رواية بين أسوار الشيخ الفصل العاشر 10 - بقلم Esraa hussein

هلو اصدقائي صيام مقبول وافطار شهي....
عيد سعيد وكل عام وانتم بالف خير وصحه وسعاده..

#بقلمesraa1289
#بين اسوار الشيخ

—————————

نور: الصراحه فرحتي ما اكدر اوصفها الحد احس نفسي ملكت العالم كله احس صرت فخوره بنفسي ورافعه راسي وراس اهلي طلعت النتائج وتعشينا بين السوالف والضحك ونسه العائله كملنا عشا وغسلنا مواعين وطلعنا ويا علي نغير جوه لان كلش تعبانين نفسيتنا تعبانه لان نونس نفسنا نزلنا للمنتزه بعد ما قنعنا علي كعدنا نسولف ونلعب كمنا نلعب جراه وصراحه صار الدور على علي واني اسأله..

نور: اكو وحده بالك يعني تحب وحده.

علي: اي اكوو.....

رزان: اي اي علي كول منو هيه امانه احجي.

علي: لا ماكول.

رزان: شبيك احجي.

نور: كافي رزان اذا مايريد يحجي عوفي خصوصيه هاي...
بقينا نلعب لحد ما تعبنا رجعنا اهل زهراء أخذو زهراء واني ورزان رحنا للبيت دخلت الغرفه بدلت ونمت ماادري بنفسي.....

—————————

زهراء: بعد ماطلعنا وتونسنا وضحك وسوالف رجعت للبيت بعد ما تعبت حيل سبحت وبدلت ونمت كعدت الصبح غسلت وجهي ونزلت جوه لكيت ماما ومصطفى يسولفون....

زهراء: صباح الخير.

ماما و مصطفى: صباح الأنوار.

ماما: تتريكين.

زهراء: لا مااشتهي بس اريد چاي اذا اكو.

ماما: اي اكو تعالي.

زهراء: كعدت انتظر ماما تجيب الچاي ومصطفى يتريك ماما هم تروحين للبيت جدي.

ماما: اي والله اريد اروح اخير مره شفتههم بالاربعينه مال ابويه واريد اروح اشوف امي وهم ابن اخويه طالع من السجن.

زهراء: ياهو منهم وليش.

ماما: البارحه خابرت ام عمر وكالة مرتضى طالع من السجن ردت اعرف ليش كالت يصيحوني.

زهراء: ها الله يخلي الها انشالله.

ماما: امين صوفي من تكمل اريد تروح تشتري غراض اني اريدهن وتروح لأبو المخضر هم اريد.

مصطفى: اي عادي ليش شنو هو الغدا.

ماما: باجه.

زهراء: اوووي ماما ماكو غيرها.

مصطفى: اي والله ماكو غيرها.

ماما: اي ما كو غيرها لان ابوكم مشتهيها اليوم وگال سويها وانتم سويت الكم مركه باميه.

زهراء: ماما اطتني الچاي شربته وبقيت اسولف واساعدها رحت اسبح لان شعري ماشالله ضارب بي اعصار سبحت وبدلت لبست شيء مريح حتى ارتاح بي بعدين خابرت نور و رزان.

زهراء: هلو بنات شلونكم.

نور: زينين بس احس جسمي مكسر ما اعرف ليش.

رزان: حتى اني والله اي شنو الاخبار عندكم.

زهراء: ماعدنا شيء بس اعتقد راح نروح لبيت جدي الاسابيع الجايه.

نور: صدك.

زهراء: اي والله سألت ماما وگالت اريد اروح.

نور: يااي واخيرا راح اشوف سيوفي.

رزان: ههه هيه نور ماعدها احد غيره اصلا زهراء صاطرتني سيف سوه سيف شكال سيف شحجه موتتني والله.

نور: انجبي والله زهراء تجذب.

زهراء: ههه يالله مو مشكله اذا نروح تروحن.

رزان: اي اكيد لان والله البيت ممل.

زهراء: يالله اوكي اكلج علي سافر.

رزان: اي اليوم الصبح راح وخطيه خاله بقت تبجي عليه حيل.

زهراء: يا خطيه الله يساعدها انشالله.

نور: وأنور ومنتظر  هم يردون يتونسون ويا اصدقائهم يروحون لتركيا وامه ماتقبل تگول ياهو يبقه الي.

زهراء: خل يروحون يتونسون همه ولد هسه مصطفى مملل بابا بس يريد يسافر وبابا مايقبل لان صغير.

رزان: اي والله صحيح اگلج امي تصيحنا بعدين نرجع باي.

نور: باي زهوره.

زهراء: بايات حبيباتي.
سديت المكالمه منهن ورحت نزلت لك يا بابا ستوه راجع من الدوام رحتله ركض وهو شالني.

بابا: هلا هلا ببنيتي الحلوه ياروحي انتي.

زهراء: مشتاقتلك كلش.

بابا: واني هم مشتاقلج يراا تعالي راح ابدل واجي حتى نتغده كلنا.

زهراء: اوكي.
اجه بابا تغدينا كملنا غسلت مواعين ورتبت المطبخ وماما تصب چاي لبابا رحت كعدت يمهم شويه بعدين تعبت وصعدت غرفتي تمددت على السرير واباوع بالموبايل مالتي بقيت اباوع حتى ما صار العصر....

—————————

علي: عزمنا عمامنا على عشا علمود سفرتي لان باجر اسافر اجو واجت زهراء احس كلبي طار بس احسه حب من طرف واحد لان هي اصلا ولا مهتمتلي اصلا ولا تباوع بوجهي عمتي بس احجي وأكول يجوز بعدين تحبني طلعت معدلاتهن ومنتظر هم من طلع معدل زهراء كلش فرحتلها وگلت هديتها منك من اسافر اجيبها الها تعشينا وهيه كعدت يمي سويت نفسي مامهتم بيها ابدا ورا ما تعشينا طلعتهم ورحنا للمنتزه كعدنا تسولف ونضحك نور سألتني اكو وحده بالك اني جاوبت اي اكو بقن يلحن بي ماكلت لان ماريد تعرف وتوافق وتفشل كدام الكل رجعت للبيت عمامي ودعوني راحوا واني وعائلتي بيقنا نحضر بالجنط مالتي كملنا نمت واني تعبان كلش اجت امي كعدتني من الصبح حتى الحك على الطياره بدلت بسرعه ودعت اهلي واجا ابويه وانور يوصلوني للمطار صعدت الطياره واتوجهت للمدينه بيها مشروعي...
—————————

عمر: اجا اليوم الي جنت كاعد بالمضيف مالتنا ويمنا شيوخ هوايه دك موبايلي استأذنت وطلعت شفت الرقم صديقي نقيب بالشرطه.

عمر: هلا اسعد شلونك شخبارك.

اسعد: هلا خويه الحمدلله زين انته شلونك.

عمر: على الله اي احجي محتاج شيء.

اسعد: لا تسلم ماريد بس سلامتك بس أخبرتك حتى اگلك اخوك مرتضى بالسجن.

عمر: شنو وليش داخل سجن.

اسعد: حادث سياره والولد بالسياره الثانيه بين الحياة والموت.

عمر: بيا مستشفى الولد حتى اشوف.

اسعد: بمستشفى............ وانته روح و انشالله الولد يكعد وكلشي مابي حتى يطلع مرتضى من السجن وانشالله اني جاي اسوي الكدر علي.

عمر: انشالله خويه تسلم على كل شي تسوي ماتقصر في امان الله.

اسعد: الله وياك مع السلامه.

عمر: سديت الخط من اسعد بقيت حاير شنو اسويه يارب انشالله الولد كلشي مابي رجعت للمضيف استأذنت من الشيوخ گلت امي تخربطت كلش ابويه راح يركض جوه الشيوخ بدوا شويه شويه يرحون دخلت جوه للبيت.

ابويه: انته من كل عقلك شلون تحجي هيج هاي امك كلشي مابيها.

عمر: اي ادري امي كل شي مابيها وانشالله ما يصير بيها شيء بحيل الله.

ابويه: لعد ليش حجيت هيج شنو تريد تطردهم.

عمر: لا ماريد اطردهم.

ابويه: اي لعد ليش.

عمر: هسه تخليني احجي اخويه مرتضى بالسجن.

امي: يمه وليدي راح مني.

عمر: يمه لخاطر الله اسكتي خل نشوف حل.

ابويه: ليش داخل سجن غير نعرف بويه.

عمر: حادث سياره والولد الثاني بين للحياة والموت واهل الولد اشتكوا ودخل للسجن مرتضى.

ابويه: تعرف اسم المستشفى.

عمر: اي اعرفه تعال نخلي الولد احسن جناح واحسن دكاتره.

ابويه: يالله نتكول وانتي يامره لا تكومين تبجين صلي على محمد وادعي للولد كلشي مابي انشالله لا يصير غير شيء.

امي: انشالله حجي انشالله مابي شيء.

ابويه: يالله بويه نتوكل.

عمر: رحنا للمستشفى سالنا على اسم المريض عرفنا غرفه العمليات شفنا ناس هوايه ابو الولد صديق ابويه سلمنا علي وعرف مرتضى اخونا ما حجه اي شيء الرجال همه حالتهم زينه بس احنه خلينا باحسن جناح وخلينا علي دكاتره علي بقينا لحد الان ماكو خبر عن المريض رجعنا للبيت لان الساعه متاخره كلش بليل حتى ما رحت شفت اخويه انشالله باجر اروحله اشوفه صعدت بدلت وبقيت افكر ياربي شنو راح يصير اذا الولد مات يارب كون كلشي مايصير بي بقيت افكر كعدت الصبح بدلت على السريع امي صاحتني حتى اتريك اني ماقبلت طلعت اخذت رعد وعمامي وابويه ويايه اول شيء رحنه مرتضى اطيناه ملابس واكل امي سوت هذا الشيء بعدين رحنه للمستشفى انشالله الولد مابي شيء اول مادخلنا لكينا اهل الولد سلمنا عليهم كالوا لحد الان بخطر حالته بعدين طلع الدكتور.

عمر: خير دكتور بشر هو حجه الدكتور واحنه انصدمنه......

—————————

تصووووووويت
تعلييييييييييق