رواية بين أسوار الشيخ الفصل السادس عشر 16 - بقلم Esraa hussein

#بقلم esraa1289
#بين اسوار الشيخ

—————————

زهراء: وصلنا للصالون الحاجز بي عمر بدت ام الصالون تشوفني تسريحات اختاريت وحده بسيطه مابيها اشياء هوسه تكون من كدام مرفوعه ومن وروا نازله والمكياج اختاريته سموكي كملنا كلنا تقطينا بحيث كمت كوه اشوف اجا مرتضى اخذنا نزلنا من الباب الورا لان كوه ناس جايه من بره دخلنا نزعت والنسوان بدن يهلهلن كعدت على الكوشه المسوياتها
اكثر من ساعه اجت ماما.

ام زهراء: يالله ماما تعالي اجا السيد.

زهراء: ماما مااريد مااريد اتزوج(كمت ابجي).

أم زهراء: ماما شنو تحجين تعالي يالله.

زهراء: والله ما راضيه لا عليج ولا على بابا.

ام زهراء: ادري والله بعدين نحجي يالله تعالي.

زهراء: رحت يم الباب لبسوني شال ابيض وخلوا رجليه بمي وياس كمت ابجي ما ادري شنو من احساس يعني بعد دقايق راح اصير زوجته واني مااريد بدا السيد يحجي گال نعم انت وكيلي اني گلت ورا نعم انت وكيلي يعني هاهيه صرت متزوجه وعمر زوجي ما متخيله الموضوع ولحد الان احس حلم مو حقيقه وخرت الشال ورحت كعدت بالكوشه بدت النسوان تبارك الي اجت رنا.

رنا: اكلج ترا عمر ما راح يدخل هسه.

زهراء: بعد احسن لان متت من الحر اريد اروح ابدل.

رنا: لا حبيبتي ما تبدلين يريد يشوفج بليل.

زهراء: نعم يعني راح ابقى بالفستان هذا لليل.
شنو هل الصوت شكو صاير.

رنا: والله ما ادري ابقي هنا راح اشوف شنو وارجعلج.

زهراء: راحت رنا والصوت بدا يعلى هذا صوت علي شجابه هذا مو جان مسافر وليش ما اجه ويا اهله من الصبح بقيت خايفه اجت رزان يمي....

————————

علي: بعد ما كملت مشروعي بقيت كم اسبوع هناك شويه ارتاح من الشغل باليوم الردت ارجع بي خابرت امي علمود اكللها..

علي: الو هلا يمه شلونج.

ام علي: هلا حبيبي شلونك ما ناوي ترجع.

علي: اليوم راجع انشالله خل واحد يجيلي من المطار.

ام علي: يمه احنا مو بغداد ولا واحد بغداد.

علي: لعد وين انتم.

ام علي: احنا بطريقنا لبيت اهل ام زهراء.

علي: ها ليش راحين اكو شيء.

ام علي: ليش مادريت اليوم خطوبه زهوره من الشيخ عمر.

علي: شنو شكلتي خطوبة منو

ام علي: شبيك يمه خطوبه بت عمك.

علي: يمه بعدين احجي وياج.
سديت الموبايل من امي رحت جمعت غراضي بسرعه ورحت للمطار بلكت الحك عليها قبل العقد كملت الإجراءات بسرعه صعدت الطياره على مطار بغداد نزلت من الطياره اجرت تكسي وصلت للبيت دخلت جنطي واخذت سيارتي وتوجهت الهم سقت السياره اعلى سرعه عندي يارب اريدها واحبها ما اريدها لغيري والله احبها وصلت الهم يرمون طلق عرفت فات الاوان دخلت جوه الكل انصدم بوجودي.

ابو علي: هلا يابه شلونك.

علي: مو زين ابدا.

ابو زهراء: ليش عمي بيك شيء.

علي: ليش زوجتها.

ابو زهراء: تقصد زهراء.

علي: اي زهراء ليش زوجتها مو اني احبها ورايدها من زمان ليش اطيتها.

عمر: هي انت تعرف على منو تحجي ترا هاي زوجتي خليها بالك.

علي: ترا هيه بت عمي اني اولا منك ترا.

عمر: هيه بنت خالي  حالي حالك ترا.

علي: زهراء الي وراح تبقى الي اني احبها وهي تحبني وراح اخذها منك والله ومتأكد هسه هيه مجبوره بيك ومتريدك اصلا.(بصوت عالي)

عمر: لا انت حيل تجاوزت حدودك ترا ما اسمحلك تحجي لو تطخ اظفر من مرتي.(بصوت عالي).

علي: بدينا نتعارك كوه وخرونا عن بعض هسه اريد انتقم منه لهل الحقير وكون اشرب من دمه.

عمر: امشي اطلع برا بيتي اذا بقيت اكثر من هيج اموتك وادفنك اهنا يالله.(بصوت عالي).

ابو عمر: بويه اهدا ريح اعصابك عمي علي زهراء مو من قسمتك لو من قسمتك صارت الك لو شيصير وانت الف وحده تتمناك اهدا وريح راس.

ابو علي: والله يابه كلام ابو عمر صحيح كوم اتاسف من الشيخ يالله.

عمر: ما اريده كوم مرتضى اخذلي مجال للنسوان.

مرتضى: انشالله.

علي: بعد ما عمر راح دخل جوه تخيلت شلون يلمسها او يحضنها بقت كل الافكار بالي عفتهم وطلعت بقيت كاعد بره حاير شسوي.

—————————

زهراء: عرفت علي جاي من السفر متعارك وياهم اجت عليه خاله ام علي.

ام علي: الله لا يهنيج ويا شوفي ابني شصاير بي بس هذا الاريده.

زهراء: عافتني وراحت هاي شبيها النسوان كامن يلبسن اجا عمر لزم ايدي كومني.

ام عمر: مبروك يمه انشالله اشوف جهالك بحضنك.

عمر: الله يبارك بيج يمه راح اخذ مرتي لغرفتي سويلي طريق

ام عمر: هسه يمه بس انتظر شويه

زهراء: صعدنا الدرج بسرعه حتى ردت اوكع دخلني غرفته وسد الباب قفله ليش قفلت الباب.

عمر: تحبي.

زهراء: منو.

عمر: سالتج جاوبي.

زهراء: اي منو.

عمر: يعني منو الكلب ابن عمج.

زهراء: لا ما احبه ولا تگول عليه كلب ما اسمحلك

عمر: لا فوكها دافعيله.

زهراء: خطيه ما مسوي شيء.

عمر: لا راح تجلطيني لا تسوين نفسج حنونه علي.

زهراء: انجلط أحسن.(بصوت ناصي)

عمر: شكلتي.

زهراء: ما گلت شيء.
راح كعد على السرير مالته واني بقيت واكفه
اريد اروح.

عمر: ماكو روحه.

زهراء: يعني شنو وكفتي هنا مليت والفستان حار اريد انزل يالله افتح الباب.
بدا يتقرب اليه وارجع لحد ما صرت يم الباب وهو قريب عليه.

عمر: انزعيه مو حار ماكو احد غريب.

زهراء: شنو تحجي ماتستحي.

عمر: عادي صرنا متزوجين واذا هسه اخذج بدون زواج عادي.

زهراء: لا انت ماخذ وحده فصليه مثلا.

عمر: انتي حيل السانج طولان يرادله كص.

زهراء: انت هم يرادله كص.

عمر: زهراء احترمي احسن الج لحد الان معاملج زين امشي عدل.

زهراء: يعني شايفني امشي اعوج وتكلي امشي عدل.

عمر: راح نتفق اتفاق.

زهراء: وشنو هل الاتفاق بالله.

عمر: اذا السانج طول لو مشيتي عوج الج عقاب.

زهراء: لا والله وانته هم الك عقاب.

عمر: اني مو مثلج اني انسان ادمي.

زهراء: لا والله اني مو مثلك اني انسانه محترمه.
باسني بشفايفي اني بقيت مصدومه بقيت اوخر بي ماكو لي يكول حايط بقى اكثر من دقايق وخر من كمنا كوه اتنفس خله كصتي على كصته وحجه.

عمر: بعد هذا عقابج اذا السانج طول تعالي احجي وياج.

زهراء: كعدنا على السرير وبدا يحجي.

عمر: شوفي زهراء هذا اسلوبج تغيري هل المره فوتها الج المره الثانيه والله تشوفين شيء مايعجبج ومااحب مره تعاندني يعني اكلج شيء وتعاندين مااحبها.

زهراء: بس اني مو هيج الساني طويل واحب اعاند.

عمر: اني شنو حجيت وياج قبل شويه.

زهراء: لا لا مو قصدي مراح احجي بعد.

عمر: راح اشوف منو بالباب.

رنا: امي تكول يالله ناس جوه عيب.

عمر: انتظري هسه جايين ابقي اخذي زهراء وياج.

رنا: ماشي يالله.

زهراء: راح عمر واني نزلت ويا رنا جوه يم النسوان بقن لليل يركصن حتى مليت شفت نور صحتها.

نور: ها حبيبتي.

زهراء: نور والله مليت حريت خل اروح ابدل.

نور: هسه اصيح رنا لو رشا واجي.
دورت لا رنا ولا رشا جوه صعدت فوك ادور عليهن هم ماكو طلعت من الغرفه وسيف كدامي باوعلي من فوك ليجوه اني كمت اغطي بنفسي لان فستاني فاضح ممكن تنزل عينك.

سيف: واذا ما وخرت شنو راح يصير.

نور: فدوه وخر لا يجي احد ويفتهمنا غلط.

سيف: مراح يجي احد.

نور: شكو جاي هنا.

سيف: اجيت اشوفج لان من اول مااجيتي ماشايفج واجيت اشوفج.

نور: ها(بصدمه).

سيف: مثل ما سمعتي.

نور: احم يعني اني اجيت ادور على رنا وماكو.

سيف: رنا جوه بالمطبخ لا تطلعين اله اني اصيحه الج.

نور: اي....
راح سيف نزلت جوه ................

————————

ولهنا ينتهي البارت...
في امان الله.....
#خليك بالبيت