رواية بين آمسي والقدر خانها الحظ وغدر/ للكاتبة غلا g_rwa12@ / مكتملة❤💕 الفصل السابع عشر 17 - بقلم Somemon11

‎البــــــــــارت السادس عشر

:::
:::
:::
:::

-
....
‎سلطان هو ينحني وشيلها على السرير..وبطفش/حاضر اي اؤامر ثانيه!؟
‎ذيب /لا تنام واذ بتنام دق على لمياء..اذ ما كنت كفو تهتم فيها الليله بس
‎تجي عندها..
‎سلطان /واذ تشنجت مره ثانيه!؟
‎ذيب اتجه للباب/ما بتتشنج مره ثانيه
‎طلع وقفل الباب وراه..
‎سلطان تنهد بارهاق/ايبله منب كفو..اوه استغفرالله واتوب اليه
‎قرب منها وفك حذيانها ونزل البالطو اللي كان متغرق مويه
‎كانت لابسه تحته بلوزه رصاصيه..
‎والياقه مبلوله..
‎اتجه لشنطتها وطلع بجامه مريحه بلون الزيتي الفاتح..
‎نزلها على طرف السرير ورفع جسمها..
‎ونزل بلوزتها كان يحاول ما يناظرها بس
‎تجمد لثواني وهو يشوف كدمات داكنه ع
‎كتفها من ورا وظهرها..
‎عض شفايفه بقهر وشفقه على حالها..
‎لبسها بسرعه ..
‎ونيمها على ظهرها وغطاها
‎انسدح جنبها وتكى بظهره على راس السرير..
‎والف فكره وفكره ب راسه..
..
‎وظل طول الليل عندها كانت تصحى بين فتره
‎وظل طول الليل عندها كانت تصحى بين فتره وفتره وهي تان بالم وتهذي بكلام مو مفهوم.. الساعه 4:30 فجر
‎كان واقف في البلكونه ..يشرب
‎كوفي اللي طلبه..
‎سمع صوتها تناديه..
‎دخل بسرعه وشافها جالسه بوهن على سرير..
‎وعيونها ذبلانه..
‎جلس جنبها ومسح على راسها/انتي بخير..
‎اميرة رفعت راسها له وظلت لثواني تناظره..وبعدها غمضت عيونها ورجعت تنسدح
‎ونامت من جديد

‎الساعه 10:00
‎طلب فطور ..
‎وهو ينتظرها تصحى..
‎وقف واجهه للباب اللي يدق..اول مفتحه
‎دخلت بسرعه
‎بدون ما تكلمه..هو تفاجاء منها
‎سلطان ويده بجيبه/ورا ما تسلمين!؟
‎لمياء جلست على طرف السرير بدون ماترد عليه..
‎وهي تظرب على خد اميرة بخفيف/اميره
‎اميييرة يالله اصحي
‎سلطان تافف بزعاج/اتركيها تنام
‎لمياء تسحب يدها تجلسها/اموووره ياكسوله اصحي
‎سلطان اتجه لها بطفش و وقفها من ملابسها/قلنا لك اتركيها تنام..
‎لمياء دفته عنها وتكلمه بعبره/انت مالك دخل..تفهم..امس كانت بخير وتضحك وش سويتو لها هاا
‎سلطان تافف/ماسوينا لها شي طلعنا نتعشاء ورجعنا

‎لمياء بغضب ظربته على صدره/كذاب والله العظيم كذاب..هو شي واحد بس ابي افهمه
‎ليش تعاملها كذا ما يسوا عليها كرهك لها..
‎سلطان صد عنها/ما اكرهه
‎لمياء بصوت باكي وبحقد/تدري صرت اكرهك من تصرفاتكم معها..واللي بيموتني قهر انها
‎على كل اللي سويته ماكرهتك الا ما زالت البنت
‎اللي تعشق اسم سلطان..تظن اني ما لحظت نظراتك لها اللي مليانه حقد وكرهه..وب المقابل نظراتها اللي كل ما تواجدت في مكان ما تشيل عينها عنك..
‎سلطان لتفت لها هو متفاجا منها..وبسخريه/برافو اكتشفتي الذره تصدقين
‎لمياء بقهر/ليش تسوي كذا ترا تعبت وانا اشوفها تكتم كل مره تقرب منها لازم يصير فيها شي ...وهذي المره وش سويت
‎سلطان بحده/لمياء ممكن تنكتمين ترا راسي مصدع ما نمت من امس
‎لمياء جلست بقهر..وبترجي/نخيتك قول وش اللي صاير..فيه شي اميرة مخبيته عني..وامس عرفة وبصدفه انها كانت متهوشه مع مشعل وتصالحو..انتو وش اللي قلبكم عليها..(بكت)سلطان اميرة تموت بجفاك معها..سلطان اميرة كل مره تناظرك فيها ماتشيل عيونها عنك الا وقد امتلت دموع..وين سلطان اللي الكل يغبط اميرة عليه..وينه..ليش تدفنه مع مها لييش
‎سلطان تنهد وجلس جنبها وحضنها
‎من كتوفها/اششش خلاص اهدي.."ابتسم لها يطمنها"الايام الجايه بتكون بخير..
‎لمياء تبكي كثر/تكفي هو طلب وحد بس انا ما ادري و عن اللي صار وخلك تصير معها كذا..
‎بس اللي يهم اوعدني ما عاد تجرحها حتى بنظرتك
‎سلطان ياشر على عيونه/ابشري
‎هزت راسها بلا/ لا اوعدني
‎سلطان /وعد

‎ابتسمت براحه ولتفتت ل اميرة اللي باقي
‎.. ابتسمت براحه ولتفتت ل اميرة اللي باقي نايمه/لازم تقوم..اموووره اصحي
‎فتحت عيونها وهي
‎تحس بيد دافيه ترفع شعرها
‎رجعت تغمض عيونها لا كان فيه صوت
‎يناديها بستمرار ..واحد يشدها تجلس
‎فتحت عيونها اكثر وهي تحول تميز ملامح الشخصين الواقفين فوق راسها..واخيراً قدرت تميزهم..
‎جلست غصب عنها من يد لمياء اللي تجلسها
‎لمياء /يالله ياكسوله اصحي صلاة الفجر طافتك
‎اميرة بهمس/فجر!!
‎سلطان/صحتك اكثر من مره ما صحيتي..والحين الساعه صارت عشرة
‎اميرة استندت على كتف لمياء/قوميني ابي اصلي
‎لمياء سندتها و وصلتها للحمام ....
‎طلعت من الحمام وهي تحس رجولها
‎متكسره وهي تترنح بمشيتها...
‎مسكتها لمياء و ساعدتها في المشي
‎قربت لها كرسي و وجهته في اتجاه القبله..
‎لأجل تصلي وهي جالسه..
‎جلست وصلات صلاتها بعد ما انتهت
‎التفتت ل لمياء اللي جالسه قدامها وعلى
‎وجها ابتسامه تشرح الصدر
‎وقفت لمياء وقربت منها وهي
‎تقبص خدودها/كيف حلوتي اليوم
‎سلطان بروقان بعد يد لمياء/وخري هذي حلوتي انا بس
‎اميرة رفعت حاجبها مالها خلق ثقالة دمه ولا انها تصدق كلامه عارفه انه يسوي كذا لان لمياء موجوده..
‎لمياء/ اقول بلا كثرت حكي و ونبي احلى شوبنق معك
‎سلطان/ولك احلى شوبنق وش بعد تبون
‎اميرة وقفت وابعدتهم عن طريقها ورجعت
‎ل السرير وتمددت /لمياء طفي النور بنام
‎لمياء تمثل العصبيه/لاا مالك داعي لما وافق انه يطلعنا تقولين بنام..
‎اميرة بطفش /تستعبطين الطلعه لك انتي مو لي قال ايش قال شوبنق ..
‎لمياء تتخصر/وين حابه تطلعين يا هانم!؟ اميرة جلست وهي تناظر سلطان
‎سلطان ابتسم لها/اختاري المكان اللي تبينه انتي مو لمياء ونطلع له
‎اميرة عقدت حواجبها من ابتسامته من زمان عنها..الفتره الاخيرة اذا ابتسم لها تكون ابتسامة سخريه و استهزاء..
‎تنهدت وهي تجاريه /وتطلعنا اي مكان اختاره!؟
‎سلطان غمز لها/اي مكان
‎اميرة وهي تاشر باصبعها وتعد/اولاً طلعو برا بنام اذا صار العصر طلعنا..ثانياً امم ابي الميدان الرومانى و الكولوسيوم و
‎لمياء قاطعتها/مو من جدك
‎اميرة اشرت بيدها على فمها/اشش انا ابي الأماكن السياحيه فيها ما ابي الاسواق
‎سلطان قرب لها وهو ياشر على خشمه/على ذا الخشم ابشري بعزك.. اميرة فتحت فمها باستغراب وبلعت ريقها..
‎لمياء وهي تدف سلطان/خلاص اطلع ما تسمعها تقول بتنام بسرعه اطلع بكرامتك
‎سلطان وخر يد لمياء وبحركه سريعه قرب ل اميرة اللي جالسه على السرير وباسها بنعومه وطلع بسرعه..
‎لمياء رفعت حاجبها/خيررر ابو اشباب وش يحس فيه هههههه اقول اموره وش رايك نزوجه
‎اميرة كانت فاتحه فمها بفهاوه وصدمه..رفعت يدها لخدها وهي تضمه
‎لميا عصبت بقوه/ههيي خير وش وضعك
‎اميرة /هاا..لا وش كنتي تقولين
‎لمياء جلست بقوه/اقول بنزوج سلطان
‎اميرة مسكت نفسها لتصكها كف،.وابتسمت بتسليك/ومن سعيدة الحظ!؟
‎لمياء صفقت بيدها بحماس/وش رايك ب اريج بسم الله عليها تهبل وعسل
‎اميرة بكذب/بس اريج تحب
‎لمياء بستغراب/تحب!
‎اميرة/ايه وصعبه نخطبها وهي تحب احد وقلبها متعلق بشخص ثاني
‎لمياء زمت شف/معك حق..طيب وش رايك ب شوووق تهبل وغير كذا بتحب نيوف وبتصير له مثل مها الله يرحمها*
-
-
-
..
‎ثم نطقت الحياة.. وعبرنا السنين.. تنبض بذكريات الأمس.. وبالحنين إلى الغد.. فقد كان الأمس .. الموت الذي قهرناه.. والغد.. الميلاد الذي تبناه

.. -
‎اميرة صغطت على اسنانها بقوة/لمياء حبيبتي ممكن تطفين النور وتطلعين ابي انام..
‎لمياء وقفت/هههههه طيب طيب ..بطفي نور بس اطلع هاذي كثري منها
‎ااميرة اعطتها ظهرها ونسدحت
‎ونسبت دموعها بصمت تعبت
‎تـعبـت حيل جسمها موجوع وروحها مكسوره..
‎ماتدري وش سبب تصرفات سلطان
‎اللي كانت في الايام الاخيره متناقضه حيل..
‎غفت بدون ماتحس واخذتها احلامها لـ سلطانها الحاقد -
‎دخل لغرفته
‎وتفكيره مشوش مايدري اذ
‎كان يقدر يوفي بوعده لـ لمياء
‎او لا بس اللي يعرفه انه قرر يحاول ما يجرحها
‎في الايام الجايه على الاقل..
‎تنهد
‎هو يحس انه ما يقدر يعرف شعوره
‎بظبط مرات يحس بحقد وحتقار لــها الانسانه
‎يبي ينتقم من ابوها ومنها هي
‎وينتقم لنفسه ولـ مها اللي ماتت بغبنتها
‎وقهرها في مهما كان "الشريكه تحر ولو في القبر"
‎غمض عيونه ورمى نفسه على المخده
‎انت بعد لزوم انتقم من نفسي لو كنت شارح
‎الوضع لـ مها من قبل ف اكيد كنت بتعذرني
‎وبتقدر هي انسانه راقيه ومثقفه ومتفاهمه..
‎بتتفهم اكيد وبتعذرني اللوم عليك يا سلطان
‎سلطان بهمس/وسدت خدها بالتراب انني
‎قد كنت اخشى ان يلامسه الم
‎انادي قبر حبيبتي وأسلم
‎فلا مجيب في القبريردالسلام
‎بالله يااهل القبور هل من متكلم
‎انا في ثراكم عاشق متيم

‎غمض عيونه بقوه هو يتخيلها وتخيل ضحكاتها..
‎وهمساتها..نام بدون ما يحس واخذته احلامه لمعشوقته نايمه ب القبر
-
-
‎اتصل علي وطلب مني انزل له في موقف السيارات تعترف انها اشتقت له حيل
‎ايه احبـه وعـشقه اللي مثله حلم لـ كل بنت
‎رجل بكل المقايس جذاب وحنون وراقي بتعامله وغيور وصاحب نخوه وشهامه متعلم ومتفاهم..
‎وغير كل هذا هو حبيبي انا..
‎غمضت عيونها لثواني وهي تحس ب احراج
‎من عترافها لنفسها..
‎نزلت للمواقف وشافته متكي على سيارته..
‎كان جنتل لابس قميص كحلي مفتوح الازرار الاولى اللي مبرز تقسيم عضلاته و بنطلون بيج..
‎تنفست بعمق وهي تحس
‎بنتعاش
‎ابتسم لها /ارحبي حي الله شوفتك
‎ابتسمت ب احراج/البقاء
‎مسك يدها وانحنى بطرقة الافلام هو يبوس يدها
‎نوف لثواني تجمدت حاولت تسحب يدها
‎لاكانه شد عليها اكثر ومشها معه
‎فتح لها الباب وساعدها تركب
‎وسكر الباب وتجه لمكانه..
‎نزف كانت في حاله من السعاده تحس نفسها
‎من الاميرات وهذا اميرها
‎ركب مكانه وشغل السياره وحرك..
‎ذيب يبتسم/وحشتيني
‎نوف /ذيب
‎ذيب /عيونه
‎صدت عنه ب احراج وهو ضحك بقوه عليها..
‎ذيب هو يوقف ضحك/وش كنتي بتقولين..
‎نوف /احم وين بنروح!؟
‎ذيب /اممم بنروح لمكان مميز
‎نوف /روما كل اماكنها مميزه ما توقعتها كذا
‎ذيب/تدرين ان من مصادر دخل الدولة هو السياحه فيها متخيله ان عشرة ملايين سائح سنوياً، نوف بصدمه/اوب عشره مليون!
‎ذيب /شفتي كيف..وعلى كثر ما زرتها الا ان في كل مره احس انها المره الاولى..تحسين نفسك في متحف مفتوح
‎نوف كانت تناظره بفخر ومعجبه بثقافته
‎تحس ودها تتعلم منه اكثر
‎انتبه ذيب لنظراتها التفت لها وغمز لها
‎فتحت عيونها باحراج وصدت عنه
‎ذيب وهو ماسك ضحكته/اعترفي وش كنتي تفكرين فيه وانتي تناظريني
‎نوف بارتباك /ولاشي ..احم يعني احم ك كنت اقول
‎ذيب /وش تقولين شكل اميرة اعدتك ب الكلمات المتقطعه
‎نوف /هاا.لاا بس اقصد انك
‎ذيب وقف واشر لها تنزل
‎نظرت في المكان بستغراب/محطة القطار!؟
‎نزل وفتح لها الباب/محطة القطار بتوصلنا ل المكان بيعجبك
‎نوف بخوف/بنطول
‎ذيب/لا تقريباً ساعه ونوصل..
‎اليوم هذا كله لك انتي
‎نوف بمزح تغطي فيه على احراجها/من قدي
‎ذيب مسكها مع كتوفها هو يمشيها معه/وياكبر حظي فيك
‎قصو التذاكر وركبوا القطار في مقصوره خاصه .
‎طولت الرحله بدون ما يحسون ب الوقت
‎سوالف ذيب كانت ممتعه
‎وثقافته العاليه ادهشت نوف وحست نفسها
‎ولا شي عند ثقافته كنت تعتقد نفسها هي
‎المتعلمه و المثقفه.
‎ذيب قطع سرحانها/وين رحتي !؟
‎نوف /معك
‎ذيب رفع حاجبه/علينا !؟
‎نوف بإحراج/تبي الصدق ابد ما كنت متخيله
‎انك مثقف ابدااا
‎ذيب باستغراب/ليش مو واضح علي!؟
‎نوف /لا مو سالفة واضح او مو واضح بس كنت متصوره ان اللي يشتغل في الامن يكون جلف وما عنده ثقافه وحد تعليمه ثانوي
‎ذيب/هههههههههههههههههه صححي معلومتك ب العكس انا درست الجامعه وتخرجة واتجهت للامن لان حلم اكون من رجال الامن
‎نوف ابتسمت بفخر
-
‎الساعه 4:00
‎اميرة بتعب/مالي خلق اطلع جسمي مكسر
‎لمياء حذفت الملابسها على سرير /البسي و بلا كسل ببتغير نفسيتك وتنبسطين
‎اميرة ابعدت المفرش بكسل /الله يعينني عليك خذت ملابسها وقفت بخمول متجه لغرفة التبديل..
‎لمياء فتحت فمها بصدمه
‎واتفجرت ضحك/هههههههههههه
‎اميرة ناظرتها بنص عين/خير على وش الضحك
‎لمياء ترفع جوالها /يبي لك صووره هههههه شوفي شكلك لابسه بنطلونك اللي امس مع بلوزة بجامتك طلعه نيولوك
‎اميرة رفعة عينها للمراية طويله العاكسه صورتها
‎اميرة بلعت ريقها /لمـياء! ا ا نـ نـتـ..ـي اللي بدلتي لي صـ..ـح
‎لمياء /لا طبعاً اليوم الصباح اتصل علي ذيب وقال لي اروح لك..حصلتك مبدله..اشبك شكلك خرفتي حتى نسيتي انك بدلتي ههههههه
‎اميرة صدت عنها بسرعه ودخلت غرفة التبديل
‎وهي تنتفض..اناانا مابدلت متاكده..حركة عيونها بعشوائيه..
_
-
‎..الا يمكن بدلت بس بس انا ما اتذكر..ضربت خدها ياويلك يا اميره اذا انا مابدلت لنفسي م معقوله ي يكون سلطــ. لاااااااااااا ياربي..
‎فزت بسرعه
‎وهي تسمع صوته يتكلم مع لمياء..
‎بلعت ريقها وبدلت بسرعه..
‎طلعت بهدوء وهي لابسه كنزه صوفيه سودا وبنطلون اسود والبالطو ماسكته على ذراعها والحجاب على كتفها..
‎لميا تاشر عليها/وهذي اميرة خلصت انا بروح ابدل
‎سلطان بدون مايناظر اميرة/اوكي بننتظرك تحت
‎طلعت لمياء
‎رفع نظارة لها كانت واقفه في مكانها وهي ضامه يدها اليمين وعيونها با الارض
‎تنهد وقرب لها/كيفك الحين!!
‎اميرة رجعت على ورا وبهمس /ب بـ خـ.. ـيــر
‎قرب اكثر ورفع الحجاب على راسها
‎ولفه عليها بإتقان
‎سلطان ابتسم لها/يلا ننزل
‎هزت راسها ومشت وراه ..
‎انتفضت لما حست بيده الكبيره تحتضن
‎يدها الصغيره ..مشت معه بصمت..وهي تظبط ملامح وجهها اللي واضح عليه الارتباك
‎حس بإرتجافها من لمسته بس ما علق
_
‎نزلو تحت
‎وجلسو في الكوفي المفتوح ينتظرون لمياء و
‎ل اجل اذا نزلت لمياء تشوفهم ...
‎اميرة كان نفسها تسأله عن اللي صار امس"
‎كل اللي تتذكره انها كانت ترجع بقرف من اللي صار مع راشد.. انتفض جسمها بقرف من طاريه وعضت شفايفها بقرف"الله ياخذك ياراشد الحمار اكرهك الله ياخذككك اخخ يعع "
-
‎من جلسو وهو ملاحظ انها مو معه..سرحانه ومتكيه بيدها على خدها وعيونها تناظر في لا شي
‎سلطان بهدو/شفتي هبالك وش سوا فيك!؟
‎اميرة رفعت راسها له وارمشت اكثر من مره بإرتباك/هاااا........... هـ هبالي!؟
‎سلطان مد لها المنديل/امسحي شفايفك من الدم مايكفي امس كنتي بتقطعينها والحين بتكملين عليها
‎اميرة بحركه لا إراديه مدت لسانها على شفايفها وهي تتطعم الدم..عفست ملامحها بقرف وخذت المنديل ومسحتها بقوه
‎سلطان سحب المنديل منها /انتي مجنــونه!
‎اميره هزت راسها بلا
‎سلطان تقدم منها وهو يمسح شفايفها بهدوء ..
‎اميرة لثواني فهت في ملامح وجهه مقدرت ترفع عيونها عنه...وخاصه انه قريب منها
‎سلطان /وكذا انتهينا.
‎رفع عيونه لها بجمود ورجع مكانه..

‎اميرة ارخت راسها وفركت يدها ابقوه/ا ا ام م اميـ...ـس و. و وش ص صار
‎سلطان /ماتذكــرين!!!!
‎اميرة بصوت مهزوز/الا اتذكر بس اقصد بعد ما رجعنا احم م ما اذكر
‎سلطان صد عنها/ماصار شي.. بعد مادخلتي غرفتك جيت لك وحصلتك ترجعين ودايخه غسلتي ودخلتي نمتي بس
‎اميرة هزت راسها بلا/لااااا تـ تكـذب...
‎رفع حاجبه بحده..
‎اميرة تكلمت بسرعه واحراج/انا مـ م اح انا بدلت لـ لـنفسـ...ـي صـ صـح
‎هز راسه ببطء بلا
‎اعتلت انفاسها وصدت عنه وهي تشتت نظراتها وتبلع ريقها اكثر من مره
‎سلطان تكى على الطاوله وببرود/انا بدلت لك..وين المشكله!!! زوجك ويحق لي اسوي اكثر من كذا... المهم ماعلينا بما انك طريتي الموضوع بنفسك وما كنت بفتح لأجل ما احرجك...وش سبب الكدمات!!اللي بظهرك
‎اميرة وجهها تغير بإحراج ..وهزت كتوفها بمدري
‎سلطان/كيف ماتدرين!!؟من متى وهي طالعه لك
‎اميرة رفعت عيونها له/يهمك!!
‎سلطان يسيرها/اكيد
‎اميرة "كذاب كــذاب"
‎صدت عنه وهي تشوف لمياء متجهها لهم/لمياء جات..
‎وقف سلطان مسك يدها حاولت تسحبها لكنه شد عليها اكثر
-
‎لمياء بحماس /هيا ننطلق
‎سلطان ابتسم لها /يا
‎ركبو السيارة
‎لمياء فتحت الباب الامامي واشرت ل اميرة تركب...
‎لمياء وهي تحول تغير نفسيت اميرة نها لاحظت شحوبها/الاميرات اولاً
‎اركبت بدون ما تعلق
‎وركب سلطان
‎ولمياء اللي ركبت وراء وجلست في الوسط وقدمة نفسها بين المقعدين/ها وين بنروح!؟
‎سلطان /امم ع طلب اميرة بنروح ل الكولوسيوم ولا تبون مكان غيره
‎لمياء بسرعه/ايه ابي السوق
‎اميرة /لااا الكولوسيوم يعني الكولوسيوم
‎سلطان /ههههه ابشري
‎اميرة ما نظرته تكره تناقضه الكبير ..بس هي قرارت تسعد نفسها اليوم..
‎لمياء بخبث/سلطان فيه ناس متعذبين مره بسبب اميرتنا
‎سلطان عقد حواجبه/من !؟
‎لمياء بحماس/امور استعدي ابوي بيفجر لك قنبله اذ رجعنا..طلع ولد العم عاشق ومتيم بك والله مو هينه
‎سلطان بحده/لميوه وش تهذرين به
‎لمياء /تخيل باسم خق على الاخت من اول ما جينا وهو يطلب ابوي وخطبها هههههههه
‎اميرة فتحت عيونها بصدمه /اناااا
_____
‎- ذيـب & نــوف
‎نوف مبهوره ب المناظر الطبيعيه و المباني الرومانيه..المكان كلمة جميل قليله بحقه..
‎ذيب /اعجبك!!؟
‎نوف ببتسامه /اعجبني!!!الا اعحبني ونص
‎ذبب سحب يدها وباسها بهدوء/نورتي فلورنسا
‎نوف سحبت يدها باحراج/فلورنسا!؟
‎ذيب/يسمونها ب الجمال الايطالي...
‎نوف بوناسه/ماكنت متخيله بيوم ولا حتى بخيالي ازورها ..كنت اشوفها في الفديوا كلبات للاناشيد
‎ذيب مسك يدها وسحبها معه/وناخذك في جواله على القارب..
‎ركبوا القارب الصغير في نهر فلورنسا اللي
‎يخترق المدينه وبين المباني
‎نوف/ههههههه شوف عندك بيت قارب بدل السياره
‎السياره
‎ذيب/هههههههههه
‎صمتو للاحظات كل منهم ماخوذ بجمال المكان.. -
‎ذيب يحاول يخفي قلقه وضيقته..
‎بكره بيكون يوم مصيري ..يا ناجحين يا خسرانين..
‎والخيار الثاني مرفوض ال كابوني
‎ضروري ينتهي من العالم..وراشد اخ من راشد..
‎ابتسم لها وهو يشوفها تدلي يدها
‎للمويه وتلعب فيها..باناملها
‎حياتي ماتهمني..كل اللي يهمني هـي..
‎كان من الضروي اامن مستقبلها لو صار لي
‎شي ..اجريت اتصالتي مع اخوي اللي مجابته امي
‎وخلص لي معاملتي..وشتريت بيت وكتبته ب اسمها وفتح حساب لها في البنك بمبلغ يعيشها اميره ..بس كان لابد ان يكون للاميرة اميرة ساعدها ويحطها بعيونه..محمد ايه محمد
‎غمض عيونه..وهو يعرف ان اللي سواه شي جنوني و العقل ما يقبله هو انه امن و اوصى محمد يتزوجها لو صار لي شي
‎محمد رجال كفو ونشمي و يعتمد عليه..
‎قطع عليه تفكره
‎صوتها /ذيــب!؟
‎ذيب /عيونه
‎نوف بقلق/وش فيك متـضايق!؟
‎ابتسم لها/لا طبعاً...احد قباله الوجه الحسن ويتضايق
‎نوف /يا عيارتك
‎ذيب بجده/نوف بسالك ..سولفي لي عن راشد
‎نوف بلعت ريقها/لـ لـيش تسال!؟
‎ذيب هز كتوفه/مجرد سوال..
‎نوف ببتسامه حزينه/هو ما كان كذا لمى كنا صغار كان الاخ الحنون اللي يعتمد عليه ..بس من صار عمره 15 بدا يبتعد وينعزل عن الكل وبعدها سلك طريق الجهد
‎ذيب/وعلاقته مع عيال خالك
‎نوف بستهزا/كان هو ولد خالتي شي واحد..بس كل منهم سلك طريق
‎ذيب /وانتي!!كيف كان معك
‎نوف بلعت ريقها وصدت عنه..وعيونها امتلت دموع/اكرهه ياذيب اكرهه الاخو اللي كنت ارتجيه عــضيد صار سيف مسلول بعضدي ..ههه تخيل كان يقول لي تعالي معي بخذك للجنه..
‎تعالي وصيري سابيه .."شهقت بقوه وحرقه"سابيه للكلاب اللي غشوه الخنزير اللي تسمو بسم انزها منهم تسمو ب الاسلام ..
‎لعبو بعقول الشباب بمسمى الدين..ابي افهم
‎الدين وين عنهم!!! اذ الرسول صلى الله علي وسلم عمه ابي طالب كان كافر ما قتله في كيف يقتلون ب اللي يشهدون ان لااله الا الله."وبحرقه اكبر"...

-
‎يقتلون اللي يشهدون ان لااله الا الله..اخو يقتل اخوه و ولد عمه وخاله ..يكفرون دوله هي
‎منبع الاسلام"وبحرقه اكبر"
‎يتعذرون ب اعذار وهميه لاجل يشوهون
‎عقيدتنا السليمه..و يكفرون حكامنا اللي كانو خدام الحرمين الشريفين.
‎ذيب قربها منه وحضنها/لهم يوم وبيكون قريب
-
‎اميرة فتحت عيونها بصدمه /اناااا
‎لمياء /لا انا ..سمعت ابوي امس يقوله ل امي
‎اميرة رفعت عيونها لسلطان
‎تشوف ردت فعله..وانصدمة بجموده
‎ناظرها ببرود وصد عنها.. لمياء كملت:و سمعت كمان ان الوليد تقدم لك قبل بسام بفتره بس ما عرف ايش ردو عليه
‎سلطان رفع حاجبه ب استهزا بدون ما يعلق ..
‎اميره قبضة كفها بنرفزه..
‎لمياء تقدمة اكثر وهي
‎تناظر وجه اميرة/امور على من بتوافقين!!
‎بسام او وليد!!؟
‎سلطان تدف راسها على ورا /وانتي شغلتك سمعت وسمعت!!؟
‎اميرة بعد صمت رفعت حاجبها"اجل مسوي فيها ما يهمك.. طيب طيببب" وابتسمت وهي تمثل الخجل.وفي نيتها تقهره/بوافق على امممم مدري
‎كل واحد منهم اجمل من الثاني بس اعتقد
‎وليد ..لانه كفوو و مدري فيه شي مميز
‎سلطان ابتسم بقوه ..ورفع جاحبه لانه فهمها/واكثر مايميزه انه اخو الغاليه مها وخال ولدي ف مابتلقين احسن منه
‎اميرة ظغطة على اسنانها بغيض وهي تمسك نفسها لا تصارخ عليه يعرف يقهرها في كل مره..
-
‎وصلو لـ الكولوسيوم(المدرج الفلافي)
‎كان الاماكن مزدحمه
‎مسك سلطان اميرة و لمياء ودخلوو..
‎ولمياء استغلة الوقت في
‎التصوير وكذالك سلطان...واللي
‎يعلق على المدرج ويذكر بعض المعلومات عنه..
‎بينما بمياء تصورة سناب..
‎والعكس عند اميرة اللي لا شدتها المناظر

‎والعكس عند اميرة اللي لا شدتها المناظر
‎ولا الناس ولا كلام سلطان ولمياء..
‎ما كانت تشوف غير السواد والظلام اللي تتخبط فيه..
‎مسيطر على تفكيرها كلام سلطان..
‎وكونها جزء من الهامش لديه
‎يتعبها تفكيرها في المستقبل..هل من الممكن
‎يطلقني ويتزوج غيري!!
‎اذ تزوجته مستحيل اقدر اشوفه او حتى اتكلم معه..ومستحيل تسمر معه على الهامش...
‎رفعت عيونها له
‎شافته يمازح لمياء ويضحك معها تتكلم معه
‎برياحيه وبدون حواجز.. عكسها انبنت بينهم حواجز كبيره ومتين من متى والى متى ما تدري..
‎افلتت يدها منه وهي تتلفت حولها ل اقرب مكان
‎جلست على لارض المزروعه على طرف
‎بتعب
‎لمياء انتبهت لها/انتي بخير
‎اميرة بتعب"بجلس شوي
‎سلطان/حابه نرجع!!
‎هزت راسها بلا
‎سلطان /اجل بروح اشتري لكم شي ورجع
‎لمياء /بروح معك
‎سلطان /لا اقعدي معها ما بطول
‎اميرة/اتركها تروح معك بكون بخير وبنتظركم هنا..
-
-
‎استوت في جلستها وهي تتكي بيدها على وراء..
‎وهي تناظرهم كـل مالهم يبـتعدون.. غمضت عيونها وهي ترسـم على فمها ابتسامه باهـته..
‎ما انتـبـهت لشـخص اللي كان جالس
‎قدامها على بعد ثلاث امـتار وهو يدقـق
‎في تفصيل وجــهها وجسـمـها..ليـحرك يديه
‎بمهاره واتـقان..
‎ليـبدع في مابين يديه...
‎فتحت عيـونها بهدو
‎بعد 10 دقايق وهي تشوف طـيفهم من بعيد راجعين لها..
‎حست بـ احد يتـقدم منها رفعــت عيونها
‎له وارتجف جسمها وهي تشوفه يطالع فيها
‎بنظرات غــريبه
‎وقفت بسرعه وهو قرب منها
‎و وقف بمكانه وابتسم لها/اود ان اعـتذر اليكي.
‎اميرة تلفتت حــولها باستغراب..ورجعت
‎تناظر الشاب ذو الملامح الاجنبيه وكانه احد
‎شخصيات الافلام بشعره الذهبي
‎وعيونه الزرقاء/انــــا!؟...على مــاذا تعتذر!؟
‎الشاب مد لها دفتر بحجم كبير
‎وبتغليف راقي جداً/عــن هــذا
‎عقدت حواجبها واخذت الدفتر بتردد
‎وفتحت الصفحه اللي يشير لها..فتحت
‎عيــونها بصدمه ودهشه
‎الشاب بـ ابتسامه/اعذرينـي لم اخذ الاذن منك..فــ انا رسم واعشق الرسم ودفتري هذا دوماً معي
‎في سفري وترحالي ارسم كل ما تقع عيني
‎عليه من جــمال..و "بتردد"لم استطع
‎ان اقوم رغبتي في رســمك..
‎اميرة وهي تبتسم بسعاده من رسمته لها/لاا..لا تعتذر حقاً انـت مبدع كنت احلام بان ترسم لي صورة
‎الشاب/انها المره الاولى التي ارسم فيها لـ محجه..لكن ما افسد رسمه هو دمعتان كانتا توشكان على سقوط من عيـناك ..فلما الحزن!؟وانتي باجمل بقاع الارض!؟
‎اميرة رفعت عيونها وهي تشوف
‎سلطان يقرب منهم..تكلمت
‎باستعجال/اشكرك على هذه الرسمه ايمكنني الاحتفاظ بها!؟ سا اعطيك ثمنها
‎الشاب بمرح/لا داعي لذلك اني اتقاضى
‎على رســمي لسيدات الاعمال مليونين الليو...
‎ولكن في حالك هذه من المفترض ان اعطيك
‎مليونين الليو مقابل انك عذرتيني على
‎رسمي لك..وبكل تاكيد يمكنك الاحتفاظ بها..
‎اميرة /شــكراً لك ..الى اللقاء
‎انحنى شاب بطريقة راقـيه وهو
‎يرفع قبـعته/سعدت بلقائك ..اوه وعليك ان
‎تمسحي الحزن من عيناك ف لايليق بها ..ودعاً
-ً
‎ابتعد الشاب في لحـظات وصــول لمياء
‎وسلطان اللي كانت نظراته لـ اميرة يطلب منها تفسر..
‎اميرة ابتسمت بفـرحه وكأنها طـفــله../سلــطااان شوف..رسمني"ناولته الورقة وهي مبســوطه
‎لمياء رفعت نفسها وهي تشوف الرسمه بيد سلطان/واو..انا بعد ابيه يرسـمني
‎سلطان و الوضع ما اعــجبه وخصوصاً ان الرسمه دقيقه جداً/انـتـي طـلبتــيه!!!
‎اميرة بحماس وهي ناسيه الحواجز/لا تخيلو كنت جلسه انتظركم..وقبل تجون بشوي جاء يعتذر انه رسمني بدون علمي
‎لمياء /هههههههههه يالبى الذوق ما شاف اللي عندنا يصورونك وانتي ما تدرين..ولا وفوقها قوة عين اذ قفطتيهم ..
‎اميرة /ههههههه يووه ي لمياء فاتك يشبه الممثل جوناثن بنت
‎سلطان بحده/اميرة!!!
‎لمياء بستفزاز/كان وقفتيه اصورة سناب على انه الممثل جوناثن بنت
‎اميرة فهمت قصدها وكتمت ضحك/حساف ما معي جوال ولا كان اخذت معه سلفي
‎سلطان تخصر و بسخريه/وشرايكم اناديه قبل
‎ن تخصر و بسخريه/وشرايكم اناديه قبل يبعد وتتصورون معه!؟
‎لمياء واميرة بصوت واحد وعالي/ إيــــــــه
‎ناظرهم بقهر/اقول امشو قدامي ولا يكثر ..قــدامــي بسرعه على ســيـارة
‎انتفضو من ومشو قدامه بسرعه هم كابتين ضحكتهم.
‎ركبو السيارة وانفجرو ضحك/هههههههههههههه
‎اميرة سفطت الورقة ودخلتها بجيبها..
‎ركب سلطان وهو مسوي نفسه معصب/الشـرهه علي اللي طلع اتمشى مع بنات..لو طالع مع بــدر وشباب كان ابرك...
‎لمياء وهي تتجاهل حلطمته/وين بنروح الحــين
‎سلطان لف عليها هو يمثل كانه بيضربها..
‎اميرة حطت يدها على فمها تكتم ضحكاتها..
‎سلطان ناظرها/اية اضــحكي انتي الثانيه..المهم وين تبون تــروحون
‎لمياء/اقرب مجمع ابي اشتــري لي اغراض من ماك
‎اميرة هزت بلا/لا امانه خــلنا نرجع او نروح مــكان هادي
‎سلطان هز راسه بصمت ..
‎وبعد دقايق وصلو لمجمع كبير..
‎اميرة نفــخت بزعل ..من جد مالها خلق الازعاج و قــروشة الاسـواق..
‎عكس لمياء اللي نطت تبوس راس سلطان /ينصر دينكك..هــلا هـلا بـ الحب

‎ابتسم على هبالها/من الحين اقول لك ترا بدر يكرهه الاسواق ف حاولي تخــفـفـين من ادمانك..
‎لمياء عضت شفايفها بإحراج/معليك بعـوده..
‎ركن السيارة في الموقف بدون ما يطفيها..
‎فتحت لمياء الباب بتنزل
‎ونفس الشي اميرة اللي فتحته بضجر بس
‎استوقفهم صوت سلطان/لحــــظه اميرة لا تنزليــن..
‎عقدت حواجبها بستغراب
‎سلطان يكلم لمياء/انزلي ومتى ماخلصتي دقي علي..اما احنا بننتظرك في الحديقة المقابله للمجمع
‎لمياء رفعت معصمها تشوف الساعه/الساعه الحين 6:00 م على سبعه بكون خلصت اوكي!!
‎سلطان ياشر ب/اوكي
‎اميرة قفلت الباب وهي تتنهد براحه
‎حرك السياره وهو يسمعها تهمس بشكراً..
‎وصلو للحديقة ونزلو ..
‎جلسو علي كرسي خشابي
‎قريب من بحيرة كبيره يتوسطها تمثال كبير بشكل طفل له جناحين ومن فمه ينفذ الماء..وبانعكاس الغروب كان لون البحيرة يميل للبرتقالي..يزينها الوز الابيض باطرافه السودا
‎سلطان وهو يمد ذراعه على حواف الكرسي من ورا /المكان رايق
‎اميرة /مره يبي له صوره
-

::::
::::
::::
::::
::::

انتهى البارت

دمتم بخير

تعليق

رايكم

تصويت للبارت