رواية بين أسوار الشيخ الفصل الثالث 3 - بقلم Esraa hussein

هلو متابعيني رمضان كريم علينا وعليكم بالصحه والسلامه وتقبل الله منا ومنكم افضل الاعمال...

واريد آرائكم وتصوييت.....

——————————

عمر: كعدت من الصبح اليوم ما عندي شيء دخلت للحمام سبحت وبدلت لبست دشداشه وغتره وعكال واخذت سبحتي ولبست محبسي ونزلت جوه لكيت امي كاعده واخواتي يمها صباح الخير.

امي: صباح الانوار تعال يمه تعال تريك.

عمر: اجيت. اتريكت وكملت رحت للديوان يم جدي سلمت علي بقينا شويه نسولف كمت رجعت للبيت تقريبا الساعه 11:32 لكيت اختي رنا سوي بالغدا السلام عليكم.

رنا: وعليكم السلام شلونك.

عمر: زين بس الدنيا حيل حاره وميت عطش.

رنا: هسه خويه اجيبلك مي.

رنا: هاك تفضل.

عمر: شكرا رحت لامي سلمت عليها وصعدت لغرفتي دخلت سبحت بمي بارد لان الدنيا حاره كلش لبست تراك رصاصي ونزلت جوه.

امي: يمه وليدي عندي موضوع وياك.

عمر: كولي يمه.

امي: يمه بت خالتك بنيه حلوه وشاطره بالبيت ما تاخذها شكلت يمه والله متت اريد اشوف جهالك قبل ما اموت وانت هم كبرت يعني مو صغير.

عمر: يمه فدوه كافي اني مااريد اتزوج هاي اولا وثانيا ما اريد هاي الخفه ماريدها.

امي: اي عادي ما تريدها ادورلك غير وحده.

عمر: اوو يمه كافي گلتلج ماريد اتزوج كافي.

امي: هاهيه بعد ما اسئلك هاهيه.

عمر: شفت امي سوت روحها زعلت يمه مو قصدي ازعلج يا الغاليه والله بس اشوف وحده عجبتني اني اگلج وتروحين تخطبيها هاهيه راضيه.

امي: اي هاهيه بس هاي السنه.

عمر: هاهيه اذن الظهر صليت وتغديت كمت صعدت للغرفه ردت انام ستوني اغفه ما اسمع غير الصريخ كمت بسرعه جوه شكو شكو.

ابوي: والله بويه ما ادري بس الصوت جاي من بيت جدك تعال خل نروح نشوف.

عمر: يالله . رحنا للبيت جدي دخلنا شفنا بيبيتي تبجي وسيف هم شكو احجي ليش تبجي.

سيف: ابوي مات.

عمر: شنو اني الصبح كله يمه ما بي شيء.

سيف: اني هم ماادري هوه صله وتغده راح ينام ولكينا ميت بفراشه ما نعرف شنو السبب.

عمر: حيل اتأثرت لان علاقتي ويا جدي حيل قويه ما توقعت هيج يصير موته كمنا ودينا للمستشفى لان نريد نعرف السبب ليش مات دخل يشرحوا طلع عنده سكته قلبيه اني ما اتحملت اشوفه فرجعت للبيت لكيت عالم كومه ما ادري منين عرفوا رحت للبيتنا صعدت لغرفتي نزلت دمعدتي ما كدرت اسيطر لان كلش جدي غالي عندي وحتى اقرب من ابويه واسراري يمه وهو هم اسراره يمي ودائما يعتمد علي اكثر من ولده ما تحملت حيل بجيت كمت لان عالم جوه هواي لبست دشداشه سوده وعكال وسبحتي ومحبسي ونزلت ماكو احد جوه لان الكل بيت جدي رحت للديوان كمت اسلم على العالم نصبنا جادر والعالم ذبحنا وكمنا نطبخ اجا جدي دخلوا جوه بس نسمع العياط كامن يصيحن ويلطمن عمي سيف ما شفته لان كلش مقهور وصعبه تفقد عزيز عليك طلعنا الجنازه بالسياره راحوا للنجف طبعا اني ما رحت ولا رعد حتى نستقبل العالم.
—————————————

زهراء: رحنا للمطبخ  واجت نور همه كملنا عشا خليناه على السفره كملنا صار منظر السفره كلش يشهي ماما صاحت الرجال من الاستقبال اني ونور ورزان كعدنا سويه اني كعدت بالطرف ونور بالوسط ورزان من الطرف كعد يمها منتظر اني كعد يمي علي ردت الكاع تنشك وتبلعني وما صاير هل الموقف ماما بصف عمه وبابا بصف عمي ومصطفى بصف انور.

علي: هلو يا حلو.

زهراء: هلوات.

علي: الج عقاب كلش جبير يمي.

زهراء: لا والله.

علي: عبدالله.

زهراء: اي عادي اصلا اني ما اخاف منك ولا راح اخاف.

علي: بسيطه زهراء اني اعلمج شلون تخافين.

زهراء: كلش اصلا ما تكدر وكافي اريد اكل براحه.

علي: احجي بحترام لا اعلمج الاحترام والله ومحد لازمج حتى ما تاكلين.

زهراء: كملنا عشه كمت اغسل بالمغسله ما احس علي وراي علي. علي شسوي وخر لاحد يجي.

علي: محد يجي صدك اني بنظرج مخبل هاي اولا ثانيا ليش ما تقبلين تروحين وياي وثالثا ليش ما تحجين بحترام احجي ليش ساكته.

زهراء: اولا انت مو بنظري مخبل بس من باوعت علي حسيتك مخبل ثانيا اني ماريد اروح وياك لان ما ارتاح وياك ثالثا اني ما احجي وياك بحترام لان انت ما تحترمني.

علي: اني ما احترمج لازم انتي تحترمين بعدين انتي احترمج.

نور: زهراء.

زهراء: اي اي اي جايه وخر عني دفعته ودخلت.

نور: شبي وجهج اصفر.

زهراء: ما بيه شيء.

نور: يالله تعالي نغسل مواعين.

زهراء: اي يالله... كمنا غسلنا مواعين وماما صبت جاي الهم كملنا مواعين اني صعدت لغرفتي ورزان هم بس نور بقت جوه اني اخذت دشداشه قصيره لون اصفر فاتح سبحت وكملت طلعت دخلت وراي رزان مشطت شعري وخليته مفتوح خليت لوشن لجسمي علمود يبقى ناعم وريحته طيبه كملت وكعدت على السرير لزمت موبايلي ودخلت انستغرام بعدين طلعت رزان لابسه تشيرت لون عنابي وعلي كتابات بالون الاسود وبرمودا لون اسود من ملابسي طبعا مشطت شعرها خلته ذيل حصان واجت يمي وكامت تباوع وياي بالموبايل گلتلها مشتاقتله.

رزان: المن؟؟؟

زهراء: لا تسوين نفسج غبيه يعني المن لرعد.

رزان: لا اكيد لا.

زهراء: لا تسوين نفسج غشيمه يوميه اشوفج صافنه ها احجي.

رزان: اي اصفن بس اله.

زهراء: رزان.

رزان: والله لا ما اشتاقله.

زهراء: يالله صدكتج خلي اخابره صالي هواي ما مخابرته.

رزان: خابري عادي.

زهراء: ( طبعا اني عندي علاقة كلش قويه ويا رعد وسيف بس لان دائما يجونه وجدو هم بس الباقين لا ابدا). خابرت علي..

رعد: الو.

زهراء: الو رعد شلونك شخبارك.

رعد: الحمد لله انتي شلونج شخبار اليمج.

زهراء: الحمد لله شتقصد اليمي( وتباوع على رزان وتضحك) .

رعد: تعرفين كلش زين .

زهراء: زينين وصحتهم ممتازه.

رعد: اي الحمدلله شلونها عمتج نور.

زهراء: شعندك وياها.

رعد: لا بس خالج خبصني بيها خبص .

زهراء: زينه هسه سيف يمك

رعد: اي يمي.

زهراء: اطيني اخابره.

رعد: هاج.

سيف: الو.

زهراء: الو شلونك خالو.

سيف: الحمد لله انتي شلونج.

زهراء: زينه شعندك بس تسأل على عمتي.

سيف: انتي شعليج شلونها.

زهراء: زينه هسه هي تحجي ويا ولد عمها.

سيف: تحجين صدك زهراء.

زهراء: اي والله تحجي ويا ولد كومه.

سيف: زهراء احجي عدل.(بعصبيه)

زهراء: لا لا جذب تحجي ويا ولد اخوها.

سيف: ها.

زهراء: يمه على الغيره يمه

سيف: احجي عدل.

زهراء: انتم ياهو احجي ويا يگلي احجي عدل. كملت من خالي اجت نور گالت راحوا نمت الصبح كعدت ما عندي شيء لان اليوم عطله  نور ورزان راحن عمو اجاهن سبحت وبدلت لبست تراك لون احمر واسود ورفعت شعري كعكه ونزلت لكيت ماما بالمطبخ صباح النور .

ماما: صباح الانوار شلونج اليوم.

زهراء: زينه الحمد لله شبيج ماما ليش جنج قلقه.

ماما: لا ماكو شيء.

زهراء: مستحيل ماكو شيء احجي ماما.

ماما: لا ماكو شيء بس كلبي يوجعني حيل احسه معصور ما ادري ليش احس شيء راح يصير مو زين.

زهراء: لا يمه ادعي آلله وما راح يصير شيء مو زين.

ماما:انشالله.

زهراء: تريكت وغسلت مواعيني طبعا ماما ماتقبل اشتغل بس حسيتها تعبانه فغسلت مواعين. ماما سوت غدا تغدينا وكملنا كعدنا يم بابا نلعب ورق اجا اتصال لبابا بابا رفعه وصار جنه مصدوم وجهه اصفر صار سدا وبقا ساكت

ماما: حبيبي شبيك احجي يا هو احجي.

بابا: لا محد بس ابوج مريض وداخل مستشفى

ماما: ها زهراء مو گلتلج كلبي گالي اكو شيء.

بابا: كوموا الكل يتحضر نروح كلنا .

ماما: زهراء يالله ماما.

زهراء: ماما راحت تحضر جنطه ومصطفى همه لان اني ومصطفى اول مره نروح بقيت يم بابا لان بابا مو طبيعي بابا حبيبي شبيك شكو صاير دائما جدو يتمرض بس ماتصير هيج احجي وآلله ما اگول احجي.

بابا: اذا اگلج راح تنصدمين.

زهراء: احجي ما راح انصدم بابا اتقرب عليه وحجه بصوت ناصي وگال جدج مات اني هنا انصدمت شلون مات ليش بالهل السرعه ماما شراح يصير بيها من تسمع بس بعدين هو قضاء وقدر ردت ابجي بس بابا گال دير بالج تبجين وامج تحس كومي روحي حضري كومي بابا كمت لغرفتي حضرت جنطه واني ابجي مسحت ادموعي لان اني جدي كلش احبه لان ماما دائما تحجينا عليه وعلى طيبته ولازم اكون قرب ماما واسندها كملت لبست جينز ازرق وقميص طويل لون بنفسجي طوخ وحجاب بنفسجي فاتح لان مااريد احسس ماما صاير شيء نزلت جوه ونزلت الجنطه لكيت مكملين.

بابا: يالله لازم نوصل بسرعه.

زهراء: بابا.

بابا: ها شكو.

زهراء: بابا ومدرستنا شلون ما اخذنا اجازه.

بابا:گلت لعلي يروح وياخذ اجازه لج ولمصطفى.

زهراء: ها خوش صعدنا سيارتنا وكام بابا يسوق بس الطريق شطوله انام واكعد واحنا ما واصلين وصلنا تقريبا بليل الفجر الساعه تقريبا 4:53 بابا دخلنا من الباب الورا للبيت ما موجود احد باوعت لماما شنو رده فعلها ساكته وتباوع نزلنا اجت علينا مره تقريبا يطلع عمرها بالاربعين تقريبا لابسه اسود كله من راسها لرجليها.

ماما: ليش لابسه اسود اكو شيء.

ام عمر: البقيه بحياتج يا حبيبتي.

ماما: منو مات احجي منو(وتبجي).

بابا: تعالي ادخلي جوه وبعدين تعرفين.

ماما: ما اريد ادخل كول منو مات فدوه كول.

زهراء: احس ماما راح تستهتر كامت تبجي وما تريد تدخل اني ومصطفى كمنا نبجي على بجي ماما اجو تلاث ولد من صف البيت اني ما باوعت عليهم زين لان احس دموعي غوشت من الدموع كمت ما اباوع زين واحد من هذوله الولد حجه ويا ماما بعدين ماما لزمت ايدي ودخلنا جوه لكينا نسوان كومه ماما عرفت ان جدي مات كامت تصرخ ودخلت يم بيبي بالاستقبال اني بقيت واكفه بمكاني اجت عليه بنيه يطلع عمرها بالعشرين تقريبا اجتني.

رنا: تعالي زهوره جوه.

زهراء: ماشي. صرت ما اسمع غير الصريخ واجوا خوالي يم بيبي لان ماكو ناس غريبه اني كامت دموعي تنزل شلال اجت عليه نفس البنيه گالت.

رنا: زهراء ما يصير لابسه ملون تعالي اطيج اسود.

زهراء: لا اني جايبه وياي ملابس سود بس گليلي وين ابدل.

رنا: تعالي حضرنا غرفتين الكم.

زهراء: صعدت ويا هايه البنيه للغرفه طبعا الغرفه كلش مرتبه ونظيفه لكيت جنطنا بالغرفه البنيه عافتني وراحت سديت الباب بدلت لبست جينز اسود شويه عريض مو ضيك وقميص اسود فوك الركبه بشويه وشال لفيته ما خليت اي شيء على وجهي نزلت واني انزل على الدرج ومنزله راسي لكيت واحد واكف يباوعلي من فوك ليجوه اني باوعت على نفسي لبسي ما بي شيء .

عمر: راح تنزلين هيج بهذا اللبس.

زهراء: اي وشبي يعني.

عمر: لا ما بي شيء.

زهراء: عافني وصعد نزلت لجوه...

—————————

#بقلمEsraa1289
#بين اسوار الشيخ

اليوم نزلت الكم بارت طويل تعبت كلش اريد آرائكم.

تصويييييييت...
تعلييييييييق...