمت طلعت رجعنه للبيت

دخلت دمي فاير سبحت  وطلعت صليت ضليت مكابل سجاده الصلا اريد اخذ نفس بانتضام كلبي فاير

كمت لجمني اصبعي عرفته انفصخ جريته صح يأذي متعودين على الاذيه شديته اخذت باكيتي وطلعت للبستان

مشيت بين الزرع اشجار التين وصلت للساكيه كعدت على الكاع  طلعت جهازي قصيدة مااعرف المن

لاتســافـر

لاتســـافر روحي عنـدك لاتســـافر
لاتـــكابر لا جــرحي لايجــرحي لاتــكابــر
يـــاكلب يـــهجر خليــله
يــاابــو يـــترك عليــله

ويـــاك اخــذني اضــوي بــ دروبك شـــمع
انــــه العليله وبــ غيـــابك انفجــع
اقسم عليك بــ فاطمـــه وكســر الظـلع
لا لا لاتخليني غريبــه وبــ الدمــع
يـــ ابويــه تــدري بــ حالتي وهجــرك صعــب
خــوفي عليك من الغــدر بــ ارض الغرب
اشـــعر يبـويــه الكاتبوا رادوا حــرب
واشـــعر ظمايرهم عليكم تنكلب

وكعت على جرحي اسمعها اخذتني الغير عالم
سرحت الهفت عيونها من شوفني

الضحكته ورصعت خدودها

روحها طير من شوفني
روحتج كسرتني 

خلتني عايش بس جسد روحي ونفسي يمج
لليوم ماواكف على كبرها روحي ترجف مااكدر
اواجه كلبي واصدك راحت

صارت مهمتي  ايام حولني زياد  للأمن الوطني  بواسطه
قويه والحلو بلامر الامر صعب ترقه وحول للامن

يمكن ضريبت صدفه

المايعرف شنو جهاز الامن الوطني هوه حمابة امن البلاد داخل البلد  يتكون جهاز الأمن الوطني من العديد من الأقسام ما بين استخباراتية وعملياتية، وبالتالي يشرف

كل ضابط على مجموعة من المنتسبين وفق المهام والقسم والمنطقة التي يعملون فيها، كما أن الجهاز يعمل وفق سياقات خاصة يمتنع فيها منتسبوه عن ارتداء الزي العسكري إلا في حال عمليات المداهمة أو الاعتقال

باختصار الامن الوطني ضابط يمكن اشوفه يشتغل عماله اذا طلب الامر او يشتغل عامل خدمه او يلزم بسطيه بسوك

ارغــــــــــد

امنتها بلبيت  اسوكت مسواك كامل اخذت فواكه وعصاير
وشنو تحتاجه دخلت للبيت

كاعده بره

ارغد "بزونه ومتانيه عتويها"

رغد "ارغد بعد لتعوفني وحدي اخاف كلش"

ارغد "ادخلج ويه الحجي تتونسين"

رغد "ياحجي"

ارغد " يااحبيبتي الحجي صايم مصلي حتى يتوضه بطل"

شنو بطل

ارغد " هااي مي زمزم مكتوب عليه " خليت المسواك بلمطبخ تعالي عزلي

رغد... كعدت اصفي بي ارغد وكف بره يدخن مقابيل الباب

كتله"يعني شنو يشتغل الحجي عده شركه "

ابتسم ذب الدخان "اي شركة هززز"

استغربت "شنو شركت هزززز"

ارغد " اسكتي واشتغلي سويلي ريوك عدي دوام  ضلت تشتغل اباوعلها ضعفانه وين جانت صح ضعيفه بس جسمها مليان

صاحتني طبيت كعدت اكل وهي كملت مددت ارتاح

رغد عفته يرتاح طبيت اشوف البيت حلو حديث نص قطعه 100متر صاله وهول ومطبخ سوه مفصول بنص حايط  وغرفة نوم اخر شي

وصخ كله تراب بس مأثث اثاث حديث

رجعتله خال ايده على عيونه "ارغد  منيلك هذا البيت نوب مأثث ومابي نقص"

"من وحده حاته"

صفنت صدك يحجي "وهاي وين عرفتها"

ارغد "هي شافتني واجتني"

يحجي وايده على عيونه برطمت "وانت هيج تاخذه منها بدون ماتسال وشلون تنطيك بيت بدون سبب وشلون عرفت انت تريد بيت"

تنهد " اني كتلها اريد انام هواي سالين "

يحجي برود فور دمي "انت كلشي عدك طبيعي"

كلب على جهه ثانيه "ساعه وكعديني مو تنسين"

ضجت طبيت للهول ضليت اعزل وامسح بلأخشاب وبلتخم   مسحت البيبان ولكاع شويه نضف

دك جهازه ضل يدك اسمعه  سمعته جاوب مبين ويه ابوو
اول مره يصير عدي فضول واروح اسمع قريب البا وكفت اسمع

ارغد "يابه يازواج صدك تحجي وين اعوف دوامي واجيكم واني كوه لكيت هاي الشغله واردها زين"

ابو ابراهيم "ابني انريد نشهر زواجك كدام الكرايب ماتعرف هاي النلس تحب الحجي واشكال كلام طالع
جيبها يمنه ونسويلك عرس حالك حال هاي الشباب"

ارغد " شعليها الناس بيه تعرفني مااهتم الاكبر راس
مامسوي شي غلط تميم شاهد على العقد اخذتها استر
عليها من ابوها اني مال زواج "

ابو ابراهيم " ماعدنه مانع سترت على البت وهاي بميزان حسناتك وخلصتها من ضلم ابوها  يعد انحسبت زوجتك
تجي تمم زواجك وتعيش يمنه بوسط اهلك خالها حال
نسوان اخوتك "

ارغد "يابه زواجنه شكلي اني هنا  وياها اخوه مامكرب صوبها  لحد ماايجي اخوها وتطلع ودوامي هنا اضل اكضيها كراوي كوت بغداد"

ابو ابراهيم " اي احسب روحك عسكري اجازتك تكضيها هنا  امك ماقابله على سوايتك شنو انت وياها اخوان
لو تمم زواجك ونفرح بيك وانه البت سأل عنها وكلها تحمد بيهم بغض النضر عن مشاكل ابوها وياها

تجي تزوج على حسب الاصول وخلاص "

ارغد "حجي رحمه الموتاك

ابو ابراهيم" لا طولها ارغد غير هذا الحجي ماعدي شنو انت وياها اخوان وبنفس البيت وين حاسب روحك عايش بأوربا واخوان في الدين شنهي بويا  وين
صايره مرتك على سنة الله ورسولو ومامكرب صوبها

يله بويا خليني اكوم ارش الحديقه وانت جهز رويحتك هذا السبوع جاي وانه واخوتك نكمل باقي امور العرس خلال اسبوعين مجهزين غرفتك وهاي امور الزواج

سده كعد لبس ملابسه وطلع ضليت خايفه  بهاء ديمشي باامور الجوء

طول اليوم افكر بكلام ابو الرجال حقه يفكر بلعرس
ضروفي تختلف وهمه يعرفوني سبب زواجي منه

التهيت بلبيت كلشي مثل مااحب حسيته بيتي اثاثة نازك ومجكنم ملموم  كمت احير شسوي واغسل وانشف بردات على جراجف المخاد ادواشك الزوالي يوميه جارتلي شي وغاسلته صار لهوتي ثلث ايام عدل اني محزمه بلبيت

صح اضل خايفه طول النهار لحد مايصير اليل يجي ارغد أمن اول يوم بعد ماطلع رجع  ب12

فات اني مطفية البيت بس ضوه الطرمه مشتغل

حسيت عليه مخايفه لان انطاني علم بوقت جيته وكفت شغلت ضوه المطبخ الاصفر ضوا خفيف

فات يمشي بسطاله شمر سويج الدراجه والتلفون كعد بلهول نزع بسطاله مدد كال اخخخخ ضهري

واكفه وهوه ماحس عليه تقدمت بؤبؤ عينه اندار ناحيتي

جنت مجهزه روحيانام لابسه تراك نوم ردن وبجامه
ارغد "ليش كاعده"

رغد "اخاف انام"

ارغد "هاي اجيت روحي نامي" خله ايده على عيونه "

ضليت واكف اريد اساله واضح التعب بعيونه "جوعان احضرلك اكل"

ارغد "لا ماكل لتعبين نفسج"

عفته فتت انام افكر بحالته حسيت بخوف وكئابه من مكالمت ابو واني متگئبه ليش اضوج اني مو هذا الاريده
مجرد اكون بامان لحد  مايجي اخويا واسافر

اووو ضليت اتكلب لحد مانمت

مر اسبوع ارغد يجيبه اليل تعودت اتاني واشوفه يله انام بيوم استراحته  جان بلبيت بلطرمه يصلح بلمبرده واني اطبخ بلتمن ندك الباب

دقايق والصوت قترب جنت لابسه تراك عفت البيدي وقترب من باب الصاله الداخلي فاتوارغد شافني

كال " هذا ابويا وامي يردون يشوفوج "

ارتبكت " اجابهم ارغد ليش يردون يشوفوني "

ارغد " حتى يخطبوج مني يعني شنو ليش طبي سلمي عليهم مياكلون بشر "

رغد "مااقصد بس توترت ومتفاجئه بجيتهم"

ارغد " عادي تعودي فوتي سلمي واني انطيهم مي "

اكو مرايه طويله بلهول رتبت وجهي وشلت شعري ذيل حصان مسحت وجهي بلكلنس خليت مرطب ورشيت عطر على السريع

طبيت كلبي يدك طبعي خجوله  كوه كلت سلام عليكم

الرجال كام "لا عمو تفضل لا دكوم اني اجيك تقربت باسني براسي

" هلا بنتي شلونج اخبارج "

الحمدالله عمو بخير "

درت اسلم على امه "شلونج باجي"

كالت "من الله زينه مو من بنادم"

كتلهم "هسه اضيفكم شي" كوه حجيت من للارتباك احس كلبي طلع بس اىيد اطلع بأي حجه

طلعت ركض لاكاني ارغد ضحك "هاي كل ما تخجلين صي، ين طماطه"

رغد "اسكت اجيت اموت من التوتر هاي شلون البنات من يجون يشوفوهن الخطابه شيصير بحالهن"

تقرب مبتسم "لو ادري جيتهم  هيج تحليج جان من زمان داز عليهم"

دنكت خجلانه عفته وطبيت للغرفه ميته مستحه ضليت افتر على نفسي  ادعي ربي كون مو نفس البالي وجيتهم

بدلت بدشداشه حضرت صحن فواكه وكلاصات شربت طبيعي عاصرته وخالته بلثلاجه

شلت الصينيه داصيح على ارغد يشيل صينية العصاير
مشيت وبيدي الضيافه صرت قرب باب الصاله على الهول

اسمع ام ارغد " انت اضل بله كلب ولك شتعرف منها بخيرها وبشرها جايبه حمره بيضه وابوها شراني انت
تريد تدهرني يمعزه عوزي مصايب

شمعرفك بيها خوش بنت مو خوش غشيم انت طحت على وجهك من شفتها حلوه وعيونها خضر

عاينلي ارغيد اطلك وتردها لبوها شني جايزه منك

كالها يمه صاحت وغمه الغمتك والله اتبره منك ليوم الدين تردها لبوها وبس

....... يتبع

اعتذر
هلا بلواتباد متوقف عدي والله سبع كلبي من البارحه انشر بي ومينزل

حالين فتحت الوات بجهاز ماما يله نشر