رواية بين رجُليـن الفصل الثاني 2 - بقلم Zainab Halim |🪐

وإن وعدتك بالبقاء يوماً سيرحل أحدنا،‏ ولكن صدقني أنا باقيٍ من دون وعد..

#أنـَس،

_______________؛

بغداد ، سابعة صباحًا ،

انـس، يكـولون الحياة تـّربي اكثر مِن الأهل، وتعلم الصح من الخطأ اكثر..
من إي شي.. خصوصًا اني تعلمت بيها وتربيت تربية معدلة... علمتني اصُول الحيـاة بحذأفيرها.. دائمًا اكـُول هاي اني بنية؟ مثل. باقي البنات... لو مِـن أشوف بنيه بشارع لأبسة اخـر حباية والكشخة فـول ، والملابس الزينة والالوأن رائعة لُِو الأنوثة طاغية والمشية، وصوت ناعم ، اكـُول اني نخلقت ولد! يعني ! يمكن مجبورة جنت اغير شخصيتي وشگلي بسَ ! مرأت الخاطر ينگسر من نشوف هيچ شيء.. جنت داخل حلم حلو وجميل،
بس حسَيت بصوت عجوز فـوك راسي ديكحَُ! ويضرب بالعصى على رأسي! منو غيرها '! بيبي ! رفعت البطانية على وجهي واني ابتسم للحلم،
بَس جرتني مرة ثانية!

- لچ اكعدي لا اكومچ بطريقتي ! تاخرتي على شغلج حبوبه!

ضربتني على وجهي بيدها فزيّت واني أصرخ..." بيبي رحمة للملائكة! يعني بعِد وگت يعني هسه وگت شغل !"

ضربتني مره ثانيه بالعوچية" كومي لج وبطلي صريخ مثل الجاهل! اتريكي هسة وبعدين ترحين لشغلچ ! يلة كومـي سويلي ريوك وياج"

فرگت شعري بقهر" يعني انـي اعرف هالسالفة زين تكعديني علمود ريوگچ بيبي مو! هَي بيضة طكيها لمرة وحده وخليني انام يـُو يوم واحد!"

- لوعتي گلبي دكومي وحضريلي چاي خفيف ماحبة ثخين! يلا وحظرلتچ خبز هالمرة تبيعينه بس ها! ديري بالج يكسرون سعرة! اكطعج تگطع وروح أخوج!"

-اليسمعچ يكول دأشتغل بمعرض سيارات واكِسر سعرهن ، دگعدي راحة بييي ! اخ يمة!!!

فكـرت رأسي من ضربتها مال عوجية، "

-حتى لو خبز لچ يبقى هذا نعمة ولازم نشكر رب العالمين عليهاً ام السان'

تنهدت برود" على إساس اني كفرت هسة يابيبي"

-ميخالف حبوبة تعلمي ومراح ينقص شي منج، هسه عوفج من الحجي هذا، وكومي سويلي لگمة وروحي لشغلج بعد امچ يلة،

هزيت راسي وگمت " صار بيبي، "

عزلت الفراش وحطيته على النضدة اني انام بالكاع لأن سريري انطيته لبيبي ماتكدر تنام هي بالكاع ، غسلت وجهي ورحت على مطبخنَا صغير ، لكيت بيبي كاعدة بالكـاع وصينيه محظرتها ومخدرة چاي، بس أطك بيض ، اني ، هذا طبعها تحظر كولشي بس ما تطك البيض تلعب روحهاً... طگيت ببيضتين وحطيتهم بصينيه واگلت كم لگمة، وشربت جاييّ،

- حبوبة ما اوصيج ترحين لأم كرار كبل وتدزين الخبز، الها عندها خطبة بنتها وتريدهن على غده'

شربت كُوبي كّلة وخليته بالصينية" ماشي بيبي اروح ادزه الهاً اول وحدة نوب اطلع على شارع ابيعهم واجيچ وأروح للعمالة '

-لا يمة عوفج من عمالة اليوم ام كرار راح تنطينا هواي اليوم يگفن لأسبوع وداعتچ بيعي الخبزات ومريلي على سوك جيبلي مسوأك للگبة حتى الفّها لباجر لبيت ام محمد وهاي هَيّ ، اريدج تساعديني بشغل الگبة اليوم ، ماشي حبوبة؟

-هاي هَي بيبي مثل ما تريدين، راح اغير ملابسي واجيچ وانتي حظريلي الخبز والورقة مال الگبة ،

رحَت غيرت ملابسي ولبست كالعادة مال شغل ، بنطرون أسود وبِدي اسود، بس مو ضيگ كُلش حتى لا يظهر شي ، لبست الحذاء ومشطت شعري عساس عندي شعر مثل البنات، وهياتني صـرت ولد شگل وحتى تصرفات، اخذت الخبز بعلآكته وضميته بالجنطة ودعت بيبي وطلعت كبل لبيت ام كرار، شگد اكرهم ناس شايفين نفسهم هواي، وگفت بالباب واني اشوف سيارات كلُها عالية وفخمة، والبيت قصر سبحان الله والحمدلله وخسمه وخميسة لا اروح احسد العالم حـرام علية، وكفت شوية وطلع ابنهم ابتسم الي، وسلّم انطيته الخبز وأستلمت الفلوس ورحُت ، هالشاب الوحيد طيب منهم، حتى امهم احَسها حية مدري شلون بيبي تحبها! تنهدت واني اشوف ساعة من فُوني التعبان المكسورة شاشتة اليذكر جدي الله يرحمة، عزززا تاخرت! ضميته بجيبي وشديت على جنطتي وركضت بشارع .... بسرعة الحياة لازم تركض وياج انس.....

تنهدت وانِي اچر انفاسي وگفت بشارع العام واني اشوف سيارات .. بدأت تكثر والشمس بدأت تسمط سمط! مسحت وجهي وأني اشوف حجية اجتني...

- بشكد هاي العلاكة يمة!

-حجيه ذني بخمسة، والچ ب4 !

ضحگت " ولك يمة ذأك اليوم اخذت منك بـاربعه! صرت معميلتك يعني ، نزلي بعد حتى اجي يوميًا اشتري منك! شكلت!

ابتسم الها" حجيه صدك تحجين! مو اني اليوم اجيت لهذا المكان وبعت بي! شوكت صرتي معمليتي بعد!"

ردت وهَي تضحك" ولك عيوني ماشوف بيهن زين بعد امك، هَـمّ الكبر والة حـوبة وليدي ، اذكر اخذت من واحد يشبهك ، هسة عوفك من هالحجي ! انطيني هالعلاكة ب 3 الألف شگلت!

هزيت رأسي موافقة شگلها لحّت وقفلت ، " اخذيهم يمه ب3 ونص وهالنص اريد اروح كروة لبيتي "

-خوش يمة انطيني ، وهاك خمسة رجعلي،

انطيتها الخبز ورجعت الها الباقي، ورأحـت ، مبقى عندي كم علاكه ابيعها .. بيبي هم مخبزت هواي واني ساعدتها بالكوة اخبز ماعرف، وهَي متقصر بالخبز بس خطية اخاف عليها تتعب، تنهدت بتعب والشمس علّت واني اشوف ساعة تعدت 12 ونص! ومحٍد اخذ علاگتين ذني هالشارع ، تعبان مابي ناس تاخذ خبز ، اوف شربت بطل المّي كُلة وضميته بجنطتي ،
اخذت العلاگتين ورحت على سيارات، افتر عسى لـُو احد يشتريتهم مكاني اليوم محِد اجه بي لازم باجر اغير شارع! ركضت على ابو الكية بي هواي ناس ، وگفت على جامة

- عمي تشتري خبز!

هز راسة برود" لا وخـر خلي اشوف  طريقي"

مديّت راسي من جامته على عبرية" تشترون خبز ! يخبل وشگبر الوحدة وبي 10 گرص !

أشرلي واحد كاعد بصف سايق " تعال يولد انطيني علاكه"

ركضت على جهه الثانية وانطيته علاكة واخذت الفلوس" مشكور عمي" انطاني الباقي

- اخذ الباقي الك ابني ،

ابتسم بخجل الة وضميت الفلوس بجيبي ورگضت على رصيف واني اشوف سيارات بدأت تمشي ، بقت علاكه وحـدة ! لازم ابيعهاً ، تنهدت واني امسح عرگ وجهي رفعت شعري ليفوك بأهمال لينزل على گصتي بسرعه ! يبوو علية شكد اكرهه عبالك گورية مو عراقية بهاالشعر هذه ، باوعت على سيارة وكفت رحت اركض عليهاً وبعت الخبز بالكوة الهم ، واخيراً كملت المهمه ضميت الفلوس بجنطتي وصعدت كية لسـوك تنفست بتعبت واني احَس بالحـَر بدأ يقوة ، .... نزلت من سيارة واخذت مسوأك وشغلات بيبي كاتبتهم هواي للگبة وطلعت گبل للبيت... مشي مسافة قريبة علينًا هم وصلت وتلگتني وهم شفت عمي جاسم كاعد لا هلا ولا مرحباً ، نزعت حذائي ودخلت ، سبحت وترگت شعري مبلل ولبست ملابس بيت ، لگيت بيبي دصبّ تمن ومرك رحت ساعدتها بالمطبخ،

- شعندة جاي بيبي!

-منو قصدج ولج!

أشرت برإسي على الغرفة" يعني منو غيرة عمي شفية مو بارحة جان يمنا شنو هي يومياً يجي يتغدة وياخذ المصروف ، "

صبّت الإكل بصينيه صغيرة" حسچ ولج لا يسمع ! بعدين هذا عمچ حبوبة بس هو الناً ورجال اطردة يمه! "

زفرت انفاسي بقهر" مو قصدي هيجي حبوبة بس عفية لا تنطي كل تعبج يعني توكفين وتخبزبن ساعات يجي ياخذهن ويروح بسهولة"!

-چا هو تعرفين بيبي ماعندة وكاعد خطية وعندة بنات صغار يدرسن وبرگبته هالحية مريته تريد فلوس ومصريف تعرفين بعد وهو يباوع علية بعد گلبي اخذي صينية خلي نتغدة يلة ،

شلت صينيه واني أتنهد من كلامها يعني تعبها وتعبي تنطي بسهولة للكاعد... هو وهذيج مرته الشيطانه، حطيت صينية واجت بيبي تغدينَه ، كملنا وغسلت مواعين ورحـت اسوي چاي واني اسمع كلامهم من المطبخ

- اخذ يمة ذني گم فلس مشي روحك بيهم هاي الايام،

اعترض عمي

-يمة دكولي يالله ذني بشنو يمشن كم يوم لا اكثر ! بعدين انتي استلمتي راتب الحجي من گم يوم وما اجيت اني اخذيت حصتي !

- ولك جاسم منو انطينه نص رأتب ابوك علمود مريتك تشتري اثاث لبيتكم، وانتو ماعندكم لگمة تاكلونها وهذا راتب ما انطيتة الك اعرف زين انت تاخد وتروح لسوالفك المكسرة مال شقق والسم تشربة!

- هسة شنو يمة! راح تعيريني بأثاث البيت بعدين هذه راتب ابوي من حقي هم لو تنطي بس لذيج لولد ماعرف بنيه!

- اسكت ولك لا تسمعك ! بعدين هي احسن منك خايب تشتغل وتطلع من سبعة الصبح علمودي وعلمودك همَ وتالي انت تجي تاخذهن على خالي بلاش علمود مريتك وسمّك تشربة!

- يمة ابوس ايدچ عوفي نهال وانطيني الفلوس حتى لو قليلات امشي ووحي بيهم ، يلا يمة ورأية طريق!

هزيت راسي واني اصبّ چاي واخذ الهم ، هالانسان ماعنده ذرة كرامة!
مقابل الفلوس يسوي كرامته وصلّت مسح، انطيته چاي وهوَ يباوع علية بطرف عينه ولا عبالك عمي عينه زايغة! خزرته واني اكعد يم بيبي ،

- يلة يمه انطيني الفلوس! وراية طريق ودنيا راح تصير العصر!

كومتني بيبي أجيب الفلوس الهاً انطيتها الجنطة ، وأنطته واخذهم باس راسهاً ،

- اوف يمه بدونج اني اضيع بشوراع والكعبة!

- اعتمد على نفسك يمة وشوفلك شغلة لبناتك يباوعن عليك بعد امك!

اباوع علية وهَو يوكف ويخلي الفلوس بجيب البنطرون، " هو وين شغل يمة متشوفيني كاعد وادور بشوراع مثل جلاب على لگمة ،

- موجود شغل بس انت متحب تشتغل شجاك جاسم ليش هيج يمه! چا بناتك ذني باجر عگبه على منو يباوعن ها!؟

زفر انفاسة بملل ، وهُو يطلع " تاخرت يمة ، ان اشاء الله امرلچ باجر واجيبلچ بنات يردن يشوفنچ ويباتن يمج يلة مع سلامة ،

راح واني كمت شلت صينيه ورحت لغرفتي اني وبيبي تمددت بفراشي بتعب وماحسيّت على روحي من تعب نمت ، وگعدت تقريبًا باليل بتسعة لكيت بيبي دسوي بالگبة رحت ساعدتها وكملنا لفَّ گبة وسويت عشة خفايف، ورحت نمت من تعب يوم طويل ..... جان

ثاني يوم صباحًا...

كعدت صبح واخذت الگبه لام محمد وطلعت انطيتها الهًا ورحت للبيت مره ثانيه غيرت ملابسي وطلعت للمسطر، هاليوم لازم اشتغل عمالة ، أقلها كم فلس اجيب شي للبيت بي ... وكفت بنص الزلم واني وياهم صرت مثل دودة ناعمة جسمي ناعم وهمة زلم خشنة وكـل مايجي واحد ماياخذني لأن مافيدة... تنهدت واني اشوف احد اجه اخذنا رحت اركض وياا واخيراً ....
هم وصلت لبيته وشتغلت وشلت طابوك بالكوة وكل دقيقه اوگع! اباوع عليهم يضحكون علية، مسحت وجهي من ترأب وكعدت بالكاع واني اچر انفاسي بصعوبة، رفعت عيوني واني اشوف ابو البيت انطاني مّي اخذته منه
وشربته،

- مشكور

ابتسم الي" يمعود متگلي شجابرك! لا تزعل مني بس جسمك ناعم مو مال تشيل طابوك وتحمل،

وكفت بتعب واني أرفع شعري للورأ" لگمة العيش جبرتني"

- والله والنعم منك ، رجال هاك اشرب مَيّ ،

شربته وانطيته اله رحت لشغلي بالكوة كملت شغل واني اشوف العمال ، واحد يكول لثاني شوف هذا! ويضحكون اباوع لأدياناتي تجرحت من طابوك وغيرة، تنهدت واني اخذ فلوسي ، وگبل على بيت لان ساعة تعدت
3 ظهر هسة بيبي منتظرتني على غدة..... رجعت على بيت وتغدينه وبيبي دوأت أديانتي ، ونمت گبل، من تعب اليوم،،

كعدت ثاني يوم واني ميته تعب صبتلي بييي ريوك

-شبيج حبوبة شو مالج خلك اليوم!

- ولا شي يوم بس تعبانة شوي،

- چا ارجعي نامي ارتاحي وعوفي شغل لباجر!

قاطعتها" لا تكولين هيج بيبي بعدين اني تره بنتج قوية يعني ما تعب! واذا كلت تعبانه معناها ادلل عليچ بيبي انطيني الخبز حتى ابيعه ورجعلج ركض قبل ما يجن بنات عمي جاسم واليوم سهرة للصبح"

-ماشي بعد امج يلة لا تعبين نفسج ولا ترحين للمسطر عليج الله!

- ماشي بيبي ماروح يلة انطيني تاخرت،

انطيتني الخبز وخليته بجنطتي ورحت ركض لشارع موجود بالاعظمية قريبً على بيتناً ابتسمت واني اشوف الشمس حلوة اليوم وجُو منعش... والناس دتفتح محلاتها واكٌـو ناس جاية لزيارة ، رفعت شعري وتنهدت ..
تقريبًا بعت نص الگمية انتبهت على احـد من شارع ثاني أشرلي رحت اركض علية

-ها عمي تشتري خبز؟

- انطيني علاكه وحدة،

انطيته علاكه واخذت فلوسي ورجعت لمكاني ، الحمدلله اليوم شغل عالي ، ابتسمت واني اكعد بمكاني ، منتظرة احـد يجي .، وگف الازدحام واني اخذت العلاكه وركضت على سيارات لازم ابيع قبل لا تصير دنيا ظهر....
افتريت السيارات كُلهن بس محد اخذ ! تنهدت بتعب وانتبهت على طفل يبيع علج بالطريق العام وأحد يدفع بي ، بهمجيه ركضت اله واني اعبر سيارات،
اخذته من ايد الولد واني اصرخ بوجهه

-ليش تضربة لك!! مو حرام عليك!

باوعلي بغضب" امشي انت منا لا احطك انت وياه برگبتي هسة!

- ايبااة استاذ غاضب ! غير يستقر بعدين انت ليش دتضربه هيچ مو حرام وشسوالك!؟

- هذا التكول علية هيج باك مني فلوسي وركض! وخر انت معليك اريد ادبة بطريقتي!

چِرة من ورا ظهري، بالكوة كدرت اخذه منه" بس نتفاهم يابه منو يكول هو باك!؟

چرة من بديه بطريقة همجية وهو يعّت بي" لك شنو نتفاهم اكلك بآكني واني أنطي الفلوس العلج!! اخخخ!!!!

عضة الطفل من أيدة بقوة ورگض بشارع ! اجه يركض ورأ بس رجع علية .... بلعت ريقي بخوف، ورطت روحي ونبي! ماحسيت الا اركض بشارع واني اعبر بين سيارات ياربي ورطت روحي ! بالكوة كـدرت اوكف وافلت مِنه وكفت ورأ سيارة سـُودة عالية واني اچر انفاسي بصعوبة امداية اي والله امداية عود داسوي زين! ما حسّيت الا وانجريت من شعري!

- اخ اخ شعري!!!

باوعلي وهَو يتنفس مثل الثور " واخيرًا لزمتك! لك عبالك تشرد مني!!"

احاول اوخر ايده من شعري بس ماكدر هذا سمين وضخم وماكدر،"بشنو احلف الك اني مالي دخل بس شفت وااجيت اساعد لا اكثر ياعمي!

ضحك بستهزاء " اي اني صدگتك ! انطيني فلوسي خلي اولي واعوفك شكلت!

-والله والله والعظيم مو اني ولا اعرفة حتى شنو انطيك بعد! اترك شعري لك!!!

ضربته على بطنه ، بوكس. رجعلي ضربة على وجهي وگعني بالكاع وأني احس خشمي نزف دٍم، الله ياخذك يادب ،!!صرخت بقهر

- واحـد عاااااار!!!

اجه يضربني برجلة غمضت عيوني واني احِس بضربة اجتي بنص بطني!
الضربة الثانيه بنص بطني " اخ!!"

- منو العار لك حرامي!!! رجعلي فلوسي!!

غمضت عيوني بقوة واني اشوفة راح يضربني مره لخ! بس ما حسيت شي،
فتحت عيوني واني اسمع صـوت خشن ، واحد ظهرة بس! ولابس اسود بأسود ، والدب كاعد بالكاع وأيدة بخشمة ينزف دٍم! منو هذا! سمعت صوته الخشن ...... يكول

مُخلد، واحـد حيوان ..

____________

مشتاقين🌚🖤

مجرد بداية لا اكثر وتنزيل راح يكون يومياً هيج وقت،...

لا تنسون تصويت وتعليقات الحلوة،

ورايكم بالرواية،؟

وانس؟

ومخُلد☹️