البــــــــــــــــــارت الثاني عشر
تغيـب وعيونـي عليـك يتباكـن
لو انك تسقيني الوصل ما ارتويتك
خليت حسرات الزمـان يتراكـن
بين الرجاء والياس ليتـك وليتـك
داويت جرح" من قسى الوقت ماكن
والا فتعطيني ربـع مـا عطيتـك
وخليت ناقلـت الهـروج يتحاكـن
ومن كثر ما اجحد أحسبني نسيتك
ما شفت قلبي والعيـون يتشاكـن
أغير منهم من كثـر مـا هويتـك
سريت لك مشتاق والليـل داكـن
يستر ظلامه وقفتـي عنـد بيتـك
لـــ الشاعر
حمدان المري
شافتهم مبدلين ملابسهم ببجايم مريحه..
رمت مفرشها والمخده على الارض /بنام معكم
نوف /حياك
لمياء/ بنات انا مره متوتره ابوي يقول عمي عبدالله بيوصل بعد يومين
نوف بستغراب /واذا بيجي وش اللي موترك!!
وقفه على المراءه وفكت الحجاب /هذا يا عزيزتي السيد بدر بيجي
نوف صفقت بحماس/خطييبك صح
لمياء دفنت وجها ب المخده/اششش
نوف /اميرة بالله كيف شكله مزيون مثل ذيبي
اميرة رفعت حاجبها وبخبث/وييع لحجي بقوه بسم الله على ذيب منه
لمياء رفعت راسها وهي معصبه/اميرووه كل شي الا بدر مفهوم ..نوف لا تصدقينها بدر جنتل مان وخلوق وحنون و
اميرة /بس بس بس هههههههه مجنونه رسمي
نوف فتحت فمها متعجبه/ماشاء الله ماشاء الله تبارك الرحمن..اميرة واو من جد اول مره اشوفك فاتحه شعرك كذا
اميرة وهي تلعب بشعرها /مااحب افكه كذا ملموم افضل
نوف/ماتوقعته طويل مره كذا..ماتفكرين تقصينه
لمياء/ايوه عشان يقص سلطان رقبتها ههههه تذكرين لما كنت في ثالث متوسط وقصيتي غرتك
اميرة جلست وضحكت بقوه/هههههههههههههههههه كانت اول مره يصارخ علي
لمياء وهي تتربع/و اول مره يكفخني
نوف/هههههههههه وش له ذا كله بعدين انتي وش دخلك يكفخك
لمياء/ هذا سلمك الله انا اللي قصيت غرتها
اميرة/وبعدها توبه اقصه يادوب بين فتره وفتره احف اطرافه قدر انمله
نوف /بس ماشاء الله واصل الي نص فخذك وكثيف وطوله واحد
لمياء توقف/ يالله نامو بكره ورانا فرفره بشوارع لندن..
اميرة تنط فوق سرير لمياء/اشتقت انام جنبك
لمياء /بدون تقلب ورفس ف اشوتك
نوف تنط من الجهه الثانيه /وانا بعد بجرب انام جنب لمياء
اميرة تدفها/ضاقت فيك الوسيعه نامي على سريرك
لمياء /هههههه لا خليها محرم بينا
نوف تضربها/ههههه محرم في عيونك انتي وياها
يالله اهجدو
نامو البنات مشتركين سرير واحد ولكن لكل منهم
احلامها الخاصه
..
.....
الساعه 8:30 ص بتوقيت لندن
فتحت عيونها بكسل من صوت الشخص اللي يصحيها..
رفعة المفرش وتغطت فيه ..لكن نفس الشخص رجع يسحبه عنها بقوه..
اميرة ويدها على عيونها وبضجر/لميووه اطلعي برا لفقع وجهك
...../لمياء تفطر تحت وبعد انتي
اميرة جلست بسرعه من نبرة الصوت الغريب..وفتحت فمها بفهاوه..من جمال البنت اللي واقفه قدامها بشعرها الرصاصي الطويل وبشرتها الصافيه..
العنود دارت على نفسها
بغرور /وش رايك حلوه صح!!
اميرة ظبطت ملامح وجهها /انتي العنود
العنود وهي تسحبها توقف/ايوه اناا..ماشاء الله عليك قدرتي تعرفيني..انتي تغيرتي عن اخر مره شفتك فيها لو ما قالو ان اللي فوق اميرة ماكنت ميزتك..
اميرة بهمس /بلاها من صورك المنتشره
العنود ضيقت عيونها/نعم!!ايش قلتي!!
اميرة/هاا... لا لا
عنود مسكتها مع يدها ومشت فيها/اجل يلا ينتظرونك على الفطور..
اميرة تسحب يدها/لحظه ببدل اول واغسل وجهي اللبس حجابي
العنود تمسك شعر اميره /خليه كذا اجمل
اميرة تتوجه للحمام/ليه شايفتني فاصخه الحياء..وبهمس مثلك
دخلت الحمام(تكرمو)واخذت لها شور سريع..
لبست بنطلون جينز مريح وبلوزه طويله الى نص
الفخذ ولبست فوقه بالطو كبديل للعبايه..
طلعت وهي تلف الحجاب على راسها..
العنود/خلصتي
اميرة/ايوه .
نزلو تحت وكان الكل جالس على طاولة الطعام الطوويله.. اميرة بدون شعور رجعت وراء العنود ونزلت راسها بخجل..
العنود/وجبتها لكم
يوسف بصوت جهوري/الحمدالله على سلامتك
اميرة جلسة جنب لمياء/الله يسلمك
باسل/كيفك يا اميرة
ــــــــــــــ
عائلة ابو باسل (يوسف)
ام باسر(هند)
باسل 26
اريج22
العنود 18
ــــــــــــــ
بدون ماترفع راسها /بخيرر
كملت فطورها بصمت
وقف سلطان وهو يمسح فمه ب المنديل/الحمدالله..سفره دايمه..يلا يابنات!!
يوسف/ باالعافيه..وين يابوك
سلطان وهو يلبس نظارته الشمسيه/البنات انجحو بمعدل يرفع الراس و وعدت كل وحده ب هديه تناسبها
يوسف /يستاهلون..
طلعو لمياء و اميرة مع سلطان وذيب اما مشعل
رجع يكمل نوم
والعنود و اريج(بنات يوسف)
بيلحقونهم ب ساعه..
وصلو للسوق..
نزلو البنات
قبل تنزل اميرة
سلطان/اميرة انتي خليك..
اميرة بإستغراب/انا!! ليه
سلطان بجمود /بنروح مشوار ونرجع لهم..
..
سلطان بجمود /بنروح مشوار ونرجع لهم
ذيب /بطولون!!
سلطان /لا انتبه للبنات وحسابهم كله علي..
ذيب بمزح/تبيني مثلاً احلف اقول لا علي انا معصي
سلطان /بخيل
ابتعد ذيب عن السيارة وحرك سلطان
اميرة بستفسار/وين بنروح
سلطان ببرود/ بنروح نعطيك هديتك اللي تليق بمقامك
اميرة بفرحه/صدق ..حمستني
بعد نص ساعه وقف سلطان قدام عمااره كبيره ب 7 ادوار
سلطان يطفي السياره/انزلي
اميرة نزلت وهي مستغربه هذا المكان اللي يسكن فيه سلطان..مشت معه و الوضع مريب بالنسبه لها يمكن مسوي لي حفل خاص لي ومجهزها بشقته..
وصلو لدور 2
الدور الثاني كله ملك لسلطان
دخلو لشقه واميرة تناظرها بستغراب واضح من شكلها ان محد دخلها من فتره و الغبار مالي المكان ونص الاثاث مغطى بشراشف بيضاء
سلطان وهو يتكي على الجدار وبسخريه/هذي هديتك او اقصد عقابك
اميرة فتحت عيونها على وسعها/ما ما فهمت
سلطان بامر/انا بطلع اخلص شغلي و ابي ارجع احصل الشقه نظيفه والغرف مرتبه مفهوم..
اعطاها ظهره واتجه للباب بيطلع /هذي هديتك اللي تستاهلينها
اميرة مسكة يده ولفته عليها بصراخ/الى هنا وبس مستحيل تسوي فيني كذا..واذا حاب انظفها ف انتظر هنا اما تطلع وتتركني ف لا
سلطان ابعد يدها ولفها له حتى صار ظهرها لصق بصدره وهو يشد على يدها/صوتك لا يعلى هذا ..وبطلع وارجع اذا ما لقيت الشي اللي يرضيني..ورب اللي خلقك ما تطلعين من الشقه الا على السعوديه فاهمه
اميرة /ف فاهمه
طلع وسكر الباب وراه بقوه
اميرة جلست وظغطت على عيونها بقوه وشفايفها تهتز..بلعة غصتها وجسمها يرجف..
عضة شفايفها بقوه و وقفت
بغضب /الله يخذكك الله ياخذني يارب يارب خذني
ابي امي يمــه
شهقت بقوه /لا لا انا كـذابه العب على نفسي انـا
انـ...ـا معندي ام ولا ابو..يابووووي ابــيك لـيـش ليش تزوورني في احلامي ليش تمسح دموعي في احلامي و كوابيسي ابيك تمسح دموع واقعي
انسدحت على ظهرها وهي تبكي بصوت عالي
وتضرب برجولها الارض ماعاد تقدر تتحمل..
يا ابــوي رجيتك وينك عن دنياي انا أنـ..ـا اتألم مــحد يحس هو بس يــعرف ويتجاهل ..كلهم يقولون انا ماحس والله احس والله تعبت يابوي رجـيتك
شهقت بقوه وجلسة على ظاغطه على فمها بقوه..
ليش ليش اناديه!!! استغربت من نفسها اول مره تناديه ترتجيه بس
بــس هو ما يسمع صوتي ولا بيلبي لي هو مـيت..
وقفت وهي تترنح في مشيتها دخلت المطبخ واخذت المعقمات...والمنظف ..نزلت البالطو والحجاب
وشمرت عن يدها /والله ماتكسرني يا سلطان.. .
.. اصد عن كثر العتب والمشاريہ
وامشي طريق العافيه والسلامہ
اللي دعاني قلت له سم لبيہ
واللي جفاني مانشدته علامہ
النـفــس طـابـت ... والكرامه كرامه
ومن عافته نفسي حشا ماالتفت فيه
قلـبــك وروحـك ... رافقتهـا السلامه
وكـلـن عـلـى كـيـفـه ونـفـسـه تـوديـه
..
طلع من عندها وركب سيارته وتأفئف بضيق ..
حرك السيارة
**
في المجمع التجاري
جلست بتعب/ما عد اقدر امشي..تعبت
لمياء وهي تناوا اغراضها الشغاله تشيلها عنها..
لميا/امداك تتعبين !؟بالله احد يتعب من التسووق
نوف/ايه اناااا لنا ساعتين نفرفر وحضرتك ما تركتي شي ما قشيتيه
ذيب يجلس جنب نوف/لمياء اللي اخذتيه اليوم يكفي..لازم نرجع
لمياء بتحلطم/بنات عمي يوسف بيجون يكملون تسوق معنا وانت تقول لازم نرجع
ذيب/ما راح يجون عمي عبدالله وعمي عبدالرحمن وصلو واليوم عمي يوسف بسوي استقبال لنا كلنا
لمياء بتلعثم/بـ....ـس انتم تقلون بعد يومين بيجون!!؟
ذيب يوقف ويده في جيبوه /انتي تعرفين حركات عمي عبدالله له مليون راي وقرار
نوف بهدو ونعومه/خلاص نرجع عشان يمدينا نجهز..وذيب يرتاح
ذيب قرب منها وهمس في اذنها/ أخذ قلبيّ صوتك ,من أبتديّ لين أنتهي ما أملّك.
نوف انخطف لونها وتجمدت مكانها
لمياء طيرت عيونها..وبصوت عالي/هــي مو وقت غزالاك شوف وجه البنت راح
ذيب رفع راسه وضحك بصوت عالي/ههههههههههههههه ليتها ي لمياء ضلت غريبه ليتني لمحتها ومشيت..قلبة حال اخوك نعنبو حباً جابها بدربي
لمياء صرخه/هيييييي يمه اخوك استخف هههههههه نويف قلبتي حال اخووي
نوف نزلة راسها تحس نفسها بتبكي في حياتها
ماتوقعة يكون نصيبها بهذا الجمال اصلاً الحب ما كان
في اكبر احلامها..والاهتمام ماكان شخص فيها ما كان جزاء من حياتها هي بس امها اللي كانت لها عمر
ماحست بدموعها اللي نزلت وصوت بكاها اللي يعلى
الا لمى احتضنها ذيب ضمته بقوه
بكت بصوت عالي...
معقوله هذا هو العوض اللي ربي كتبه لي بدل فقداني ل امي!!هذا استجابة دعائي!!ايه انا دعيت ربي اول ما استوعبت اني فقدت امي "ربي اجرني في مصيبتي و اخلاف لي خيراً منها" كانت اعتقد ما
في خلاف يعوض عن وجود امي..بس ربي عوضني بذيب ولا كل الشباب
ذيب نزل راسه ل اذنها وهمس/اششش قلب ذيب ما يبكي..فـ ليش دموعه!؟
نوف بصوت متقطع من البكى/أمـ..ـي ر ربــي استجاب دعـ...ـها انا انـ..ـا ربي عوضني برجل ارفع راسي فـيـ..ـه بدل ابوي واخوي
ذيب ابعدها عنه شوي ورفع راسها
يمسح دموعها/انا ابوك اللي تفتخرين فيه..وانا اخوك اللي تعتزين به..وانا زوجك اللي يحبك
نوف مسحت دموعها وبتعدت عنه
لميااء صارخه بحماس/واوووه اجمل مقطع فديو صورته..ولا لقطه من المسلسلات التركيه
نوف وذيب نظروها
..
ذيب سحب الجوال منها ..كانت مصورتهم مقطع فديو ..من لمى ضمها ذيب وحتى مسح دموعها..ارسل المقطع له على الواتس بحركه سريعه ومسحه من جوال لمياء ..التفت عليها وهو يمثل العصبيه/هذي المره بمسحه المره الثانيه بكسر الجوال على راسك
*****
الساعه 6:00م بتوقيت لندن
جلست بتعب على أرضية المطبخ..
من صباح وانا هنا وانظف و الاخ ما جاء.. ظغطت على بطنها من الجوع ما حصلت في الثلاجه الا مويه..
وقفت وهي تحرك رقبتها بتعب .."غسلت كل صحون المطبخ ونظفت الدروج المطبخ الداخليه والفرن"
اتجهت للباب الزجاجي في طرف المطبخ يفتح على البرنده(البلكونه+الشرفه)
في شي غريب مسلج الباب والارضيه اللي قدام الباب نظيفه من الغبار ومشكله قوس وكان في احد طلع لها قريب !!يمكن سلطان جاء امس هنا..
فتحت الباب وطلعت للبرنده كانت وسيعه وسورها سميك محجر وعلى جنب طاوله وعليها ثلاث كراسي واحواض الزرع ممتده بشكل مرتب فوق سور البرنده قربت لسور واستغربت في من الجهه الوسط في مساحه كبيره فاضيه من الاحواض!!ونظيفه من الغبار وسطح البيت جيران بشكل مستوي بدون اسوار موازي لرتفاع البرنده المكان المسافه بين البرنده والسطح متر ونص او اقل..ناظرت تحت في السيب الضيق بين البيتين كانت اربعه من الاحواض طايحه ومتكسره..عقدت حواجبها بضيق كيف طاحت!!يمكن من الرياح!!
رجعت للمطبخ وسكرت الباب الزجاجي واستغربت اكثر انا الباب الزجاجي للبرنده بشكل مربعات صغيره بحواف بيض وفيه زجاجه من المربعات مفقوده!!اللي تحت مقبض الباب!!
تراجعت على وراء بخوف"'لا الوضع مو طبيعي اكيد احد استغل غياب سلطان وسرق البيت
طلعت لصاله وهي تهدي نفسها ..جلست على الكنب وهي تدور بنظرها في المكان""شقة سلطان فخمه حيل و واسعه وكل ابواب الغرف تفتح على الصاله الكبيره معاد المطبخ كان منزوي شوي بحيث اللي
الكبيره معاد المطبخ كان منزوي شوي بحيث اللي في المطبخ مايشوف اللي في الصاله و العكس..وهذا غير تناسق اواني الاثاث ..وفي غرفتين بابها مقفل خمنت انها غرفة سلطان ومها الله يرحمها
والثانيه اكيد لنواف
..
في مكتب متوسط عليه جهاز الكبيوتر ملفات في زاوية الصاله وخلف المكتب ومكتبه كبييره ماخذه شكل الزاويه بادراج واسعه ويتوسطها تلفزيون بلازما..اتجهت له
وفتحت اول درج كان يمتد من اول المكتبه الى اسفلها الجزء العلوي منها رفوف واسعه وزجاجي والجزء السلفي منها مغطى ورف وحد كبير كان خالي من اي شي عكس الجزء العلوي
اللي يحتوي على كتب ومجسمات هندسيه..ومخطوطات رسم..خذت له مخطوطه وسكرت باب الدرج..
جلست على الكنبه وفتحت المخطوط كان رسم هندسي لمبناء تجاري..نزلتها ع الكنبه بظجر من عدم فهمها لها في نظرها مجرد خطوط وخربشات..اسندت راسها بتعب على الكنب..غمضت عيونها بإسترخاء
فتحت عيونها بخوف بعد دقايق..من صوت غريب مصدره المطبخ..
رفعة ساعتها كانت الساعه 7:00
تحركت بثقل للمطبخ وهي تسمي بالله وقلبها بيوقف من الخوف طلت براسها وفتحت عيونها على وسعها..
شافت سور البرنده يمتد عليه سلم حديد من بيت الجيران وفيه 3 اشخاص 2 واقفين على سطح الجيران والثالث يمشي فوق السلم..وصل للبرنده واتجه للباب الزجاجي دخل يده مع مربع المفقود من الباب الزجاجي وفتحه على اخره..
اميرة واقفه مصدومه وهي ترجف "ت تحركي اهربي بسرعه..بس ماقدر رجولي ماتشيلني "رجعت تراقبهم وهي ثابته في مكانها..شافت الشخص اللي نزل في البرنده يرجع بعد ما فتح الباب ويمسك السلم يثبته على السور عشان الثنين الباقين يقدرون يطلعون..وركب الشخص الثاني وتقدم على السلم وهو يمشي عليه بتوازن..
اميرة ترجعت للخلف بسرعه وهي تدور مكان تتخبى فيه..تجمدت مكانها وهي تشوف ظلال الاشخاص الثلاثه يتجه ل الصاله ....
في قصر الـ يوسف
الساعه 9:00م
جميع افراد العايله متجمعين..
رجال و نساء ....الرجال في جهه و الحريم في جهه..
شوق(اخت مها) تهمس لـ اسراء /سلطان كل ما يكبر يحلو اكثر الله يرحمك يامها كانتي تصبحين وتمسين ب الوجه الحسن
اسراء/اي والله كل عيال عمي عبدالله كل وحد يقول الزود عندي..و باسل مايقل عنهم
هيفاء/شويق لا تكونين حاطه عينك على سلطان!!وانتي يا اسراوه باسل ها
شوق/اكيد اذ خطب ما برفض الانه بيحبني من حبه ل مها وغير هذا اكيد انه بيوم بيتزوج وانا اولى من غيري..
سراء بستغراب/بس انتي تحبين ولد خالتك!!؟
شوق / ما اختلفنا بس اذ حصل لي سلطان كمان مابرفض
....
لمياء جالسه جنب نوف وهي تظغط في الجوال..
نوف بستغراب/لمياء اميرة وين!!!؟سلطان جالس هنا ..اذ ما كانت معه وينها
لمياء عقد حواجبها/اوه منتبهت على غيابها..لاحظه برسل لسلطان..""سلطان امـيـرة وين من خذيتها الصباح ما شفناها""
نوف وهي تناظر سلطان اللي جالس قدامهم ومندمج في السوالف مع عيال عمه وجواله في حضنه/لمياء منتبه لمسجك لهي بسوالف
لمياء اشارة لسلطان ..انتبه له واستغرب اشر بيده بمعنى وش فيه ..اشرة له على الجوال..
رفع سلطان جواله بهدو..
وفجاءه شهق بقوه وظرب جبينه بكفه رفع كفه وشد شعره بقوه
الكل انتبه له وبخوف من شهقته
بدر هز سلطان من كتفه/خير وش صابك!!؟
سلطان عض شفايفه بقوووه"يووه نسيتها راح بالي منها.."وقف بسرعه وبيطلع قطعه صوت الجوال اللي يدق..
(الحوار ب اللغه الفرنسيه)
...../مرحباً...السيد سلطان!!
سلطان رفع حاجبه بقلق/نعم!!
..../نحن رجال الشرطه لقد قمنا ب القبض على بغض اللصوص في منزلك في حي ......
سلطان بصدمه/ما الذي تقوله!!؟و الفتاه!!؟ماذا حصل لها
الشرطي بستغراب/لايوجد اي فتاه معهم
سلطان هو يركض/انا في الطريق إليكم..
الشرطي /نحن بنتظارك..
سلطان ركب سيارته وقبل يحرك انفتح الباب سياره وركب عبدالعزيز جنب سلطان
سلطان برتبك/ابوووي!!
عبدالعزيز بصراخ/حــرك..
حرك سلطان بسرعه مصدر صوت صرير ..
وصلو للعماره..
نزل سلطان وعبدالعزيز..
وهم مدهوشين من تجمع سكان الحي وسيارة اسعاف..وسيارت الشرطه
سلطان اتجه ل الشرطي..
سلطان وهو يمد بطاقته/انا صاحب الشقة سلطان..اين الفتاه!!؟
الشرطي اشر له عله اللصوص اللي جالسين في سيارة الشرطه..
سلطان فتح باب السيارة مسك اقرب شخص له من اللصوص من ياقته/اين الفتاااه تكلم
اللص يبكس سطان في بطنه/لم نعثر على احد ابتعد سحقن
العسكري وجه المسدس على راس اللص وابعد سلطان عنهم....
سلطان ابتعد عنه وتلفت يدور ابوه شافه يركض طالع العمره
لحقه سلطان..دخل عبدالعزيز الشقه وو
**
.. شبه معفوسه وباب غرفة سلطان مخلوع..
عبدالعزيز بصراخ/اميــرة..
دخل سلطان ورا ابوه وهو يدور لها
عبدالعزيز قرب من سلطان وشده من ياقة قميصه/وخالقك ياسلطان ان صار في بنتي شي انه اخر عهدك بي
سلطان ابعد يده ابوه وصد عنه بقهر"استهل..
غمض عيونه بقووه..وفتحها وانتبه على مخطوطه هندسيه من رسمه طايحه على الارض...
رفعها وقلبها بيده...رفع عينه للمكتبه...
واتجه لها بسرعه..فتح باب الدرج الطويل...
فتح عيونه بصدمه وهو يشوفها متخبيه في الرف السفلي ومتكوره على نفسها..
بهمس/ا ميرة!!
..
نرجع لقبل ساعه عند اميرة**
تجمدت مكانها وهي تشوف ظلال الاشخاص الثالثه يتجه ل الصاله..
تلفتت حولها بشكل سريع تدور مكان تتخبى فيه..اتجهت بسرعه للمكتبه وافتحت الدرج الطويل وتخبت في الرف السفلي وهي ترجف تكورة على نفسها وهي تقراء كل الدعيه اللي حافظتها
فتحت فتحه صغيره عشان تشوفهم كانو يقلبون في البيت بشكل سريع ..وحد منهم اتجه لغرفة سلطان وهو يحاول يفتحها..
والثاني اتجه للمكتب و قلب في دروج المكتب وحصل لاب توب صغير واخذه
اما الثالث اتجه للمكتبه وهو يفتح دروجها بشكل سريع ويقلب فيها..
وصل للمكان اللي تتخبى فيه اميرة..
اميرة كش شعر جسمها وغمضة عيونها وهي تردد
((وجعلنا من بين ايديهم سدا ومن خلفهم سدا فأغشيناهم فهم لا يبصرون ))
مسك مقبض الدرج وقبل يفتحه
صارخ الاول/لقد تمكنت من خلع باب الغرفه
تراجع الثالث وتجهو للغرفه..
اميرة شهقت بقوه وهي تخذ نفس عميق
ارخت راسها على ركبها وهي تتنفس براحه ومن دون ماتحس غفت بتعب
..
الوقت الحالي
سلطان بهمس/ا ميرة
جثا على ركبه سحبها من يدها وخرجها..
ضمها بقووه له /الحمدالله الحمدالله
ابعد راسها عنه ومسح وجهاا كانت مغمضه عيونها بهدو
سلطان ابتسم بحزن/اميرة!! اصحي
قرب راسه منها وهمس في اذنها/********
عقدت حواجبها بضيق وافتح عيونها بخفيف
عبدالعزيز جلس جنب سلطان وسحبها لحضنه
بقوه
عبدالعزيز/اميرة ياعين ابوك انتي بخير!!
اميرة اسندت راسها في حضن عبدالعزيز..
وكانت شبه فاتحه عيونها..وبهمس/نظفت البيت..صار نظيف..انا جوعانه..في رجال دخلو البيت....من السلم...على .....البرنده....خوفوني يابوي...انا انا تخبيت هنا..اشرة على الرف السفلي...
بـ...ـ بنـام
رجع حضنها عبدالعزيز وهو يسمي عليها..رفع عيونه لسلطان وفي عيونه نظرات غضب وعتاب..
...
..
انحنى لها عبدالعزيز وشالها..وسلطان طلع وراه وقفل الشقه..
فتح عبدالعزيز الباب الامامي ونيم اميرة عليه بعد ما نزل المقعد..
لتفت لسلطان وفتح يده/هات مفتاحت سيارتك بسوق
سلطان خرج المفتاح ورماه على عبدالعزيز اللي التقطه ..
ركب عبدالعزيز مكان السائق وفتح الشباك/دور لك تاكسي تجي فيه..
سلطان فتح عيونه بصدمه/ياابوي مو من جدك!!هذي سيارتي ..ترا عادي بركب ورا
عبدالعزيز حرك السيارة مطنش سلطان واقف وراه..
عبدالعزيز حرك السيارة مطنش سلطان واقف وراه..
سلطان ركل رجله ب الارض/هفف
وقف له اقرب تاكسي وهو يهيئ نفسه
ل عتاب ابوه..
وصلو لقصر ال يوسف
عبدالعزيز يهز كتف اميرة/اميرة بابا اصحي
فتحت عيونها بهدوء/وصلنا
عبدالعزيز/ايه
نزلو اول مادخلو كان مشعل وذيب ونوره في انتظارهم
ذيب اتجه ل اميرة بسرعه
ذيب وهو على اعصابه/وين كنتي!!؟
اميرة نزلت راسها وبإرتباك/انا ك ك ك نت في شقة سلط سلطان ا ن ن انظفها
مشعل وهو يرص على اسنانه/واذا تنظفينها ليش الشرطه متصله ف سلطان هاا تدرين الكل شك انك مسويه مصيبه
اميرة تراجعت على ورا بجمود وصدمة في عبدالعزيز اللي مسكها من كتوفها
عبدالعزيز بغضب/انكتم انت وياه..هذي تربيتكم وتشكون فيها!!؟
ذيب وهو يظرب على صدره/واثقين فيها مير ما نثق في ديرة مهب لنا
عبدالعزيز /فهم سلطان دررك يفهيم..منزلها في شقته تنظفها وطلع وتركها واقتحم البيت حراميه لولاً ستر ربك اللي حفظها و ما شافوها..والشرطه اتصلت ف سلطان تعطيه خبر ان بيته تعرض لمحاولة سرقه وقبضو عليهم..
نورة ضمت اميرة وبكت/بسم الله عليك ياقلبي
مشعل بعصبيه /كيف يترك بنت لحالها ذا انهبل!؟
اميرة ابتعدت عن نورة/انا انا طلبت منه اني انظف شقته
ذيب باس راسها/اعذريني ياخوك وخالق مبسمك فار دمي عليك من الخوف
اميرة /حصل خير ...انا استاذنكم بطلع انام.. طلعت اميرة وانظارهم عليها..
عبدالعزيز بصرامه/اذا وصل سلطان يانورة خليه يجيني الغرفه..انتو ان سالكم احد قولو ان اميرة تعبت ونقلها سلطان للمستشفى وما حب يشغل الاهل عليها ..علم!!
مشعل /صار
...
ـــــــــــــــــــــــــــ
بعد نص ساعه في غرفة عبدالعزيز
سلطان /يابوي ورب البيت نسيت عنها
عبدالعزيز بعصبيه/انت مو كفو الواحد يعتمد عليك!!وش صار لك عجزت عنها وانت بتصك 30!؟
سلطاب بغضب/لا مانب عاجزاً عن طفله ..مير انت غشيتني فيها ..من الاول كان قلبي قارصني منها ومن ابـــووها..بس كنت اقول لا ابوي يعرف الرجال وصاحبه واكيد رجال وبنته شريفه..طلع اابوها ابليس ومن اللي ينشرون البلاوي
عبدالعزيز بصراخ/انكتم يا اللي ماتستحي
سلطان يكمل/والى متى بكبت بصدري !؟انت تدري ان ابوها كان يســـتعملها في بلاويه!!انـــت عارف ان زوجته كانت استغفر الله .."رص على اسنانه بقهر"اذا الام كذا ف ايش يضمن انها بنت صاحبك!؟
او ان اميرة مافيه احد قرب لها ولمسها!؟
عبدالعزيز بغضب صكه كف بكل قوته..
سلطان فتح عيونه على وسعها
عبدالعزيز/انت عارف ان اللي قاعد تتكلم عنها زوجتك
وعرضك وشرفك!انت ناسي ان انت اللي ربيتها!!
نورة بزعل/سلطان انت كيف تتكلم كذا ..هذا وانت زوجها وكنت الاول في حياتها..لا تظن اني ما اعرف انك اتخذتها زوجه لك بكل ماتعنيه الكلمه بعد وفاة مها..
عبدالعزيز فتح عيونه بصدمه/ولك عين بعد ذا تتهمها!؟
سلطان فتح عيونه على وسعها/يمه!!والله العظيم ان
نورة تاشر له يسكت/لا تحلف انا شفتها نايمه عندك قبل نسافر للندن
سلطان دار في مكانه وشد شعره/يمه انتو عارفين انها من صغرها تنام عندي..وش اللي اختلف
نورة صدت عنه/ولدك كان نايم في غرفتها ..وهي
معك ف الغرفة و و ..واحم انـ...ـا دخلت عليك الغرفة بصحيك و و وشفتكم
سلطان بلع ريقه وغمض عيونه بقوه..
عبدالعزيز جلس /قبل 11 سنه قلت لك زواجكم بيكون على ورق ..وقلت ان كبرت وانت خاطرك فيها فـ هـي لك ..واذ لا ف ان تقدم لها رجال كفو ف تطلقها وهي له..ولا من دار ولا من شاف..لكن بعد كلام امك ..بنضطر اما ان تعلن زواجك للكل..او تطلقها
ونعطي خبر للشخص اللي بيتزوجها بقصتها ...
سلطان ماسك اعصابه بالقوه /ومن بيرضى يتزوجها!!.وبعدين يا امي ورب البيت انك فاهمه غلــط
عبدالعزيز/اجل مادمت تكذب امــك ..تعالي نوديها المستشفى ونتاكد إذا كانت بنت ف بتغاضى عن اللى صار اما إذا كانت غير كذا واللي رفعها سبع ان كانت امك صادقه
ان اتبرى منكك
سلطان بجنوون/يابــوي انت عارف وين كانت قبل كانت تعيش في اكبر مكان لدعاره والفجر و الفسوق ابوها كان يبيع ويشتري فــي اعراض الناس..وكيف تكــون
عبد عزيز ضغط على كفه بقوه/نـروح المستشفى او لا!؟
سلطان نزل راسه بستسلم/لا ..""تنهد"بس اجل سالفة اعلان زواجنا لفتره..
وقف وطلع بسرعه ووجه احمر من العصبيه
تجمد مكانه وهو يشوفه اللي واقف قدامه .... ــ ــ ــ ــ
***
***
طلعة من الحمام وهي تنشف شعرها.. تحس ببرود غريب يجتاحها الموقف اللي
صار اليوم لو كانت تحلمت فيه كان صحت وهي تبكي من الخوف..لا كان هو مو حلم
هو واقع بس انا ليش ما بكيت!!ليش ما تعبت نفس كل مره!؟انا كل شي يتعب قلبي ف كيف بموقف
لو كان فيه الشخص السليم كان تعب وارتفع معدل ظربات قلبه..جلست على سريرها وهي مركزه عيونها
على نقطه وحده..ايه صح الدعاء انا دعيت ربي
..ربي انزل علي سكينه وطمئنينه ربي حفظني..
انا ستودعت نفسي بالله وقريت اذكاري..و و و
لمياء تهز اميرة بقوه/هــــــــي اميرة ساعه اناديك..
اميرة /هــــا
جلست لمياء جنبها/كيفك الحين!؟ذيب يقول انك
تعبتي وسلطان خذاك المستشفى..
اميرة تسلك للكذبه/ايوه بس الحمدالله صرت زينه
لمياء اشرت بعيونها على نوف اللي جالسه
وعيونها مركز على الجوال../لا بالله عقولكم ضايعه كل وحده مسرحه في شي
اميرة وقفت وجلست جنب نوف
وطلت براسها على شاشة الجوال.
.اميرة وهي تناظر الصورة بستغرب/نوف!!من صورته هذي!؟
نوف انتبهت لها/هذي امي..
اميرة اخذ الجوال وهي
تركز على صورة/الله يرحمها..ما قد شفتها الا بنقب ..سبحان الله عيونها مميزه..انتي تشبهين لها مره
لمياء جلست جنبهم
وخذت الجوال/من جد تشبهك..عندك صورة لك وانتي صغيره!؟
نوف /ههههههه اكيد من اللي ما عنده صوره له وهو صغير .."خذت الجوال وقلبت الصور وفتحت على
صور لبنت عمرها 6 سنوات
بمريول المدرسه/شوفي هذي
لمياء/هههههههههه تجنن كياته حتى وانتي صغيره وبكشتك المميزه..لحظه بوريك صورتي وانا صغيره..فتحت جوالها على صورتها
وهي صغيره/شوفي
نوف تشوف صورة/هههههههههههههه نفسك متغيرتي
لمياء/لا والله ان تغيرت صرت اطول واجمل وو
اميرة بجمود/انـا انا ما عندي صور لنفسي وانا صغيرة و و وحتى امي معرف شكلها
نوف بستغراب/غريب!!انا لو ما صورة امي عندي كان موت من الشوق لها ولتفصيل وجهها
لمياء/ اميرة انتي لمى جيتي لبيتنا كنت كبير بعمرك يكفي انك تميزين اهلك..وتتذكرين امك وابوك
..اصلاً اللي انا مستغربته..منك ولا مره
سمعتك تذكرينهم او حتى تسالين عنهم..
او اقلها تتصدقين لهم
نوف بصدمه/اميرة!!!انتي ما تذكرين
اهلك حتى بدعاء!!!؟
اميرة انسدحت..ببرود/لا ...لا ...ما اتذكرهم ولا ادعي ولا اتصدق لهم انا معرفهم "بصوت يرجف"انا
اخف اسائل عنهم و كرهه اشوف صورهم انا..انا حتى اكرهه احد يناديني اميرة فواز ال....
ابي الكل يناديني مثل لمياءء اميرة عبدالعزيز ال..
لا تسالوني ليش مدري مدري انا مجنونه مرت اتمنى ابوي بس ابوي و امي
انا انا اتحلم كل يوم فيهم بس اخف منهم... مدري مدري
اششش خلاص اسكتو
نوف بهدو/ليش ماتفسرين حلمك!؟مادامك تتحلمين فيهم كل يوم
اميرة/لا انا انسى الحلم متذكر اخف اتذكره هو يخوف ف انساه ..افضل لي
نوف بستغراب/امرك غريب
***
تجمد مكانه وهو يشوفه اللي واقف قدامه .... ـ
سلطان برتبك/مـ...ـن متـ...ـى وانت واقف هنا!!؟
......صد عنه و طلع/بـ القدر اللي خلني اعرف سرك
لحقه سلطان ومسكه مع ذراعه وسحبه يمشي معه/تعال بفهمك كل شي
دخله اقرب غرفه وصك الباب..
سلطان/احم وش حاب افهمك،؟
ذيب رافع حاجبه/هماك جارني وراك تقول بفهمك!؟يالله تكلم يافهيم
سلطان تنهد/مدري وش اقول بس اللي ينقل هو ان اميرة زوجتي و ما اختي ولا اختك تزوجتها عشان تقدر تعيش معنا..
ذيب بهمس حد وقهر/انــت.... انــتم كيف تكذبون علينا ..ناكل ونشرب ونضحك ونسوالف مع بعض نطلع لحالنا مع بعض ونجلس لاخر الليل مع بعض وفي انهايه ما تكون اختـي ما يحل لي اجلس معها ولا اسوالف معها ابي افهم كيف قلبك يطاوعك تشوف اخوانك جلسين مع زوجتك كيف يطوعك قلبك تشوفنا نعاملها بحنان ونحضنها ونمسح دموعها وهي زوجتك
انت تسمي نفسك رجال!!؟انت ديوث
سلطان فتح عيونه على وسعها من هول الكلمه اللي تظرب على الوتر الحساس عند كل رجل عربي يغار عن اهل بيته...
سلطان صارخ بغضب/ذيـــب اسحب كلمتك
ذيب وقف وبتحدي قرب من سلطان ظرب بصبعه على صدر سلطان..
وهو رافع حاجبه ويبتسم بالم/اسحب كلمة ديوث!؟ليه لايكون تعتبر نفسك رجال!!؟ تخسي وتعقب
سلطان مسك ذراع ذيب ولواها له /رجالاً غصباً عنك ..ذيب "بصراخ"احترمني انا خوك الكبير..
ذيب حرر نفسه منه ولكمه بقوه على وجهه/وهذا اللي ذابحني "ظرب صدره"انك اخووي في كيف ترضى !!!"جلس ذيب على ركبه"ههه وهي تدري!؟
سلطان تنهد وجلس جنبه/تدري
عض ذيب شفيفه بسخريه/عزام يدري صح
سلطان هز راسه ب بنعم
ذيب /ههههه قبل اعتب على عزام الانه يعمل اميرة برسميه واحترام وحتى مايحتك فيها كثر..طلع العتب و شرهه علينا
سلطان تنهد/لا تعتب ولا تشرهه علينا..ابوي هو اللي اصر ان الامر يكون كذا..وهي ما عرفت الا قبل 5 سنوات بس
***
***
ملاحظه:
معنى الديوث: الديوث هذا الرجل الذي لايغار على زوجته من اعين الناس ويتباهى بجمالها وزينتها ويقبل على نفسه ان تخرج معه متعطره متزينه بالمكياج ,و لايفرض على زوجته او امه او اخته ان تتستر باللباس الشرعي الذي فرضه الله وقد قال رسول الله صل الله عليه وسلم (لايدخل الجنة ديوث)
**
**
ذيب وقف على حيله وطلع وهو يحس ب الغصه تخنقه..مو متحمل اميرة ما تكون اخته ..لا هي اختي وغصباً عنهم كلهم..وابن امه يفتح فمه بكلمه ورب البيت ل امحيه حتى لو كان سلطان..
او اي شخص بيتزوجها اذ سلطان تركها..
سلطان
انسدح على ظهره وحط يده تحت راسه..
اللي صار العقل يعجز يستوعبه...
ابوي حطني بين خيارين احلها مر
لو كانت بنت بكون في موقف محرج جدا
ً وطيح من عين ابوي..ونسبة كونها بنت 10%
اما اذ كانت العكس ف بتورط لان ابوي
بيظن اني صرت زوجها بكل ماتعنيه الكلمه
ولكون مظطر اعلان الزواج واطلقها وتتزوج وحد ثاني.. جلس على حيله بسرعه..وهو يحرك راسه بسرعه..
وهو يتخيلها تتزوج..
وتضحك وتسوالف وتغني وتتعتع ب الكلام وترتبك وتخاف وتبكي وتزعل وتتدلع وتتشيطن لشخص ثانيه.. "والله مااتتزوج ولا اطلقها لو تموت هي انخلقت لي انا لو تقعد معقله طول عمرهااا..حلو ذي اطلاقها ويتزوجها واحد خبل..
**
**
صباح اليوم الثاني الساعه10
اميرة وهي تسلم على كل الموجودين
جلست جنب العنود وهي متوتره كل حريم العائله جالسين
ام بدر/ماشاء الله يا اموره صرتي عروس
ام وليد بسخريه/قصدك مره وين عروس
اميرة عقدت حواجبها بستغراب!؟
نورة بحده/ام وليييد
ام وليد تحط رجل على رجل/و انا صادقة
.
.
ام وليد بضحكه ساخره اثرت فضول الكل/ههههههههي ب الهون عليك يـ ام عزام نـمـزح مع بنيتنا
نورة تسلك له/ههههه ايه
ام باسل بصوت جهوري /اسمعوني يا جماعه ابو باسل مسوي لكم مفاجاه فـ لا هنتو جهزو شنطكم
رحلتنا على فرنسا
البنات بصدمه/فرنساا!!!!!
لمياء/يعني المفاجاه هي سفرتنا لفرنسا!؟
اريج وقفت وهي تصفق بيدها/ههههه لا المفاجاءه تنتظرنا في فرنسا
العنود /مفاجاءه غيررر شكل..بتصدمكم
سارة /حمستونا
ــــــــــــــ
تعريف ب العائله
عائلة ابو الوليد(عبدالرحمن )ام الوليد
مها متزوجه سلطان(متوفيه من 3 سنوات)
وليد 26
شوق 22
اسراء/17
عائلة ابو بدر (عبدالله) ام بدر
خالد 33 زوج الهنوف
بدر/ 29
هيفاء/23
بندر/19
سارة/20
ـــــــــــــــــــــــــــ
الساعه 12:30 ص
البنات جالسين في الحديقة..
اريج/وش رايكم بما ان رحلتنا الساعه 5 عصر لفرنسا..نروح نتغدا في مطعم من المطعم للمطار
لمياء/ايووه عز الطلب اعشان نروح واحنى مروقين
سارة /اذ على الروقان ابي مطعم كوفنت جاردن
العنود/لاا زحمه ولازم نحجز قبلها الا مطعم ساموسان
اريج /حلو مطعم ياباني اكلهم لذيذ
هيفاء /اجل يالله
طلعو البنات كلهم للمطعم وتغذو فيه..
نوف كانت ملاحظه صمت اميرة طول الطلعه وحتى في المطعم ما اكلت الا خفيف..وجها يغلب عليه البرود والجمود..
رجعو البنات للبيت الساعه 3 وجهزو شناطهم وطلعو بعدها للمطار ..
سلطان تجنب اميرة بشكل كامل ولا كانها موجوده
واميرة نفس الوضع مبعده نفسها عنه .. وصلو لفرنسا...واتجهو فلة ل يوسف ..
تعشو و الكل دخل ينام ب امر من العم يوسف ..
"""
"""
"""
الساعه1:00ص
اميرة طلعت من الغرفه تتسحب
طفشت حولت تنام بس ماقدرت..
نزلت لدور السفلي وهي تتلفت بخوف..
انتبهت لنور الصاله الداخليه مفتوح..
دخلت وكان باب الشرفه مفتوح..
طلت براسها ..وتفاجاة من وجود العنود وهي تسوالف مع نفسها
اميرة قربت منها..وبستغراب/العنود!!! وش فيك
العنود وقفت بخوف /بسم الله تخوفيني
اميرة انتبهت على الجوال في يدها../كنتي تكلمين!!؟
العنود تجلس بافف /يوووه شوفي وجهك طلع بسناب..يعني لازم ارجع احذفه واعيد التصوير السناب
اميرة جلست /اي حذفيه
العنود حذفته ورجعت تصور سناب من جديد..
العنود وهي رافعها جوالها بيدها وتصور فديو من فوق/هاي سنبيسو..حبيت اطمنكم وصلنا لفرنسا وتو افضى اسوالف لكم..
نزلت السنابه في استوري..
اميرة/امم غريبه نزلتيه ف ستوري اجل مسويه تخصيص لصديقاتك!؟
العنود تحط رجل على رجل/هههههه لا نزلته ل فلورزي
اميرة بصدمه/بس اكيد في اولد ضايفينك!؟
العنود /ادري يعني نشره سنابي ف اكونتي انستقرام
ف كيد بيضيفني اولد وبنات
اميرة /وابوك واخوك لوو عرفو
العنود بحماس/يعرفون و باسل مرات اصوره وانزله سناب تخيلي فلورزي يطلبون سنابه بس هو عنيد رافض يقول سنابي خاص ل اصحابي ..اما بابا ما يحب يطلع وجهه بسناب ههههه
اميرة في نفسها"هلا والله ابوها واخوها يدرون ومبسوطين..عز التربيه"
اميرة/ بس اعتقد اكبر غلط انك تنشرين صورك ب نستق او حتى سناب
عنود/ انتي وش عرفك طلعي جوال اول..وبعدين بابا و باسل راضين و هذا اهم شي ..وانت ماتعرفين ان برج الاسد يحب يكون تحت الاضواء و يحب الشهره
اميرة رفعة حاجبها بنتقد/و في اعتقدك ربك رضي!!!و للمعلوميه الابرج حراممم وشرك الانها تدخل في تنجيم
العنود بزعل/لا تسوين فيها النصحه انا اعرف مصلحت نفسي..
اميرة هزت كتوفها بعدم اهتمام/براحتك..لو سويت سوتك مشعل وذيب بيذبحوني وسلطان بحرق فيني
عنود /م مشعل!!ليه هو متحجر الى هذي الدرجه..
اميرة رفعت حاجبها بتسليه''كان نفسها تقول وش معنى مشعل!؟"
اميرة وهي تكبت ابتسمتها وبهدو/لان مشعل يغار على اللي يحبهم..و ف مايرضى ابد
العنود برتبك/هاا
وقفت برتبك انا بروح اجيب لي ولك عصير..
طلعت العنود..
واميرة بلقفه خذت جوال العنود وفتحت ع الاستديو..
فتحت عيونها على وسعها وهي تشوف ان اغلب
صور كانت لشخص وحد!!؟
مــشـعـــل!!!!!!
اغلبها من حسابه الي على انستق وصوره له واضح فيها انه مايدري
طلعت بسرعه منه ودخلت على الواتس وكانت خلفيت المحدثات صورة لمشعل..
طلعت سرعه وحذفت صفحات تشغيل...
نزلت الجوال و طلعت بسرعه ..صدفت العنود عند المدخل
العنود وفي يدها العصير/وين و العصير
اميرة تمثل التثوب/اه بروح انام بكره ابوك يصحينا بدري..و اءء انتي بعد ادخلي نامي..
العنود بستغراب/اها طيب نوم الهنا
اميرة طلعت فوق بسرعه دخلت الغرفة وسكرت الباب..
نطت بفرحه /يس يس هيييي ههههههههههههه والله وطلت القلوب عند بعضها هههههه يا حليلك يا مشيعل
..
..
وطلعت القلوب عند بعضها هههههه يا حليلك يا مشيعل وفيه من يحبك ..
لمياء فتحت الابجورة بخوف/اميرة فيك شي تعبتي مره ثانيه!؟
اميرة نطت جنبها على سريرها وانسدحت/لا انا بخير..بس مبسوطه
لمياء بحب/دوم ياقلبي
اميرة تغمض عيونها/لمو العبي بشعري عشان انام
لمياء بحنان تغرس اظفرها في شعر اميرة وتلعب فيه بنعومه..
اميرة بصوت ناعس /نيال بدير
لمياء/اميرة
اميرة بناعس/هممم
لمياء بهمس/انكتمي
ـــــــــــــــــــ
الساعه 9:30 ص
اتجهزو كلهم وطلعو وهم جاهلين ب المكان اللي ماخذهم له يوسف...
وصلو للمرفد(ميناء)
ونزلو من السيارت وهم مستغربين
يوسف هو ياشر على سفينه ضخمه/مفاجاتي لكم هي رحله كروز لمدة ثلاث ايام
(ملاحظه/الفديو يحتوي على صور لرحلة كروز)
صارخو الشباب
مشعل وهو ينط ويحضن عمه يوسف/ويلوموني في حبك
صفر بندر بصوت عالي/يسلم لي راسك ياشيخ
البنات كانو كل وحده فتحه جوالها وتصور سناب..
نوف/واو كبيره مره
اريج/هذي اكبر من سفينة التايتنك
اميرة ضمت يدها بخوف/تايتنك!!!بتغرق فينا
شوق بسخريه/متاثره مره ب الافلام..
نزلو لها وكل ما يقربون تزيد دهشتهم وكان يستقبلهم على المدخل سماعات كبيره وصوت الموسيقى عالي..
باسل يشرح لهم بصوت علي/لنا 3 شهور نخطط لها و ابوي قدر يحجزها 3 ايام مخصصه للعائله فقط ..وطاقم البحاره اللي يوصل عددهم ل 900 شخص ..
وبكذا تقدرون تاخذون راحتكم..
بندر/ابوها يا الفلوس تظبط وضع الكل
باسل ضرب بندر على راسه/اذكر الله
..
العنود تمشي وهي تصور سناب ومركزه على مشعل الي يمشي قدامها..
وما انتبهت لعيون اميرة الراصده لكل تحركاتها..
ركبو السفينه و الدهشه..والاعجاب على معالم وجيههم.. يوسف/بننتظر خالد وعياله الساعه 12:00
مشعل /اجل انا بنام لي ساعه امس نمت متاخر وقبل تحرك صحوني
دخل مشعل و لحقه ذيب ..
دخل الغرفة وقبل يسكر الباب دخل ذيب و على معالم وجها الجمود
مشعل بقلق/وش فيك!؟
ذيب جلس وتكلم وهو متوتر.(حكى ذيب لمشعل سالفه حقيقة اميرة متجنب ذكر التفاصيل)
مشعل وهو متوتر/ذيب انت مستوعب اللي تقوله ههههه تمزح صح
ذيب بهدو/ وهذا ينمزح فيه!!
مشعل وقف وبصراخ/مجنييين انتم كيف كيفف تستهبلوووووووووووون على مخي ..وش اللي زوجة سلطان!!!
وقف ذيب مسك مشعل /اهجد يامجنون وبدون صراخ بتفضحنا
مشعل يدف ذيب ويصرخ ويرتجف..وهو يضرب على صدره/هي اختي انا!!انا انا اقول لها كل شي كل شي واسراري عندها واقرب لي منكم كلكم ...وجاي لي تقول انها زوجة سلطان مستحيل..
تجه بسرعه الباب بيطلع بس ذيب مسكه بقوه وثبته..
ذيب وش ناوي
مشعل صارخ/فكني ليش ليش سكتو عن شي مثل كذا يعني عاجبهم انها تختلط معنا بهذا الشكل!!!
**
اميرة دخلت لداخل السفينه وهي تدور لغرفة مشعل متحمسه تقول له اكيد بينهبل..
تحاول تتخيل ردت فعله ...
وفي غمرت تفكيرها ما انتبهت للشخص اللي كان يتبعها ..واعترض طريقها بسرعه في ممر شبه ضيق وبعيد عن العائله..
اميرة بلعت ريقها وهي تشوف اكثر شخص تكرهه وتحقد عليه من قلبها...
(....هو....)بهمس شيطاني/اشتقت لعيونك..وثغرك الكرزي..وجسمك الطفولي
اميرة تراجعت على ورا بترجع
بس اعترض طريقها مره ثانيه وهو يفتح يده بحركه يقصد فيها منعها من الهرب...
(...هو....)بنفس الهمس الشيطاني/على كثر سفراتي و البنات اللي شفتهم اشكال والوان من العيون..غير جمال عيونك ما شفت..
اميرة تظبط اعصابها/والله العظيم اذ ما ابتعدت عن طريقي لصارخ واخلي اخواني يتفاهمون معك
(....هو....)/ههههههههههههه اخوانك!!!الي الان وانتي مصدقه الكذبه!! وعايشه الدور بقوه بعد..لو كنت ادري انك ماتعرفين كان عذرتك..بس مشكلتك انك على علم
عضة شفايفها وهي تظبط نفسها/1...2..3.. اذلف ولا بصراخ وافضحك ترا انا سكته لك من سنين ف لا تخليني افضحك الحين..
قرب لها مسكهامن كتوفها وهو يقرب وجهه منها/حتى وانتي معصبه تفتنين!!هو طلب واحد نفذيه لي وبعدها اوعدك ما اتعرض لك..وانتي عارفه وش اابي كلها ليله وحده بس
اميرة بقهر تفلت بوجهه ..واستغلت صدمته منها وبكل قوتها اعطته كف/حقيير حقييييير اكرهك ياسافل ياواطي ..."وهي تنتفض"انت انت كيف تتجرا وتقولها لي بكل بسطه يا مريض
وليد بغضب دفها على الجدر
وظغط على كتوفها بحقد/لا تحسسيني انك شريفه ترا الكل يدري عن بلاويك انتي واهلك حتى سلطان...ههههههه لك 11 سنه على ذمته ماعمره عاملك ك زوجه حتى بعد مها الانك .......... "سكت وكانه حس على نفسه"دفها عن طريقه ...وهو يقول/انا اللي ماعمر بنت رفضتني..لاكن هين والله ان تجين تحبين رجولي ...
اميرة كاتمه انفاسها بقوه حتى اختفى من قدامها..
شهقت بقوه وبشكل متكرر
مسحت وجهها بقوه وهي تضرب على صدرها..
اش اشش اششش خلاص اهدي هو كـ كذا كذاب
وهو نـ نذل لا لااا تـ تـ تفكرين فـ في ک كلامه..
فـ فكري بمشـ مشعل ايه صـ صح مشعل
وقفت بسرعه وهي تحاول توقف رجفتها..
اتجهت بخطوات سريعه للغرفه وهي تفتحها بشكل سريع..
سمعت صوت من الغرف اللي على اليسار..
وفتحتها بسرعها لم تاكدت من ان صوت لمشعل
اميرة بحماس تكلمة بسرعه وصوت عالي / مـشـعل خبر بمليون تخيـ..... "'قطعت كلامها وهي تشوف ذيب مسك مشعل ومثبته بقوه ومشعل وجهه احمر وعيونه مدمعه""
بلعت ريقها بصعوبه وهي تسمع ذيب يصارخ عليها تطلع وتقفل الباب "
مشعل يتحرك يحاول يحرر نفسه..
اميرة وهي تدخل وتسكر الباب/وش صاير
ذيب وهو يحكم قبضته على مشعل/قلت لك اطلعي بسرعه
هزت راسها بنفي..
مشعل /فكني ...لا ...لا تطلع خلني ادبها.."وبصوت بكي"ليش فهميني ليش عشتي الدور ليش تكذبين!!!ليه صرتي قريبه مني ومن ذيب ليش مثلتي دور الاخت!!وانت كذابه وانتي زوجت سلطان...
اميرة قاطعته وهي ترجف بقوه وعيونها دمعت/انتو عرفتو!!!ايه اكيد قال لكم عشان تبتعدون عني هو صار يكرهني سلطان صار يكرهني ويبي يبعد الكل عني..
ذيب فك مشعل صد عنها وهو يكبت نفسه لا يضعف ويبكي..
مشعل جث على رجوله وهو يبكي/يبعدك عنا!!!هو اصلاً مافروض ما تكونين قريبه منا .."ظرب على صدره"و القهر انك تدرين اني مو اخوك ولا ذيب ومع هذا ما همك كذبوا الكذبه وانتي صدقتيها ..اخخ ليش ما كنتي رسميه معنا ليش ما حولتي تتجنبينا ليش ليش ماعزلتي نفسك كان ب امكانك تتجاهلين وجودنا وتحبسين نفسك بغرفتك في حضورنا تكونين رسميه والله العظيم كان بنقدر ونحترم رغبتك بكون انه مايربطك بنا دم والله والله ..
اميرة تقدمة وجلست قباله وهي تبكي/بس انا اختكم..انااااااااا انتم عزوتي ماعرف غيركم ...انا ما عرفت الا من كم سنه بس حاولت والله العظيم حاولت بس ماقدرت كان عمري 15 سنه كنت محتاج لكم وكونكم عزوتي "شهقت"انا عزلت نفسي عنك وعن ذيب اسبوع بس ما كنتو تخلوني ..تذكر يامشعل تذكر ياذيب..تذكرون وقتها انتم جيتوالي ف الغرفه وكل واحد يعملني بحنان اكثر من الثاني كنتو تظنون اني زعلانه منكم ..
اذكر وقتها ذيب اشترا لي الاسكوتر اللي كان حالف ما اخذ لي واحد وانت كنت كل يوم تعطيني نص مصروفك"شهقت وهي تبكي بصوت عالي"انتم اخواني سندي اهلي.."وقفت وصدت عنهم بتطلع" اكرهوني وتجاهلوني مثله "تقصد سلطان""بس لا تجرحوني لا تاذوني مثله...
طلعت وقفلت الباب....
::::
::::
::::
::::
::::
انتهى انتظرو البارت القادم
دمتم بخير
تعليق
فوت
للبارت
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!