رواية بين أسوار الشيخ الفصل الاول 1 - بقلم Esraa hussein

اليوم بارت جديد اتمنى يعجبكم....

#بقلمEsraa1289
#بين اسوار الشيخ

زهراء:كعدت من النوم لان اليوم اخر يوم بالأسبوع رحت للمدرسه مشه اليوم عادي دراسه ومدرسات رجعت من الدوام تغديت ونمت كعدت العصر ردت اروح لابن عمي منتظر يفهمني كم شغله لان هو ذكي فردت اروح جنت لابسه برموده وتشيرت لبس العبايه الاسلاميه والشال كان لون احمر وخليت شويه كحل ومسكرا وحمرا شويه نزلت جوه كلت الماما قبلت وصلني اخويه مصطفى للبيتهم لان قريب علينا وصلت لكيت عمو يسقي بالحديقه سلمت علي وسالته على منتظر كلي نايم ردت ارجع للبيت لان نايم بس عمو ماقبل گلي كعدي وخل يدرس لان هو مرحله مهمه دخلت للمطبخ لكيت عمه وعلي بيني وبين نفسي هسه اني شجابني الهم لو ما جايه احسن شكد اكرهه واكرهه شوفته دخلت سلمت على عمه وعلى علي بس من وره خشمه رد اووف شكد مغرور

علي: هاي شدعوه مخليه كل هذا الصخام بوجهج.

زهراء: هو اني شمخليه مثلا هيه شويه كحل ومسكرا وحمره.

علي: كل هذا وما مخليه.

زهراء:هسه انت شعليك بكيفي اخل ما اخلي بكيفي بكيفي.

علي:(وهو راص على سنونه)احترمي زهراء لا اكص السانج والله.

عمه: كافي علي ماما شبيك البنيه اجت تتعارك لو تدرس عماتي زهوره تعالي اكعد منتظر ودرسون معليج بي.
ح
علي: هي ويا يدرسون سوه بنفس الغرفه وحدهم.

عمه: اي عادي شنو هم مثل الاخوان مو اول مره يدرسون سويه.

زهراء: من علي كام يرزل حسيت الدمعه بطرف عيني بس ما خليتها تنزل وتبين اني ضعيفه كدام هذا المغرور والمتعجرف صعدنا اني وعمه للغرفه كعدته كمنه نقرا سوه اول مابدينا نقرا دخل علينا علي عاف الباب مفتوح وطلع وكل فتره القراءه علي يدخل ويطلع كملت قراءه كمنا نحجي اني ومنتظر دخل علي علينا.

علي:شسوون وشنو تحجون.

منتظر: جاي نحجي بأمور الدراسه والاسئله الوزاريه ليش.

علي: لا ماكو شيء بس اسئل.

زهراء: كملت دراسه نزلت لجوه اول ما نزلت لكيت انور هلو انور شلونك شخبارك

انور: هلوات زوز من الله بخير انتي شلونج

زهراء:زينه شو ماكو ماتسئل.

انور: لا والله مو جنت ويا اصدقائي بسفره ورحت هناك.

علي:تروحين للبيت.

زهراء: اي اروح.

علي: يالله اني اوصلج.

زهراء: اوك من علي گلي تروحين حسيتهه طرده بس والله يا علي مراح تشوف وجهي بعد هل الطرده بسيطه شكد اكرهه وصلني علي للبيت دخلت سلمت على ماما وبابا وصعدت للغرفه ادرس.........................

--------------------------------

رزان: كملت لبس ملابسي وطلعت لكيت نور كاشخه وتخبل وروان نفس الشيء هلوات صاكات شلوني

نور: تخبلين يالله ننزل لا ابوج يعصب.

روان: احنا وين راح نروح.

رزان: والله ماادري صعدنا بالسياره ورحنا على مول زيونه تسوقنا وكمنا نفتر ودخلنا مطعم علمود ناكل بس من اول ما دخلنا المول اكو اثنين شباب بس يمشون ورانه واحنه كاعدين على الطاوله كاموا الولد وتقدموا علينا سلموا على بابا وبابا سلم عليهم وكأنما يعرفهم من زمان سلموا على بيبي وجدو وماما واخواني وبابا عرفنا عليهم بس اكو واحد بس يباوع عليه شكد ما يستحي ابد اني من وحدي خجلت كمت اسوي نفسي ما اهتم واحجي ويا نور وروان كملنا اكل وطلعنا همه هم طلعوا ويانا اني قبل ما اصعد ما احس واحد وراي يكلي باي ياصاك وراح اني احس رجلي ما تشيلني همزين بابا وماما ما شافوا كبل صعدت بالسياره ورجعت للبيت....
---------------------------

نور: بالليل طلعت ويا اخويه ابو رزان لبست جينز وقميص
لون اوف وايت وشال نيلي وحذاء نيلي وجنطه نيلي هم طلعت كلش حلوه وجسمي رشيق طلعت اجنن نزلت لكيت روان مبدله هم بس رزان بعد انتظرنه شويه نزلت رزان طالعه صاكه تخبل صعدنا بالسياره رحنه لمول زيونه افترينه شويه رحنا لمطعم كعدنا اجو اثنين ولد علينا بالطاوله سلموا على ماما وبابا واخوي ومرته وكعدوا ويانه الي عرفته انو هذوله خال زهراء وابن خالها بس والله خال زهراء يجنن وحلو ولابس تشيرت لون ابيض مبين عضلاته وجينز وحذاء طالع يجنن صفنت شويه علي هو انتيه ورفع حاجبه اني بسرعه بعدت عيني منه كملنا اكل وطلعنا صعدنا بالسياره شفت الصار ويا رزان بس غلست ما ردت اضايقه بعدين احجي وياها وصلت للبيت ورحت لغرفتي بدلت ونمت....
----------------------------------------

زهراء: اليوم احد دوام گلت لبابا لازم توديني وجيبني من المدرسه ماريد احد غيرك هواي بابا سئلني عن السبب بس ما كدرت اكله السبب اني اكرههه ابن اخوك وما اطيقه گلتله بابا اني ماريد احد غيرك بابا وافق رحت ويا اخذنا رزان ونور قبل ما نوصل للمدرسه بابا انطاني فلوس وگلتله محد غيرك يجي گلي اوك فتت للمدرسه

نور: شنو محد غيره يوصلج ويرجعج.

زهراء: ماريد احد غير بابا يوصلني ويرجعني مثلا بيها شيء.

نور: لا مابيها شيء وليش هيج تحجين شكلج زعلانه وضايجه.

زهراء: اي زعلانه من يمجن ليش ما اخذتني للمول اني مو كل ما اطلع اخذجن حقيرات.

رزان: لا مو احنا كلنا نايمه وابوها مايقبل فرحنا.

زهراء: اني اكول لبابا واقنعه ونروح.

نور: يالله بعد صارت المره الثانيه نروح تعالي اكلج رزان اصاير وياها.

زهراء: شنو صاير؟

رزان: ما صاير شيء وياي مثل شنو!!!!

نور: بالمول يم السياره من ردنا نرجع.

رزان: لا نور لا لا فدوه لا تحجين😱.

زهراء: لا نور احجي شنو صاير.

رزان: لا نور لا لا..

زهراء: اني راح ازعل ترا 😖

نور: لا حبيبتي كلشي ولا زعلج هسه احجيلج ابن خالج الطلعه كلها بس يباوع عليها وصافن عليها من ردنا نصعد للسياره تغزل بيها وگلها باي يا صاك.

زهراء: يايي شنو هل التطورات يا حبي.

رزان: كبر حتى كبر يا نور والله ترا استحي وثانيا هم خالج صافن عليها وهي بقت صافنه بوجهه بعدين رفع راسه وشافهه ورفع حاجبه الها هم كولي جذابه..

نور: اي عادي اصلا ما صار شيء وبعدين والله هو حلو يخبل.

زهراء: اي حلو اكول البارحه راسلوني ويسألون شخبار اليمكم واني اكول زينين ما حسبالي هيج.

نور: صدك راسلج.

زهراء: اي والله ولج بس لا حبيتي.

نور: لا يا ثوله بس يمكن اعجاب بي لان حلو بس لا أكثر.

زهراء: اي يمكن وانتي رزان.

رزان: لا يمه لا حب ولا اعجاب.

زهراء: بس انتن تكولن خالي ورعد حلوين يكولون عمر ابن خالو بعد احلى.

نور: والله

زهراء: والله يالله بدا الدرس كملنا الدروس خلص الدوام اتفقنا اني ورزان ونور نروح سوه للبيت مالتنا لان عدنا هواي حجي وهم ندرس سوه اجه علينا علي اني ما طلعت ولا رزان ونور هو رن اكثر من هورن نور ورزان طلعن اني ضليت ما اريد اشوفه ( طبعا بابا ما يقبل اروح لبيت خوالي لان يخاف علينا من الطريق طويل وكذا)

علي: مو صالي ساعه ادك هورنات وين جنتن حضرت جنابجن.(بعصبيه)

نور: جنا نحجي ويا بنات.

علي: وزهراء وين يالله اريد اروح.

نور: ما تريد تروح وياك بعد راح يجي ابوها عليك.

علي: نعم امشي روحي صيحلها لا والله انزل واجيبها من شعرها امشي.

نور: ما اروح هي ما تريد تروح وها اجه ابوها يالله نروح على بيت زهراء.

علي: والله إلا اعلمها شلون تتادب ما اطلع اني اسمي علي بسيطه(بصياح) .

نور: وصلنا للبيت خابرت ماما علمود ما تقلق وصلت زهراء ويانه.

نور: ولج علي صاير نار والله.

زهراء: اي عادي اصلا اني ما اخاف منه.

نور: بكيفج بس والله علي ترا مو سهل.

زهراء: اي عادي اصلا ما يسوه فدشيء.

نور: براحتج.
-----------------------

علي: والله الا اعلمج منو اكول دخلت للبيت عصبي نار فوك شغلي واني تعبان اخذهن مو راضيه تجي وياي ما يعجبها .

امي: شبيك يمه عصبي ما شيء يسوه.

علي: لا يمه ما كو شيء.

امي: لعد شبيك هيج عصبي.

علي: تعبان يمه تعبان شلونج انتي.

امي: زينه شلونك بالشغل.

علي:الحمد لله يمه راح ابدل وانام لان تعبان ما اريد غده.

امي: ليش يمه وهذا الغده السويته المن.

علي: لخواني اني شبعان يالله باي.

---------------------------

انشالله يعجبكم البارت والله تعبت كلش...

(تصويتتتتتت)
(تعليق)