رواية بين آمسي والقدر خانها الحظ وغدر/ للكاتبة غلا g_rwa12@ / مكتملة❤💕 الفصل الثالث عشر 13 - بقلم Somemon11

‎البـــــــــارت الثالث عشر

........
..
‎أتجاهل كل أشيائك
‎وأصد عن كل الدروب
‎التي قد تأتي بكـ ..
‎لكي لا تقرا مافي اعيني افرر منكـ لـ أخفي كل ألمي وامنعكـ
‎من مشاهدت حقيقتي .. انا أخشى مواجهتكـ
‎بكل تفاصيلها ، " !
‎وبرغم من كل شئ ، .
;;
;;

‎تمشي وهي تترنح في مشيتها..
‎دموعها وقفت تحس بفراغ كبيـــــــر..
‎برود وجمود يجتاحها.. ضربات قلبها ثابته..
‎ما اتعبها ک العاده ...
‎وقفت في بهو واسع يحتوي على جلسات متوزعه..ولكل ركن ديكوره اللي يميزه..
‎وكانو حريم وبنات العايله متجمعين..
‎ويسلمون على وحده ...
‎ضيقت عيونها تحاول تميز شكلها..
‎وبهمس/الهنوف!! ابتسمت ابتسامه باهته ..اتجهت لها وهي تشوف لمياء حاضنه الهنوف.
‎. ابتعدت الهنوف عن لمياء وهي تصرخ بفرحه/اموووره
‎اميرة مشت ببطى لها وهي كل مالها تفقد القدره على انها تشوف اللي قدمها..وقفت مكانها..
‎وهي تحس ب الهنوف تحضنها
‎الهنوف /وحشتيني وحشتييني حيل..
‎اميرة تعلقت فيها وبهمس/ما اشوف...هـنوف انـ..ـا ما اشــ... اشــوف
‎الهنوف رفعت راس اميرة وهي تمسك وجها وبخوف شافت كيف عيون اميرة تتحرك بدون هدف....
‎الهنوف حضنتها بقوه بحكمه همست لها/تقدرين تمشين!!
‎اميرة هزت راسها ب ايه
‎الهنوف حوطت اميره من كتوفها ومشت فيها /عن اذنكم مشتاقه اجلس مع خواتي..لمياء تعالي

‎طلعت الهنوف ب اميرة ولمياء تتبعهم وهي مستغربه طريقة مشي اميرة ..
‎لمياء /اميروه عدلي وقفتك وش فيك تمشين كانك سكرانه..
‎اميرة بدت تحس بخمول ارخت جسمها وجلست على الارض
‎الهنوف نزلت معها وجلست جنبها..وهي تسمي عليها..
‎لمياء جلست بسرعه وهي تفحصها بشكل سريع..
‎لمياء بقلق/نبضها تمام وتنفسها منتظم!!وش فيها اجل..
‎اميرة تبعد يد لمياء وتنسدح على جنبها/ديخه شوي ..
‎الهنوف بخوف/لمياء تقول ماتشوف..
‎اميرة ماكنت مركزه معهم تسمع اصوتهم بس ماتدري وش يقولون..تحس راسها يدور وصداع مع نغزات في عيونها وطنين في اذنها...
‎لمياء/ساعديني نوديها الغرفه...ونستدعي وحد من الاطباء الموجودين على السفينه
‎الهنوف/مابنقدر نشيلها اخاف نطيحها..
‎سلطان كان يتجول في السفينه ويستكشفها ...
‎وتفاجئ من جلوس الهنوف ولمياء في الممر..
‎قرب لهم وعقد حواجبه وهو يشوفها منسدحها
‎سلطان رفع حاجبه/وش فيها!!؟
‎لمياء /جابك ربي ساعدنا نشيلها لغرفتنا ترتح
‎جلس على ركبه والثانيه ناصبها..رفع راسها ..وهو يضرب على خدها/اميرة..
‎فتحت عيونها ونظراتها تايهه..
‎سلطان عقد حواجبه ونظر ل لمياء ينتظر تفسير..
‎لمياء/سلطان تقول ماتشوف شي ودايخه
‎سلطان انحنى ..رفعها يده اليسار تحت ركبها و اليمين تحت راسها شالها وقبل يستقيم في وقفته..اميرة استنشقت ريحت عطره المميز ..
‎وبحركه مفاجاه من اميرة دفت نفسها

‎الهنوف تمسكها /اميره وش فيك هذا سلطان
‎اميرة وهي تجلس وتمسك ظهرها/و الكوبه اه الله ياخذك
‎سلطان فتح عيونه على وسعها..عض شفايفه بقهر منها
‎وهو يشوفها تحاول توقف بس ماقدرت..
‎قرب منها بسرعه وشالها وهو يحكم مسكتها..كانت تحول تحرر نفسها منه لكن كان اقوى منها ..اسندت راسها على صدره بتعب وهي تهمس/ا ك رهك
‎وصلها للغرفه ونزلها على السرير وغطاها ..
‎غمضت عيونها ترتجي الراحه لكن دموع خاينه انزلقت على خدها ..وسبقت نزولها يد سلطان اللي مسحها ..
‎لمياء طلعت تنادي الطبيب(رحلات كروز مزوده بطاقم طبيب)
‎سلطان جلس على طرف السرير..
‎وبهمس/ليش الدموع!!
‎اميرة تنقلب للجهه الثانيه/انتهى حقك في السؤال..
‎الهنوف طلعت من الغرفه
‎تخليهم على راحتهم اكيد بتكون بخير
‎مع سلطانها...
‎سلطان/انتي حقي ولي وملكي وماينتهي حقي الا بدفنك ولا تكفيني
‎اميرة غطت وجهها ب المفرش وبغضب/جعلهم يكفنونك وبـ القبر يدفنونك ومنك يفكوني..
‎سلطان ضحك بصوت عالي/ههههههههههه ماخبرتك حقود ..بشويش على قلبك بشويش
‎اميرة حركت يدها بعبث تبي تضربه لكن مشوش على عيونها
‎مسك كفها وظغط عليه..
‎شافها تسترخي ويدها تثقل..
‎طلع بسرعه يستعجل الدكتور..
‎دخل لها الدكتور وكشف عليها ..صرف لها علاج..
‎واعطاها حبوب تهديها..
‎سلطان وهو عاقد يده على صدره(E)/دكتور كيف صحتها!!
‎الدكتور(E)/ستكون على ما يرام ارتفاع في معدل الظغط ..
‎لمياء بقلق/دكتور لكن هي لم تكون تستطيع ان ترا
‎الدكتور/هذا طبيعي مع شعورها بدوار وكذلك الظغط اثر على بصرها ..لا تقلقي ستكون بخير بعد ان تنام وتاخذ لها قسطاً من الراحه..
**
‎شكرو الدكتور وطلعو من الغرفه
‎تاركين اميرة تغرق في نوووم عميق ..
..
‎مر يومين على وجودهم في كروز
‎وكانت من اجمل ايامهم خصوصاً انها قربت بينهم..
‎اميرة تحسنت صحتها..
‎وكانت تتجنب المواجهه مع كلاً من ذيب وسلطان ومشعل..
‎و وجود الهنوف اللي تعتبرها اميرة ام لها
;;
;;
‎على ظهر السفينه
‎كان سلطان وبدر في الدور الثاني من السفينه وسلطان متكي على السور اللي يطل على المسبح اللي بالدور الاول ويراقب الشباب يسبحون
..
‎وفي الطرف الثاني من الدور الاول..
‎كانت جالسه ..وتحس نفسها صارت احسن
‎البرود اللي غلفت نفسها فيه ريحها..
‎وفي نفس الوقت ودها تروح لسطان وتكفخه..تحس ودها تتهاوش مع احد..
‎وقفت وهي تشوف هيفاء وشوق..
‎واقفين ويصورون بجوالاتهم..
‎""الثنتين هذولا رفعو لي ظغطي الايام اللي راحت
‎يكرهونها بشكل..هذا غير الدقات ب الحكي يحاولون يستفزوني..طيب طيب والله لوريكم..""
‎قربت منهم اكثر وهي تشوف هيفاء تصور سناب ومركزه على سلطان وهي تتكلم .

‎هيفاء/وهذا الجنتل هو سلطان وبيكون زوج ل شوقتي
‎شوق/لاتصورينه اغار ههههههههه
‎اميرة فتحت عيونها على وسعها..
‎ماتدري ليش حست ب الغيره"زوجك هاا والله لأربيك"
‎استغلت وقت شوفتهم لتصوير الفديو قبل ينزلونه بالاستوري
‎قربت اكثر وسوت نفسها تعثرت وبكفها ظربت الجوال ..اللي طاح على الارض
‎هيفاء و شوق شهقوا
‎هيفاء نزلت بتلقط جوالها من الارض/جوالي!!
‎اميرة بسرعه نزلت وسوت نفسها بتشيله ..ودفت بقوه حتى انزلق وطاح من تحت السور في البحر..
‎هيفاء وقفت وركضت بسرعه وهي تشوف
‎انه انغمس في البحر..
‎لفت بغضب على اميرة
‎هيفاء بصرااخ/وش سوووويتي
‎اميرة عدلت وقفتها وهي تتصنع البراءه/اوه طاح !؟سوري ما كنت اقصد..
‎شوق بصراخ/كل هذا ماتقصدين
‎الشباب اللي وقفواسباحه واللي وقف
‎سوالف يراقبون الوضع..ونفس الشي البنات..
‎اميرة ببرود/يب..
‎هيفاء بغضب قربت منها وهي تصرخ في وجهاا وتحرك يدها بغضب/انتي حيوانه تدرين!!كل هذا
‎حسد لأن ما عندك جوال!!كان طلبتيني وبشتري لك
‎اخر جوال نازل اميرة وكانها لقت لها عذر تصب فيه
‎كل غضبها وكتمانها طول الايام اللي راحت..
‎رفعت يدها وبكل قوتها اعطت هيفاء كف طيحها على الارض

‎الكل في حاله من صدمه في اميرة
‎البنت المسالمه الهاديه تتمشكل!!
‎سلطان كان يراقب الوضع من فوق بكل
‎برود عطاهم ظهره وتكى على السور بظهره..
‎هيفاء صرخت وهي تبكي وتسب في اميرة ..
‎اميرة اعطتهم ظهرها ومشت شافت مشعل يطالعها وهوو ياشر لها ب ابهامه علامه على الاعجاب..
‎اميرة ابتسمه له بقوه وغمزت عينها له...
‎في لحظات غفله من اميرة..
‎هجمت عليها شوق من وراها وسحبتها مع شعرها من فوق الحجاب...
‎ثواني مر الهدو عم المكان...
‎سلطان استغرب الهدوء المفاجئ للمكان.
‎.بعد الصراخ والهواش..
‎وقطع الهدو همسه من بدر
‎اللي فتح عيونه على وسعها وهو يتامل/سبحانك ربي ما ابدع خلقك..
‎عقد سلطان حواجبه وقبل يلتفت سمع
‎تصفيره من بندر ب اعجاب.
‎التفت بقوه وهو مستغرب..وسرعاً متحول
‎استغربه الى غضب..
‎وهو يشوف اميرة جالسه وشعرها
‎الاسود الطويل يتطاير مع الهواء
‎وكانها في جلست تصوير..
‎وحجابها في يد شوق اللي واقفه بذهول.. رفع نظره ل بدر اللي وقف ونظرات الاعجاب واضحه
‎في عيونه..
‎نقل نظره على باقي شباب العايلة اللي
‎كانو بياكلونها بنظرتهم اللي ممتلئه ب الاعجاب..
...
‎.... سلطان بغضب ضرب بدر على كتفه /غــض بصركك

‎بدر حس على نفسه وصد احترام لـ سلطان
‎سلطان نزل بسرعه لتحـت.. **
‎اميرة وقفت وهــي تلم شعرها على جنب
‎وتسحب حجابها من شوق اللي كانت مفهيه..
‎قربت اميرة منها وبكستها على بطنها..
‎اميرة/ايــدك ما تنمد على المحـضور..
‎هيفاء هجمت على اميرة لاكن قبل توصل لها مسكوها البنات..
‎هيفاء تحاول تفلت منهم/فكوني عليها والله لربيها ..يدك ما تنمد على اسيدك يا ينت ال.....
‎لمياء مسكت اميرها تبعدها
‎عبدالرحمن (ابو الوليد)بصراخ/ شــوووق هيفاء!!!
‎شوق تبكي/يابوي هي المخطيه
‎عبدالرحمن سحب شوق معه لداخل وهو معصب
‎اميرة جسمها بدا ينتفض
‎رفعت راسها بشموخ وصدت عنهم ودخلت داخل
...
‎وصدفت سلطان وقف قدامها..
‎اميرة تنهدت/اذ بتهوش ف اقولك من الحين مالـي خلقك..
‎سلطان قرب منها هو يمسكها من كتوفها ويمشيها معه..
‎سلطان بهدو/ولو ماتتهوش سمو الاميرة
‎اميرة التزمت الصمت مشت معه
‎دخلها غرفته وقفل الباب..
‎نزل الحجاب من راسها وباسها على جبينها..
‎اميرة عقدت حواجبها بستغراب ..وهي تشوفه
‎يبتعد عنها ويتجه لتسريحه ..استخرج منها مشط.
‎واشر لها تجي تجلس..
‎سلطان بغربه/ليش ما ظفرتي شعـرك!!
‎اميرة جلست مكان ما اشر لها/معرف اظفره !!ليش تسال!؟
‎سلطان بغموض/اشتقت اظفره لك مثل قبل..
‎اميرة ابتسمت بشوق /صدق!!حتى انا..واشتقت انام واصابعك تلعب بشعري
‎ابتسم بجمود وهو يشر لها تجلس على الارض عشان يقدر يظفره لها...
‎جلست على الارض وسلطان جالس فوق الكنب..وبدا يجمع شعرها ويظفره..
‎عقد حواجبه وهو يتذكر اول مره ظفر فيها شعرها
‎كانت نقطه...حرك راسه ينفض شكلها من راسه...
‎اميرة كانت مسترخيه وكان تحريكه لشعرها خـدرهاا..
‎تذكرت مره كانت في غرفته قبل 6 سنوات نطق بكلام تموت ماتنساه كان يظفر لها شعرها وبعد ما انتهى منه
‎همس لها/نتــفق؟ إيــدك ما يمسّها أحد غــيري!! وعيُونك بس لــي!!؟وشعرك ماينظره ســواي!؟
..
‎رددت همسته في قلبها قبل عــقلها..
‎من يومها بديت البس الحجاب لاجله ..
‎بعلت ريقها بصعوبه وهي تحس شي ثقيل يطيح منــها
‎سلطان انتهى من تظفير شعرها..
‎مسكه من بدايته رفع المقص اللي كان يخفيه عنها..و بفهوتها ما انتبهت له هــو يدخله في جيبه قبل يستخرج المــشط..
‎مسكه وبدا يقصه بشكل سريع من اول التظفيره حتى صارت في يده وشعرها تنثر على وجـها..
‎لتفتت له بصدمه وهـي تشوف جديلتها في يــده
....
..
‎اميرة نزلت راسها وهي مصدومه عجزه عن النقط..
‎وقف سلطان ورمى عليها الجديله.
‎سلطان وهو يمشي بيطلع/هذي المره اكتفيت بقص شعرك المره الجاي بقص راسك...

‎"سـلطـان"
‎كان بيطلع بس حس بالم على كتفيه
‎من ورى تالم بقوه ..وحط يده على كتفه ..لاشعوري دار يشوف سبب لالم..كان المقص طايح على الارض..رفع عيونه لها ..كانت واقفه وجها احمر..
‎سلطان بغضب /انتــ...
‎قاطعته وهي تاخذ المخده وترميه فيها ..
‎سلطان تفادها بيده السليمه..
‎لاكن مقدر يتافدا المشط اللي ضرب على بطنه..
‎كانت تتلفت تدور اي شي تضربه فيه..
‎وكل شي طاحت يدها عليه حذفته عليه..
‎وقفت وهي تصارخ بكل صوتها
‎وتشد من جسمها حتى برزت عروق وجها ورقبتها..
‎سلطان بصراخ/خلاص يامجنونه اششش
‎اميرة نزلت اخذت شاحن طايح على الارض/اشش انت الله يخذك الله يخذذكك ما احبككك
‎سلطان قرب منه بسرعه قبل ترميه بشاحن اللي ظرب طرف السلك بعينه..
‎لاكنه قدر يمسكها..
‎وقفها معه وهو مسك ايديها..
‎اميرة/فكني فكني
‎سلطان هو معصب /اشش اهدي
‎اميرة وهي تحرك راسها بجنون وتصارخ
‎سلطان عقد حواجبه بضيقه
‎من صراخها وسحبها بقوه وهو يحظنها
‎ويدفن راسها بصدره عشان يكتم صراخها

‎اميرة تحول تحرر نفسها بس كان مثبتها بقوه.
‎.ومكان لها طريقه غير انها تعضه بقوه في صدر..
‎ارتخت يده عنها وهو يبعد راسها عنه..
‎استغلت من تخفيفه من ضمهتها
‎ورفعت راسها و وقفت على اطراف اصبعها وقربت من وجهه بسرعه وعضته بكل قوتها على خده
‎سلطان تالم وحاول يبعدها لاكن كل
‎ما حاول تزيد الظغط عليه اكثر حتى حس بسنونها تنغرز داخل خده..
‎ما كان منه الا يلف يده على خصرها
‎وهو يغرس اظافيره بحده فيها وهو يظغط بقوه..
‎اميرة تالمت بقوه وزادت من عضها له..
‎حتى نزلت دموعها على خدها لتنتقل وتكمل طريقها على خد سلطان..
‎ابتعدت عنه وهي تلم يدها فوق يده
‎وتحول تبعدها عنها لا كانه زاد من الضغط ..
‎ف ما كان منها الا انها تلم يدها
‎حول خصر سلطان وتسند راسها عليه وهي
‎تحضنه..وهي تبكي بصوت عالي ونياح..
‎ابعد يده عن خصرها وهو يتنهد بضيق..
‎رفع يده اليمين بتردد وهو يحضن فيها
‎راسها واليسار حول كتوفها..
‎اميرة وهي تشهق وببكى/سـ سـ سـ سـ..ـامحـني و و و و الل ااالله مـ مـ عيدها
‎سلطان بضيق/اشش خلاص سامحتك بس حذرك على حجابك..
‎اميرة/لا لا لااا م مو على الحجاب الان ا نـا م م كنت متعمده هـ هـي سحبته..
‎سلطان ابتعد عنها وهو يعطيها ظهره متجه للباب بيطلع/اجل اسامحك علــى!!
...
..
‎اشلون أسامحك ؟
‎وأنت خيبت ظني بعد ماوثقت فيك وتركت فيني جرح عميق الله يكافيك
‎والحين تبيني أسامحك ؟
‎روح الله يخليك اشلون أسامحك ؟
‎وأنت وعدتني ماتتخلى عني وحلفت بالله ماتنسى عشرتي وعاهدتني بأيمان انك تبقى معي اشلون أسامحك ؟
‎قلي اشلون؟
‎تجاهلت معاناة الجروح ووثقت فكلامك كل هذا من غلاك
...
..
‎اميرة جلست على الارض..
‎وهي تبكي بنيح/سامحني بخطاي ان كنت اخطيت..عاقبني بضربك لكن الا جفااك ..لك 3 سنوات و انت "نزلت راسها بقهر الغصه خنقتها تعجز تتكلم"وانت ت تكرهني "شهقت بقوه وهي تغطي وجهها"
‎سلطان غمض عيونه من صوت بكاها ..
‎سلطان خرج بدون لا يلتفت لها سكر الباب وجلس مستند عليه ونزل راسه على
‎ركبه ..عض شفايفه بقهر..وهو يهمس""مااكـرهـك""
‎يحمد ربه ان الغرف مزوده بعزل ل لصوت..تنهد وهو يوقف لو طول بجلسته ممكن يضعف
‎ويرجع ياخذها في حضنه..يتمنى
‎ينزع ماضيها يتمنى ما كانت في حياته يتمنى
‎يرجع ويرفض طلب ابوها..
..
‎اميرة بعد خروجه انسدحت على جنبها وهي تضم نفسها..يوجع حيل قلبها يوجعها حيييل.. وقفت وهي تترنح اخذت حجابها ولفته على راسها..
‎طلعت بسرعه من الغرفه وهي في حاله من الذبول..
‎تجر اذيال الذل و الخيبه و الخذلان..دخلت الغرفه
‎ونزلت الحجاب وهي غايبه عن العالم ..
‎صحت على صوت شهقتها بقوه..
‎دارت بعيونها وهي تشوف نوف واقفه
‎ويدها على صدرها ..عقدت حواجبها بضيق ما تبي
‎تشوف احد ..تجاهلتها واتجهت لسريرها رمت نفسها عليه وهي تحضن نفسها وترتجف تحس ببرد..
‎نوف انفجعت من حالتها جلست على طرف السرير وهي ترفع راس اميرة في حضنها وتمسح على شعرها..نوف بصوت باكي/وش صار لك !!من سوا فيك كذا!!ليش ترجفين!!
‎اميرة غمضت عيونها بصد عن الاجابه..
‎نوف بزعل/لا لا مو هذي المره ماراح اسمح لك تسكتين.."رفعت اميرة وجلستها..ضمت وجه اميره بكفوفها"تكلمي قولي ل صديقتك وش مضايقك..الى متى وانتي تكتمين الى متى وانتي تسمعين لليضايقني ويضايق لمياء وتواسينا ..اليوم دوري اسمعك
‎صدت اميرة بوجنها تخفي دموعها ..لكن نوف منعتها وهي تهمس لها/ابكي ابكي
‎اميرة نزلت راسها وهي تبكي بصوت عالي وتنفجر ب كل اللي صار لها / و و الله مـ مـ ماعاد اقدر
‎اتحمل تـ تعبت كوني دايم على الهامش ش ..ماقدر اتحمل جفاه والله ما سويت شي ..بس هو هـو ي يكرهني ..ت تعرفين لما يكون لك شخص وهذا الشخص هو اغلاهم هو امك وابوك وكل شي بحياتك ..وفجاءه يتغير عليكك.
...
..
. .
.
‎وفجاءه يتغير عليكك.."شهقت بصوت عالي"ماقدر اكرهه ماقدر اتحمل نظرات الكرهه بعيونه...
‎حتى حتى هم بيبتعدون عني قـال لهم عشان يـ يـبتعدون عني "مسحت دموعها بعنف "بموت نــوف بـ بـمووت والله ما اتحمل جفاهم كلهم يكفي هــو .
‎يكفي نظراته..
‎نوف كانت عاضه شفايفها تحاول تستوعب رموز اميرة
‎. ""من تتكلم عنه!!معقوله اميرة تحب!!""
‎ليتني مت معهم ليتهم خذوني.."شهقت بقوه..وهي تضم نفسها"ما كنت اشتاق لهم ولا افكر فيهم ..لانه كان معوضني عن كل شي..حتى لما تزوج كان كل يوم يتصل ويكلمني..بس بس بعد ما ماتت تغير..
‎سكتت وهي تدفن راسها بين ركبها..
‎نوف بذهول/متزوج!!وتحبينه!؟وكان يكلمك!!
‎اميرة تنهدت وهي تناظر ف الفراغ/همم..يكلمني..مو بس احبه اعشقه بجنون..نـ...ـوف اكرهه الوقح يبي يتزوج اختها ..والله ما اخليه يتزوجها ..عشانه قص شعري عسى ربي يقص رقبتها ..
‎نوف مصدومه برجفه/ مـ...ــن هو!! اميرة رفعت عيونها بذبول
‎وابتسمت بغباء/سـلـطــان..
‎نوف ما حست بنفسها الا وهي تعطي اميرة كف بصدمه منها ..وهي تصارخ عليها/لاااا انتي انهبلتي مستحيل تكونين كذا!!"
‎اميرة رفعت عيونها بصدمه ل نوف ..
‎نوف مسكتها مع كتوفها وهي تهزها وتبكي/حررام تعرفين وش يعني حرررام هذا عشق محرم..اخووك كيف تحبين اخوووك يا متخلفه
..
‎كيف تحبين اخوووك يا متخلفه
‎اميرة ابتسمت على جنب بسخريه/عشق محرم!!ههههههههههههههههه نوف هههههه سلطان مو اخوي ....
‎نوف عضت شفايفها بقهر/مجنوووونه
‎اميرة ابعدت يد نوف عنها وتحضنها وتبكي/لا لا ورب البيت مو مجنونه نوف س سلطان زوجي..نوف انا انا مو اختهم من الرضاع..انا زوجه س سلطان..
‎ابتعدت عن نوف وهي تشوف ملامح الصدمه على وجهه نوف..
‎اميرة تنهدت وهي توقف بكى..وتتكلم بصوت مبحوح/يحق لك تنصدمين..تخيلي طفله اهلها يموتون وصديق ابوها يتكفل بها وعشان يكون وصي عليها زوجها من ولده..زوجوني سلطان ما كنت وقتها بخير كنت تحت تاثير صدمة وفاة اهلي..سلطان قدر يطلعني من حالتي احتواني ورباني وعلمني وكبرني ودرسني رجعني للحياه..كانو يقولون سلطان اخوك من الرضع و نفس الشي ذيب مشعل و الهنوف لمياء..كبرت وانا اعرف انهم خواني وهم بعد ابوي عبدالعزيز اخفى عنهم..يوم صار عمري 15 عرفت ..بس ماتغير شي..
‎كل شي تغير من 3 سنوات بس انقلب الحال والله العظيم ماعرف سبب التغير.."'غطت وجها وهي تجهش ب البكاء "والحين مشعل وذيب عرفو اني مو اختهم ..بيبتعدون عني..انا ماتحمل ..طحت من عيونهم بيكرهوني مثله..يويلي لو عرفت لمياء والهنوف..
‎اه ياربي.
‎نوف جلست جنبها وهي مصدومه **

..
‎رجّعوني لذاك العام
‎اللي اشتقت لتفاصيله.
‎ف بعض شتيآق يجعلك ضعيْفاً ،
‎تبوَح بَ آلتفآصيْل
‎آلصغيْرهـْ لـ/ آلغربآءْ !.

..
‎نوف جلست جنبها وهي مصدومه ماتدري وش تقول او كيف توسيها..
‎قصتها غريبه..
‎اميرة بسخريه /طحت من عينك صح..لاني احتك ب ذيب
‎نوف حضنتها بقوه/لا لا ..هو اخوك..اميرة سامحيني ماكان قصدي امد يدي عليك..
‎اميرة /لا عادي تعودت..
‎نوف تبعد عنها وتوقفها معها../تعالي اظبط قصت شعرك ..
‎سحبتها وجلستها قدام تسريحه..
‎اميرة رفعت عيونها للمرايه وهي تشوف شعرها اللي يوصل ل اخر رقبتها ومقصص بشكل عشوائي وجزاء منه طويل يوصل لنص كتفها..
‎بعلت غصتها بقوه /
‎بدات نوف تقص لها شعرها بحتراف وخبره..
‎نوف وهي تصفق /واو طلع عليك رووعه
‎اميرة تنظر شعرها المقصوص بطريقه انيقه وغريبه/بس شكلي مو حلو كاني بزره..
‎نوف/لاا ب العكس قصيتك مثل شعر هنادي الكندري..
‎اميرة ابتسمة بتسليك/هاا....نوف احم بنام لا تصحوني
‎نوف/ابشري وريحي راسك انا طالعه..عن اذنك..
‎اول ماطلعت نوف اميرة
‎ركضت على شنطتها واستخرجت جهاز التنفس ركبته

‎وبسرعه وهي تنتفض ..ثبتته على انفها وفمها وهي تنسدح..وتتنفس بعمق...
** ..
‎نوف وقفت وصدت وهي تتجه لسور وتتكي عليه
‎ذيب وقف جنبها وهو يحوطها من كتوفها..وهو يهمس/الا لمعت دموعك ماتقدرين تخفينها..روح ذيب من مزعلها!؟
‎نوف وبدون سابق انذار حضنت ذيب وهي تبكي
‎ذيب وقف مصدوم...استوعب وهو يحضنها وهديها..
‎نوف وهي تبكي/ما كنت اعرف والله ماكنت عرف ..قسيت عليها..كنت اعتقد ان تعلقها فيكم وزعلها من سلطان الانه مايهتم لها انه دلع
‎ذيب عقد حواجبه/من تقصدين!!اميرة!!
‎نوف هزت راسها وهي تقول له على اللي صار..وكيف انها خايف من ان ذيب ومشعل يبتعدون عنها..
‎ذيب مسح دموع نوف وهو يبوس راسها
...
..
.
‎ذيب هو يتنهد/مااخفي عليك في البداية انصدمنا حيل ..ومثل ماتعرفين صعب نرجع مع اميرة مثل قبل لكن هذا ما يمنع ان اميرة وغصباً عن الكل اختي
‎و كرامتها من كرامتي..
‎نوف /بتبتعدون عنها!؟تكفى يا ذيب لا لا
‎ذيب ابتسم لها/ما عاش اللي يبعدنا عنها..لكن لازم يكون لها حرمتها ولنا حدودنا في تعاملنا معها..
‎نوف ابتسمت بخجل وهي تبعد عن ذيب/ربي مايحرمها منكم..
‎ذيب قرب لها وهو يهمس/ولا يحرمني منك
‎نوف التفت له وكان وجهها قريب من وجهه..
‎ذيب قرب اكثر وهو منسحر بجمالها..
‎نوف حست على نفسها وصدت عنه بسرعه..ونصدمت ب بوسة ذيب لها على خدها..
‎ذيب وهو يبعد عنها بهدو /ما كنت ابيها هنا
‎نوف فتحت عيونها بااحراج
‎ذيب وهو يحوطها مع خصرها ويتكي براسه على كتفها/نوف خلينا نقدم وقت الزواج ونتزوج هنا..و اوعدك اول مانرجع السعوديه اسوي لك زواج يتكلم فيه الكل
‎نوف بتردد/بس انا بعد ما تجهزت و...
‎ذيب /و ايش!!؟
‎نوف رفعت عيونها له/مهري يا ذيب ابيه يكون مسكت راشد..اذ انمسك راشد وصار في السجن ..وقتها يكون زواجي منك
‎ذيب ابتسم بتحدي وهو يرفع حاجبه/والله ان تبشرين به
...
‎اليوم الثاني صحت اميرة بتعب وهي تبعد الجهاز ..
‎طلعت من الغرفه وهي مصره الا اللي في بالها
‎دقت الباب ودخلت بعد ما استأذنت..
‎ووقفت بتردد وهي تشوفهم جالسين يفطرون مع بعض..
‎عبدالعزيز يبتسم لها/حياك يابوك
‎جلست اميرة بجنبه/ياابوي ابيك بموضوع
‎عبدالعزيز /افطري اول وعيني من الله خير وبعدها هاتي علمك
‎اميرة مدت يدها وهي تفطر بهدو..
‎نورة وهي تشيل الفطور/يالله عن اذنكم اخذو راحتكم..
‎بعد ماطلعت نورة
‎لف عبدالعزيز بحنان/لو كنتي ما جيتي كان انا جيتك.
‎اميرة ابتسمت له /ليه!!؟
‎عبدالعزيز وهو يتفحص وجها/وش فيك!؟ليه وجهك كذا تعبتي امس!؟..وبعدين وش سالفت تصرفك امس مع بنات عمك
‎اميرة وهي تنزل راسها/تعبت شوي بس..مو بنات عمي وبعدين هم من بدينا الرحله وهم يستفزوني ب الكلام..
‎عبدالعزيز تنهد/جعلهم فداك..وش علمك يابوك
‎اميرة/ابوي يا ابوي امي و ابوي كيف ماتو!؟لا تقول لي حادث مو حادث انا اتحلم فيهم كل يوم بس بس اعجز افسر الحلم او اجمع تفاصيله
‎عبدالعزيز وهو يغمض عيونه من سؤالها اللي للمره المليون تعيده/كابوس يابوك ..شيطان يوسوس لك
‎اميرة بضجر من نفس الاجابه اللي انعادت لها للمره المليون..
‎عبدالعزيز بتردد/اميرة...احم انتي لك اقارب من طرف امك خالك وهو موجود في روما وحاب يقابلك
‎اميرة فتحت عيونها بصدمه/انا لي خال!!؟واذ كان صدق وينه عني كل هذي السنين
‎عبدالعزيز وهو يتنهد/اللي عرفته انه كان مسجون في روما له 6 سنوات بسبب دين عليه وبعد ما خرج من السجن كون نفسه حتى قدر..*
‎#توقعاتكم
...

‎- دايم الغيره تخليك تكره اشخاص ماتعرفهم ؛ واحياناً تعرفهم وكُلهم ما لهم ذنب في اي شيء ؛ لكن انكتب عليهُم الكُره لأنهم اقتربوا من شيء يخُصكَ ...#
....
‎عبدالعزيز وهو يتنهد/اللي عرفته انه كان مسجون في روما له 6 سنوات بسبب دين عليه وبعد
‎ما خرج من السجن كون نفسه حتى قدر
‎يكون نفسه من جديد

::::
::::
::::
::::
::::

انتهى انتظرو البارت القادم

دمتم بخير

تعليق

فوت 

للبارت