رواية بين آمسي والقدر خانها الحظ وغدر/ للكاتبة غلا g_rwa12@ / مكتملة❤💕 الفصل السابع 7 - بقلم Somemon11

‎البــــــــــــارت السابع
.
.
.

‎شكرًا للتنهيده
‎عشانها تنقذنا من الشُعور الّي ماله اي تعبير
‎,او بالأصح من الإختناق الي على هيئة شُعور..

‎ذيب/والله وعرفت تمقلبكك هههههههههههه
‎تنهد سلطان بقهر/عطني ابوي انت الثاني
‎ذيب يمد الجوال ل عبدالعزيز..اللي طلع يكلمه فـ المكتب .
‎نورة بعتاب/اميرة وش اللي سويتيه!!
‎اميرة /مامي نمزح نـــــــــــــــــــمزح
‎لمياء/هههههههههههههههههه
‎اميرة تغير الموضوع/ماما نورة متى يرجع عزام وهاجر!
‎نورة/اتوقع مطولين في تركيا.
..
..
‎نــوف واقفه مصدومه مـسـتحيل يكون هذا اخـــــــــــــوها راشد.!
‎راشد بلحيته الطويله وثوبه القصير والعمامه تلف راسه..
‎جالس عند امي وسلحه على كتفه/يا امي ان الـــــــعزه لله و الله انكم في ضلاله لا يعلمها الا الله
‎..اتقو الله ودخلو في الاســــــــــلام
‎منيرة بضعف/اف يمك شايفنا كفار!!هذانا مسلمين نعبد الله ونصلي
‎ونصوم ونزكي
‎راشد/و الجهاااد هذي ارض
‎الكفر و الفجور
‎نوف مصدمه من كلامه يـــــكفر
‎اكبر دوله للاســــــــــــــــــــــــــــــــــــــــــــلا م
‎ومنبع الوحي هذا اكيد مغسول عقله ..هذا ملعوب
‎عليه باسم الدين والاسلام..
‎راشد نظر لـ نوف /وانتي يااختي ضروري تكوني معي وتجاهدين في سبيل الله وتكونين سابيه للمجاهدين فأن مصيرك الجنه والله على ما اقول
‎شهيد..
‎نوف ضحكت بسخريه/سـابيه!!!لا انا جهادي مع
‎امي بهتم فيها .. وانــت ارجع لجهادك
‎راشد وقف وثبت سلحه/انا لي شغل هنا اخلصه
‎و ارجع لـ ارض الجهاد و الاسلام..
‎طلع من عندهم ..
‎نوف حضنة امها اللي انهارت بكى على حال ولدها..
‎نوف تبكى بالم/يمه تـكفين خـلينا نبلغ عـلـيه يمه
‎هذا جاي وراه شر لدوله تكفين يمه
‎منيرة غمضة عيونها بالم/ابلغ على ولدي اه يارب مايكفي ابووه حسبي الله ونعم الوكيل
‎نوف اوجعها قلبها حيل لعبين في عقل اخوها..
‎انقهرت اكثر ..وفوق هذا يقول بخذك سـابـيـه انتفض جسمها من تخيل الوضع ..حسبي الله عليك يا راشد انـا اختك عرضك وشرفك..
‎اه حسبي الله ونعم الوكيل يقتل المسلم ويقول
‎جهاد!
‎تعالى : (( وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً )) [ النساء : 93 ]

..
‎الساعه 4 العصر
‎ذيـب
‎لي اسبوع اقنع امي تـروح تـخطب لي نـوف مع مساعدة لـمـياء و اميرة..والحمد الله وافقو يخطبونها..
‎و وافقت نوفتي ..واليوم الملكه في بيت خالها بس ملكة رجال..
..
‎واخيراً وصلنا كان في بيتين جنب بعض نفس الشكل واحد لـنوف و امها و الثاني لخالها محمد.
‎دخلنا وتمت الملكه على خير ..
‎ويا أرض اهتزي اليوم محد قدي ونوف صارت حرم الشيخ ذيب اللي هو أنــا.
‎.هههههه ظغطني ولد خالها الوضح انه كان يبيها له الاني يوم طلبت اشوفها رافض
‎بحجت ان هذا مهب سلمهم(سلمهم =عاداتهم) بس اللي مروقني اكثر ان سلطان
‎اخوي وفاء بوعده لي انه يكون اول شاهد على عقد زواجي من المطار على بيت خال نوف..وامي المسكين ماتدير حتى ابوي
‎تفاجاء من شافه ..
‎واللي زاد الفرحت ابوي ان
‎ولده نواف معه
‎اللي كان أول مره يجي
‎السعوديه ولا بعد
‎مشخص بثوب الشيخ

‎في بيت عبدالعزيز
‎اميرة تكلم نوف
‎اميرة/من جد مو مصدقه يعني صرتي جزاء من العايله
‎نوف باحراج/اميرة خلاص والله
‎اميرة بعبطه/هههههه طيب حرم ذيب
‎تنهدت نوف بضيق/اميره
‎اميرة عدلة جلستها بخوف/عيون اميرتك وش فيك!
‎نوف بكت بخوف/اميره راشد رجع ونوي على شر
‎اميرة بغضب/ابي افهم ليش ماتبلغون عليه!!!
‎نوف/اميره هذا اخوي كيف ابلغ عليك
‎اميرة /اخوك مصيبه تمشي على الارض..
‎نوف سكتت ماعندها رد الكلام الصريح يجرح.. وهذي هي الحقيقه اخوي مصيبه ودمار شامل..
‎اميرة عضت شفايفها بندم/نوف ماكان قصدي بس والله خايفه عليك منه
‎نوف ضحكت بسخريه/ ههههههه تخيلي يقول يبي يخذني ل شلته عشان اكون سابيه لهم ههههه اه غطت وجها وبكت بحسره.. هذا حال وحده بيوم ملكتها ..
‎اميرة بكت معها بالم وحزن على صاحبتها الوحيده .. ..
..
..
...
‎الحــــظ لـــو ضحـــــــــــــــك .. للأســـــــــــــــف مـــا عــــمني .. مـا عمني غير بعذابــي والنــحيب"

‎امــيـرة سكرت من نوف وانا امسح
‎دموعي والله حرام مايكفي ابوها خذوه
‎بعد يخذون ولدهم ..تنهدت بضيق محد مرتاح..
‎دخلت لمياء عليها واستغربت وضعها
‎لمياء بخوف/وش فيه!!ليش كذا عيونك! صير شي
‎اميرة/لا كنت اكلم نوف وضاق صدري عليها
‎لمياء /لا تقولين اخوها زارهم
‎اميرة هزت راسها ب نعم
‎لمياء/يالله قومي غسلي وجهك ترا واضح عليك انك كنتي تبكين..ذيب على وصول ونبي نسوي له حفله صغيره
‎اميرة ضحكت/هههه الله والحفل كلها اكل
‎لمياء توقفها توقف/اساس الحفل الاكل و......
‎تجمدو في امكنهم بخوف من سمعو صراخ مشعل وصوت بكى نوره العالي
‎لمياء/يارب وش صاير
‎اميرة انقبض قلبها بخوف.
‎لمياء ركضت برا الغرفه وقفت عند الدرج
‎اميرة طلعت و وقفت عند باب الغرفه واستغربت وقف لمياء على الدرج
‎اميرة همست بضعف/ لـ...لـمـ..ـياء وش صاير ذيب فيه شي!!
‎لمياء واقف مصدومه من وقف سلطان تحت وابتسم لها هو ياشر لها بيده لحضنه ..
‎لمياء ارمشت اكثر من مره وبفرحه صااارخه بصوت عالي/ااءءءءءءء
‎ونزلت تركض ونطت عليه تحضنه بفرح / اشتــقــت لك ياحيوان طولت والله طولت
‎سلطان ضمها بقوه وباس راسه/جعلني فداك وهذا انا جيت لك
‎نوره تبكي بفرح/نور البيت يابوي جعلني فدا شوفتك
‎مشعل/هههههه احس حبالي الشوكيه تقطعت من الصراخ
‎ذيب/ههههههه والله ان طار عقلي من صراخك
‎لمياء تبعد عن سلطان وتظرب مشعل على كتفه/وش عاد انا قلت اكيد صار شي ولا ذيب مات هههههه كان قلبي بيوقف من الخوف (شهقت بخوف)
‎سلطان /وش فيك !تشهقين!
‎لمياء ببتسامه غبيه/اميرة فوق متدري واكيد خايفه..
‎مشعل بصراخ/توك تتكلمين
‎وطلع يركض فوق
..
‎اميرة من سمعت صراخ لمياء جثت على ركبتها بخوف..تحول تتنفس وتنادي لمياء..
‎انسدحت على جنبها بعجز وهي تغمض عيونها بتعب..
‎ما تتخيل تفقد احد.فيهم..
‎اميرة بدون وعي/ لا تـ..مــوتون يابــ...ـوي
‎ذيـ.ذ.ـيـب اه
‎مشعل انفجع من شكلها رفع راسها وثبته على فخذه
‎تنهد براحه الانها ماتشنجت بس تنفس صعب عندها..
‎مشعل يطق خدها/اميره اميرة كلهم بخير..اميره كوحي عشان تخذين نفس..
‎اميرة تمسك في مشعل وتبكي /لايموتون تكفى
‎مشعل يصوت عالي /يا ابوي يمه ذيب
‎طلعو كلهم له جلس عبدالعزيز وضمها بقوه/هو يقراء عليها..
‎لمياء بخوف/بروح اجيب البخاخ.
‎.. سلطان واقف بجمود وهو يشوفها تبكي في حضن ابوه وتحول تتنفس كبرت وتغيرة عن اخر مره شافه
‎صارت احلى بس مزال جسمها صغير وهزيل..
‎اول مره اشوفها تعبانه..بحقد..تستاهل بنت الـ....
..

‎.. سلطان واقف بجمود وهو يشوفها تبكي في حضن ابوه وتحاول تتنفس كبرت وتغيرت عن اخر مره شافها
‎صارت احلى بس مزال جسمها صغير وهزيل..
‎اول مره اشوفها تعبانه..بحقد..تستاهل بنت الـ....
‎ليت انفاسها تنقطع قطع تفكيره نواف اللي تمسك برجل ابوه بخوف من بكاها
‎نزل له وشاله..
‎لمياء جابت البخاخ واعطته ل اميرة بخت لها 3 بخات..شوي شوي بداء ينتظم تنفسها
‎غمضت عيونها وهي تسترخي..هم بخير هم بخير فتحت عيونها ودارت بنظرها على وجيهم تتطمن اكثر ..
‎تصلب جسمها من شوفته واقف فوق راسها
‎مدت يدها له بضعف ..لكن سلطان صدمها ب انه اعطاها ظهره ومشى عنها هو شايل ولده ..
‎وقفتها لمياء /تعالي ارتاحي
‎اميرة كانت شوفة سلطان حلم لها وهي تظن انه حلم..
‎اميرة بهمس/ليش كنتو تصارخون
‎نورة تحضنها /يعمري الان سلطان جاء ونصارخ من الفرحه
‎اميرة بهمس/ماكان حلم!
‎لمياء سدحتها على السرير /ارتاحي
‎اميرة قلبت للجهه الثانيه تخفي دموعها..ليش ماسلم
‎علي!!ليش كرهني!!ليش نظراته لي تخوف
‎انا انا ابيه ..
‎حست ب باب الغرفه يتقفل
‎طحت المخده تبكى اكثررر تتحمل كل شي الا ان سلطان يجفاني ويكرهني..
..
..
..
‎سلطان دخل غرفة ذيب تعبان من السفر..
‎غرفته اكيد مغبره ..ما جهزوها الانهم مايدرون..
‎نيم نواف وانتظره حتى ينام وخرج لغرفته يبي يخذ ملف قديم فيها...
‎دخل وانصدم انها نظيفه ومرتبه وريحه عطر بنكهة الفراوله البارده فيها..
‎عض شفايفه هذا اكيد ترتيبها هي كيف تدخل غرفتي
‎ضرب الجدار بكفه الان تذكر ايام زواجه من مها كان معطيها مفتاح الغرفه عشان تنظفها بين فتره ...
‎صحت من النوم بفزع..تاخرت على الدوام
‎غسلت وجهها

‎بدلت بجامتها بتنوره سكيني ميد وتشيرت من(chanel)واكتفت
‎بوضع قلوس ..ماتحب المكياج ..طلعت لغرفة لمياء وكانت عكسها تماماً
‎التسريحه مبعثره ب انواع المكياج ..
‎اميرة تتحلطم/لمياء بسرعه ترا مو زواج
‎لمياء فتحه فمها وترسم كحل فرنسي /دقيق بقي حواجبي وانزل
‎طلعت اميره من عندها ولا كان بنوصل الجامعه الحين وتجلس ساعه زاده تعدل في الجامعه اف..
‎نزلت وانا اثبت حجابي ع راسي ..
‎مشعل/كم مره قلت لا تنزلين الا و جويل معك
‎يعني بعد بنلطع ساعه في السياره!!
‎اميرة جلست بهدو بدون مترد على مشعل وعينها على سلطان اللي جالس يشرب القهوه ويقراء الجريده..
‎مشعل /بنت اكلمك انا
‎اميرة تنهدة/بتنزل بس خلنا نطلع عشان تستعجل
‎مشعل /بس كذا بتهزاء من المدير على التاخير
‎سلطان يكلم مشعل/انتم روحو انا بجيبها
‎مشعل يشيل مفتاحه /ينصر دينك ياشيخ ..يالله امشي

‎اميرة عضت شفايفها بقهر..منه حتى مسأل عن حالي اف..
..
‎دخلت الجامعه وانا متضايقه..
‎نزلت شنطتي في مكان تجمع صديقات نوف
‎مريم تسلم على اميرة/وين لمياء!! لا تكون بعد غايبه
‎اميرة بضجر/لا بتجي معه اخوها..ليه من غايب!!
‎مريم/نويف غايبه على ان عندها محاضرتين اليوم وحده فيهم عندها انذر
‎اميرة بقلق/غريبه
‎مريم /امكن عشان خطوبتها امس ترا اخوك بيخربها .. اميرة طنشت كلامها/انا بحضرها في الماده اللي فيها انذار لها
‎مريم/ومحاضرتك!!
‎اميرة/عندي رصيد غيابات بسحب على محاضرتي بحضر لها..
‎مشت اميرة عنهم تحس بضيق يكبتها طلعت جدول محاضرات نوف اللي معها نسخه منه..وكانت محاضرتها الساعه 1:00 والساعه 11:00

‎يعني بدخل من 8:00 لمحاضرتي واطلع لمحاضرات نوف يعني مافيه راحه اليوم احسن عشان مافكر في السخيف
‎سلطان..
‎شفت لمياء دوبها واصله و الابتسامه شاقه حلقها
‎لمياء ببتسامه/هاي
‎اميرة/كان طولتي شوي!!
‎لمياء/ههههه بعد عمري سلطان مرينا ستاربوكس تقهوينا فيه وجيت وبعدين ما عندي الا محاضره ع ساعه 10:00
..

‎ طلعت من المحاضره الساعه 2:00
‎حتى الفطور ما افطرت
‎تقريباً الجامعه شبه فاضيه الان اغلب البنات يطلعون على 1:00مع سواقين او اهلهم
‎شافت مريم تركض لها
‎مريم بهبل /وينك هاا قدرتي تحضرينها!!
‎ابتسمت على جنب/اكيد قدرت ولا كان انلطعت ساعه في المحاضره
‎مريم تعطي اميرة الجوال/هذا جوال لمياء قالت لي قبل اطلع اعطيك ايه عشان تتصلين في احد يجيبك اذا طلعتي..
‎اميرة/اها مشكور ياقلبي
‎مريم بستغراب/ليش ما معك جوال!!ما اظن بعد فيه بنت ما معها جوال!!!
‎اميرة مشت عنها/الا انا مامعي ما احتاجه..باي
..
..
‎دقيت على لمياء وانا ميته تعب وجوع
‎اميرة/الوووو لمياء
‎لمياء/هلا يالله السواق وزوجته جايينك في الطريق..
‎اميرة بأستغراب/السوووواق!! ليه انتي تعرفيني ما اركب معه الا اذ كنتي موجوده وين مشعل او ذيب!
‎لمياء/مشعل نايم وذيب مستلم ..سلطان قال خلي سواق يجيبها
‎اميرة فتحت عيونها بستغراب/هو قال!...اوكيه انتظروني ع الغدا ميته جوع
‎لمياء بارتباك/بس قد تغدينا!!سلطان قال انه جوعان ما بينتظر وانك بتاكلين في الجامعه..
‎اميرة /سلطان قال وسلطان قال خلاااص قفلت في وجهها بغضب !
‎ليش ليشششش
‎لبست عبايتها وطلعت مع السواق ..
‎واتصلت على نوف ..
‎نوف /الوو هلا لمياء
‎واتصلت على نوف ..
‎نوف /الوو هلا لمياء
‎اميرة/هلابك انا اميرة..ليش غايبه!!
‎نوف /ههههه كذا امي تعبت شوي وقلت اقعد معها..
‎اميرة/سلامتها والله..حضرتك في المادة اليوم..
‎نوف/بعد عمري تعبتك معي ..اميرة من جد مدري كيف اشكرك
‎اميرة بخبث/انا جوعانه تغديني!!
‎نوف بستغراب/اكيد تجين!!!
‎اميرة /اجل ربع ساعه وانا عندك
‎نوف بوناسه/انتظركك لا تتاخرين
‎قفلت منها وطلبت من السواق يتجه لبيت نوف..
‎اجل انا تخليني مع سواق وتتغدا قبلي
‎طيب طيب

..
‎الساعه 4:00
‎ذيب بعصبيه/كيف الى الان ما وصلت!!
‎لمياء تقضم اظفرها بقلق،/هي كلمتني الساعه2 تقول طالعه من الجامعه
‎سلطان بجمود/السواق وزوجته ما يردون!
‎لمياء تمشي يمين ويسار بقلق/اكيد صار لها شي اه ياربي
‎ذيب وقف فجاء من دق جواله /هذي هي تدق!
‎لمياء وقفت جنبه /رد
‎ذيب رد وبصراخ/وينك انتي!!
‎اميره بهمس/ذيب تعال!
‎ذيب همس مثلها بستغراب/وين صار شي!
‎اميرة بخوف/تعال بسرعه قتلهم
‎ذيب صارخ بصدمه/من قتل من !!اميرررره
‎سلطان وقف بخوف وسحب
‎الجوال بصرامه/الو وينك فيه!!
‎اميرة بخوف/ن نوف..بيتها .هوو
‎سلطان اشر ل ذيب يلحقه ركبو السياره /ذيب دلني على بيت خطيبتك
‎ذيب عقد حواجبه بضيق/ليه!
‎سلطان/هي هناكك.
...
‎سلطان..
‎وصلنا لبيت خطيبة ذيب كانت سيارات الشرطه والاسعاف وتجمع الناس حول البيت نزلت مسكت ذيب اللي كان بيدخل
‎ذيب بخوف/فكني بشوف وش صار لها
‎اشرت له على سيارة السواق اللي كانت تجلس فيها اميرة ..
‎اتجهنا ل السيارة..نزلت اميرة بسرعه وحضنت ذيب وهي تبكي/هو قتل قتل
‎ذيب يرجف/من من!!
‎اميره بكت بصوت اعلى
‎عضيت شفايفي ..بقهر منها ابعدتها عن ذيب ودخلتها ل السياره/ذيب هذي ماينوخذ منها لا حق ولا باطل..
‎سالنا وحد من الجيران..وصعقنا الخبر
‎نسيب ذيب راشد قتل ولد خاله بحجت انه صار من
‎اعداء الدين الانه يشتغل في الامن العام وهرب..لاحول ولا قوه الا بالله هذا مغسول عقله.. ..
..
‎دخل ذيب لبيت ام نوف..
‎وشاف امها طايحه على الارض ونوف جالسه عند راسها بجمود
‎ذيب بخوف/نوف!!!
‎رفعت عيونها بجمود له ورجعت تناظر امها
‎جلست جنبها فحص امها بشكل سريع..
‎غمض عيونه بالم الانه تاخر حيل
‎نوف بدون اي تعبير/ماتت صح..ولدها قتل ولد اخوها
‎اكيد بتموت
‎مسح على راسها وشدها ل صدره وضمها بقوه..
‎مابكت ولا حتى صارخة!! وقفها معه
‎ولبسها عبايتها
..
‎الثلاث ايام العزاء
‎في طريقهم للعوده للمنزل
‎في سيارة ذيب
‎كان الصمت مطبق على ركاب السياره..
‎مسنده راسها على المقعد بتعب
‎حال نوف غريب مابكت ولا حتى صارخت
‎بالعكس كانت تهديني اذ بكيت وطول الوقت
‎تكرر "'اللهم اجرني في مصيبتي واخلف لي خيراً منها"'
‎الخوف عليها اذ فضى عليها البيت ..
‎واكيد مافاتتني نظرات الكره من بنات خالها
‎هي في انهايه اخت قاتل اخوهم..
‎صحت من تفكيرها على وصولهم للبيت
‎طلعت الغرفه وبدلت لبسها ببجامه قطنيه ناعمه..
‎اندست تحت مفرشها .
‎غمضت عيونها بتعب تحول تبعد تفكيرها عن اللي
‎صار قبل ايام..
..
..
‎بعد اسابيع
‎الساعه 10:11.ص
‎تركض وراه /وقف لااا
‎مسكته قبل يقرب كثر
‎اميرة وهي تشيل نواف/المسبح لا تقرب منه فاهم
‎نواف بصراخ/لا بابا
‎دخلت البيت ونزلته..وهي تاشر بصبعها /ممنوع تطلع الا معك احد ..يمه منك نزعج..
‎نواف هجم عليها يظربها وهو يبكي يصارخ..
‎جلست قدامه ومسكت يده الصغيره/عيب ترا بظربك
‎....../اظربيه واكسر يدك لك
‎اميرة فدكت يد نواف اللي ركض ل ابوه يبكي ..
‎اميرة بلعت ريقها/هو هو مشاغب كان برا وانا دخلته
‎سلطان تقدم له ومسك معصبها..شبك اصابعه في اصبعها..وضغطها على ورا بقوه..
‎تكلم من بين سنونه/يدك لو قربت من نواف ثاني مره كسرتها
‎اميرة مسكت معصم سلطان بالم/اه ط ط ي ب يدي
‎نواف يركل ساقها/ما احبت(ما احبك)

‎سلطان بمتعه/ههههه كفو..
‎فك يدها ودفها عن طريقه بقرف
‎نزل وشال نواف وصعد فوق..
‎اميرة جلست وهي تضم اصابع يدها بالم..لا كان ما كان اكبر من الم قلبها غمضت عيونها بقوه تمنع دموعها وقفت وصعدت فوق ..
‎انسدحت وهي تطرد اللي صار من تفكيرها..وقفت
‎اخذت الكتاب وهي تحاول تركز اختبارها بعد بكره ..
‎قفلت الكتاب بعجز..
‎كله منه مقدر اركز ليش ليش مارجع ل لندن وارتاحت من تصرفاته معها..معاملته لها..بيظل حتى نسافر بعد الاختبارات كلنا ل لندن..
‎هي تلقاها من وين ولا وين ما يكفي نوف شاغله بالها..لها شهر تتصرف ببرود مع الكل ..
..
....
‎في قاعة الاختبار..
‎وزعو الاوراق..
‎وانا على اعصابي ميته نوم لي يومين ما نمت فيها الا 4 ساعات..ويالله حصلت وقت اذاكر
‎نجهز لسفرتنا بعد يومين..سلطان من اخر موقف
‎حصل احاول اتجنب المكان اللي يكون فيه..
‎ما ابي انجرح اكثر منه..وفي نفس الوقت
‎ما ارتاح حتى اشوفه لو لمحه ..بسمته تسوى
‎وطن هو ابوي واخوي وامي و و ... زوجـ..ـ
‎حركت راسها تبعد تفكيرها في كونه زوجها..
‎صحيت من تفكيري
‎على صوت المراقبه تنبه على الوقت ..
‎ناظرت ورقتي فاضيه ما فيها الا اسمي..
‎حاولت احل اكبر عدد من الاسئله قبل ينتهي الوقت
‎واللي ما عرفته ما تعبت نفسي وفكرة في اجابته..
‎كان نفسي التفت للبنت اللي وراي اشغلت امي
‎كل ثانيه تدقني ب القلم لأجل اغششها..
‎وترتني بقوه..
‎اول ما اعلنو انتهى الوقت وقفت اسلم ورقتي
‎وانتبهت لنظرتها البنت اللي وراي الحاده لي صديت عنها..
‎يمه نظرتها تخوف..
‎نزلت للبنات وكانت لمياء تجهز اوراقها بتطلع تختبر الحين..
‎اه والله ميته نوم مضطره انتظرها حتى تخلص
‎ونطلع سوا..
‎جلست جنب نوف
‎اميرة بمرح/هاا كيف ختبارك!
‎نوف بجمود/حلو.
‎اميرة/يارب بس اعدي الماده عندي 5 اسئله ما
‎جاوبتهاا..وعليها درجه كبيره..وانتــي!
‎نوف ببرود/حليتها كلها..
‎اميرة /صدق! هذا لان ماوراك شغل مثلي يالله ألحق اذاكر ..
‎نوف/............
‎اميرة تنهدت/نوف وش فيك يابعدي
‎نوف /شايفه فيني شي!
‎اميرة بعتب/ايو صايره اسحب منك الكلام سحاب..وتكلميني بطرف خشمك..
‎نوف بسخريه/اوه زعلتك يا الدلوعـه..اكيد مو انتي اللي اكبر همك تعامل اخوك معك وانه مايرد السلام..يا حياتي اكيد كنتي متعوده كل مره يجيب لك مصاصه. لأجل مــا تبكين...
‎اميرة فاتحه عيونها بصدمه/انـ..ـتي انتـ..ـي تمزحين صــح.. ليش كذا تتكلمين
‎نوف بصراخ/لا ما امزح ترا انتــي مو حاسه بنفسك..ما الومه فيك طفــشتيه منك ومن تصرفاتك الطــفوليه ودلعـك..كل طلباتك أوامر ..اكيد مو انتي حضرة الاميرة اللي كل خوانها حولها وامها وابوها مايرضون بشوكه تخدشها.
‎اميرة تلفتت حولها بصدمه كل البنات الموجودين نظرتهم عليها/بــس بس خلاص اسكتي..اسكتـي
‎نوف بتعب/ليش اسكت عشان قلت الصـدق!! انتــ.. اءءء
‎اميرة رفعة كفها لقصى حد وصفعت نوف.
‎وهي تتنفس بسرعه..
‎نوف ويدها على خدها مصدومه بقوه..
‎اميرة قبضة كفها بصدمه من تهورها..بخوف/انـا انا ماكان قصدي..(بكت بالم)انتي انتـي ماتعرفين ما تعرفين شـ..ـي انا انــا
‎جلست على ركبها بتعب..اول مره في حياتها تمد يدها على احد..ولما مدتها ..كانت على اعز صديقاتها..
‎نوف جلست جنبها بتعب..
‎حضنتها بكت بالم
‎ارتفع فيه اصوات بكاهم وكان كل وحده
‎تشكي لثانيه بصوت بكاها
..
‎تشكي لثانيه بصوت بكاها..
‎قلوب تكدست ب الالم .. في لحضات ضعف
‎كل منهم يخرج ما بقلبه بعد
‎تراكم الالم والاحزان قد يكون الصمت
‎ابلغ من الكلام في حين عجز الكلمات..
‎ربا نظرات العيون توصل لك شعوري
‎وتفضح ألمي..ربا موسيقى تنهيده
‎توصل لك قصة معناتي ..
‎احتضني ياصديقي لابوح لك بما في
‎قلبي ف لساني عجز عن النطق
‎انظر لعيني ف خلفها كواليس مخفيه..
‎كواليس اخطاء من حولي اخفيها
‎لتكون هي ألمى...(بقلمي) ..
‎حاولو البنات يهدونهم..
‎خف صوت بكاهم
‎اميرة استرخت بين يد نوف ..وكانت شبه
‎ابعدتها نوف عنها وهي تمسح دموعها..
‎نوف بهمس/أسـفـه
‎اميرة ابتسمة بتعب/بـكـيتي
‎نوف بستغراب/بـكيـت!!
‎اميرة عدلت جلستها/ايه الـبكى يريح
‎ابتسمة نوف ورجعة تحضنها/احبك ياغبيه وربي ما كان قصدي كنت تعبانه
‎اميرة تحاول تظبط تنفسها..وبتعب ارتخت اكثر في
‎حضن نوف تبي ترتاح
‎نوف ابعدتها بخوف/اميرة!وش فيك
‎اميرة مغمضه عيونها وبهمس/ تـ..تــعبانه بنام
‎نوف اشرة لمريم وريهام يساعدونها
‎اسندو اميرة ومشو فيها لمكان هادي في الجامعه
‎رتبو المكان وجلست نوف
‎وريهام و مريم سدحو اميرة ع فخذ نوف..
‎مريم تمشي/بجيب اغراضنا هنا وعباية تتغطى فيها..
‎ريهام تجلس جنب نوف/وجهها قلب احمر ..اميرة انتي بـخـير!
‎اميرة هزت راسها ببطى ب ايه..وبهمس/بـنام
‎ريهام ابتسمة بحنان/نوم العوافي
‎وفعلاً نامت اميرة بارهاق جسدي ونفسي
‎نوف تهمس لـ ريهام/لمياء قربت تطلع لا تقولون لها..ودلوها على مكاننا
‎ريهام بهمس/طيب بتصل عليها..واقولها تجي واذا سئلت بقول نامت من السهر
‎وصلت مريم وغطت اميرة بعبايتها..
‎جلست بتعب وهي تهمس /هاا نامت!
‎نوف بهمس/ايه
‎مريم/اميرة وش مرضها!
‎نوف بستغراب/مو مريضه
‎مريم/الا واضح انها تعاني من مشكله معينه
‎نوف/كيف ليش حكمتي انها تعاني من شي
‎مريم تشرح بيدها/انتي لما كنتي تتكلمين كانت تتنفس بشكل سريع ولونها تغير..
‎نوف/يمكن لانها ما تعودت على هذي المواقف
‎مريم/ما اظن وبعدين ليش تهاوشتو!!كذا فجاءه!
‎نوف تنهدت/انا الغلطانه..طلعت حرتي فيها بدون قصد..مدري كيف بتعذرني
‎مريم تربت على كتفها/معليك اميرة عسوله قلبها قلب طفله بتنسى بسرعه
..
..
‎بعد ساعة طلعت لمياء واتصلت في سلطان يجي ياخذهم..
‎سلطان/انا عند البوابه رقم 3 استعجلو
‎لمياء /يالله نلبس عبايتنا ونطلع لك
‎قفلت منه
‎وصادفة في طريقها ريهام..
‎ريهام /غيرنا المكان
‎لمياء بدون اهتمام/ليش
‎ريهام برتباك/اءء اميرة كانت تبي تنام ونقلنا لمكان هادي
‎لمياء بخوف/اميرة فيها شي
‎ريهام/لا لا بس تبي تنام ونامت
‎لمياء تمشي بسرعه..وبخوف اكيد تعبت هي مستحيل تنام في اي مكان ..
‎وصلت لهم /وش صار لها!!
‎نوف تأشر لها /اشش قصري صوتك
‎لمياء مااهتمت لها جلست على ركبتها ورفعت راس اميرة..هزتها بخوف/امـيرة!!اميرة اصحي
‎اميرة /هممم
‎لمياء توقفها/يلا السيارة برا
‎اميرة وقفت ورمت ثقلها على لمياء..
‎ريهام تاخذ عباية اميرة
‎تلبسها وساعدتها نوف
‎لميا بخوف/هي تعبت صح
‎مريم /لا يمكن من جو الاختبارات وقل النوم..
‎نوف تلبس عبايتها/بساعدك فيها
‎لمياء خذة عبايتها تلبسها/اوكيه بسرعه تاخرنا
‎لمياء رفعة يد اميرة اليمين
‎على كتفها..ونوف رفعت يد اميرة اليسار على كتفه..
‎مشو فيها لسيارة سلطان..
‎في سيارة سلطان كان مرخي راسه على الجوال رفعه ولمح ثنتين يساعدون وحده في المشي..حزن على حالها نزل عيونه..رفعها مره ثانيه وتفاجأ ان وحده منهم تاشر له من بعيد يفتح الباب..
‎ركز عليها اكثر/هذي لمياء!!
‎نزل بسرعه واتجه لهم
‎سلطان بقلق/لمياء!!!عسى خير من هذي..هو ياشر على اميرة
‎لمياء بتعب/سلطان دخلها السيارة هذي اميرة
‎سلطان قعد يناظر اميرة بحيرة
‎لمياء بتحلطم/مطول الاخ بسرعه
‎سلطان انتبه عليها/هااا..طيب
‎انحنى وشال اميرة ودخلها في المقعد الخلفي سكر الباب وركب مكانه..
‎لمياء ودعت نوف..
‎وركبت قدام

‎سلطان حرك السيارة
‎و بضجر/وش علتها!!
‎لمياء/ارهاق..اميرة اميرة
‎اميرة فتحت عيونها بتعب/هممم
..
....•

‎ما اقول الا ياحظ اول احبابك خذا منك اجمل احساس وسبقني بك.
•
•
•

‎سلطان حرك السيارة
‎و بضجر/وش علتها!!
‎لمياء/ارهاق..اميرة اميرة
‎اميرة فتحت عيونها بتعب/هممم
‎اميرة فتحت عيونها باستغراب وتتفقد المكان ..عدلت جلستها بارتبك ..من نظرات سلطان الحاده لها من خلال المرايه الاماميه
‎لمياء التفتت لها/كيفك صرتي بخير!!وش صار!
‎اميرة عدلت جلستها بهمس/زينه..
‎سلطان /لميااء ها بشري كيف اختبارك اليوم
‎لمياء بحماس /ايوه ابشرك الحمدالله..ختامها مسك
‎سلطان يبتسم لها/كفو هذا العشم فيك ابي كل درجاتك a+ وانا اخوك
‎لمياء /ههههه اعجبك بس الله الله في الهديه
‎سلطان يغمز لها/اذا معدلك يرفع الراس لك تسوق مفتوح في ارقى محلات المكياج ف لندن على حسابي اذا رحنا لها
‎لميااء بصراخ/صدق ههههه فديت اخوي انا تكفون..
‎اميرة بلعت غصتها وانا اسالني !!
‎بس اذ سأل وش اقول ما حليت..ماعرفت اذاكر في وجودك لان اهمالك لي اتعبني واشقاني واشغل تفكيري ..حست ببلل على خدها رفعت كفها من تحت النقاب..انصدمت انها بكت من دون شعور
‎دموعها خانتها..رفعت نظرها وانصدمت من انه كان يناظرها من المرايه الاماميه..راسم على فمه ابتسامة سخرية!!
‎صديت عنه لشباك ..نفسي اصرخ فيه
‎وجوده صار يخنقني نظراته صارت
‎ترعبني وتجرحني..
‎وصلنا البيت ..
‎ونزلت بسرعه
‎لمياء /اميرة اساعدك!!
‎اشرت لها ب لا
‎دخلت
‎وكان باستقبالنا ماما نورة
‎نورة/تاخرتو يالله الغدا جاهز
‎اميرة بصوت مبحوح/لا بطلع انام تعبانه
‎نورة /والله ما تنامين قبل تتغدين
‎جلست على طاولة الطعام مجبره وكان الكل
‎متجمع
‎عبدالعزيز/وبكذا يكون الكل انتهى من اختباراته
‎مشعل بتذمر/انا بعد على اخر ماده بكره
‎نورة/بتتيسر لك وبعد ورانا سفر
‎لمياء بحماس/مره متحمسه من زمان عن السفر مع العائله
‎مشعل بقهر/شفو من نوصل هناك لا احد يسال عني
‎وين رحت وتعال معنا و فكوني من تميلح بنات العم
‎عبدالعزيز بتهديد/مشعلوووه استح ع وجهك تتكلم على بنات عمك كذا
‎اميرة /هو صادق بابا مشعل انا بروح معك محرم لك
‎ولا احد يسال
‎سلطان رفع حاجبه/ليه ناويه تدشرين!
‎اميرة/............
‎اميرة انبسطت انه كلمها..
‎وبمزح /هههههه اكيد بندشر ونفلها الحياه مره هههههههه
‎سلطان بجمود/ماستغربها منك.لان فرخ البط عوام
‎عبدالعزيز بصراخ هز البيت/ســلــطـــان
‎اميرة انتفضت من صراخ عبدالعزيز..وجمدها كلام سلطان...
‎اميرة برجفهه/گ گـيـ..ـفـ يـ يـعني فرخ البط عوام!! (اميرة من النوع اذ خاف او ارتبك يكرر الحروف ويتعتع ببعض الكلمات)
‎سلطان يوقف /ماقصد شي ..اسف يابوي
‎عبدالعزيز حذف الملعقه بغضب وطلع
‎نوره بزعل /سـلـطان
‎سلطان تكلم وهو طلع لفوق/خلصنا يايمه قلنا مانقصد
‎لمياء ومشعل لتزمو الصمت اما ذيب فطلع ورا سلطان
‎اميرة وقفت برتبك/انـ..ـا كـ كـنـ..ت امزح..هو ..هو...أنـا بطلع انام عن اذنكم..
‎.. ـــــــــــــــــــــــــــ
‎ـــــــــــــــــــــــــــ ــــــــــــــ
‎ذيب دخل وراء سلطان في غرفته..
‎سلطان واقف على تسريحه وبدون لا يلف/ذيب وش وراك
‎ذيب تقدم من سلطان وجلس على طرف التسريحه
‎ذيب/قصدك..ابي اعرف قصدك من الكلام
‎سلطان ببرود/كلمه بلغلط ما اقصد فيها شي
‎ذيب يرفع حاجبه اليسار/لا مو سلطان اللي يرمي كلامه عبث..
‎نزل ساعته على تسريحه ونزل تشيرت
‎ورمى جسمه على السرير/طفى النور وطلع..ايه وقول ل لمياء تنتبه لـ نواف
‎ذيب وقف على ارس سلطان/في شي انت وابوي تخفونه و متعلق ب اميرة..صدقني مصيري اعرف
‎سلطان رفع راسة وتكى بيده/اوه وصـير فضولي حضرت الظابط...
‎ذيب بثقه /قلتها ظابط بأمكاني بتصال واحد اطلع كل شي
‎انتم تخفونه يخص اميرة وانا متاكد ان هذا الشي متعلق ب اهلها
‎سلطان تنهد/لا تحول ان عرفت بتشقى اكثر مني خلك على اللي تعرفه ابرك وانا اخوك
‎ذيب يمشى طلع من الغرفه/انا بحول اتجاهل اللي صار لان ابي اعرف اللي تخفونه منكم انتم..
‎سلطان رجع راسه لوراء بعجز..وحاول ينام
..
‎.. ــــــــــــــــــــــــــــ

""""
""""
""""
""""
""""

انتهى انتظرو البارت القادم

دمتم بخير

تعليق وفوت  للبارت