رواية بين أسوار الشيخ الفصل السادس والعشرون 26 - بقلم Esraa hussein

#بقلمesraa1289
#بين اسوار الشيخ

——————————

رنا: مرتضى يالله كوم.

..: هممممممم.

رنا: يالله مرتضى ابوي يصيحك.
اريده يكوم ماكو رحت جبت كلاص مي وثلج وشمرته علي من كام من جوه الحاف اني انصدمت.
هذا انته شسوي هنا ها.

علي: لا ابوي طبعا اني انتي شدخلج هنا.

رنا: خاف انته ناسي هاي غرفه اخوي واجت اكعده طلعت انته.

علي: هسه سويتي بيه روحي طلعي يالله.

رنا: لا تطردني ترا هذا بيتنا..
شكو كايم باتجاهي.

علي: اجت ادبج على هذا السانج الطويل.

رنا: لا تتقرب لا يجي احد.

علي: اني ماراح اسويلج شيء وهاي سديت الباب مراح احد يجي.

رنا: ميخالف اني مااريد انزل راس ابويه ويالله أبت(قاطعني)بوسه بقيت ادفع بي هو وخر واني طلعت غسلت علمود لحد يشك وبدلت ورحت ويا البنات الصالون...........

—————————

زهراء: كعدني البنات رحت سبحت وصليت اني كل هل الفتره ماشايفه عمر احس اكو نقص بيومي بدلت وصلنا مرتضى للصالون بدت ام الصالون بيه اول وحده لبست بدله ذهبيه وبيها ذيل من ورا كلش طويل
وشعري عفته على طوله بس سويت بي حركه ومكياج طلعت كلش حلوه من باوعت على المرايه معرفت نفسي البنات كامن يصلن على النبي خابرنا مرتضى حتى يجينا گال عمر راح يجيج من وصل عمر لبست حتى لا يبين شيء مني........

رشا: عمر طلع شيء خل نسمع.

رنا: اي والله.

عمر: خل تطلب زهورتي واني اطلعلجن شيء.

نور: زهراء كليله اريد شيء.

زهراء: عمر طلع شيء خل نسمع.

عمر: فديت هل الصوت اني.

رنا: احم احم نحن هنا.

عمر: هسه انتي زهراء شكو جايبه ذني وياج جان هسه اخذت راحتي.

رشا: ترا احنا اجينا نساعدها.

رنا: اي والله وبعدين عمر هذا مو طريق البيت.

عمر: اي ادري.

زهراء: بقيت اسمعهم وعمر يدندن ويا الاغنيه من وصلنا للمكان والبنات ساعدني.....
عمر وين احنا.

عمر: حبيبي مو تردين جلسه تصوير هاي جبتج نصور نزعي بين ماابدل واجي.

زهراء: والله صدك

عمر: اي والله عمري صدك بس دقيقة أبدل واجي .

زهراء: راح عمر واني نزعت البركَع و بقيت واكفه بمكاني المكان يجنن والمصور جانت بنيه بعدين اجا عمر لابس قاط اسود وقميص ابيض ورباط احمر طالع فدشيء.

عمر: لك فديت هل الجمال الي صافن عليه.

زهراء: منو كَلك اني صافنة عليك.

عمر: اي مبينة اكلتيني اكل بعيونج ترى أهلي يردوني 

زهراء: ههههه

عمر:فديت الضحكة وصاحبتهة يلا تعالي نتصور قبل ما اكلج.

زهراء:يلا
كملنا تصوير وجانت الجلسة تخبل وطبعا ما خلصت من حركات عمر من كملنا رجعنا للبيت واستقبلونا بالهلاهل والطلق لحد ما كَعدت بالصالة جانوو مخليين بيها كوشة تجنن نفس لون بدلتي من كَعدت ماما نزعتني البركَع وعمر طبعا كعد بالبداية يمي ومن راحت ماما همسلي

عمر:والله ما اصدك كل هل الجمال الي وحدي.

زهراء:عمر عيب الناس تباوع.

عمر:وشعلي بيهم مرتي وحبي وحلالي.

زهراء:بقيت ساكتة .

عمر:نفسي مرة تكَليلي كلمة حلوة .

زهراء: يعني مثل شنو.

عمر:مثلا حبيبي،گلبي،حياتي...

زهراء:ما عرفت شگله بقيت ساكتة لأن اني احس بتجاهة احساس غريب بس ما أدري إذا احبه أو لا .

عمر:كلش ضجت حسيتهة لحد الآن ما تحبني ولو شوية واني اموت بالتراب الي تمشي عليه گلتلهة ما راح اغصبج على حبي وخليت وطلعت حتى أبدل لبسنا التقليدي دشداشه وبشت وغترة لفيتها مثل الامراتيين ورحت المضيف استقبل الضيوف.

زهراء:حسيته ضاج وبعدين گام وراح اجني رشا ورنا علية ما شاء اللة وحدة أحلى من الثانية.

رشا:فديت مرت اخونا التخبل.

رنا:اي والله شنو هل الجمال كاسرة الكل.

زهراء:طبعا حبي غير اني العروسة ومرت الشيخ ويحقلي اكسر الكل .

رنا: مو صوجج صوجي اني امدحج.

زهراء:ههههه لا حبي وآلله اتشاقة.

رنا:ادري تتشاقين حبي ها شنو رأيج بالكوشة.

زهراء:تجنن والله عجبتني حيل.

رشا:مو كأنو اني حايط واكف محد عبرتني.

زهراء:لا حبي انتي الكبد مالي.

رشا :يا عمري مرت اخوي اموت عليج .

رنا:عوفن الحب اكولج زهراء.

زهراء:ها عمري.

رنا:عمر مساع من گام حسيته ضايج.

زهراء:حرت شگول گلتلهة لا حبي ليش ضايج كولشي ما بي.

رنا:عرفت زهراء ما تريد تحجي فغلست على الموضوع وگلتلهة ها المهم خلينا نتونس هو مرة  وحده بالعمر.

زهراء:اي والله.

———————————

رزان
اليوم حنة زهراء كعدت من الصبح علمود اتجهز للحفلة جنت محضرة فستان قصير لون عنابي يجنن بس هو شوية مشلح بس طبعا أستاذ رعد لازم يعارض جنت كاعدة أرتب بنفسي على المرايا وما حسيت الا رعد دخل وقفل الباب.

رزان:رعد

رعد:عيونة وروحه الرعد.

رزان:شتسوي هنا.

رعد:الوحدة تگول مشتاقتلك حبيبي وانتي شتسوي هنا.

رزان:مو قصدي عمري والله بس تفاجئت.

رعد:شلونج يروحي.

رزان:بشوفتك زينة حبيبي.

رعد:دومج بروحي اكولج عمري شوفيني فستانج الي راح التلبسي اليوم.

رزان:عمري ما تشوفيني لابسة ومجهزة.

رعد:نععم هذا القميص النوم تسمينه فستان.

رزان:حسيت خدود ي اشتعلت فسكتت.

رعد:انتضريني هنا هسة جاي .

رزان:شوية واجة شايل صندوق جبير عافه على السرير.

رعد:فتحت الصندوق حسيتهة متفاجئه.

رزان:فتحة وطلع من عندة فستان طويل احمر محتشم كولش حلو وطلع حذاء اسود كعب وعلبة مكياج وتخم ذهب متكون من اسوار ومحبس وتراجي وگلادة كلهن على شكل وردة ناعمات كولش ضليت ساكتة ما اعرف شحجي.

رعد:حبي ما عجبنج لو شنو احجي.

رزان:لا والله حبيبي يخبلن بس شنو المناسبة.

رعد:يعني الا اكو مناسبة يلا اهدي لمرتي هدية .

رزان:اي بس ذني هوا( ما خلاني اكمل كلامي ).

رعد:اشش لا هواي ولا شيء تستاهلين اكثر ويلا روحي البسي خلي اشوفه عليج.

رزان:هسسة.

رعد:أي هسة لعد باجر.

رزان:بس رعد اني لابسة.

رعد:واني شگلت عليه أعتقد كلامي واضح مو.

رزان:بس اني عاجبني.

رعد:اي البسي الي بغرفتنا.

رزان:رعد كافي.

رعد:هههه اوكي يلا حبي لبسي اريد اروح.

رزان:اوك . رحت لبسته بالحمام وشفت نفسي بالمرايا اجنن ما توقعته كل هل الجمال طلع رعد عندة ذوق ولبست ويا الذهب الجايبة وي تسريحتي البسيطة طلعت فدشي فتحت الباب وشفت رعد دار وجهة علية.

رعد:تقدمي حبي ليش واكفه.

رزان:تقدمت عليه وصرت مقابيله ضل يباوعلي وساكت فگلتلهة الهل درجة ما عجبتك.

رعد:شنو ما عجبتيني غير اخذتي گلبي .

رزان:هههه مو لهلدرجة.

رعد:واكثر وربي بلا ديري خلي اشوفه كله.

رزان:درت وگتله ها هذا انزل بي لو لا .

رعد:ولو أتمنى ما تنزلين بس شسوي.

رزان:لا والله بعد اكو أكثر من هذا محتشم .

رعد:اي اكو نولي بحجاب وعباية احسن مو .

رزان:لا بعد البس خيمة.

رعد :هسة كليلي قبل ما اتعارك وكلشي ما احصل وين هديتي.

رزان:هدية شنو.

رعد:تسوين نفسج ما تعرفين.

رزان:اي ما اعرف.

رعد:أتي اگلج بعدني ستوني اريد ابوسهة ما احس الا نور دخلت جفت.

نور:اااا اسفة مو قصدي.

رعد:انتي خربتيهة ميفيد الأسف(بهمس).

نور:احم شگلت.

رزان:ولا شيء عمري تريدين شيء.

نور:اجيت اكولج تعالي ننزل جوة هواي تاخرتي.

رعد:أني رايح وهمست لرزان حسابج بالليل.

رزان:راح رعد والتفتت لنور وگلتلهة شنو هل الجمال تقبلين.

نور:انتي أحلى حبي بس هذا مو نفسه الي جبتيه هذا احلى.

رزان:هذا رعد جابه الي.

نور:شوكت ولج.

رزان:تعالي ننزل واحجيلج.

نور:أوكي يلا.

——————————

زهراء: تونست كلش ويا رنا ورشا حتى نسني ضوجتي وي عمر سويت كلشي نفسي بي بعدين اجتي خالتي........

ام عمر: خاله خلي شيء على جسمج لان راح يدخل عمر وعمج.

زهراء: ماشي خاله.
رنا جابتلي شال خليته على جسمي دخل عمر وعمي ابو عمر وابويه واخويه مصطفى اني كمت حتى اسلم عليهم عمر وكف بصفي بس ضايج كلش سلمت على عمي ومصطفى بابا اجا تقرب مني بس احسه راح يبجي واني كوه لازمه نفسي اجا حضني اني بجيت بحضنه هو كام يمسح على ظهري وهمس يم اذني................

ابو زهراء: اسف ياروح ابوج اذا غصبتج على شيء والله اعرف مصلحتج وباجر عكبه راح تجين تكولين بابا مشكور.

زهراء: بقيت ابجي ما حجيت شيء مسح بابا دموعي وطلع ورا طلع عمي ومصطفى بقى عمر حتى يسويلي الحنه ونقطع الكيك......
حبيبي ليش هيج ضايج على الاقل ابتسم.

عمر: ها شكلتي.

زهراء: ليش هيج ضايج ابتسم.

عمر: لا الي قبلها.

زهراء: ياهيه لا هاي طلعت غلط ماادري بيها................
بقى ساكت حناني بأيدي وقطعنا الكيك وشربنا العصير بعدين طلع اني واجن صديقات رنا ورشا الناس صارت كومه بحيث احس راسي راح ينفجر بقينا نحتفل لليل بعدين صعدت حتى ابدل نور ساعدتني بانزع البدله..............

——————————

الى هنا ينتهي البارت........
في امان الله.....💜