رواية بين رجُليـن الفصل الثامن 8 - بقلم Zainab Halim |🪐

لستُ إمرأة طبيعية أنا مؤذية
جدا ومشاعري مُتعبة قد يحبني شجاعا فقط ...

#انَــس،

____________________________

انس، بصراحة انصدمت وأحتـل جمود وجهي وانـي اسمعه يكول ابوي وزير! أبـاوع على واني اشـوفة يطبك سيارة على صفحة تقريبًا وصلنا ...
بـس لحظه هو گال والدي تاجر مو؟ لو اني سمعت خطأ ... انتبة علية ونـزل من سيارة واني عيوني تابعة بصدمة بعدني إجـة يمي وفتح الباب...

مخُلد بضحكة- دنـزل لو اشيلك! شبيك فاتح حلگك صارلك نص ساعة!

بلعت ريقي وضربت خـدي بخفة ، يمكن اني احلم مو؟ ضحك وهـو يباوع علية" شبيك تخبلت استاذ انس! تريد اني اصحصگ ، ماعندي مانع" غمز بمگر... هذا شقصدة الادبسززز!

نـزلت من سيارة وطبگت الباب بقوة، رفع حاجبة " خير شبيك! لا تعصب رجاءٍ حظرة الكـوري، تـرة اخاف و روح امـي"

تنهدت واني اسأل" مخلد عوف شقة بس سؤال ، انت قبل شوي جنت دتگذب علية مو! اقصد تشاقة بسالفه ابوي وزير مـو؟ احجي!"

رفـع طرف شفته بـ ماعرف، واني فتحت حلكي بصدمة!" يعني شنو مخلد!!! عفية جاوب!! اخ راسي خرب لا تضرب!!"

ضربني بـ ايدة برأسي بخفة ، ضحك وهـو يدخل جـٌو داخل العمارة...
" اذا تريد تعرف الحقيقة تعال وراي "

لا ياعار!! شنو اني حيوان يمة! " مخُلد!!! داحجي وياك لا تعوفني وتروح هيوووو!!!" صرخت ورآ بـس مفاد دخل العمارة واني ضربت رجلي بقهر وركضت ورأء.... لگيتة بالمصعد ديدخن دخلت وكفت كبـالة،،. صعد المصعد وانـي گتفت ايدي لصدري وسالتة...

- اخر مرة اسالك مخلد ! انت گلت قبل فترة ابـوي تاجر ، شحولة هسة وصار وزير! لـو جنت جذب علية ....؟؟ احجي

نفخ دخـانة جكارتة بوجهي ! " مخلد عابت!!!!" گحيت بقوة واني اطرد بالدخان بيدي... اقترب مني واني رجعت للورا حتى صار ظهري على
باب المصعد... بلعت ريقي بتوتر.... وعيونة السـودة داخـل عيوني....
توترت واني أسال" شـ شبيك؟"

رد بهدوء" الزلم متكول عابت ، انـسَ، بطلها"

توترت اكثر واني اشـوف عيونة تمشي على وجهي، ونزلت لشفايفي!
ياربي عرفني اكيد!!! " انـي ! مخلد وخـر مني!" حاولت ادفعة بَس سيطرة الرجفة على جسمي..... سالني برود كـ عادتة....

مخُلد- بعدين تعال اكولك؟!

رديت بهمس" ها؟"

مخلد- ليش ماعندك لحية! اقصد مدتطلع الك؟ عبالي هسة الگاها كبرت على وفاة الحجية!

وخـر مني واخيرًا والباب المصعد انفتح... اشرلي بعيونة انـو اطلع... تنهدت براحة واني اتنفس ... عبالي شـگ بية ... يعتبر شـاك لان كلامة يخوف صار... طلعت واني احـس وراية هـو... وصلنا لباب الشقة واجه هو يفتحه ... غمضت عيوني واني اشّم عطرة قريب مني.. لدرجه حسيتة دخل لخشمي ... فتحت عيوني بسرعة واني اسمعة يضحك...

مخلد بضحكة- نام حبيبي نام ، اجيبلك مخدة ،

دفعتة من گتفة واني ادخل ، اسمعة يضحك وراية.... شكد مستفز هذا الانسان ولسانة بطولة.... دخلت وشفت الكل كاعدة ... شلة والأكل ... گلها موجودة هـم رحبوا بية وسوالف وضحك... اعرف ديحاولون يطلعوني من جوة الاني بي بـس حاليًا عقلي وكلبي يم هواي سوالف... يعني بيبي مدأكدر انساها .. وسوالف مخلد وتصرفاتة ويايه بدات تخوفني هواي...
اخاف يعرف اني بنية؟ ومغلس! لـو احد من اصدقائة همات يعرف وساكتين علية.... انـوب طلعت سالفة صفح ابوة وزير يعني اني تورطت ورحت بيها ونبي...... خلصنة العشة وسوالف والكل راح لبيته عندهم امتحانات هاي الفترة وان اشاء الله يتخرجون ... اجيت اروح وية فاروق للبيت بس مقبل مخلد گال اني اوصلة.... بصراحة صرت اخاف منه لا انكشف....
شفته طلع من غرفة النوم وهـو يدخن يبووو...

- يلة امشي اوصلك...

كمت واني البس حذائي" مو كتلك يوصلني فاروق ماكو داعي انت!و اخاف اتعبك يعني!"

قاطعني بجمود وهو يلبس سترته الجلدية سـودة" لا انـي جبتلك وارجعك بيدي، يلة امشي"

خلصت لبست الحذاء ....وكفت كبالة وانـي احجي" مخلد حباب ليش مدجاوب علية !"

- على شنو؟!

- على ابـوك صحيح انت ابن وزير!؟ لو تشاقة وياية؟؟

فـرك عيونة برود ، لثواني طويلة واني انتظر الرد منة... يلة جاوب" اي ابوي وزير انس، وماكو شقة بالموضوع، يلة امشي"

عافني وطلع! برود ! لحظة ابو وزير صحيح؟ يعني ابوة ابوة! ابو مخلد يصير هيج! عزا العزاني ! وزير شنو ! قفلت الباب وركضت ورإ ....
ونزلت لكيتة واكف يم باب السيارة من شافني صعد واني ركضت صعدت بصفة .. شخط سيارة وانطلق بسرعة.... لدقائق واحنا نتحرك...
اجـيت انطق اسالة شي بس حسيت لساني انشل ومايحجي... ماعرف ليش!
بعدين اني ماحبهم لذولة الوزراء واعضاء البرلمان وغيرهـم....
درت وجهي علية واني اسمعة يكول....

مخلد بجمود- يعني بـرأيك هسة اني مو زين؟ لان ابوي وزيـر....

گانو يفكر مثل مافكر... درت وجهي لچام السيارة... واني اتفرج عالشارع .... بداية شتة وجـٌو بدا بي شوية برودة... دتنهدت واني ارد... عالجوابة  ..." بعمري كلة ماحكمت علىٰ بشر من عائلتة لـو گلت هذا مو زين ... بس لان واحد من عائلتة ديشوفونة العالم على خطأ "

رجعت عيونة ألة واني ابتسم، انتبة علية ورجع عيونة على طريق..
" بعدين مخلد انت إنسان واني! حبيتك اقصد! " حگيت شعري بحرأج واني اشوف عيونة علية...

مخلد- اي كمل....

- يعني تعرف اني حبيتك لانك انسان وعندك غيرة وصرت صديقي واخوية.... فـ هيج اقصد"

انتبة علية ورفع حاجبه .. مافهم شي ابداً ... اعرف من اريد افهم احد شي
اظل اتاتاة وماربط بالكلام... درت وجهي واني اسمعه يضحك بخفة... عفية عليج انس اكشفي روحج مظل شي .... حتىٰ... اوف.. وصلنا بسرعة وانـي نزلت " باي مخلد " اجيت اطرف اركض بسَ صاحني....!

مخلد- اصدقاء مـو انس؟؟!

هزيت راسي اي واني ارد" للموت مخُلد الخبل" ابتـسم بهدوءوهـو يغمز...
شكد يحب يتغمز هذا الانسان! فتحت الباب ودخلت واني اسمع صوت سيارة تتحرك وتروح ... قفلتة ودخلت جوة.. وانـي اسمع اصواتهم بصالة كاعدين يسولفون... ويضحكون ولا كانو بيبي هسه دفناها! تنهدت وعبرت منهم بس وگفني عمي الشفية!

جاسم- اشو ما تاخرت استاذ انس صدك جذب عبالي تنام يمة اليوم ،!

درت وجهي وانـي اعبر منهم ، واسمعهم يضحكون.. ركضت على غرفتي وطلعت المفتاح وفتحته ، دخلت وقفلت الباب... واني تنهد بتعب شلون عائلة يربي... غيرت ملابسي ونمت... بفراشي وحاليًا لازم افكر بشي.. يعني حياتي شنو راح تصير؟ بين ذولة واني متنكرة مثل الولد! حياتيش هاي...
زفرت انفاسي ونمت كعدت ثاني يوم صبح،.. واني اسمع اصواتهم بالصالة بس عبارة عن ضحك..... كمت واني افتح الباب بتعب ونعاس.... بعدني بالكـوة دافتح بعيوني واجاني صـوتة! صـوتة لهذا الاكرهة الحقير!! اخوها لنهال

سامر- لك هلا لك هلا، ومية بهلا بهالطلة باع الله شخالق باع الوجة من صبح ... انس شلونج يابة!

لا هلا ولا مرحبًا! هذا الاتسان واحد حيوان ونذل! متحرش درجة اولى...
ولطش بية من سنين يركض وراية... ويريدني ازوجه وكم مرة حاول يتقدم الي... بس اني وبيبي نرفض ... وچان دائمًا يتحرش بية ، اشتگيت لبيبي منه قبل... وراحت لأبو وسمعت ورا فترة ازوج وصار عندة ولد! وتقريبًا صارلي كومة مشايفته فـ هسه من ماتت بيبي ، استغل الفرصة هـَُو واختة....

بصعوبة رديت علية " الحمدلله"

اجيت اعبر اكمل طريقي بَـس اجة يركض وگـف كبالي بعيونة الحقيرة...
رجعت للوره " خير رايد شي؟" هـز راسة بـ اي وهـو يعض شفته القذرة...
" مشتاقلچ" همس واني احس بجسمي رجف... يقترب مني واني ارجع للوره" وحق نبي محمد اذا هسة ما تركتني سامر اصرخ والم عليك امة محمد!! فاهم وخر مني وبطل هاي سوالفك القذرة!! انت واحد متزوج وعندك طفل واني !"

اعترض بخبال ليحصرني بين الحايط وأيـدة" لچ انس لو مزوج عشرة وعندي درزن چهال تبقين انتي ماخذة هذا ! وهـو يضرب على گلـبة، وهذا
وعقلة،!" بلعت ريقي واني احـَس بعيونة انحدرت لشفايفي...
" وخـر ! سامر لا تخليني اصرخ!!" رجفت ، اسمع صوت نهال بالمطبخ
يعني هي ماتعرف اخوها! ياذيني ليش تجيبة! اجيت ادفعة مـِن صدرة بسَ لزم أيديناتي بقوة " لچ شنو انتي شمسوية بية من خرب ابوي !! اخ ياململس ايدچ!" احاول اوخـر ايدي من بين ايدة القذرة بس مدأ اكـدر ابداً........
" نهاال!!!!تعاي لأخوج لج نهال !! ساعديني!!" صرخت عليها بقهر...

سامر- لج ما تجي وما تلحك لآن سامر ما يتركج الا على جثتة....

اقشعر گله جسمي بقرف واني بالسانة لحـَس خدي! تركني واني ركضت بسرعة.... للحمام قفلت مرة مرتين... فتحت الحنفيه بسرعة وانـي اغسل وجهي من قذارتة ... هذا الحيوان الله ياخذه ما اطيقة! واحد قذر...
وبعمري كله ماخفت هيج غير بس منة! حسبي الله عليج نهال انتي واخوج! وساعة سودة من كالتلة اني بنية!

______

مشتاقيين هواية، واسفة على تأخير هواية ، واحبگم هواية، ♥️

اعرف بارت قصير ومابي احدإث بس هذا البارت انكتب قبل فترة طويلة قررت انشرة كـ عودة لا اكثر والقادم اقوة ان اشاء الله ،

شنو رأيكم تنزلين يكون يومي؟!

او بين يوم ويوم؟

لا احد يحجي لان قصير بسَ ماحبيت احذفة لخاطركم 🙋‍♀️🤍