رواية بين رجُليـن الفصل السابع 7 - بقلم Zainab Halim |🪐

‏"لا شيء يهزم المرء أكثر من ذكرى حاضرة إلى الأبد"
_

#انـَس،

__________________^

اقسى شعور بالحياة تمـُر بية من تفقد إنسان عزيز عليك.. إنسان چنت تحَس... يومك ما يگمل بدونة ... أبشع شعور مِن تشوفه لاخر مرة....
بحياتك... تشوف وجهة ، تلمس ايديانتة لو مِن تشوف ملابسة...
وتشّم عطرة لأخر يوم ... بعدهي الحياة توكف عنده نقطة مهمة ... نقطة
تنتهي وتفقد جزء مِن روحـُك، راحت بيبي وتركتني بنـص الطريق...
راحـت وعافتني مثل ابوية واخوية وحتى امي.. ترگوني كلهم ... وبدون سبب مجنت إعـرف الحياة كارهتني هيج حتى تاخذهم وتعوفني...وحدي..
انـي الحولت روحي من بنيه لولد علمودها راحت... من اخريوم ودعتها
وطلعت جانت حاسّة هَي راح تتركني... وصتني على نفسي... وأصير قوية وماخاف... واكدر اعيش.. ماتعرف هَي جانت قوتي واني بيها اقاتل واوُكف
بوجهه الحياة هاي.... اربع ايام بدون بيبي بدون صوتها بدون سوالفها الحلوة... البيت مظلم بدونها .. ما سوينة فاتحة الها لان حتى ناس ماعدنة...
وعمي الزين ماعندة غير بـَس الناس تعبانة الاجوي اكثر لو تلاثة لو اربعة.... وهياته كاعد بيتها هو ومرته ما بچو عليها ولا انقهرو غير بس اول يوم.... وگانو عمي وجودها وعدمئ واحد.... وخصوصًا مرته الحيه!
ماهتمت ابداً ولا نزلت دمعة منها! معقولة اكـو هيج بشر صلفة؟!
اليوم خامس تحديدًا كعدت صبح من نوم وتعبانة وإنـي اسمع صوت نهال..
وعمي يسولفون بس صوتهم قريب كُلش! اني نايمة بغرفتي اني وبيبي على فراشهآ..... فتحت عيوني واني اشوفهم يدورن بگنتور بيبي!

- خير شدسوون! هناً وشسون بگنتور بيبي؟؟؟

دأر وجهه عمي إلي وإجاني" جان اكو ذهب مال امي وين راح؟"

نهال- مو بسَ ذهب جاسم لا اكـُو فلوس هم وفلوس رأتب مصار هواي من استلمت راتب ،

جاسم بتآكيد- اي صح الرأتـب هالمرة اني ماخذت منها هواي غير گم فلس،
ومِن غير فلوس الجمعتهن امي من الخبز والگبة،

نهال- اي والله نسيت فلوس الخبز والكـبَة! احجي انس وين ضامتهن!!

فتحت عيوني بصدمة من كلامهم؟! گمت من مكاني واني ارجف من القهر...." انتـُو صدك تحچون لـو تشاقوون!!!!"؟

رد عمي " لچ شنو نشاقة فلوس امـي وين انس! وين اخذتهم!!"

-شنو وين اخذتهم!! بعدين يافلوس يا ذهب انتـُو شنو مِن طينة شنو من بشر!!ها! بعده تـراب بيبي اخضر! وبارد وانَـت ومرتـك دتحچون بذهب وتردون حصتكم من تعبها وتعبي!!!!

جاسم- باعي لچ وحق من سمّاچ انس! إذآ مَا كتيلي الفلوس وين ضامتهم ادفنچ بصف امي !!

نهال- احجي انَـس بدأل ماتگبر سالفة وتصير مشكله چبيرة، فلوس عمتي وذهب وينهم؟!

اباوع عليهم بصدمة! وانـي احَس بدموعي بدأت تنزل يعني هذا تعب بيبي!
وجانت واكفة نهاروليل كُلّة علمود عيشتي! وتحملت الحـَر وتعب والحرگ... ومكسور ظهرهة ! يجي هذآ هـَو ومرتة ياخذونه على حاظر....
لا والله بالحلم بسَ يفكرون.....

جاسم بنفاذ صبر- تحجي لـو شنو!! الفلوس وين ضامهن!!

مسحت دموعي برود واني إرد" ماعرف، بيبي وين جانت تظمّ فلوسها ، وحتى لـو أعرف فـ تحلم حلم إنطيك ربع دينار منهم! فاهم لـو اعيد؟"

هـو گتله هيچ ! لـو تخبل چرني من شعري بحدة! وشمرني بالكاع...
ضربني راشدي بقوة " بنت چلب! لچ اموتج وحق الكعبة! الفلوس وين احجي!!"

رديت بغل وحقد" لـو شنو تسوي لو تموتني هسة فلوس بيبي تحلم تشوف ربع دينار منهم ! انَت ومـرتك هاي"

إجـاني رأشدي ثاني بقسوة وهالمرة حسّيت بدٌم نـزف من طرف شفتي ، لزمني شعري بقوة ورفعني گدام وجهة القذر....وهو يحجي بغضب...

- لچ إنوب علية انـي بس بنات شوراع! باعي زين كدامچ يوم كامل الفلوس! وذهب وكُولشي موجود هنا إلي وحتى هذا البيت إلي اني ! فاهمة ؟ وإذا بيدي هسة ارجعج لشوراع منين ماجيتي ، بس راح انطيچ يوم لخاطر امي
تجين وتنطيني الفلوس وذهب ماشي! وإذآ مـَا اجني إلي خلال هذا اليوم ...
صدكي بالله واني رجال طايح حظه! مو بسَ اموتچ لا اخليج عبرة لمن اعتبر ! ولي من وجهي!!

دفعني من وجهي بالكـاع، وخلة وطلع ، اجتي مرتة الحية يمي....
" شوفي انس اني اكرهج صـح بس راح انطيچ هاي النصيحة عمج خبل
وهو شايف وعايف اني اكول الج انطي الفلوس والذهب واخلصي من شـّرة
احسن ما يصير شي مو زين ويآچ ؛بعدين"

- شايفة هذا الحايط! اضربي راسچ بِي انتي ورجلچ تعبان ، اطلعي برة!!

غمتني ومشّت تطلع " عـود كلت انصحچ بس انتي ظاهر متريدين نصيحة ابقي هيج لحد ما ياخذهم غصَب"

صرخت بيها بقهر" اطلعي بـره!!!!"

طلعت واني ركضت على باب قفلتة زين وانـي احسّ بدموعي تنزل بقهر...
لا ياحقراء شنو من بشر! ياربي ! گعدت بالكـاع واني امسَح بدموعي...
تلمست شفتي وانـي اشوف الدٌم ينزف منها... يعني ذولة هَـّم محسبوين...
على البشر هاي الام، هيچ تنسي بسهولة! گمت واني ارجع اقفل الباب... ركضت على الكنتور صغير... مثل الگومدي بالغرفة... وسحبته بصعوبة..
وطلعت الوراء... فتحت الجنطة الصغيرة واني اطلع الفلوس وذهب بيدي..
ذني تعب بيبي وتعبي اني ما انطيهم لهذا ابو العـرك لو اعرف اموت،..
رجعتهم لجنطة وقفلتها زين ورجعت الگومدي لمكانة ، يعني الحمدلله بيبي الله يرحمها سـوت هذا المكان ودلتني علية... رجعت لمكاني بالفراش... واني احّس بـ انفاسي بالكـوة اچرهم... يعني شلون مشكلة هاي!
راح اعيش ويه عالم مثل الحيوانات ... انس جايتج ايام سـود.... تحظري.........

———

نهال- هسة شنو بـرايك راح تنطيك الفلوس!

هز راسة وهَو يدخن " اذا ما انطتني اياهن احركها حرگ لو اعرف إموتها"

- تره ماتجي بالقوة لازم تجيبها بتفاهم شوي شوي واسحبهن منها! شبيك يحظي،

- شقصدج ولـچ ! اتوسل بي مدري بيها علمود فلوس امي!

- مو هيچ قصدي! شوف جاسم لازم تكسبها علمود تكدر تاخذهن كلهن ، يعني كول الها فلوس امي واحاول اسويلها ثواب شي بـ اسمها..
براد بجامع ، لو من هذا الحجي واسحبهن منها شوي شوي،

- تاكل خـره عندي! اخذهن بالقوة تالي عمري اقشمر بهاي بنت الساقطة! تركتها امها وراحـت! خلصت من اخوها انوب هَي! اموتها لو اعرف وادفنها ! بس اخلص منها،

نهال- اذا هيچ مراح نستفاد منها شي حتى! شغل عقلك شبيك متكلي!

جاسم بحيرة- شسوي متكليلي! بعدين تعاي اكلج بشنو نستفاد منها هاي؟

نهال بشـّر- لآزم نخليها ترجع تشتغل تبيع خبز لو بالمطاعم مثل مجانت،
لو تشوف الها شغلة زينة من اصدقائك! تشتغل بيها ونتخلص منها واحنا نطلع الفلوس وهَي بشغل ، !

جاسم - زين وبيتنه ذاك؟ نعوفة؟

- اي هسة انت تگوم وتروح تعرضه للأيجار ونجي نعيش هناً دشوف، شحلاتة صدك صغير بـسَ ندبر نفسنه بي، غرفة انس وعمتي، ناخذها اني وياك، والغرفة ثانية الصغيرة نسويها للبنات زهراء ورسُل، وانس نخليها بصالة ، واني اغير الاثاث واعـدل المطبخ ، وذاك البيت بس للأيجار وهم يجينه منه مثل راتب شهري شنو رايك؟ بعد!

جاسم بعترأض- بس هذا منو يدفع ايجارة!

قاطعته قبل ما يكمل" نسيت راتب تقاعد! مال ابوك! حتى لو يقطعونة إني يعني يمشينه سنة ليكدام بلاش كعدة وفلوس تجينه بلاش ها! شنو رايك؟

ضحك ورد" ولچ انتي داهية طلعتي تعجبيني من زمان ، نسختي، "

رفعت حاجبها بغرور" شعبالك لعد اني لقطة وين اكـو مني حتى، بس اصبرلي شوي الا خلي هاي انس مثل المحبس بيدك وبيدي"

- واني انتظر واشـوف......

____

انـَس... تقريباً طول اليوم واني كاعدة بغرفة بيبي وحاظنه ثوبها.. دموعي مانشفت ولا للحظة لوحدة واني اذكر كعداتنا لـو سوالفنا... وشلون جانت تنتظرني على الغدة لـو العشة ... لو ما تخليتي انام واني زعلانة .. وسوالفها وضحكتها الحُلوة... بالبيت كلهن رإحـن واجوي بدالها ناس ماتعرف الخير مثلها،.. ولا طيبة عندهم... مسحت دموعي واني واسمع الباب يندگ... عقدت حاجبي،،،

- منو؟

ردت علية زهراء بنت عمي جاسم من وره الباب" هاي اني انس! ماما دزتني"

- شنو تريد امج زهراء؟

جاوبت بصوتها طفولي" امي تكول تعاي تعشي ويانه "

انتبهت على ساعة تعدت تسعة بالليل! وانـي ممتغدية ولا متريگة حتىٰ....
يعني هي هسه ذكرت تصيحيلي،.. مسحت دموعي نزلت بحدة واني ارد عليها.." روحي حياتي ، كولي لماما انس مَا تشتهي"

- ليش انَس! تعاي اكل ويانه حبابة،

ابتسمت من بين دموعي وانـي اكـوم افتح الباب الها ، لأبسة تـراك ازرق، وفاتحه شعرها طويل ، دنگت عليها واني ابوسها حظنتني وهَي تمسح دموعي بالُطفّ" انس ليش تبجين ها! على بيبي مو؟" بچت بطفولية

حظنتها واني اشيلها من الكاع، مسحت دموعها بحنان" عمُري اني اروح فدوة لا تبچين، تـرة بيبي تزعل من تشوف احد يبچي عليهاً ، لأزم ندعي الها ونـدعي رب العالمين حتى يدخلها جنة ، امسحي دموعي هسة حياتي انتي"

زهراء بطفولية- يعني هي هسة مقهورة لان انتي تبجين مو؟

هزيت راسي بـ إي واني امسح دموعي" باعي مراح ابچي مرة ثانية وهسه انـزلي روحي تعشي ونامي ماشي ولا تنسين تدعين لحبوبة! اتفقنة؟"

- اتفقنه انـَس،

بوستني من خدي وراحـت تركض ، ابتسمت على شعرها يطير وياها من تركض... تنهدت واني اخذ ملابسي واطلع... قفلت الباب واخذت المفتاح وياي... اريد اسبـح واصلي ... انتبهت عليهم كاعدين بصالة وياكلون وصوت ضحك واصل لسابع جار... مع الاسف اي والله هيچ بيبي تنسي بكم يوم... ومن منو ابنها؟ اخ يالله ... عبرت من صالة واني اسمع صوته وراية....

جاسم- وين استاذ انس؟ تعال تعشة ويانه لـو بعدك زعلان مني!

رديت واني افتح الباب وأعبر" ماكعد ولآ اقابل حتى وجهك الزين ،"

سمعته يكول" مقبولة منچ بنت اخوي ! بس باجر عكبة تندمين على هذه كلامج لان متلكين مثل عمچ جاسم"

لو ماعيب جان عفطـت ! بس اني استحي ! المهم تركته يحجي وحدة ورحت للحمام... نزعـت ملابسي وانـي اشوف بالمرآية ... خدي بي شي ورمة!
وجرح بطرف شفتي... الله ياخذه الحقير! تنهدت واني اسبح بسرعه وطلعت... هم لبست بجامة سودة وبـَّدي اسود.... ركضت على الغرفة
وقفلتها... وفرشت سجادة مال صلاة وصليت... وصليت لبيبي رگعتين ... واني احـِس بدموعي تنزل.... يارب ماعندي غيرك انت كفيلي وإماني لا تتركني وحـدي ، اني اتوسل بيك... تنهدت واني اكمل وامسح دموعي....
تقريبًا لساعة 11 باليل واني كاعدة وحدي... انتبهت على فـوني يرن... رحت فتحت الكنتور وطلعته منه.. تاركته صارلي هواي... عقدت حاجبي واني اشوف مخُلد يتصل... مارديت علية وشمرته على فراش.... مالي خُلك احجي ابداً .... رغم هو واصدقائه ما تركوني لحظة. وحدة بس ... مالي خلك ارد ولا احجي....  هم لشوية يلة سكت ولساعة بـ 12، لو اكثر ما تحملت اكثر واني افطس من جوع..... بسرعة گمت ورحت على مطبخ....
وشفت الكل نايم بالصالة فراشين، ركضت على مطبخ.... شفت المواعين هوسه وتاركتهم يا وسخه! عابت... سويتلي لفة جبن ورجعت لغرفتي.... قفلت الباب.... رن فوني واني اكـَل ... هالمرة فاروق! مارديت علية وانتظرته يخلص... وقفلته ... وشمرته خلصت الفّة .... ونمت گبل.....

"صباحًا"

كعدت الصبح وانـي اسمع صُوت ضحك وسوالف، واصل لغرفتي...
فتحت عيوني بنعاس وگمت واني افـرك بيهم... فتحت الباب وطلعت...
ورحت غسلت وجهي ولمطبخ كبل...شفت نهال وهاي منو! اسراء اختها! يا لا هلاً ...انتبهت علية نهال وصاحتني...

- صباح الخير عيني انس ، تعاي شبيج شنو متشوفين اختي اسراء! كدامج،سلمي عليها.....

تنهدت وانـي ابتسم مجاملة " صباح النور ، شلونچ اسراء؟"

أسراء- نحمـّدة ونشگرة عايشين، انت لو انتي شلونج؟

اختصرت بجمود واني أروح اسويلي چاي" زينة"

نهال وهَي تضرب اختها- ماكتيلي شلونه رجلج وياچ!

اسمعهن يسولفن واني اخدر چاي وأحظرلي لفـّة ....ردت ثانية وهَي تتحسر"شگلج ما تكليلي شگلچ الله بلاني بواحد شايب تالي عمري! وما شايفة منِة غيـر بس التعب والقهر"

نهال- ولـچ كولي يالله هذا الشايب باجر عكبة يموت! ويصير البيت وراتبه مال جيش كله الج فكري بالمستقبل احسن من هسة، وعيشي ويا هاي الايام واتحملي"

اسراء- خب لساني زفـر ولج نهال لا تخليني اغلط! ولـچ شتحمل وهو من يقترب مني يتعب بسرعة لـو يخلصها كح وكح واني تعبان اليوم خليها لباجر! واني حتى لعبت روحي منّة!

نهال بهمس-صوتچ ولـچ نصّي وتعاي كوليلي ! ذيچ سالفة راحت مو؟

ردت عليها بهمس مثلها" ولچ راح حظرته من كلشي وكسرت سيم كارت حتى ... لطش بية! فـ اني مليت منه وكلت لا يشك هذا رجلي! واروح بيها!"

نهال- اي زين سويتي حتى لا ترجعين لأخوني ونسوانهم ! ابقي يم هذا الشايب هسه احسن الچ...

عـزا بعينچن ان اشاء الله! شهالسولف تعبانة وطايح حظها... واخيرًا گمل چاي وصبيتلي بكوب... وسويتلي لفة وهنه بعدهن يسولفن بس بهمس...
واني اخـذت لفتي وچايي وطلعت للحديقة... اسراء، بگدي تقريباً لو اكبر مني بكم سنة... بنية حلوة جسمها متروس.. شوي وتلبس دائمًا ضيق...
عيونها سود وهيَ سمرة وشعرها صابغته اصفر! مدري شنو اسمة...
اخت نهال صغيرة... مزوجه من واحد چبير بالعمر ، ماعرف ليش!
وماعندها اطفال .... بس استغفر الله شكلها مو راحه ابداً...... كملت لفتي وچاي ... واني كاعدة بالحديقة.. حياتي ماعرف شنو راح يصير بيها،،
منتظرة شي بَـس مدري شنو هو.. احـّس بفراغ كبير من دون بيبي....
والخنگه مدأ تفارك صـدري.... تنهدت واني اسمع الباب يندك رحت فتحته واني اشوف ام طارق!

- هلا خالة شلونج تفضلي...

فتحت الها الباب اجتني بوستني وحظنتني ، حظنتها وانـي اشـّم عطر بيبي بيها " هلا يمة انس شلونج بعد كلبي"

حسيّت بدموعي نـزلت واني اسمع صوتهاً، عبالك صوت بيبي!
" اني بخير خالة الحمدلله، انتي شلونچ؟"

بچت وهَي تحجي" عوفچ مني اني! انتي شلونچ مرتاحه! حالتچ شلونها؟ صحتچ؟ "

مسحت دموعي واني ارد"الحمدلله خالة عايشة، تعاي تفضلي نگعد"

- لا والله بعد خالتج مستعجله واريد اروح! اسم الله عليج بنتي مريضه ودزت علية اروح اكعد يمها كم يوم تعرفين رجلها بالدوام! وهي حامل وحالتها حالة! كلت اخلص كـم يوم واجي"

- الله يكومها بسلامة خاله وتفرحين بيها بـ احفادچ،

- اروحلچ فدوة يمة، باعي انس بنتي انتي وصية الحجية وما افرط بيها!
إي شي تحتاجي هذا البيت بصفنه والبنات موجودات هـّم! وابو طارق! تضوجين لو تحتاجين إي شي مرة ثانيه اكلج ترحين كبل لبيتنا واني اشاء الله ما تآخر حتى اجـيج ماشي يمة؟"

ابتسمت الهاً بالطُف" خالة اعرفچ واعرف عمو ابر طارق ما تقصرون! انـي ماعرف شكركم شلون على وگفتكم ويايه بيوم! جنازة"

ردت علية بحنان" لچ انتي بنتي انس لا تكولين شكراً ولچ ! واني امج تره لو لا؟

هزيت راسي وانـي اهمس" اي خالة انتي امي، ونعم الأم همين"

ضحكت وبوستني" هسة اني اروح بعد واريد منچ ديرين بالج على نفسچ (اشرت على بيت ) وذولة لا تهتمين بيهم! واذا أذوچ بشي! يمة ترحين لعمج ابو طارق!! مفهوم خالة؟

- ماشي خالة توصلين بسلامة ،... لا تتأخرين علينَا،

بوستني وحظنتني وراحت طبگت الباب وانـي اتنفس بثقل، الكُل ديروح مني يمي.... ويبقون الناس تعبانة بحياتي.... طلعن كبل على غرفتي.... وقفلت الباب ...نمت على فراشي واني افگر ... لازم اسوي شي جديد بحياتي يعني شلون راح اعيش! وهذه عمي ومرتة اعرفهم زين خطوة ما يطلعون من هذا البيت بعد! كولشي بلاش صار الهم ... واحتلُو البيت! بس شسوي! حتى اعيش وياهم! شلون راح تخلص يربي!! ثگلت جفوني واني احسّ بنعاس سيطر علية..... مـاعرف شكد نمت ولحد شوكت! بس حسيّت بالباب يندگ اني قفلتة من نمت اذگر.... صوته زهراء هذه بس مدآ اكدر افتح عيوني!

- انس اجوي خطار يردوچ انس! افتحي الباب!!

دكـّة خفيف وصوت خلتني اكعد بتعب... بصعوبة اكدر اهمس" جاية زهراء جاية"

- يلة بسرعة! بابا يكول....

خطار! منو! كعدت واني افـرك بعيوني بتعب! انتبهت على ساعة تعدت 4 العصر! يعني نمت من صبح! لهسة! ليش محد كعدني لحد هسة.... عدلت شعري.. وطلعت حافية واني احّس بعدني نعسانة.... دخلت لصالة واني اسمع صوت مو غريب! يسولف!

- مخُلد هذا انت!

ابتسم وهـو يوگف ، وكف وهـو يقترب مني... اجـة يحظني بسَ ابتعدت منه
عمي منا ومايصير يحظني! كـانُو حَس ماريد احظنه فـ رجع شوية...وهو يكول " اجيت اسأل عليك ، واعرف اخبارك، شلونك ، شلون صحتك !؟"

هزيت راسي واني اهمس" زين الحمدلله"

مارفعت عيوني وانـي احسَ بعيونة علية، تمشي....

جاسم- تعال استاذ مخُلد اكعد! استريح، انس انت ليش واكف اكعد يم صاحبك!

رجع لمكانة يم عمي واني كعدت گبالة بالكـاع،

جاسم- شلونك ابني اخبارك؟ ما انسى اني وكفتك ويانه بموت امي وبالمستشفى، يعني انت صدك معدل والله و!

قاطعة مخُلد وانـي احسّ بنبرة صوتة جامدة" ما سـويت شي هذأ واجبي ، بعدين انَـس اخوي صغير اذآ ما اوكف الة اوگف المن!"

رفعت عيوني وانـي احسَ بعيونة داخل عيوني تحديدًا.. كٰانو يتفحصني، بنظراتة ! ويطمئن علية، عقد حاجبة وهـو ينتبة لخدي! اعتقد شاف الورمة
درت وجهي واني واشوف نهال تدخل وبيدها صينية چاي....

نهال- ياهلا والله بيك زارتنة البرگـّة ،

قدمت چاي، ولسانها ما يبطل من ترحيب منين تعرفه لحظه!؟ بس لازم تدخل خشمها!

مخُلد بهدوء- تسلمين أختي..

قدمت جاي وغمزت لعمي انتبهت الها... ترخص عمي وطلع! هذولي شديسون!! رجعت عيوني على مخُلد واني اسمع صوته الخشن يسالني"شبي خدك؟ وليش مترد على تصالي! وحتى أتصل بيك فاروق انت ولا رديت وغلقته همات! صاير وياك شي!!"

مارديت علية وانـي اشوف عيونة علية بغموض، يريد مني جوأب او منتظر كلامي... بلعت ريقي وانـي اشوفة يسال" ليش مترد!استاذ انس! صاير وياك شي!!"

- مـ مصاير شي يعني !

قاطعني بغضب" دإكـل نعل صارلي ساعة وحدي! وانت حتى من ترد !
ترد علية بتأتاة شبيك!!!"

رديت علية بقهر" وانت ليش دتصيح علية!! بعدين انت مالك دخل تحاسب لو تسأل معليك بية مخُلد معليك!!!!"

رفـع حاجبة برود، هـز راسة بجمود... وعيونة الحادة داخـل عيوني...
وكف واني عيوني تراقبه" مخُلد اني!" ما خلاني اكمل وهـُو يحجي ... بخشونة

مخُلد- باع انس ...

ديقترب مني، وانـي احس برجفه سيطرة علية... كمل كلامة " اني واعوذ بالله من كلمة اني ، محـد يحجي ويايه بهذا الاسلوب، مفهوم؟"

دنـك لوجهي واني اشـم عطرة وريحة جكاير... وعيونة الحادة تمشي على خدي وتحديداً الورمة .... بلعت ريقي واني اهمس" وخـر مني مخُلد!"

رجفت واني احـَس بيدة انمدت على حنچي رفع وجهي لوجهة....
" شبيك ترجف؟ شنو بنيه انت؟! بعدين تعال اكولك! شنو هذا الورم بخدك وحتى علو طرف شفتك؟ صاير شي؟ احد مأذيـك؟!"

كمت بسرعة واني احـَس برجفه بكلبي! مو طبيعية ، فركت اصابعي واني ارد" محد مذيني بس ذني ! وكعت علىٰ بالكاع بارحة وانـي اسبح"

هز راسة وكـانو ماصدك شي زفـر انفاسة، " امشي غير ملابسك الشباب كلهم بشقة ومنتظرينك على العشة كلت الهم اني اروح اجيبك واجـي، لازم تغير جـٌو وشوي تطلع يلة اصعد"

عقدت حاجبي" لا ماكدر مخلد اطلع اسف والله!"

قاطعني برفض تـام " ممنوع يابة ممنوع تكول لا لمخلد! ديلة شباب منتظرينة شوي غير جـٌو واطلع من البيت يمعود"

اجيت احجي وارفض بس دخل عمي وحشر خشمة" وين تريد تاخذه مخلد!"

مخلد- گلت اخـذه ويايه لشقتي مسوين عشة الة، واني وشباب

هز راسة عمي وهـو يبتسم" اخذه وياك ، اي خلي غير جـٌو ويتخلص من الكئابة يلة انس اصعد غير ملابسك بسرعة"

رفعت حاجبي إلة بصراحه توقعت يرفض! بس هذا عمي عبالة اترك الة الغرفة .... بسيطة... صعدت غيرت ملابسي اسود بسـواد لبست ومشطت شعري حسيته طال شوي.... لازم اقصة... لبست حذائي وقفلت الباب وضميته بجيبي وطلعت شفت عمي منتظرني بالباب... لزمني ايدي

جاسم- لا تنسى تتونس ! ماشي.....

عقدت حاجبي من كلامه وشمرت ايدة بحدة.. وطلعت للحوش..
شكد مريض هذا الانسان ياربي... انتبهت على اسراء تباوع من زرف! دفعتها  بخفة
"  ممكن شوي تـوخرين من الباب !!"

انتبهت عليه ورفعت حاجبها" هاي وين رايحه؟ "

- وانتي شدخلج يمه!

اسراء- اعرف مالي دخل بس داسال .، اكلج انس! هذا منين صاك الأجانة شهالجمال هذا وطـول يبوووو،علية

رفعت حاجبي بصدمة من كلامها شهالاسلوب هذا!  شهل خفة!انوب هاي على مخلد فترت! غلست ومارديت وكفتني بسرعة" شبيچ انس دكوليلي هذا منو! عليج الله!!"

تنهدت ورديت" صديق واخ وخري شوي بلة"

دفعتها بخفه وفتحت الباب ، واني اسمع صـوتها دكول" عابت اي والله"
عابتلج انتي يحظي.... مـّدت راسها وراية تريد تشوفه دفعتها من وجهة وقفلت الباب واني اسمعها تكول" كبر انس !!!"...... شكد فضولية هالانسانة ودور حلوين ! استغفر الله عود هاي مزوجة،...

مخُلد- واخيراً شرفت ديلة اصعد تأخرنـة...

انتبهت علية ذب چكارة وصعد بسيارة... صعدت بصفه وقفلت الباب.. وشخطها وطلع گـبل... تقريبًا مسافة دقيقة لو اكثر ساكتين ومدنحجي وهو ديدخن وحدة وره وحدة.... انتبهت علية بطرف عيني... لأبس بدي ضيق
اسـود، كالعادة وبنطرون جينز ، لأحظت شي بيه كبرانة لحيته هواي...
ومبين ضايج، اجـيت اسال بس سبقني وحجه،...

مخلد- بوجهي شي؟

عقدت حاجبي من كلامة" شنو ؟!"

نفخ دخان جكارتة وانتبة علية ورجع عيونة على طريق" صارلك ساعة تتفحص بوجهي ، شنو حلو؟ ! غمز وكمل! عجبتك !"

فتحت عيوني بصدمة من كلامة لا ياادبسزز!! رجعت عيوني علئ جام واني استحي حتى ارد... اسمع صوت ضحكته الخبل!

مخلد بضحكة- احلى شيء بالكـوريين يخجلون بسرعة.... بوية

رجعت عيوني الة واني احجي بقهر" لا تكولي كوري عابتلك!!!"

انتبة علية وضحك مرة ثانية هالمرة بصوت قوي..... ورجولي...
عزا اني شكلت! رجعت عيوني على طريق وانـي ادعي لا يكشفني!!

مخلد وهو يضحك- عابتلك! وكـوري !! بوية ...

يضحك واني احـس راح انكشف.... لازم اتقوة واكوله شي!
درت وجهي الة واني اشوفه يضحك... بس وكفتنه السيطرة... واشـرو نوكف... وگفنه واني اعقد حاجبي....

- خير مخُلد صار شي؟ ليش وكفنة؟

مارد علية وانـي اشوف ابو سيطرة ضابط... سلم على مخُلد وسلم على ابـوة ... لشوية وكدرنة نطلع ظاهر يعرفه .... لان ضابط كله سيدي شلونة! يقصد ابوة يمكن يعرفه بس ليش يكولة هيج! على حسب علمي ابو تاجر!

تشجعت وسالته" منو هذا مخُلد وليش وكفنه وليش ديكول سيدي على ابوك؟"

رد علية واني صدمة احتلت وجهي......

مخُلد بجمود، ابـوي وزيـر انـس.........

__________

يتُبع....

اسفة جداً على تاخير بس مشغولين بأمي واني مريضه....

ان اشاء الله يعجبكم البارت...