بيـن الـكـاف والنـون
الـثـمانـــــــون
سجا الطائي🍃
سديم
كمت من الفراش وكفت مديت جسمي مكسره اوووف الجو بارد ثلج باوعت للساعه ب٦ اخخخ ولا الي خلك اداوم طلعت للهول اغسل على المغسله
فتحت بوري المي خليت ايدي بالمي بارد اشاا بارد كاسرته بمي حلر غسلت وفتت للمطبخ سويت جاي وسويت لفت جبن اكلتها وشربت الجاي واني واكفه
ركضت للغرفه بدلت وكفت اعدل بوجهي خليت مكياج هادء كملت اخذت ملازمي وجنطتي طلعت جريت البوت لبستهوكفت بالطرمه متانية الخط اهلي نايمين محد بيهم كاعد بس حسام نزل غسل وصعد يبدل يطلع الشغله
اجه الخط صعدت وصلت للكليه لاكتني ودق وهبخ "صباح العسل"
هبه"صباح الخر.... اليشوفجن يضل خير"
ودق" بيمن مصبحه"
هبه"بوجوهجن الزفره"
سديم"شافطه انتي"
هبه"شافطت من كابلتجن "
ودق" ربي استرنه اليوم مبين من اوله"
سديم"طابكات عدها هبــه فجج نعوج عدلي لا اعدله الج"
باوعتلي صفح وماردت ودق ندستني" مبينه متعاركه ويه البتاع وجاي تفرغ جنانها بينه لا تتحارشين بيها عوفيها"
دخلنه للكليه ودق" بربج سديم هذا حيلزم المحاضره ساعتين ومايفكنه مانضربها ونطلع "
ودق" اي ويطلعلج انذار يضرب خلقتج ويرجعلج عقلج امشي خرب خلقته هذا مايمل
كتلها منو
كالت دباعي منو تعيس الحض شمدري لهسه مانخطبتي "
باوعت كرم عفست وجهي هذا شجابه شذكره وين حان نايم وهسه طلع
هبه"جان بالعسل دشوفي جنه شي كباب هذا لو يصجمني اتفل بوجهي الف مره
ودق" امشن ورانه محاصرات سدوم امشي سيده ولا جنج تدرين غلي راسج بالكاع وتهي هسه هوه يلف راسه ويروح الفاهي
سديم"شعليه بي بعدني احجي وصار كدامي سكتت البنات كوه كامشات نفسهن
كرم"صباح الخير "
سديم"صباح النور هبه همست صباح المصخم كول ودارت وجها لزمتها لا يسمع فشله
كال"اذا ماعدج شي اكدر احجي وياج "
هبه "باع ينكط اخلاق مثل ربعنه يجي ثور هايج والله كرم لوما جهرتك اله اني اخذك على هذا الهدوء
ماسمع هبه شتحجي وهوه مدنك ويرد يرفع راسه يباوع منتضر جوابي كتلهاي ماعدي شي
كرصتني ودق" لا عدنه محاضره مو هسه من نطلع امش سديم يله تحركي تاخرنه ولج"
وخرتها ابتسمت بوجها "لا ماعدي بيها شي هسه اني فارغه امشي نتمشه" حسيته فرح كلت بكلبي هرب حضي اني اريد اخلص من محاضرتي دكتورها غثه ماينحمل وهذا مكيف عباله فرحانه بي
كال"لا خلصي محاضرتج متانيج هنا مراح اروح"
اجيت احجي جرتني ودق تسحل بيها وهبه ورانه تهز ايدها
ودق"اخاف هذا جاي يصارحج "
هبه "دكت على خدها عود مفزوعه جذب كالت هسه يبلينه سديم يلهوي وصيرين علم بالجامعه انتقله الشاب الخلوق ابو ضروك الى رحمة الله اثر عشق داهم قلبه من الفتاة الجميله
سديم.....
ودق"هذه يسويها تره سديم دير بالج دكليله بخطوبتج نوب ينتحر من فوك الجامعه"
سديم"خوفتني بنات خاف اني الي كلب ويتحمل"
هبه" ياخذ فيوز من اخو الله يرحمه "
ودق"لا تحجيله شوفي شيريد وعوفي تره ذوله اذا حبو يقفلون بقفل ومفتاح ويذبو بالشط يزنجر وماينسون من هسه اكلج"
هبه"عززه بعينج سديم شجابج على كرم "
سديم"شعليه من احنه زغار هوه وياي بالمدرسه وكبرنه سوه مااعرف بي ماينسه كلت هذا بس يدخل جامعه مايعبرني هوه اصلاً يدري اني مااحبه ومامنطيته وجه"
خوفني البنات بحجيهن محاضرتنه ساعتين انسمط سمط خلصتها بلشافعات ونسيت كرم هبه "امشن نزقنب اخخخ بطني كامت توصوص خرب شرفج سديم
سديم" شعليه اني انتي كعدتي متاخره "
هبه "وخري ودق ادفرها منو تعهد يكعدني الصبح ودكت صدرها ضحكت ودق دعوفيها ماشوفيها غاطه بعرسها"
سديم"لا ذكرني بطعي تمغصني مانروح مطعم ضايجه واكل النادي حشه نعمت الله الحيوانات ماياكلو "
ودق"بعدج تذكرين الذبانه "
سديم"خرب خلقتج ولج حتقيأ من اذكر شون اكلت نصها ولكيت نص الذبانه بالفه نفسي تلعب "
هبه" ناخذ تكسي مفتحين مطعم جديد نجربه وكل وحده تدفع احسابها مو مثل كل مره ذبنها براسي وشردن ادفرجن بنص المطعم واخزيجن "
سديم" ندفع ماعايزين المنيتج ودق وحسابج عليه وذولاك الناس يحيرون بنفسهم "
هبه"بت الجاروبه منو يدفع سعر ملازمج ابوج ابو راس المربع"
ودق" كافي هي خمسه شدفعتي امشي بعد شسكتج عرمه مشينه نطلع من القسم ودق ساده حلك هبه ماتسكت اريد انزل الدرج اني والبنات لا كاني كرم واكف منضرني
هبه ودق وكفن صافنات
هبه انتبهت هزيت ايدها ودق كالت" نسينا"
سديم"مامر على بالي عبالي يمل من الانتضار "
هبه" خلصينه روحي شوفي شيريد ولا تتاخرين واذا مااجيتي نعوفج ونطلع النادي الطبيه
هزيت راسي نزلن هوه شافني ابتسم ونزل كدامي مشيت ورا طلعنه وره الجامعه نتمشه " انخطبتي"
هزيت راسي "ليش غدرتوني"
سديم"منو غدرك مامنطيتك كلمه ومن زمان كتلك اني وياك مانرهم ولا انت ترهم الي "
وكف باوعلي بتوسل "اني ردتج ويوميه اتامل اصيرين الي توسلت بامي حتى تروح تخطبج وابويا اجه الابوج وكال انتضرها تتخرج واني متامل ومنتضر ليش هيج املتوني
ليش خليتوني بحلم وتالي جذبتو عليه
استغربت كلامه" محد مأملك ولا واحد بينه انطاك كلمه لا ضل تتهم بينه كرم انت امك ما اجت ولا طلبت "
"ابوي اجه لبوج وانطانه جلمه بس تخلصين جامعه واني منتضرج تكملين لو ادري بي ينطيج جان من زمان دزيت شيوخ العشيره وحزمت عمامي يطلبوج"
سكتت مصدومه بابويه منطي امل للولد وعرفت منه مو مره وحده متقدم اكثر من مره وابويا ينطي كلمه اني اله بس اكمل جامعه حتى ماشاورني بقراري ولا بلغ احد بينه
ومتاكده حتى امي ماتدري سكتت
شكول واشوفه هيج مقهور ويحرك باعصابه بس هوه هادء كعدنه على المسطبه شفت عيونه غرغرو بالدمع نب"سديم احبج ليش هيج كسرتوني ليش هيج انطوج اله ليش مانطوج الي شنو نقصي لان اسمر شبيه مستعد اشتغل وادرس ومااخليج بنقص
كذبتو عليه خليتوني احلم واخطط للمستقبل اني وياج ماتخيلت روحي بس وياج حتى جهالنه فكرت بيهم
دنك مسح دموعه تدرين بيوم العرفت بيج مخطوبه
هناك شايفه ذيج المسطبه كعدت وكعد بصفي ولد شافني صافن بس كلي مبين عليك مهموم
بجيت كدامه كلي ماتستاهلك تبجي عليه خاينتك
كتله ياريت خاينتي حتى اكدر اطلعها من كلبي واعرف نفسي راح اكرها بس القدر ولعبت ابوها انجمع علية انخطبت واني حجايه حلوه ماسامع منها ولا انطتني وعد
سديم حتى الناس عرفو اني عاشكج ياهوه اليشوفني يتوضحله حبج بعيوني
سكت يتنهد مااعرفت احجي فضلت السكوت ضلينه كاعدين حوالي فوك النص ساعه يحجي حبه "حالف مااخذ غيرج بس هاي دنيه اذا بيوم كسرت حلفانج بنتي اسميها على اسمج"
ضحك بقهر رفع ايده بمعصمه كلشي شوفي انتبهت اول حرف من اسمي رد "وبصدري واشم اسمج كلت يجي يوم
واحط راسج على صدري سكت رد تعذريني بس اني عشت وياج
خيالي صنعت عالم بس اني وياج موجودين بي ماتخيلت
احد غيرنه
شبعت قهر يحجي وتطفر دمعه من عينه يمسحها ويرجع يسولف كل المر بي واني مكتفيه اسمع اله ماعدي رد
اعرف بنفسي متقبلته صديق مااكدر اتقبله اكثر
امنت انو الانسان شما ضحه للمقابل اذا الشخص ميحمله مشاعر مراح يقدر ولا يحس بتضحياته
رد بتوسل" سديم مااكدر دونج بعدج مخطوبه افسخي عوفي والله من باجر اجيج شتردين اني حاضر اعيشج احسن عيشه
سكت
رد ليش قبلتي بشنو هوه احسن مني "
سديم"مابينه وعد كرم اني ماوعدتك
هز راسه"دنك مقهور ادري بشعورج ادري بيج متحبيني"
ابتسم "ابن عمج بعده يريدج
صفنت" ياهوه"
كرم"ستار"
سديم "لا ماله دخل"
ضحك وسكت"قبل عشر سنوات من سمع بيه احبج رفع بنطرونه وطلع رجله كال باعي شفت اثر شخط وجلد ملموم
هذا بقايا الحادث ابن عمج وياا ولد لزموني يم النهر سولي اعاقه وشمروني ههه تدرين اني يومين بالعنايا المشدده فاقد
ضلت فاكه حلكي "لا تستغربين جنت مستميت عليج وهسه ومابعد بس انطيني كلمه واني اسوي المستحيل واخذج"
سديم"مايصير بعد اسجلت بس رجال غيرك "
تنهد كام كمت ويا تمشينه ضل ساكت لحد ماوصلني للقسم قريب مانوصل وكف كال" ضلين بنفسي واضل احبج رغم اعرف بيج ماتهويني بس يكفي حبج يخليني اعيش لسنين
اخذ نفس الحزن بعيونه واضح رد كال" من اليوم اني ابو سديم وادعي ربي يرزفني بنيه اول جهالي وتتسمه بسمج
مودع باالله"
عافني وطلع من القسم دخلن لكيت البنات مانياتني مقهوره على حالته ماصورت كرم كل هذا الحب يحمله اتجاهي
رجعت للبيت تعبانه نفسياً منين اتلكاها من قصي من كرم من الانتقام عثمان
لا كتني اماني بيتنه كالت"شبيج تحجين ويه روحج وكلبج مستعر عليش هيج محروك دمج منو وياج"
نترت محد ودخلت للغرفه بدلت وطلعت اتغده لكيتهم ملمومين بالهول امي وبصفها امني وزوجت حسام ياكلن حلاوه شعريه
تغديت بالمطبخ ورجعت الغرفتي مددت مقهوره اريد اطلع من هذا العالم ارتاح اشرد من القهر الاشوفه شنو مصيري
واني اشوف نفسي يوم بعد يوم مثل الاسيره تنقاد
لتجاه مجهول عشت بضلم الاب وصرت بيد زوج
هم اشوف مثل ماشفت بيت اهلي لو راح ينصفني
بعدني بافكاري البائسه دك جهازي رفعته نفس الرقم نفخت بضوجه اشو اله ارد واشوف شتريد مامليت اشهر تتصل
ماصرت رجال واجت واجهة اهلي
فتحت خط واني افور كلت الو
سكت بعدين رد مبين مامتوقع اجاوب مثل كل مره كال الوو رقم حسين
رفعت حاجبي هذا عليمن يضحك على جاهل "اي رقم حسين"
"متاكده اخاف متوهمه هذا رقمه حسين"
سديم"اي رقم حسين قابل اجذب "
"خويه دنطينيا من يمج عدي شغل وياا"
سديم"طالع"
"شني طالع عايف تلفونه انتي شتعوديله خويه"
سديم"اخته"
سكت رديت"انت مو داكوعلى حسين وهذا رقم حسين"
تنهد "ول منين اجه رقمه احسين ماعده اخت يمته لحك صيرله اخت طلعتله باليانصيب لو جبس ابو الربع"
لزمتني الضحكه رديت"ايواخته انت ماتدري "
"وليش تجاوبين على تلفونه ياهوه يدك اجاوبين عليه"
سديم" هسه شرايد"
"ياغضب الله انتي تركيبتج شنو"
سديم" الله خالقني هيج مايعجبك لا تتصل بعد ودز شعر"
"باليعجبني ادز شنو الغاثج الشعر لا تقري انه مرتاح هيج"
سديم"وانت ياهوه طلع كدامك تكتبله شعر ودزه يطخ بالك ادز الهذا الرقم ادز"
"اي علك بعقلي اليوم اكتب اكتبه ويوصلج ماتردين وعساج لا ردتي اني اريد"
هزيت ايدي اضحك عليه سديته منه هوه ساعه يعصب ساعه يصير حباب
تكررت اتصالات قصي واني اعرفه هوه وماارد غير الاشعار يوديها على رقمي توصلني اقراهن واشبع قهر لو جنت بعقل هسه جان كتبتهن بدفتر واحتفظت بيهن
بلشت اجهز العرسي شويه شويه اخذ امي واروح واجهز بس الاحتاجهن ام عثمان تنكط عليه بالفلوس وعثمان كل مايخابر يكلي شتحتاجين كليله واني اكله مامعتازه شي اعبر
مالي خلك مشاكلهم لحد بيوم اجه عمي ابو نعمه ويا ابنه ستار دخلو للبيت اني واكفه امسح بالمعرض ومطلعه غراضه خالتهن على صفحه كوابه وفناجين ومواعين وتحفيات
مسحت ايدي بثوبي جانت بيدي وصله ويمي طاست مي رحت العمو اسلم عليه كال هلا من وره خشمه عفته ماهتميت
ركض ركض كمت امسح وارجع بالغراض عمي كاعد ويمه ستار واني افتر كدامهم
ابويا جان طالع امي خابرته كالتله اخوك يريدك تعال صدك ربع ساعه ودخل ابويا
كال "حي الله من زارنه هلا خويه هلا ابو نعمة شونك"
عمي" تسلم ابو تحسين "
كعد والدي بصف عمي رحت سويتلهم جاي وقبلها اخذت مي قدمته يسولفون
كال عمي"خويه تعرف بيت ابو هيثم جان كبل وكيل المنطقه مالتنه "
ابويا هز راسه "اي اعرفه ابو هيثم جان جارنه شبي"
عمي"اليوم اجاني الرجال مفرفح فج بالسمه وفج بالكاع متسودن على ابنه كرم اجه يبوس ايدي والرجال خلاني وسيط وحاير شون اكلك "
ابويا"ادخل بالموضوع خويه خير ابو هيثم شبي"
عمي "خايف على ابنه وجاني طلب بنتك وانت اضن كبل جايك ومنطي كلمه البت الك وهوه ماشي على حجايتك
من سامع بيها مخطوبه مسودن الولد ويكول ضحكو عليه"
ابويا" خيولي المهتلف انطي بتي "
عمي"على شنو املت الولد اذا ماتريد تنطي عليش كتله الك البت خويا انت ماتبطل تحتقر العالم بسلوبك الولد ليش مهتلف خير من الله وعدهم كيعان ومحلات ماعايزين ويعيشون بتك بعز "
ابويا" ماانطي محد يجبرني انطيها للاسود للجلب انطيها واله ماانطي"
عمي" الرجال خايف على ابنه فقد الجبير مايريد يفقد هذا وكلني اتوسطله تعرف شنو بكد وزنه ذهب يدفع يعني الرجال اخر امل عده هوه هذا ابنه يخاف ينتحر وهوه ملجوم من ابنه الجبير"
ضل ابويا وعمي واعد يرد واحد يصد واني كاعده وايدي على خدي خايفه وبنفس الوقت كرم مااريده ولا هاويته يمكن عثمان اتقبلته هذا نصيبي وقنعت بس كرم صعبه
يوميا واحد داخل حياتي كالبها شوكت ارتاح وانسه همومي ودي اشرد من هذا العالم اعيش الروحي ااحط راسي على المخده بدون تفكير بدون مااخاف باجر اشمضموملي
سيف الدين
هلي يامن ضيعوني
وكحة النفس ماتفعل تلين
منبت حزن ومخالف سنين
الليل لو سد الروازين
اكول الدنيا فتحت ابوابها بوجهي بعد الضلمه العشتها الفرحه البيه خلتني انسه حزني حاير شون اقابلهم كل لقائنه عشته بخيالي
سبحت وبدلت لبس مرتب جاكيت جوزي وبدي اسود وبنطرون اسود وحذاء جوزي رتبت نفسي بالمركز اكو مكان مخصص للمنام وحمامات ومطبخ مجهز المكان من كلشي
داخل المركز
كملت اخذت سويج السياره ومحفظتي واجهزتي ثنينهن طلعت وياي حمايه ثنين و الحارس الدزيته مشينه
وهوه يوصفلنه وصلنه منطقة حي الاكراد طلعنه وصلنه لمكان كال هذا البيت نزلت البيت بسيط قديم وناصي
باب ابو الطلاكه وحده اكو حديقه من الجانبين لان من الجانبين اكو شجرتين
الحارس سبقني دك الباب عيوني تتجول على البيت على المكان نفتح الباب دطلع ولد عمره حوالي ب١٥
الحارس"السلام عليكم"
الولد"وعليكم السلام "
الحارس"الوالد موجود "
باوع مستغرب كال"اي موجود"
عاينت كتله "سويلنه طريق"
كال"يمنه خطار تفضلو"
اشرتله"انطيهم خبر "
دخل شويه وطلع كال تفضلو طبيت وحدي الحمايه والحارس وياي فاتو شفت زلم واخويه رضوان ورجال بعمر والدي سلمت
كامو صافحوني مستغربين كعدت صاح واحد منهم "الجاي والماي ابني للضيوف"
عمامي ثنينهم كاعدين هشام وقاسم بس قاسم رافع خشمه سلامه مو ذاك السلام واني عبرتها اله بمزاجي ملفه دسم عدي كل روحاتي للبصره من جنت ادور على اهلي اكضلي فدو سالفه عنه لحد ماملفه تنك
كاعد اعاين على واحد واحد كلهم يباعولي ويردون يعرفون منو اني ابويا عرفني من اتلقينه بالمركز تعرفت عليهم واحد واحد اخواني ثلاثتهم موجودين
اضحك واسولف وياهم رضوان مايشبه ابويه وعمر الصغير نسخت ابويا الوسطاني ماخذ من ابويا وعمي بس اني طلعت على جدي شكل وشخصيه وهدوء
ابو كال"كول ابني شرايد من يمنه "
كتله "يابه شنهي هيج تحجون ويه ضيفكم "
ابويا"لا ابني نخليك على راسنه شنو محتاج من عدنه واني حاضر"
سيف"عدكم ولد ضايع واجه وكت يرد الحضنكم مستعدين تستقبلو ابو رضوان مااضن كل هذا العمر نساك ابنك"
ابويا صفن مامستوعب الاكوله ماتحملت
وكفت رحت يمه كعدت كام يريد يتلكاني "اكعد يابه" دنكت نزلت دمعتي يابه جريت ايده بستها اني ابنك سيف الدين الضيعتو من ٢٧ سنه
وخر ايده صافن فاك عيونه اسمع هوسه عمي بيده الجكاره طاحت اجه رضوان طاير جرني كومني الحمايه طفرو جرو سلاحهم اشرتلهم نزلو
رضوان"جاي تتباها بحمايتك ابويا ماعندو ولد غيري عش جاي الحين يول اطرك طر كضني ضربني بوجهي احس الدم صعد الرسي كضيته زنكته جريته عليه طحتله بكله طاح على وجها
عاط جر الحارس اشرتله لا يأذي اني اطول واضخم من رضوان صارت ضجه وحجي
عمي"شنو اليثبت انت ابنه سيف مات وجابولنه ملابسه "
سيف"جدي رميض وامي ع..... وانت قاسم وعدي عمي هشام جنه بساتين العشار بالبصره "
ضحك"يول هاي قشمر بيها جاهل مكانك يكدرو يجمعون هاي المعلومات موش عميقه بضرف شهر تجمعها "
سيف" وقتي چثير وفارغ الكم ماعدي شغل وعمل والكويت يشهد بطولاك عمي فك حلكه كال شتقصد يول
تقدمت تعرف كلامي زين ومااحجي شي من جيبي اني ابنكم والدم يثبت ذالك
على اصواتنه التفتت الصوت نشغاتها عاينت زين متغيره العمر مغيرها وزايدها حلا تقربت ماكسرني غير دموعها
تباوعلي وشايله طرف حجابها مغطيه حلكها ودموعها صب على كلبي تيزاب وصلت يمها كلبج ماحسج من شفتيني ماكلج اني ابنج مو الام تحس بضناها شهكت بعبرتها
عيوني دمعو جرتني الحضنها انفجرت ماهتميت العمري بجيت بصوت وهي ضامتني
و وخرت عني وضحكت و مسحت دموعها
امي" اذا انته عايش وينك من زمان عنه"
" دورت عليكم بس انتو اختفيتو مره ثانيه"
امي " جدك مات و هو يون عليك جان يلوم روحه بسبب شغلهم انخطفت انته و رحنه لسوريا ورا ما انخطفت و عمك هجولنا و فر بينه على مزاجه
سيف"ياهو منهم"
امي" الي كاعد بالديوان"
" الاسمر"
"اي"
رغد
دك تلفوني رفعته بهاء فتحت الخط
الو
بهاء"ها حبيبتي شلونج"
رغد"بخير دامك بخير شون وضعك"
بهاء" كلشي تم بقه توقيعج الامانه وصلت مثل ماردتي بعد محتاجه شي ادزوه ويه صاحبي اله زياره للعراق "
رغد"اريدك سالم ماقصرت بس لا تنسه احتفظ بالرسائل من يمك باي رام واني من اكلك الشفره انت توديهن على التفلون الثاني "
بهاء"خويه ماتعوفيهم وترجعين شعليج خلي مارهم تاكل حطبهن المن غاثه روحج تعاي يمي اعيشج ملكه ماتحتاجين شي وامي هم تريدج ضايجه وحده "
بجيت" والله مااعوفهن بالساهل اذا مااخذ حقي وحق ابني واحد واحد من ابو الاخر واحد بيهم استوهم على ايدي وشوف شيطلع مني اذا مابجيتهم وخربطت اوضاعهم مااسمه رغد "
بهاء"رجلج شمسوي هوه وينه وين مكايدهن انتي عوفيهم ورجعي يمي خلسهم يجازون بعمالهم "
رغد" هوه الخسرني ابني مااسامحه"
بهاء"شتحجين ولج ارغد ميت لاشوفي يطلع ويطب تره كلبه متروس قهر حتى راسه مايرفعه بين العالم اخابؤه يخجل حتى يسلم تره المر بي مو قليل سندي لا صيرين انتي والزمن عليه"
رغد"بس اسويله كرصت اذن واطلع من حياته "
بهاء"الله يعقلج ديري بالج على نفسج "
دخل ارغد شافني اخابر سديته من بهاء فدلا سمعني باوعتله اعرفه من ملامحه اذا سامع سلم وطب للحمام
كمت طلعتله تراك ومنشفه يطلع بكرك المنشه وبالغرفه يبدل عفته ونزلت لاكتني ضحى ابتسمت بوجهي"غراضج يخبلن تمام اسودن عليهن"
ابتسمت كون بس التمام لبستيهن"
بلعت ريكها سكتت ماردت عفتها وفتت للمطبخ عزلت الكاونتر ومسحته غسلت الماعين طبت من بره سندس ويا خالتي فاتن سلمن وطبن للهول
ضحى تلكتهن"هاا خاله بشري انطوها"
كعدت خالتي فحطانه سمعت صوت الولد دخلو للصاله بس صوتهم ينسمع
خالتي"تلكيتيني دنطيني مي ريجي نشف "
عفت ضحى واني اخذت دوركة مي وكلاص انطيتها شربت مددت مبينه ماقابله "
كالت" والله لوما جدهم محمد وهذا الزمال الرابطني وياا مااعتب وروحلهم ذله لومامطلكه شماخذين منهم المعصومه"
خالتي ضلت تحجي واضح هم رافضين فات ارغد نزل من فوك بيده فونه يجوز جان وياهم واجه قبلهم
شويه ولتمو بالهول تميم كعد بصف خالتي وارغد جانبهم وعمو وتمام وحتى ابراهيم
تميم يدخن وهادء مامبين عليه ضايج لو لا بس احسه يفكر ومشغول باله يسمعهم يتناقشون وهوه ساكت يورث جكاره تخلص يورث غيرها
ابراهيم"عوفهم واصح السيد مامقتنع من كالك نشوف رايي البنيه ونردلك الجواب نفس حجيهم كبل وتالي انطوها السيد مصطفى خويه عوفها مو ثوبك"
عمو" تريثو الرجال ماكال شي وبالعكس رحب بينه وشفته جان كلامه ويه تميم على اوضاع الحشد والتحرير ننتضر
كون ربك قاسمها اله صير "
ارغد" تميم نروح هاي الجمعه ماعدك التحاق نشوف سيف ونرد لاكي اهله هسه بشرني"
تميم عاف جكارته "لا بربك شوف حكمت ربك اي وشون لكاهم اخر شي كال تعبت وهود على السالفه"
ارغد" كتله الجمعه نمرلك"
تميم "هاي هيه"
كام ارغد طلع ورا تميم طلعو سوه خالتي تسمع كلام عمو والولد ساكته تخاف تحجي كدام تميم
صعدت الغرفتي سديت الباب وقفلته فتحت الكنتور طلعت الجهاز مشحون فتحته جنت قافلته كعدت على الجربايه مددت اخذت راحتي اول مافك اجني الرسائل يهلن عليه
ضحكت بلش العب ماخلصت اله وره ساعه رجتت غلقته وشمرته بالصندوك قفلته وخليت المفاتح بين فتحات الكنتور
ميخطر على بال الجن الأزرق
طلعت ملابس شمرتهن على الجربايه اخذت منشفه طبيت سبحت اخخ استرخيت المي حار والجو بارد ارغد. جان مسوي للحمام سخان وحد عن البيت
كملت طلعت بطرك المنشفه مشفت ولبست ملابسي دشداشه مقدف ناشف المقدف مالتها ناعم لبست الحفايات الشتويه
مشطت ورفعت شعري خليت عطر ترست روحي فرنسي عطره فانيله ال جان بول
فد عطر رهيب بهاء دزه ولبست ملفع مالتي يصير حياكه اخلي مرات على راسي ومرات على جتفي كملت فتحت الباب ونزلت قفلت الغرفه من بره المفتاح بصدري
كلهن ملتمات كعدت لافه روحي الجو بارد يكص كلها ملتمه يم الصوبه سندس صاحت الله شنو هذا العطر منو خالته
خالتي"عطريش ولج يا خايسه منجن بيها حظ وتتعطر "
ضحى"ليش عمه اني العطر ماينزل مني مااطلع بدون مااعطر غدي شون الوحده ماتتعطر وتهتم بنضافتها
شوفي الجرار البغرفتي متروس عطور"
خالتي" انتي اخخخ انتي موتيني بعطورج الخايسه وين اليطخ بالراس جايبته غدي عمه خليلج عطر هادء مو يطر اليافوخ "
سندس"بس هذا عطرج طيب ادنت يمها اشم بيها لا مو هذا العطر باوعتلي انتي خاله عطر
هزيت راسي اجت تقربت اشم وخرت اي هذا منين جبتي"
رغد"اخويا دزه"
سندس"عليج الله مادكليله منين حصله يمه شميها يخبل"
وخرت منها" حاجته مااكدر انطيها اني اوصي يدزلج واحد"
نبت خالتي معترضه"لا يمه عليمن وانتي اركدي اني انطيج روحي للسوك جيبي مثله "
ابتسمت"خاله ماموجود هذا من فرنسه يجي وماموجود هنا بالسوك توصا يوصل"
خالتي"ا هذا هوه شوفيلج غيره "
سندس"يمه بروح اخيج اقبلي ادكلج ماموجود ورغد اخيتنه انمون عليها مابيه شي لو جابلي اخوها"
خالتي"والكفل زينب اكوم ادوس بمصارينج واخليج بيد تميم اهجعي وكعدي لا تصيرين خفيفه "
سندس "يمه شني هيه"
خالتي"وغمه التغم امج كومي من يمي لا اكوملج شو ضحى ناوشيني التلفون خلي اخابر صكارها "
سندس"لا هاي وربت حلكها سكتنه لا تودين على الغول مالتج حصره نحجي لو نطلب اسويها علينه كربله شدعوه هاي لو ابنج المدلل جان ركضتي ببيديج كلبل رجليج بس هاي لان اني واكفتلي عظم هنا وتاشر على بلعومها"
خالتي"من ترحيله سبع فدوات منو بيكم يوصل الأرغد. مريحني وشايلني بكفوف الراحه ما نخيته وكال لا ماشافني اذ ماكال يمه شمعتازه ينطيني ماانطي غير العلاج والطبوبه منو بيكم موديني غيره هوه يركض بيه شدي حلكج
ولا تقارنين روحج بأرغد ماتوصلون لضفره "
عوجت حلكها ودارت وجها ضايجه خالتي حيل تفرق بينهم وبين ارغد حجايت حق ارغد اكثر وتحد معتني بخالتي من
كلشي اذا شافها ضايجه يكلب البيت يموت عليها وهي
هم تتفدا علاقتهم كانو حبيب وحبيبه مو ام وابن
لليل بعد العشه غسلت الماعين وصعدت محد من الولد موجود تميم وارغد من طلعو مااجو تمام يم جماعته وبس عمو يمنه
صعدت نزعت دشداشتي لبست تراك صيفي خفيف بعد ماشغلت الصوبه الزيتيه دفي الغرفه وصدك دفت
كعدت اصبغ بضافري كملتهن تانيت ينشف خمس دقايق يبسن
راسلت بهاء ضليت اسولف ويا نص ساعه وراح مددت بس خليت راسي نمت ماحاسه على روحي كعدت على انفاس بركبتي ومحاوطني بايديه
ضليت على نومتي ماتحركت شويه وطبع بوسه بركبتي وبخدي جنت نايمه بنص الجربايه عبرني صار مقابيلي جرني الحضنه
شكد اذاني بس بقه حبه بكلبي حسيته يريد يطببني بكلبه عصرني اختنكت تحركت ابعد سكت ماتحرك فتحت عيوني يباوعلي دفعته "لا تتقرب تره انزل واعوفلك الغرفه"
ارغد"اضلين هيج بنضرج المتهم شوكت صدكين اني مااذيج او اذي الطفل "
خزرته كال"افكسهن الج لا تخازين مو جاهل كدامج سكتيني بعيونج زروف جبجير"
درت وجهي"رغد بعلي اكوم اسويلج برمجه الدماغج لا تصرفين وياي بهاي العنطزه مافارغلج بس الله يعرف
شنو بداخلي "
رغد"شمسويتلك ارغد صارلي سنتين اشفت مني ليش هيج تحبون اذيتي اسويتلكم شنو هذا الحقد والكره "
ارغد "بابا منو يمج كلماً حاير بروحه ياهوه يجراء ياذيج سكت باوعلي بتركيز سامعه شي تعرفين شي احس لسانج بي حجي"
ماردت يكشفني الضاهر هوه اذكا مما توقعت ماعبالي يفسر كلامي بهاي السرعه" محد وياي بس تعبت مليت محد بيكم راحمني اصخن اكعد افقد جنيني ارجع للبيت ثالث يوم يلزمني البيت "
ارغد"يطبج طوب انتي فاهيه التتقرب يمج اخلي الماسحه براسها شكو ساكته الخواتي مو كايلج خواتي وكحات وانتي تنوكلين يمهم خليج سباعيه وافترسيهن قبل لا يفترسنج
بس امي لا تتقربين منها لو تغطج بالخره سكتي عنها
كتلج لو لا هزيت راسي بعد تحملي فهاوتج مال اني اوكف اتعارك وياهن وادخل بشغل نسوان شيليها من بالج صيري
نبها واصرفي حسب الشوفي كسري واجبري
العليج سوي وفوكا حبت هيل غير شغلج ماتلزمي لو يذابحن هوه مو استغلال وخواتي وزوجت تمام ذني رب الاستغلال يسونج خدامه ويدوسن عليج ومايبرد غليلهن مني
مااريد ادخل روحي واحد انسيواني ومرته دفعه اخليج بروحي ومااخليج جيسين المي بس انتي كاعده ويه اهلي
وعرفيتهم شنو وشفتي ابويا وامي وباقي البيت
تريدين تعيشين بسلام طيعي امي وابويا وتميم اعتبري اخوج الثاني وباقي البيت ضربيهم ميت جلاق بس
بدون رعوينه ولسان طويل وكاحه"
رغد" ليش مادافعت عني مو اكف وتسمعهن من خلني اغسل الكرمه وانتل اجيت اموت ضليت تتفرج ومامهتم وتسمعهن
يهينن بيه"
ارغد"ردتج انتي دافعين عن نفسج سندس موعاقله اذا دخلت ابويا اول الناس يكول يدافع المرته على حساب اخته
هذا شغلج انتي جاوبيهن مامجبور تنفذين حجيهن اغلس واصعد الغرفتي اخليها ناس تركع راس "
رغد"انت ليش هيج تكرهن"
ارغد"مااكره احد بيهم بس اخواتي اعرف طينتهن الفقير يمهن مايعيش يرادلهن وحده وكحه مثلهن تعيش وتتوالم وياهن "
جرني الحضنه"اريد اشبع منج"
رغد"تعوفني"
ارغد" عوفي الحجي وخليج وياي"
ضربته ودفعته اعصابي تفور"ليش بعد ماعلقتني تريد تعوفني ليش تحكم على حبنه هيج مااريد اعوفك ولا اريد تبتعد عني مو انت اول واحد ولا اخر واحد ليش تعاقب نفسك وتعاقبني
بذنب مو ذنبك"
نفخ يستغفر" رغد ليش تخليني اكوم اطلع مااكدر مااااااكدر
افهمي عليه شنو ذنبج تربطين بواصد مااله لاساس ولا راس
شنو ذنب حهالنه من يجون للدنيه يتعيرون بأبوهم"
رغد "اني قابله شعليك انته اني رايدتك وقابله بكل عيوبك ارغد اموت من بعدك تعرف شنو حياتي تنتهي وراك"
ارغد"هذا المكتوب عليه تقبليني مثل مااني ولا زيديها عليه رغد حبيبتي سهليها وعينيني"
بجيت وضربته على صدره" مااريد اطفال خليني بس وياك"
ارغد"ماتكدرين لايد يجي يوم اطالبين واني اموت ولا ايصير طفل هم اخسره"
فكيت عيوني وفتحت حلكي مصدومه كال"لا لا لا مومثل بالج وداعت امي وداعت شيباتها مستحيل افكر ائذيج كل عقلج اسمعي مني جرني خوطني بيديه "صح اني مارايده ادمرت بعد ماسمعت اني منو تعرفين شنو واحد لازم جمره وحطها على كلبه ذوب كلبه
ماتحملت فكرت اني ابن حرام ولا تحملت فكرت الاستغفال كلهم استغفلوني اولهم امي وتميم اقرب شخصين على كلبي
مراح انسه ولا كلبي يبرد مادامني عايش واشوف حقيقيتي بوجوه الناس
فكرت اصير اب طيرتي للسما واجتني صفعه نزلتني السابع ارض وفكرت اطريحي مستحيل اخلي بطنج يعيش ويجي للحيات واني ابوو
بس انت خله اصابعه على حلكي سكتني
" اعرف مالي ذنب بس راح احمل جهالي الذنب السر لابد بيوم ينتشر ولابد يجي يوم يكبرون منو ياخذ بت انسان
ابن حرام منو ينطي بنته الولد ابو ابن حرام
سكت الغصه بداخله دكات كلبه عالي حسيت بشعوره ضم راسه بركبتي بجه دموعه نزلت على كتفي "جاي اموت رغد محد حاس بشعوري ولا بداخلي انحرمت من الابو ول عمري
مالي عين اطلع للشارع مالي عين اباوع بوجوه الناس الكحبه اشوفها احسن مني الها بابا المجتمع يتقبلها بس اني ياباب
اليتقبلني ياهوه الينصفني
بسته بصدره دار وجها انكلب على ضهره مسح عيونه عوفيني بهمي لا صيرين بطريقي بس أمن عليج اكدر اجر نفس"
رغد"مااعوفك"
ارغد"مو بكيفج مجبوره تعوفين كلشي وشوفين حياتج "
رغد"بس اني اريدك"
باوعلي اندار لزم وجهي بكفوف ايديه "واناي روحي وراحتي بس بعدج يخليني اتنفس"
بس ماخلاني اكمل باسني بعمق حسيته عطشان الي ابتعدنه هواي شهر احنه واحد مايتقرب للثاني
ضل يبوس بيه رحت ويا بعالمنه نسيت نفسي وهوه يتعامل وياي بكل حب بكل هدوء اندمجنه كانو نعوض الايام الراحت
تجردنه من الخوف من احساس الفقدان صرنه روح بجسدين لحد ماوصلني سوه حركه عرفته بعد حاسم امره ميريد اطفال درجت وجهي طفرت دمعه من يمي
ذبحني بالسواا حسيت بالذل لفيت روحي بالجرجف راد يحضني وخرت صرت على الطرف عافني كام طب يسبح
بجيت مااريد اعوفه ليش يسوي هيج والله اتحمل اهله واتحمل خواته بس مااتحمل بعده
طلع ينشف براسه لبس وطلع ساعه اني ابجي حايره شسوي وياا كمت سبحت وطلعت نشفت شعري سرحته ولفيته
لبست ملفع مالتي وخرت البرده شفته كاعد بالحديقه يدخن ليش اضيعني وضيع روحك هسج حبنه بنضرك هين هيج اشوف ماله قيمه
وخرت مددت دمعتي بعيني نمت من القهر مااعرف شوكت دخل وطلع كعدت الصبح ساعه ب٩ وهوه ماموجود
كمت لبست روبي القديفه وشال على راسي نزلت كلها كاعده الولد طالعين وتميم بالصاله ملتهي بنيان بيته الي طلع فجئة
خله خالتي تعصب وماتحاجي محد يعرف عنده ارض مشتريها من زمان وضامها وبلش يبني مقرر يزوج بعيد عن اهله وهذا الخله خالتي تلطم من القهر وماراضيه عليه
تميم عكس ارغد ميعير اهميه االاحد من اهله حتى لوكانت خالتي صح ميقصر من ناحية المصرف ينطيها بس اموره الشخصيه ميدخل احد ولا يسمح الاحد ينطي رائيه ولا يعارض
عدت الايام واني وارغد رجع البرود بعلاقتنه ابتعد عنه حسيت نفسي بس للفراش وهوه حاس ببتعادي ومحاول يتقربلي ولا حاول يصالحني لو يبرر موقفه
كرهت روحي نفرت نفسي اموت باليوم الف موته واني احس نفسي عاله عليه احس بحساس اليتم
ارغد
كاعد بالمكتب عدنه حفريات ابار جديده بغير منطقه مكتشفين نفط كملنه وطلعت للنادي الاكل
دك جهازي تميم سلم وكال
" شنو اعالمل تميم مااعرف بالبناء سوالك الحايط اعوج احير بي ادفره اعدله
اي افتهمت بس لا تحملني مسؤليت اي غلط.... لاصير بروسلي اكلك مااعرف..... اي اي افتهمنه
خرب لشتك بس انت تبني شكو تكنكن جنك عجوز مضيعين ليلتها..... شكد اناوشه يعني ماخذها منك قطعي وهاي الوجبه الثانيه..... منو تطبخلهم امك لو خواتك الج.....
.. امشي لك مرتي مادبرها.... اي اني راضي بيها حصل مثلها وتعال سولف
اي هاي هيه ماشي الله وياك
سديته خلص دوامي اخذت الولد وياي ورجعت وصلت للبيت نزلت
فتت البيت هادء صعدت فوك افتح بالباب مقفول دكيت الباب ماكو جواب دكيته اكثر ماكو
لحد ماضربته حيل سمعت صوتها فتحت الباب صحت "شكو سادته"
تلف بروحها استغربت وضعها "جنت بالحمام شبيك ماتسمع اصيح عليك اكلك اصبر"
"شعدج بالحمام"
رغد" اخذ خيره شسوي غير اسبح"
رغد. دفعني وفات للحمام يسبح يبو ملابسي معلكات فتت اخذهن ركضت اطلع لزمني "عطت وخر ارغد ستوني سابحه"
ارغد"شمسويلج تالي ليفيلي ضهري ماالوحه"
رغد" ماا انت ليف شبيك مكسوره ايدك "
ارغد"ها سهله "
سحبني وفتح الدوش اتنكعت اني والروب متت نوب لارد كمت اكمز وخرت اسب بي بكلبي
وخرته وطلعت اطكطك نشفت نفسي وشعري لبست تراك شتائي الغرفه دافيه
طلع وره ربع ساعه بدل واني كاعده على الجربايه اسفط بالشالات واطلع القديم من الجديد بدل وتعطر
فتح الكنتور راح للصندوك مالته يخلي بي فلوسه حسب وخلاهن بجيبه سد الباب دنك للجرار طلع جواريبه لبسهن سحب البوت مسويلي مثل الميز ابو البابين المنيوم للاحذيه
طلع كدامي مباوعلي ولا كال طالع ماهتميت لليل اني بالغرفه واسمع صوت البنات
كمت بيدي الشالات وطلعت مقابيلي غرفت ضحى دكيت الباب فتحته شافتني"ها رغد"
رغد"تخليني بالباب واكفه مادكليلي تفضلي"
ضحى "لا تفضلي اعذريني ماخذه عليج تعالي محد موجود تمام بالمحل
فتت غرفته حلوه ماانكر هي نضيفه بس مو بنزاكه ولا ترتيب " سمعت ابوج مريض"
ضحى "اي اريد اروحله متانيه تمام يجي يوصلني كلبي عليه وخايفه لا ينجلط جلطه ثالثه مايتحمل تعب كلبه"
رغد"مابي شي هاج ذني طلعتهن الج"
اتقربت اخذتهن من ايدي جانن ثنين شالات جديده بجيسهن باوعتلي مستغربه " ليش كلفتي نفسج اني مامواجبتج ولا جايبلتج شغله ليش جاي تنطيني "
ابتسمت بوجها"اعتبري عربون صلح مااريد يضل بينه زعل ولا تاخذين بخاطرج مني "
كالت" مااعرف شحجي بس يله احنه خوات بيت واحد يجمعنه"
رغد"اعتبريهن ذكره مني اذا بيوم مااكون متواجده بينكم"
صفنت بوجهي "شنو وين تعزلون"
رغد" لا احتمال ارجع يم ابوي "
ضحكت دارت وجها ضم الشالات بكنتورها وسدته سوت هل حركه اضم فرحتها"لا ليش اكو شي بينج وبين ارغد"
رغد" مامبين احتمال ننفصل " رفعت حاجبي سكتت كالت" ماضيفتج كتلها اكعدي مااريد شي
كالت"لا والله اول مره دخلين غرفتي النه عمر عايشين ماداخلتها "
راحت يم الثلاجه اطلع
استغليت انشغالها شمرته جوه الدوشك جواي يم راس دحسته حيل بين الدوشك والخشب
طلعت ببسي وكيك وبسكت خلته بصينيه خب وقدمته كدامي "اي زارتنه البركه ناويه تتطلكين"
رغد"شلت القوطيه فتحتها وشربت بعدنه يجوز نرجع البغداد"
فكت عيونها"ودوام ارغد شون"
ابتسمت "ينقل مو صعبه"
"يا منو تخلي خالتي غير تموت ورا شيفكج منها"
ابتسمت ودنكت اباوع للغرفه العطور مكومتهم على الميز
مسطرتهم عدها ازمه عطور وكلهن ذني الزيتيات
المكياج الكريمات
نشرة الاضائه معلكيتها فوك التاج الجربايه لعبت نفسي من الهوسه الدبب عارضتهن النزله مال الجربايه ام المع
طلعت بعد ما اكلت راسي ليش تردون تنفصلون هزيت ايدي سهله ياضحى اذا ماخليتج تتمنين واحد يشكفج وماطولينه
اذا ما بجيتج دم مثل مابجيتيني وضيعتي طفلي مااكون رغد
طبيت للغرفه اركص حبيبي ياعيني
ويا حبيبي يا عيني
يا عيني يا ليلي
يا مسهر عيني
بنهاري وليلي
والله اشتقنا .. وحيات عيونك
يا مفارقنا اشتقنا .. لعيونك
شغلتها وركص من كلبي واني شون مااحب الرقص الشرقي ذبيت لحم بوجودك يابو سمره يحله السهر باليل والخلو يطول عمره ونغني ياعيني ياليل لحد ماحسيت بطني وجعتني
كعدت الكف النفس ذبيت روحي على الجرباية اخذ نفس هيج وواندمك واحد واحد اصبرولي عبالكم رغد فقيره اني
متربيه وساكته
ثاني يوم صادف عطله جمعه ارغد كاعد ووخالتي والبنات ملتمات على الغده تمام فات ستوه جاي من المحل صعد يبدل ضحى يتناوشني بالماعين واخلي على السفره
ارغد يعاين الي واني مو يمه
خالتي" خابرلي سعاد رصيدي مخلص "
ارغد" شمريلي جهازج احولج رصيد صاح سندس صعدي جيبيلي رصيد من تمام "
سندس"شعليه خلي مرتك تصعد"
خالتي زمخت بيها" اكوم افرك حلكج اصعدي واحترمي نفسج"
ارغد ساكت بس احسه دمارت كصته بينت من الاعصاب سندس طبت للمطبخ صيح مااصعد زغيرونه تغلطين عليه احترميني مثل باقي الامهات تعامليني مثلي مثل جهال ابراهيم "
خالتي صاحت"مو طايحت الحظ لومحترمه نفسج احترمج بس انتي مو ادميه ومثل البشر اله تنطكين يله جرين عدل"
رغد"خاله عوفيها هسه اني اصعد "
خالتي"لا اشو هيه تصعد العرمه الوكحه ماتنكحمن بزر بطني"
ارغد"يوم بس "
اشرلي "اصعدي وجيبلي خمسين من محفظتي"
صعدت طبيت للغرفه شلت محفضته فتحتها اجاني فضول اشوف شبيها فلوس ورقه بيضه فتحتها ايات قرأنيه اذكرتها خالتي انطتها اله ضليت افتش لحد ماوصلت الصوره باوعت
صوره قديمه مال بنيه شابه صفنت بيها اكلب بيها
واسمع صوت صراخ
ريحانه
دخلت ركض بعد ما بابا اشرلي افوت طببت للمطبخ وسديت الباب ماما وراي واكفه تجلف بالجدر
وكفت يم الحايط رفعت البرده بابا فتح الباب شويه وخر فات شيخ معكل ورا زلم بيهم الابس رسمي وبيهم ثنين كبار بالعمر لابسين عسكري
ريحانه"ماما منو جاينه اشو هواي زلم"
امي"مدري امي عوفي الشباك وروحي حضري دوركت المي هسه ابوج يفوت يريدهن جاهزات "
رحت حضرت الدولكه والكلاصات خليتهن على الميز يمي ملازمي عدي محاضرات مقارستهن كعدت احفظ بابا طب حجه ويه ماما وطلع بيده الدولكة المي
شويه ودك الباب ولد زغيروني عرفت ابن بيت جوارينه امي محضره الجاي فاتت لبست عباتها صبت الجاي واخذه منها اني كاعده وره الباب مانشاف
نص ساعه اني كاعده احفظ
امي"يمه ريحونه فايته امدد ضهري وكف بالحق مااكدر بعد ابوج شيحتاج انتي سوي هذا الجاي حار اذا راد يجددو بس احمي حميه خفيفه مو تحركي
وهاي الكليجه شويه وطلعيها من الفرن وصينية الكعك خليها وره ماطلعين الكليجه طفي الفوك وشغلي هيتر الجوه
ريحانه"هاي هيه يمه"
"بنتي مو تنسين اعتمد عليج مابيه اوكف"
ريحانه"لا اني يمهن فوتي مددي ورتاحي"
راحت امي واني رجعت اقره اكو صوت زلم بره كمت اباوع من الشباك وخرت البرده ثنين واكفين قريب من الترك من يم المطبخ مسافه شويه
واحد منطيني وجها واحد ضهره وهمه واحد مكابل الثاني يحجون بنفعال ركزت هذا ارغد الوجها عليه والكباله مااعرفه
ارغد"لا ضيع تعبك اخذه بعقلك شيريد يحجي كله تم بس نريد ناخذ منه الموافقه وبعدها كلشي يهون "
من سمعت صوت المنطيني ضهره فزيت " هسه اطب ارمي بعلي عقل ماضل عدي شيريد رب الحلو بس اكتل روحي ماضل عدي غير حل "
ارغد"اصبر لا ضؤع تعبك تعرف طبعهم ماينطون غير سيد وانت هم ماشاءالله سجلك حافل يعرفك من طفولتك وهاي ماخذ عليك نضره "
تميم" سكير شافني شارب كرستا.... زان.... طافر على بنات الناس لا تكفرنه ارغد وتخلني ادوس ببطونهم وانعل ابهاتهم واحد واحد شايف عليه "
ارغد"شجاك تميم نوب بيتهم تخبلت "
تميم " ماضل بعد حيل ولا كلب بتحمل شيريد انطي دمي هم ارخصهله شماخذ
هم لو بت ملك ما علكها عليه تعلك شبيها يهودي
هم اليهود اش سد حلكه ارغد بسرعه"خرب تميم تريد تخرب على روحك ياخويه تحمله ليش اعصابك فايره مو ماضل بس القليل ماتتحمل امشي هسه اطلع كل الزلم واسحب روحك
عليمن تعبان وجايبها تركض هاي الناس وكاسر روحك بالبناء
سكت يدخن " مامصبريني غيرها امشي ادخل كبلي بس اخلص الجكاره ادخل وراك احس روحي اشتعلت نار "
ارغد"تهون وداعتك امي شويه كالت واجي هي وسندس بس حاجيها كبل ماتوصل خلي تخفف تره مو مثلنه ولا نسوانهم مثل نسوانه تره عرفت عنهن رب النزاكه مايتحملن حجايات امك "
تميم طبطب على جتف ارغد فات ضل تميم واكف صافن مهموم خليت ايدي على كلبي يدك سريع شيقدملي بعد اكثر مضحي بروحه وجاي ماجذب من كال باي وكت تلكيني داك بابكم
عدي شعور حلو اتجاها مااعرف ماحسيته ويه اي انسان قبله فرحت احس كلبي يريد يطلع ويطير ضليت لازمه كلبي
لحضه رفع راسه للسمه ورفع ايده خلها على مكان كلبه ابتسمت هاي ثاني مره نتصادف
تمتم كلمات ماسمعته جان صوته ناصي نزل ايده التفت للشباك اجت عيني مأمنه الشباك مضلل ثواني فك عيونه وغمض رجع فتحهن يباوع للشباك ذبلن دنك مبتسم
سحب نفس ارتفع صدره رفع راسه يباوع ليكدام وفات للصاله هوه مبتسم
وخرت نزلت البرده لحضه ادراك لتفتت الجام مالت المطبخ عادي بابا بدله لان معجون الجام يبس وتفتت كله وكع ونكسرن جامتين
غطيت وجهي الطم يمه لحكيني شافني بله حجاب يااربي وين اروح ضليت اكل بروحي شافني اكول ليش وكف صافن على شباكنه ونوب يصحك على غبائي واكفه بكل حيل اباوع عليه
اكول لي بالأول صفن مامصدك وغمض ورجع فتح عيونه غميت روحي رغم مايصير عضيت اصبعي حيل ثوله يربي وينطي وجهي منك
كعدت على الكرسي ضايجه شون هيج انسه اعوذ بالله من الشيطان الرجيم شون غفلت ومانتبهت
دقايق وندك باب المطبخ وخرت ضفيرتي على ضهري جريت الشال فتحت باب المطبخ عبالي ابن جيرانه اجاني صوت مره
فتحت الباب اوسع مديت راسي اجه يغمه عليه ام تميم وياها بنيه شابه
وخرت سويتلها مجال واني كلبي دكاته الف
ام تميم "شونج يمه تعالي ابوسج دنيت يمه باستني وفاتت وراها البنيه باوستني
انثولت مااعرف شكول هنه فاتن للهول واني ركض الغ، فت امي نايمه اجيتها" يمه يمه اكعدي اجن نسوان
طفرت امي مخروعه"الرحمان بنتي شبيج "
ريحانه"كومي نسوان بالهول يردنج "
كالت"منو ذني النسوان تعرفيهن"
كتلها"اي ام تميم وبنيه شابه "
باوعتلي مستغربه كامت لفت شالها طلعت للهول اسمع سلامها ويا ام تميم طلعت كبل للمطبخ
طلعت دوركت مي والكلاص ايدي ترجف متوتره مااعرف شبيه فتت قدمتلها مي ام تميم عين عليه وعين على ماما البنيه الوياها تباوعلي فصلتني
ردت بس اشرد خليت الدركه والكلاص كدامهن بعد ماقدمتلعن ورحت للمطبخ سويت جاي وكليجه بردت طفيت الكعك ستوه
ساعه هي يمنه مافتت بس قدمت الجاي والكليجه وكعدت بالمطبخ كلبي يدك ومتوتره وخايفه مااعرف شعور مااوصفه
اجاني خوف فضيع ليش هيج
خايفه من بابا شويه وترخصت ام تميم طلعت عرفت الزلم طالعين قبل طلعت ام تميم
عفت امي تباوعلي وابويا ضل بالصاله ساعات مرت واني الخوف والارتباك اكل كلبي اريد اهدء مامسويه شي ولا عدي وياا شي يارب هونه عليه يارب اخترلي ولاتخيرني
لزمت السبحه ضليت اردد الاستغفار شكد مااكدر الغريب اليوم تعده ومحد من اهلي فاتحني بالموضوع حسيت براحه من المواجها
...... يتبع
مساء الخير
مااعرف شكول وشحجي
البارحه واليوم اني مقهوره يعني من اقره كميت الغلط والاهانه الي اكول حرام بعد اذا اكتب قصه واستلم قصه
الاغلبيه مامتابعيني على الانستا وبلغتهم الواتباد عدي اله سبوع مايفتح الف مره حذفته ونزلته نفس المشكله حتى من فتحته بجهاز اخويا نفس الخلل
تدرون من كلامكم نذرت نذر اذا الواتباد فتح وحمل البارت في سبيل مااسمع كلمه جارحه
الي تسب والي دكول كذابه والي دكول لعبتي روحنه ووووو كومه كلام بس خلوها بالكم مابري ذمة اي وحده شالت ذنبي وحجت عليه اخليها هي والله تجازه
الف مره كتلكم بنات اني ماعدي كروب فيس بس الانستا استخدمه تابعوني علمود اي شي يصير انزله بالانستا
الخلاصه ام البنين ماقصرت وياي نخيتها ونفتح الواتباد بس بقت غصه بكلبي من شفت كميت الكلام الجارح
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!