رواية بين آمسي والقدر خانها الحظ وغدر/ للكاتبة غلا g_rwa12@ / مكتملة❤💕 الفصل الثامن 8 - بقلم Somemon11

‎البارت  الثامن

"""
"""
"""
"""
"""

‎ذيب يمشي طلع من الغرفة : انا بحاول اتجاهل الي صار لان ابي اعرف الي تخفونه منكم انتم
‎سلطان رجع راسه لورى بعجز .. وحاول ينام ..
****
‎أميرة تحس رأسها بينفجر من كثر التفكير .. كلامه يتردد على مسامعها
‎لان فرخ البط عوام
‎لان فرخ البط عوام
‎لان فرخ البط عوام
‎ايش يقصد من كلامه
‎انا انا بروح اتفاهم معه طلعت لغرفة سلطان ..
‎وقفت قدام الباب يدها تنتفض على مقبض الباب ..
‎سمت بالله ودخلت بهدوووء ..
‎الغرفة تغرق في ظلام ..برودة التكيف زادت رجفتها ..
‎فتحت النور وتقدمت من سريره .. كان منسدح و ذراعه المعضلة عيونه عليه
‎بلعت ريقها اكثر من مره من شكله الرجولي وصدره المكشوف الي يبن تفاصيل جسمه الرياضي ...
‎سلطان بدون مايفتح عيونه / وش جابك ؟
‎اميرة تراجعت لورى بخوف من معرفته لها / كيف عرفت ان انا !
‎سلطان يبعد يده عن وجهه وبسخرية / موسيقة مشيك اميزها بين مليون شخص
‎اميرة اربكها كلامه ../ احم اءء زين بعد تتذكر
‎سلطان رفع حاجبه / مطوله ! (أشر على الباب ) خلصي وعطيني مقفاك
‎اميرة بتعب / بطلع بس قبل ابي اعرف ليش تتعامل معي كذا ليش تغيرت علي (تتنفس بسرعه )
‎سلطان بسخرية / تغيرت عليك !! ليش حضرتك كيف تبيني اعاملك ؟
‎اميرة / نفس قبل
‎سلطان مد يده وسحبها له حتى طاحت في حضنه .. سلطان بهمس / قصدك بنفس قبل انيمك بحضني !!
‎اميرة فتحت عيونها بصدمة .. ومتجمدة بين يدينه ..
‎سلطان لف يده على خصرها وسدحها على جنبها وحضنها ..قرب وجهه لوجهها ..وبهمس حاااد / او قصدك اني اعطيك بوسة قبل النوم .. قرب اكثر وباس شفايفها بعنف ..
‎حركت راسها بغضب.. لكن قبضت سلطان كانت اقوى ضغط على فكها وعض شفايفها حتى حس بطعم الدم .. غمضت عيونها وحطت يدها على صدره تحاول تبعده ..
‎ابتعد عنها وابتسم بسخرية على عيونها الغريبة المليانه دمووع ..
‎وبهمس حااد/ او قصدك العب بشعرك عشان تنامين بسرعه .. نزع الحجاب من رأسها بعنف وغرس أصابعها في شعرها .. حركه بنعومة وفجاءة !!!!
‎شد شعرها بقوة حتى رجع رأسها على ورى ..
‎عضت شفايفها بألم وحفرت اظافرها بصدره ..وبصوت مبحوح / يـ يكفي
‎سلطان رجع راسها لقدام قربها من وجهه حتى اختلطت انفاسهم ببعض / اها عرفت تبيني اكون زوج لك بما تعنيه الكلمة ! قلتي مها ماتت وما له الا انا هههههه طلعتي تفكرين ! وتحاولين تلفتين الانتبااه ..
‎اميرة هزت راسها بلا .. حركت رجولها بعبث تحاول تبتعد عن حضنه ..
‎لكن سلطان شدها له اكثر وكأنه بـ يسحقها ..همس لها بخبث / تصدقين تفكيرك سليم بما اني عزابي و اكيد ما بطول على هذا الحال بأخذك كزوجة اتسلى فيك .. على ما ألقى لي بنت الحلال الي تكون زوجة لي وأم لـِ ولدي ..
‎اميرة هزت رأسها بـِ لا بهستيريا وضربت جبينها بـِ جبين سلطان بقووة ..
‎سلطان فك يده عنها بألم وهو يمسك رأسه بألم ..
‎أميرة استغلت الفرصة وتحركت بسرعة تنزل من السرير لكن كانت دايخه من ألم الضربة ..
‎سلطان انتبه لها ومسكها قبل تنزل بسرعه سحبها وثبتها على السرير بغضب / شكل رأسك يبي له كسر ..
‎اميرة تحاول تفلت منه ../ فكني اه .. يمه يــ ـمـه
‎سلطان وهو منحني عليها وبخبث / أي أم تقصدين ؟ امك الخبيثة المجرمة .. او أمي الطاهرة الشريفة ..
‎أميرة بغضب تفلت في وجه سلطان وسحبت يدها وصفقته كف وهي تتنفس بغضب ..
‎سلطان رص على اسنانه ومسح وجهه بكفه ..وهجم عليها بشراسة .. مسك بلوزتها وشقها نصيين ..
‎اميرة غمضت عيونها بقوة وغطت وجهها بكفوفها وهي تردد بهمس / لا لا لا لا لا لا لا لا ام م مي ر ت ك انا ( لا لا اميرتك انا )
‎سلطان ضرب جبته بغضب منها من نفسه رمى عليها المفرش وركلها برجله حتى طاحت من السرير .. / انقلعي من وجهي قبل اتهور اكثر ..
‎اميرة تألمت من ركلته وطيحتها على ظهرها ألمتها اكثر وقفت وضمت يدها على صدرها تحاول تغطي شيء بقطع البلوزة .. مشت وهي تترنح في مشيتها .. تبكي بدون صوت ودموعها محبوسه..
‎سلطان وقف وسحب تي شرته .. ومسكها قبل تطلع .. وانقهر من ارتجافها وخوفها منه ..
‎اميرة بخوف / خ خلاص والله اسفه اسفه
‎سلطان لفها له مسكها مع كتوفها .. حط اصبعه على فمها / اشش مسك التيشرت ولبسها اياه ..مسك يدها وفتح الباب .. يتفقد اذا كان في احد في الممر او لا .. وكان خالي الكل تقريباً دخل ينام ..خذاها لغرفتها سدحها على سريرها و غطاها بمفرش وكانت تهمس بـِ كلمة " أســـفــــه "
‎انحنى لها وهي غمضت عيونها بقوة بخوف باسها على جبينها بهدوووووء وهمس بإذنها بـِ كلمة جمدت الدم بـِ عروقها .. فتحت عيونها بس ما شافته الا مشى عنها وطلع ..
‎غمضت عيونها بـ إرهاق ..مدت يدها للكومدينه وسحبت شريط لـِ حبوب تخفيه عن الكل .. أصبح كـ جزء من اكلها وشرابها حبوب منومه .. كلت حبة بدون مويه .. استرخت اكثر بدأت عيونها تأخذها لعالم الظلام
‎& فقد يكون لها فيه حلم يرسم البسمة ويخفي الدموع ..&
****
‎جالس في مقر عمله وأفكاره مشوشه الي صار اليوم من ورى سالفة سلطان وسلطان من النوع الي ما يقول كلامه إلا وهو يقصده والي يأكد على ان كلامه له مغزى هو عصبية ابوي وانا متأكد ان المقصود من كلامه هو أهل اميرة ..كل الي نعرفه عنها انها اختنا من الرضااع وان اهلها توفوا بحادث .. وان السبب ورى انعزال اميرة وخوفها المبالغ فيه هو انها كانت شاهده على حادث اهلها وشافتهم وهو يموتون قدامها .. سلطان و ابوي يخفون شيء خطير وعلى الارجح يتعلق بـ اميرة .. يمكن ان عزام والهنوف عندهم خلفية .. دخل المكتب وجلس بدون ما يسلم على الموجودين من زملاء العمل .. مصيري اعرف بس قبل اخلص من موضوع راششد ال.. لهم اسبوع يدورونه وعمموا على جميع مراكز الشرطة (صورة ومعلومات عنه ونقاط التفتيش وحتى المطارات تم حظر خروجه من المملكة ..) واكيد ان بيحاول يهرب ويرجع لسوريا او العراق او حتى باكستان والإنظام للخلية الإرهابية ..
‎الضابط محمد يلوح بيده قدام وجه ذيب / الي ماخذ عقلك يتهنى به يا الذيب .. حتى السلام ما رميته ؟
‎ذيب بعفاره / ها .. اءه السلام عليكم
‎نزار / بدري ي الطيب..
‎ناصر بسخرية / يمكن مشغول باله على نسيب الغفلة .. اكيد ما هو متزوج اخت واحد من ضمن اكبر منطقة ارهابية .. والمدام اكيد بالها مشغول على اخوها ..الدم يحن وعمر الظفر ما طلع من اللحم ..
‎ذيب والدم يفور برأسه من الغضب ويحاول يكبت (يخفف ) غضبه / عندك شك بإخلاصي و أمانتي لديني و وطني يا استاذ ناصـــــر !!
‎نـــاصر بخبث / الي ما فــيه خير لـ أهله ما في خـــير لغيره .. وفرخ البط عوام .. من خلال تحرياتنا عرفنا ان راشد هو نفسه ولد يعقوب (ابو راشد ) واحد من أخطر الإرهابين الي شاركوا في تفجير الرياض سنة 2003 والي اعلن تنظيم القاعدة و المسئول عنها .. وهذا ولده سار على خطاه بأسم الدين ..
‎ذيب وقف واتجه لمكتب ناصر لف كرسي ناصر الدوار لجهته /و انحنى له وهو يصفق بيده / برافووو .. برافوو استاذ ناصر طلعت تعرف التواريخ ..مبدع في التحري .. عند معلومات جديدة حاب تضيفها .؟
‎ناصر وقف بسخرية / أي معروف ان اولاد البنت يطلعون على خوالهم اهنيك بتكون اكبر خلية ارهابية مع عيالك والمدام هههههههههههههـ
‎ذيب قطعه بلكمه بكل قوته طرحته على الارض .. محمد اتجه للباب بسرعه وقفله .. ومسك نزار الي كان ناوي يفرق بينهم ..
‎نزل ذيب ورفع ناصر من ياقة بدلته العسكرية / كلاً يشوف الناس بعين طبعه .. مو الذيب الي تدوس له طرف .. عطها بكس (بقس ) على بطنه بقوة طيحت ناصر على الارض يتلوى من الألم .. نزل له وجلس ذيب على ركبته .. بهمس / بما انك قلت فرخ البط عواااااام ماكذبت .. قريب بتلحق ابوك في سجون ال.... بقضية الرشوه و إخفاء الأدلة لأكثر من جريمة ..ياحضرة المحقق ناصر وكمل بسخرية يا مخلص لوظيفتك و دينك و وطنك ههههه
‎وقف ذيب وهو ينفض بدلته ويرتبها اما ناصر فكان جالس على الارض ينتفض من الخوف وقلبه يشتعل حقد ..
****
‎الساعة 8:00 م
‎صحت من النوم على ازعاج الجوال مدت يدها عل الكومدينه بعشوائية تدور جوالها ..نوف يتصل بك ..
‎وقبل ترد فصل الخط .. عدلت جلستها شافت 4 مكالمات منها تنهدت اميرة بزعل ..الي صار لها اليوم مو اشوي كلام نوف اليوم حيل جرحها ... وسلطان كمل الناقص.. رجع جوالها يدق وكانت نوف .. ردت بدون نفس /هلا
‎نوف بصوت باكي / اميرة ! تعالي
‎اميرة بقلق / وش صــــاير ؟؟ وش فــــيك؟
‎نوف / خالي طردني من البيت
‎اميرة توقف / كيف طردك من البيت ؟ البيت لك انتِ بيت امك وش دخله هو !
‎نوف تبكي / امي مسجلته بـ اسم خالي والارض لخالي
‎اميرة/ انتِ هدي حالك انا جايه لك
‎نوف / ويـ..ـــن تجين !!
‎اميرة / جهزي نفسك ولا تكثرين الحكي
‎قفلت منها وخذت عبايتها وونزلت بسرعة
‎اميرة تنادي بصوت عالي / بابا .. مشعل .. ذيب ..
‎نوه طلعت من المطبخ / وجع وش له الصراخ !!
‎اميرة ركضت لـ نورة / ماما نوف طردها خالها من البيت
‎نورة مصدومة / كييييييييف ؟ انهبل !
‎اميرة/ انا بروح اخذها
‎نورة / اصبري بروح معاك
‎طلعت نوره واميرة مع مشعل لبيت نوف .. وقفوا عند باب البيت الي كان مفتوح .. نزلت نوره ودخلت شافت نوف جالسه في الحوش وتبكي ..اتجهت لها وضمتها ..
‎نوف تبكي بحرقة / انا وش دخلني ليش ي اخذوني بذنب غيري
‎نوره تمسح على وجهها / ياقلبي الله على الظالم
‎نوف وهي تشهق / لو.. لو امي حيه كان محد تجرأ فيهم علي
‎نورة توقفها / انا امك والله محد يتجرأ عليك بعد اليوم ..
‎أميرة ربتت على كتف نوف / واحنا خواتك
‎نوره / مالك قعدة هنا يلا ادخلي خذي كل اغراضك .. بيت زوجك مفتوح لك
‎نوف بإحراج / انا ما اقدر صعبة بستأجر لي شقة وانتم وراكم سفر
‎نوره تتصنع العصبية / بلا كلام فاضي .. ما عندنا بنات يسكنون لحالهم ..
‎قطع كلامهم دخول حرمة كبيرة وسمينه .. لابسه جلال الصلاة ..بسخرية / ها ي بنت المجرم لقيتي من يلمك !
‎نوف بصراخ / اكرهك انتِ السبب انتِ الي جبرتي خالي ..
‎نوره / من هذه ؟
‎اميرة بهمس / زوجة خالها ..
‎نوره تقدمت لها / الي يبين انك مرآة مصليه ومسميه وتعرفين الحلال من الحرام وعقاب آكل مال اليتيم .. البيت من حق نوف وحتى لو مسجل بإسم زوجك مفروض ما ....
‎تقطعها صافية "زوجة خال نوف " وهي تضرب على صدرها / ما احترق قلبك على ولدك عشان تحسين " وبحقد " كيف تبيني اشوف اخت قاتل ولدي واسكت
‎نوره عقدت حواجبها بألم / مدام هذا كلام البنت مالها قعدة في بيت اهله قلوبهم مليانه شر .. والبنت بأخذها على بيت زوجها .. ومسكت يد نوف وسحبتها وركبتها معها السيارة ..وصوت بكاء نوف غطى على الجو ..
‎مشعل برجوله / امسحي دموعك وانا اخوك .. حنا صرنا اهلك
‎نوره ابتسمت / وهو صادق .. واغراضك الي تحتاجينها بكره بإذن الله برسل ذيب يجيبها لك
‎& يكون الإنسان غريباً عندما يكون جسده في مكان و روحه في مكان آخر &
‎في ستار بكس ..
‎جالس بكل هيبة ب بنطلونه البيج والتيشرت العنابي .. ينتظر بدر من زمااان ما شافه .. دخل بدر بثوبه الإماراتي ..
‎بدر بصوت مرح / الســــــــلام عليـــكم ..
‎سلطان وقف وحضنوا بعض
‎بدر باللهجة الإماراتية / كيف حالك يا ريال ؟
‎سلطان يسحبه ويجلسه / زين ..شحالك انته ؟
‎بدر / ههههههههه والله وطلعت تعرف إماراتي ..
‎سلطان يحرك يده / أي يا ريال حسبالك انته بس .. الي منقع في الامارات نص السنة ..
‎بدر / انت خابر كل اخوياي هناك هههههه تصدق صاير اكلج بلهجتي من كثر ما اسمع لهجتهم
‎سلطان ابتسم على هبال صاحبه / ياصاحبي يبي لك إعادة تأهيل .. بسنعك لسفرنا ..
‎بدر / عمي يوسف هو الي تكفل بتكليف رحلتنا كلها .. و الي عرفته ان مجهز مفاجئة بطله لنا..
‎سلطان / اطيب ما سووا عليتنا مره متفككه على ان ما في مشاكل بينهم والوصل محدود بين اعمامي بس .. اما عيال العائلة العلاقة رسمية .. و إن شاء الله سفرتنا هذه تكون فاتحة خير لنا مع بعض ..
‎بدر ابتسم بحماس / بإذن الله .. وش صار معاك على منصور
‎سلطان عفس وجهه من الاسم / على حطت يدك الرجال حالف إلا يأخذ بثاره ..
‎بدر / انا ابي افهم ليه انت ما بلغت عليه للحين ! .. هو ابليس بهيئة إنسان ..
‎سلطان / مانيب عاجز عنه .. دربه علي والله لأخليه يوسوس بإسمي
‎بدر تنهد / لا تكثر أعدائك يا سلطان .. ما خبرتك كذا وانا اخوك
‎سلطان ابتسم بسخرية / هههههههه ياكثرهم .. ابشرك الي كان اغلاهم صار احقرهم بعيني ولو بيدي محيته من الارض ..
‎بدر فهم من يقصد / سبحان مغير الاحوال .. لو انا قايل لك من قبل خمس سنوات بتكرهها كان جحدت فيني
‎سلطان نزل رأسه بضيق .. بدر بتردد / بسألك اول ما جات لكم كنت تتمنى تعرف سالفتها والحين ...! وش تتمنى ؟ .. تتمنى انك ما عرفت سرها او قصة اهلها !!
‎سلطان بحقد / أكذب عليك إذا قلت لا اتمنى اعرف .. لا والله لو انب ما عرفت كان هي حياه كان ربت نواف .. أي اتمنى ما عرفت ماتتخيل كيف صرت اكرهها من جيت هنا وانا مخنوق منها اتمنى لو ادفنها .. بسببها فقدت مها والله العظيم اشتقت لها .. يذبحني سؤال نواف عنها .. تعبان يا اخوك تعـــــــــــــــــبان
‎بدر / الي صار قضاء وقدر .. وهذا اختيار لك وانت بعد بأول عملا وتقدر تتزوج
‎سلطان بسخرية / اكيد بتزوج يقال لك بقعد كذا .. ولا تنسى ان الفترة الي راحت تعبت الهنوف بتنظيف بيتي والاهتمام بنواف .. يبي لي وحده تقبل البيت ونواف وتقوم فيهم ..
‎بدر انبسط / أي كفو عليك و عروستك علي
‎سلطان / ما تقصر العروس جاهزة تنتظر إشارة مني بس
‎بدر / هههههههه أي قول حاط عينك على وحده
‎سلطان / تقدر تقول كذا
‎وانتهى بارت الييييوم طبعاً البارت ماحطيت فيه قفله عشان صار عندي لخبطه بالجهاز تحمسوا للبارت الثاني وعطوني توقعاتكم
‎س/ من يقصد سلطان ب العروس ؟
‎س/ من يكون بدر !! وايش سالفة ثار منصور ؟
‎وغيره من الاسئلة

انتهى انتظرو البارت القادم

دمتم بخير

تعليق

فوت 

للبارت