رواية بين أسوار الشيخ الفصل الحادي عشر 11 - بقلم Esraa hussein

#بقلمesraa1289
#بين اسوار الشيخ

——————————

الدكتور: الحمدلله الولد بخير تجاوز مرحله الخطر لا دخلون علي خل يرتاح.

أبو عمر: دكتور هو كعد.

الدكتور: لا بعده بس انشالله يكعد اقل من ساعه.

عمر: هاهيه دكتور انشالله ماتقصر.

الدكتور: ولو هذا واجبنا يالله في امان الله.

عمر: الله وياك دكتور.
بقينا نحجي ويا اهل الولد رجعوا طبيعين ويانا بعدين عفت ابويه وعمامي ورحت لاخويه مرتضى بالسجن سلمت على صديق عندي وطلبت اشوف واقابل مرتضى هو كلي روح اكعد وثواني هو يمك اجا اخويه.

عمر: شلونك امي تسلم عليك مساع ماقبلوا ندخل هسه لكيت صديقي وافق.

مرتضى: لاتسال عني السجن يكتل وصخ والله حلفت بعد ما اسوق سياره من هل المصيبه والقذاره.

عمر: علمود بعد تعرف ماتسوق سريع انشالله راح تطلع هل الاسبوع.

مرتضى: ليش الولد شلونه.

عمر: الولد تعده مرحله الخطر لا تخاف ماطول عايش الولد انته بخير بس اصبر كم يوم واطلعك انشالله.

مرتضى: انشالله سلملي على امي وابويه.

عمر: انشالله يوصل يالله اني رايح محتاج شيء.

مرتضى: تسلم مامحتاج شيء بس اريد اطلع.

عمر: انشالله يالله اني رايح.

مرتضى: الله وياك.

عمر: بعد ما طلعت من مرتضى رحت لصديقي محامي حجيتله على الحادث گال سهله ماطول محد متضرر تمشي بسرعه اني امنت بكلامه رجعت على المستشفى شفت الولد كاعد سلمنا علي وهم هو گال اني سقت السياره بسرعه فالخطا من اخويه ومنه سلمنا عليهم وهمه هم اخذت ابويه وطلعت رجعت للبيت بعد يوم متعب وطويل لكينا امي تسوي بالغدا والريحه طالعه لاخر جار رحت بدلت وتوضيت صليت صلاتي ودعيت لاخويه نزلت جوه كعدت.

ام عمر: ها يمه بشر شفت اخوك والله كلبي علي نار احجي يمه.

عمر: يمه والله مابي شيء رحتله شفته بعدين رحت لصديق عندي محامي كللته گال السالفه بسيطه انشالله تنحل لا تخافين هل الاسبوع يطلع بس طمني كلبج وكلشيء ينحل.

أم عمر: يمه اروحلك سبع فدوات شوكت تفرحني بيك واشوف جهالك.

عمر: بعد وكت يمه بعد وكت.

أم عمر: شني بعد وكت انت مو كلت هاي السنه شوكت يعني لا انت تقبل ولا اخوك يقبل انريد نشوف عرس من زمان ماشفنا عرس يمه.

رشا: اي والله خويه اتزوج وخلص.

عمر: هسه انتي شعليج انتي راح تزوجين لو اني.

رشا: يمه بعيد الشر انشالله منو گال اتزوج.

عمر: مو عرس رعد بعد أسبوعين بعد شكو.

ام عمر: بس لا حاسب هذا عرس يمه.

عمر: ليش شبي.

ام عمر: اول شيء مامرتاحه لامه هل الايام مدري شبيها وثانيا بس لا حاسب هم هاي عروس شكل الحيه.

عمر: ههههه يمه عود هاي انتي الواعيه هيج تحجين على الناس وشبيها امه مو جنت حبايب محد يفاركجن.

أم عمر: والله يمه ما ادري مو تغير السالفه.

ابو عمر: يا معوده عوفي الولد بحاله ترا الزواج مسؤليه مو حيا الله.

ام عمر: مو عائله زهراء راح تجي بعد اربع ايام.

عمر: كح كح كح كح مي مي اريد.

ام عمر: سمع طاري الغاليه ههه.

ابو عمر: شبيك بويه.

عمر: لا كلشي مابيه.

أم عمر: يمه توافق خل نخطبها الك.

عمر: انشالله يمه انشالله.

ام عمر: يعني شفهم من كلامك.

عمر: خل يخلص عرس رعد واني اكلج ورا العرس موافقه.

ام عمر: اي موافقه بس مو تغير رائك.

عمر: انشالله يمه.
كملت غدا شربت جاي ورحت لغرفتي انام بقيت افكر بكلام على الغدا باوعت بموبايلي تعبت منه ردت انام ماكدرت انام  بدلت ورحت للديوان اليوم ما رايح اله واشوف شنو شيوخ يجونا....

——————————

زهراء: العصر نزلت لكيت ماما تخابر بمرت خالي(ام عمر) بقيت كاعده يمها.

زهراء: شتريد منج ماما.

ام زهراء: ماكو شيء بس تسال علينا وسالت عن مرتضى شوكت يطلع.

زهراء: وشكالت.

ام زهراء: كالت انشالله يطلع هل الاسبوع وحددوا عرس رعد بعد اسبوعين وگالت عمر يخطب ورا عرس رعد.

زهراء: شنو ومنو راح يخطبها.

ام زهراء: العروسه اعرفها وموافقه ياخذها.

زهراء: منو سعيده الحظ راح تاخذه.

ام زهراء: ليش تغير شكلج من گالت على الخبر بس لا تحبي.

زهراء: لا شنو احبه يمه الله يبعده انشالله.

ام زهراء: ليش يبعده اتمنى يصير من نصيبج.

زهراء: يمه انتي شنو تحجين.

ام زهراء: والله شيخ ومتمكن وسيارات وفلوس بعد شتردين.

زهراء: اي هسه ما كلتي منو سعيده الحظ الراح تاخذه.

ام زهراء: بعدين تعرفين.

زهراء: راح اعوفج انتي والغازج.

ام زهراء: حضري نفسج حتى نروح لصالون اليوم بليل.

زهراء: شسوي بالصالون ما عندي شيء اسوي.

ام زهراء: غيري ستايل شعرج.

زهراء: واذا بابا مايقبل.

ام زهراء: لا يقبل اني اقنعه وسوي تنظيف لبشرتج هم.

زهراء: انشالله.
صعدت لغرفتي خابرت نور ورزان هلاو كبدات.

نور: هلوات يا روح عمتها.

رزان: لعد واني شنو.

نور: انتي قالون عمتها.

زهراء: ههههه اي بضبظ.

نور: اي شكو مخابره عندج اخبار.

زهراء: اولا عرس رعد بعد اسبوعين.

نور: صدك.

زهراء: والله صدك ماما كالتلي قبل شويه اكلج نور رزان ما الها صوت.

رزان: وياج حب يعني شراح يصير بيه مثلا.

زهراء: ليش ما تحبي.

رزان: يمعوده شحب منه واني ماحاجيه ويا ولا موقف صاير بيني وبينه.

زهراء:اي صدك لا تنجرحين يجي واحد احسن منه.

نور: اي وبعد شنو.

زهراء: عمر راح يخطب ورا عرس رعد.

رزان: كلهم طاروا من يمنه.

نور: اي والله صدك بس لا سيوفي يروح.

زهراء: لا ميروح اني راح اضمنه الج.

نور: فديت عمتها اني اي وشنو بعد من اخبار.

زهراء: اليوم بليل نروح للصالون ويا ماما.

نور: لا اني ما اروح قبل اسبوع رحنا اني ورزان.

رزان: شوكت تروحون لبيت جدج.

زهراء: والله ما ادري بخطط ماما.

نور: بس تسمعين خبر روحه تجين تخابرين اوكي عمتو.

زهراء: اوكي اني راح اروح اساعد ماما بالعشا باي.

رزان: اكلج زهراء منو خطيبه عمر.

زهراء: والله ما اعرف بس ماما تدري منو هيه حتى اليوم فرحانه مدري ليش.

نور: اكلج خاف انتي العروسه.

زهراء: فال الله ولا فالج انشالله.

رزان: ليش شمحلاها اخذ واحد شيخ يخبل كبر يالثوله.

نور: اي والله.

زهراء: يالله عالساس هو خاطبني.

نور: انشالله يوم اسمع هل الخبر.

زهراء: ههههه خبله مو بيدج يالله باي.

نور ورزان: بايات.

زهراء: بعد ما كملت المخابره من نور ورزان رحت ساعدت ماما بالعشا تعشينا وكملنا رحت بدلت لبست فستان لون مشمشي ورهمت ويا حجاب وحذاء ونزلت لكيتهم جاهزين وصلنا بابا لصالون وهو ومصطفى راحو لنادي بدت ماما تسوي حواجبها واني اختار موديل جديد لشعري كصيت اطراف شعري لان احب طوله وسويت غره بس طويله كلش وصبغت خصل من شعري لون أزرق وشعري اسود طلع كلش حلو كملنا اني وماما بقينا نفتر اجا بابا رجعنا للبيت بعد تعب....

——————————

حبايبي اسفه على التاخير بس صارت ضروف وا كدرت انشر بارت وهسه رجعتلكم وبقوه انشالله انتضروني باجر العصر ينزل بارت انشالله واسفه على اي خطا لان بسرعه اكتب...

تعليييييييييييق
تصوييييييييت