رواية بين أسوار الشيخ الفصل التاسع عشر 19 - بقلم Esraa hussein

#بقلمesraa1289
#بين اسوار الشيخ

---------

..: هلو زينه شلونج.

زينه: الحمدلله بخير بس منو وياي.

..: معقوله ما عرفتيني من صوتي.

زينه: لا والله.

..: يعني ما فاقده وحده من صديقاتج.

زينه: بس لا ميسون.

..: هههه شلون عرفتي.

زينه: ههه والله عرفتج ولج مشتاقتلج حيل.

..: واني هم والله ومشتاقه لحجينا.

زينه: اي والله شصار بخطوبتج.

..: تزوجت وهسه حامل باول شهرين.

زينه: صدك وليش ما عزمتيني على عرسج يا بذاته.

..: ماردنا هوسه وعرس جبير بس عرس عائلي وهو راد هيج.

زينه: ها ترا عرسي الاسبوع انتي اول وحده عازمتج.

..: يا الف مبروك ومنو اخذتي.

زينه: الله يباركلج حياتي اخذته الاحبه.

..: اخذتي واخير سويتي واخذج.

زينه: باسهل سحر يامعوده.

..: ما تبطلين سوالفج ومو جده جان مايقبل.

زينه: جده طكيت وموته بحبايه وحده ومو عبالج بس اني اخويه جابهن من صديقه علمود ما تورط بالسالفه وحدي

..: ولج واذا دروا بيج.

زينه: احجي واكول مو اني وهم امه الغبره خليت امي سويلها سحر وكامت تبوس التراب الامشي علي.

..: هههه والله انتي مو سهله وشلونه وياج.

زينه: ميكدر يفك حلكه مره خدرته وسويت ويا.

..: يا بس لا حامل.

زينه: لا ماخذه احتياطتي.

..: اي عفيه عليج يالله حبي بعدين اخابرج عمتي تصيحني.

زينه: الله وياج حياتي.

--------

زهراء: كعدت شفت عمر نايم عفته على كيف وطلعت من الغرفه رحت للغرفه شكو متجمعات هيج.

رشا: ما عندنه شيء.

زهراء: لعد رنا وين.

رشا: رنا لحد الان ما جايه من صديقتها.

زهراء: بس مو صالها هواي.

رشا: اي هواي وشعندج نايمه يمه.

زهراء: هو أخوج ما خلاني اطلع من الغرفه.

نور: هو لو انتي.

رزان: ذبت التهمه بي والله عمر مسكين.

زهراء: انجبي وين سويتي مسكين.

رشا: اخويه قبل جان مسكين بس هسه اكو ناس مدري شمسويه اله.

زهراء: انتن صدك ما تستحن بنات خل نطلع من البيت والله احس راح اطك.

رشا: هسه راح اكول لامي نروح لبستان.

زهراء: راحت رشا تكول لخاله واني اخذت ملابسي ودخلت سبحت لبست بنطلون وسويتر شويه طويل وشال خليت شويه كحل ومرطب ونزلت جوه لكيت خاله بالمطبخ.

زهراء: هلو شلونج خاله.

ام عمر: هلا يمه الحمدلله شلونج اليوم شو ماكو.

زهراء: تعبانه من البارحه وبقيت نايمه.

ام عمر: نوم العوافي انشالله.

زهراء: شجاي تسوين.

ام عمر: مو تريدن تروحن لبستان جاي احضر الجن اشياء ناخذها ويانا.

زهراء: اساعدج خاله.

أم عمر: اي والله ياريت لان احس ظهري متكسر من الصبح.

زهراء: لعد وين ماما.

ام عمر: راحت تشوف بيبيتج.

زهراء: ها...
بقيت اساعدها كملنا والبنات جهزن رحنا جان الجو حلو وهادئ ولزرع يتحرك بقينا اكثر من ساعه بعدين رجعنا رنا راجعا.

رنا: وين جنتو ها.

ام عمر: رحنا للبستان وشبيج تصيحين.

رنا: ليش ما اخذتوني وياكم.

ام عمر: مو جنتي يم صديقتج اي صدك شلونها.

رنا: زينه وصالها اسبوعين من حامل.

ام عمر: لعد شنو فرقها عنج تزوجت وحبلت.

رنا: يمه ترا هي اخذت التحبه.

ام عمر: اي المهم عمر بعده هنا.

رنا: لا طلع من زمان بنات تعالن عرفن شسوين

رشا: شنو سويتي.

رنا: تعالن هسه اكول الجن وبليل المفاجاه تصير لزينه.

زهراء: لعد تعالن نصعد علمود نعرف رنا شمسويه
صعدنا وسوينا خطتنا وكملناها وبعدين رنا گالتي خابري عمر علمود يكمل كلشي خابرته من موبايلها.

عمر: الو ها رنا.

زهراء: الو عمر اني مو رنا اني زهراء.

عمر: فديت هل الصوت شنو مشتاقتلي.

زهراء: عمر البنات يمي.

عمر: ها اي اكو شيء.

زهراء: اي اريد اطلب منك طلب.

عمر: اطلبي عيوني الج بس يصير شرطين.

زهراء: المهم هسه اطلب.

عمر: يالله اسمع.

زهراء: عادي تعزم بيت اهل زينه.

عمر: زينه زوجته لرعد وليش.

زهراء: اي هي.

عمر: ليش.

زهراء: مو خاله گالت خابري عمر وگليله خل يعزمهم.

عمر: ماشي حياتي هسه راح اخابرهم.

زهراء: وهم اعزم بيت رعد.

عمر: زهراء متاكده ماكو شيء.

زهراء: لا هو اگو بس مو مال موبايل.

عمر: ماشي يالله اني رايح.

زهراء: الله وياك......
نزلنا جوه خبرنه خاله على الصار كامت تسوي عشا هي ورشا ونور واني ورنا ورزان كمنا نرتب بالبيت وكملنا كلشي قبل المغرب اجو اهل زينه واهل رعد بدينا نصب عشا وزينه فرحانه لان رعد جاي كملنا عشا وغسلنا مواعين بسرعه ورحنا كعدنا....

زهراء: هسه ياهيه تكوم.

نور: اني ما عندي جراءه.

رشا: اني هم كومي رزان.

رزان: لا ليش اني اصلا ادري بنفسي اتفشل.

رنا: اني راح اكوم...
عمو عدنا شيء الك يمكن يجرحك يمكن ياذيك ما ادري.

ابو زينه: اليه اني وشيء يجرحني وياذيني شنو هو.

رنا: عمو لكينا هذا الشيء بغرفه رعد وقبل شويه اجت بنين لاكيه هذا بغرفه خاله ام رعد ممكن تفسرنا.

ابو زينه: شله دخل بيه هذا وحتى ما اعرف شنو هذا.

رزان: اني اگلك شنو هذا سحر مخليته مرتك وبتك زينه.

زينه: شنو هل الجذب جايباته انتن وتتهمن بي العالم.

ام زينه: والله ما تحجي ابو عمر شوف التهم حتى ما يحترمن الاكبر.

ابو عمر: بويه شنو هل الحجي مو عيب.

رنا: لا بابا مو عيب لان هاي الحقيقه.

زينه: اصلا هنه يكرهني وسون هذا علمود يوكعني بالمشاكل والله لا اكثر ولا اقل.

ام زينه: اصلا انتن ام السحوره.

نور: هي احترمي نفسج وضبي السانج.

ام زينه: والله بغداديات الله يعلم بيجن.

عمر: كافي ام زينه وانتن ليش تحجن كله الغاز.

رزان: هسه انتم ما مصدكين الجاي نحجي بس اسمعوا التسجيل موبايلج زهراء.

زهراء: اي هاج...
بقوا يسمعون التسجيل وهمه بحاله صدمه خاله ام رعد وكعت للكاع وعمو ضغطه هبط عمر صار بحاله صدمه ما صدر منه اي رد فعل رحت للمطبخ جبت اله ماي بارد واجيت اطيته اله...

عمر: مرتضى امشي كوم جيب السيد وجمع كل عمامي صيح كل واحد ما اريد واحد ما يبقى.

مرتضى: تدلل كوم رعد روح وياي.

رعد: يالله اني اريد اروح وياك.

زينه: امانه لا تسوي هيج ليش راح يجي الكل ها ليش وليش تجيب السيد علمود نتطلك اني ورعد والله ما اريد اني فدوه احبه لا مو احبه اعشقه هوا الهوه التنفسه والله لا تخلي احبه فدوه زهراء گليله اني احبه هو زوجج ويسمع كلامج.

عمر: كافي كلام واسكتي ما اريد اسمع اي صوت منج لج ما تحسين کاتله ومسويه سحوره وفوكها الج عين تحجين.

زهراء: اجا عمامي كلهم ويسؤلون شنو ديصير بعد ربع ساعه تقريبا اجا السيد شاف خاله ام رعد گال هاي مسحوره بقا مدري شيسوي وكعدت بعدين رجعت فقدت طلب منه رعد يتطلكون وتطلكوا وزينه تخبلت وكامت تملخ بشعرها اني جنت واكفه يم عمر منقهره عليها وعلى حالها كامت واجت تضربني عمر ما قبل واني لبدت وراه وخرها خابر الشرطه اجت أخذو هي واخوها ابوها وامها واخونها طلعوا روسههم نازله خوالي دروا كلشي بيبي بقت تبجي واني ابجي على بجيها رفعت راسي علي يباوعلي بقيت اباوعله عمر انتبه اجا حضني ومسح دموعي...

عمر: نزلي عينج لا افكسها الج

زهراء: بس اني ما مسويه شيء.

عمر: كافي لان مالي خلك مشاكل بعدين اتعامل وياج.

زهراء: بعد احسن.

عمر: زهراء اتادبي لا والله تعرفين شيصير.

زهراء: وخر انته حياتك بس رزايل وتهديد لو مزوجه علي احسن منك.

عمر: بعدين تتحاسبين على حجايتج هاي.

زهراء: اووف.

---------

رعد: هذا كله على مودي.

رزان: لا بس شفقت عليك لا تتورط.

رعد: جذابه والله.

رزان: اني ما اجذب وشكو جاي يمي هسه شنو يكولون.

---------

لهنا ينتهي البارت........
في امان الله......