رواية بين رجُليـن الفصل الثالث 3 - بقلم Zainab Halim |🪐

‏"لا أحد ينتحر لأنه يريد الموت، بل لأنه يريد وقف الألم".

- تيفاني ديبارتولو

#أنـَس،

^____________

انس، شفت بِس ظهرة چان وأكف منطيني يآ، وأسمع صُوتة لرجال ، يغلط ويتجاوز على هذه الدب! اقصد الشاب الضربني أباوع علية نايم بالگاع وأيدة على خشمة ينزف دٌم مثلي! والرجال ضربة بعدة وأكف ! حجه دب

- لك انت شسويت! هذاً حرامي ! بآكني هو واحد ويا جاهل!!

اعترضت واني بالكـوة أكوم مِن مگاني" جذاب والله جذاب !"

- اني جذاب لك عار! لك اليوم موتك على يدي هسة بيدي هاي رأح اخذك
لمركز شرطة وأنومك هناك لك حيوان!!

اجـة يگوم من مكانة بـَس هذا الشاب دفرة برجلة ! رجع مرة ثانيه بالگاع! وهو يصرخ" لك ليش هيچ ! اكلك هذا حرامي بآكني!! بعدين انت شدخل امك!!"

ماحَسيّت الإ هذا رجال نام برگبتة وخنگة بنص شارع ! ياعزا راح يموت دب!

مخُلد بغضب- امي متجيبها على لسانك لك حيـوان!

ضربة برأسة كّلة رچعه للورا بقوة ، وخلة دب يصرخ بمكانه من الوجع!ركضت عليهم واني ألزم ظهرة لهذا! العصبي احاول اوخـرة منِه لا يروح يموت وابتلي!

- الله يخليك ! عوفة راح يموت جوأك!!

ماحسيَت الا اندفعت وگعت بالكاع على موخرتي! اخ خرب!

مخُلد! وهسه گوم ! يلة لك مطي!!

چِرة من ياختة وگومة واني اباوع عليه ليهسه مشفت وجهه بس ظهرة!
" هسه كول هذا حرامي مو!" سأل الدب!

- دعوفني لك! ي حرامي وانت دافع الة باك مني فلوسي هو وطفل بنص تقاطع شارع! واجيت اركض بس انت لزمتني وخر مني!!

بسرعة گمت من مكاني... ورحت الهم

- والله العظيم جذاب! مو اني بگت فلوسة!

قاطعني الدب وهو يصرخ" انت جذاب لك! اثنينكم متفقين علية واخذتو فلوسي ! عوفني انت ثاني ! واترك ياختي اريد اسلمة لشرطة!!

- انت واحد غبي لو شنو يعني شفتك من بعيد واجيت اركض اساعد طفل لا اكثر شلون بعد اخذت فلوسك! وياا!!

- لو ما لزمت جاهل مجان اجيت ركض وخليته يشرد مني!!

- واحد غبي مثلك حلال عليه يبوگ منك!!

- شنو لك عار!!! تعال اشوفك الغبي شيسوي!

صرخ بينه هذا العصبي!" گافي حجي !! خليني افهم !!"

نـّزيت من صوتة واني إشوفة يدير وجهة علية ويترك الدب! اقصد الرجال!
رجعت للورأ بتوتر من وجهه شگله يخوف هواي، عيونة سـود حـادة مثل النسر ، وحاجبة معگود بغضب ، ولـو شاربة ولحيتة اليگول علية ، من مافيات تركياً ! أقترب مني وهو يحجي بصوتة الخشن..

مخُلد ، انتَ بگته مـو!؟ احجي صراحة لأن والله ثم الله وگعت بيدي وبعد محد يخلصك منِي غير ربـك! احجي صراحة لإن اعرف جذاب من عيونة، !

بلعت ريقي بتوتر واني اشوف عيونة رگزت بعيوني! حاولت استجمع قوتي واثبت مو اني!

- بشنو احلف الك مـو اني البگته! واصلاً ماعرف جاهل حتى ! بس جنت اني ابيع بتقاطع خبز فـ شفت من بعيد هذا يضرب بطفل وركضت الة گلت خطية يضربه من باب الأنسانية لا اكثر ، ومن اجيت گتله ليش وحرام عليك واحنا بعدنة نحجي خلة وشرد جاهل وهذا عبالة اني اخذت فلوسة! وياا

- لك انتو تردون تاخذون فلوسي! وسويتو هيج لك شوف اذا ما اموتك على ايدي لو أخليك بسجن طول عمرك ما اطلع !

سگته العصبي برود" اسكت يابة شبيك خبصتنه فلوسي وفلوسي اليكول انت ، مدير بنك رافدين!"

دأر وجهه علية " يعني انت اجيت ساعد مو؟!" سألني

- اي ورح اخوية اقصد والله العظيم بشنو احلف الك حتى تصدك اجيبلك القران واحلف! ماعرف هذا جاهل حتى! بس هذا لطش بية'

- منو لطش بيك لك عار ! حرامي! رجعلي فلوسي واتـركك بحال سبيلك ! لو بيدي هسة أدزك لمكانك الاصلي سجن! رجعلي فلوسي!!

صرخت بية بقهر...

- انَت واحـد غبي وماعندك عقل وحلال بِي هذاك بآك منك فاهم!! وربع مانطي لأن انـي مو حرامي مو اني الأخذت الفلوس!!

اجـة يضربني الدب بـَس وگفة هذا العصبي ودفعة من گتفة ليورأ وهو يصرخ بيه" كافي تبچي مثل النسوان فلوسي وفلوسي! لك والله موتتني بفلوسك ودسـّت بطني! الفلوس راح ادفعهم انـي شگد هنة !؟"

مـِدّ ايدة لجيبة وطلع فلوسة ، انتبهت عندة دولارات وكـومة فلوس بمحفظتة
" لا تنطي شي لان والله مـُو اني البگتّ الفلوس!"

مـرد علية وهـو يحجي ويـآ دب" شگد فلوسك جانن؟"

- عشرة، اخذ مني ،

مخُلد- عشرة وگلبت ام الدنيا عليها متگلي شبيك يول ! هاك اخـذهم وطير منَا وهذا الولد رأح اتصرف ويا انـي ،

عقدت حاجبي من كلامة شنو يتصرف وياي! أباوع لدب يباوع علية بغضب ... وكـرهه استفزيتة واني اطلع لساني إلة، الحقير بسببه إكلت طـّن گتل ، مسحت خشمي بي بقاياً دٌم بالبدي مالتي ،  درت وجهي وإني اشوف الجنطة مشمورة بالكاع واغراضي واكـعة ، ركضت عليهم ولميتهم بالجنطة وقفلتها ، رفعت عيوني واني اشوف هذا العصبي اجـة يمي وجكارتة بين شفايفة ،

- شكُرا الك لأن ساعدتني بس والله مو اني حرامي ، صحيح اني فقير بس بعمري گلة ماخذت فلس بالحرام وهذا الرجال فهم غلط، وهسة رأح انطيك العشرة وكلمن يروح بالطريقة،

مـآرد علية وهـو يدخن برود وعيونة السـودة علية مصوبة، توترت من ..
نظراتة انتبهت عندة وشـم على ايـدة ! غلست واني أفتح الجنطة واطل اله العشرة من بين الخردة أنطيتها الة " تفضل، ومرة ثانية شكُراً "

لا رد.... وهـو يخلص جكارة ذبها بالكاع " رجع فلوسك وتعال كول! انت بنية ولد؟'

بلعت ريقي بخـوف واني احَس انكشفت!" شـ شقصدك!"

مخُلد برود- شقصدك شنو! لك انت بنيه حتى تخلي يمَد ايدة عليك وانت نايم جـوأ مثل البنية؟

- مكدرت أدافع عن نفسي وهو ضخم،!

قاطعني وهـو يضحك بخفة" هسة احجي حجاية وتزعل!عوفك من هاي سالفة انت شسمك ! وين بيتكم؟؟

رفعت حاجبي مستغربة مـِن سوألة " اسمي انس! و،! و بيتنا هناية قريبًا على الأعظمية، بس ليش تسأل؟! ترة والله مو البكَت فلوسة!

هـز رأسة بهدوء واجـة يمي جـرني من كتفي ! " وين ماخذني! بشنو احلف الك مو اني!!"

- اصعد بسيارة حتى اتآكد، وبدون كلام زأيد!!

يحجي برود واني جسمي يرجف صار من الخوف! " وين وين!! تريد تاخذني! والله مو اني!

عاط بية " اعرف مو انت!! كافي تبجي مثل نسوان لأزم اخذك لأهلك حتى اتآكد انت مو حرامي أقلها ما ينضحك علية لأن مو مخلُد الواحد يكدر يضحك علية فاهم؟!"

اخذة لبيبي وافك المشكلة احسن مبين هذا عنودي وخبل! هزيت راسي بموافقة " ماشي تفقنا ، حبوببتي بالبيت وحـدها هسة نروح الهاً وتكولك اني مو حرامي بعمرة انس ماگل لگمة حرام "

رفع حاجبة إلي برود" اي ، يلة مشينا ، اصعد بسيارة يلة"

- يصير نروح بگية! مو اني!

مخُلد بستهزاء، ليش يمة تخاف مني شنو، راح اغتصبك مثلاً؟ لأ تخاف ما ادور ولد!

شكد غثيث ولا ينهظم! صعدني بسيارة بصفة وطبك الباب بقوة نـزيت بخوف واني أضـْمُ جنطتي لصدري انوب لا يروح يسوي بيه شي! اعرف شباب اني! دور ولد اقصد! تسوي بيهم ! استغفر الله استغفر الله! شدافكر اني يربي!! هسة شورطني ورحت صرت سوبر مان وادأفع علية إنوب طلع حرامي! هو هذا هم حظي.... اباوع علية من طرف عيني بدأ يسوق برودة
اعصاب وجكارتة بين شفايفة وعيونة مصوبة على الطريق! هذا شكد يدخن!
تقريًبا نص ساعة هواي وصلنا لبيتنا من بعد ما ختمت القران بگلبي ، وأيدة على الباب اقل حركه منِة افتح الباب واطفـر، نزلت بسرعه كبال بيتناً نزل هو وشمر جكارتة بالكاع ...

- هذا بيتنا ، تفضل، بس حبوبة هسه موجود تعال اسألها،

اشرلي امشي كدامة مشيت كدامة واني ماعرف هذا الخبل شيريد مني!
دگيت الباب لان بيبي اكيد كاعدة هسه ومانايمة ، اجاني صوته الخشن من ورأية." ماعندك مفتاح بيتكم شنو؟" رديت واني اطلع المفتاح من جنطة" هياتة شوفه حتى تكول ! وعبالك اجذب اني مو!"

مخُلد ، ديلة يلا افتح الباب وصيح حبوبتك اريد اولي!

هذا شبي عابت! اجيت افتح الباب بس درت وجهي واني اسمع صوت جيرانة ابو طارق ! اجة يمنا" وين جنت انس! ليش تأخرت يابة!"

- ليش عمو اقصد عمي صاير شي! مو تعرف جنت ابيع الخبز وياخذ وقت!

- لك ابني عوف الخبز ام طارق اخذت بيبتك للمستشفىٰ ارتفع الضغط عليهًا.. وصارلها ساعه تقريًبا هناك،

عقدت حاجبي بخوف واني اسئلة" ياا صاير عليها شي! عمي طمني! احجي!

- لا تخاف مابيها شي بس الضغط ارتفع واخذتها ام طارق اني ماجنت موجود بشغل بس من رجعت خابرت عليهًا گالتلي اخذت ام جاسم للمسشتفىٰ
ضغطها وبـَس يكمل المغذي وارجع الكم ،

- عمو فدوة يا مستشفى؟!

انطاني الأسم ورگضت قفلت الباب مرة ثانية اجيت أعبر شارع بس سمعت صوت هذا الخبل ورأية! بسيارتة " اصعد يول بسرعة شمنتظر!!"

رحت صعدت ويا بسيارة واني احَس بدموعي راح تنزل... الا بيبي ماعندي غيرهاً بهل دنيا! يعني لـُو ماهي اني اضيع واصير بالشورأع! دمعة نزلت مني مسحتها بسرعة... واني اشوف وصلنا للمستشفى نزلت ركض
واحَس وراية هذا شاب! رحت كبل على طورائ وسألت عليهًا ... اخذت الرقم ورحت ركض... واني احس هذا وراية.... وصلت على الردهة وشفت الكل موجود دورت على بيبي! وشفت ام طارق واكفه ...

- خالة ام طارق!

- تعال يمة انس حبوبتك هنا!

صاحتني ورحت الها اركض .. شفت بيبي على سدية متمددة' ونايمة
وبيدها المغدي دنگت على ايدها وحظنها أيديناتها بسّتهم" حياتي بيبي ، انتي بخير دسمعيني!" بچيت

ام طارق- مابيها شي يوم بس ضغط مرتفع شوي وهسة راح ينزل انطينها ابرة ومغذي وهسة ان اشاء الله تكـوم بسلامة،

مسحَت على خدها وانـي ابوسها بوجههاً" حبيبي بيبي ، لا ترگيني وحدي عفية"

- كول يالله يمة مابيها شي، انت منو كلك ابو طارق مو؟

مسحّت دموعي واني أكعد بصفها على كرسي" اي عمي ابو طارق گلي، جنت راجع للبيت وشفتة بالباب وانطاني اسم المستشفى واجيت ركض"

- لعد لا تخاف عليهًا يمة هسة تكعد وناخذها ويانا هالمرة معدلة، مثل جبل منو مثلها امسح دموعك وكول يالله...

- يالله..،

انتبهت على هذاً ماكو! بالردهة دورت علية بعيوني بس ماكو! اعتقد راح،
تنهدت بقهر واني ابـوس بيده بيبي... هيَ الوحيدة الكافح الحياة علمودها...
بدونها اضيع واصير شبّه إنسانة يعني لو ماهية اني منو إلية؟ عمي جاسم
الما يرديني! لو امي ترگتني وراحت ازوجت وماشفتها من صف أول ابتدائي... ومسئلت ومكالت عندي بنية ولد جان... لأزم اربيهم واكعد عليهم تخّلت عنه بسهولة... علمود رجال اسسّت عائلة جبيرة وفلوس وبيت...
وترگتني إنـي مثل الحيوان أبيع بشوراع واتنگر بزي ولد علمود بسَ اجيب لگمة ... وأسـد حلك فلان وغيرة مـُن سمعتي....لشوية وكعدت بيبي شبعتها بوس والحمدللة رجعت سالمة ألي ... لبستها عبايتها وسندتها اني وام طارق... وطلعناها... ا

عقدت حاجبي واني اشـوف هذا الولد! واكف يم الاستعلامات! شافني واجة علية ،" هذا انت بعدك هنا؟"

مارد علية ودفعني بخفة وخرني من بيبي وسندها هـو بيبي تفأجت منة هي وام طارق" منو انت يمة؟" سالت بيبي

مخُلد، صديق حفيدچ حجية ، تعاي أسندچ حتى توصلين لسيارة ،

- فدوة لعمرك يمه امشي وحدي اكدر، ماريد اتعبك وياي،

- افـاَ عليچ اني شكبرني واخليج تمشين وحدچ يلة يوم وصلنا لسيارة، مظل شي...

- يمة وداعتك اكدر امشي!

مارد عليها وهو يسندها بالمشي ، وبيبي تكولة لا ولا! هذا منو!

ام طارق، انس هذاً منو؟

طلعتني من صفنتي ام طارق تسأل " اممم صديق قديم خالة هسة شفته! اكولج خالة فدوة مو تغلطين وتكولين كدامة اني بنيه!"

- اطمئني يوم ما اغلط، بشي بس تعاي كولييلي منين تعرفتي علية؟ ولچ شحلاتة شهالطول هذاً وجسم! چنة ترگي ولج لا يشوفنة بناتي يموتن ههههههه

- خالة صدووك تحجين! دتتحرشين بواحد گد ابنج بعدين شبي عمو ابو طارق! اشـو يخبل!

- دسكتي اليسمعچ يكول ابو طارق مهند ! خليني ساكتة اشـو بس صلعتة تلمع لمع !! لا شعرة لا جسم مثل زلم

ضحكت " خالة حرام عليچ وين تلكين مثل عمو! شو يخبل واخلاقه تسوة الف رجال"

- هسة اني شكلت ياخالة رغم هذا وكلامي صدگي بالله اموت علية ، ابو بيتي ، هذا ربي يحفظة اليه من كل شـّر عوفج من هذا الحجي امشي نروح للحلُو وحبوببتچ ،

ضحكت واني امشي ورأها ، والله يا خالة عندها سوالف بس گلبها طيب....
وماعندها جذب وتحب الناس الحلوة! يعني هذا حلو؟ اشو اشوفة عادي بس شگلة يخـوف! يعني عيونه تخوف اكبر واحد وزائد هو مبين خبل رسميًا....
رحـت علية لكيت مصعد بيبي بالصدر بصفة ، وجايب الها مـّي وعصير
بصراحة حبيت هالشي... صعدت ليورا اني وخالة ام طارق ... وشوية وصلنا لبيتنًا ظاهر انـدل البيت من اول مرة ماشاء الله ذكي، هّم نزل بيبي هـُو وفتحت اني الباب ونزعت حذائي وخليت جنطة بالكاع واجيت ساعدته
وسندت بيبي ويآ... وخليتها بفراشهًا ... وكل هذا وهذا بعده! مرايح!
اجه ابو طارق اطمئن على بيبي واخـذ ام طارق وراح يكول البنات اجني من جامعة ويردن غدة.... بس حسيّت عيونة تسأل هذا منين الولد! لشوية واستآذن هالشاب ورأح رحـت ويا لشارع ودعت ام طارق وراحت لبيتهاً شفته طلع جگارتة ودخنها ...

مخُلد ... ولـو تدخل مني! بس سؤال..

- اتفضل أسال..

- انتو ماعندكم احـد بالبيت غيرك وغير الحجيه؟

هزيت رأسي بـ نعم" اي بس اني وبيبي! اقصد حبوببتي ، ابوي متوفي من زمان واخوية مات قبل كـم سنة ، عايشين اني وياها بهالمشتمل الصغيرة، واني ابيع خبز مثل مدشوف، وها نسيت! اشو مسألت بيبي علية حتى تكولك اني حرامي لو لا؟!

مخُلد بضحگة- الگتاب مبين من عنوانة يابة،

عقدت حاجبي " شقصدك؟" نفخ جكارتة بالهواء ومـٌد ايدة " مخُلد سليم وياك " ابتسمت وانـي امـّدها ليدي دأخل ايده الضخمة ... " تشرفت بمعرفتك استاذ مخُلد العصبي" ضحك بخفه ومشة شفته صعد بسيارتة السودة وتحرك بسرعة.... هالانسان غريب ساعد ناس مايعرفهم! ودفع من فلوسة الي! معقولة اكـو بشر بعدهم گلبهم طيب هيچ! عبالي انقرضوو....
تنهدت واني ارجع للبيت قفلت الباب ورحـت لبيبي سويت الها غدة...
وتغدينه اني وياها وسالتني على مخُلد ، كتلها سالفة كلهُا تفأجات هيَ....

- معقولة يمة اكـو هيج ناس عود هو لا يعرفج بس شفتي شلون گلبة طيب هالوليد يمة سندني سنّد اني كلت لو ما ناس چان شالني،

-هههههه بيبي والله عليچ سوالف ، بصراحة اني حسيّته خبل لاول مرة شفته وعصبي وشگًلة يخوف همات گلت بكلبي ويامن وكعت ... بس شگلة هسه لا حباب وطيب بس يدخن هواي

- لا تحكمين على ألبشر من إول مرة بنتي ، وبعدين شكـل مالة علاقة بالگلب اكـو ناس اشكالها تخبل بس جواتها حقد وغيرة وغرور ..
والشگل مو مقاس للأفعال ،

هزيت راسي من كلامها ، بصراحه مبين اخلاقة زفـت بس گلبة طيب...
وحتى لـو شكلة حلو ويخوف مو مهم المهم تصرفة اليوم وياي... وبعدين اني وين راح اشوفة مرة ثانية .. تنهدت وانـي اكـوم غسلت مواعين ونظفت البيت ودخلت سبحت،.. ونمت منا للعصر بصف بيبي على سريرهاً...
لليل وكعدت واجة عمي جاسم وبناته هم ومرته الحية على كولت بيبي
وهـم سويت عشة وساعدني بناته خطية صغار بس احبهن هواي
وحده صف سادس ابتدائي اسمها زهراء وثانيه رسُل صف اول متوسط ..
صبيت العشة وبيبي كاعدة بالاستقبال وهاي مرت عمي ولا كالت اساعدها بس تعلچ وكالبة خشمها.... شكد مكروها يربي.... خلصنه عشة ولميت سفرة... وراحٌو بيت عمي بالليل واني طفيت الضوة وگبل نمت من تعب....

بعد مرور اسبوع...

مـّرَ اسبوع بطولة بين شغل وتعب والبيع بشوراع ومـرات اروح للمسطر احمل وحاليًا ادور على شغل حتى اثبت بي لان بيبي متقبل اشيل طابوك وغيرة... من تشوف اديانتي جروح لـو امرض تظل تحجي علية ... وفعلاً بديت ابحث بالمطاعم عسى ولـو اشتغل يمهم أقدم لو انظف .. بس ماكو وتعبت من شغل هذا... وهـمَ صحة بيبي معاجبتني ابداً ضغط موتها
ويومياً لازم اقيسة الها اخاف يصعد فجاة وتروح من يدي... لميت فلوسي وضميتهم بجنطة ورحـت لسوك اخذت مسواك وكم شي وگبل للبيت... متت تعب وحُـرَ والعلاليك ثگال... ماحسيّت الا صوت وراية! مو غريب!

مخُلد، لك ها يالكـوري!!

درت وجهي مستغربة ! فتحت عيووني واني اشوف " مخُلد!"
نزل من سيارتة واجاني مبتسم چان لأبس بدي اسود وبنطرون اسـود ..
ولأبس گاسگيتة (قبعة) مثل مالت جيش .. ونظارت سـودة وكالعادة جكارة متفارك حلگة اقترب مني" هذا انت مخُلد العصبي!" ابتسمت اله

- لا خيالة ! لك شنو عصبي هاا!

ضحكت" انت عصبي وهذا الواقع! ياخي تقبله "

- بااع باع انـوب علية اني الكوريين!

ضيقت عيوني " شقصدك لك! اني كوري!! شنو عيوني قابل مثلهم!!"

اقترب مني وشمر جگارتة بالكاع نزع نظارتة وخـزرني من بين عيونة الحادة" ولك اذا احـد اني گلي لك امـّدة بالكاع وانسي حليب امك، بس انت !"

قاطعته " اني شنو!"

ضحك بخفة واخـذ مني العلاگات ومشّة لسيارة خلاهم بيها... اشرلي اصعد
رحت صعدت ويـا ومشينا للبيت.. انتبهت بسيارتة مسدس مخلي واكـو جواز سفر... وفلوس مطشرة شبي هذا!

- امم گلت اني بعد ماشوفك ،

دخن جكارة ورد علية برود" ليش يمة ! متريدني اجي ؟"

رديت بسرعه مبررة" لا مو هيج قصدي العفو بس گلت يعني ! و ، وو
و حتى بيتنا يمكن نسيتة،،"

انتبه علية بخفه ورجع نظرة لطريق" لا يابة اجيت اجي اصلاً بنفس اليوم الرحت منكم بيه بـَس صارت شغلة وسافرت لبيروت وهسة رجعت وچان عندي دوام مگدرت إجي "

هزيت راسي واني اسئلة" انت شنو شغلك دوامك؟"

نفخ جگارتة وطبك سيارة بصف باب بيتنه " ماشتغل الكدأمك طالب مرحلة ثالثة قانون عايدة اربعه سنوات بيها' انزل وصلنا"

فتحت عيوني واني انـزل" شنو عايد اربع سنوات!! صدك تحجي!!"

هز راسه وهـو يطلع الاغراض من سيارة ويسد سيارة" اي واالله معيـّد شسوي مالي خلُك اقرأ، يلا دگ الباب! خلي اشوف الحجية"

هذا صدك يحجي! يعني اكو واحد مثله يرسب هيج! يعني هسة شكد عمرة!
فتحت الباب بالمفتاح وصحت" بيبي اجـة مخِلدُ !"

طلعت بيبي من المطبخ وراها عمي ! عززا هذا شجابة!!!

- منو هذا استاذ انس!!

__________

يتُبع

لا تنسون تصويت وتعليقات....

والقادم اقـوة😉