رواية بين رجُليـن الفصل الرابع عشر 14 - بقلم Zainab Halim |🪐

يصعب تجاوزها
‏المرأة التي عرفت شكل قلبّك..!

#أنَــس؛

طبعاً اعتذر الحساب چان مو يمي🙂ومنزلين الكم نوت ومن هاي شغلات
ويردون حتى ما اكتب! بهاي سوالفهم بس جد اعتذر والله! وبالمناسبة اني جنت كاتبة البارت.. بس حاذفين نصُة ! خباثة! وماحبيت ما انزل لان حتى تشوفون شديصير🤦🏻‍♀️ هههههه المهم عـركة توم وجيري مالتي ما تخلص بس نزلت هالبارت غصب😉وحتى لو محذوف........

_________________*

الإنسان يكون ذگي مـرات ومـرات يجفص بيها ، هسة انـي دومي مجفصه اعرف بس! مثل هاي جفصة لا تعدت جفصات الصغار... يمكن اني بالحظة  ضعف واعترفت بكُلشي ، الة هههه جان يوم الاعترافات... تنهدت وانـي أكمل غسل مواعين... رجعت لشقتي من أسبوعين تقريباً وماعرف شي عن اخبار مخُلد ... من جفصت هـو ما حجه شي ولا كآنوا سمعني... واصلاً حتىٰ كمل بـ امم المهم هـَو غلس والحمدلله ماحجه شي.... واصلاً إني متاكدة هو ما سمع ! ي ما سمع رفعت ايدي وهـي كُلها وغّف... ياربي لخاطري اني يتيمة وماعندي غيـرك... أتمنى ما سمع شي ولا فهم شي بوقتها... يارب فدوة... رجعت كمل مواعين وانـي احاول اطرد سالفة من بالي... من اسبوعين تقريباً مرتاحة هنا ومرتاحة لانُ طلعت جنسيتي وكـ بنت عايشة....
الحمدلله ... خلصت غسل مواعين وعدلتهم ورحـت اغير ملابسي...،
موعد شغلي هسة... اي لكيت شغل دبرتلي ام طارق يم بيت اشتغل بية...
ماعدهم غيـر بس بنية وياية تشتغل والبيت فارغ اروح انظفة يوم الي ويوم لـ هاي البنية اسمها سجى،  بنية حبابة وعايشة بس هي وأمها واخوها اصغر منها مزوجة بس زوجها مستشهد وعمرها بعدهي صغيرة 19 سنة .... ارملة ... تعرفت عليها وصرنا صديقات واخذت رقمها وكـذا ... ومرات تجيني واني اروح الهم ... حياة جديدة وحُلوة على كـدي هههه....
غيرت ملابسي ولبست قميص أبيض طويل شوي وگفيت ارداناتة...
ولبست جينز ضيق شوي وحذاء بـوت اسود... ابتسمت وانـي اباوع على المرآية مديت ايدي واني اخلي كُحل... داخل عيني وشوي حمرة خفيفه.... بالون وردي ...حابة اعيش كـ بنت مشتاقة هـواي لهاي سوالف.... اخذت جنطة صغيرة وطلعت قفلت الباب كـم مرة وغيرت القفل... من سالفة سامر واني كلبي ما مرتاح بـَس جبت احتياطاتي وإذاً فكـر عود يفتح الباب ههه ..... نـزلت لشارع العام وانٰي عيوني تراقب المكان ذولة نفسهم! شافوني ودأرو وجههم،، ماعرف منين بـس دأحس ذولة يراقبون بية....!
يوميا المحهم؟ بهذا المكان بس يجوز غلطانة لآن مرة شفتهم يشتغلون كبال المحل المقابل النا أعتقد غلطانة اي.... إجيت اشـر علىٰ كية بس وكفتلي تآكسي؟ بصراحة مردت اقهرة ومبين حجي جبير صعدت وياة ورحت لشغلي.... كـبل وصلني وانطيتة الكورة ونـزلت للبيت المفتاح يمي... فتحته ودخلت... وبديت اشتغل عزلت كُلشي وإنوب غسلتة غسل زين... وصعدت لطابق الفـوك ... اكـو غرفة ممنوع نفتحها اني وسجى وانـي اسم الله فضولية كم مرة حاولت افتحها بسَ مكدرت ... خفت افتحتها وحتى ممنوع احد يوصل لطابق الثاني وخصوصًا هذا ممنوع احد يفتحه... فـ نزلت وخلص شغلي... وقفلت الباب ومريت لسـوك واخذت كم شي احتاجة ورجعت للبيت.... وانـي شايلة الاغـراض.. رفعت عيوني واني اسمع ....!

علي.. هسة شكولك الله يساعدك لويساعدچ،

ابتسمت وانـي اقترب منة" هيَ يومياً نفس الاسطونة استاذ علي!ما تمَل ههه" ضحـك وهو ياخذ العلآكات مـِن ايـدي " ياخي ! اقصد يأختي ممتعود عليك بنية انـوب حاطة كُحل اويلي يابة! لك احـترك عمك أنـَس" ضحكت وانـي أمشي " بطل سوالفك علي! بعدين تعال اكولك يومياً تجي وتكولي هيج شوكت تتعود! انـي أريدك تتعود أنَت وفاروق ومحمد!" فتحت الباب ودخـل خلة الاغراض علىٰ الكانتور بالمطبخ رحـت جبلتة مـّيَ" شنو مخُلد مات اشـو ما ذكرتيه "

اخـذ المي وهـو يشرب! عساس صديقك سال بية ويعرف اخباري...
تنهدت واني ارد" متغدي لـو لا؟" باوعلي بطرف عينة وعرف أني غلست علىٰ السالفة" والله ممتغدي من جامعة واجيت كبل گلت اشـوفچ شنو محتاجة" هـزيت رأسي " لعد راح اسوي غدة ونتغدة سـوة" رحت على مطبخ وهـو اجة وراية سويت فنگر وطماطة وبيض ... وطلعت الخبز من المجمدة وخدرت چاي وتغدينا وانـوب وكفتة بالمطبخ غسلهم للمواعين واني غيرت ملابسي... علي كُلش اثق بي ويمكن اكثر من مخُلد اثق بي... لأن اعرف مخُلد بـ اقرب فرصة يلتهمچ ! واحد حقير ابو نسوان..... طلعت ولكيته صاب چاي شربنا وكعدت بصالة نسولف ونضحك دأحس اخوية....!
لشوي واندكَ باب شقة رحـت فتحته وطلعت سجئ! دخلتها جـوة وانـي أسألها " خير صاير شي؟"

تنهدت لترد بصوتها الناعم " انس محتاجة مساعدتج هواي!" عقدت حاجبي وانـي ارد بقلق" عيوني الچ كولي خير صاير شي!" اجتي تحجي بَس اجة علي من صالة " خيـر يول صاير شي! ومنو بالباب و!" مَا كمل كلامة وعيونة اجـتي على سجئ صـوفر وهو يقترب منها " علي هاي!!" قاطعني وهـو يجرني من شعري بخفه ليوگف كـدامها" علي حسن صابر العمر 26 سنة وخريج قانون الاًَّ سنة! اقصد محامي الا سنة بعمري ما شفت گيك اسمر يمشي على الكـآع! لو حظي هيچ دائماً جان علي تخرج من زمان! بس بشرف امي هسة يلا عرفت حظي حُلو"

الادبسز! وخـرتة واني اجِرة واني ابتسم غصب عني " علي!!" دفعني مرة ثانية وهـو يرجع لمكاني " ما كتيلي !" بلعت ريقها سجى بتوتر وهَي تشد على عبايتها بخـوف وتوتر من نظراتة لهـذأ الغبي" شـ شنو اكـول؟"
ابتـسم وعيونة عليها" كوليلي شلون الكـيك يمشي هيچ ! لو اكو طريق مخصص بالكـيك تمشون علية مو؟" ضربت گصتي بقوة! هذا زحف جريته من البدي مالتة وانـي أوخرة " اسفة أني سجى بس هذا علي اخوية! و؟" جـرني مرة ثانية اقصد ثالثة! ليوكف يمي مبتسم بغباء! استغفر الله!!" احجي سجى اكو شي؟"" سألتها

بعدت عيونها الخايفة من هذا الغبي سارح بجمالها لتـكول بصوتها الخفيف" انـس بيت ابو الإيجار طلعنا اني وامي! بشارع وامي متقبل تطلع منة وهو وكلها اليوم اخر يوم الكم بالبيت بس هي متقبل ورافضه فكرة طلعة واني تعبت منها بلكي ترحين تحجين وياها نطلع ونشوف النا بيت ثاني"
سالتها مرة مستفسرة اكـثر...
" وليش شيلگـُم من البيت اعتقد انتـو تدفعون إيجار بوقتة مو؟"
زفـرت أنفاسها تعبانة لتكـول وعيونها لجـُوة نزلتهم...
" حسب مايكول اريد افلشة واعيدة بناء من جديدة"
رد علي وهـو يصّفك ايدة بقوة...
" باع العار يا وسفة عليك وعلى شورأبك هاي إذاً عندة شـوراب وإذا عندة انـي ازينهمّ الة !"
تحمحت وانـي اشوف علي بدا ديحمة ، فـ أخذت سجى وطلعنا من شقة وعلي إصر انُو يوصلنا بسيارتة لشوية وصلنا...

بصعوبة كـدرت اقنعها الحجيه امها لسجى انو تنقل أغراضها وتجي يمي بشقة على ما يلكـون بيت ، وفعلاً نقلنا اغراضهم واشيائهم.... وعلي خطية خرب سيارتة وكـل ساعة درب نقل بيها كل الاغراض... لشقتي خلصنا وقفل البيت ورجعنا لشقة... بصراحة هوسة واكـو عالم وياية تونست ...
وداحـس نفسي مو وحيدة ....

_____~

بعد مرور شهر،

نـزلت من الشقة واني أروح اركـُض على تآكسي اجرها.. تاخرت على شغلي... واليوم سجى مريضة ماكدرت تنزل وصارلي يومين اني اروح...
اجرت تاكسي وانطيتة العنوان ، لـشوي وصلت للبيت فتحت الباب ونظفت... كالعادة وانـي اتذكر أحداث شهر الراح ... مصار شي مهم
غير شغل وبعدهم بيت سجى يمي... اني اصريت عليهم يبقون يمي.. بصراحة حابة يبقون طول العمر! جلفت الاغراض واني اتذكر مخُلد!
ما اتصل ولا حاول يجي ولا يسال طول هذا شهر! يعني اني مو مهمة الة
ولا شي ،، احسن ... بس ماعرف ليش دائمًا على بالي هـُوَ! طردت افكاري واني اكمل شغلي... اخذت السطل وصعدت لطابق الثاني..! ذبيت المي وجبت المساحة.. امسـح ، ماعرف شلون المي دخل للغرفة! فـ دخلت جـُوة وبيدي الوصلة... تركتها واني اباوع على اغراضها فارغة! بس كنتور واحـد بيها! ليش ممنوع ندخل لعد ! جبت الوصلة ومسحت الكاع... خلصتها واني اقفل بيها بس ! صـوت قوي ضرب الباب لشارع وكع السطل مني! وانـي اشوف الجيش دخلوا علية!

- ايـدك ليفوك!!

صرخوا علية وأسلحتهم بنص وجهي رفعتها بخوف " شـ شكو!" اجاني واحد وضربني برجلي كعدني بالكـاع ! " اخ خرب!" توجعت اجة علية ثاني رفعني من شعري وخلة الگلبجة بيدي رجعني للكـاع! اباوع عليهم واني بحالة صدمة ! لأبسين لثام وكلهم وهمه يفتشون بالبيت! ماكدر انطق حرف والخوف شتتني! انتبهت عليهم نزلوأ وبيدهم شي أبيض! علآكات كبار! فتحت عيوني بصدمة واني اشـوف ينزلون بيهم واكو حبوب! همات!! ياربي دخيلك شنو هاي؟

- اخذووو

رجـف كلبي وهمه يغطون عيوني بوصلة سودة ! ماحسيت الا همة مصعديني بسيارة... أخذوني وخلوني بمكان اعتقد سجن او غرفة تحقيق...
فتح عيوني واني بصعوبة ... كـدرت افتحهم رجف كلبي من الخوف وعيوني تفتر على المكان اسـود باسود... اقترب مني ضابط شمر الأوراق يمي وكعد كبالي" اي شلون صحة" هزيت راسي واني اهمس" اني اني! ليش اجيت لهنا" بصعوبه نطقتهم "! رد..وهو يضح

____
يتبع ..