رواية بين أسوار الشيخ الفصل الخامس 5 - بقلم Esraa hussein

هلو حبايبي اليوم نزلت بارت جديد..
انشالله يعجبكم...
اسفه على التاخيررر.......

#بقلمEsraa1289
#بين اسوار الشيخ

——————————

عمر: كعدت من النوم واني متكسر احس جسمي ما اشيله اخذت ملابسي ودخلت للحمام سبحت ونزلت لكيت اختي رنا تنظف بالصاله صباح الخير.

رنا: صباح النور تريد ريوك.

عمر: ماريد سم بس وخري مني.

رنا: رحت بس لا تصيح.

عمر: رنا.

رنا: ها شتريد.

عمر: احجي بأدب وامي ورشا وين.

رنا: رحت لبيت جدو راحت تشوف بيبي.

عمر: حضري دشداشتي اريد اروح لديوان.

رنا: حاضر من عيوني.

عمر: لبست دشداشه لونها اسود وعكالي لبسه اماراتيه واخذت ساعتي ومحبسي والسويج ونزلت رحت لديوان لگيت عمي وابوي وشيوخ جايين يعزون على مود جدي بقينا نحجي الى ان اجا مصطفى ابن عمتي.......

—————————

زهراء: من شفت ماما ما تتحرك ابدا حسبالي راحت مثل جدو بقيت ابجي خالتي وعماتي اجنن بقن يكعدنها رشن مي ورشن عطر كعدت بس كلش تعبانه وكوه تحجي و ما تاكل رحت صحت مصطفى كلتله صيح بابا خل ياخذ ماما على المستشفى يشدلها مغذي راح مصطفى...

——————————

مصطفى: رحت ركض لبابا اول ما وصلت لديوان كوه اتنفس واجر النفس اريد احجي ما اكدر.

ابو مصطفى: خير بابا محتاج شيء.

مصطفى: بابا تعال شويه عندي وياك حجي.

ابو مصطفى: شكو بابا احجي.

مصطفى: بابا تعال اخذ ماما لمستشفى لن اتخربطت وما تقبل تاكل وتشرب حتى الدوا.

ابو مصطفى: تعال يالله. رحت استأذنت من الموجودين ورحت اخذتها وخليتها ليورا واخذت ام عمر وياها .

عمر: ها عمي وين.

ابو مصطفى: عمتك متخربطه وراح اخذها للمستشفى.

عمر: اروح وياك لو لا.

ابو مصطفى: لا بس من احتاجك اخابرك.

زهراء: بابا خل اروح وياك.

عمر: امشي طبي جوه وين طالعه.

زهراء: ما دخلك اني احجي ويا بابا.

عمر: نعم ما سمعت  شحجيتي.

زهراء: مثل ما سمعت بابا اريد اروح وياك.

عمر: امشي دخلي جوه ما عدنا نسوان تطلع بره و روحه ماكو يالله جوه. (بعصبيه)

زهراء: بابا شوفه شلون يحجي وياي.

ابو مصطفى: حجيه صحيح يالله دخلي جوه.

زهراء: رايحه( دموعي على خدي).

————————

عمر: كاموا يقلون الشيوخ لان صارت ظهر اجه ابن عمتي مصطفى اخذ ابوه بره حجه ويا شويه ورجع زوج عمتي اترخص وراح اني بقيت شويه بقيت ابويه وعمي ورحت اشوف شنو صاير لكيت عمتي صاعده بالسياره بس كلش منتهيه سألت شنو صاير گال ابو مصطفى راح ياخذوها للمستشفى وفوكها زهراء طالعه وتحجي ويا ابوها صدك عصبتني رزلتها ودخلت جوه همه راحوا واني رجعت لديوان محد موجود بس ابويه كاعد كعدت يمه شويه ورحت صعدت سيارتي وتوجهت للمستشفى دخلت سالت الاستعلامات على الغرفه صعدت فوك لكيت امي وزوج عمتي كاعدين ينتظرون.

عمر: ها شصار.

ابو مصطفى: بعدها الدكتوره ما طالعه.

عمر: ها انشالله خير يمه عطشانه تريدين شيء.

ام عمر: لا حبيبي كلشي مااريد بس اريد سلامتك.

عمر: طلعت الدكتوره طلع عدها الظغط نازل حيل وجفاف لان كلشي ما تاكل ولا تشرب كل ايام الفاتحه دخلنا الغرفه شفناها كلش تعبانه انتظرنا حتى يخلص المغذي ونطلعها كملنا سوينا إوراق الخروج وديناها لبيتنا لان بي هدوء اكثر من بيت جدي دخلناها لبيت طلبت مني اجيب زهراء الها .

امي: يالله يمه روح جيبها لخاطري.

عمر: لخاطرج بس رحت لبيت جدي من الباب الورا دخلت لبيت وشفت مجموعه بنات روحن صيحن زهراء گللها عمر يريدج.

رقيه(وحده من بنات اخت امي لازكه الي لزكه بس تريدني) : ليش تريدها عمر.

عمر: وانتي شعليج.

رقيه: هسه احنا شحجينا عموره(بمياعه).

زهراء: ها شكو.

عمر: تعالي احجي وياج.

رقيه: احجي هنا ماكو احد غريب.

عمر: تعالي زهراء حجي خاص بيني وبينج. اخذت زهراء وطلعت.

زهراء: خير شتريد شنو الكلام الخاص.

عمر: اولا احجي عدل وثانيا امج تريدج عدنا بيتنا.

زهراء: وشوكت اجت.

عمر: قبل شويه يالله تعالي. وصلنا لبيت هيه راحت على عمتي واني دخلت لغرفتي لان كلش تعبان بدلت ولبست تراك رصاصي توضيت وصليت الظهر والعصر نزلت لمطبخ شفت امي واخواتي يصبن بالغدا رحت للستقبال شفت ابويه وابو مصطفى ومصطفى كاعدين واهل جد زهراء الولد والبنات جوه بالغرفه السلام عليكم.

الكل:وعليكم السلام.

ابو عمر: ها بويه شصار على الغدا.

عمر: جاي يصبون بي شويه ويكمل. بقينا نسولف اجا الغدا اكلنا وكملنا بس واحد اسمه علي ما عجبتني نظراته بس يباوع على الباب اليكول ينتظر واحد عفته رحت للمطبخ حتى اخذ الجاي.....

—————————

زهراء: بعد ما اجا بابا اخذ ماما وصعدها بالسياره ردت اروح بس هذا الاسمه عمر رزلني وخله بابا يوكف ضدي راح بابا دخلت جوه قبل ما اصعد الدرج اجتي بنيه وكالت شعندج تحجين ويا عمر ما عدج مستحه لا بس انتي بنت مدينه شنحصل منج.

زهراء: اولا ما راح اهتم لكلامج ثانيا اني ما حجيت ويا عمر بس ما قبل اروح وثالثا لو بيج خير ما حجيتي هيج يا قليله ادب.

رقيه: يا ويلج اذا اقتربتي من عمر لان عمر خطيبي وزوجي وابو جهالي ابتعدي عنه احسلج.

زهراء: عفتها وصعدت لان ما الي خلك احجي وياها بعدين اني بالغرفه ويا رزان ونور وروان نحجي اجت عليه رشا كالت عمر يريدج اني استغربت بس يجوز ياخذني لماما نزلت لكيته حجه گال امج تريدج اني فرحت لان طلعوا ماما من المستشفى دخلت لبيت شفت ماما شلون تعبانه والكانونه بديها شفتها كمت ابجي.

ماما: تعالي حبيبتي لا تبجين (بصوت مبحوح).

زهراء: ماما ليش هيج تسوين بروحج ما يصير.

ماما: تعالي حبيبتي تعالي بعدين نحجي مابيه حيل احجي.

زهراء: بقيت كاعده يم ماما واجني بنات ونسوان عمي بقينا نحجي بعدين رحنا للبنات نساعدهن صرنا احلى شله نحجي ونسولف لان ماكو شخص غريب بالاستقبال كملنا الرجال وبعدين صبينا غدا النا ماما بالبدايه بس مرت عمو قنعتها واكلت شويه كملنا شلنه المواعين وحجت وياي رنا.

رنا: اكلج زهراء صدك ابن عمج علي رايدج اله.

زهراء: لا منو كلج واصلا ماكو هيج حجي.

رنا: لا بس ردت اسئل.

عمر: يالله وين الجاي.

رنا: هذا جاهز هاك.

عمر: جيبي(بهمس) منو كلج علي رايدها.

رنا: عمتها نور هو گايل الها بس تخلص سادس.

عمر: هاهيه يالله روحي.

——————————

عمر: سمعت اختي رنا تسولف ويه زهراء ابن عمها رايدها ما ادري شنو اني الصراحه غرت لان اني اول ماشفتها لزهراء گلت اليه ماتصير لغيري هسه عرفت ليش يباوع على الباب بس يريد يشوف احد اخذت الجاي من اختي وحجيت وياها گلتلها منو گلج هيه كالت عمتها عفتها اخذت الجاي ورحت وزعته وكعدت اشرب بالجاي واني اباوع على علي وشلون يكول الي والله الا اندمه واخذها بقينا شويه وصعدت لغرفتي انام بس ما اجاني نوم مع العلم البيت صار هدوء دخلت لحمام(تكرمون) غسلت وجهي وطلعت نزلت وووو.....

———————————

#بقلمEsraa1289
#بين اسوار الشيخ

(تصويييييييت)
(تعلييييييق)