رواية بين أسوار الشيخ الفصل الثالث عشر 13 - بقلم Esraa hussein

# بقلمesraa1289
#بين اسوار الشيخ

---------

زهراء: رحت لبيت جدي وشفتهم يطبخون وينظفون خير شكو شصاير اليوم سالت رنا..

زهراء: رنا شعدهم اليوم.

رنا: جايين شيوخ من اصدقاء عمر وبابا يتغدون هنا.

زهراء: ها اني راح اروح اشوف امي وين من البارحه ما شايفتها.

رنا: ماشي.

زهراء: ادور على امي شفتها كاعده هي وبيبي يسولفن.

ام زهراء: هلا ماما تعالي شلونج.

زهراء: الحمدلله مشتاقتلج.

ام زهراء: حتى اني وين جنتي.

زهراء: يم البنات بالمطبخ احجي وياهن.

ام زهراء: لعد روحي يمهن ماما.

زهراء: هو اني اجيت اسلم عليج.

ام زهراء: اروح فدوه للحنونه مو مثل اخوج من البارحه ما شفته لحد الان.

زهراء: ههههه يالله اني راح اروح باي.

ام زهراء: بايات.

زهراء: رحت للمطبخ جنت واكفه يم الكاونتر ودخل ولد يجي عمره بالعشرين باوعلي من فوك ليجوه شبي هذا بعدين طلع ورا شويه رجع بقا بالمطبخ يدور حجج حتى يبقى اني ما اهتميت اله وجانت نور بصفي فا ما خايفه منه بقينا اني ونور نحجي وهو بالمطبخ بعدين اجا عمر.....

عمر: خير احمد شسوي يم النسوان.

احمد: لا بس هو.

عمر: امشي اطلع برا يالله لا تشوف شي ميعجبك(بعصبيه).

احمد: حاضر.

عمر: وانتي طبي جوه ما اريد اشوف وجهج هنا بعد يالله(بعصبيه).

زهراء: تحجي وياي.

عمر: اي وياج لعد ويا الحايط البصفج امشي يالله بسرعه.(بعصبيه).

زهراء: حاضر راح اروح..
دخلت جوه احس نفسي راح ابجي لان احس فشلني كدام البنات رحت للحمام غسلت وجهي واجتي نور.

نور: ها حبيبتي شبيج.

زهراء: مابيه شيء تعالي نروح نكعد نرتاح.

نور: امشي.

زهراء: رحنا كعدنا اني وزهراء بالصاله الفوك بقينا نحجي ونسولف حتى نستني شنو صار قبل شويه.

أم عمر: ها عيوني ليش كاعدات هنا.

زهراء: لا خاله ماكو شيء بس هوسه جوه واجينا هنا شويه نرتاح.

ام عمر: ها اني راح اجيب دهن من فوك.

زهراء: خاله راح نجي وياج تعالي نور.

ام عمر: يالله تعالن.

زهراء: صعدنا للسطح مخلين غرفه شويه جبيره مخلين كلشي يتعلق بالطبخ..

نور: خاله كل جياسه التمن شسون بيها.

ام عمر: خاله هم يالله يكفي.

زهراء: ليش خاله ميكفي.

ام عمر: مو احنا يوميه شيوخ وطبخ.

نور: اي صحيح.

زهراء: خاله خل نطلع للسطح بس نشوف البساتين.

ام عمر: يمه علمود عمر يذبحني.

نور: خاله فدوه محد يشوف.

ام عمر: بس شويه تشوفن وننزل.

زهراء: اوكي.
شفنا البساتين فد منظر يخبل.

نور: واو يجنن.

زهراء: شنو يجنن يخبل.

ام عمر: ههه يالله ننزل.

زهراء: نزلنا رحنا كعدنا يم ماما بغرفه بيبي بقيت كاعدين ونسولف لحد ما صار الغدا رحنا كعدنا اني ونور واجت رزان..

نور: وين جنتي ادور عليج ماكو.

رزان: جنت بالبستان ويا بنين.

زهراء: والله.

رزان: والله ومحد موجود وهدوء الجو يخبل.

نور: هنيالج والله.

زهراء: كعدنا ناكل بس اني ما اكلت كلش لان اكلهم دسم كلش بقيت اكل زلاطه وفواكه كملت ردت اكوم.

ام عمر: وين خاله كلشي ما اكلتي.

زهراء: خاله والله شبعت اصلا اني ما اكل هذا الاكل.

ام عمر: تريدين اسويلج شيء.

زهراء: لا خاله تسلمين ما اريد شيء اصلا شبعت.
رحت غسلت اجن رزان ونور غسلن رحنا نساعد البنات بالمطبخ اني بقيت شويه بعدين دخلت بيبي رادت علاجها رحت للغرفتها بقيت ادور علي لكيته جبته الها بقت بيبي تسولف عن ايام زمان بعدين اجن رنا ورشا رحنا للبيتهم دخلت سبحت وبدلت لبست دشداشه قصيره وسويت شعري ذيل حصان ونمت كعدت تقريبا بالخمسه احس نفسي ميته جوع وماما وخاله ام عمر والبنات كاعدات يسولفن...

ام زهراء: صح النوم.

زهراء: صح بدنج.

ام عمر: خيرج خاله تردين شيء.

زهراء: لا خاله مابيه شيء.
غسلت وجهي رحت للمطبخ الباب انفتح ودخل عمر
ما اعرفت اتصرف هو بقا يباوع ولا منزل عيونه.
ممكن توخر عيونك.

عمر: والله بيتي وين ما ااريد اباوع اباوع عادي.

زهراء: بس ما تشوف شلابسه.

عمر: والله محد كلج تلبسين هيج البيت مو بيتج روحي ستري نفسج لو واحد شايفج غيري شيكول يالله(بعصبيه)

————————

عمر: اليوم كلش تعبه احس جسمي متكسر رجعت للبيت الظهر دخلت فشت زهراء واكفه تشرب مي ولابسه قصير الصراحه احنا عدنا البنيه ما تلبس هيج الابغرفتها عصبت عليها  لو اخويه شايفها زمخت عليها عافتني ومشت رحت لغرفتي سبحت وبدلت نمت تقريبا ساعتين كعدت ورحت يم جماعتي لليل رجعت جاي يسوون يفرشون السفره..

عمر: السلام عليكم.

ابو عمر: وعليكم السلام تعال يابه اكعد يمي

عمر: اجيت..
بقينا كاعدين شويه بعدين كملوا نقل المواعين اجينا كعدنا كلنا.

ابو عمر: لعد وين زهراء شكو ماكو وينها.

رزان: عمو نايمه كعدتها تكول شبعانه متريد.

ام عمر: شلون شبعانه وهي بالغدا ما اكلت.

ام زهراء: لا تخافين هي بعد شويه تكعد وابو مصطفى يروح يجبلها اكل.

ابو عمر: هيه شلون تنام المغرب نوم المغرب مو زين.

ام زهراء: هيه دائما تنام المغرب.

ام عمر: انشالله نوم العوافي عليها.

عمر: تعشينا وشربت جاي ورحت لغرفتي تمددت على السرير واجتي امي.

ام عمر: كوم يالله.

عمر: خير يمه شكو.

ام عمر: شنو حاجي ويا زهراء.

عمر: ما حاجي شيء وياها ها اذا على موقف الظهر ترا هي خطأنه.

امي: يمه حبيبي ليش تصير عصبي.

عمر: مو عصبي بس هيه نرفزتني ورزلتها.

امي: زين كوم جيبلها عشا خطيه والله.

عمر: هي گالتلج.

امي: لا والله اصلا البنيه ماحاجيه شيء اصلا نايمه اني نقهرت عليها.

عمر: بدا دلالج الها ترا اني ابنج هم.

ام عمر: اني تسوه عندي الدنيا يالله يمه.

عمر: امري لله كايم.
لبست ورحت إلى أقرب مطعم اخذت منه سفري ورجعت للبيت اجت رنا اخذته بعدين صعدت لغرفتي......

—————————

زهراء: الصراحه ضجت كلش من رزل عليه بقيت ابجي لحد ما ذبيت ضوجتي بالنومه نمت كعدتني ماما.....

ام زهراء: يالله ماما كعدي كافي نوم.

رشا: ههههه يالله كعدي شنو اجيتي النا تنامين.

زهراء: هههه لا بس تعبت ونمت.

نور: يالله تعالي تعشي.

زهراء: اي والله ميته جوع.

ام زهراء: اني راح اجيبلج العشا لهنا.

زهراء: ههههه الله شنو هل الدلال.

رزان: هههه اكيد كم زهراء عدنا باجر نروح للبستان.

زهراء: ويامن نروح.

رزان: نروح ويا بنين مثل ذاك اليوم من رحنا ومحد حس علينا.

نور: والله لو يدون تصير مصيبه بالنسبه اليه اني ما اروح.

زهراء: حتى اني ما اروح كبر رزان هسه يبتلنج بشيء ويسون روحن بريئات.

نور: اي والله رزان كلام زهراء صحيح لا يركبن بيج مصيبه وتصيرين جوه الرجلين.

رزان: والله ما ادري بس مبينه حبابه.

نور: تنجبين ما ترحين وباجر نروح للصالون.

رزان: ما تبطلين من سوالفج.

نور: ما ابطل واشتاقيت اروح لصالون.

زهراء: اني ما اروح لان قبل رحت للصالون.

ام زهراء: وهاي اجا العشا يالله تعالي.

زهراء: تعشيت جنت كلش جوعانه كملت رحت غسلت ورجعت تمددت ما اجاني نوم بقيت اباوع...........

—————————

ولهنا ينتهي البارت...
وانشالله باجر انزل بارت...
تعلييييييق..
تصووويت.....