رواية بين أسوار الشيخ الفصل الرابع عشر 14 - بقلم Esraa hussein

#بقلمesraa1289
#بين أسوار الشيخ

--------

زهراء: مشى كم يوم يمهم ماكو شيء جديد بيوم جنت كاعده ارتب ملابسي اجا عليه بابا كعد يحجي وياي بعدين گال....

ابو زهراء: بابا زهوره عندي حجايه وياج.

زهراء: خير بابا گول شنو.

ابو زهراء: اني كبرت وانتي كبرتي هم بعد ما اضمن نفسي شوكت اموت.

زهراء: لا بابا انشالله عمرك طويل لا تحجي هيج.

ابو زهراء: گلت أمن عليج اتقدملج رجال وافقت علي لان خوش رجال.

زهراء: شنو وافقت علي وشنو خوش رجال شتحجي انت بابا.

ابو زهراء: اجوا اليوم ناس طلبوا ايدج مني وافقت.

زهراء: لا والله ومگلت شنو رائي اوافق لا.

ابو زهراء: وانشالله ما توافقين اني اطيت كلمه للرجال والخميس الجاي عقد القران(عقد سيد).

زهراء: بابا صدك تحجي ودراستي ومستقبلي ومو علساس ماتجبرني وين جانت وعودك ها احجي.

ابو زهراء: شوفي اخر الدلال وين وصل.

زهراء: شنو اخر الدلال وين وصل غير اني بتك الوحيده بابا فدوه مااريد اتزوج.

ابو زهراء: شوفي تتجهزين للخميس وهذا اخر كلام عندي واذا ما وافقتي لا اني ابوج ولا اني اعرفج.

زهراء: ماشي راح اوافق بس اعتبر من اليوم لا اني بتك ولا انتي ابوي.
عافني وطلع بقيت ابجي ياربي شاسوي بحالي رحت غلقت الباب اكثر من ساعه سمعت واحد يدك بالباب...
زهراء: منو.

نور: اني زوزه فتحي.

زهراء: فتحت الباب الها وحضنتها.
شوفي سوه بيه حتى موافقتي ما اخذها عود اني بته الوحيده وراسا يشمرني شمرعلى واحد حتى ما اعرفه تقبلين نور.(احجيها ببجي)

نور: تعالي يمي والله ابوج يعرف مصلحتج ويريد مستقبلج انتي وافقت و الباقي على الله.

زهراء: ولج نور بس مو هيج.

نور: اني بالنسبه اليه وافقي والله ماراح تلكين احسن منه وثانيا مثل ما كلت الج ابوج يريد مصلحتج واكيد اذا كلج ما راح توافقين كومي صلي واخذي استخاره وادعي الله وهو يسهلج يالله.

زهراء: ماشي راح اسوي الكلتي علي بس والله الا اخلي بابا يتندم على الساعه وافق بيها.

نور: لا تسوين هيج والله خطيه.

زهراء: هو حتى مساع گلت اله راح اوافق بس بعد لا اني بتك ولا انت ابويه.

نور: هههههه خطيه اخوي الله يساعده اكلج جايبه فستان وياج.

زهراء: اي جايبه وياي اثنين على اساس لحنة رعد راح اخلي واحد ليوم الخميس والثاني لحنة رعد.

نور: اي عفيه اكلج انتي تعرفين منو راح ياخذج.

زهراء: عوفي ماريد اسمع اسمه القذر.

نور: هههه اذا اكلج راح تنصدمين.

زهراء: بالله منو سعيد الحظ راح ياخذني.

نور: عمر.

زهراء: شنو شنو عيدي ماسمعت.

نور: مثل ما كلت الج عمر.

زهراء: اكول مهتمين بيه زهراء يا زهراء والي يكول بس اني موجوده والله الا اخبله واخلي يشرد بسيطه كومي خل اصلي وادعي ربي.

نور: اني راح اروح وانتي ابقي ادعي اوكي

زهراء: اوكي...
الصراحه نور اكثر شخص ارتاح اله حتى نستني شنو صاير رحت توضيت وصليت واني اصلي لله ابجي اخذت استخاره طلعت زينه عفتها على الله نزعت الجادر وبدلت ولبست تراك ولبست حجابي وخليت كحل وحمرا ونزلت جوه لكيت البنات مجتمعات وياهن امي وام عمر هلاوو.

ام زهراء: هلاوت ماما تعالي.

ام عمر: تعالي خاله اكعدي يمي

زهراء: رحت يم ام عمر كعدت يمها.

ام عمر: شبيج خاله شنو خاله باجيه.

زهراء: لا خاله ما باجيه على شنو ابجي.

ام عمر: يمه اذا اكو شيء بداخلج احجي.

زهراء: لا خاله ماكو شيء بداخلي.

ام عمر: شوفي يمه انتي راح تصيرن منه وبينه اذا ماعاجبج شيء ماتردين شيء احجي لا تستحين واذا ضوجج عموره تعالي وكليلي اني اعاتبه خوش يمه.

زهراء: انشالله خاله.
بقينا كاعدين ماما تحجي وياي اني ما احجي وياها والله لو ما هي بابا ما يوافق كامن يسون العشا اني رحت للغرفه ستوني اول بايات الدرج وعمر نزل بقا يباوع عليه من فوك لليجوه اني عفته وصعدت لزمني من زندي.

عمر: جنتي نازله هيج.

زهراء: اي هيج عندك مانع وخر اريد اصعد.

عمر: امشي وياي.

زهراء: وين عوفني وخر ايدك.

عمر: اش ما اريد اسمع صوتج.

زهراء: اخذني دخلني لغرفته جاب مناديل ورقيه واطانيها.

عمر: هاج مسحي حلكج وممنوع تخلين مره ثانيه حمرا وتنزلين جوه.

زهراء: ما امسح حلكي وشتريد تسوي وثانيا منو انت حتى تطي اوامرك اليه.

عمر: شنو منو اني ليش ما تعرفين منو اني لو اگلج.

زهراء: لا اعرف منو انت بس منو كلك اني راح اوافق عليك واذا وافقت عليك معناها مجبوره.

عمر: اول شيء اني ما ميت عليج حتى اخذج وثانيا حضري نفسج هاي الثلاثاء اعقد عليج.

زهراء: واني هم ماميته عليك وثانيا كلفت على نفسك بعد سوي اليوم احسن.

عمر: والله خوش فكره عادي ما عندي مانع هسه اروح اجيب الشيخ ونعقد.

زهراء: حبيبي انت يمكن تحلم اصلا منو كلك اني موافقه لحد الان اني ما اريدك.

عمر: باجر عقد القران واذا ما عاجبج ضربي راسج بالف حايط وذا ما وافقتي راح اكللهم شفتها ويا واحد وانت بعد ادرى منو يصدكون.

زهراء: انت فد واحد حقير ومتستحي على نفسك.

عمر: اكلج اني ما عندي وقت لتفاهتج.

زهراء: لزمني من زندي وطلعني برا الغرفه وسد الباب اني دفرت الباب ورحت للغرفه يا ربي ما اريده ولا اريد اتزوج بقيت لحد ما صار العشا.

ام زهراء: تعالي تعشي.

زهراء: ما اريد اتعشى سديتوا نفسي.

ام زهراء: ماما ما يصير تسوين بروحج.

زهراء: شنو مايصير وانتوا جبرتوني وحتى ما اهتميتوا الي.

ام زهراء: تعالي هسه شيكولون ما تريد ابنا.

زهراء: والله شيريدون يحجون خل يحجون ويالله اريد انام.

----------

عمر: جنه كاعدين بالديوان وابويه حاجه ابو زهراء على الخطوبه كدام عمامي ابو زهراء بعدين رجعت للبيت نمت العصر شفت زهراء مخليه حمرا طوخ ضوجتني اخذتها لغرفتي بعدين ضوجتني طلعتها برا بقيت ياربي شسوي نزلت جوه جانوا فارشين السفره دورت عليها ماكو عرفتها ما راح تجي ابويه كال لامها تصيحها هم ما اجت تعشينا وكعدنا نشرب جاي...

عمر: يابه عندي موضوع وياك.

ابو عمر: خير بويه احجي.

عمر: اريد العقد يوم الثلاثاء يعني عكب باجر.

ابو عمر: بس بويه شوكت تلحك واحنه كلنا يوم الخميس.

عمر: اي عادي كلشي اكمله باجر صالون واحجز والشيخ باجر اروحله والمعازيم اسهل منها ماكو ها شكلت.

ابو عمر: والله ما ادري هسه خل نكول لابوها.
ابو زهراء عندي طلب يمك وانشالله توافق.

ابو زهراء: انشالله سهل.

ابو عمر: نريد العقد يوم الثلاثاء واذا على ما تلحك كلشي باجر يكمل.

ابو زهراء: والله ما ادري.

ابو عمر: انتي ام زهراء شتكولين انتي تعرفين بسوالف النسوان.

ام زهراء: اذا كلشي كامل عادي.

ابو عمر: انشالله بيها خير لعد العقد راح يصير يوم الثلاثاء.

ام عمر: انشالله.

--------

زهراء: عرفت باجر العقد شكد حجيت ويا بابا بس ماكو فايده ويا ماما نفس الشيء ما اعرف بعد المن اشكي بقيت ابجي رحنا اني ونور ورشا للصالون على اساس تجهيز باجر رحنا اخذنا مرتضى سويت تنظيف بشره وشعري ما سويت بي شيء لان قبل مانجي   سويته كملنا رشا خابرت مرتضى گال عنده شغل ما يجي بعدين خابرت عمر گال راح يجي بعد شويه دك هورن طلعنا رنا خلتني اصعد لليكدام وهنا لليورا....

زهراء: السلام عليكم.

عمر: وعليكم السلام.

رشا: مرتضى شنو عنده من شغله.

عمر: اني دزيته بشغله.

رشا: عمر دخلنا من الباب الورا.

عمر: ماشي.

زهراء: وصلنا للبيت ردت انزل لزم ايدي وگال ابقي رشا ونور نزلن.
شتريد اريد انزل...

عمر:......

—————————

الى هنا وينتهي البارت..
انتظروني يوم الجمعه...
وصول متابعين قصتي 740 هذا بفضل الله ومن بعده اختي....
في امان الله