رواية بين أسوار الشيخ الفصل العشرون 20 - بقلم Esraa hussein

# بقلمesraa1289
#بين اسوار الشيخ.

—————————

نور: ليش تباوعلي هيج.

سيف: تحبي مو.

نور: منو احبه.

سيف: لا تسوين نفسج  ما تعرفين وتبينين انتي بريئه كدامي بس تريدين ذبين روحج عليه
مو هينه عليج يا بنت بغداد.

نور: انته شنو تحجي شوف العالم شلون مصدومه وانته تحجي حجي ماله اي معنى.

سيف: شوفي بالبدايه ردت اتقدملج بس بعدين شفتج ام الولد كل ساعه ذابه روحج على رجال وهاي المره اهددج اذا تتقربين عليه تشوفين شيء ما يعجبج.

نور:هذا شبي عافني وراح احس كلبي انكسر لان احس نفسي ما مسويه شيء ما غالطه بشيء عفت الكل وصعدت فوك اخذت ملابسي ودخلت اسبح واني جوه المي ابجي لان من صدك حبيته وهيج يحجي عليه كملت وطلعت للغرفه اباوع على المرايه عيوني حمر حيل مشطت شعري ونمت......

——————————

زهراء: بعد ما عمر عصب عليه خله وطلع برا البيت وخوالي بدوا شويه شويه يرحون بقت اخر شيء بنين واجا رعد اخذها بقينا نسولف ويا خاله تعبت صعدت فوك نفس لبسي نمت بي كعدت بليل تقريبا الساعه 2 احس نفسي عطشانه نزلت لبست حجابي ونزلت للمطبخ على كيف علمود لحد يحس داشرب ماي دخل عمر من باب المطبخ.....

عمر: شسوين نازله بهل اليل.

زهراء: عطشت وماكو ماي فوك.

عمر: ها لعد شكو باقيه لحد هسه.

زهراء: انته ليش حجيك كله عصبيه وتهديد.

عمر: اني هذا طبعي ما عاجبج روحي تزوجي استاذ علي..(راس على سنونه)

زهراء: انته بعده الكلام ضال بعقلك.

عمر: اي يضل لان زوجتي وعلى ذمتي تحجي وتكول ياريت متزوجته.

زهراء: بس اني ما جنت متقصده الحجي هذا.

عمر: والمطلوب.

زهراء: انته تغار.

عمر: طبعا اغار غير مرتي.

زهراء: المهم انته ليش راجع متاخر.

عمر: جنت يم صاحبتي كضيت وياها وقت واجيت.

زهراء: يم صاحبك.

عمر: لا يم صاحبتي.

زهراء: وشلون تروح وانته على ذمه مره(بعصبيه).

عمر: ههههه تغارين.

زهراء: طبعا لا ليش اغار.

عمر: بس مبينه من شكلج غرتي.

زهراء: لا حتى من شكلي ما مبينه.

عمر: لا جذب ما جنت يم احد جنت افتر بالسياره والجو جان حلو وعلى فكره لحد الان ما راضي عليج وعلى كلامج ورا العشا.

زهراء: بهل الاثناء دخل علي لان اليوم بايت يم مرتضى بقا متفاجاه بينا.

علي: احم اسف ما ادري بيكم.

عمر: عادي مو مشكله يالله امشي تنامين.

زهراء: اي....
صعدت نمت ثاني يوم الصبح اجت ماما عليه صارلي هواي ما حاجيه وياها حتى اشتاقيت اليها كعدت..

ام زهراء: لشوكت تبقين ما تحجين ويايه والله ما اكدر ما احجي وياج والله اني اعتبرج مثل صديقتي واختي ليش هيج ماما تعذبيني حتى شوفي ابوج ضغطه مرتفع ومريض بالفراش صاله يومين.

زهراء: لعد ليش خليتيني اتزوج غصب ها وبابا حتى ما اخذ رايي مشكلته هاي.

ام زهراء: والله اريد مصلحتج وامن مستقبلج واعرف عمر كد هذا الشيء.

زهراء: اي مبين كد هذا الشيء كلامه كل رزايل وتهديد.

ام زهراء: اذا انتي تعاندي ومتسمعين كلامه تعالي اليه والله اشتاقيلج.

زهراء: ليش مو كلتلج اني اريد اكمل دراسه يالله اتزوج.

ام زهراء: هي بعد قسمتج صارت المهم اجيت احجي وياج حضري ملابسج حتى نروح لان عرس رعد ونلغه وميصير تبقين هنا عيب شيكولون.

زهراء: اي هم يالله الحك اقدم على كليه ونجهز ملابس للكليه.

ام زهراء: يالله اني راح اروح اشوف خالتج ام رعد اشوفها شلونها.

زهراء: مو تكولين بابا مريض شلون يسوق لعد.

ام زهراء: خالج سيف يسوق عنده شغل هناك وبعدين يجي اله رعد ويرجعون سويه.

زهراء: ها باجر.

ام زهراء: اي باجر من الصبح.

زهراء: ونور ورزان يدرن.

ام زهراء: لا بعدهن هسه اصيحن ويلمن غراضهن وياج.

زهراء: ماشي..
بديت احضر غراضي واجن نور ورزان هم يحضرن.

رنا: شبيج نور مو على بعضج.

نور: لا مابيه شيء بس احس راسي راح ينفجر.

رنا: اجيب الج حبوب.

نور: اي والله ياريت.

رنا: ماشي هسه اجيب الج.
نزلت اجيب ولكيت علي كاعد على الطاوله وصافن ويشرب جاي.
الصفنه مو الك لابو قاط الرصاصي.

علي: لان انتي ابو قاط الرصاصي.

رنا: هههه ترا متضحك شكو كاعد هنا متروح يم الزلم.

علي: اجيت اشرب جاي وامج صبتلي وراحت.

رنا: ها.

علي: شدورين.

رنا: شدخلك لو انته بكل سالفه حاشر روحك.

علي: انتي حيل ما محترمه روحج.

رنا: اكيد ما احترمك انته منو اصلا.

علي: تحترمين لا تشوفين شيء ما يعجبك(بعصبيه).

رنا: يمممه خوفتني كلش.

علي: ها يعني ما تخافين هاج.

رنا: شمر عليه كلاص مي كامل بوجهي..
انته صدك ما تستحي والله الا اكول لاخويه عليك.

علي: روحي كوليله ما خايف.

رنا: عافني وطلع اخذت الحبوب وصعدت فوك والله الا اكول لعمر عليك بسيطه.

زهراء: هاي شبيج هيج مبلله.

رنا: بسبب ابن عمج الحيوان

رزان: هههه ليش شمسويه.

رنا: ممسويه شيء.

رشا: انتي ام لسان ممسويه شيء.

رنا: اي ممسويه شيء بس يجي عمر اكله والله.

زهراء: كملت كل ملابسي واشيائي بقن بس المهمات نزلنا جوه حتى نسوي غده دخل عمر ورنا ركضتله تبجي وهو حضنها.

عمر: شبيج ياهو وياج احد ممضوجج.

رنا: اي علي شمر كلاص المي كله بوجهي واني ممسويه شيء ابدا.

عمر: احجي وكولي شمسويه من مصايب.

رنا: كلشي ممسويه بس نزلت اجيب حبوب لنور لان راسها يوجعها هو شمر الكلاص عليه( بحركه طفوليه)

عمر: يالله مصار شيء وعيب اروح للرجال اعاتبه علمود كلاص مي.

رنا: اي بس كله ميحجي وياي بعد.

عمر: صار تدللين وزهراء تعالي صعدي وراي.

زهراء: اي.....
صعد عمر واني بقيت شويه لان خايفه تجاوزت علي حيل..

رشا: شبيج زهراء متروحين مو عمر صاحج.

زهراء: خايفه.

نور: ليش شمسويه.

زهراء: هواي اشياء.

رزان: لعد روحي اخذي عقابج.

رنا: زهراء ترا عمر نزل.

زهراء: والله.

عمر: اني مو كلت تعالي لو لا اني اخذج.

زهراء: بس جنت احجي وياهن.
لزمني من ايدي وصعد دخلنا وسد الباب راح للكنتور اخذ ملابسه ودخل للحمام بدل وطلع ينشف بشعره وكعد على السرير..

عمر: شبيج واكفه تعالي كعدي اريد اكلج ممنوع تتجمعين ويا ولد عمج.

زهراء: بس(قاطعني).

عمر: لا بس ولا غيرها.

زهراء: اني اعتبرهم مثل اخواني واكثر ليش ما تجمع وياهم.

عمر: ادري همه مثل اخوانج وللابد اني ما اريدج تجمعين وياهم.

زهراء: ما اكدر.

عمر: هو شنو ما تكدرين هو بكيفج.

زهراء: اي طبعا.

عمر: لعد شنو شايفتني رجل كرسي كدامج اني زهراء لا تعصبيني كافي تصرفاتج قبل ساكت عليج اكول بعدها صغيره.

————————

نور: طلعت للطرمه اصيح علي لكيته يحجي ويا سيف خزرني ما اهتميت اله حجى ويا علي واجاني هو بقى مصدوم...

علي: ها شكو نور.

نور: اريد توديني للصالون اني والبنات.

علي: شوكت.

نور: الظهر هم يالله.

علي: ماشي بس خاصه هاي ام لسان ما اريدها تجي لان تخرب الجو.

نور: ههههه ماشي يالله اني ادخل علمود اساعد البنات بصب الغدا.

علي: ماشي.

نور: صبينا غدا وتغدينا رحت احضر نفسي صار بوجهي سيف.

نور: نعم شرايد وخر اريد ابدل.

سيف: اريد احجي وياج شويه ممكن.

نور: لا موممكن وخر اريد اروح واعتقد ماكو حجي بيناتنه يالله ابتعد.

سيف: واذا ما وخرت شراح تسوين وبعدين اني اريد احجي وياج.

نور: شو وخر مالي خلكك...
عفته وصعدت لكيت البنات يحضرن نفسهن الا زهراء.
ليش ما تحضرين نفسج.

زهراء: ما اروح عمر ما يقبل.

نور: ليش وين رايحين هو للصالون.

زهراء: مايقبل وبعدين هناك اروح مو مشكله.

نور: بكيفج.
بدلت ونزلت رحنا للصالون....

—————————

سيف: مره طلعت من الباب الورا وشفت نور ويا علي تتمضحك وتحضن بي حقدت عليها وكرهتها بوكتها لان من صدك حبيتها وحتى ردت اتقدملها بعد عرس رعد بس بعد هذا كلشي تحول عكس كمت ازعجها ومره سمعتها كلام جارح لان حسيت كل النسوان مثل بعض اليوم جنت واكف ويا علي طلعت نور من الباب تصيح علاوي خنزرتها ما اهتمت..

علي: بس شويه عمتي تصيحني.

سيف: عمتك.

علي: اي عمتي يالله اني رايح.

سيف: الله وياك.
بقيت مصدوم اتغديت ورحت اغسل شفتها ردت احجي وياها بس مبينه غ
قافله عفتها لان كلت الايام بيناتنه.

—————————

زهراء: بس اني مو صغيره.

عمر: لا صغيره وراح احجي ممنوع تقاطعيني.

زهراء:(هزيت براسي).

عمر: اولا ممنوع تتجمعين ويا ولد عمج وخاصه علي ممنوع ثم ممنوع يعني تشوفي توخرين عنه وترحين ثانيا طلعه بدوني هم ممنوع راح اخلي رقمي بموبايلج وتخابرين ثالثا اي شيء يصير بدون علمي راح تشوفيني كدامج.

زهراء: شلون تلحك توصل.

عمر: عندي اساليبي الخاصه.

زهراء: اي شسويت بسالفه زينه.

عمر:.رحت على صديقي محامي كلتله على شغله بعدين رحت للمستشفى الشرحوا بيها جدي دورت على الدكتور الي گال بي سكته قلبيه رحت وحجيت ويا كام يتحجج عفته ورحت للمحكه رفعت علي قضيه انسجن وما اعرف شوكت المحاكمه مالته وشكد ينسجن.

زهراء: ها وشلونها زينه.

عمر: شعليج بيها ما اخذت شرطين مالتي

زهراء: ما نسيت.

عمر: لا شلون انسه.

زهراء: واي هسه شتريد.

عمر: تعالي تقربي اليه.

زهراء: هاي تقربت بعد شكو.

عمر: تعالي بعد.

زهراء: اتقربت.

عمر: انتي ما منج فايده.

زهراء: كام وقربني منه حيل اني ارتكبت حاوطني بأيده عمر شنو تسوي وخر.

عمر: عقابج على السانج الطويل.

زهراء: انته تخليني اطول الساني.

عمر: هههه حلوه.

زهراء: عمر وخر اريد ار...(قاطعني)..
باسني من شفايفي بس بقوه ردت اوخره بس ماكو فايده وخر من نزل دم من شفتي كمت ابجي هو حضني وبيده يمسح على ظهري بعدين وخرني ومسح دموعي.

عمر: كافي يا عيون عمر ما صار شيء.

زهراء: يوجعني حيل.

عمر: يالله اني اسف مو قصدي ابوسج قوي.

زهراء: اي اليوم اريد اروح ويا البنات الصالون.

عمر: لا ماكو روحه ولا تحاولين وياي لان ماكو فايده.

زهراء: بس عمر كلت اروح وياهن.

عمر: زهراء كافي وخل ننزل اتغده لان ميت جوع.

زهراء: ماشي.
نزلت تغديت وغسلت مواعين ويا البنات صعدت فوك شفتهن يتحضرن رحت سبحت لكيتهن رايحات سديت الباب ونمت.......

—————————
نور: رحنا للصالون حفيت وجهي وسويت تنظف لبشرتي والبنات نفس الشيء بس رنا سوت صبغ بشعرها رجعنا دخلنا البيت المغرب لكينا ام عمر وام زهراء يحجن بالمطبخ سلمت وصعدت فوك بدلت ونزلت تعشينا بدون زهراء لان نايمه وغسلنا مواعين وصعدت انام بقيت اكلب بموبايلي اجتني رساله من رقم غريب.

...: ليش كاعده لحد الان.

نور: عفوا منو وياي.

...: معقوله ما عرفتيني.

نور: رجاءا بدون الغاز.

...: نوره اعصابج حبي ومعقوله اگول منو اني.

نور: استلم احلى بلوك.

...: لا لا راح احجي بس لا تسوين بلوك.

نور: يالله احجي خلصني.

...:

—————————

زهراء: كعدتني ماما علمود نروح كمت بدلت لبست فستان لابسته من قبل وما خليت اي شيء على وجهي لان ما مبيه حيل نزلت الكل مخبوص رفعت راسي عمر يباوعلي ابتسمت اله هو هم ابتسم رحت للمطبخ شفت يسون ريوك دخل مصطفى صالي هواي ما شايفته رحت بسته.

مصطفى: هههه شبيج.

زهراء: كبر مو صوجك ليش ما تجي تسال عليه والله مشتاقتلك.

مصطفى: جنت يم ولد عمي طه ورسول وبابا مريض هم بقيت يمه ليش ما تجين اله وتسالين والله حتى من ينام يحجي بإسمج.

زهراء: المهم هي شغله مو مال عمرك ياهو حضر ملابسك.

مصطفى: ماما البارحه بليل.

زهراء: لا اني بديت بيهن من الصبح وهسه گلي بابا وين.

مصطفى: يم بيبي هناك كاعد.

زهراء: ها والله مشتاقتلك.

عمر: زهراء ممكن تجين اريد احجي وياج.

زهراء: اي هسه...
عفت مصطفى ورحت للعمر.

عمر: شنو هذا قبل شويه.

زهراء: شنو سويت.

عمر: دك بوس بي لي يكول صارلج كومه ما شايفته.

زهراء: اي والله صالي كومه من اجيت لحد الان ما شايفته اشتاقيت اله.

عمر: ترا اني ما احب زوجتي تبوس غيري خليها بالج وشيء ثاني هم من ترحين وبعد فتره تشتاقيلي وتبوسيني مثله.

زهراء: احم اي لا هو.

عمر: هههه شبيج صار وجهج اصفر.

زهراء: لا مابي شيء.

عمر: المهم اني هم بعد اسبوعين اجي نعقد محكمه ويالله تعالي تريكي.

زهراء: ما اشتهي بس اكل اتقيء.

عمر: بس انتي البارحه مامتعشيه.

زهراء: اي ادري بس اوصل اكل هناك.

عمر: ماشي.

زهراء: تريكوا طلعنا سلمنا على الكل وصعدنا السياره
بابا ماكو يمكن صعد ويا عمو ابو رزان عمر مدري شاوره وراح ردنا نطلع لوحت بيده اله باي هو هم الطريق مثل كل مره طويل ومتعب من وصلنا بغداد احس ارتاحيت وكف سيف يم مطعم جاب اكل واجا.

سيف: هاي اوامر الشيخ عمر هاي خصيصا لزهراء.

زهراء: بس ما اله داعي.

سيف: اذا ما اجيب يعدمني غير.

زهراء: هههههه
وصلنا للبيت دخلنا وسيف ويانا وعمامي نزلوا بابا واخذوا البنات رحت سبحت وبدلت وكعدت اكل لان ميته جوع اكلت وبقيت اباوع بموبايلي.....

————————

نور: ردت اعرف منو جاي يراسلني طفت الكهرباء بعد عفته ونمت لان مالي اي خلك كعدت الصبح من وكت لا منبه الجهاز رحت توضيت وصليت وبدلت نزلت جوه مو الكل كاعد ساعدت البنات بالريوك تريكنا وكملنا رحت صعدت السياره يمكن اني اول وحده وسيف بيها ارتبكت الصراحه كعدت وسويت نفسي مامهتمه.....

سيف: السلام لله.

نور: اني ماريد اسلم عليك.

سيف: بكيفج يابه.

نور: انته جنت البارحه تراسل.

سيف: يا بارحه ويا تراسل.

نور: لعد هاهيه السالفه مو يمك.

سيف: شراح تقدمين ويا كليه.

نور: ما اعرف واعتقد شيء ما يخصك.

سيف: انتي كله عصبيه عندج.

نور: مو اني ام الولد ومتريد تحجي وياي بعد شكو.

سيف: بس اني جان......

————————

الى هنا ينتهي البارت........
في امان الله....