رواية بين آمسي والقدر خانها الحظ وغدر/ للكاتبة غلا g_rwa12@ / مكتملة❤💕 الفصل الثامن عشر 18 - بقلم Somemon11

‎البـــــــــا رت السابع عشر

:::
:::
:::
;::
:::

‎اميرة /مره يبي له صوره
-
‎سلطان طلع جواله واشار ل ولد يلعب ب الاسكوتر قدامهم/مرحبا
‎الولد/مرحباً
‎سلطان يناوله الجوال/ايمكنك ان تلتقط لنا صوره!؟
‎الولد /بكل سرور
‎تراجع الولد على ورا هو يثبت الكاميرا عليهم..
‎بينما اميرة كانت جامده مكانها
‎من الصدمه واللي نشف الدم بعروقها ..
‎يد سلطان اللي حضنتها من كتوفها وقربها له وتكى براسه على راسها
‎لتلتقط لهم صور ...
‎ابتعد سلطان عن اميرة وهو ياخذ الجوال من الولد وشكره..
‎رفع الجوال وهو يشوف الصوره/وهذي الصورة
‎اميرة هزت راسها بدون ما تتكلم ولا تشوف
‎الصورة
‎سلطان تنهد/بعد زعلانه!؟
‎اميرة بهدو /زعـلانه! اي زعل تقصد!!
‎سلطان/اقصد على اللي صار امس!! ماكنت بسمح لك ترجعين لبيت خالك لكنهم اصرو علي..وبعدين.. فيه شي مزعلك غير اللي صار امس!؟
‎اميرة بسخريه/لا ابد وش اللي يزعل اصلاً
‎سلطان سكت ما علق..
‎للحظات سيطر الصمت على المكان
‎اميرة تكسر الصمت/الى متـى!!! تعبت تكفى ارحمني معاد اعرفك!!مره تكون حنون ومره تكون الجلمود القاسي اللي يرعبني ..
‎سلطان تقدم في جلسته وهو يتكي بيده على ركبه...وكان الجواب صمته..
‎اميرة ابتسمت/ههههه عاد تدري اول مره اعرف ان بوه احد خطبني ب العاده كل شي يصير ويتكنسل بدون علمي..بس المره هذي كشفتهم لمياء..الا صدق تشوف ان الوليد مناسب!!غير مميزاتك العاليه اللي ذكرتها..
‎سلطان بجمود/ابوي بيعلن زواجنا
‎اميرة التفتت له بصدمه!/نعـم... تمزح صح!! ...لاااااا لااا تكفى رجيتك لا يعلنه..ليش يعلن
‎سلطان/طال الزمن ولا قصر مصير الكل بيدري.
‎اميرة هزت راسها بلا/لااا محد بيدري اذ سكرنا هذا (تاشر على فمها)محد بيدري
‎سلطان/مصيرك بتتزوجين وبيعرف زوجك بالله وش بيكون موقفنا معه اذ ما اعلنا
‎اميرة هزت راسها بلا/لاااا انا ما بتزوج..
‎حـ..ـتـى ا ا اذ ت تزوجت والله ما اقول له ابد
‎سلطان /كيف مايدري الا كيد بيدري انك مو ...."عض شفايفه هو يمسك نفسه على اخر لحظه"
‎اميرة بلعت ريقها / أ نـ نـ ـي مو ايـش!!!

-
‎سلطان صد عنها وبكذب/انك مو اختنا..ابوي قرر ماوفيه شي يرده وانا اوافقه الراي ..وبعدها انتي لك كامل الحـرية
‎اميرة/الحــرية!!
‎سلطان /لميــاء بتكون ملكتها قريب والدور جاي عليك..مثلك مثل لمياء بس قبل مثل ماقال ابوي نعلن عن الزوج..وبعدها متى ما جاك النصيب و وافقتي بطلقك وعيشي حياتك
‎اميرة صدت عنه وهــي
‎تبلع ريقها بقوه اكثر من مره وقفت وهي تضغط علي يـدها
‎عقدت يدها على صدرها هو تمشي وكابته دموعها..اكرهه ضعي
‎وقفت قربيه من البحيره وهي تركل بطرف قدمها الحجر في البحيره ...
‎حـسـت فيه يوقف جنبها
‎تكلم بصوت هادي/هذا الشي لصالحك..و لاجلك انــتي..وبيدك تقدرين تقررين مصيرك
‎اميرة شدت من يدها بقوه/انت عارف نتايج الاعلان..وبعدين من قال بتزوج .وغير هذا لنفترض اني تزوجت بيترتب عليه انه يمنعني عنكم..الان ما عد بيربطني فيكم شي شـرعي..
‎بالله وش ذنــبي!!! انحرم من اخواني!؟
‎تقدم و وقف قدامها وظهره للبحيره..ركز على عيونها/ ما هــوب لا ذنبك ولا ذنب الأقـدار
‎النار ما تختار حزمة حطبها.. رفعت حاجبها بحده /وانــت خـايــن للــقــــدر سلطان غمض عيونه بهدو ورجع فتحهم/حـظـك اللي غــدر مو الــقــدر
‎اميرة تقدمة منه وهي تبتسم بغربه
‎وعيونها مركزه نظراتها عليه
‎عقد حواجبها من ابتسمتها ونظرتها الغريبه..
‎عضت شفايفها/بما انــي بتزوج وهذا حكم الاقدار وشرايكم بـ مــنــصــور كفو صح ..
‎سلطان فتح عيونه على وسعها وهو يسمعها تنطق ب اسم ألد اعدائه وقبل يرد وبنتقام وبحركه
‎غير متوقعه وسريعه مـنها ..وبكل قوتها دفته بقوه في البحــيره
‎وطــششش
‎ترجعت على ورا وهي تشوفه يتخبط في المويه عضت شفايفها وابــتـسمت بتشفي ..
‎شافته يسبح ويطلع من البحيره وههو يــرجف ومنحني يكح..
‎تراجعت اكثر وهي تشوفه يرفع نظراته الحاده لها..
‎محست بنفسها الا وهي تركض هاربه منه
-
‎سلطان نظراتها كانت غريبه..
‎وفي محاولتي لتفسير نظراتها نطقت
‎باسمه لحظتها حسيت النـار تشب في جوفي
‎لاكن سرعان ماتحولت النار لجـليد
‎دفتني في البحيره بحركة صدمتني حولت اثبت لاكان مقدرت..الموية كانت باردة جـداً ..
‎اعظامي انشدت للحظات والموية دخلت فمي ..طلعت بسرعه من البحيرة قبل اتجمد...
‎واللي قهرني اكثر ابتسامتها
‎المـتمـرده..
‎وقفت وانا ارتجف من البرد واناظرها وهي تركض مبتعده..
‎مسح وجهه من الماء وهو يكح ..
‎مشي على نفس الطريق اللي هربت منه..متاكد انه بحــصلها ب السيارة..
‎ــــــــ

‎وصلت لسيارة وهي تلهث من التعب..
‎تحس قلبها يدق بقوه
‎تلفتت حولها وشافته جاي بتجاه السيارة..
‎تراجعت على وراء
‎اتجهت لـ شجره كبيره قريبه من السيارة..
‎وجلست وراها
‎تتخبى منه"..ياويلـي بيكفخني..بس احسن يستاهل ضغــطني اصلاً فراقك عيد ايه بتطلق منه واتزوج واحد كـفو.."اقشعر جسمها وهي تتخيل ان سلطان بيجبرها على وليد.."والله ان اموت اكرهه وليدوه عاد من غير شي امه واخته يكرهوني .."عضت شفايفها بندم لانها ذكرت اسم منـصور "ياويلك يااميرة ما لقيتي تستزفزينه الا بـ منصور..غمضت عيونها وهي تتخيل منصور واقف قدامها..وانه يكون زوجها ..حركة راسها بـرعـب ..لا يمه خلاص ما ابي اتزوج ولا اتطلق غصباً عليه الحمار يتحملني باقي عمري واعجز عنده وخله يبتـلش فينـي..مشكلته مو مشكلـتي..ايه وبكمل دراستي و اتوظف وبلا زواج بلاهم..ويعلنون الزواج بكيفهم اهم شي اقعد على قلبه."

‎وصل لسياره وماحصلها تلفت حوله ..وانتبه لظلها ورا الشجرة..تقدم بتجاهها
‎وتراجع قبل يوصل لها..
‎لانه عرف نفسه بيكفر فيها"بياذيها بقوه"اذا راح لها نفخ بقهر..
‎ودخل السياره فتح شنطة السيارة
‎اللي ورا"الصندوق الخلفي"
‎ونزل اخذ ملابسه الرياضيه الموجوده في
‎شنطته الرياضيه..ركب في المقعد الخلفي
‎وبدل ملابسه وهو يرجف برد..
‎لدرجة التجمد ..نزل بسرعه واتجه لها ..
‎كانت جالسه وهي ضامه رجولها لحضنها..
‎وتتكلم مع نفسها بصوت خافت..
‎تكى على الشجره وركلها برجله بخفيف ينبهها بوجــوده..
‎نقزت من مكانها بخوف..
‎ولصقت ب الشجرة/اااااا انـ نـ نـ ن مـ مــ م "بعلت
‎ريقها وهي تشوفه يقرب منها و وجهه احمر..تكلمة بسرعه"ماكان قصدي
‎ادفك بس انت استفزيتني..
‎سلطان مسكها من كتوفها/اششش
‎رفعت يدها على وجها وغمضة عيونها تحتمي
‎خوفاً انه يصفقها..لكن اللي
‎صار كان غـيـــــــر

‎تفاجأة به يحركها بقوه وبسرعه وهو
‎يفسخ الجاكيتها منها..
‎اميرة شلها الرعب لعدم استيعابها اللي يسويه..
‎بعد مانزل الجاكيت منها دفها بعيد عنه ولبسه
‎وهو يدفــي نفسه و أاشر لها تلحقه..
‎ارمشت اكثر من مره وهي تحضن نفسها
‎من الهواء البارد اللي لفحها.. لحقته بسرعه لسيارة
‎اول ما فتحت الباب بتركب قدام..
‎سلطان وهو ياشر لها على
‎وراء/ان اتشو(عطس بقوه.)كح.. انقلعي وراء
‎سكرت الباب بهدوء وركبت وراء...
‎سلطان بقهر/ حسابي معك بعدين...اجل لساتك
‎تذكرين منصور!...هين
‎التزمت الصمت وماردت عليه
‎لو تكلمت بتستفزه اكثر..وهذا غير رعب اللي سيطر عليها
‎..والله ان يذبحني ويقطعني ..حسبي الله عليك يامنصور ما لقيت انزفزه الا ب اسمك..
‎حرك السيارة بسرعه حتى صدر صوت صريرها..

‎حرك السيارة بسرعه حتى صدر صوت صريرها..
‎مما اثبت ل اميرة اشدة غضبه..
‎اتصل ب لمياء وطلب منها الخروج
‎لمياء بزعل/بس انا لسى ما انتهيت!؟
‎سلطان بحده/قلت لك اطلعي ل انزل واسحبك مع شعرك
‎لمياء /طيب طيب ..
‎نزلت وركبت السيارة وهي ملاحظه الجو المشحون..
‎لمياء بستغراب/سلطان!! ليش وجهك احمر!!وعلام شعرك غرقان كذا!!
‎سلطان/ممكن تنكتمين..
‎لمياء عصبت عليه/سلطاااان
‎سلطان/جب
‎لفت لأميره بعصبيه/انتم متخانقين!!! اميرة حركة راسها بغباء وهي تاشر لها تسكت
‎لمياء نفخت بضجر..
‎اميرة فتحت شنطتها الصغيره....
‎وقلبت بيدها
‎الحبوب بتردد..لازم اكلها عشان اهرب من غضبه..بس بكذا بزيد النار حطب..
‎لا يابنت اعقلي..ايه خلاص مابكل الحبوب
‎المنومه اذ كليتها بيكتشف اني رجعت لها من
‎جديد بعد اكتشف اني استعملها...

‎وصلو للفندق ونزلو بهدو..
‎اول ماطلعو لفوق كان عزام بينزل..
‎عزام قرب منهم/وين كنتو!!!من صباح الى الحين!!
‎لمياء تتحلطم/طلع الاخ يقال انه بيمشينا وختموها بهواش
‎سلطان/انتي محد يتجمل فيك!!!
‎عزام/خلاص انت وياها ابوي يسال عنكم تعالو الغرفه..
‎اميرة تنفسة براحه..انا بسبقكم له..
‎مشت بسرعه بدون ماتنتظر سلطان
‎اللي كان يناظرها بقهر..
‎دخلو جناح عبدالعزيز..
‎وجلسو يسوالفون كلهم..
‎مشعل منسدح على فخذ امه/والله محد ماخذ راحته الا ذيب
‎اميرة كانت جالسه جنب عبدالعزيز..وب محاوله انها تشاركهم سوالف بدون متهتم لخوفها من سلطان/ليه وينه!!؟
‎مشعل/من صباح اخذ نوف وطلعوو ..امس شفته يحجز تذكرة قطار ل فلورنسا
‎لمياء بقهر/لو ادري طلعت معه هو ونوف اقلها اوسع صدري واضحك عليهم شوي..
‎عبدالعزيز/هذاك طلعتي مع سلطان مايكفيك!!
‎لمياء تناظر سلطان بطرف عين/سلطان صاير نفسيه بقوه الابتسامه عنده بفلوس..يا اخي اضحك تضحك لك الدنياء
‎سلطان دف راس مشعل وانسدح على فخذ امه وغمض عيونه بدون مايرد عليها..
‎نوره تلعب بشعره/ويه هذا شيخكم..وانتي يا العايبه ذيب لو رحتي معه دجك وش يبي فيك ونوف معه..ف احمدي ربك محد عطاك وجهه الا سلطان
‎لمياء تتحلطم وبدون متحس/ والله لو مها هنا ان يسحب علينا كلنا و..
‎قطعت كلامها من نظرات عزام الحاده له
‎سكتت لثواني وهي تستوعب كلامها..عضت شفايفها وهي تشوف سلطان يوقف
‎لمياء ب احراج/سوري ماكان قصدي..سلطان زعلت!!؟ سلطان ومشى متجه للباب /ي الله عن اذنكم بطلع انام من امس مانمت زين..
‎عبدالعزيز/نوم العوافي..
‎اميرة تنهدت براحه انه طلع..لاكن سرعان ماتحولت راحتها لرجفه بعد ماالتفت عليها سلطان..
‎سلطان بامر/امـيــرة تعاالي ابـيـك
‎اميرة هزت راسها بطيب..وقلبها بيوقف من الرعب
‎لمياء قربت منها /اموت واعرف وش سويتي عشان يعصب عليك!!!ولا بعد يبيك تجين معي الحين!!
‎اميرة برتباك/دفيته ف البحيره ..ووو وذكرت له منصور
‎لمياء شهقت ..وخبطت على راس اميرة/يويلكك...ما حصلتي الا منصور..اقول قومي له بسرعه
‎وقفت اميرة وطلعت وراء سلطان..
‎عبدالعزيز بستغراب/خـير وش صاير!!
‎لمياء وقفت بتهرب/ماصار شي عن اذنكم...

‎وقفت قدام باب غرفته بتردد..
‎سمت بالله ودخلت..
‎شافته جالس على السرير..
‎ويكلم باالجوال..
‎سلطان/اكل زين...يعطيك العافيه تعبتك معي...ماتقصرين هذا العشم فيك..لا خليه ينام الليله عندك تعبان ومالي حيل اجي اخذه..الله يسلمك..في امان الله...
‎واقفه على جنب وعقد حواجبها بفضول "من يكلم!!"
‎قفل جواله وانسدح على ظهرة ورجوله متداليه من السرير..
‎سلطان غمض عيونه وبامر/نزلي جزمتي

‎اميرة طيرت عيونها فيه..قبضة كفها بقوه..
‎تقدمة منه ونزلتها بهدو وهي تظبط نفسها..
‎سلطان /و جواربي..
‎تنهدت ونزلتها..وقفت وهي تنتظر بقلق الشي اللي يبيها فيها..مو معقوله مناديني عشان افصخ جزمته..اكيد عشان يحاسبني على اللي
‎سويته فيه..."يمه اعصابي مشدوده يبي يضرب يضرب يبي يصارخ ف يصارخ بس لا يلعب بعصابي كذا..ابي اخلاص منه اروح غرفتي واجلس مع نفسي.. سلطان وهو حده مصدع/عطيني كاس ماء وحبوب الراس بتحصلينها في جيب الشنطه الخارجي

‎عقدت حواجبها وهي تلاحظ شحوب ملامحه..
‎جابت له كاس ماء والحبوب..
‎جلس بكسل واخذهها منها اكل حبتين.. اميرة بقلق مدت يدها بجراءه وهي
‎تلمس جبينه..ابعدة يدها بسرعه وهي تحضنها..
‎برتبك وخوف/ سـ سـ ســلطان حـ حـرارتك مـرتـ تـفعه
‎وقف وابعدها عن طريقة/انقلعي لغرفتك..
‎.. دخل غرفة التبديل
‎هو يحس بجسمه متكسر هذا غير الصداع ودوخه..بدل ملابسه ..
‎طلع وتفاجاء فيها باقي واقفه
‎نتهد بطفش/ماقلت لــك اذلفي لغرفتك..
‎اميرة تجاهلته وتقدمة له وهي تشوفه يترنح في مشيته ..مسكت يده وسحبته معها على السرير ابعدت المفرش وجلسته عليه/بروح انادي ماما نورة او اتصل في الطبيب..
‎سلطان انسدح ومسك يدها وبتعب/لا يويلك لو قلتي لـ احد بنام اذا صحيت بكون بخير..
‎اميرة بخوف/بس انت تـعبان
‎سلطان انقلب للجهه الثاني وبصوت مبحوح/كلها من تحت راسك ولا حد يسوي سواتك!! دفيتيني ف البحيره اللي درجت برودتها تحت الصفر..
‎اميرة جلست بزعل على طرف السرير/والله مـا كـان قصدي..ســ...

‎قاطعها/معه اللي جاكم
‎عقدت حواحبها بستغراب وهي تقرب منه/وش ما فهمت!!
‎سلطان وهو فاتح عين ومغمض الثانيه/بتروح معهم..شماغي...بجيك
‎هزته من كتفه /سـلــطــــان!!!!
‎قلب على ظهره بتعب/هاا...طيب طيب
‎اميرة زمة شفايفها /انت تهذي!!!
‎فتح عيونه على خفيف مد يده لها
‎وبهمس/تــعـالــي
‎مسكت يده/ايوه انا هنا!!
‎سحبها له حتى طاحت بحضنه /اشـتـقت لـك
‎اميرة كانت فاتحه عيونها بصدمه
‎وعدم استيعاب..حاولت تسحب نفسها منه
‎لاكنه شدها له اكثر بنفس الهمس/لا تتركيني تعبان حيل
‎اميرة هدته ومسحت على راسه/سلامتك ..خلني اروح انادي الدكتور اذ كنت تعبان مره
‎هز راسه بلا....
‎سلطان بهمس/ليش رحتي!!
‎اميرة /ما رحت!!انا هنا
‎سلطان /فقدتك حيلل حتى نواف اشتاق لك.. يبون يخطبون لي اختك...بس انتي مالك بديل
‎اميرة ابعدت نفسها عنه بضيق
‎وهي تستوعب انه كان يتكلم عن مها..
‎وقفت ونزلت بسرعه
‎سمعته يناديها ب مها بس ما اهتمت..
‎رفعت سماعت الغرفة وهي تطلب خدمة الغرف..طلبتهم ثلج و مويه..
‎بعد دقايق وصل الثلج
‎والماء..اخذت لها فوطه صغيره..
‎وجلست قريبه منها وهي حابسه دموعها
‎كان شبه نايم ويهذي..
‎وماكان واضح من كلامه الا مها واسماء لناس ماتعرفهم

‎حولت تربط بين الكلمات اللي يهذي بها بس مقدرت..كلامه غريب وبعض كلامته ينطقها الفرنسي والانجليزي وبعضها تطلع معه خطاء..
‎واكثر اسمين يرددها اسم مها و سعود.."حتى لذكري في حلامك مالها وجود!!!ولو كان ب الهذيان!! وين صرت في قموسك وتحت اي صنف مدرج اسمي !! من ضمن احبابك!!او اصحابك او اهلك!!او خلانك!! او عـدوانـك !! من اكـون بـنسبه لـــك"
‎غمضت عيونها تحبس دموعها لاكن دموع الخيبه والخذلان كانت اقوى واكثر تمراً -
‎كملت تكميده
‎وبين كل فتره وفتره تغير له الكماده..حتى انخفضت حرارته ونام بهدو وسكينه
‎رفعت معصمها وهي تشوف الساعه 1:40
‎وقفت واتجهت لغرفة
‎التبديل بتجهز له ملابسه لأجل اذا صحى ياخذ له شور يخفض حرارته..
‎فتحت الكبت وطلعت تشيرت رصاصي ..
‎شدت عليه بقوه وهي تحس بصورة تتشوش قدامها
‎اميرة وهي تستند على الكبت/بسم الله..اه راسي ..الارض تدور..
‎جلست على الارض وهي مسنده ظهرها على كبت..دوخه قويه وجسمها ينتفض ..
‎انسدحت وهي تحس المكان يدور فيها..
‎لثواني وبدات الدوخه تخف..
‎حاولت تجلس بس راسها ثقيل..
‎نغزات بعيونها اذا حركتها بإتجاه اليمين او اليسار..
‎غمضتهم بقوه..
‎والالم بدا يخف تدريجيا وقبل تجلس سبقها النوم واخذها لعالمه
‎غفت بدون ماتحس على السراميك البارد

‎الساعه 3:20
‎صحى بكسل وجسمه مكسر
‎جلس وهو يتمغط ويكح بتعب/اوه يا صداع والزكم ..اتشوو(عطس)
‎اخذ له منديل..ورفع جواله..فتح عيونه بستغراب/اوب من متى وانا نايم!!كل هذي اتصلات..
‎قلب في المكالامات اللي اغلابها من بدر وبندر وبسام..دخل قروبهم ف الواتس تنهد براحه ..بعد متاكد ان سبب اتصلاتهم كان بسبب انهم يبونه يطلع معهم ..
‎اتصل على بدر بعد ما شاف ان اخر ظهور له قبل ربع ساعه..
‎رد بدر بزعل/هلا
‎سلطان بصوت مبحوح/هلابك..
‎بدر عقد حواجبه/نايم!!يا الشيخ وانا قلبي الصغير محترق عليك خفت ان وحده من الايطاليات خطفتك
‎سلطان ابتسم بتعب/ههه وانت الصدق خطفني التعب
‎بدر/سلامات عسى ماشر ياخوك
‎سلطان /الشر مايجيك ابد حراره وصدع وزكام اجتمعو
‎بدر/لاه سلامتك والله وكيفك الحين
‎سلطان يكح/والله يخوك تعبان
‎بدر/انت في روما وجوها بارد ولبسك كانه وجهك ما تدفي نفسك..
‎سلطان/بلاك معرفة وش صار ولا انا ادفي نفسي ومتعود على الجو
‎بدر /تدري وشلون انزل لي انتظرك تحت نمر الصيدليه تخذ لك دواء ونطلع نجلس لنا في مكان رايق
‎سلطان وقف بكسل واتجه لغرفة التبديل/دكتور بدر بدا مهمته ها
‎بدر/اقول انزل ولا يكثر
‎سلطان /يالله جايك بس ترا ..
‎قطع كلامه هو فتح عيونه بصدمه وهو يشوفها منسدحه على الارضيه للحظات حس
‎انه يتخيل او ان الحراره ماثره عليه..
‎نزل الجوال وقرب منها جلس هو نصب ركبته وجلس على الثانيه..
‎قرب يده من وجها وهو يتلمسه يريد يتاكد اذ كانت خيال او حقيقه..
‎هزها من كتوفها هوو مستغرب وجودها هنا..
‎و ب الاخص وجودها بغرفته..
‎سلطان/اميرة
‎تحركت بكسل..
‎رجع يهزها اكثر وهو يسحبها يجلسها..
‎سلطان /اصحي
‎فتحت عيونها بعدم تركيز..ورجعت تغمضهم..
‎هزها على خفيف/اصحي
‎فتحت عيونها بسرعه وهي تتلفت حولها..
‎ثواني بسيطه وبدات تستوعب اللي
‎صار..
‎اميرة بقلق /انـت بـخـيـر!؟
‎سلطان وقف و وقفها معه/ايه بخير..وش اللي منيمك هنا اصلاً وش اللي جابك غرفتي!!
‎اميرة لمست جبينه وتنهدت براحه/ حرارتـك انخفضت الحمدالله..اما ليش جيت هنا انت ناديتني امس لمى كانت بغرفة بابا عبدالعزيز..وجيتك وحصلتك تعبان..
‎ابتعد عنها وهو ياشر لها/خلاص تقدرين تطلعين صرت بخير
‎نظرته بزعل وصدت عنه اخذت حجابها ولفته على راسها وبدون ما تناظره/جهزت لك ملابسك تروش لإجل تخف حرارتك..ومر المستشفى او الصيدليه خذ لك دواء عشان تطيب بسرعه..
‎سلطان عقد يده على صدره
‎وهو راسم على شفايفه ابتسمه ساخره/وبعد
‎اميرة رفعت عيونها له لجزاء من الثانيه..ونزلتها بسرعه..وهي تتجه للباب/ابد سلامتك
‎فتحت الباب بتطلع

‎ما حست نفسها الا وهي تنسحب بقوه لداخل وصوت الباب يتقفل
‎وظهرها يظرب في جدار..وانفسه قريبه من وجها..
‎غمضت عيونها بقوه وهي تحبس انفسها..
‎سلطان هو مسند يده على الجدار
‎قريب من وجها../افتحي عيونك
‎غمضت عيونها اكثر وهي تهز راسها بلا
‎سلطان بهمس حاد/لستك تذكرينه!!....تحـبـيــنه!
‎اميرة استخرت ملامحها وفتح عيونها بهدو..وبنفس الهمس/لا
‎سلطان مسكها من كتوفها وضغط عليها/تـبـينه!!
‎اميرة/لا
‎سلطان بقهر/ليش ذكرتيه امس ليش تنطقين اسمه..
‎رجعت غمضت عيونها /اتـ تـركني
‎سلطان ابتعد عنها/لا ترتجينه حتى بحلامك
‎اميرة بتحدي كاذب/قريب بتنتهي سلطتك على يا سلطان.. وقتها ما تقدر تتدخل سوا كان هو او غيره في انهايه بيكون القرار لي
‎سلطان مسك فكها بقوه وقربها
..
‎في النهايه بيكون القرار لي
‎سلطان مسك فكها بقوه وقربها منه..وبحده/ادفنيني وارتجي قربه..هو او غيره وسلطتي عليك بتنتهى بين كفوف اللحد..
‎ابعدته عنها بعصبيه/روح تزوج شوق وفكني منك.روووح ."بغضب وجنون "و ايه احبه وارتجيه ..اقلها
‎هو يحبني لا مو بس يحبني الا يعشقني.."تتنفس بقوه"وبجنون اكبر"وبتزوجه هو ما غيره..لا تناظرني كذا انت تزوجت اللي تحبها وتعشقها..هو من حقه يتزوج اللي يحبها ويعشقها..وجعل اللحد بين كفوفه يضمك..
‎فتحت الباب وطلعت قفلته بقوه و ركضت بسرعه...
‎واقف بصدمه
‎مذهول مصدوم فتح عيونه على وسعها..عض شفايفه بقوه وعصبيه
‎ضرب بكفه على جدار بقوه..فتح الباب بيلحقها بس كان الممر فاضي
‎اتجه لغرفتها وفتح الباب بقوه دخل يدروها بس ماحصلها/ويــنهااااا... تـمـردت -

‎صحت بفزع من دق الباب
‎خالد رفع جواله بضجر/الساعه 3:30 من جاي لنا ذي الحزه!!
‎الهنوف بقلق/خالد قوم شوف من ..بسرعه قبل يصحون العيال
‎وقف بكسل /طيبب
‎فتح الباب ..عقد حواجبه باستغراب.
‎.وبخوف/ امـيـرة!!صاير فيكم شي!!!عمي بخيــر
‎اميرة نزلت راسها بإحراج وبهمس/لاا مـ مـم ک ن هـ هنــ وف
‎خالد/ايه اكيد تفضلي..انا بنزل تحت اجل واخذي راحتك..
‎اميرة بهمس/مشكور..
‎دخلت وهي تفرك يدها بإحراج..
‎الهنوف جالس تنتظر خالد يرجع بس تفاجئت ب اميرة اللي دخلت..
‎طار عقلها من الخوف وتاكده انه
‎صاير شي/ امـيـرة!!صاير فيكم شي!!!ابوي بخيــر

‎اميرة رفعت عيونها للهنوف ابتسمت /نفس كلام زوجــك..تـ تــطمني مو صاير شي
‎وقفت الهنوف وابتسمت لـ اميرة /عادة حليمه لعدتها القديمه..ها اموره اشتقتي تنامين عندي!! رفعت راسها لفوق وشفايفها ترتجف
‎وعيونها مشرقه/اامم ايه مره
‎فتحت يدها الهنوف /تعالي
‎اميرة رمت نفسها بحضنها وهي تحبس دموعها
‎الهنوف تمسح على راسها /وكانك اميرة اللي عمرها13 سنه في كل مره تتهاوش مع احد
‎تجيني تبكي..اميرة اللي ادنى كلمه تجرحها وتزعل اللي كانت توافيني بكل تفاصيل يومها ب المدرسه والبيت ..بس كانت كل ماتكبر تخبي شي حتى
‎صارت ماتقول لي ولا شي
‎اميرة غمضت عيونها/ليتني ما كبرت
‎الهنوف تجلسها وتمسك يدها بحنان/ليش!
‎اميرة/طفولتي كانت اجمل وهمومي كانت اصغر
‎الهنوف/والحين وش اكبر همومك
‎اميرة نزلت راسها/خايفه
‎الهنوف تحاول تسحب منها الكلام وتشجعها تكمل/من!
‎اميرة هزت كتوفها ب مدري
..
‎اميرة هزت كتوفها ب مدري
‎الهنوف بإصرار /مـن!! اميرة غطت وجها بكفوفها وبكت/مدري مدري كل شي صار يخوفني..حتى نفسي اخاف منها..اشياء كثير صارت معي ماصرت اقولها ل احد..او ب الاصح ماصار عندي احد اقوله له
‎الهنوف/وانا وين من كل هذا!!ولمياء وذيب ومشعل وســلــطانك!!
‎اميرة رفعت رجولها وحظنت نفسها..وتكت بذقنها على ركبها/كل واحد منكم صار له حياته الخاصه و اهتمامته..انتي سافرتي وانشغلتي بزوجك وعيالك..وذيب ب زواجه..ولمياء بخطبتها..ومشعل ب اصحابه وقلبه و و س سـلـطان بـ ولده وشغله
‎الهنوف/واميرة!!وش انشغلت به!!
‎اميرة بسخرية/بـ الفراغ بـ ولا شي اصلاً وجودي صار ولا شي
‎الهنوف باستغراب/صار ولا شي!!لانه تركك وابتعد عنك!! اميرة رفعت راسها وبلعت ريقها/م مـن تقصد ين
‎الهنوف وقفت/اميرة انا اعرف كل شي
‎اميرة بخوف/تعرفين ايش
‎الهنوف/الايام الجاي انتي اللي بتختارين بيكون لك حياتك واختيارك بيكون له نتايج سواء سلبيه
‎او ايجابيه..اكيد عرفتي ان ابوي بيعلن
‎زواجكم وبعدها انتي تقررين اميرو ما اخفي
‎عليك من عمرك 16 ان ما واقفو خطب لك لكن ما
‎كان من حقك تعرفين او حتى تستشارين لانك على
‎ذمة سلطان ..والقرار
‎كان بيده ولا يزال بيده..

---

‎ليتنا توقفنا في تقاطع الاحلام
‎ورمينا هناك الاوهام
‎وانطلقت صافره الايام
‎فهنا تتسابق الاقدار
‎ فلنعش حياه خاليه من كل الالم )

‎اميرة دموعه نزلت بهدو وصدمه/تعرفين!!!ليش ما قلتي لي ان عندك خبر!! الهنوف بحكم/اميرة انتي كبرتي ومع الاسف الى الان مقدرتي تعتمدين على نفسكك تصرفتك طفوليه..اميرة لا اظنين اني ما اعرف ان سلطان متغير معك..
‎واعرف انك مـجروحه منه حيل..بس مع هذا اشوفك تضعفين اكثر واكثر..الدنيا مـ وقفت على سلطان ولا علي ولا مشعل وذيب ولمياء..
‎حددي موقفك واهدافك ومستقبلك..لا تعتمدين على احد منا الان مثل ماقلتي كلاً انشغل بحياته..بس مع ذالك مزلنا اهلك وناس واخوانك..صح علي ولا لك راي ثانــي!
‎اميرة مسحت دموعها/ صـ صـ ح عليك
‎الهنوف جلست وهي تربت على
‎كتف اميرة/صيري اقوى..كلنا حولك..وتغير سلطان ف اكيد له اسبابه امكن غلطتي بشي وزعله او يخاف يفقدك مثل مها لاجل كذا يحول يرسم خطوط حــمرا بينك وبينه
‎او لسبب نجهله ..وبعدين يا امي مو مهم هو ليش تغير المهم انتي تتغيرين
‎اميرة عقدت حواجبها بحيره/اتـ تـ تـغـير!!
‎الهنوف وقفت وسحبت اميرة و وقفتها قدام المراية..
‎الهنوف وقفت خلف اميرة ومسكتها من كتوفها/بالله هذا شكل بنت عمرها عشرين سنه!!! انا ما اشوف الا وحده عمرها 14 سنه
‎اميرة زمت شفايفها بزعل
‎الهنوف/لا تناظريني كذا يا امي البنات من يدخلون المتوسط وهم يهتمون ب اناقتهم لبسهم شكلهم..اما انتي حتى الالينر ماتعرفين ترسمينه زين اذا تكرمتي وحطيتي مسكره هذا غير ملابسك اللي تميل لـ الرسميه.. اميرة/وش اسوي!! انتي تعرفين ان سلطان
‎مانعني ومايرضى
‎الهنوف/تذكرين!!مها كيف كان لبسها وشكلها!!كانت قمه في الاناقه وكانها مودلز..ومكياجها كل يوم
‎شكل..وشعرها وعطورتها الفرنسيه..ما سمحت
‎لسلطان انه يفرض قوانينه عليها ب العكس هي اللي فرضت نفسها بقوانيها هي..ف الى متى بتضلين الطفله اللي ترضخ ل اوامر ابوها!!ليش ماتكونين البنت العنيده المتمرده
‎اللي تفرض رايها وترضخ ابوها لطلباتها اللتفت
‎لـ الهنوف وبإبتسامه غريبه/الهنوف انا حلوه!!
‎الهنوف رفعت حاجبها
‎بإستعراب/مو حلوه وبس الا جميله واميرة البنات بعد
‎اميرة ابتسمت بقوه وهي تنط على الهنوف
‎وتحضنها بقوه
‎الهنوف تراجعت على وراء وهي توازن نفسها وتلم يدها حوالين اميرة
‎اميرةكنت محتاجه هذا الكلام من زمان احس فقدت الثقه بنفسي /الهنوف....
‎الهنوف /عيونها
‎اميرة تشد عليها اكثر وهي تصارخ بصوت عالي وبحماس/احبكككك والله العظيم احبككك
‎الهنوف ضحكت على جنونها/ههههه خبله بسك راح تفضحينا
‎اميرة ابتعدت عنها فجاءه وضحكتها تلاشت/الهنوف
‎الهنوف استغربت تبدل حالها/وش فيك!
‎اميرة جلست باحباط/ســاعـدينـي..كلامك عزز ثقتي بنفسي..بس التطبيق صعب
‎الهنوف /مافيه شي صعب و انا معكك وبساعدك وتتغير اميرة لأجل نفسها هي مو لإجل احد ثانــي..عيشي لنفسك وحبي نفسك وكوني واثقه من نفسك عشان الكل يثق فيك ويحبك..لا تسعين ترضين الناس ارضي نفسك عشان الناس غصب ترضى ..
‎اميرة هزت راسها وهي مقتنعه بكلام الهنوف
‎الهنوف تتثاوب /الله عليك شوفي كم صارت الساعه 4 ربع ساعه و ياذن الفجر -

‎وقف في الممر وهو بينجن"وين راحت الخبله.."
‎نقز من مكانه بعد ما حس بضربه على كتفه..
‎سلطان يفرك كتفه/حسيبك الله يا شيخ خلعت كتفي
‎خالد يضحك/ههههه وش عندك تدوج ذي الحزه..هههه و وراء صوتك كذا
‎سلطان يحك/تعبان شوي حراره وزكام..
‎خالد يلمس جبينه/يابري حالي يا خوك لاتكون تمشي وانت نايم
‎سلطان /لا طلعت اأاأاأاأاا ابي انزل لبدر تحت.. وانت
‎خالد /ابدا اختك جايتنا ذي الحزه تدور السوالف
‎سلطان بتوجس/من اختي!
‎خالد/اميرة
‎سلطان بغضب/هي عندكم!!؟ وانا لي ساعه ادورها
‎خالد بإسغراب/تدروها ليه!!اجل هاربه منك..وش انت مسوي لها ياخي فك عنها
‎سلطان تنهد/خالد روح نادها الله يرضى لي عليك..
‎خالد مشى /ابشر..مشكلة اللي يتورط مع نسايب مثلكم ماتخلون الواحد ياخذ راحته
‎سلطان/ههههههه اعجل يارجال محد ماخذ راحته كثرك من ديره لديره وين مني لو انت ساكن ب الرياض كان كل يوم طابين الاهل عليك
‎خالد بلكنه غريبه ف نطق/بشكررركا يارباه

‎دق باب غرفتهم
‎اميرة قربت من الباب /من
‎خالد/اميرة اطلعي ل اخوك يبيك
‎اميرة /من اخوي!!هذي تصريفة ولا وش
‎خالد/احسني الظن..لا سلطان يبيك روحي له وبعدين كفايه نص ساعه حارمتني من زوجتي
‎اميرة بجديه/خــالــد
‎خالد اتعدل بوقفته من نبرة صوتها/هلا!!
‎اميرة/اذلف لولد عمكك ونام عنده معليش يعني تحمل الليله بس
‎خالد تلفت وراه/من يذلف!!أنـا
‎اميرة مسكت ضحكتها/في احد غيرك واقف وراء الباب
‎خالد بهبال/لا
‎اميرة /اجل الله يستر عليك نـشوفك بـكره الظهر
‎خالد يمثل العصبيه/كلامي مو معك ...الهنوووف
‎الهنوف /حبـيبي خالد
‎خالد /اويل قلب خالد انتي انا قايل مستحيل تتحمل بعدي عنها
‎الهنوف/بـعد قلبي انـت اشوفك بكره الظهر قدنايت بيبي -
‎خالد/ رحمـتاكـا يارباه..اميرة بسمح لك ذي المره بس عيديها مره ثانيه قسم انه من شباك الفندق..هذاني قلت لك ..هي انا اتكلم!! اميرة و الهنوف سحبوا عليه وطلعوا للبرنده يكملون سوالف..وسحبوا على خالد برا اللي يئس ان احد يرد عليه ورجع لسلطان وهو يتحلطم
...

‎الساعه 10:00
‎صحى من النوم
‎بنشاط وحماس
‎اليوم مصيري وعليه يتحتمل كل شي
‎لازم ينجحون ما يتركون لـ نسبة للفشل لو 1%
‎بدل ملابسه بقميص رسمي اسود
‎وبنطلون اسود
‎اخذ شنطه صغيره على الظهر وجمع فيها اغراضه..
‎اتجه لغرفتها هي ولمياء
‎تردد لثواني..حب يودعها
‎قبض على كفه وتراجع واتجه لغرفه ابوه وامه..
‎دق الباب وحصله مفتوح

::::
::::
::::
::::
::::

انتهى البارت

دمتم بخير

تعليق

رايكم

تصويت للبارت