بـيـن الـكــاف والــنـــون
الواحد والستون
سجا الطائي🍃
واضح بعد مايحتاج تِتعذ ّر
من نِشفـَتْ الشِفـٌه
ولونها اتغيـّر
من ثلج البديك .. يصِل صِليل وداع
والحجي السِلس بلسانك اتعثرّ
من ظلمة عيونك
والشمس رُمحيـنْ
جلجل ليلهن وتحزٌمَنْ بالشـَر
من رجفة جفوفك
والبرد بالكـَيض ..
علامة قـلب صاح الصاحبه اتـنكـّر
يامثـَنـٌي الخواصـِر
والحمول ثـكَــال
إحمولَك عِفـَه
ريحانه
مااعرف شون مشت الايام واشوف اهلي ساكتين اليوم يجي رضا ويجيب زوجته وياا من اهلها
كعدنه الصبح ماما طبخت برياني كاعده وكدامها تخوط بجدر الحليب تريد سوي روبه
للضهر مجهزين الاكل
بابا"ريحونه بابا حبيبتي ناوشيني دشداشتي من التعلاكه "
ريحانه
دخلت للغرفه اخذتله الدشداشه اخذها مني اشرلي "الكتاب وجهزيلي العبايه اكويها"
كيوتله عباته علكتها بالتعلاكه وخليته بالصاله
بعدني بالصاله لملمت كتب بابا خليتهن بالمكتبه رجعت كلشي المكانه بعدني اعزل
سمعت صوت الباب وطبكت سياره رحت للشباك شفت تكتم فاتحه الباب وبيده جنطه خلتها بالطرمه طلعت طببت ابنه وراها رضا شايل جنطه ثانيه طلعت ماما تلكتهم
مااحب اطلع اشوفها ولا ودي اسلم عليهم النه شهر منتحاجه دك جهازي بجيب دشداشتي رفعته سكينه
فتحت الخط الله جابج
سكينه"هاا عار شونج"
ريحانه"زينه بوجودج شونج كلبي"
سكينه"شوني ويه جهال حيدر العارات واحدهم فاكس بالبيضه وناعل ابو اصلي شوفي ريحانه اذا زوجتي اشكج شك كلبي لا تتورطين ويكلج احبج تره يركبج ركبت المطي ويكرهج بالحب "
سديت حلكي هاي دخلت بالعميق علاكيف ويه روحج همه جهال يكبرون ويعقلون"
سكينه"ها ريحانه اذا ضلين بهاي فهاوتج تميم يشك هدومه ويطلع مصلخ ويروح للكاضم ويدعي على روحه
اني فهيت من يمي شون حتعيشين ويه اهله"
ريحانه"يااا سكينه اسكتي لا احد يسمعج وين اني صرت اهلي محد حاجي ساكتين مبين منهم شي واحتمال رافضين "
سكينه"لا تستعجلين هسه هي تبين واا طلبو رائيج اشجعي لا تخافين عمو محمد مياخذ راسج شوفي المناسب الج ولا تخسرينه تره هيج واحد صعب تحصلينه
حتى بعد انفصالج ضل يحارب علمودج"
ريحانه" رضا مايقبل متاكده راح يرفض حتى اذا بابا قبل هم مايكدر يقدم شي كدام رضا وتعرفين رضا عصبي وصعب يتفاهم "
سكينه"شعم علينه غير راس الحيه يكلك كص راسها وسيح دمها ويجي يوم راسها ينكص "
ريحانه" سويت مثل ماكلتي ماحجيت الاحد ولا كلت الماما ولا التكتم "
سكينه"عوزج ترحين تخليها بحلكها بعد الكتل الاكلتي من اخوج العار امشي ريحانه فتيتي كلبي "
ريحانه"شمسويه "
سكينه"اخخخ بويه الفهاوه مامسويه شي حبيبتي بس فقيره وهاي تاكلج وذبج عضم وتخليج تحت رجليها
هاي براسها موال وكولي سكينه كالت "
ريحانه" كرهتني لان رفضت اخوها "
سكينه" اي بس تكرهج روحي خيه الله يرضه عليج"
سديته منها
طلعت التهيت ويا ماما رضا بغرفته تكتم شافتني دارت وجها وكعدت سولف ويا بابا
لليل كاعده ادرس سمعت صوت رضا والدي طلعت وبيدي الملزمه اشرلي ابويا اجي اكعد بصفه
بابا" اليوم ماشفت كمرايتي"
ريحانه"اقره عدي امتحان ومحاضرات ماضابطتها اريد اقراهن لان امتحان وره امتحان عدي"
بابا" شونها الجامعه وياج "
امي "كول هي شونها ويه الجامعه اذا ريحانه شافوها بهذا البوز يطفرون الاخر صوب"
ابويا"لا شحدهم اكو مثل هدوئها ورقتها اساتذتها يعرفوني ذاك اليون بالندوه حضرة كانو قمة الاخلاق
واسلوبهم حلو مميز"
رضا"حجي اطرح الموضوع وخير البر عاجله "
بابا خزره "لا عدها امتحانات وراها ان شاءلله"
امي "كومي يمه ارجعي الدراستج"
تكتم"قابل هي سادس وريحانه جبيره مو زغيره هي تنطي موافقتها وهاي هيه واهلي هم ما يأثرون عليها يعرفون بدراستها"
ابويا"لا مو كتها عمي غير مره نفرغ ونكعد نسولف كومي بتي اخذي ملازمج ورجعي اقري بغرفتنه عوفي الصاله اني اسهر واصلي وصوتي يزعجج"
ريحانه"لا بابا اتونس وياك احب اسمع تتلو ايات القران الكريم ينطيني راحه وطاقه "
ابتسم جر ايدي باسها سحبتها خجلانه" عسى ربي يغفرلي ولا يخليني اشوف دمعه من عيونج هواي مقصر
بحقج ومااريد غضب ربي يبعدني عنج تنهد كومي بتي
كملي دراستج"
كمت طبيت ادرس مشت الايام اني غاطه بالامتحانات شهر اول وراها بسبوعين شهر ثاني غيير شهر الثالث قبل الامتحانات نصف السنه بشهر
سبوعين اني بين غرفت اهلي ودوامي ماامد راسي سبح كوه الحك اسبح
اليوم اخر يوم كملت امتحانوطلعت من القاعه نزلت ادور على دنيا شفتها تمشي وتحجي ويه نفسها وراسها بالملزمه
وصلت يمها ندستها فزت شافتني غمض عيونها مايسه"منين جابت هذا طركاعة الله وين انطي
وجهي هسه ولج تبخرن القريته طار من راسي"
ريحانه"انت تدرين بنفسج كفرتي
صفنت عليه وين كفرت
ريحانه "استغفرالله من كلتي طركاعه وكملتيها تعتبر كفر لان دتنسبين المصيبه الرب العالمين وهذا كفر الله بعيد عن يدخل الانسان بمصائب يمكن يبتلي بس مانصفها بالطركاعه"
دنيا"اوو ريحانه مو وكتج اني راسي مفتر زانتي ادققين على حجايه حجيتها مشوفيني متوتره والدنيا كامزه من عيني شسوي بمصيبتي كل غلط
ولج ريحانه هاي باعي ولا شي جابته من القريته منين هاي جابتهن وين اكو هيج نضريه بحياتي. مشايفته
باوهتلها منتهيه من القلق لزمت ايدها امشي ندخل بمكان هادء ونسولف بالمتحان
اخذتها كعدنه حاولت اهدئه كلش متوتره من الامتحان
من كتلها حتى امي مو زينه بالمتحان رجعت خابرت صديقتها اكو امل يعيدونه كلها طلاب قاعتها معترضين على صعوبة الاساله
يله فكت وكامت اسولف اخذتنه السوالف كامت راحت جيب لفات كعدت انتضرها التهيت بالتلفون شفتها من بعيد تخابر وبيدها لفات سدته واجت
مغندبه خلتهن على المصطبه دردم "ناس سوي زين بتلي"
كتلها "شبيج حبيبتي"
كعدت "مابيه شي هيج صدك باجر مسوين سفره ماتجين وياي"
ابتسمت كالت" عرفت ماتجين عليمن اكلج وافشل نفسي"
ضحكت بس اعصابج لا تعصبين
ضلينه كاعدين الوقت جيت الخط طلعت صعدت ويه الخط جان رجال شايب اليوم النه اسبوع وياا دنيا وياي بس احنه الثنين ياخذنه
اني اخر شي ينزلني اكلب بالجهاز دك تلفون السايق كال
"لا عمي طالع بالطريق شويه ونوصل لا توصي بويه بناتي
رحمة الله والديك الله يكثر من امثالك ويعلي شانك
اي بويا الخير جثير وانت مامقصر ربي ينولك البالك سهله يابه خلي عينك بعين ربك وتسهل لا هاي هيه وصلنه
سده الرجال ابتسمت مبين رجال فقير وعلى كد حالك كلت بس انزل اكل البابا يساعده لان سيارته قديمه ويشتغل بيها خطوط
دخلت للبيت سنطه طبيت للمطبخ نزعت حذائي شفت تكتم واكفه تحضر بكلاصات وصواني لابسه كلابيه ماروني مطرزه بذهبي
التفتت الي تضحك كالت" الله يساعدج دادا شونج بالمتحان "
باوعت هاي شبيها دفعتني فوتي لاضلين مفهيه يضربج الثول
فتت وهي ادفع بيه وصلتتي الغرفت امي لاكتني امي وجه بوجه ادنبس بربطتها
امي"يله يمه بدلي حضري نفسج"
شنو واني مستغربه
امي"بيت خالتج جايينه يله هم يله حيوصلون"
ضليت مصفصفه شنو بيت خالتي من قبل زواجي ماشفتهم ولا التقيت بخالتي زعلت من عدنه
شذكرها هسه
طبيت بدلت وطلعت توضيت دخلت للغرفه لبست الجادر وكفت اصلي طول صلاتي امي وتكتم دوخني كل شويه وحده طابه شوفني لحد ماكملت واني مستغربه تصرفاتهن
كملت وكفت لفيت المصلايه لبست حجابي وطلعت امي مكيفه طايره راح تجي خالتي شافتني تكتم كالت"بعدج مامبدله خاله حاجيها فدوه شوفيها بعده بملابس البيت"
امي"ريحونه يمه لبسي كلابيه الابوج جابها التركوازي يله يمه بالعجل لا تااخرين"
عفتهن ودخلت لغرفه بدلت كملت شلت التلفون دكيت على سكينه ماردت دزيتلها رساله كتبتلها بيت خالتي جايين
طلعت نص ساعه وصلو بيت خالتي فاتت خالتي وراها مسلم واخوات تكتم
سلمت عليهم خالتي سلامها عادي مامبين عليها الزعل
يومين بيتنه مخبوص بخالتي رضا حار شيجيب سمج ولحم وفواكه غرك الثلاجه واني صافنه سكينه دكلي كلشي لا تحجين خليج طبيعي
وصدك صار المتوقعته فاتحو ابويا رسمي وطلبوني منه اسودت الدنيا بعيني حسيت روحي نزلت السابع ارض
اليوم كله اني احس كلبي ملجوم مااعرف مامرتاحه وامي فرحانه تحب خالتي وابويا ساكت مارد على طلب خالتي
سبوع اني على اعصابي عايشه خالتي فرحانه وتباوعلي مسلم مايدخل حده للصاله بابا هلمره مسوي سيطره مرتين شافه بالهول كله تفضل وياي للستقبال خلي النسوان وحدهن
بعد مافات
اخر يوم بيوم يرحون كلنه ملتمين بالهول خالتي وامي وتكتم وبابا نشري جاي رضا ومسلم طالعين
خالتي " سيد مانطيتني جواب واني جيتي علمود بنيتي اخذها الي ماارسد مثل ذيج النوبه تردني وتعرف ضل بخاطري وماردتها تروح من ايدي
وتعرف معزت ريحانه عدي اخليها بوسط عيني واحواطها مثل امها ومانقصر عليها بشي وتحسبها بيتها
باوعتلي ابتسمت هيج اصير ريحونه جنت لنذرلج نذر لم الحسن يحسدوج عليه ووامشيج سلطانه بين الناس
دنكت كلبي يتكطع منتضره الحكم والدي هلمره اموت لو انطه الموافقه افقد اخر امل مااريد ارتبط بمسلم مااؤتاح يهم بيتهم يخنكني احس ثكل الدنيا بصدري
امي تبتسم وتباوعلي وتباوع الخالتي تكتم كاعده تباوعلي متفرج ماحجت شي
ابويا كال "الرأي رائي ريحانه هاي حياتها وهي تقرر شدكول اني وياها
خالتي" لا ابو رضا الشور شورك بس انطينه الموافقه وريحونه عوفه علينه احنه ناخذ قناعته مو خاله ضحكت بوجهي
ياربي اختنكت لطفك ربي لا تخيب املي بيك
ابويا "انتو على الراس والنعم منكم ناس اجوايد وبنتي مااخيرها عليكم ام مسلم زواجها الاول فرضت عليها
ماارسد اعيد التجربه يبقه الزواج خيار وهذا عمر
مو يوم يومين تبقه هي التختار
خالتي ضلت تحاول ويه والدي واني جسمي يرجف
خالتي مااخذت من والدي حجايه التفتت الي
كالت" يمه ابوج بعد ذبها يمج هسه خاله اريد موافقتج قدوه هل وجه الحلو "
ضليت اباوع الابويه اريد ينقذني من الموقف النحطيت بي باوعلي هز راسه انطاني دعم يعني لا تخافين
تشجعت بعد كلام سكينه براسي ونفس االكالته جيت خالتي تخطبج للشفيه ابنها
كالت اسكتي لا تحجين بس اذا صار ورادو موافقتج
لا دكليلها مااريد ازوج ولا دكليلها خاله ابنج مااريده
لا ريحانه طبقي الاكول ومالج شغل
كتلها"شكول يعني"
سكينه" اشمعي عدل كليلها خاله تعرفين شنو سبب طلاكي اكيد راح تسولف السامعته
باعي على ابوج وطلبي منه الاذن ابوج اكيد راح يصفن صفنت ابو الرصاصي
كليلهم اني سنتين ضامه عنكم وجنت خايفه اكول واني مااريد اضلم احد وياي واعرف بنفسي شنو
خاله اني من زوجت السيد صح تعرض الحادص وتأذه بس تعالج السبب مو منه اني الخلل بيه مااكدر اخلف
خالتي"الرحمان خاله شبيج جنج ورد"
اني كوه احجي خايفه من صدمت ابويا وامي وجهم انكلب" ضميت ومااردت اسولف بمرضي خاله ابنج يستحق يزوج ويصيرون عده اطفال ليش احرمه
من الجهال "
وجوهم انكلبت ضلو يستفسرون كعدوني كعدت تحقيق
واني اطكطك من الخوف ربي شكينه دخلتني بسالفه
امي" ريحانه يمه صدك تحجي ولج ليش مكايله هاي جديده "
تكتم"من شوكت انتي ماتخلفين وليش محد يعرف عليمن ضامه مرضج "
خالتي" خيه انتي ماتدرين بتج شبيها مابيها خاله سالفتج ماينسكت عنها وين عرفتي بمرضج"
بابا" ريحانه هذا الحجي جديد بابا محد يجبرج بالزواج ولا دخلينه بمتاها بتي مرضج اكيد"
امي"دهر دهرني ريحانه ولج يمه منين اجتج هاي المصيبه سيد بتك تحجي صدك ولج ليش ماسولفتي من زمان عاضه لسانج "
خالتي" مراجعه لو من يمج ريحانه اذا مرايده ابني ماانجبرج الف وحده تتمناه "
دنكت
امي " عزه العزاني سيد دبرني ولج مال اكوم اخبزج يمه "
امي شويه وتتخربط لطم وبجي خفت وكفت ابتعد بالزوايه ابويا يسكت بيها حسيت روحي تورطت جسمي يرجف وجهي نخطف
وخرجت ركضت للغرفه اخذت المبايل ايدي تختض مااكدر اسيطر راسلت سكينه وسديته
للعصر امي مدد تون ضغطها ارتف خالتي تباوعلي مامصدك هي وتكتم واني خايفه اتقرب ابويا طلع
شويه واجه رضا ومسلم كامت خالتي بوست امي وطلعت رجعت للحله
لليل اني كاعده بالصاله ساعه اكول السويته صح وساعه اكول اكبر غلط شون اجذب اخخ سكينه ورطتني وشردت
يومين امي ماتحاجيني رضا ساكت هوه وابويا
تعده الاسبوع وامي تريد تاخذني للطبيب واني ارفض بس اروح انفضح واعم على روحي
نهايت الفصل بعد امتحانات الشهر الثالث اجت عطلت ١٥ يوم
بعد يومين من العطله واكفه ارتب بملابسي اخذت خانه من كنتور امي وابويا اخلي بي ملابس الطلعه وملابس البيت ببسله
للعصر انس افتر وتكتم من ذاك اليوم هي مرافكتني مثل الخيال حسيت بيها شاكه
سكينه وياي على تواصل دنيا مااسولفلها كلشي
كملت تعزيل وكنس الصاله طلعت على الطرمه غسلتها ونشفتها
دك الباب صحت منو
اجاني صوت والدي فتحت الباب كال فوتي طبيت للبيت شديت باب المطبخ تكتم يمي كالت شنو منو اجه
ريحانه "ماادري كال فوتي"
وخرت رفعت البرده وباوعتلي عاكده حاجبها كالت "هينه ياريحانه هيج صارت مو"
ضليت اباوعلها مستغربه وخرتني من طريثها بدفعه اجيت انجبح
ماهتميتلها ضليت احضر بالجاي وطلعت مي فات والدي كال بويا جاي ثنين ومي
اخذ المي طبيت للهول فات رضا عيونه مطاير خزرني وفات للصاله تكتم ورا هزت ايدها فاتت للمطبخ
عفتها دخلت الغرفت والدي اعدل بكنتور امي فردشت الملابس اسفط بيهن
ساعه اتي غاطه الراسي لحد ماكملت احس ضهري طك
امي مدده نايمه تعبانه ضهرها يوجعها شكد راجعت ماكو نتيجه اسمع صوت ابويا
طفرت على دفرت باب رضا اجاني وجها احمر جرني رفعني من دشداشتي احس روحي طلعت ضاغط على بلعوني طلع روحي
ابويا جره حيل
رضا يصرخ"وين تلفونج
ابويا"عوفها حيوان رضااااا وحق الحق اغضب عليك اليوم الدين نزلها اني اتفاهم وياها نزلها "
رضا"وين تلفونج كح..... وين ضامته "
ابويا "خرب غيرتك ولك نزلها رضا اختك راح تموت جوه ايدك"
امي كعدت تعيط على منضري معلكه واشاكف الهوه مشاكف
امي"ربي سترك يمه البنيه شبيك ويه اختك رضا هدها اختنكت يمه ريحانه ماتت ولك رضااااااااا نزلها يمه ماتت ولك صارت زركه "
ابويا "نززززله الله لا يرضا عليك لا دنيا ولا اخر رضااا نزلللها حيوان الله ينتقم منك دفعه ابويا مايكدرله ضخم كوه سحبوني واني
جسمي يرجف نزلوني منشحطه اكح اريد اتنفس مااكدر
كمت ادك على ضهري ابويا يدكدك على ضهري ارجف
امي جرت الدولكه غسلت وجهي
رضا" وييييين صخامج وينه جايبته للبيت ماتوبين اذا مااكتلج واخلص منج ريحااااااانه ساق....... كح........ اشرف منج.........
اشكال الغلط امي كامت ترجف ركضت ادور الجهاز جان كدامهم على الميز شافته انطته الجهاز وهي حيله رايح
ابويا يمي مدنك عليه بيده كلاص المي"شربي بابا بلعومج اجرح هذا مي فاتر مو بارد شربي كله لا تخلين منه هسه تصيرين احسن
رضا واكف بيده الجهاز يكلب بيه طلع للهول عرفت دخلت تفتيش
امي "شمسويه، ريحانه اخخ ياربي ماعده بس ذوله ثنين هيج حالهم مثل الاعداء"
بجيت والله مامسويه شي والله ماغلطانه بحقكم ليش هيج يعاملني "
امي "سيد شبي"
ابويا "ابنج غبي يمشي على هوا يسمع احد اله اذان وحده يسمع بيها وساد جميع حواسه صاير مايحترم حتى على الخطار دايس بساطي يتعده ماخلالي هيبه
زين من الناس متحملته الخاطري واله ابنج ماعده ذرت عقل ازوج وفقد كامل عقله
بويا ضلي هنا لا طلعين عافني ارجف ودموعي ترست وجهي امي تمسح المي من حلكي بللني مااسيطر على ايدي
طلعت تكتم ضليت اني وامي اسمع صوت ابويا يرزل برضا ورضا مايسكت
امي" سوده بوجهي وين اوديج من اخوج شجاا متخبل شبي مايشوف دربه اخخخ يايمه عليج وعلى ضليمتج
ماما والله مامسويه شي كدامج مو كتيلي عزلي الملابس ورتبيهن وين طالعه اني اشايف عليه
امي" شكلج يمه انتي مضلومه واخوج الله يصلحه متخبل مااعرف شبي ولا يتفاهم ولا يسمع من احد"
اريد احجي وسمعنه صوت ابويا ارتفع ورضا اكثر ركضت امي طلعت واني وراها ابويا لازم رضا من بلعومه يخنكه
ورضه لازم ايدين ابويا بعدهن رفع ايده ابويا ضربه على وجها تكتم شهكت
رضا "حجي تضربني بهذا العمر علمود وحده ساقطه"
ابويا "اختك هاي يانذل ياعديم التربيه حرام التربيه بيك
سنين ساكتلك واكول اخوها وياخاف عليه بس انت مو ادمي الضاهر انطيتك مجال اكبر من الازم
والبراسك مااسوي وامشيها على مزاجها وهي التقرر وهاي اني اخذت القرار امشي ولي لا بارك الله بيك
رضا" وحك جدي علي انحرها وماا اخليها تروحله لو تموت لو تنكبر هنا من بابنه الباب بيت خالتي
تكتم "لا عيني امي بعد ماتريدها اختك ماتريد اخويا وهم عقيم شنو ماريد روحه فوكاها تتمعشك عيب على اخويا ياخذله وحده كلبها مو يمه"
رضا مايشوف دربه جيت عليه خنست ارجف امي صارت كدامي واصياح ابويا ردعو عني يريد ياكلني اني بس ابجي
ابو يا صاح "خالي خليج محضر خير بتي مو زايده عدي الف اليريدها قسمتها مو الكم وهي التحدد منو تريد مو انتي ولا اي احد "
رضا"وتنطيها بويا تنطيهاااااا اموتها اذبحها العار "
ماتحملت اصواتهم جسمي يرجف رضا يردون يلزمو مني كوه بابا كاضه من الرعب اضلمت الدنيا بعيني
ماحسيت غير اني بالهول مدديني وامي فوك راسي والمغذي بايدي وابويا واكف على صفحه يباوعلي
درت راسي
امي"سوده بوجهك رضا البنيه راح تروح من ايديا "
ابويا"اسكتي لا يسمعج ويرجع يسعر منعول الصفحه
يومين اني مالي خلك والبيت مكهرب تكتم ماتحاجينه ورضا اعصاب اخاف اطلع من غرفت امي بس يشوفني يضربني
ابويا حاير وتعبان احسه مهموم
وكفت اصلي بجيت باخر ركعه بسجودي اريد الغوث من الله مثل ماطلعني من اصعب ضروفي بجيت لحد مانكطع نفسي نخي جدي علي ونمت
مشت الايام واني حتى حفظ تركته ماعدي طاقه واهس اكعد احفظ ملتزمه بكل امور ديني بس ماجله الحفظ
بعد ٣ ايام وتخلص العطله كاعدين اني وامي بالغرفه دخل رضا هايج فات ابويا وراا لزمه
"رضا اخر مره اكلك اذا مديت ايدك على اختك اتبره منكن اليوم دين"
رضا"حجييي لا تخبلني عدها علاقه وياا شون تريدني اسكت"
ابويا" مو تلفونها يمك وين شفت بجهازها شي اني واثق من اختك عوفها ولا تتقرب منها لا تخليني امد ايدي عليك"
رضا" باعي لج اذا وافقتي وكيتي حلكج اعدمج انهيج سامعه اعلكج بالبنكه واخلي ماطولين الهوه "
ابويا "امشي امشي واكف يهددها ماعاش يمسها واني موجوده يله ولي لا بارك الله بيك
باوعلي رضا بغضب وطلع يرعد
بابا ضل يباوعلي كعد على الجربايه يتنهد كال" بنتي لا تخافين ولا تعيرين اهميه لخوج هوه عصبي وحرمته الله يسلمها تحش براسه
سمعيني بنتي الولد تقدملج اكثر من مره وكل مره ارفضه اكول مو قوبنه ولا مثل ذبتنه كلت حاله حال الشباب يايس ويشوف حياته
واني مااريد اضلمج بزواجج الاول جان غلط مني وعلمني درس ناس جانو بعيني كبار وخال املي بيهم يحافظون عليج بس ربج بينهم الي
مااريد تخافين وهاي حياتج تعرفين ابن بيت ابو براهيم الوسطاني هم رجع تقدم وهاي للمره الثالثه يجي بعد انفصالج
وسط شيوخ وقاده واني هم ماكدر ارد الوجوه الخيره حرجوني وابو علي كدام الشيوخ وكف كال السيد ماينطي اني اشيله بتي يكبع ويتوكل
يابتي مااعرف شكلج بس بعد كلام ابو علي ومن كعد يسولفلي بسباعيته وشون مايهاب الموت وروحه بالحرب
اعجز اوصفه تدرين كم صواب بصواب يصوب
ياخذله سبوعين مجاز ويرجع لسوح القتال اني مالكه احد يحارب علمودج بكده
كبر بعيني من هوه قائد ومحد يعرف بي مسؤل ولا حتى اهله ابو انصدم من سمع بالمجلس ابنه قائد وحلف مايدري هذا مبين مايدور صيت ولا يدور ابها يدور
معدن ولهذا مجلب بينه ورايدج
واني مااكلج اقبلي ولا اكلج ارفضي الختيار خيارج وانتي تقررين زارجع واكلج رضا مالج دخل بي بس لازم انصارحه بمرضج وهوه تبقه بكيفه
كام ابويا طلع خلاني بصفنتي
رغد
صوت صراخ طلعت من الغرفه غرفة ضحى كبال غرفتي منها الصراخ يطلع
ثواني وطلعت ضحى تعيط وراها تمام لزمها جرها من ثوبها نشك كضها من ايدها جرها بقوه طاحت على وجها
اريد ادخل ضليت مصكصكه اخاف اتقرب صعد ارغد وخالتي على عياطهم ادخل ارغد يدفع بتمام مايكدرله
ثوبها مفتوح من الطول للول حتى جسمها مبين خالتي تريد تغطيها ماتكدر ارغد يكض تميم من ايديه رجلي يدفر بيها
منويمي جسمي يوجعني سندس صعدت تحاجز بينها وبين تمام
كوه سحلوها من جوه ايده الوجه ماينشاف الدم تارس وجها حلكها يخر وخشمها
نزلو تمام جوه واني عيوني على ضحى مدده وتباوع عليه خفت خليت ورجعت للغرفه
دخلت لازمه كلبي سحبت نفس هاي هيه شويه ونزلت ملتمين بالهول ارغد ساكت وتمام نار صاير مايتحاجه عمو صافن ساكتين بس اتحسهم على ساعه ينفجرون
دخلت للمطبخ سويت جاي كملته صبيته شلت الصينيه بيه كوابت الجاي والشكردان وقوري الجاي
قدمت الجاي اخذوه يشربون اريد اكعد وبيدي الصينيه والقوري صوت خالتي وضحى ماحسيت غير على لزمت شعري جرتني نكلب القوري عليه
متت عطت من كلبي الجاي يفور صلخ رجلي صلخ كمت اكمز وهي منا تعت بشعري
ارغد دفعها من يمي "شبيج تخبلتي وخرري هدي ايدي دفعها اجه شالني واني مفرفحه خلاني على التخم
ضحى تعيط وتضرب وجها" هي السبب هي الخالته بغرفتي تمام وروح امي مااعدي تلفون غير هذا ولا اعرفهم الراسلتهم "
دفعها وصاح على سندس صعديها مااريد اشوف خلقتها الزفره لمي هدومج اوديج لهلج "
كامت تلطم وين توديني مااصدك حلفنه على القران احلف عليه
فات تميم من بره يفر بسويج المحل باصبعه بهدومه العسكريه "الحرامي كالوه احلف كلهم اجه الفرج"
تمام"امشششي ولي امشششي لا افلش سنونج بحلكج صاق... بت ابعركجي شيخلف مثله "
ضحى "الله لا يوفقج هجمتي بيتي ام الزلم ام بعدها مامكمله تمام هفها بالدولكه ترس بوجها لزمت خشمها دكمز وتعيط وتغلط عليه
شالني ارغد صعدني للغرفه طب وسد الباب برجه وداني لسرير مدنني شال الشداشه من رحلي كمت اون منوالوجع ينهش بعضمي مو بجسمي الالم رجلي كلها حمر
ارغد" خرب روحها بت الزفره شون سوي بيج هيج
راح على المرهم عدنه دهن مال حروق خلاليل يمشي الدهن على الحرك واني اون من الالم
كتله "فدوه على كيفك ارغد رجلي راح اموت"
ارغد"انطي صبر هسه اجيبلج علاج واجي "
لفها بالشاش ونزل بيده المحفظه
ساعه اني اصارع الالم همزين ارغد قفل الباب ورا طب بيده علاكة علاجه وعاكد حواجبه
كعد يم رجليه لزم رجليه خلالها على رجله طلع العصارات دهنها كلها وصل الحرك الزري اشعوطت
بس دموعي تجري لفها وخر وكف جاب مي انطانيا
يتحرك بلاصوت واني من الالم مااكدر احجي
انطانيه حبايتين من الشريط "اخذي هاي مهدء هسه تنامين اخذتها شربتها ورجعت راسي على المخده
كعد على الكرسي يفرك راسه شويه وصدك نمت ماكعدت غير على نغزات برجلي فتحت عيوني مااعرف شكد نمت
اسبوع اني مااتحرك ارغد قايم بوتجبي اكل وسبح يغيرلي الضماد
نايمه حسيت بحركه يمي فزيت مثل يوميه من ينطيني المهدء انام بعمق
شلت راسي ارغد كلب على جهتي رجعت راسي مد ايده على بطني مايدري بروحه
اشتاقيتله واريد حضنه دنيت جسمي بس رلي الحروكه ما دنيتها تقربت صري يم صدره خليت راسي بين ركبته وصدره اشتم بي
مشتاقه العطره مشتاقه الحضنه لمني بحضنه همس" لا تلجمين"
سكتت اريد اشبع منه مايهولي اوخر بسته بصدره تنهد عصرني باس راسي دحست خشمي بركبته ابوس بي
ضحك" مو مريضه وبيج البله ذيج الايام هاجرتني بوزج بوز القرد هسه شمشمين وتبوسين
ماهتميتله رجعت ابوس بي "لا تهيجيني ولج اذيج خليج عاقله
ماسكت زدت وخر راسي بين ايدي لازمه ابتسم واني عيوني بعيونه تنهد غابت ابتسامته عيونه ذبلن دنك
اخذ شفايفي بشفايفه
غمضت تعمق يوخر ياخذ نفس ويرجع ياخذني ويا كان نسمت هوه يحركني بهدوء يخاف يلجم رجلي
مقاومت غبت عن الدنيا والبيها حتى الم رجلي نسيته........
وخر اخذني بحضنه" تحسين بألم هزيت راسي لا
ساعات اني بحضنه مااعرف ماودي اوخر منه ماحسيت هذا اخر حضن يجمعنه
للصبح فزيت على نومتي وارغد مو يمي باوعت الساعه ب٨ وخرت الغطه نزلت من السرير جيت الروب لبسته
شون هسه اسبح اذكرت من يسبحني يلفها بنايلون لفيتها وسبحت طلعت نشفت راسي
شسورت شعري كاعده مكيجت شي خفيف لبست دشداتي الخفاش لان عريضه اكدر اخذ راحتي بالحركه علمود حرك رجلي مااتأذه
نزلت خالتي وسندس كاعدات يتريكن"صباح الخير"
خالتي"صباح النور شون صرتي "
"الحمدالله بس شويه الم الحرك"
خالتي" تخبلت مرت تمام الله لا يردها"
رغد"شنو الصار شبيها"
سندس"انت ماتدرين طلكها تمام وشمرها يم اهلها"
رغد"شمسويه"
سندس" مولي شنو المامسويته يمه يمه ولا عرفناها هيج وحده منحطه كاعده ويانه"
خالتي"كملي وسدي حلكج لا ينزل يسمعج ويكضي بيج التوبه كوه لازمي لا يتخبل علينه "
سندس"وشحاجين من جيبنه هي جانت من جوه الجوه مانعرفها لو ماالله يفضحها وتمام يلزم التلفون بغرفتها
وشاف الرسائل "
خالتي"شعليج انتي تردين تنطكين مو كلج ماريد احد يعرف شون بيج سنيدس مااتهيدين"
فات تميم من الصاله لابس تراك شافني ضحك كال"ها ام البلاوي وغمزلي "
يمه وين اضم وجهي كاشفني ابن الذينه ماتفوته "
كعد يم خالتي باس راسها "ها حجيه خيرج شو من الصبح نازل رجايل بهاي الثوله هي شعليه حاجيه جذب".
سندس" اي والله خويه ماكادره بس عليه "
تميم"انتي نجبي صايره الجزيره ماكو كحبه ماخابرتها وخليتها بحلكها طشت السالفه"
سندس خنست ضلت تباوعله
خالتي" عوفك منها سولفلي اسويت ويه السيد شكالولك"
اخذ نفس" منتضر اتصال من ابو علي هوه تكفل اقناعه واني خالها ورا مااريد اضغط عليهم اعرف اخوها كلب ويعاند "
خالتي"لو اعرف شعلجبك بشلاع الكلب لو مخليني مدورتلك على بت ناس وتناسبك كلها الناس تنطيك بس تسمع بصيتك يايمه جافي على وجهك على بت السيد
شمحصلين غير شلاع الكلب"
تميم "هاا حجيه تغارين من ماي عيني غير هي الاشوف بيها والاتنفس منها وهي الكلب يدك بجسمي ومخليني عايش"
خالتي ضربت رجلها "كون اشوفك من تاخذها شهر وتجيني وجهك يلطم العلاوي وكحات يمه ماينجرع ماتذكر مرت خالك الاوله سوت بي دولبت حاله"
طلع جكاره ورثها "مو اني حجيه خسه مرت خالي توصل الاضفرها هاي طفلتي بنتي اكوي عودها على ايدي واخليها لبوه من بعدي هاي ابالي وبخيالي لو احوف الدنيا شبر شبر ماالكه مثله"
سكتت خالتي مارضيه باوعلي تميم اجيت اكوم ضحك وهز ايدها كال"والله عمي فاد بيج علاليك الحلويات خوش متعلمه خليج هيج اخذي حكج من حلك الاسد ودوسي راسه "
دنكت خالتي ضربته على زره كال ها يمه خير
كالت" تحجي وياها الغاز وذيج الخرسه خانسه شنو بينكم "
تميم "يمه لو غير وحده حاجيته جان عرفت شصرف واعرف شنو البالج اختي رغد وسبعه ومقامها من مقام خواتي واكثر قرب راسه يمها ضحك ونفخ بوجها
اكلج شي يمه خافي من البيت كله ولا تخافين من هاي العرمه لا شوفيها خرسه تره جواها لبوه وكحه ضحك
من كلبه وكام طلع
خالتي تباوعلي وترتني نضراتها ايام مشت وعرفت ضحى انكشفت وتمام طلكها
واكفه اغسل مواعين فاتت سندس عبايتها بيدها الدنيا ضهر باوعتلها كالت" ماشيه السعاد اذا امي كعدت كليلها
حتى ماسمعت جوابي هزيت ايدي والله ياالله كملت المواعين صعدت فوك للغرفه
مددت شويه وكمت وخرت الضماد اليوم اخر يوم عدي عصارات توخر اثر الحرق كمت اخلي منهن
كملت نزعت الدشداشه ضليت بطرك الاتك ينشف الدهن
ضليت افتر واعزل بالغرفه
دك جهازي شلته رقم عفته مارديت ضل يتصل بستمرار
حضرت الرقم ومددت ارتاح خليت تايلون جوه رجلي مايدمر الفراش
غطيت بالنوم حسيت انفاس بركبتي دفعته مطفيه من النعاس رجع يدغدغني بلحيته
خليت ايدي بركبتي ورفعت اكتافي اذم ركبتي جرني على صدره ضهري عليه
رجعت نمت كعدت فايت وكت والدنيا عصر كمت نزلت من السرير طبيت اسبح كملت طلعت
لبست وسرحت شعري وشلته نزلت كلها كاعده يتحضرون الوجوه فرحانه تميم رجل عاكفها ورجل متربعه يدخن وباله لبعيد سلمت كلها ردت ارغد كاعد
شافني اشرلي يمه اكعد سندس صب جاي ناوشني ارغد الجاي جر ماعون الكعك ابو السمسم خلا كدامي
تعودت يمهم اكل كعك وجاي العصر من كدا مايحبو مايستغنون عنه كل عصريه لازم كعك لو كيك لو معجنات كليجه ميفرغ الجدر الخبز منهن
كاعده بصفه جتف على جتف همس يم اذاني تردين فطائر
شربت الجاي "لا مااريد الكعك طيب"
ابتسم مد ايده مسح حلكي صار سمسم ووكعك بطرف شفتي "على كيفج تغصين ام نفس مماكله كبل لو مفجوعه"
التفت الخالتي صاح فززهم كلهم "مجوعين مرتين ضالمين النفس ليش مخليها ماتندل حلكها من الجوع
المن اسوك لحلوكم الجايفه"
عمو " حلك امك وابوك هم ياناقص "
ارغد"حجي مو يمك لا تطبك بالسره لو عاجبك اجمعكم كلكم متونس عليها "
عمو"كلب وابن سطعش كلب شترجه منك ساق... "
ارغد" مرجوعها عليك يابه مو يمي المسبه "
عمو لزم عكاله راد يهفه لزمه تميم "زعطوط دعوفه يابه"
عمو"حيوان مرتك متاكل تجمعنه شكو "
ارغد" مرتي تستحي وخالها ويه حيتان ياكلون بشر خله ايده على راسي اكلي بعد جبدي وجبد ابويا يرحولج ستين فدوه اشبعي وانعل ابهاتهم الماينطوج اكل"
خالتي"والله والنعم اسب اهلك علمود مرتك وهي البنيه مافاكه حلكه يمه مسودن انت لو عقلك ضرب بعد اشيل ايدي منك"
ارغد"شيلي روحج كلج يمه اني اليجي يم رغود ازوعه الاكله من تعبي اهم شي تاكل هيه وانتو اكلو "
عمو "مو رابطلك صخول ومرتك تاكل يله احنه"
كال" ارحم الصخزل بيهن فايده انتو شنو فايدتكم "
تمام طاك من الضحك واني حتى الاكل عفته سد نفسي سواها عليه سم مو شافني جوعانه يسكت دهر وينطق كفر
دفعت الماعون كتله "مااريد سممتني"
كال"هاا ليش ولج "
شوفو سممتوها بحجيكم مو اكلج حبيبتي اهلي كواوي... مينعاش وياهم اصبرلي هسه اطلع بيت وحدج وانعل يومهم
عمو ماتحمل كام راد يضرب طفر ارغد طلع للطرمه يدردم شحجيت هسه اني مجذب وعمو يصيح دتعال اذا مااشوفك منو الكواو...... على اصولهم منعول الوالدين"
تميم ابتسم وكام طلع يم وكفو يسولفون ولا جنه قبل شويه ارغد المهتلف واكف يحجي وياا بجد
سندس اجت يمي كالت" عدنه خطوبه
التفتت الها مستغربه "منو راح يخطب"
سندس"تميم"
صفنت"لا صدك "
هزت راسها
سديم
كاعد بالغرفه منزويه على نفسي تعبت من حياتي الدنيا تركع بيه عمي يتقنع بابوي يفسخ الخطوبه وينطوني الكرم مثل الدميا بيديهم مالي رائي ولا كلمه
حاذفيني من الوجود مامعتبريلي عتبار كرهت ابويا كرهت كرهت حياتي ادعي غلى نفسي بالموت
ايام واني بس جسد عايشه دايخه شنو المحصلته منهم كلشي مامقدميلي غير الحزن غير الالم
امي لاحول ولا قوه ابويا بيد اهله يدوس علينه ويرضيهم واحنه شي لم يكن
قصي كرهته ومابدي اصادفه نفس وكفته نفس ابتسامته نفس نضراته شيريد ليش مايعتقني الوجه الله
اريد سند الي مااريد مجرد انسان ماعده موقف ماوكفلي ما ساندني وكت الجنت بعازته تمنيت يحارب علمودي
مشت الايام ماتغير شي غير التاريخ قرب موعد زواجي مافرحانه ولا حاسه بطعم الفرح
كل بنيه تتمنه العرس تفرح بنيشانها تفرح بزواجها من انسان يكون الها عون
ايام واني دايخه اتحرك بلا روح
اليوم موعد المحكمه من الصبح كعدتني امي لبست تنوره وقميص وشال شمرته منا ومنا حذاء كعب
مكيجت مكياج خفيف شلت الجنطه طلعت لكيت عثمان بالباب واكف يشولف ويا امي سلمت عليه وصعدت ويه امي اليوره واخو كدامنه كاعد
طول الطريق احسب بعداد عمري هاي نهاية حياتي كانو ماخذيني للموت هيج شعوري شور مااوصفه بتلك اللحضات
وصلنه مسهلين الاجرائات عثمان لازمني من ايدي كاعدين بالي مو يمه يسولف واني ساكته
صاحواسمائنه دخلنه وياي امي ويا اخو القاضي بده يعقدلنه وصل للموافقه اني عيني بالارض باللي مو يمه
فززني صوته من ندسني رفعت راسي القاضي "بنتي انتي موافقه كولي نعم وانت وكيل"
باوعتله ساكته مااعرف شكول احس سجاجين بكلبي شنو اكول نعم يعني تحكم عليه بالموت احجي بداخلي
رد القاضي عاد العقد واني متبنجه بس عيوني تفتر احس اني بحلم مو يمهم هسه اغمض ويطلع كلشي وهم
ارجع الضيج الطفل تلزمها اختها تمشطلها سويلها ستوتات
افرح من تخليلي فراشات ام السبرنك من اتحرك يرفرفن
افرح بجيت تحسين لان وراها ياخذني يشتريلي
اماني صيح لا توصخين ثوبج
وامي تركض وراي تريد تقرض اضافري هاي عقدتي
وتحسين يشيلني يشمني ويضمني الكلبه
اريام تخيطلي ثوابه الاحبهن
مااعرف شنو الصار حسيت على طفرت اخو عثمان عمر كال شنو السالفه خويه انطي الموافقه غاصبيج
اباوع امي تخزر بيه القاضي نزل القلم خيل على المكتب مالته كال مااعقدلها يجي ولي امرها شنو بابا غاصبيها
عمر "لا حضرة القاضي زواج عادي مابي اجبار"
القاضي"دزو على ولي امره يحضر "
حاولو وياا عمر وعثمان جان قافل اله يحضر والدي يله يعقدلي طلعنه من الغرفه امي لزمتني كرصتني من زندي وخرت متوجعه"شبيج "
امي "اني لو انتي خزيتينه شبيج صرتي خرسه لسانج هلطوله بالبيت هنا خرسيتي عاجبج هسه ماعقدلج شحصلتي"
بجيت "مااريد كوه مااريده"
امي"لعب مو قبلتي شنو جد الجديد هسه مااريده وكلبتي الخلقه"
عثمان فات جرني من ايدي" ليش ماترديني قصرت وياج شفتي وياي شي مو حلو ليش خجلتيني كدام القاضي عباله جابرج"
وخرت ايده دنكت "مااريدك"
عثمان"بس اني اريدج وشاريج والتطلبي حاضر اقدمه جوه رجلج بس لا دكولين مااريدك "
اجه عمر "خويه مع الاسف عليج ضنيتج جبيره وفاهمه وعاقله فشلتينه كدام القاضي خليتينه بوجه الاسود عباله جابريج
بجيت وخر عمر يستغفر لزمني عثمان اخذني على صفحه يهدء بيه رجعنه للبيت ابويا من عرف لعب بيه لعب نمت ودمعتي بعيني
مشت الايام وكوه عقدنه القاضي لعب بحوالهم واني استسلمت ماكدامي بعد اي قرار انحكمت بزنزانت عثمان
قرب زواجنه كان نهاية الامتحان عفت كلشي وركزت على امتحاناتي تعبت نفسياً مااريد اخسر دراستي
كملت واني مبالي ولا احس نفسي عروس
سيف الدين
كل الكلام الدار بيني وبين امي محد سمعه لان جانت واكفه بالكليدور
رجعت يمهم كعدت والدي اجه كعد يمي مامصدك يباوعلي عمي قاسم مستغرب
اخواني محد بيهم تقرب مالوهم بعد هذا العمر يطلعلهم اخ قابل ياخذوني بالاحضان
والدي" ابني متاكد انت ابني سيف الدين لو شنو سالفتك تره هلرجال حمله ثكيل ماعده طاقه المصيبه جديده "
ابتسمت عرفته واصل مرحله من التعب كعدت سولفتله وكلهم يسمعوني من انخطفت لهذا اليوم بشكل مختصر بس وضحت النقاط المهمه الحبو يسمعوها مني
حضني والدي نزلت دمعته جريت ايده بستها مسحت دموعه
نصيت صوتي "هسه سولفلي شعدكم مجتمعين"
ابو سيف"عمك يريد يروح للاردن يكول مطلوبين بالبصره"
باوعت العمي مارتاحيتله
كتله "شايفني بمكان قبل او بشارع"
استغرب كال "لا"
سيف " تعرف شنو اشتغل"
عمي" لا"
سيف"زين منين طلعت بسالفه انو مطلوبين بالبصره
عمي " هاي قبل سنتين"
ابتسمت " لو مطلوب جان انه عرفت"
هز ايده "شون تعرف"
باوعتله مال اكوم وافر راسه شويه حتى يعرف ويامن يسولف
سيف "انه نقيب بالامن الوطني هسه اخابر و اشوف كلامك اذا صحيح"
رفعت جهازي دكيت على النقيب مصطفى بمخابرات االبصره عرفته من اروح ابحث بالبصره وعلاقتنه قوة
جاوي"حبيبي ابو الصوف شونك اخبارك عساك دوم الحمدالله عايشين نعمه حبيبي ابو الصوف رايدك بخدمه تذكر من جنت ادور عن اهلي
اي الحمدالله لكيتهم اي الله يبارك بيك اي والله بس الاهل خايفين جايهم خبر مطلوبين بالبصره اي اي
ماتقصر اي شوف اسماهم مدروجه لا انتضرك متقصر حبيبي"
سديته "هسه يشوف وينطيني خبر عمي دار وجها ماعجبه مااعرتله اهميه"
اقل الربع ساعه اتصل مصطفى كالماكو هيج خبر فتحت مايك اي مصطفى شنو ماكو امر القاء قبض
مصطفى"لا ماكو هيج حجي كل الامر القاء قبض عليهم والهاربين ماكو اسم احد من عائلتك "
سيف" مشكور حبيبي متقصر سديته من يمه"
عمي سمع سكت كمت سلمت عليهم اخذت ابويا بحضني كال "وين رايح امشي ويانه للبيت"
سيف"لا يابه رايح للمركز اليوم علمودكم اخذت اجازه بس ارتب وضعي اجيكم"
امي طلعت بلبسها المحتشم ضمتني الحضنها مااكدر ابجي ولا اكدر اسوي شي كلها واكفه بستها من راسها
همست بذنها جايج يوم بس كم يوم واجيكم ماافاركج"
امي"عمر جبته ابجي عليك مامصدكه فقدتك وين رايح هسه وعايفني بيت ابوك موجود "
حضنتها " اعرف يام ايام طويله ونكعد نسولف الايام الفاتتنه لازم اروح بستها وخرت تمسع بوجها شبعت بجي
طلعت رجعت للمركز
اني غير انسان واحد نولد من جديد ايام دوامي خلصت
اخذت سيارة المركز عايفيه عدي الطريق طويل اكو كاسيت خليته بالمسجل شنو هذا
شغلته طلعت اغنيه
راح الفرح معها تركني وغاب
وما كان يترك لي ولا ضحكي
غص الدرج نزلت دموع الباب
عمرك شفت شي باب عم يبكي
راح الفرح معها تركني وغاب
وما كان يترك لي ولا ضحكي
غص الدرج نزلت دموع الباب
عمرك شفت شي باب عم يبكي
حسيت كلبي نشك نصين وكفت على صفحه خليت راسي على الستيرن يمه ماناسيج وولا رحتي من بالي
نزلت دموعي صدك راح الفرح وياها وراحت ضحكت البيت رحتي وتركتي جرح بروحي ينزف وعدتج بس الكه اهلي ازوج استعجلتي
اختنكت نزلت اشتم هوه احس روحي تريد تطلع كلت بس الكاهم تفرج اثاري حتى اهلي مااغير مكانج بكلبي ولا هونو عليه روحتج ضربت السياره برجلي
اخخخ اخخخ نزعت القمصله شمرتها بجيت من كلبي
ماكدرت اقاوم ولا ضل للصبر قوه
دنكت امسح بعيوني فركت وجهي حيل راسي كام يدوي حسيت بضغط فضيع وعيوني يحركني فتحت باب السياره جريت بطل مي شربته حسيت شي نزل من خشمي مسحته بيدي دم
جريت كلنكس مسحته كعدت ورفعت راسي نص ساعه الدم ينقطع وينزل نترست عندي بندول طكيتلي حبايه من الشريط شربتها ورجعت اسوق وصلت باليل
طبيت للبيت كبل الغرفت الحجيه بعد ماسديت البوب
بدلت ومددت على سريرها جريت دشداشته حضنتها
ونمت
ثاني يوم كعدت راسي ثكيل كمت للمطبخ سويت جاي صبيت بعد ماخدر كعدت اشرب بالهول
مددت راسي ياذيني مو طبيعي الالم جريت التلفون بي نت مشتركوعلى الشريحه حملت الغنيه وشغلتها
رحعت راسي نزلت دمعتي احسها تحجي الم فقدانها احسها تحجي شعوري من شلتها بيديه ودفنتها ورجعت
للبيت من دونها
راح الفرح وياها ماجانت تعوفوني ولا ترتاح اذا ماتسمع صوتي يله تنام
بجيت ماشفت شي باب عم يبكي غطيت عيوني بيدي نمت واني دموعي تنزل
فزيت على فتحت باب لكيت التلفون طافي ومغلصه الغنيه همام فات "هاا عمو الله يساعدك"
بسته "هلا عمو"
همام" ماما دكول صبيتله غده خل يجي يتغده ورثت جكاره "روح حبيبي كلها عمو يكول مااشتهي ماتقصر ام نور من اجوع اتصل بيكم"
همام"عمو تعال يمنه تره ضوجه واني هم وحدي نور بغرفتها ماتلعب وياي وماتعرف للطوبه "
سيف" همام مو هسه العصر مالي خلك العب"
همام"انت هم نفس بابا يكضيها علينه تعبان شوكت نشوفكم بيكم حيل "
سيف" من شيب الخلفوك امشي عمي مابيه حيل اسولف وياك"
عافني وطلع رجعت راسي خرب شون شغله
دك جهازي شلته ابويا "ها يابه وعليكم السلام
اي يابه لا البارحه نزلت"
لا عدي بيت كاعد بي
بعدين اسولفلك
يصير خير اجي وافهم منك
شنو يريدك تبيع البيت
سهله لا يابه كلشي لا تصرف عوفها من اجيكم اني اعرف اصرف وياهم
لا يابه ماصدك محد بيكم مطلوب هاي لعبه من يمه
سكتت اسمعله اي شوف مو كتلك معناها زوجته لعبت براسه وهوه لعب عليكم
اصبر اجيكم ونتفاهم ولا توزع حصص ولا تنازل يضيع حقك وحق اخواني تعرفني رجل قانون وكل هاي الامور
صايره كدامي اذا مو اوراق مصدقه ميكدر يسوي شي
اي اي هاي هيه لا يابه سلامتك مع الف سلامه
سديته ورجعت مددت شويه وكمت لبست وطلعت اتمشه رحت للصيدليه اخذت علاج مريت بمطعم اخذتلي لفات وببسي ومسواك للبيت الثلاجه فارغه
رجعت همين كلشي قريب السوك بعد من يمنه فرعين
طبيت خليت المسواكوعلى الميز
كعدت اكلت لفه وقوطيت ببسي صار الغروب كمت توضيت وصليت مشت ايام نزولي هيج مرتين رحت البيت زياد سلمت عليهم شفت الجهال
زياد دوامه متغير عكس نزولي ينزل مانشاوف بس نتواصل مخابرات ويه فرات هم مكاطع بيهم
زياد عرف لكيت اهلي باركلي حسيت بكلامه غصه ماكدرت احجي اكثر صح فرحان بس اكو شي بيه طافي
ايام اني مااكدر اطلع من غرفت الحجي والحجيه ولا اكدر اعوف اهلي منتضريني يردوني اجي يمهم اعيش
اخذت نفس دايخ ومااعرف شصرف زياد ماعده احد بعدي فرات وعايش بالخارج البنات كل وحده بمحافظه
صعبه اتركه وصعبه اعوف اهلي يعد سنين العجاف
اكلت مراره يله حصلتهم رفعت راسي للسماء ربي لا تختبرني بحباب كلبي هونها عليه
قبل ماتخلص اجازتي بيومين حضرت نفسي وجنطه زغيره مثل كل مره بس هلمره يختلف مكان نزولي
جريت شيلت امي الحجيه قطنيه سوده وبيها ورد سمائي على الاطراف شميتها اخخخ ضميتها ويه غراضي وطلعت متوكل
سلمت على ام نور بوست الجهال انطيتهم مصرف ورجعت للانبار
....... يتبع
السلام عليكم
هذا البارت طويل جمعت بارتين تعويض عن بارت البارحه مانزلته لان شفت القصه وصلت للنهايه لازم اكتبلكم بشكل مفصل وهم مااقصر بحق القصه
قرائه ممتعه
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!