رواية بين أسوار الشيخ الفصل الخامس والعشرون 25 - بقلم Esraa hussein

#بقلمesraa1289
#بين اسوار الشيخ

——————————

..: فدوه كليلها تفسخ الخطوبه والله احبها.

..: شلون اكللها وهو يحبها وتحبه.
ا
..: باي طريقه مو اني اخوج سوي اي شيء.

..: ادري انته اخويه بس شلون اكللها تعاي فسخي الخطوبه من خطيبج لو اخوي يحبج.

..: اي عادي كليلها هيج شراح يصير.

..: اني ماكدر هاي صديقتي المقربه ماكدر اخسرها تريد تروح روحلها انته.

..: تخافين تخسرين صديقتج وما تخافين تخسريني.

..: كافي لخاطر الله شبيك تخبلت.

..: اي تخبلت هي خبلتني وهسه راح تشوفين اذا ماخذها ماطلع اني ابن امي وأبوي.

..: اي روح شسويلك.

——————————

رزان: كملت الحفله خابرت رعد علمود يجيني گال شويه وجاي بقيت انتظره دك هورن عرفته هو طلعت من الباب وصار كدامي اخو صديقتي اريد ابتعد مايقبل...
اخي ممكن تبتعد زوجي منتظرني.

..: راح اكلج كلام وتخلي ترجيه باذنج واذا ماسمعتي راح تشوفين شيء مايعجبج والله.

رزان: ماكو كلام بيني وبينك وزوجي جاي يدك هورن عليه وخر.

..: ماوخر واسمعيني.

رزان: ماريد اسمع وابتعد فطوم تعالي بعدي اخوج عني.

فاطمه: وخر البنيةتريد تروح.

..: ماوخر وانتي عندج اسبوعين اذا ما فسختي خطوبتج من خطيبج راح اسوي شيء مامتوقعته.

رزان: انته شبيك تخبلت.

..: اي انتي خبلتيني اي اني احبج لا مو بس احبج اموت عليج.

رزان: شوي وخر صدك انته مخبل وخر يالله لك عوفني عوفني فك ايدي والله راح اصيح عليك رعد.(بجي) فاطمه امانه روحي صيحي رعد.

..: تعالي والله اذا رحتي اعدمج بمكانج.

فاطمه: هسه جايه.

رزان: راحت فاطمه بسرعه فتحت الباب شافني رعد ابجي وهذا كاضني اجا ركض بعده عني وبقا يتعارك ويا طلعوا ابوه وامه حجه الهم كلشي همه تاسفوا النه لزمني وكام يمشي سريع صعدني السياره وهو هم بقى ساكت....

——————————

زهراء: بقيت يم البنات يحضرن بغراضهن من كملن نزلنا جوه البيت هدوء رحت للمطبخ شفت ماما وخاله ام عمر يحضرن بالعشا.
وين راحوا.

ام زهراء: راحوا يسلمون على جدج لان باجر يرحون.

زهراء: ها.

ام عمر: كملتي غراضج خاله.

زهراء: اي خاله بس بقا اشياء كلت بليل ارتبهن.

ام عمر: ها انشالله.

زهراء: بقينا يمهن نسولف بعدين اجوي صبينا عشا الهم واني وحد كملنا كمنا اني ورشا ورنا نغسل مواعين كملنا غسلهن رحت اكمل غراضي.
اكلجن هسه اخلي عمر يخليهن بالسياره لو باجر.

رشا: لا هسه كليله لان باجر نطلع من الصبح الج وكت تنزلين بيهن.

رنا: اي صحيح هسه روحيله.

زهراء: ماشي هسه راح اروحله.
نزلت جوه لكيت عمر كاعد بغرفه ماما وبابا يلعب بموبايله.....
عمر.

عمر: عيونه لعمر.

زهراء: تعال نزل الجنط خليهن بالسياره.

عمر: خليهن على باجر.

زهراء: مو انتم باجر تروحون من الصبح كلش.

عمر: اي نطلع ب4 الفجر.

زهراء: بس مو من وكت.

عمر: احسن.

زهراء: يالله تعال نزلهن حتى باجر ما تتخبصون بيهن.

عمر: جاي ومن نكمل منهن اريد احجي وياج.

زهراء: ماشي..
نزلنا الغراض والبنات هم ساعدني من كملنا رحت لعمر جان كاعد منتظرني.
اجيت مو تريد تحجي وياي.

عمر: اي اريد تعالي هنا كعدي.

زهراء: اجيت يالله.

عمر: ............

———————————

نور: جنت كاعده امشط بشعري اجت رزان عليه..

رزان: تعالي ساعديني اجو علينا عمام رعد.

نور: اي بس ليش هيج عيونج حمر رزو.

رزان: ما مبيه شيء.

نور: احجي شبيج.

رزان: بعدين تعرفين هسه تعالي ساعديني.

نور: جايه هسه.
لفيت شعري شلون ماجان ونزلت جوه حضرت الضيافه ورزان ودته اني ردت اسوي شاي النعناع اليه ولرزان طلعت حتى اجيب نعناع من الحديقه...

سيف: ليش هيج طالعه.

نور: ها.

سيف: ليش هيج طالعه(بصوت بطي).

نور: هسه ادخل.

سيف: موافقه.

نور: على شنو اوافق.

سيف: على الكلام بينا.

نور: لا مموافقه.
عفت ودخلت ركض للبيت سويت الجاي وصعدت لرزان لكيتها كاعده بغرفتها.
شبيج شنو صاير حب ليش تبجين.

رزان: تعاي هسه تعرفين.

——————————

رزان: رعد فدوه بس قلل السرعه.

رعد: شنو الشفته قبل شويه(بعصبيه وصاك على سنونه).

رزان: والله مالي دخل.

رعد: لا فوكاها يحبج هم(بعصبيه).

رزان: والله رعد مادخلني بي اني ردت اطلع وهو وكفني.

رعد: لاتحجين ولا حرف ومالج دخل اكص ايدي منا ومنا اذا ما طلع مالج دخل توسلتي توسل علمود ترحين تاليتها هيج مو(بصوت عالي).

رزان: بس اسمعني رعد بس مره(بجي).

رعد: ماريد اسمع اي صوت الج ابقي ساكته(بعصبيه).

رزان: رعد راح نسوي حادث قلل السرعه فدوه(بجي).

رعد: للموت انشالله(بعصبيه).

رزان: رع.........

رعد: ماريد اسمع صوتج انتي ماتفهمين وهاي دموع التماسيح مسحيها(بعصبية).

رزان:....................(بجي).

رعد: هاي وصلنا ان وصلتي شيء لاحد والله موتج على ايدي(بعصبية).

رزان: نزلت رحت لغرفتي بقيت ابجي بحيث احس دموعي انفجرت من الوجع رحت بدلت ونزلت ماما گالت سوي ضيافه لان اجو عمام رعد مامبيه حيل رحت صحت نور وهم نور بقت تسال نزلت وياي سويت الضيافه دكيت الباب طلعت ماما اطيتها الها ورحت لغرفتي ورا نص ساعه تقريبا اجت نور بقت تسال حجيت كلشي الها........
ها غلطانه اني علمود يسوي هذا كله غير يسمع مني.

نور: خليها عليه معليج بي هسه يرجع يتوسل بيج اني اخلي.....

——————————

عمر: اريد احاجيج كلمتين وتخليهن ترجيه بإذنج.

زهراء: انشالله.

عمر: اولا طلعه من البيت ماكو وثانيا تلتقين ويا علي هم ممنوع ماشي.

زهراء: ماشي.

عمر: شو ماعارضتي هل المره.

زهراء: خاف احصل رزاله واني مليت من عصبيتك.

عمر: ههه بعدنا ممتزوجين ومليتي مني.

زهراء: اني مامليت منك مليت من عصبيتك.

عمر: ها.

زهراء: شنو رأيك نلعب لعبه بسيطه.

عمر: لعبه.

زهراء: اي لعبه دائما اني ومصطفى نلعبها يالله وافق حباب.

عمر: يالله موافق تالي عمري العب وشنو العبه بالله.

زهراء: بقينا نلعب اني وعمر بحيث استمتعت كلش ويا من كملنا العبه رحت صعدت لغرفتي بدلت شيء قصير ونمت من كعدت احس شيء يمشي على وجهي بس ماكدر اكوم فتحت عيوني وشفت عمر فوك راسي كمت بسرعه.
ها عمر شسوي هنا.

عمر: اجيت اودعج راح ارجع.

زهراء: ها الله وياك اصلا اني راح انزل اسلم عليهم لان عيب.

عمر: وين نازله بهيج لبس وبعدين اني اكللهم نايمه ومكعدت هسه ما تودعيني وياشر على شفته.

زهراء: تقربت منه بطي بسته وخرت.
هاهيه بعد شتريد.

عمر: يالله عادي اول وتالي الي ومابقى شيء وتصيرن يمي حجاها وضحك وبعدين طلع.

زهراء: اني احس وجهي صار احمر وينطي حراره رحت غسلت ورجعت نمت......

—————————

رنا: كعدت الصبح على صوت المنبه كمت غسلت وبدلت نزلت جوه صبحت على الكل ورحت للمطبخ اشرب ماي....

علي: صباح الخير ام لسان.

رنا: صباح النور(بستغراب).

علي: ليش هيج متفاجئه شنو شايفه جني مثلا.

رنا: لا بس استغربت جاي هيج وكت.

علي: مو ابويه راد يجي وگالي تعال وياي.

رنا: ها....
بعدها سلمنا على الكل وطلعنا اني ركبت ويا عمر ورشا هي ومرتضى ويا بابا وماما طبعا الطريق طويل كل العاده كل ماانام واكعد بعدنا ما واصلين من وصلنا نزلت بدلت ونمت كعدت على صوت ماما..

ام عمر: ولج رنا يالله كعدي هم يالله.

رنا: كمت يوم كمت.
رحت غسلت وتوجهت لغرفه عمر لكيتهم مكملينها.
الف مبروك عمر

عمر: الله يبارك بيج.

رنا: شبسرعه كملتوها.

عمر: غير انتي جنتي نايمه متحسين.

رنا: لا مو هل الدرجه خل اصيح رشا علمود نرتب غراض زهراء.
صحت رشا وبدينا نرتب ل5 يالله خلصنا متت تعب لكينا امي مسويه عشا ساعدناها بالصب تعشينا وكملنا رشا كامت تغسل مواعين واني رحت اكمل غرفه عمر مسحت الاخشاب والارضيه وطلعت بعدها نمت ما ادري بنفسي...............

——————————

رزان: بعد ما حجيت لنور الصار احس شويه ارتاحيت وفرغت البداخلي بقيت كاعده بغرفتي حتى على العشا مانزلت لليل اريد انام انفتح الباب ودخل رعد كبل اجا حضني بالنص ساعه....
شويه رعد شسوي.

رعد: اني ماقصدي الكلام الحجيته بالسياره.

رزان: انته لو سامع كلامي جان ماصار الي صار.

رعد: ساعه عصبيه وما ادري بروحي.

رزان: وخر عني ولو شنو يصير ماارضى عليك.

رعد: منو زوجج وابو بيتج.

رزان: بس شويه وخر اختنقت.

رعد: هاي وخرت وهسه.

رزان: لا تباوع هيج عود مامسوي شيء.

رعد: رزو.

رزان: ما.

رعد: منو حبيبج.

رزان: ابويه.

رعد: ومنو زوجج وابو جهالج.

رزان: ماعندي.

رعد: لعد واني وين رحت.

رزان: ماادري.

رعد: ماشي اني هسه نازل وباجر اروح ويجوز بالطريق اسوي حادث واموت وانتي ما راضيه عليه تقبلين.

رزان: لا لا اسم الله عليك.

رعد: تخافين عليه(وابتسم).

رزان: اكيد.
بقينا نسولف شويه بعدين راح نمت وكعدت على صوت المنبه رحت غسلت ولبست شالي ونزلت جوه لكيتهم راح يرحون سلمنا عليهم وراحوا اني بقيت خايفه خاف كلام رعد البارحه يصير حقيقه مرت اربع ساعات واني ميته خوف وقلق دكيت علي مارد دكيت علي رد عليه.
الو رعد حبيبي وصلت للبيت.

رعد: لا بعدنا ولا تخافين عليه بس اوصل ادك عليج ماشي.

رزان: ماشي يالله باي حبي.

رعد: الله وياج حياتي.

رزان: ورا ساعتين او اكثر دك رعد گال وصلنا رحت نمت لان ارتاحيت..............

———————————

زهراء: مرت هاي الايام بسرعه بين التحضير للعرس رحت اشتريت بدلات كلش حلوات للحنه والعرس وعقد فضي للعرس من غير الفساتين كملت كلشي وبابا هم عود يراضيني واني هم كلبي مايطيني مااحجي ويا اجا اليوم الي نروح لبيت عمر صعدت كلشي بالسياره يادوب النا مكان نكعد بي من وصلنا تلكونا كل عاده سلمنا عليهم ودخلنا جوه ورا شويه جابوا الغراض صعدنهن البنات بغرفه عمر بقيت لليل احجي ويا البنات وشنو نسوي باجر لان باجر الحنه نمت كعدتني رنا...

رنا: ولج كومي اكو وحده تنام بيوم عرسها.

رزان: ولج خبله اكعدي يالله هم يالله تلحكين.

زهراء: هاي كمت والله كمت...............

——————————

الى هنا ينتهي البارت.....
في امان الله......💜
#خليك بالبيت