رواية بين أسوار الشيخ الفصل الثاني 2 - بقلم Esraa hussein

هلو متابعيني شلونكم اليوم....
ارجوكم متابعه وتصويت وآرائكم....

#بقلمEsraa1289
#بين اسوار الشيخ

عمر: اليون عدنا طلابه ويا عشيره ثانيه لان صارت مشاكل بينا وبينهم فرحنا نحلها بقينا اكثر من ثلاث ساعات حليناها ورجعنا للبيت لكيت عمي سيف وابن عمي رعد رجعوا من بغداد لان جان عدهم شغل بشركه جدي ببغداد يا هلا وغلا.

سيف: هلا بالغالي ابن الغالي شلونك شخبارك.

عمر: الحمد لله بخير شلونكم انتم.

رعد: من آلله بخير.

عمر: الحمد لله رحتوا شفتوا عمتي وسلمتوا عليها.

سيف: لا والله نسيت.

عمر: شلون لا مو عيب هسه شتكول اخوي ما يزورني مو عيب والله لو درت تزعل.

سيف: لا والله مو شغل هواي صار على راسي وما لحكت والله هسه ما راح تعرف.

رعد: شلون ما راح تعرف واحنا التقينا ويا حماها وعائلته بالمول اكيد يكلولها.

عمر: رحتو للمول وما رحتلها والله لو يدري جدي شيسوي مو عيب سيف والله واكبر عيب.

سيف: هسه اني شمسوي دائما من اروح للبغداد اروحلها بس هل المره واذا زعلت اني اروحلها واتعذر منها ها رضيت.

عمر: اي رضيت بس روح لجدي وگله

سيف: ماشي.

عمر: رحت للبيت سلمت على امي وصعدت لغرفتي سبحت وبدلت لبست جينز اسود وتشيرت ابيض وحذاء ابيض رياضي ورحت يم جماعتي كم ساعه لان هناك ونسه يمهم....

---------------------------------------

زهراء: كعدنا اني ونور ورزان بغرفتي بعد ما تغدينا بدينا نقرا دروسنا لباجر وهم باجر عندنا امتحان  قرينا اكثر من ساعه وحده تراجع لوحده لحد ما تعبنا نزلنا ناكل نعوض عن الطاقه الراحت اكلنا شويه حلويات وكعدنا على الطاوله وكعدت ويانه ماما.

ماما: تريدن تطلعن اليوم بليل نروح منتزه شيء مكان ثاني لان ملل كلش.

زهراء: اي والله ملل.

نور: اي عادي خل نطلع.

زهراء: اي ماما صدك ذاك اليوم طالعين للمول وشايفين خالو سيف وما جاينا تقبلين.

ماما: شنو جاي للبغداد وماجاينا اني اعلمك سيفوا.

زهراء: هسه عوفي هاي السالفه وصدك يقين جارتنا اطلكت.

ماما: اي تستاهل اصلا ما تستاهل اصير ام بيت.

زهراء: ليش ماما.

ماما: معليج سوالف كبار بعدين تعرفين.

زهراء: اوكي كملنا اكل وصعدنا نكمل دراسه.
------------------------------

علي: صعدت لغرفتي واني ضايج كلش ما احس زهراء صارت ملكي اريد اتحكم بكلشي بيها مادري شجاي يصير وياي قبل جنت مغرور وما اهتم لحد لان قبل حبيت وحده من كل كلبي بس خانتني وتزوجت ابن عمها لذلك كرهت بنات حواء كلها ما اطيق ابنيه بس امي احسه وفيه حتى نور عمتي جانت علاقتي بيها كلش حلوه هم كرهتها بس هسه هذا الشعور الجاي احسه مو مثل اول مره حبيت ما اعرف شنو من شعور لذلك قررت العصر اروح للبيت عمي لان احس اشتاقيت لزهراء ما اعرف ليش نمت كعدت تقريبا الساعه خمسه ونص كمت دخلت لحمام اخذت شاور سريع بدلت ولبست جينز ازرق وتشيرت زيتوني وحذاء رياضي ومشطت شعري ونزلت لكيت امي وأبوي يسولفون كعدت شويه وياهم گلتلهم رايح للبيت عمي ابوي كال خل نروح كلنا صالنا هواي ما رايحين گلت اوكي كاموا بدلوا كملنا صعدنا بسيارتي اتذكرت مكان زهراء من كعدت اني كعدت اسوق وابوي بصفي وامي واخواني اثنين وراء وصلنا للبيتهم على العشاء لان تاخرنا شويه نزلنا سلمنا ودخلنا بالصاله طبعا الدرج بالصاله الينزل ينشاف ادور على زهراء ماكو كعدنا وقدمت عمتي الضيافه ابوي سأل على زهراء كالوا نور ورزان يمها يدرسن ابوي گال اي هما مرحله صعبه وگال لمنتظر روح ادرس وياهم اني اهنا الغيره اشتغلت عندي ليش ما يكول علي روح انت ليش منتظر ردت امنعه بس ما اكدر اكول لا بقيت كاعد ما حجيت شيء بس احس نار تطلع مني.

عمي: علي شو كاعد ما تحجي شبيك.

علي: لا عمي ما بيه شيء.

عمي: ما ناوي تتزوج حتى نفرح بيك.

ابوي: شكد گلتله بس ماكو فايده مايقبل.

علي: من گال عمي هيج فكرت زهراء الي ومراح تصير لغيري وهي احسن من الغريبه ابتسمت ابتسامه جانبيه اني اعلمج زهراء بس خلصي سادس وشوفي وگلتله قريب عمي قريب.

عمي: انشالله يصير خير.

------------------------------------

منتظر: هلو شلونكم..

نور: هلوو يا حبيب عمتك شلونك شوكت اجيت واجيت وحدك.

منتظر: هههه شويه شويه اجيت ويا اهلي قبل شويه اجيت ادرس وياجن وبعدين ننزل.

زهراء: يالله تعال.

منتظر: وين واصلين ياااا اني سابقكم كومه ماخذين.

رزان: احنا ناخذ شويه شويه لحد ما نفتهم.

زهراء: اي صحيح وثانيا هنه بس لبس ومكياج ماكو دراسه.

نور: أي والله.

منتظر: لعد اني انزل شكو باقي

نور: لعد احنا هم ننزل.

رزان: يالله لعد.

زهراء: منتظر انت اسبقنا واحنا ننزل.

منتظر: اوكي.

زهراء: راح منتظر نور شلون انزل وعلي هنا والله راح يرزلني.

نور: انتي تعالي اكعدي يمي ومعليج ولا راح تقربلج والله.

زهراء: والله خايفه.

نور: يا شبيج زهراء ماكو شيء يخوف.

رزان: يالله زهراء عيب.

زهراء: يالله نزلنا من دون حجاب اني ورزان لان عادي عدنا نزلنا من الدرج رفعت راسي شفت علي يمه وجهه يخوف ما يبشر بخير سلمت على عمو وعمه وانور لان انور علاقتي بي كلش حلوه مثل الاصدقاء ضحكت وياه رحت اسلم على علي خنزر الي بوجهي هذا شبي وسلم من وراء خشمه عفته ورحت ما اهتميت كعدت يم نور.

زهراء: هذا شبي ابن اخوج مخبل. اني حجيت هيج وشفته يباوعلي وعيونه حمر والله خفت كلش.

نور: والله ما ادري شو عيونه تخوف.

زهراء: مو گلتلج بس ما تسمعين

نور: راح اكعد يمه اعرف شبي.

زهراء: وتعوفيني وحدي.

نور: رزان يمج.

رزان: شبيجن تبسبسن.

نور: ماكو شيء تعالي يم زهراء واني راح اروح يم علي احجي وياه.

رزان: اوكي.

زهراء: اگلج هم طلعتنا خربت.

رزان: والله ما ادري يجوز همه يرحون ويانه.

زهراء: لا اسم آلله انشالله لا.

رزان: هلكد خايفه منه.

زهراء: اي والله. بقينا نحجي ويا عمه وامي اذن المغرب كاموا الولد كاموا للأستقبال واحنا رحنا للمطبخ انحضر عشا لان بابا جاب عشا جاهز.

------------------------------

نور: ليش هيج عمتو انت ضايج بيك شيء.

علي: لا مابيه شيء بس تعبان شوي.

نور: ضايج من زهراء مو.

علي: اي وكلش لو اكضهه هسه مابقيه حيه والله.

نور: ليش حبيبي ليش والله خطيه.

علي: قبل شويه جنت تحجن عليه مو.

نور: ههه شلون عرفت.

علي:شحجيتن.

نور: بس اجتي گالت شبيه ابن اخوج مخبل وكالت عيونه تخوف وبس.

علي: اني مخبل مو بسيطه زهراء بسيطه.

نور: علي لا تفهمني غلط مو قصدها شيء مو زين.

علي: بس اسألج سوال.

نور: اسأل.

علي: ليش ما تريد تصعد وياي بالسياره من نرجع للبيت احجي الصدك نور.

نور: ما ادري علي.

علي: نور احجي لا اكفخج.

نور: لا والله اني عمتك احترمني.

علي: نور احجي مو راح انجن ليش ما تقبل مو قبل جانت تروح وياي ها ليش.

نور: مممم هو هو ما ادري.

علي: نور (بعصبيه) .

نور: هي تكرهك.

علي: ها شنو عيدي. (بصدمه)

نور: هي حتى قبل ما تريد تروح وياك بس اني امنعه وهسه ما كدرت عليها.

علي: كومي خربتي واهسي.

نور: علي افهم هاي قبل بس هسه هي تخاف منك وما تكرهك.

علي: يعني شنو افهم من كلامج.

نور: يعني زهراء ما تكرهك.

علي: كومي خل اكوم بعدين اخابرج.

نور: واخيرا ابن اخوي رجعلي ههه.

علي: ههههه(بصوت عالي) خبله.

ام علي: ولج نور شلون خليتي يضحك بعد سنين.

نور: سحري الخاص محد يعرفه.

الكل: ههههههه....

----------------------
والى هنا ينتهي البارت.......

(تصوووووويت)

(تعلييييق)