بين الكاف و النون الفصل السادس وثمانون 86 - بقلم saja altaie95

بـيـن الـكـــــاف والـنـــون

التاسع والسبعون

سجا الطائي🍃

كَوه .. كَوه اتريدني العذال ارد
للشوك واهوه
او ما دروني اضحك ضحك .. مجبود
.. جالمجبود كَوه
او مادروني .. اسحن سحن بالروح ..
واخزن هالعذاب ابسمل جلوة
خايف السان البطر ، واضحك .. جذب
.. والنار جوه
او صابر .. او روحي ابملام اللايمين
ابتلت بلوه
حارت اوياهم ، يذكروها .. المضه ..
او كَالوا : اشدعوه ..؟
واصبحت مثل اليهد .. اوحيد .

سيف الدين

غمصت عيوني وعصرت روحي مااريد اذكر كل الذكره مرت كدامي كل الصار اباوع ايديه بيهن شلتها وسدتها على التراب

اريد اختفي من هذا العالم اتمنه الموت فراكها شعل بيه النار كسرت ضهري ماتحملت فراك ابويا

ايام صعبه عليه وعلى زياد البنات فراك امي زادهن قهر فوك قهر ابويا الحجي

فرات بخابر يريد يرجع من السويد ويسد محلاته واني وزياد نحجي " مااتحمل ابو نور كلبي مايتحمل شون طاوعتكم وضليت هنا ماشايفهم راحو وماودعتهم كام يبجي نار شابه بيه ابويا اخر يوم خابرته طمنوتني عليه وهوه حاجاني يله بردت امي لحكته شتحمل "

زياد" جيتك ماترجعهم ولا تستفاد شي نوب تخسر شغلك وتعبك كل على الاقل حافظ على تعبك الوالد شكد دعمك وكلك لا ترجع ضل وانت تصيح مااتحمل بعد ماستقريت وبديت تتعود تريد ترجع"

سيف" خوية انت من ترجع تأذينه حتى ابويا بكبره مايرضه عليك ابو مازن ماكدرت اكمل انطيته الزياد وطلعت

زياد كوه قنعنه يضل يخسر الاقامه ويخسر فلوسه المن جاي

افتر بالبيت خالي من حس امي وصوت جهال زياد رغم بيتهم بصف بيتنه بس الشيخ والحجيه ميرتاحون اذا مو نور وهمام يمهم

اكعد بمكان التصلي بي دنكت راسي بي رجليه يمه رحتي وماجازيتج ليش هيج رحتي بسرعه بسرعه ليش ماخليتيني اتعب بمداراج وارد جزء من تعبج

مددت بمكاني نزلت دمعتي شتحمل بعد يا حمل اثكل من هذا تعبت هدومي ثكلن عليه صرت امشي بلا واهس
خله منكم البيت شهر صحت يمه شهر ماتحملتي فراكه

اني شيحمل فراكم منو اليصبرني بعدكم منو الي

هسه صرت يتيم صحت يمه هسه حسيت باليتم بيتج خالي موحش مابي روح طفه النور من بعدكم

انهاريت ضليت نايم بمكاني مااعرف شكد مر الوقت
حسيت على ندهات شخص يكعدني فتحت عيوني زياد

كعدت فركت وجهي بثنين ايديه كال"كوم غسل وتعال تعشه "

باوعت للوقت ب٩ "هاي كلها نايم فاتتني الصلا"

زياد "اكعد اكل من تخلص صلي"

كمت غسلت جوه المغسله حتى راسي نكعته جريت الخاولي مسحت وجهي رجعته لمكانه طبيت كعدت زياد جايب اكل خفيف يعرف بيه مااثكل باليل مالي نفس اكل
كم لكمه وشبعت زياد مااكل كاعد يدخن وصافن تحسه هموم الدنيا فوك راسه

شلت الصينيه خليته على الميز ورجعت كعدت مسافه عنه بحضوره حتى تدخين مااكدر ادخن

تنهد بقهر وباوع للبيت كال" ضلت هنا مو راهمه تعال يمنه ام نور فرغتلك غرفه"

رد كال" يمكن الحجيه والحجي جانو يردوك تزوج تحسب الهذا اليوم جنهم حاسين يجي يوم ويرحون
ويتركوك وحدك "

"كوم خويه لم خراضك هسه ادزلك نور وهمام يساعدوك"
كام وكف

تنهدت"ابو نور"

التفتلي "ها سيف"

"ماتقصر واعرف بالك يمي مااتحرك منا مااخذ راحتي ولا الي نفس اترك البيت"

زياد" ماتركه هوه ضال مانصرف بي بس تعالي يمنه شنو ضلتك وحدك البنات كلهن رجعن شون اعوفك وحدك
ام نور على الاقل سويلك اكل تغسل ملابسك "

سيف"ماتقصر ام نور بس اني حاب اضل وحدي"

زياد"مو حلوه ضلتك بيك توحد كوم رحمه لهلك كوم لا تعبني مالي خلك اخذ وانطي وياك كلبي خلصان "

سيف وكفت " ابو نور لا تشيل همي هيج مرتاح وراحتي من اتخيلهم هنا وهذا مكان الحجيه وهناك الحجي يمدد كدام التلفزيون ومايعجبه يكعد على التخم اله بالكاع
وينتجي وصينيت الجاي يمه

دنكت خويه فدوه عوفني براحتي لا تضغط عليه ترك اطك واموت مااتحمل خليني اشبع منهم لو حتى بخيالي من اتخيلهم موجودين ارتاح

طفرت دمعه منه هوه شضال بي زياد امر من حالي لوما دوامه مايزين وضعفان وين جان الباب مايطبه من الضخامه هذني الشهرين هدن حيلنه

عافني وطلع محدب كعدت بجيت

تمشي الايام بين حيطان البيت وخلوتي وياهم

توضيت وصليت كملت لزمت القرأن فتحته بجيت صحت يمه على حطته هاي الورقه التحددين بيها وين وصلتي

رفعته شميته وبسته ريحته بيج حجيه سكتت اقره ودموعي تنزل ماتحملت سديته بجيت

يمه فراكج كسم ضهري وهد حيلي بويا عفتني بسرعه حتى ماودعتك ولا كتلي ليش ابتسمتلي

اخخخخ يافراكم نهضت لبست بنطرون كابوي اسود بلوز ثخينه سوده جريت قمصلتي السوده

اخذت محفضتي والسويج طلعت قفلت الباب توجهت افتح السياره وكفت سيارة الحجي من وفاته محد جايسه رجيت راسي على السياره غمضت عيوني

مااكدر كلبي ماينطيني ارصعد بيها دكيت الباب على بيت زياد طلع همام فتح الباب فتت ورا زياد يقرا قران بالصاله شافني صدق

"هلا خويه تفضل لا ضل واكفةالجو بارد"

سديت الباب وضليت بمكان مافتت "ابو نور اجازتك شوكت تخلص"

استغرب كال" بعد اربع ايام ليش كول"

سيف"محتاج سيارتك لو عدك بيها شغل"

زياد"لا وين اطالع"

سيف"ماكدرت اخذ سيارت الحجي اذا متحتاجه اخذها"

صفن عاكد عواجبه"وين ناوي"

سيف"للنجف"

هز راسه يستغفر"الجو موزين والوضع خطر خويه وين طالع مناك وروح زور الطريق بعيد وخطر "

سيف"ابو نور رحمه للماتو هسه احرك روحي تره كوه لازم نفسي ومتحمل هنااا نار ومشتعله لو شدكول ماتطفه خليني اولي اطفي ناري يمهم هي الحجيه ماتعوفني

دنك يبجي واني جسمي حار حتى البرد مااحس بي مسح دموعه كام جره من الطبله الكزاز خلا بيدي

كال"بس ديربالك على روحك تره سلموك امانه بيدي نزل راسه ينحب واني اعصاب ماعدي رد كال الحجي كبلها بساعات وصاني بيك والحجيه خابرتن قبل بيوم كالت

سكت يمسح بوجه مايكدر يكمل اباوعله مناضر يكمل كتله "شكالت"

باوعلي عيونه ماروسه دمع" امي حاسه بروحها تلك الحجي امنتنك يمي كالت عينك عليه تره سيف نفسه عزيزه وماطلب ومستعد يموت جوع ومايطلب اكل ولا يصخر احد يكويله ملابسه

حتى بوكتها اشاقيت وياها بعز حزني كتلها يمه شني تودعين وتوصيني بسيف

كالت لا يمه هاي دنيا البشر ماضامن عمره سيف هواي حجي ماعدي طاقه احجي تره كلبي ينزف وحاس بيك

وانت اقرب الهم مني ومن فرات روح بس ديربالك على نفسك ولا تخاطر

هزيت راسي طلعت طول الطريق مشغل قران اهدي الروحهم مااصدك ماموجودني ولا استوعب بعد مااشوفهم اريد اصرخ اريد اطلع نار كلبي بيمن

منو يطفي هاي النار ولا راح تطفه

وصلت رغم خطورت الطريق طبيت للنجف باليل ركنت السياره على الشارع يم سوبر ماركت اخذت مي شربت وغسلت وجهي ورجعت صعدت ساعه وطبيت المكبره

وصلت المكانهم بانينهن كعدت بينهم ودنكت "ماحسبتج قاسية كلب ولا حسب بيوم ابتعد عنج ولا حسبت يجي هذا اليوم كسرتي ابنج وذليتي دكيت على التراب بحركت كلبي

ولــــــــــــــــج يمه شعلتي بيه نار تجويني لوعني فراكج كلبج شون انطاج مافكرتي بيه ما كسرت خاطرج يتمتيني

مارحمتوني ولا فكرتو بيه شون اتحمل بعدكم يابه انت مردتني تيهتني بصحراء وكتلي حير بروحك اني اعمه
من بعدك

اخخخ يا بعدكم مالي نفس ادخل للبيت وين اروح يمه منو يحرك التلفون عليه وكل شويه تطمنين منو يكلي شوكت تزوج

يابه اذب همي عليمن بعدك مو انت اخخ مو اب صرت الي شلتني من قعر جهنم واعتبرتني ابك ماجازيت تعبك

بعدني اعاتبه واحجي بحركه مامهتم الصوتي ولا للناس التجي حسيت على ايد على كتفي درة وجهي ارغد

مسحت وجهي كعد على صفحه دنكت"ارغد تصدك ذوله امي وابويا تصدك ميتين"

دنك ضليت اعاتبهم متحطم فتحت القران بيدت اقره الهم ارغد على صفحه لازم كتيب ساعات مرت واني ماريد اعوفهم

ارغد" كافي سيف ارحم نفسك وارحمهم كوم غسل امشي نزور ونصلي هم وراك طريق رجعه "

سيف"عوفني ارغد خليني يمهم "

ارغد" كافي ياخويه صارلك سبع ساعات ماشبعت منهم دكوم ارتاح ضلت يمهم ماراح ترجعهم

سيف"حقك مافاقد عزيز"

ارغد"حاس بيك وحقك ماالومك بس اليوين اضل مكابل الكبور ترجعهم لو تحييهم هذا امر ربك وهذا يومهم اترحملهم واقرالهم قران توصل كعدتك ماتوصل "

ارغد

كوه شلعته من المكبره اخذته للسياره سقت ابمكانه تعبان وكوه يتحرك وجها شاحب عيونه رايحات من البجي والقهر

ماللومه سيف يحب ابو امه جانو نعم الاهل مرات اصفن اكول الاهل نعمه منوالله يرزقك باب وام حنينين عليه

رغم سيف فقد اهله بس الله عوضه بالحجيه والشيخ رحمه على روحهم معاشرهم وشايف حنيتهم ويه حتى الغريب مو سيف

هوه سيف بدون شي ينحب على اخلاقه وطبعه الحلو
مصدوم محاسب بيوم يفقدهم وبشهر واحد الله يعينه ويصبره

اخذتها وصلنه للامام نزلنه دخلنه للمغاسل هوه غسل وتوضه واني وراا طلعنه للأمير صدكعدنه نصلي قبل مانزور كملنه دخلنه زار وطلع كعد

بالصحن الشريف اخذله زاويه بيده كتاب الويارة ساعتين هوه يقره الزياره وقران عفته براحته كمل

وكف كمت ورا سلمنه على الامام وطلعنه صعدنه مشيت طول الطريق سيف حرف ماكال وصلت مفرق الطرق لازم انزل هنا اخذلي سياره واتوكل

ركنت على جانب الطريق هدوء انداريت على سيف هادء كال"منو كلك"

ارغد"ابو نور وصاني واجيتك"

سيف"طفل كدامكم"

ارغد"ابني نخاف عليك انت تعرف عذا الطريق شكد تكتلو بي شكد ناس اخذو حياتهم شكد سيطرات وهميه وانت ضابط بالجيش العراقي مايفرق عدهم طائفتك يصكوك "

سيف" اعرف الطريق وماافوت بهذا الطريق بعد لا تلحكني حتى لو زياد طلبك "

ارغد" شعدنه وياك زور بس توصل المكانك اكو طريق من الانبار مو من اربيل وعلى كركوك طريق الموت"

سكت مارد ودعته ونزلت

سيف
مشت الايام وبين الدوام اداوم على اعصابي كل حيل ماعدي مجبور اصنع القوه مجبور اوكف على رجليه

دك تلفوني زياد فتحت الخط "هلا ابو نور... اي بالدوام

لا بعد يومين انزل

ماشي امرلك

الله وياك

سديته مستغرب

يوم موعد نزولي اني مستلم سيارة الدائره وصلت للبيت بس فتت اخذت نفس ودخلت الغرفتي لكيت البيت نضيف اني خال نسخة مفتاح الام نور تجي تنضف البيت

طبيت سبحت وطلعت لبست تراك خفيف شغلت صوبة زيتيه دفي الغرفه مددت انام مااعرف شكد مر الوقت كعدت على صوت همام ابن زياد يكعد بيه

فتحت عيوني" عموو بابا دزني يكول خلي يجي يتعشه يمنه "

عافني فركت وجهي كمت غسلت توجهة للكنتور فتحت الباب سحبت دشداشه من دشاديش الحجي فصلها الي من فصل اله دشاديش لونها ابيض مائل للصفار

جريت الكوت اسود لبسته فوكاها بره بارده باوعت النفسي بالمرايه بعز البرد البس دشداشه مااعرف

حسيت الحجي وياي من لبسته لان الي موقف وياا بيها
طلعت وسديت الباب اجيت ادك باب زياد لكيت الباب مفتوح دكيت باب المطبخ صحت"ياالله ابو نور

صاح من داخل الهول "فوت سيوفي"

فتت وكف سلمت عليه وباوسته من شاف منضري ابتسم
هسه انت مشتي مصيف لو مستحي من الشته ولابس قبوط

كعدت " لا الجوه بره بي بروده بس البيت دافي

زياد"بس انت متحس بالبرد الجهال يطكطكون كوه نجرهم للمدرسه وباوع النور

نور باوعتلها صفح ماعاجبها همام كال "بابا همه لازم يخلون العطله بالشته مو بالصيف"

جريته بسته "وانت مو جبير هذا حجي للجهال واذا شته هذا مستقبلك"

همام"عمو والله احبها وتعرف مستواي زين بس كوه نكعد الصبح من البرد رسي مااكدر طلعه من جوه البطانيه
اكرها لان اضل نعسان"

زياد"همام عوف عمك روح جيبلنه مي "

التفت "اي ابو السيوف شونه دوامك"

سيف"الحمدالله ماشيه"

زياد" المقدم صعب تسمع اخباره"

سيف"لا بعده بغداد متولي عمليات....... "

زياد"الولد شنو وضعهم "

سحب جكاره يدخن "جهاد وياي ترقه وعماد ويه المقدم هم ترقه بس الضابط عمر تعطلت ترقيته الضاهر اكو خلل"

زياد"اصير هيج امور "

سكت واني سكتت ام نور جابت السفره اخذتها من يمها فرشتها ابتسمت"معدل سيوفي "

سيف"بالخدمه خويه"

كملتةالسفر كعدنه نتعشه اول واحد كمت من السفره مااتحمل اكل اكثر

وره العشه كعدنه بالصاله بس اني وزياد استغربت طلبه نور جابت صينية الجاي قدمته وراحت سدت الباب

شربت استكاني ومتاني زياد شنو موضوعه شويه وفتح الابتوب صاحني يمه تقربت كعدت بصفه والابتوب دك على فرات

سلمنه علي فرات تعبان والتعب مبين على وجها والغربه وبعد المسافه وموت الحجي والحجيه اذا زاده هم

بحدود االنص ساعه سوالف زياد كال

"ابو مازن اني اليوم جمعتكم لجل امر مهم هواي امور ماكانت بالحسبان بس لابد بيوم تنفتح الاوراق وهواي تتوضح شغلات

الوالد الله يرحمه قبل وفاته بشهرين سلملي وصيه والوصيه كانت عد محامي مصدقه من المحكمه

تعرفون الحجي مايحب يضلم احد ولا ياكل حق احد ولا يحب يفرق فتح الورقه بلش يقره الوصيه ماتمالكت نفسي درت وجهي اداري بدموعي محد متعود عليه
تنزل دمعه مني بس فراكهم حطمني

ضل زياد يقره لحد ماوصل عدد اسماء ابمذكورين وشملني بالذكر

مسحت عيوني ودرت عليه اتاكد باوعت للورقه بالفعل اسمي مدروج من ضمنهم

زياد" هاي الوصيه الحجي انو الورث يتقسم علينه بالتساوي من كفاء منتهين براء يعني شاملنه كلنه

انتفضت مقاطعه"ابو نور منو كلكم اني اخذ منكم هذا مو حقي ولا الي حق يمكم "

التفتت سيوفي انت حالك حالنه ليش تعتبر نفسك غريب انت مو شلت فاتحت الحجيه ماخليتني ادفع ربع من جيبي خسرت شدتين ماكتلك ليش تدفع ولا انتفضت

لان معتبرك ابنها وهي الها حق عليك هوه مو فضل وتريد ترد الفضل سنين ويانه شفتنه فرقناك من يمنه اني بمقام ابوك وربيتك على ايدي

هاي وصيت الوالد اني العليه اقسمها باليرضي الله وامشي حسب الوصيه متريد هذا شي راجعلك تتبرع بيهن تنطيهن وين متوديهن ضلت يمك

دنكت ساكت فرات" ابو السيوف الحجي مو غشيم ويشملك بالوصيه يعرف معدنك شنو وانت تربات ايده ماغلطان من فضلك علينه احنه شفنه حياتنه وانت
كرست حياتك يمهم جان بمقدورك ماتتحنل مسؤليتهم

كلنه التهينه بحياتنه بس انت ماعفتهم ولا مليت منهم
ماانكر اني من شفت امي معتمده عليك بكل زغيره وجبيره شلت ايد منهم

طبيهم زايدتهم ناقصتهم انت متكفل بيها ليش كل هذا اسوي فوك تعب الدوم ترجع تسوك وتجيب وتودي مجبور لا وانت تكدر تعزل بيت وحدك

بس رابط الابوه دفعت ابويا مايفرقك من يمنه ماقصرت وياهم ياخويه لا تكسر وصيت الحجي اخذ وهذا حقك واحنه باريك الذمه والحجي لوما يسوي هيج اني اتنازلك عن جزء من حصتي مانفرقك من يمنه

سكتوني بكلامهم ماكدرت ارد

وبالفعل ايام وتقسمت الورثه اني تكفلت بيع الاملاك بصلاح الدين والي بالكوت غير الاملاك المانعرف عنه الحجي محاجي بيهن

وصارت حصتي ٢٥٣ مليون سلمتها بيد زياد امن اشتريت بيت الحجي الي باربيل الكاعد بي وزياد طك الحايط البيناتنه صارت طبتي وطلعتي سهله عليهم

اثاث البيت مثل ماهوه غراض الحجيه والحجي وغرفتهم على حطتها كل مااختنك اطب بيها كلبي يبرد من اشوف مكانهم مثل ماهوه

مشت الايام واحنه حالين ب٢٠١٧ بعد ماتحولت الى مركز الشهداء بالرمادي اول ما نقلت دخلت صايؤه هوسه بوكتها المدير اسمه سلمان عجيل

دخلت المكتبي كعدت ارتب بالمكتب بالشت بمكاني الجديد ماعدي اعتراض على نقلي

ثاني يوم بالدوام والامر اجانه السجناء الماعليهم تهمه ثابته نفرج عنهم مااعرف شنو سبب هذا الامر مع العلم التحقيقات ماكامله

واكف اصفي بامر السجناء ماكدرت التزم بالامر يعني اكو بسهم اقارب د١عش والهم صله غير تكتمل التحقيقات يله يصدر امر اخلاء سبيلهم اذا جان بريء

مشه اسبوع يوم اربعاء فات المدير سلمان عجيل صاح منو انت وتعطل امر خروجهم

وكفت اديت التحيه" النقيب سيف الدين فلاح حميد "

اشر باصبعه الامر يتنفذ مثل ما موصى بي امشي على التعليمات لا تفرد عضلاتك يفشن

سيف " سيدي اني مااشي بالتعليمات بس مال افرج عن اشخاص بعدهم تحت التحقيق مستحيل "

صاح " يول منو انت نفذ ومالك دخل "

سيف" امشي بالقانون جيبلي كتاب ينص اخلي سبيله بالاسماء اطلعهم "

وجها صار احمر ضرب الميز "يول مو اجسر سنونك واخلك تفل دم لا تتهوبز جدامي وتفتل عضلاتك

انه ابو.... مو انت التعارضي وتكف بوجهي مو اخليك تحت جدامي واسحكك"

ابتسمت تك خد " سيدي اوامر منفذه اذا كانت تمشي بالقانون وعلى ماتنص عليه الماده القانونيه ماامشي
بغير ضميري مااطلع متهم واحد لو ترفعون بيه للمحكمه"

رفع حاجبه"تتحداني معناها صعلوك مو ادوس على شو.... بالقندره"

سيف اعصابي فارت وكفت مقابيله " مااصور تعلمنه فديوم نهين الرتب انت ماتهيني تهين سيادة سدوله سيدي وهنا اني ابن دوله امن الدوله فوك كل واحد
وان كان ابويا "

صار نار عافني وطلع اخذت مكاني كعدت اشتغل
ثاني يوم كاعد اشتغل دخل رجال شايب وشويه سمين احمراني ابيض مبتسم ويا ولد شاب اسمر شعر طويل

كتلهم تفضلو الاب"زاد فضلك يابه "

كتله"استريح حجي يمي جندي كتله "مي للحجي"

اشر "لا يابه بس اريد اكمل اوراق ابني واتوكل"

سيف"اي تفضل حجي استريح ارتاح هسه نكمل الاجرائات" كعدو اي حجي شنو سبب جيتك

كال"ابني متهمي بالسرقه ذهب بيت عمه وشل حالي يله طلعت برائته "

سيف باوعو للولد"اي مبروك مدام قررو برائتك ماعليك شي "

الرجال"الله يبارك بيك ابني بس شوفلنه الاوراق وكملها رحمه الابوك وراي عمل عفت دوامي واجيت "

سيف "سهله حجي انطيني الفايل اخذته فتحته طب الضابط عدنان كال سيدي المدير يريدك

اخذت نفس" جاي دقايق بس امشي الحجي"

الجندي"سيدي مستعجل كال فوراً "

سكتت وين كاعدين كمت مترخص من الحجي طلعت للمدير مجرد روتين ويريد يحاسبني على اخطاء اداريه واني مامسؤل عنها عفته يرعد ورجعت المكاني

الحجي على كعدته كعدت روحي طالعه اخذت الفايل فتحته قريت الاسم رضوان رياض وميض اخويا باوعت للاسم وباوعتلهم اريد انطق مااكدر

دقايق اني اباوعلهم واباوع للاوراق الكدامي الحجي ضل يباوعلي مستغرب وخايف على ابنه

كمت وكفت مترخص طلعت بره افتريت اريد اهدء مااريد اسويها كدامهم ولا اريد افاجئهم مامصدك

يعني وين شخص تضيك بي الدنيا و بعدين فجأه تنفتح بوجها مامصدك لزمت اعصابي رجعت المكاني كوه لازم روحي استغلت بلاوراق ماكدرت حتى انطق

كمت وديته للضابط يدزها للمدير يوقعها وجايها الي كملتها بيدي كلها

دقايق مرت عليه شمسرعها احس كلبي يريد يطلع شكو شحجي الكدامي ابويا واخويا واحد ميعرف الثاني

اروح احضنه واكله اني ابنك سيف اصير فرجه للضباط والمنتسبين لزمت كلبي احس نفسي راح اوكع رحت غسلت صحصحت ورجعت بيدي الاوراق كملتها وكف الحجي تشكر مني واخذ ابنه وراح

ارتاجيت على الكرسي مهدود حيل خابرت الحارس كتله تلحكهم وتندل وين بيتهم شديته حلكي يابس اريد اهدء جسمي يرف اني سيف عمري مامريت بهيج موقف ولا تخيلت نفسي اوصل الهاي النقطه

اول مره اتنفس و احس صدري بي مكان ياخذ بعد هوا زايد اكثر من الازم

شكد ما مرتاح كمت اتنفس بسرعه

حته اسيطر على وضعي

(صادف يوم ٢٠١٧/٣/١٧)

رغد

مخبوصين خالتي تلطم والبنات يبجن صوت عالي من بره انتسرت الطرمه والصاله عساكر لابسين عسكري

دخلت سندس لزمتها "شنو شصاير"

كالت "تميم مضروب طلقه"

فتحت عيوني خطيه تميم مايستاهل ضليت بالمطبخ حضرت المي دخل ارغد تعداني وصعد فوك بدل ونزل واني احضر بالجاي كال اجيبلج صندوك مي لو اكو

مارديت عليه ضليت اغسل بالستكاين

طب فتح الثلاجه وطبكها راح للمجمده هم فتحها وسدها طلع صاح مااعرف منو وصا يجيب مي كملت الستكاين نشفتهن ووزعتهن على الصينيه

شويه ودخل ابن عمهم زغير كارتونة كلاصات مي طلعتهن من الكارتونه كتله عددهم كال هواي اكثر من ١٠ خليت ١٥ انطيته الصينيه اخذها وفات للطرمه ومناك للصاله

خدر لجاي طفيته يذب روحه على كولت خالتي طبعاً خالتي يهم بالصاله وعمو هم شويه اجه الولد صبيت الجاي واخذه

لليل عرفت اصابة تميم برجله وطلع منها لان القناص ضارب القبله براسه الله ستره واجت برجله

البيت داخل انذار من الخطار كمت اتعب ضحى حايره بروحها واشايله ايدها ارغد بعد اصابت تميم صار يبات بالبيت يم تميم خالتي مكيفه رغم هد حيله تميم من اجاها مدمه

واكفه على السنك اغسسل مواعين العشه بيت عمهم تعشو يمنه وهمه والدهم وجناينهم يطب يطلع ارغد

ياخذ مي لو جاي واني اسويله وهوه ياخذ الصواني

انتبهلي دقايق بنص الخطار صاح بضحى وسندس"خدامت الخلفوجن كاعدات وهي من الصبح تركض صااح يمه هي هاي وصيتي"

خالتي"يمه هنه كل خجل ماعدهن شكد انحش بيهن واكلهن كومن ساعدنها ولا وحده بيهن حست واستحت على وجها "

ضحى"اني الصبح كضبت البيت وهي عليها ماعين العشه "

سندس" خويه لا تدخل بشغل النسوان احنه مقسمين شغل البيت وهي عليه الماعين شعليه اذا غسلتهن ماتموع"

ارغد" محترمج كدام الخطار امشي ساعديها يمه بعد اذا شفتها وحده تفتر والقران اكلب البيت ارحموها مو متولينها من شفتوني غايب "

سندس"اهوو شعليك ارغد شغل بيناتنه لا تصير مره "

هي هيج كالت ماحسينه غير صوت تميم من الصاله ويه صوت راشدي ارغد الها كامت ترعد انواع الحجي خالتي كضتها سدت حلكها جناين بيت عمهم استحن واجن للمطبخ كل وحده لزمت جها

هوه فات شافني سحبني من ايدي كدامهم صعدني يسحل بيه طببني للغرفه وسد الباب

افتر عصبي فرك وجها صاح"خدامه انت ماتحجين شكو تكربين كراب المطي جايبج تخدمين وجوهن الزفره
السانج وين ضامته

عفته يحجي وفتت للحمام وسديت الباب دفره صاح جاهل كدامج تجاهليني ضل يصيح مارديت

سبحت وطلعت بالبرنص جان كاعد يدخن وكف طفه الجكار وتقرب يمي لزمني من زندي دارني عليه لزم فكي عصره

ماهتميت عيني بعينه كال"وكاحتج بدت تطلع موو رجعتي رغد القديمه العرامه توصل للبصره"

ضليت ساكته قرب وجها باسني حيل ودفعني اخذ سويجه وطلع نزل

شلت المشط اسرح بشعري اصبرولي واحد واحد كملت بدلت قفلت الباب جريت الصندوك سحبت التلفون فتحته بعد ماامنت شريحه واخذت الارقام المطلوبه

بديت بالخطه لل٣ فجر يله نمت

ارغد طلعت اعصاب ماعندي برودها ينرفزني من يوم الرجعنه من المستشفى مااصادفتني اشتاقله بس البداخلي مو بيدي مااكدر احكم اعصابي

ماله ذنب اني شنو ذنبي شنو ذنب الكفل ينولد من اب ماله اصل من يكبر شنو يكون موقفه ما يتحطم مثل مااني هسه متحطم عايش على امل بيوم اكاها

اخخخ هدو حيل وزغروني كل طريق ماخلولي تميم وسيف ماخذين تفكير سيف متخبل على ابو وامه

وتميم من عرف بطلاك علويته زاد مانقص اليوم اله سبوعين على اصابته للعصر تميم مدد مشكليله مغذي

دك تلفونه جاوب وسده كال "القائد ابو علي جاي لهنا انطي خبر للبنات يجن يلملمن هاي الهوسه ارغد خويه لا تقصر بضيافتهم مو بس هو وياا قاده"

صحت سندس دخلت نضفت الصاله طلعت جبت معجنات وكعك وعصاير واجيت خليتهن على الكاونتر المطبخ فارغ طلعتهن من الجيوسه ارتب بيهن فاتت

درت وجعي ضحى ماهتميت الها تقربت بصفي لزمت ايدي دفعتها "تخبلتي"

ضحى" وشبيها مااتخبل انت مخبل بنات العشيره كلها "

ارغد"الضاهر انتي ماتوبين دواج الكتل "

ضحى"مااتوب لحد ماتنفصل واني انفصل ونزوج"

ارغد لزمتها من ايدها من قوت لزمتي حسيت لحت العظم "وكتابه ورسله شايفه اذا سويتي شي لو هاي ملاعيبج هل مره كل رساىلج ادهن لبوج الم..... يشوف شمربي زانيا"

ماهتمت تقربت مني اكثر كشت روحي "امووت بالعصبي اذوب بالحراره اجت تتلمس جسمي"

جبتها براشدي فر وجها نركعت بالباب وراها رفعت راسها ولا جنها شكد عين وكحه " كتل الحبيب زبيب عسل على كلبي اجيبك اجيبك رغودي لا تضن بهاي تصرفاتك تصدني لا تقربني اكثر انت حلمي الادور عليه"

بعدها تحجي وفاتت رغد ولا جن شايفتنه عافتنه وكفت تحضر بالضايفه

فركت وجهي وطلعت اجو القاده فتحتلهم الباب ارحب بيهم وصلت الشخص ماتخيلت بيوم اشوفه فات السيد محمد ابو رضا

دخلتهم للصاله واكف تميم يستقبلهم رغم اصايته كعدو

ابو علي"ليش واكف ابني اكعد ارتاح انت جريح "

تميم"زارتنه البركه حجي على الجرح بسيط "

القائد ابو عباس" بطل الدعلج منو يجي صوبه والله انك طلعت منها مثل الشعره من العجينه منو يصدك يطلعهم ويصوب القناص الروسي "

ابو علي"هاي من فضلات الام الحسين من كلي اريد اني اتقدم واستلم المهمه كيفت كلت محد الها غير دعلج وهوه ما شاء الله سبع واله رؤية مسبقه يغرف يحدد نقاط القوه والضعف سلمت بيد الامام الحسين وكتلهم توكلو

ابو عباس " كل الاخبار التوصلنه عنك مفرحه وتخلينه نتنومس بيك واني اعوذ باالله من كلمت اني باي محفل لو اجتماع اسولف بشجاعتك وسباعيتك وكلها القاده متمنيت شوفتك

تميم" واجبي مو فضل مني ولا تمنن بلدي يريد نسترد حكه مااكعد واشوفهم يصولون ويجولن بي ماانطيها
بالعينه ولا اتفرج على عرضي يروح سبي لو يغتصب

اذا مو اني وغيري وغير يحمي ارضه وعرضه منو الاجانب تحمي "

لو يسولفون وابو رضا بس يستمع مستغرب حب القاده التميم وهوه مامهتم الوجوده محترمه ورحب بي رغم استغراب تميم واستغراي ابو رضا

حسيت محد محسب احساب للثاني دار الحديث عن المعارك ومواقفهم والدي وتمام وابراهيم جانو حاضرين ساعه وطلعو

بس طلعو

تميم مدد صافن كلها طشت دخلت وسديت باب الصاله كعدت اريد اسال احسه مو وكته

تميم ايده على كصته صافن بالسكف كال " تتصور ابو رضا صديق ابو علي"

ارغد"اشجابه اذا مو صديقه واصور جابه كونه من نفس المنطقه "

تميم تنهد ساكت ماحجه بعد مرت الايام

تميم اخذ اجازه وره مرضه اليوم خلصت من وكت رجعت للبيت سلمت بست امي منوراسها وكعدت "شلونج يمه"

ابتسمت تباوعلي "بخير يمه دام اشوفكم كدام عيني بخير"

ارغد "انتي الخير والبركه"

كالت "تتغده"

ارغد"لا ماكل بالشركه وين الولد"

تمام بالمحل وتميم هذا مخبلني"

ارغد استغربت "ليش شبي"

امي" يطلع من الصبح مايرد اله العصر مترب وين يروح ماادري اساله مايجاوب "

ارغد "يوميه هيج لو اول مره"

امي"لا اله سبوع على هاي الحاله "

بعدنه نسولف فات مترب "الله يساعدهم"

ارغد "ويساعدك شنو هاي التراب بملابسك"

كعد تك رحل ثانيه رجله المصوبه مادها" ابني "

ارغد "اشتبني"

دخن ونفث الدخان "بيتي"

امي ضلت تباوعله مستغربه واني اكثر منها"شبيك خويا عقلك ضارب يابيت التبني" يدخن مامهتم

تميم"كيفك لا صدك "

ريحانه

بعد ماضربني رضا انطويت على نفسي اشكي امري الربي هوه يشوف حالي وعذابي منه

كعدت اكتب بحث التخرج والدي اله كم يوم هواي يصفن اليوم كال يودون اسناد للحشد هوه من زمان مشارك بسناد الحشد اسس مؤسسه صغير هوه والساده والشيوخ مسؤلين التبرعات

بين فتره وفتره يجمع مبلغ ومؤنه يدزها بيد متبرعين لو قاده من نفس المحافضه مرات الشيوخ وياا يرحون يودوهن ويرجعون

بس اليوم هوه راح رغم خوف امي من الطريق وخطورت الوضع

الي سبوع غاطه بالبحث العلمي وذابه كل جهدي في سبيل احصل امتياز هدفي الماستر وره التخرج

مرة الاشهر واني غاطه باليحث والدراسه

وصلنه النهاية السنه

ايام اني احس رضا و تكتم مو طبيعي علاقتهم هواي يتعاركون رضا تعود يضربه واني كلش مجنبته حتى شلام نقطع بيناتنه

مغمضه اريد انام حسيت بصوت قران بعيد ابتسمت ركزت افرزن نوع الايات لحد ماعرفت الايه

الله نور السموات والارض مثل نوره كمشكاة فيها مصباح والمصباح في زجاجة الزجاجه كانها كوكب دري يوقد من شجرة مباركه زيتونة لا شرقيه ولا غربية يكاد زيتها يضئ
ولو لم تمسسه نار نور على نور يهدي الله لنوره من يشاء ويضرب الله الامثال للناس والله بكل شئ عليم

سمعتها ارتاحست حسيت انتعاش روحي طاقتي زادة ضليت مغمضه اسمع التكملة الايات لحد مانمت

كعت ثاني يوم صليت وكعدت اكمل حقظ القران صارت بالسبعه كمت بدلت وتريكت اجاني الخط طلعت للكليه

مر اليوم عادي رجعت للبيت بدلت صليت وتغديت لكيت والدي راجع سلمت عليه جر راسي باسني بكصتي خجلت دنكت عافني وفات للصاله احسه مهموم

للعصر كاعدين ندك الباب واني بالطرمه اعزل بيها رحت وره الباب اسمع صوت زلم رجعت ركض فتت للصاله وكف والدي يحجي بالتلفون

طلع واشرلي افوت للبيت

........ يتبع

مساء الخير

بنات اترحمو للشيخ حتى لو الاسمه الوهمي المهم النيه لولو التعذر جان نزلتلكم اسمه بس ماسمحولي انزل اسمه