رواية بين أسوار الشيخ الفصل السابع عشر 17 - بقلم Esraa hussein

#بقلم esraa1289
#بين اسوار الشيخ

—————————

نور: تعالي رنا زهراء تريد تبدل.

رنا: لا اكيد.

زهراء: ليش.

رنا: وانتي شبيج نور يعني ما تعرفين بالمفاجأه.

نور: اي ادري بس خطيه شوفيها شلون ذابت من الحر.

رنا: شوفي زهراء بليل مسوين احنا البنات مفاجأه الج وللعمر.

زهراء: بس قبل شويه شفنا بعض بعد شكو.

رنا: حبيبتي بليل غير.

زهراء: رنا ترا اني ماالي خلك هل السوالف امشي عني يالله.

رنا: هههههه شبيج عادي المهم اني راح اروح لبيت جدي اشوف رشا وين وانتي بعد شويه تاخذج نور تبدلين غير هذا الفستان والبسي الشوفتي الي قبل ايام.

زهراء: ماشي.....

—————————

رنا: رحت استأذنت من امي لبست العبايه وطلعت جاي امشي وجان اكو ولد كاعد ومخلي راسه بين اديه اول مره اشوفه مااهتميت وصلت بقيت شويه اخذت رشا وطلعت الولد اجا بتجاهنا.

رنا: خير شرايد اكو شيء.

علي: شويه السانج وروحي صيحيلي امي اريدها.

رنا: ماعندك رجلين تروح تصيح بيها روح انت ماالنا دخل بيك يالله.

علي: هي انتي احترمي نفسج لا تتجاوزين حدودج.

رنا: ههه خوفتني والله تعالي رشا خل نروح.
عفته ورحت دخلت جوه شفت زهراء ماكو اكيد راحت فوك تبدل نزعت عباتي وامي رادت مني كم شغله كملتها وصعدت فوك....

نور: رنا تعالي شوفي ماتقبل تبدل.

رنا: ليش حبيبتي.

زهراء: ماريد اشوفه مو شفته قبل شويه بعد شكو.

رنا: بس هسه غير مسوين الكم مفاجأه بسيطه وحلوه.

زهراء: اني مغصوبه علي ما اريده ولا اريد اشوفه وكل هذا الشفتي مجامله للناس فقط لا اكثر لا تتوقعين راح احب اخوج لو راح اعيش ويا لا تحلمين هواي.

رنا: نور اني راح انزل جوه يمكن امي تصيحني.

نور: اوكي حبيبتي زهراء ليش هيج حجيتي كدام البنيه مو عيب هسه شتكول.

زهراء: شتريد تكول خل تكول هيه هاي الحقيقه وتبديل مره ثانيه مراح ابدل وشوفه بليل ما اريد.

نور: بس مايصير حبيبتي هذا واقعج لازم تتقبلين بي زوجوج اهلج غصب بالبدايه ما اقبل بس بعدين ما عندي حل ثاني اكوم اتقبله او يجوز اكوم احبه مو صحيح.

زهراء: صحيح.

نور: هسه راح تبدلين وتشوفين عمر بليل وهسه راح اجيب رنا تراضيها ماشي.

زهراء: اول وحده لا ثاني وحده اي عادي.

نور: زهراء ترا ازعل منج شوفي كل وحده تتمنا نظره منه ولو تشوفي شلون يباوعلج وحتى احسه ميت عليج ومو تكولين مجامله للناس يالله لعد بدلي علمود تتاسفين لرنا.

زهراء: ماشي.
بدلت فستاني لبست فستان جايبته وياي لونه احمر يصير ضيق كلش وبي فتحه من جوه وفوك يصير الفتحه على شكل قلب كلش حلو....

—————————

نور: شنو تسون.

رشا: مثل ما تشوفين جاي الم بالغراض مو زهراء ماتريد مفاجاه بعد شكو.

نور: تعالي شوفي زهراء بدلت وكلشي مابيها ورنا تعالي اريدج.

رنا: ما اكدر وخليها تبدل وترتاح.

نور: شبيج رنو والله زهراء مو قصدها لان هوسه وهي راسها يوجعها وضغط عليها حتى ما تدري بنفسها من حجت.

رنا: ترا بس هل المره لان اني ما احب احد يحجي على اخويه.

نور: ماشي

—————————

زهراء: كملت وكعدت ارتاح لان اليوم كلش تعبت دخلت رنا كمت الها اسفه ما جان قصدي.

رنا: (ببتسامه) بس اخر مره.

زهراء: ماشي.

نور: اكول بنات شفتن رزان شو ماكو.

رشا: راحت وياي لبيت جدي وبقت هناك.

رنا: بدوا يرحون الناس.

رشا: احسن لان تعبت كلش.

نور: حتى اني.

رشا: بس يرحون ابدل وانام.

رنا: وهذا الشغل عليمن يبقى.

رشا: لا تخافين راح ارتب وياج.

ام عمر: ها يمه صالي ساعه ادور عليج.

زهراء: عليه خاله.

ام عمر: اي عليج يمه وبعد صيحيلي يمه لان اني صرت مثل امج واجيت اطيج هديتج.

رنا: واني ماما.

ام عمر: انتي شنو زهراء صارت جنتي اطيها هديه من تزوجين عمتج خل تطيج هديه معليج بيها يمه هذني اساور اطتها اليه عمتي من ازوجت واني كلت بس تصير عندي جنه اطيها الها وهاي انتي صرتي هذني الج.

زهراء: شكرا تسلمين خاله.

ام عمر: احنا شكلنا مو تكولين يمه.

زهراء: شكرا ماما تسلمين(ببتسامه).
راحت خاله ام عمر واني بقيت بالغرفه وحدي حست راحت الناس لان ماكو صوت والبيت صار هادء....

——————————

رنا: شوفن بنات راح يجي عمر لان صار ليل بحجه امي مريضه ندخله للهول.

رشا: لا فال الله ولا فالج انكله عنده الك مفاجأه ليش نجذب وبعدين نحصل كتله.

نور: اي حجي رشا صحيح.

رزان: بنات اجا عمر.

رنا: ما تدخل.

عمر: رنا وخري راسي صاير طبل.

رنا: تدخل بس بشرط.

عمر: توخرين لو تشوفين شيء ثاني.

رنا: عمر حبيبي اخوي انته مو اني اختك وافق على الشرط.

عمر: موافق يالله.

رنا: الشرط هو تدخل للهول مامستخدم بنهايه البيت.

عمر: شعندي رايحله.

رنا: انت بس تعال ادخل والباقي يصير وحده.
شنو رايك.

عمر: المن هذا.

نور: يعني المن الك ولزهراء هيج مفاجاه بسيطه منا احنا البنات.

عمر: وزهراء وينها.

رشا: امشي صيحيلها لا تنام لان قبل شويه منعسه.

عمر: اذا نايمه لا تصيحيلها عوفيها.

—————————

زهراء: جنت متمده على السرير واجتي عليه رنا.

رنا: تعالي شوفي المفاجأة.

زهراء: جايه.
نزلنا جوه دخلت واشوف صورنا على الشاشه ورود بالارض وطاوله عليها اشياء ونفاخ بكل مكان.

نور: يالله بنات خل نطلع.

زهراء: نوره ابقي يمي يعني شراح يصير(بصوت ناصي).
طلعن البنات واجا عمر سد الباب وجرني للباب صار ظهري على الباب وهو كدامي...
شس...وي...عمر(بصوت متقطع).

عمر: اموت اني على الاحمر.

زهراء: ها.

عمر: مثل ما سمعت لو صايره طرشه.

زهراء: ممكن توخر شويه لا يجي احد.

عمر: ههه واذا اجا واحد يعني شراح يصير رجال ومرته وبعدين الباب مسدود ميشوف ليش مغصوبه عليه.

زهراء: لان محد اخذ رايي واني جنت مااريد اتزوج لمن اكمل دراسه.

عمر: واني راح اخليج تكملين دراسه.

زهراء: اي اعرف(بطفوليه).

عمر: اي اعرف (يقلد صوتها) اروح فدوه لهل الحلك.

زهراء: باسني بشفايفي بديت اقاومه لزم ايدي اثنين وخلاهن ورا ظهري بقا اكثر من دقايق وخر وخلا كصته على كصتي......

عمر: حلكج كله عسل.

زهراء:.....................

عمر: تعالي خل نشوف شنو محضرين النا.

زهراء: شفنا شنو على الطاوله راد يكص الكيكه خله ايده وبعدين اديه فوك.....

————————

رزان: اليوم عقد زهراء وعمر كعدت اتريكت وبدلت ورحنا للصالون بالبدايه بلشت بزهراء بعدين بينا سويت مكياج وردي ناعم وتسريحه بسيطه رجعنا للبيت بلشت الحفله وصار عقد زهراء اجت رشا گالت تعالي روحي وياي للبيت الچبير رحت لبست عبايه ورحنا دخلنا سلمنا على كومه نسوان راحت رشا للفوك مدري شجيب صعدت وياها هيه راحت للغرفه واني شفت باب السطح مفتوح اجاني فضول رحت اشوف وشفت رعد كاعد يدخن وبعصبيه ويحجي ويا نفسه اني بقيت واكفه بمكاني وهو تفاجأه...

رزان: اني ماادري انته هنا.

رعد: شجابج هنا ليش طالعه للسطح.

رزان: شفت الباب مفتوح واجيت اسده.

رعد: تعالي كعدي هنا.

رزان: ليش كاعد وحدك ودخن.

رعد: من ورا زواجي.

رزان: ليش انته مو تحبها.

رعد: لا ما احبها.

رزان: لعد ليش تزوجتها.

رعد: سالفه طوليه ما تفيدج.

رزان: امممممم.

رعد: من اشوفها احس الساني انكطع ما اكدر حتى احجي من تروح اضل اتندم لان ما حاجي هيج كدامها.

رزان: اساعدك.

رعد: ياريت والله.

زينه: هاي شنو شعندج ويا رجلي(بصوت عالي).

رزان: ماسوي شيء مثل ما جاي تشوفين.

زينه: والله ينخاف منج بنات بغداد.

رزان: والله انتن الي ينخاف منجن مو احنا.

زينه: انتي الحجي وياج ضايع يالله رعد تعال.

رزان: راحت هي ورعد احسها مخليه سحر اله لان كلش مبين عفته ونزلت جوه دورت على رشا گالوا راحت اني طلعت من الباب ومشى وراي رعد لحد ما وصلت دخلت جوه بدينا نحضر للمفاجأة كملناها بعد ما اجا عمر رحت سبحت وبدلت لبس خفيف كلش نمت كعدت ثاني يوم الصبح بدلت لبست لبس محتشم لان ولد ونزلت لكيتهم يتريكون.. صباح الخير.

الكل: صباح الانوار.

ام عمر: تعالي خاله اجيتي بوكتج.

رزان: هاي اجيت.

رنا: وزهراء كعدت.

رزان: لا شكلها بسابع نومه.

نور: اكيد اذا البارحه سهراننين.

رشا: تدرن بيش الساعه ناموا.

رزان: لا اني بس خليت راسي على المخده نمت ما ادري بروحي.

نور: كلنا نفس الشيء.

رزان: بنات ساعدني.

رنا: بيش وبشنو.

رزان: حجيت الهن السالفه كلها مال البارحه.

ام عمر: هي مبينه من شكلها هل الحيه ام راسين.

ام زهراء: اني البارحه اجت سلمت عليه ابدا ما ارتاحيت الها.

رنا: اني جنت اموت منها هي ورقيه.

ام عمر: رقيه اشوى منها مو مال هل السوالف مثلها.

رنا: اني اول وحده اساعدج لان خطيه رعد مايستاهل.

رشا: اني هم.

نور: اني هماتين.

ام عمر: ها ابو عمر راجع.

ابو عمر: وين عمر صيحي الي اريده بسرعه وگليله يجي لان عدنه كوم شيوخ جايين علي.

ام عمر: خطيه البارحه نام متاخر.

ابو عمر: روحي صيحي بسرعه.

ام عمر: انشالله اصيحه بس اهدا.
عمر يمه اكعد عمر.

عمر: هممممممم.

ام عمر: يمه ابوك يريدك جوه وشيوخ جايين عليك اكعد ومن يرحون ارجع نام.

عمر: يمه يعني الواحد ما عدكم ينام.

ام عمر: يمه لخاطري.

عمر: كمت يمه كمت زهراء كاعده.

ام عمر: لا بعده نايمه اكعدها الك.

عمر: لا لا عوفيها نايمه.

ام عمر: يالله اني رايحه.

عمر: الله وياج.

رزان: كملت ريوك وغسلنا مواعين ورحنا...

—————————

نور: كاعد نتريك وطب سيف من باب المطبخ..

سيف: وين عمر صيحي.

عمر: هاي اجيت شبيكم من الصبح.

سيف: يلا عمي ابوك خبصني روحله.

عمر: رايح ليش انته ما تجي.

سيف: راح اتريك وياهن لان الريوك ايشهي.

عمر: كمل وتعال.

سيف: ماشي شوي سولي مكان خل اكعد.

رشا: تعال يمي.

سيف: كومي رنا صبيلي چاي.

رنا: والله ما دخلني جاي اكل.

سيف: لج صايره وكحه.

رنا: هو انتم ولد ادم يردلكم هيج.

نور: اني راح اصب جاي الك.

سيف: صيري مثلها بنيه عاقله.

رنا: اسكت خليني اكل براحه.

نور: صبيت الجاي اله واطيته اله طخت ايدي وايده باوع عليه وابتسملي رجعت اله الابتسامه وكعدت اكل كملنا مواعين ورحنا البنات لبيت رعد ما عدا زهراء بقت نايمه ويمها بالبيت امها وام عمر.

—————————

زهراء: قطع قطعه صغيره وخلاها بحلكي وبعدين شفنا صورنا على شاشه التلفزيون بقينا نسولف بس اكثر شيء هو يسولف بقينه سوا لحد الساعه 2 كلتله اريد انام وهو هم گال اني هم نعست صعدت دخلت للغرفه وهو راح نام بدلت وفتحت تسريحتي ومسحت مكياجي سبحت ولبست دشداشه قصيره نمت كعدت الصبح على شيء خشن على وجهي فتحت عيوني على البطيء شفت عمر فوك راسي......

————————

اليوم البارت طويل...
هديه الكم...
انتظروني باجر انشالله..