رواية بيت الشيخ اسد الفصل السابع عشر 17 - بقلم yaqin_2004

#بيت_الشيخ_اسد
#يقين_التميمي

عريان السيد يكول؛
ومن وصلنه لبابهم كالو شجابك لاتجينه
يجاوبه الگاطع:
تالي طبكوا بابهم وبنار فشلتنه انجوينه

زمرد - خالو اني موافقه
ابو درغام - بيها الخير عمو تستاهلين
اسد - وهسه نكدر نكول الف مبروك
زمرد - الله يبارك بيك خالو
سعدية - اني كتلها ابن خالج ماكو احسن منه وهم ولد عمها بعد مايسون شي
اسد - شحدهم يطخوهت
سعدية - والله خايفه عليهن خاف اموت وياخذون بنات اري امن عليهن هاي دنيا كلشي يصير بيها وهنه بس بنات حتى ماعدهن اخو يسندهن
فارس - افا عليج خاله جا واحنا شنو والله محد يوصل لخيالهن لاتخافين
سعدية - الله يحفضكم
سيف - وهسه نكدر نكول اذا عرس درغام وخلصنا من عنده بعد ماعدكم اي حجه علمود زواجة جبير وراح يعرس
ابو درغام - نجب لك
اسد - انتم من تعقلون يله نزوجكم
زمرد - عفتهم يحجون وصعدت فوك بغرفتي ختنكت وبجيت ابد مارايده
ازوج هيج بس لازم على الاقل درغام
احسن من ابن عمي الي يريدني
ماسة - فتحت باب ودخلت لكيت زمرد تبجي ياا يااا عليمن هذا البجي المفروض هسه تكونين فرحانه
زمرد - لج خايفة خاف مااكدر اكون زوجة لدرغام گلبي ميت ولج ماادري شسوي
ماسة - عادي ترة بعدج ممتعرفه عليه بس تتعرفين عليه تتعلقين وتحبي اكثر
زمرد - يارب امين هو مايستاهل وحدة مثلي
ماسة - لاتحجين هيج اصلا انتم كلش لايكين سوه وهو مبين يحبج والله اكيد
راح يسعدج
زمرد - ان شاء الله
صار الليل وخوالي طلعوا راحوا لأشغالهم ماما دخلت نامت بغرفتها
والبنات كاعدات على مسلسل
دك تلفوني شفت شاشه مكتوب درغام
ختنكت ماادري ليش كمت طلعت برة
ورديت عليه

- الووو
- هلا زمرد شلونج
-الحمد لله بخير وانت
- بخير من سمعت صوتج
-سكتت وهو سكت شوية وحچه
-اكلج زمرد انتي وين كاعده
- طلعت برة بالحديقه ليش
- خوش شوية واجيج لحضه
-شعدك جاي شكو
- بعدين تعرفين
- سد الاتصال وبقيت بالحديقة شعده جاي بهل وقت مرت تقريب عشر دقايق
ودك الباب
رحت فتحته وهو دخل
- هاج هاي الج
- شنو هاي
-حلويات
- ها شكرا انطينياهن
- بشرط
- شنو
- خلي ابوسج بالاول
- فتحت عيوني ..شنو شنو شكلت
- كلامي واضح
- دنطيني حلويات وروح
- يعني ماترديني
- اي اريد بس حلويات
- خوش هاج
- مديت ايدي اريد اخذ علاگه من ايدي سحب ايدي وخله اديه على خصري وباسني بخدي تفاجئت بجرأته ...هاي شسويت انت
- ماسويت شي هي بوسه
- انت تحجي صدك
- اي وداعت خدودج الحلوة
- لك درغام شنو شدتحجي
- تحبين اجرب بغير مكان
- يحجي ويأشر على شفايفي ..امشي اطلع بره
- بس صيري بذمتي وشوفي شسوي بيج
- غمز وطلع من البيت جتي فضة
فضة- شبيها عروستنا
زمرد - نجبي انتي
فضة - شبيج گالبه وجهج
زمرد - ماعليج
فضة - لج زمرد منيلج هاي حلويات
زمرد - من درغام
فضة - عزه منو جابهن
زمرد - هو جابهن
فضة - يبووووي شوفي شون يفكر بيج
زمرد - دمشي تعاي دخلنا جوة كعدنا على فلم وصرنا ناكل بالحلويات

ميسر - يله ولج فله بده الفلم وين شامية
فلة - هاي خلصت شبيك تصيح خبصتني
ميسر - انتي عوبة شامية صارلج ساعه
فلة - ياناكر المعروف الا ماسويلك بعد
ميسر - اشاقة شبيج صرتي نفس ذولة معقدين ماتشاقين
دمار -لككك منووو المعقدين
ميسر - على دهام ومسلم مو عليك
دمار - نجببب
ميسر - نجبيت
فلة - هههه يلا امشينا خلصت شامية.. خلي شامية بسلال ارربع سلات بيها شامية سويت دخلنا للديوان الولد كلها
متجمعه بي حتى شيخ عقاب
مسلم - اي واخيراااا خلصت شامية
ميسر - نجب لك ايدك وخرهاااا انت ماتاكل ويانا
مسلم - خاب ولييي مااكل شنو مو اخوك انه
ميسر - وكت الاكل لاعرفك ولاتعرفني
مسلم - ايا نذل بسيطة هم تجيني تريد فلوس مني
ميسر - مايحتاج ادخل لغرفتك واخذ منك بدون ماتدري
دهام - كافي شبيكم سكتوا الفلم بده
عقاب - انتوا كملوا سهرتكم انه رايح
ميسر - لالا وين شيخ بعده مابادي الفلم
عقاب - وراي شغل صبحون على خير
فلة - طلع شيخ هليام ضايج ماادري شبي
ميسر - فلة طيتي هاي الحلويات يمج
فلة - ولك شنو انت نسردت شبيك كليت كلشي والفلم بعده مابادي
مسلم - هو دشوفي شون مخلي سلة بحضنه امداك
ميسر - اكل خرا حبيبي
مسلم - مااكلك حبيبي
دمار - وتالي وياكم انتوا شنو الحل
فلة - كوم اكتلهم
دمار - نجبي كومي نامي انتي يله الوكت تأخر
محمد - انه اروح لبيتي يله الله وياكم
ميسر - اوكف اوكف رايح لبيته وماخذ نص حلويات ضامن بدشداشتك رجعهن يله تطلع منا
محمد - دسكت لااكوملك
مسلم - ولك محمد هاي شكد ضام هههه
محمد - شبيك ماخذهن لابني
مسلم - دمار شنو هذا بيدك
دمار - عرك هذا
ميسر - هههههه لك عصير هذا
دمار - ادري بس بلون العرك
فلة - لازم شارب قبل
دمار -ماعليج
مسلم - راحت السهرة هيج لافلم شفنا لا شي هههه
دهام - هو بعده كلشي مابادي اكلتوا كلشي
ميسر - طلعوا باب الحارة
دمار - لا طلعوا اكشن احلى
فلة - احسن شي طلعوا ربانزل
دمار - واحنا زلم مشوربه نكعد على زر** مدري شسمها
فلة - شبيك الزم لسانك
ميسر - انه نتفخت كلش
مسلم - حقك مو اكلت شكد
دهام - دكومو هي هاي هم سهرة
فلة - وكف دهام اخذ صينية الحلويات يريد يطلع
ميسر - لالا ارجع يله هلي نكعد
مسلم - طلع دهام يشتري ويجي
فلة - شغلوا فلم وكاعدين عليه
ميسر ومسلم بس ياكلون دهام
ودمار بس يسولفون والفلم محد
كاعد عليه
ميسر - هاي ليش طفيت الشاشه
دمار - بعد شبعت كوموا ناموا يله
مسلم - لا دمار شسالفتك وكفت
شغلت الشاشه
فلة - دخل دهام وبايده علاليك
دهام - هاكم شوفوا اكوو واحد يشتري بكدي
فلة -جريم وبالكرم معرف وحاير شرد اوصفنك
دمار - دسكتي حتى شعر ماتعرف تشعر
ميسر - بربك شنو بكت فلوس وشتريت
دهام - طاح حضك ولك انه مابوك مثلك
ميسر - جا منين جبت فلوس
دهام- غير اشتغل بالمعرض سيارات شبيك انت
ميسر - بربك دشمرلي كم ورقه
دهام - نجب
فلة - دخلت وبأيدي صينية عصير يله تعالوا هاي امدادات للسهرة حتى متخلص
ميسر - اروح فدوة بس انتي تفهميني
فلة - بعد روحي انت
دمار - كافيييي شبيكم شنو هذا الغزل
فلة - ابن عمي واتغازل بي طالبني
دمار - مو اكوم اخبزج خبز
فلة - اكول لعمو عليك
ميسر - دهام ليش تبجي
دهام - الفلم يبجي
ميسر - ثووول هههه
فلة - نفتح الباب ودخلت هسه شجابها هاي
معصومة - هلاو عادي اكعد وياكم
ميسر - لاهلا اقصد تفضلي
فلة - هله هله بمعصورة تعاي دخلي
معصومة - انتي شنو هذا الاسم مطلعته الي احترمي نفسج احسلج
مسلم - قابل مجذبة صدك معصورة انتي
فلة - اوييي حبيبي صدك تحجين عبالج ماادري بيج مساع تحجين عليه انتي واختج وهسه جايه تعلمين الاحترام اول شي احترمي الناس الي بالبيت يله نحترم احنا
معصومة - بحياتي ماشفت وحدة مثلج حقيرة
فلة - لا والله ماغيرج انتي حقيرة امشي ولي طلعي يله
ميسر - السبع يطلع دم السبع يطلع دم
معصومة - مثل ماهم ولد عمج هم هم ولد خالي وهاي كاعدة هنا
فلة - انتي شنو ردت احجي وقاطعني
دمار - كافي بس شبيجن تسودنتن يعني ماتنجمعن بمكان اذا ماتعاركتن
فلة - كعدنه كلنا سوه وهي تدك سوالف وي دمار واخزر بدمار ولا يفيد وياه
خليت وطلعت بره ختنكت خيولون نارهم تاكل حطبهم بسيطة يادمار بس اصبرلي صارن اثنين عليك اني اعرف شون ارجع حقي جاي امشي ومااسمع بس صوت مثل الانفجار ونار صارت تتطاير فوكي خليت اديه على راسي وضليت اصيح خبصت البيت خباص بالصياح واشوف الولد طلعوا كلهم يركضون
دمار - كوميييييي منا فلة لاتلوحج النار
فلة - سحبني من ايدي وهم كلهم طلعوا يركضون يردون يشوفون شكو والرعبه بعدهي بصدري ضليت ادك والطم لحد
مارجعوا كلهم
وكفت ورحت يمهم واني بس ابجي ودموعي غركتني
- شكوو شكوو ليش هاي نار شصار
دمار - لاتخافين فلاتي ماكو شي محولة طكت صاير عليها حمل ونفجرت ماكو شي
فلة - شون ماكو شي وهاي نار ترست البيت ترس
دمار - شو تعالي عليش هذا البجي
فلة - كعدني على كراسي الي بالحديقة صار يمسح بدموعي ويهدي بيه
دمار - اشش اشش لاتبجين انه يمج
معصومة - دكافي عليمن هاي العيارة هسه لو بس تردين تجذبين الانضار
فلة - من حركتني واكوم جريتها من شعرها وكعتها بالكاع كعدت عليها ملختها تملخ دمار اجة يريد يوخرني
مايكدر ماعرف منين جتي القوة بس
احس روحي رتاحيت من كتلتها خرمشت وجها كله صار دم ادينها لحد ماجه دمار لزمني من وره ضهري ورفعني عنها
دمار - شبيج نهديتي على البت تخبلتي انتي
فلة - ختولي اني صابرة عليها وللصبر حدود ومااتحمل بعد تمشي عدل لا والله المرة الجاية اكسرج ومحد يمنعج مني
معصومة - الا اكول لخالوا عليج
فلة - هههه شتگليله خالو تعال لفلة كتلتني لأن اغلط عليها
دمار - ولج فلااااااا كافي
فلة - انت اسكت ماعليك نسوان وبيناتنه لاتدخل بينا خوووش
دمار - يطبجن مرض
فلة - عافنا وراح دخل للبيت وهاي تبجي وجهه مشوهته تشوهه بالخراميش حييل تستاهل صعدت فوك واسمع صوت ونين ودك باب عقدت حواجبي منوو شنو هل صوت هذا
تقربت واشوف شيخ عقاب واكف ويدك باب ريماس وهي ماتفتحه
فلة - شيخ شكوو شصاير
عقاب - تعاي شوفيها فدوة اقنع بيها تفتح الباب ماتقبل راح تخبلني ماادري شبيها
فلة - هي هاي الايام وضعهاا مدري شلون حابسه روحها وماتنزل
عقاب - شوفيها انتي انه ماتقبل حتى تشوفني ماجاوت قبل هيج
فلة - اني يمها شيخ طمنته وهو واكف بالباب منتضرين ريماس تفتح باب
- ريماس عيني اني فلة فتحي باب يله
ريماس - لاجذبين يمج هو مووو
فلة - منو قصدج
ريماس - هذا عقاب
فلة - باوعت للشيخ غمض عيونه كوة لازم نفسه وصوت نفسه عالي اشرلي اگولها ماكو
- رموسة عيني ماكو ماموجود راح
ريماس - خوش
فلة - فتحت الباب ريماس غيونها ذبلانه ولونهن حمرر صايرات وجوة عينها كله سواد وشعرها مكفش باوعتلي وباوعت للشيخ وعاطت
ريماس - لج فلةةةة حاجيه خلي يروح فدوة ماريد اشوفه عليج الله خلي يروح ماريده ماريده وجهه قبيح
فلة - تهسترت وصارت تملخ بروحها شيخ من شافها هيج دخل للغرفة وهي بقت تبجي بجيت عليها ماادري شبيها
ريماس - فلة شوفي شوفي ذاك واكف بالزاوية وجهه كله نار يريد يكتلني لج اخاف مااكدر انام
فلة - شنو هو حبيبتي ماكو شي هاي اني يمج
ريماس - ولج هذاااااك والله اجه اجه يمااااااااا لحكيني فدوة وينج
فلة - صارت ادك على وجها وتبجي ومغطية نفسها بالغطة لافه روحها
لف بي كعدت بالگاع يمها وابجييي
ريماس - فلة خلي يروح ماريد اشوفه حبابه فدوة حتى بالحمام اشوفه يريد
يخنكني شوفي شوفي شون مخرمش جسمي مااتحمل بعد طلعوه من الغرفة
فلة - طلعتلي ادينها عبارة عن خراميش ودم يابس عليها وترجف
ريماس - اكلج شوفي شوفي فلة شون يضحك وياشر بأدينه خذيني يمج اخاف هنا فدوة
فلة - كومي كومي خلي انشوفلج حل كمت وطلعتها وياي وهي كل شوي تتلفت دخلتها بغرفتي وكعدت يمي
ورجعت تصرخ
ريماس - ولج هذااا مايعوفني لحكني هنااا شوفييي يمة راح اموت ربييييي
اخذ روحي مااتحمل بعد موتنييييييي
فلة - اش اش اعدي اني يمج ماكو احد والله شوفي الغرفة فارغه لاسوين هيج
بنفسج تتأذين
ريماس - موو هو يحجي وصوته يخوف يكلي اخنكج وييبقى يضحك
فلة - ريماس تردين تتعالجين وتخلصين من هذا المرض
ريماس - اي اي فدوة كلشي اسوي
فلة - خلاص باجر ناخذج لمكان حتى تتشافين وترتاحين
يله هسه نامي واني يمج
ريماس - خاف هاي المرة تجيني طايرة بس عبايه حتى ماعدها لارجلين ولا شي وجها مايبين وبس تضحك هم
فلة - اني يمج نامي يله
ماطولت يمكن دقايق وغفت بسرعه تسحبت منها وطلعت من الغرفة واشوف شيخ واكف على صفحه ويدخن جكاير
عقاب - شلون صارت
فلة - شيخ اني متأكدة ريماس مو طبيعيه قبل جانت بس تضحك وتشاقه هسه صايرة كلش وتكول يتخيلي اشياء
عقاب - ههه هي حتى انه ماتريدني
فلة - شيخ متأكدة ريماس مسحور الها
عقاب - وانتي شعرفج
فلة - منوو بهل وكت مايعرف وبعدين السحر مبين ذاك عو اني اكول لو تاخذونها لسيد شي يعالجها اذا بقت هيج راح تموت والله ماشايف حالها شصاير بيها
عقاب - باجر اخلي امي وانتي روحي وياهم ونشوف شنو سالفه
فلة - يله تصبح على خير دنحجي اني وشيخ ومانسمع بس تكسر جاي من غرفتي ركض شيخ كدامي واني وراه دخلت لكيت ريماس تكسر بالغراض وتصيح
ريماس - امشييييي منا ماريدكم كلكم ماريذكم وخروووووو عني وخروووووو
قلة - ركض شيخخ عليها حضنها وكعد
صار يمسح بوجها ويمسد على شعرها
عقاب - كافي كافي قدوة الج جاي تعذبيني بيج ليش هيج سوين
ريماس - طلعوه من الغرفة فدوة مااتحمل صوت ضحكاته بعد
فلة - تحجي وتبجي وشيخ صار يجي وياها خليت وطلعت من الغرفة بالباب صرت ابجي واني اسمع حجيهم
عقاب - شنو هو الي اطلعه
ريماس - هذا هذا واكف هناك شوفة شكله يخوف وجهه كله نار
عقاب - خليني اساعدج
ريماس - انت هم مثله شوف جاي تضحك عليه لأن هيج حالي مو
عقاب - لا بوية مو كثله شلون اضحك عليج انه مانام ليلي باقي بس اراقب بيج خاف يصير شي بيج
ريماس - حباب اطلع برة والله مااتحمل شوفتك شكلك يخوف
عقاب - هاي هيه لاتخافين رايح فدوة بس لاسوين بنفسج شي ليش شعرج الحلو هذا هيج صاير
ريماس - ماعليييييك بيه روووووح اطلع
فلة - طلع شيخ من الغرفة عيونه حمر وراح دخلت لكيت ريماس كاعده وحاضنه رجليها واديها على عيونها
ريماس - ليش هيج يضحك عليه
فلة - شيخ مايضحك عليج شيخ متعذب عليج انتي ليش هيج تسوين
ريماس - لادافعييين عنا انه شفته بهذني عيوني يضحك عليه هو وهذا
فلة - اشرت على مكان بالغرفة ورجعت تبجي
ويماس - انتم ماحاسين بيه لج شوفي رجليه شصاير بيهن شوفي
فلة - طلعت رجليها كلها مكانات صايرة ازرك واحمر وبنفسجي شهكت وخليت اديه على حلكي .. ريمااااس هاي شنو
ريماس - هاي يجون ليليه يضربون بيه
فلة - صارت تبجي وتدور بعيونها بالغرفة مرعوبة ...منو يسوي هيج وياج
ريماس - هذا نفسيته الواكف بالغرفة شوفي جاي يضحك عليه
فبة - اهدي اروح اجيبلج علاج واجي ..وكفت اريد امشي لزمتني من رجليه وعيونها مغوركه بدمع
ريماس - لاتعوفيني وي هذا
فلة - لاتخافين ماكو شي والله بسرعه بس اجيب علاج حتى تنامين مرتاحه
ريماس - خوش مو تتأخرين
فلة - لا مااتأخر ...طلعت من الغرفة واني ابجي على حالها الله لاينطيهم الي كان سبب نزلت خذيت منوم الها حتى شوية تنام
صعدت فوك للغرفة وفتحت الباب واشوفها
- لج هاااااااي شمسوية ريماس ...!!

يتبع ...

بنات خلي اوضح شي ترة الصور مو صور الابطال الحقيقيه هذني
هذني بس تشبيه الهم يعني مو هم بس يشبهون الابطال