رواية بين رجُليـن الفصل الخامس 5 - بقلم Zainab Halim |🪐

لمّيني بعِيْونِچ وَطن كُل ما يمُوت " نعِزفه " ♥️ .

#انـَس،

لا تنسـون تصويت وتعليق، 🖤

_______________________‎^

علي.....

بلعت ريقي بتوتر واضـح وخـوف سيطر على جسمي وعقلي معقولة! عرفني بنية! هذا هم حظي تـورطت وااجيت لهنا بسبب مخُلد الخبل! استجمعت قوتي ودفعته من گتفة...

- خير شبيك! ليش دتباوعلي هالشكل!

رفعلي حاجبـة وضحك وإشـر على رقبتة" لك شـوف شنو برگبتة مخُلد! هذا صاحبك دتكول علية فقير وصغير عندة حسـاسية ههههههههههه"!

عقِد حاجبة مخُلد مقترب منِي لزمني من حنچي ودأر وجهي حسّيت برجفة خفيفة!" لك انس هاي شـنو!" سالني برود

دفعت ايدة بخفة وانـي إرد عليهم" هاي !"

قاطعني هذا الشافها" يمعود وية منو جنت! دكول حتى اساعدك اخيك علي متضَرر ضـرر وماعندة ولا وحـدة"

حجه واحد منهم " خلي يحجي حتى نشارگ كُلنا شنو رايك علي!" ضحك وضرب ايدة بيد علي هذا...

علي- وروح الحجي مـو بس اساعدة لا اقـوم بالواجب كُلة ،

- ههههههههههه واحنا علينًا خفايف شتكول مخُلد!

سگتهم مخُلد" دسكتو من خرب بيكم خلي نفهم هالكـوري ويامن چان ها! اعترف؟ غمز وهـو يدخن من جكارتة.... رفعت حاجبي ورديت...

- هاي نـسُاوة يابة شبيكم!يعني! مـو مـ مو ! مثل مَا انتوو مفكرين والله، هاي امي تنّست بگباب وصارت عبارة عن هيچ، وهذا كوُلشي ،

هـز راسة مخُلد وهو يباوعلي بهدوء، ليكول علي" والله مبين نساوة بس راح اغلس! عليك " مـّد ايده إلي" وياك علي شخصيًا محامي الا سنة واحب البنات هواي بكافة اعمارهن وامـوت على ربهم خصوصًا القزمات! وشتريد تعرف بعد كـول "

ابتسمت لهذا الخبل ثاني وسلمت علية" اتشرفت بيك محامي علي! الا سنة"

- هههههه بعد گلبي والله

مبين حباب شوي! سلمت على ثاني وتعرفت علية اسمة محمد، وثالث اسمة فاروق گلهم طلاب قانون الا فاروق خريج أدارة واقتصاد وديشتغل ويه ابـو بشركة عندهم... ناس اغنياء... فـ اني ارجع واكـول ورطت روحي...
لان داشوف شـرب وجكايـر ،... وشكلهم راح يسكرون لازم اروح بسرعة احسن إلي.... رن فـونة لمخُلد تـرك گاسة وگام يرد علية...
إنطاني فاروق كـرزات. وحَب ...

- شكراً ماريد،

ابتسم ورد" يمعود دكـَرز نعرف متشرب انت گال مخُلد بس لا تصير مثل البنات! وترفض حتى هاي! اخـذ..

اخذته" ليش تصرفات بنات يعني لان كلت شكُراً، يعني الشباب ميصير تكول شكراً؟"

علي- يمعود كلشي يصير بـس بيناتنه احنَا ماكـو شكراً ولا العفو ! اذا صرت منِة ممنوع تكول شكرا واني اسفة هذا قانون صداقة استاذ انس،

عقدت حاجبي واني أسال" يعني هسة اني صرت صديقكم؟"

فاروق- انت مدأم تعرفت على مخُلد وصرتوا اصدقاء ، هسة انَت واحـد منِة ،

علي- اي تكدر تكـول هالشي،

اممم شلون صداقة عساس كلهم عرگجية والله لو تعرف بيبي...! تدفني واني عدلة! لازم اطلع منا قبل لا يصير شي وابتلي! لنص ساعة تقريبًا اجـة مخُلد... وكعد بصفي... يدخن ! هاي جكارتة متفاركة ابداً شسالفة! اخـذ البطل وبدآ يشرب بهدوء.... اباوع علية واني اشـوف إنسان طايش وغير مبالي... يعني واحد مثلة وبجمالة وشخصيته! ليش مخَرب روحـة بشرب وجكايـر وهاي سؤالف تعبانة....

مخُلد- اكـو شي بوجهي يالكوري؟

هزيت راسي " لا ! بس وين الحمام ؟"

إشرلي على الغرفة يمنة" منا على ايـدك الايمنة"

هزيت راسي وگمت عبرت منِة، وانـي اشـوف الشقة، عبارة عن خراب هاي! وملابس مطشرة! ونفاضات بكل مكان مليانة جكاير .. واكـو بطالة عـرك!فارغة... رغم جمالهًا بـس مخربها بأهمالة.... مجنت اعرف انو مخُلد هيج بس عمي عرفة اله نظر زينة بالبشر! اي مو نفس صنفة... دخلت الحمام وخابرت بيبي....

- الو بيبي وينج انتي ! ضل گلبي عليچ!

- لا تخافين بيبي هياتني راح اجي مو شفت مخُلد هم ومن اجي اسولفلج ماشي!

- يا وين شفتي بهاليل! ولچ انس ارجعي دنيا تخوف يمة

- شفتة بالطريق مـو طلعت شقتة قريبة على بيتناً ورحـت ويـا وهسه راح اجي مسافة طريق ...

شهگت" ولج صدك تحجين يمة! شسوين بشقتة هسة ترجعين ولج ولا تخلين ... گلبي يمج تعاي بسرعة ...

- صار بيبي صار گتلج مسافة طريق وإجـي لا تخافين اطمئني! يلا باي هسة...

قفلتة بسرعة وغسلت اديناتي وطلعت لازم اروح قبل لا تصير سالفة ومشكلة هنا! اجـيت اعبر الباب بَس سمعتهم يسولفون علية!

محمد- شگلة مثل بنات مخُلد متكلي منين تعرفة؟!

علي- شفتة مثل الدٌم ومنفوخة نفـخَ عبالك شفايف بنية! سبحان الله...

فاروق- يمعودين كـولوا يالله لا يسمع عيب مِنه ، اكـو هواي ولد شگلهم احلى من الف بنية... هسة دنيا صـارت مختلطة يعني حتى ماتفرق بين بنية ولـد....

ادخل مخُلد وهو يحجي بصوتة الخشن" لا تجرحون مشاعرة عيب ! يعني مو ذنبة انخلق هيچ سـدو هالسالفة كافي!!"

اممم والله صارت سالفة مو خوش! لازم اطلع منا قبل لا انگشف!
يعني بس ما عرفو اني بنيه! خصوصًا مخلد ديافع علية وعبالة ولد...
فعلاً اي الحمدلله... هسة لازم اطفر،.. اجيت اطلع بسَ اجاني مخُلد.... وكفت

- هاي انت هنا ليش واكف؟ ليش متجي جـٌوة!

- مو جنت احجي وية حبوبة، تكلي تعال وظل بالها علية فـ اني لازم اروح...

اجيت اعبر مـِن الباب بس وگـف وسدة الباب! بطولة رفعت عيوني لعيونة..." خير؟!"

مخُلد- شبيك شو احسَّك دتتهرب صرت! خير ؟

عقدت حاجبي واني ارجع للورأ" ليش يعني دتسال هيچ! هسة؟"

رد برود" يعني كتلك داحس! سمعت شي لو ضجت من شي؟"

- مخُلد انت مو كتلي اريدك بشغلة مهمه! وتعال باليل ! شنو هي شغلة !؟ هاي الكعدة؟ مثلاً؟

رفـع حاجبة بجمود" وشبيها الكاعدة يابة ! ما تعجبك؟" وكمل بهدوء" عبالي تغير جـٌو ويانه لان الاعرفة انت ماعندك اصدقاء هـواي، وحتى لو اكو شرب! فـ اني اعرفك ماتشرب إقلها كلت تتونس وتضحك"

هزيت راسي بهدوء" وانَت عاجبتك هاي الحياة! والكعدات والشرب؟"

عض شفته بجمود... وابتسم" عاجبتني، وانـي ممآذي احـد فـ الحياة هاي حلوة بالنسبة الي"

- لا غلطان انتَ مآذي نفسك... بهاي سوالف

مارد علية ورجع گتف ايدة لصدرة ويباوع علية بنظرات غامضه ماعرف افسرهـَن... هز راسة برود ليكول" وليش مهتم؟ انتَ! يمة"

رفعت كتفي بـ ماعرف.. وماعرفت ارد على سؤالة اني صدوك ليش مهتمه؟
مارديت علية وجـِرني من گفتي واخذني لصالة" يابه انس حيروح ولازم كُلنا نوصلة ونقوم بالواجب شتكولون! شباب....."

هذا شقصدة! لازم نقوم بالواجب! الكل وگف وهـو يصرخ... يلة!
هاي شنو بس لا سكرو جماعة.....! طحتي بيها انـس!
وبالفعل كعدت بسيارتة لمخلد واني ورأ وفاروق ليكدآم وعلي ومحمد بسيارة علي... بس ما اوصف الكم شعوري مرعب وانـي اشوفهم يتسابقون بسيارات ويصرخون بشارع... وكـل دقيقه علي ينزل ويركص بنص شارع! يايمه لـو محمد حتى اتمّدد بنص شارع وفاروق مايوكف ضحك....
ومخُلد هذا قائد الشلة تعبانة خلصهًا اغاني بصوت عالي.... وجكارتة بحلگه... ومنو يشوف بنية يذب گلمة شگبرها عليها ويتحرش بيهاً ....
اخـر شي توسلت بي انـو يوصلني لبيتي تاخر الوقت... وصلنا من بعد ماطلعت روحي من توسل بمخلد... فـ صوت الاغاني عالي.. طلبت من يطفي.... طفـا ونـزل وياي.... وعلي ومحمد وفاروق بقو بسيارة...

تنهدت بقهر" يمعود موتوتني!! شبيكم متكوليلي!!"

ضحك ورد" ابتليت بعَد بينا يابة وشيخلصك"

- ايصير اتبرة منكم! واني بعدني على طريق!"

- حتى ماتسلم مني! لـك وين تلگة مثلي صديق اشـو تتمناني الف وحـدة،
ويتعاركون على شباب على صدقاتي وداعتك انت"

رفعت حاجبي واني اقترب منِة همست بثقة" انت مغرور وانـي اغـر منك بعد ونيالك بصداقتي يبة مع سلامة ، مخُلد الخبل، ببباي شباب"

ودعتهم ورحـت واني اسمع صوت مخلد وراية "لك افـدي الوأثق اني!"

ضحكت وفتحت الباب وقفلتة، اباوع من زرف شغلوأ سياراتهم وراحـو يبووو الحمدلله عـدت سلامة هالطلعة... نزعت الحذاء ودخلت لصالة.. لكيت بيبي كاعدة على تلفزيون شافتني وطفته ...

- ولـچ وين جنتي بهاليل بيبي! ظل كلبي يمچ ! متكليلي شطلعج ورحتي لمخلد! ها!

رحـت كعدت بصفها واني اچِر انفاسي" يابيبي بالاول خليني اتنفس! متكوليلي شكو'"

- ولج شنو شكو! انتي نسيتي نفسج لو لا! انتي بنيه وحدثة ! يعني شطلعچ بنص ليل ورايحة لشقة ولد! هم ! مانعرف اصلة وفصلة شنو! ها؟

- يعني شنو بنيه؟ بيبي.. اني عشت عمُري وهاي اخـر سنين واني اتصرف مثل الولد والبس مثلهم وحتى احجي نفسهم! يعني هسة شنو تغير حتى تكوليلي انتي بنية؟

قاطعتني بغضب" خاف انتي نسيتي انتي بنيه اني اذگـرج زين يمة انتي الجـوآج يكول بنية وحتى شگلج بعد امچ فاهمه علية! لو نكرتي سنين انتي..
تبقين بنية وإقل حركة وهذا يعرف وترحين بيها يمة انـس"

هزيت راسي بجمود، لتكمل..." باعي يمة اني مو اعيرچ ولا اذي مشاعرچ
بس اخـاف عليچ من سوالف دنيا الماصخة ، وداعتج انتي مالهم إمان زلم،
وانتي بنيه وحليوة ماريد اخسرچ بعد كلبي حبوبة، بعد لا ترحين لشقته وحدچ يريد يجي يشوفج يجي هنا واني موجود ! ماعندي غيرچ وما اخسرج حبوبة "

- بيبي يعني انتي هسه ذكرتي اني بنيه وصـرتي تخافين علية وين جنتي...
من گصيت شعري ورحـت اشتغل مثل الولد بالمسطر وابيع بشارع جـٌو الشمس والمطر! لـو من تركت دراستي وكعدت بالبيت ألف گبة وابيع وياج للعالم  واروح برچلية ادك الباب عليهم، وهمة يطلعون عبالك انـي حشرة!
يستنگفون منهاً وين جنتي وانتي تشوفين عمي كاعد واني انطي من تعبي وتعبج بالخبز مال سنين ومن احجي تكوليلي هذا عمچ! واني وانتي عدنة فلوس وننطي قابل يظل ابني بدون فلوس! بيبي انتي كوني منصفة اني بعد صرت ولـد والكل يعرف انس ولد مايرجع بنيه ! واصلاً اني تعودت على هيچ وانتي هم تعودي.... گمت واني اكمل.. وبالنسبة لمخُلد لا تخافين لان عباله ولد! واني اعرف احمي نفسي زين... اروح انام تصبحين على خير...

ظلت صافنه علية كانو انصدمت بكلامي... بس هذا الواقع.. اني صرت ولد... ومراح ارجع تغير للموت... بستها من خدها ورحت للغرفة بـدلت ملابسي وفـرشت بالكاع ونمت... چريت الغطة على جسمي ورإسي... واني احَس بدموعي تريد تنزل! لا انس لا تبجين! انتي قـوية والقواياء مايبجون...
انتي قوية انس قوية... بلعت ريقي ومسحـت دمعة نزلت بحدة ...وحسيت بجفوني نزلت.... ماحسيتَ الا نايمة .....

صباحًا...

كعدت الصبح وانـي احس بجسمي متكسر تگسر... كمت غسلت وجهي
وغيرت ملابسي ورحت على المطبخ وانـي اشـوف بيبي واكفه دسوي ريـوك .. زعلانة مني اعرفها لان ماكعدتني... رحـت عليها وحظنتها مِن وره... بستها بگتفها " حبيبي الحلو الزعلان مني! يمة اموت اني غير"

ماردت علية وهـَي تصّب چاي الحار بالكوابة نمت على گتفها واني اهمس" بيبي لا تزعلين مني حقچ علية" دآرت وجهها علية وضربتني على راسي" اخ يوجع بيبي !!" توجعت

- حتى تكولين زعلانة ولج مازعل منچ انتي معلگة وي روحي !

ابتسمت الها من بين دموعي بوستها من خدها ورأسها وايداناتها " يمة يمة اروحلچ فدوات اني! بيبي"

- اسم الله بعد كلبي انتي عليچ، ولج خلي اكلج شي، اني مدايمتلچ بعد كلبي...
اريدچ قـوية وسبعة ودنيا ترة تاكل ضعاف اكـل، باعي يمة حتى ابني جاسم اذا اضطريتي توكفين بوجهة اذإ يفكر يذيچ ماشي! اريدچ تاخذين حگج من حلك سبع ، "

عقِدت حاجبي مـِن كلامها، " لا تحجين هيج بيبي ، من عمُري علىٰ عمرچ! بيبي انـي مالي غيرچ بهالدنيا ! لا تحجين هيج اموت والله!!"

قاطعتني وهـَي تضحك " دمشي ولچ نتريك سويتلچ بيض وطمامة ومثل ماتحبين خليت علية شويه فلفل اخضر وچبن رحـت جبتلچ من الاسواق وصمون حـار ، وچاي تعاي نتريك ونشوف شغلنا اليوم كبة عندي لّف هواي، وارتاحي من الخبز اليوم ماطلعين "

هزيت راسي وانـي اخـذ صينية وامشي وراها.. نتريك ،...
سوالفها الحلوة وضحگها مالية علية البيت يعني اني لو ماهي اضيع...
الحمدلله رضـّت علية ومازعلت ... لان اذا تزعل اني اموت.... مـر اليوم عادي اني مطلعت شغل ولا سويت شي بس لفيت كبة ويه بيبي.. شوي وهي كملت الباقي واني انشغلت باقي اليوم بتنظيف البيت وغيرة وباليل اجانة عمو جاسم ومرته وجهال وجايب الها سوار ذهب وكـل دقيقة شوفني يااا! لحد ما حفظت شكو من داخله وخارجه.... وهم تاخرو للوحدة يلة راحـو ... ومخُلد دزلي رسالة يكلي شلونك ومن هذا الحجي! ما رديت علية ونمت....

هم مـرت الايام تقريباً بسرعة ،بين روتين العادي وشغل وسوالف مخُلد...
تعبانة خلصت الايام وصار تقريباً شهر مـر بطولة ... تقربت كُلش من مخلد وجماعته صرنه اصدقاء وحتىٰ نطلع سـُوة دائماً ويومياً للمطاعم ومولات ونشبع ضحك.... على خبال علي لو سوالف فاروق تعبانة... ماذووني بشي
ولا سمعوني كلمة محلوة! بالعكس جان يعاملوني عبالك اني اخوهم صغير!
وحتى مرة اجـة محمد يخلني ادخن بس قبل ماحجي عاط بية مخُلد وما خلاة يفكر ينطيني ياها مره ثانية.... اني وياهم اختلف رغم اني بنية بس همه ولا شكو للحظة وحـدة اني بنيه! تعودت على حياتي جديدة وياهم اجي من شغل
واطلع وياهم ونرجع منا لليل تحجي بيبي وتسكت انـوب من تشوفني انام لو اجي متونسة.... يعني تقريبًا سـاكتة هواي ...ومتحجي يمكن لان تعودت على شكلي همات... وعمو جاسم وعائلتة مايجونه صار هواي مرتاحين اني خصوصاً.... اليوم طلعنه باليل مثل العاده تعشينة بمطعم ورحنَا على الكـُورنيش.. كعدة ونركيلآت وشباب هوسة... بس مبين مايدخلها الا ولد الاغنياء هالمنطقة لان محجوبة على جهه ثانية وهاي كعدتها احلى وارقىٰ كاعدة بصف مخُلد...  وهـو دينرگل بهدوء عكس سوالفة يوميًا...
تنهدت واني اشوفه يباوع على فونة اجاَ تصال وفتح هط .... بس اعتقد يسمع
لان مديحجي....

علي- ما كتلي انس شخبار الحجية! وشغل

رجعت عيونة إلة" زينة تسلم عليك هواي"

ضحك ورد" بس لا بعدهي تسميني ابو نسوان !"

- ههههههههه ليش تبطل سوالفهًا بيبي ! بس صدك تحبك حتى لو تحجي هيج وتسمعك كم كلمة...

- اني هم احبها يمعود احب سوالف عجايز! وخصوصًا من يحجن يابة بودي اكرطهن ، على سؤالفهن الحُلوة...

فاروق- شتگرط انت الله ياخذك! على سؤالفك هاي...

محمد - مدآم اسمها مرية يكرطها ويگرط ابو ابوها هههههه .....

ضحكت" والله كلامك صحيح محمد! اسمها إمراة بعده وتريد ما يكرطها ويحبها! هههههههههه

شمّر علية برتقالة جانت كدآمة" انوب علية انـي بس الكوريين على كولت مخُلد .. اسكت لا اجي امـدك بالكاع!"

ادخل فاروق وهـو يرگعه باكيت الگلكنس " حتى اكـسر ظهرك بس تفكر تحجي ويا كلمة"!

طلعت الساني الة بستفزاء....

علي بصدمة- باع باع راح يكبرون الكوري علية يمعودين خلوني احجي كل شوي واحد يدافع اله ! ما كمل كلامة واحنا نشوف مخُلد يكـوم من مكانه..." لك وين رايح !"
غمزلة وضم فـونة بجيبة" اجـتي لهنا اروح اشـوفها واجيكم ما تأخر"
عقدت حاجبي منو هاي!

ضحك محمد وگال" بداعتي عندك اذا صاكة احجزلي اختها ! اخوك متضرر على كولت علي هـواي "

هز راسه وهـو يدخن جكارتة" اذآ الحـكَ استمر وياها اسبوع! عود احجزلك اختها! هسه انتظروني شويع وارجع"

راح وانـي عيوني ترأقبة يمشي ودخـل بمكان ظلمة تقريبًا على جانب ثاني من الكـورنيش... العرفته من خلال هاي الفترة مخُلد ابو بنات! ويوميًا وية وحد شكل ولـون ! سوالفة تعبانه على الاخير..... درر وجهي واني اسمع علي يحجي...

- شنو رايكم شباب! لـو نلعب شوي؟

محمد- بشنو نلعب خالة!

ادخل فاروق وهـو يرگز حَب" ماحب لعبك علوش ! سوالفك خبيثة وتخرب كولشي"

باوعلي علي ورفع حاجبه" ها خير!!" سالته

علي-نلعب انس ؟ شنو رايك؟

عقدت حاجبي" شنو هي العبة؟"

شمّر القمچي على محمد وكعد عـدل" انـي اكول لو نتسلى ويه مخُلد شوي! ونغير جـٌو شتكولون؟"

محمد - اعرف بشنو تفگـر ، تريد تخرب علية اليوم مثل ما خرب عليك..
ليلتك ويه الصاكة تذكرها! ههههههههه

علي- خرب عشيرتة طيرها مني! اذا ما اطير هاي اطلع مو علي ! اسمعوآ راح نتونس هواي يلة ! امـشووو !

بالكـوة كـومنه ورحنَا ورإ واني وفاروق مموافقين بس عجبنه نشوف شيسوي! بصراحه حابة اشوف مخُلد شيسوي حاليًا....
دخلنًا لنفس المكان الدخل بي... عبارة عن ظلمه واكـو مطعم همات ظلمة... وصـوت البحر .. عقدت حاجبي وانـي اشوف ظل اثنين! وكفنه علي على صفحة وأشر اسكتوو .... محمد بالكـوة لازم ضحكته واخـر شي خنكه فاروق بيدة حتى يسكت ضحكته ! وما يفضحناً.... طلع علي فـونة ... وشغل الفلاش عليهم!

علي بصراخ- اوگفوووو لكم!! شرطة !!!

صرخـت البنيه وخـرت من حظنة لمخُلد جانت كاعدة على رجليةً و...
و... تبوسة! ضحك محمد بصوت عالي ومخُلد هجم على علي وركض ورانا.... وعلي يصيح مثل طفل خربتها وخربتها اني ركضت ورا فاروق...
وفاروق يكول" هسه اني شورطني وسمعت كلام مخبل!! اركض انس!!"

متت ضحك وانـي اشوف محمد وگع بالكاع من ضحك هجم علية مخُلد...
وطاح علية بوگسات وهـو يغلط ولسانة لمخُلد زفـر! وذاك يضحك .. مكدرت اقاوم واني اضحك على ضحكه محمد.... كعدت بالكاع على شـط..
واني احاول اكتم ضحكتي كعد بصفي فاروق وهـو يغلط على علي... ويضحك واخيراً لزمة لعلي موته گتل ... وغلط وكفران... وساعة كاملة
ومخُلد بس يغلط ..... مو كتلكم لسانه زفـر عكس شكلة.....
طـول طريق وهـو يسب ويغلط! وانـي وفاررق بالكوة خلصنها كاتمين ضحكه! لا يهجم علينًا ... واخًيرا اني وصلت للبيتي طبـك سيارة على صفحه وعاط بيه...

- انزل قبل أذبحك!! يلة!!!

فزيت واني اشهك ضحك فاروق بس خـزرة مخُلد وسكته وفچاه ... دار وجهه على چام " لك انس شنو منتظر! انـزل!!"

هزيت راسي واني انـزل ركض بس قبل لا اروح استفزيته ومديت راسي من چامة سيارة" لك شوف استاذ مخـلد، اليوم طيرها علي يمكن اني باجر لو عكبة اطيرلك شكو بنية تتسلى بيها وانطي اچر للبنات خلصن منك!!" طلعت لساني الة ....

ماكدر يسگت فاروق ضحك بصوت عالي ! ركضت واني اشوفه ينزل بغضب! ركض ورإيـة واني احاول افتح الباب! بس لزمني من بطني ورفعني ! " نرلني مخلد!!" ضربته على ظهرة بقوة بـَس مافاد بي!
لحـد ما سمعت صوت ابو طارق

- لك ابني انس هااي انت هنا!!!

نزلني مخلد وانـي عدلت شعري وحسيت بخجل من فعلتي!
" ها عمو اسف جنت طالع صاير شي!"

- لك ابني هسه اجيت من مستشفى حبوبتك !

- شبيها بيبي!! عمو!!

ادخل مخُلد بسرعه" صاير بيها شي الحجيه عمي؟ احجي!!"

ابو طارق- تخربطت واجـتي صدفة ام طارق لبيتكم ولگتها واكـعه بالكاع ... اجتي عليه وركضت بيها للمستشفى طلعت ضاربتها جلطة دماغية.. وخابرت عليك شكد بس متشيله انت فـ خابرت ابنها جاسم واجـه يركض هو ومرتة وعفتهم بالمستشفى هـمة وام طارق وكلت بلكي اجي والكـاك ،هسه، ....

ماعرف بشنو حسيّت بوقتها بـس كانو الزمن والايام والوقت توقف..
عندي... دموعي بدآت تنزل لا اردياً واني اشوف صورتها كدامي ...
من طلعت المغرب جانت تكول لا تتاخرين ومن ترجعين تلگيني نامي!
يمكن طفي الضوة ونامي بصفي، وديري بالچ علىً روحچ انس!
مكـدرت اتنفس واني احس بالهواء مديوصل للرئة مالتي....
ماعرف شوكت ويمتى جرني مخُلد وصعدني بسيارة واخذني على مستشفى.... واني احَس بدموعي تنزل،، لايربي دخيلك الآ بيبي.....
لا تعوفنط وتترگني اخذني قبلها فدوة ياربي.....
مسحت دموعي واني اشوف اسم المستشفى وصلنا نزلت ركـضت... واني احس بمخُلد وشباب وراية..... وصلت على الاستعلامات... واني اسال

- بس اسم مريضه عندكم!

مكدرت اگمل وانـي اسمع صـوتة لعمي يبچي ! بصعوبة درت وجهي واني اشوفه يصرخ واكـو ناس وممرضين ديلزمون بي... رجلية اخذتني إله واني احس بدموعي تنزل بحرارة على خدودي واكـو شي بگلبي بدآ ديجرح ...
وصلت يمه واني اشوفة يضرب على راسة ويصرخ،"

انس بكاء... عمو... وين بيبي

انتبه علية وصـار يبجي اكثر" راحت امي انس راحت ، ماتت امي انس! ماتت وترگتك وترگتني!"

هزيت رإسي بـ لا واني احس بنفسي ضاق اكثر والإجواء الايمي غـوشت... احتل ظلام عيوني... بعدها صار كولشي اسـود باسود... ماحسيّت الا واحـد لزمني.... راحـت بيبي راحـت وتركتني .... فقدت حياتي الوأنها ...

________________

يتُبع...

القادم اقوة

بالمناسبة ، رواية هاي راح تكون شوي بيها تجاوز وغلط من طرف الابطال يعني .... اتمنى تتقبلون هالشي♥️