رواية بين أسوار الشيخ الفصل السادس 6 - بقلم Esraa hussein

#بقلم Esraa1289
#بين اسوار الشيخ

هلو حبيايبي...
نزلت بارت جديد انشالله يعجبكم.....

———————————

عمر: نزلت جوه البيت هدوء كلش يمكن نايمن رحت على غرفه امي لكيت عمتي نايمه وامي كاعده تصلي لان امي بكل وقت تصلي وتقرا قران رحت عليها بستها من راسها وكعدت يمها..

عمر: يمه ليش هدوء لعد وين راحوا.

امي: راح يرجعون لبغداد.

عمر: وعمتي هم.

امي: لا عكب باجر يرحون لان عدهم مدارس وبتهم اخير مرحله ومهمه فيرجعون.

عمر: ها انشالله خير لعد راح اروح اودعهم.

امي: آلله وياك حبيبي.

عمر: طلعت من غرفه امي وسمعت صوت بالاستقبال فتحت الباب اخواتي وزهراء يحجن صحت على رشا تسويلي جاي.

عمر: كومي رشا سويلي چاي.

رشا: بس شويه عمر بس نحجي.

عمر: كومي بسرعه شنو تحجين ويا زعطوط شنو بكدج اني(بعصبيه).

رشا(بخوف): اي كمت.

عمر: وانتي رنا كومي حضري ملابسي بسرعه.

رنا: اي اي كمت.

عمر: رحت كعدت على ااحد كراسي الطخم خير ليش تباوعلي اكو شيء.

زهراء: لا ابدا ماكو شيء(بخوف).

عمر: لعد ديري وجهج.

زهراء: (بيني وبين نفسي كبر حتى كبر شبي هذا الشايب) هو رفع راسي وباوعلي اني بقيت صافنه بس لا عرف شنو فكرت.

عمر: تحجين علي مو.

زهراء: لا ماحاجيه شيء.

عمر: بلي حجيتي.

زهراء: لا محجي..

رنا: عمر حضرتلك ملابسك.

رشا: تفضل خويه الجاي.

عمر: شكرآ شربت الچاي ورحت لغرفتي عدلت شعري ولبست ملابسي ونزلت رحت لبيت عمي مروان لكيتهم جاي يحضرون يريدون يرحون بقينا واكفين شويه وهمه بدوا يصعدون بالسياره لا اثنين بنات مايقبلن يصعدن الا يشوفن زهراء ويودعنها اخذهم علي اني اتذكرت كلام اختي حجيت ويا.

عمر: هيه انت وين رايح.

علي: رايح اوصلهم للبيت.

عمر: مو صغيرات هنه والبيت قريب ماكو داعي رايح وياهن.

علي: يالله روحن بس لاتتاخرن.

البنات: اوكي

———————————

زهراء: بعد ماكملنا غدا كمنا نغسل مواعين راحوا بيت عمي لان يردون يحضرون جنطهم ويرجعون لبغداد اني رحت شفت ماما نايمه رجعت يم البنات بالاستقبال بقينا نسولف بعدين اجا عمر بقا يرزل كعد بالاستقال على واحد من الكراسي الصراحه اني خفت من عصبيته حجا گال شكو تباوعين علي اني گلتله ما اباوع بعدين اجن رنا ورشا شويه ارتاحيت لان بس يبقا وحده يمي اخاف كلش وماادري شنو يصير بيه هو كالم شرب چاي وطلع رجعنا نسولف بعدين اجن نور ورزان سلمن علي هنه مبينات راح يبجن وراحن كمنا نسوي عشا رحت شفت ماما كاعده وديتلها شوربه اصلا مو اني مسويتها رشا سوتها...

زهراء: هاج ماما يالله اكلي اصلا انتي ما ماكله.

ماما: (بصوت مبحوح) ما اريد ما اشتهي اصلا.

زهراء: ماما انتي ماتغديتي وريوك شلون ما جان والدكتور گال لازم تتغذين يالله حبيبتي يالله..
ماما كملت اكل رحت للمطبخ غسلت المواعين مال الشوربه ورحت اخذت موبايلي خابرت مصطفى يجيني ياخذني للبيت جدي ابدل لان ملابسي احسهن صارن خريطه ورا شويه اجا مصطفى وصلت للباب الخلفي وصار بوجهي عمر..

عمر: خير وين انشالله..

زهراء: هو..هو رايحه لبيت جدي.

عمر: وشبيج تحجين مقطع.

زهراء: ما دخلك يالله صوفي تعال.

عمر:(لزمتها من زندها) واذا اكلج ماكو طلعه من هذا الباب يالله جوه(بصياح).

زهراء: انته ليش دائما توكف بطريقي وخر خل اروح.

عمر: يمكن انتي ماتفتهمين الكلام بسرعه دخلي جوه احسن ما شوفين شيء مايعجبج.

زهراء: اريد اروح لبيت جدي اريد ابدل ملابسي.

عمر: واني اكلج دخلي جوه واخذي ملابس من رنا ورشا.

زهراء: ماريد ادخل وخر عن طريقي وثانيا اني ما رايحه وحدي رايحه ويه اخويه مصطفى انته مو رجال احجي شيء.

مصطفى: كلام عمر صحيح هناك ناس طابه طالعه اخذي ملابس من رنا ورشا شنو راح يصير.

عمر: ها سمعتي يالله ادخلي.

زهراء: اولا ماراح انسى معاملتك هذه يا استاذ عمر وانته يالله مصطفى بعد لا تعتبر عندك اخت يالله ولي من وجهي دخلت جوه واني عصبيه هو ما دخل يتحكم بيه صحت رنا حتى اخذ من ملابسها حتى اسبح وصعدت وياها للغرفه فتحت كنتورها كله دشاديش لبست دشاشه سوده فيكتها بسيطه والردان واصل لمرفق ايدي دخلت سبحت بمي دافي لبستها ولفيت شالي ونزلت جوه رحت لماما شويه صايره احسن من البارحه والصبح تحجي ويا مرت خالي(ام عمر) رحت للمطبخ شفت البنات يحضرن للعشا يسون زلاطه واشياء خفيفه ساعدتهن وكمنا نصب بالعشا ونخلي بالسفره النا لان الرجال يتعشون بالمضيف اكو شيوخ اجو كلش هوايه من محافظات ثانيه ما اجوا بالفاتحه اجو هسه سولهم عشا المهم سوينا عشا النا كملنا نقل الاكل على السفره وكعدنا اني بصف ماما ورشا يمي وعمتي ورنا وبنين اجت هم يمنا كعدت بصف رنا أكلنا و سوالف عن عيشتهم وشلون الحياه يمهم كملنا عشا ماما وعمتي راحن بالصاله واني والبنات بالمطبخ نغسل مواعين.

رنا: اگلج زهوره اطلب منج طلب.

زهراء: گولي عيوني الج.

رنا: بس تروحين لغرفه عمر اتجيبين كل ملابسه الوصخه لان اذا رجع وشاف ملابسه والله يعدمني.

زهراء: لا لا كلشي اطلبي ولا هذا الطلب.

رنا: شبيج هسه هو مراح يجي لان هواي شيوخ شيلحك.

بنين: اطلبي من رقيه هسه تروحلج ركض.

زهراء: شنو علاقه رقيه بعمر.

رشا: تحب عمر وتريده الها وحتى من ماما تروح الهم او هسه لبيت جدي تبقى بس تتلوك.

زهراء: صدك اكو هيج نماذج.

رنا: اي اكو بس والله لو تبقى اخر وحده بالعالم ما اخلي عمر ياخذه ام الوصخ.

زهراء: هههه الهل الدرجه.

رنا: واكثر شكد اكرهها يالله هسه روحي جيبي ملابس عمر وتعالي.

زهراء: امري لله بس اذا اجا وصعد للغرفه واني موجوه ما تلومين الا حالج.

رنا: اي عادي.

زهراء: رحت صعدت للغرفه ما عرفت يا غرفه هيه نزلت رحت للمطبخ سالت رنا وين غرفه عمر دلتني عليها صعدت للغرفه دخلت للغرفه شنو هل الوساخه رتبت السرير ورتبت ميز المرايه وسديت الكنتور ولميت كل الملابس الوصخه ستوني فتحت الباب وصار بوجهي عمر اني بقيت حايره وخفت هسه شيكول..

———————————

نور: سمعنا بخبر وفاته جد زهراء حيل انقهرنا هسه امها هيه وسيف شيصير بيهم المهم حضرنا جنطنا حتى نروح الهم ما رحنا للمدرسه علي اخذلنا اجازه صعدنا بالسياره اني ويا عائله اخويه ابو علي واخوي ابو رزان بسياره طبعا الطريق كلش طويل حتى تعبنا وصلنا طبعا بيوت ماشالله قصور كل بين شكبره دخلنا للبيت بالوسط ناس كومه حتى دخنا كل ساعه جايه بنيه تسلم هو بنات خال زهراء قليلات منين اجن هذني ما ادري المهم احنا اجينا ثاني يوم الفاتحه شفنا زهراء كلش تعبانه ومرت أخويه كلش متأذيه على فراق ابوها بتنا يم زهراء بالغرفه فوك كعدت بدلت لبست اسود اكيد ورزان ويايه كمنا نساعدهن بالمواعين بتنظيف البيت بالچاي مشا اليوم عادي نوح وبجي صار الليل اجت علينا ابنيه حلوه يطلع عمرها بكدنا عرفنا اسمها بنين وعمرها 18 اخذتنا للبيتهم احسن هدوء مو مثل ذاك احنا اخذنا جنطنا ورحنا هناك دخلنا لغرفتها حلوه وبسيطه غرفتها خلينا جنطنا وبدلنا وكعدنا نسولف اجا اخوها هو وسيف تمنيت اشوفه بس عيب هسه شيكول شنو ما شايفه ولد نمنا اجن اخواني ونسوانهم ينامن لان كلش تعبن نمنا بالليل نزلت حتى اشرب مي لان اني دائما اشرب مي بالليل نزلت بهدوء حتى محد يحس فتحت الضوه شربت مي واخذت وياي بطل مي حتى بعد ما انزل واصعد دخل واحد من بره اني جنت لابسه تراك اسود بي كتابه ذهبي ومخليه الشال بأهمال درت وجهي وشفت سيف خطيه كلش تعبان الاسود نازل جوه عيونه كلش وجهه نحلان ولحيته طولانه.

نور: تصبح على خير.

سيف: ليش هيج مستعجله.

نور: مو اريد انام ليش.

سيف: لا بس سئلت.

نور: ها.  عفته وصعدت ما عرفت بعد شنو احجي نمت على فراشي وبقيت شويه افكر بعدين نمت ماادري نمت.....

———————————

#بقلمEsraa1289
#بين اسوار الشيخ